الـســـادات والجرابيع العرب والأخوان والبدع السياسى

بعد هزيمة حرب 67 لم تتوقف محاولات التفاوض لأسترجاع سيناء وتدخل وسطاء كثيرون لكن إسرائيل كعاداتها رفضت التفاوض بل وكانت تستفز عبدالناصر بمقولة لو أراد عبدالناصر التفاوض للحصول على السلام عليه التفاوض من أول الحدود الغربيه للقناه (( أرجع لخطب عبدالنالصر فى هذا الشأن

قبل حرب عام 73 سأل السادات رؤساء جيوشه وقادة الأسلحه عن المدى الذى يستطيعون حمايته بعد التحرير كتقنيات عسكريه فكانت الأجابه 17 كيلو بعد شط القناه الشرقى فقال السادات مقولته الشهيره أنا عاوز شبر واحد من سيناء بالقوه وأنا حجيب الباقى بالترابيزه (( يقصد هنا التفاوض من منطلق المنتصر )) يرجى الرجوع لكتاب (( البحث عن الذات ))

بعد أنتهاء حرب عام 73 أنتهى دور العسكريين وبدأ دور الثعلب السياسى السادات وذهب للكنيست ومن ثم خاض معركة مفاوضات كامب ديفيد وأستطاع من خلالها أسترجاع كامل تراب سيناء للإداره المصريه وهنا هاجت الدول العربيه كلها ماعدا الأمارات وأتلم جرابيع العرب عند صدام حسين وأتحدوا على تجويع المصريين ونقلوا مقر الجامعه العربيه لبغداد (( هو ده السبب الرئيسى اللى خلى السادات يترمى فى أحضان الأمريكان )) وطبعا كلكم فاكرين البهدله اللى شافتها مصر على أيد الفلسطنيين وبتمويل عربى وخصوصا الكلب معمر القذافى وكانت تفجيرات فى كل مكان فى مصر أشد قسوه وضراوه من تلك التى تحدث فى هذه الأيام

المهم علشان مانقلبشى فى جراح قديمه من العرب أستطاع السادات أسترجاع 60 ألف كيلو متر هى كامل التراب السيناوى لحضن مصر وقالت جولدا مائيير فى مذكراتها لاأعرف كيف سرق مننا السادات سيناء ولاحظ هنا انها قالت سرق (( صعب أنك تسترجع شئ سرقه اليهود ))

والسؤال الذى يطرح نفسه من وقتها ولايريد العرب سماعه ماذا حقق العرب وهل أستردوا شبر واحد من أراضيهم للأسف لم يفعلوا شئ بل بالعكس ولا بلاش الكلام علشان بيوجع

مات السادات وجاء مبارك وخشيت أسرائيل وأمريكا على الأتفاقيه وطمئنهم مبارك على أحترام مصر لمعاهداتها ومشى مبارك وجاء المجلس العسكرى ليتولى شئون البلاد وفعل نفس الشئ

طوال هذه السنوات كان الأخوان مصدعينا بشعاراتهم الرافضه لأتفاقية كامب ديفيد وحمبوزو لاوى بوزو والشويتين بتوعهم

أن آآآن آآآآه موسيقى تصويريه ومارشات عسكريه والأخوان مسكوا الحكم وكان الطبيعى حسب ماصدعونا أول شئ يعملوه ألغاء أتفاقية كامب ديفيد أو على الأقل تعديلها لكن للأسف المهيطل مورسى كان حريص قبل حلف اليمين فى ميدان التحرير طمأنة الحبايب فى أسرائيل ورد الجميل للأمريكان وأيضا بعد حلف اليمين فى خطاب جامعة القاهره كان حريص على طمأنة اليهود على الأتفاقيه

دلوقتى بقى تسمع عيل اللبانه مدوخاه ومبهدله هدومه وبنطلونه ساقط منه يقولك عسكر كامب ديفيد وأتفاقية العار والأفشخانه فى الدكانه ولم يقرأ التاريخ القديم ولا الحديث ولم يقرأ أو يسمع ماذا قال مورسيهم لكنه تم برمجته على أهانة جيش بلده اللى حامى مامته وأخته من النوم إجبارا فى خيمة أمير المؤمنين أبو بكر البغدادى العنتيل الجديد

اللى عاوز يحرر فلسطين والقدس ويلغى معاهدة كامب ديفيد بدل مايلف وسطه بمتفجرات ويفجر نفسه فى وسط المسلمين يروح يفجر نفسه وسط اليهود ولو حسبت عدد الأنتحاريين اللى فجروا نفسهم حتى الآن ستعرف أن عددهم يساوى نصف تعداد أسرائيل يعنى من يوم ماطلعوا موضوع الأنتحاريين لو نفذوه فى الأسرائليين كان زمانا خلصنا من الشعب الأسرائيلى كله

السياسه هو عالم المصالح والكذب لكن المتاجره بالدين والشعارات الدينيه الرنانه ده أسمه بدع يادلعدى

#جنرال_بهاء_الشامى