الســــــادات والجرابيع

قبل السرد نود أن ننوه أن قرار وقف نشر سلاسل المقالات نهائى ولا عوده فيه ودواعى القرار ترجع لكم ولا يد لنا فيها وأدهشنى تعليق أحد المتابعين على الصفحه العامه أنا بقرا لنفسى علشان أعلم الأجيال اللى جايه أما تداعيات قرارنا فيتحملها دواعى قرارنا  لكنى سأظل أكتب مقالات عارضه لو أستفزتنى الأحداث وسأظل أكتب لنفسى فى جروبى الخاص بى وحدى كأفراغ للشحنه الموجوده بداخلى ونخش فى موضوعنا 

الجربوع هو أقذر وأصغر الحيوانات وأقل حجما من الفار وشكله العام مقزز جدا

السادات لست أنا من يدافع عنه ولا عن تاريخه الذهبى المحفور بحروف من نور فى سجلات التاريخ المعاصر ولكنى هنا بصدد توضيح مايحاول البعض تغافله أو تلويث تاريخ لم ولن يصنعه غير السادات

لن تكفى صفحات الفيسبوك البغيض للدفاع عن السادات الذى أحترمه أعدائه قبل أصدقائه ولا أجدنى أبالغ بل أذكر حقائق سجلها التاريخ فهو القائد العربى الوحيد الذى حقق أنتصارا عسكريا وسياسيا على أسرائيل واللى عنده كلام تانى يفكرنى يمكن الزهايمر مسك فى نافوخى

السادات هو القائد العربى الوحيد الذى أستطاع إسترجاع هيبة الجيش المصرى تحديداً والجيوش العربيه عموما

السادات هو الوحيد اللى أستطاع توظيف البترول كسلاح فى الحرب وأتحدى من يثبت عكس ذلك بل أصبح البترول حاليا نقمه مش نعمه

السادات هو الوحيد الذى أستطاع أسترجاع أرضه وأتحدى حد يثبت ان العرب من بعد السادات أستطاعوا أسترجاع حفنة رمل واحده حتى ياسر عرفات لم يفعل شئ بل بالعكس راح رمى نفسه فى قفص فراخ تحت سمع وبصر أسرائيل

من منكم يستطيع أن يأتى بإنجاز واحد حققه العرب كلهم بربطة المعلم على أسرائيل بل على العكس أسرائيل هى من حققت عليهم أنتصارات سياسيه متتاليه وأصبح علمها يرفر فى سماء كل الدول العربيه بدون مقابل مثلما فعل السادات وأسترد تراب سيناء كاملاً عنوةً وتفاوضاً

عندما شرع السادات فى خوض حربه الثانيه مع الأسرائليين وكانت حربه الأولى عام 73 (( معلشى حتعبك معايا أرجع لتحليلاتى السابقه ))

http://genralbahaaelshamy.blogspot.com.eg/2017/08/blog-post_31.html

ذهب إلى الكنيست الأسرائيلى فى عقر دارهم متحديا كل الأعراف العسكريه والأمنيه والدبلوماسيه وأستطاع خوض حرب مفاوضات ضروس مع الأسرائيليين حتى أستطاع أسترداد كامل تراب سيناء

هنا يأتى السؤال ماذا فعل العرب كلهم على بعضهم ببترولهم وثرواتهم وثقلهم السياسى الذى صنعه لهم السادات ؟؟؟ ......... الأجابه ولاحاجه فى أى حاجه

بعد ده كله يطلع عيل بكافوله ومصروفه فى اليوم 3 أكياس شيبسى و 2 نايتى يقولك أتفاقية العار طيب ياحيلة أمك وحيلة الوطن العربى كله أنت عملت إيه واللى وراك عملوا إيه وأى نحنوح عنده حل غير كامب ديفيد يتفضل يتحفنا بيه وياريت يقودنا لتحقيقه لتحرير 5 سم من أى أرض عربيه أحتلتها أسرائيل

عارف أن اللى حقوله عيب دلوقتى بس لازم أقوله ماحدش قدر على أسرائيل غير السادات ياجرابيع

للأسف الشديد أنا لاأحب السادات ولم ولن أحب أى حاكم لمصر لكنى أحترم وأقدر أى عقليه فذه تستطيع تحقيق مالايحققه الآخرون

اللى عاوز يغلط أو يشوه فى تاريخ السادات يتفضل يغير الكافوله الأول علشان بقرف من الريحه الوحشه ويتفضل يناظرنى وأنا أعرفه من هو الحاكم العربى المصرى الذهبى اللى عمل لوحده فى 10 سنوات اللى ماحدش قادر يعمل 1 % من اللى عمله مهما قعدوا على الكراسى 

أوعى عيل يقولى السادات كان عميل أمريكى ... لاياروح ماما روح بص كده على الدول العربيه وقولى أخبار حكامها إيه
أوعى عيل يقولى الأمريكان مزعلوش على فقدان مورسسيان أحسن الناس تضحك عليه 

الكلام حلو وسهل جدا جدا لكن الواقع صعب جدا والسادات ساب واقع ماسابشى كلام ياجرابيع 

#جنرال_بهاء_الشامى