الألتفاف الوطنى وعدم الأنحياز

تفريغ الحياه السياسيه

تجميد الحياه السياسيه

تفريغ المشاهد السياسيه

تلك المصطلحات السياسيه التى يسعى تنظيم الأخوان الدولى لترسيخها فى أى مكان يتواجدون فيه للوصول بسهوله لكرسى الحكم

أحنا بنتهم الأخوان بالجهل والغباء وهذا مجافى للحقيقه فلم يستطيعون الوصول والتوغل فى معظم دول العالم وهم أغبياء ولم يستحوزوا على ثلث الأقتصاد الحر الألمانى بغبائهم  ولم تعتمد عليهم أجهزة مخابرات وهم أغبياء لكن تمثيل الغباء جزء من مخططهم فكيف تعتمد أمريكا على أغبياء وتعالى نشوف ياأستاذ ذكى أزاى بيوصل لغرضه وأنت اللى بتساعده بنفسك ياأستاذ ذكى

تفريغ الحياه السياسيه كان ملحوظ أيام مبارك جدا  فقد نجحوا فى تشويه كل شئ يتعلق بالسياسه لكى ترتمى فى أحضانهم ولم تجد أمامك سياسيين غيرهم بعد أن نجحوا فى تشويه ماعداهم  ونجحوا فى الحصول على 88 مقعد برلمانى ولولا تدخل مبارك فى المرحله الثالثه لكانت المفاجأه ونجحوا لأنك ساعدتهم فى تشويه المشهد السياسى ولم تجد أمامك غيرهم

فى أحداث يناير 2011 ماسرقوش منك الثوره وبلاش تضحك على نفسك ياأستاذ ذكى العاطفى أنت اللى عميت عنيك عمن سواهم وتركت لهم الحبل على الغارب يفرغون المشهد من أى سياسى حتى أسامه الباز اللى كان معاهم فى الميدان قالوا عليه نسوانجى وخامورجى وعمر سليمان قالها عرفوا يستحوزوا على الشاره ومنظمين نفسهم   

من من السياسيين لم يشوهوه ومن من السياسيين لم يطلقوا عليه أكأذيبهم وأسماء التريقه

أنا حقولك ولا أنت عارف وعامل مش عارف ومين اللى حاول يشوه عمر سليمان وقالوا عليه العقرب السام وأنت بتردد وراهم رغم أنك بتحبه ومين ومين اللى شوه كل من خاض أمامهم أى معترك أنتخابى ولا لحقت تنسى

مين اللى قال كل نظام مبارك بدون أستثناء فاسد ومين اللى قال المسيحيين مؤيدين لمبارك ومين اللى قال الداخليه بلطجيه ومين اللى قال يسقط حكم العسكر ومين اللى حاصر مدينة الأنتاج الأعلامى ومين اللى حاصر المحكمه الدستوريه ومين ومين ومين وأتحداك تجيبلى فرد واحد مش من الأخوان مخونهوش ولا شوهوا تاريخه

 أوعى تكون ناسى أن البول تاجى هو اللى كان وراء القبض على صبرى نخنوخ وهو اللى راح وزارة الداخليه ولفق له القضيه

وأوعى تكون ناسى أن السلفيين اللى ضغطوا على الداخليه للقبض على إبراهيم فرحات وكانت دى المره الوحيده اللى تدخل فيها الداخليه مايطلق عليه مثلث برمواد مصر

أوعى تكون ناسى أنهم منسيوش يشوهوا الفنانين والأعلاميين ورجال الأزهر وشيخ الأزهر ورجال الكنيسه وبابا الكنيسه وحتى الدول اللى وقفت جنبك فى محنتها تقدر تقولى من اللى شوهها

طبعا لازم يشوه كل ماعداه بأفكار دونيه حتى لاترى فى الساحه أمامك غيرهم ليعيدوا نفس الكره بعد ترك السيسى للحكم ومش لازم يجيب لك وجوه قديمه ممكن تفاجأ بوجوه جديده لاتعرفها

الأخوان صبروا 80 سنه للوصول لكرسى الحكم فى مصر  وحيصبروا 8 سنين وعشره لحد مايوصلوا تانى لغرضهم بتفريغ الساحه من دونهم

تهميش وتحقير الآخر أسلوب قديم للأستحواذ على المشهد ويعتمدون على حالة الجهل المعلوماتى السياسى ولما يقولك ويرسخ جواك حادثة طائرة البطوطى وينط قدامك أن السيسى هو الناجى الوحيد وأنت تردد وراهم بدون تفكير ومحدش كلف نفسه يراجع تواريخ حصول السيسى على دوراته العسكريه ومحدش كلف نفسه يفكر لحظه أزاى السيسى بعد ماياخد دوره عليا ياخد دوره أقل منها ولا تتفق مع سنه وعمره ... مش عارف دى ركبت معاكم أزاى ؟؟؟

أنت مش محتاج اللى يثبت لك أكاذيبهم أنت محتاج فقط تشغل عقلك دقيقه واحده ومين قال أن عمرو موسى مسئول عن ليبيا وقرار ليبيا ومحدش كلف نفسه يفكر القرار فى الجامعه العربيه بيتاخد أزاى

السيسى فى نهاية 2015 وبعد ماساعد أحمد أبو الغيط فى الوصول لمنصب أمين الجامعه العربيه نفس السيسى فى نفس الجامعه وبعد وصول أحمد أبو الغيط للمنصب تقدم بمشروع قوات الردع العربيه وفشل المشروع فهل المسئول أحمد أبو الغيط ولا المسئول الدول اللى رفضت المشروع وتحججت بعدم التفرغ لأنهم مسافرين كامب ديفيد علشان يقابلوا أوباما يبقى مين اللى أفشل المشروع أبو الغيط ولا من بيدهم القرار ولما ماهواش أبو الغيط ليه عاوز تلبس عمرو موسى مصيبه مالوش فيها

هل القرار اللى طلع من الجامعه العربيه طلع بأوامر من عمرو موسى وهل يملك زفت موسى سلطة إتخاذ القرار ... حد يفهمنى دى ركبت معاكم أزاى ؟؟؟

عمرو موسى دخل الأنتخابات زيه زى غيره واللى أفشله هو يسرى فوده فى اللقاء إياه بينه وبين أبو الفتوح ومحدش سأل نفسه ليه الحلقات ماتكررتشى مع غيره والراجل أعترف أنه أتهزم وأخطأ فى هذا اللقاء وتقبل النتيجه

أوعى تقولى أن فيه فى أى دوله فى العالم والتاريخ متلقح قدامك أسأله يحكمها رئيس بدون توافق مع جيش البلد وأتحداك تثبت

الأخوان خلوا مصر كلها خونه وخصوصا اللى قاعدين فيها من رموز المعارضه واللى أنا أعرفه أن الخونه هما اللى هربوا بره وسابوا بلدهم فى عز أزمتها وبيهاجموها من بره

منعول أبو عمرو موسى على أبو حمدين صباحى على كل اللى بيشتغلوا سياسه محدش فيهم كان من باقى عيلتى ويولعوا بجاز  بس أنا ليا عقل بفكر بيه وأعرف مين الخاين فهل يتساوى عمرو موسى بمحمد البرادعى ... مش برضوا تشغل دماغك ياأستاذ ذكى

هما دول الأخوان ومشتقاتهم اللى قالوا بهاء الشامى مره مسيحى ومره 6 أبريل ومره أخوانجى ومحدش كلف نفسه يفكر بهاء أبو محمود وأحمد أزاى يبقى مسيحى وأزاى بهاء يبقى من 6 أبريل وهو عمره ماعرفهم وأزاى يبقى أخوانجى وهو ألد أعدائهم ومحضر التهديد بالقتل بتاريخ 31 / 12 / 2012 موجود فى الداخليه

مش مطلوب منك تحب وتكره بس المطلوب منك تحكم عقلك وتخاف ربنا قبل ماتوجه أى أتهام بالباطل لغيرك وتشوف مين المستفيد من الحاله اللى وصلنا لها كله مش طايق كله علشان نتشرذم ونتفكك علشان يصطادونا واحد واحد لأنهم أتقرصوا لما حطينا أيدينا فى إيدين بعض لمدة أسبوع

نفس السيناريوهات القديمه بتتنفذ بحذافيرها لكن بوجوه جديده وجاى تقولى على نفسك ذكى والأخوان أغبياء ... لو كنت ذكى مكنتش ححتاج  أنزل مقال زى ده ... لو كنت ذكى كان طوروا من أساليبهم معاك وللأسف حضرتك ياأستاذ ذكى بتتهمهم  بالغباء

جنرال بهاء الشامى