الثوابت والمعطيات والتغيرات المرحليه والموقف الأسباجتى

هذا المقال سيرد على كثير من الأسئله التى تدور ببالك لكنه للأذكياء فقط أما أصحاب البنطلونات الساقطه والمقطعه والفيسبوكيين المتفزلكين  أنصحهم  بعدم القراءه لأنه مش حيفهم أى حاجه

الثوابت هى الأساسيات التى تدور فى فلكها المنظومات وأن تغيرت البرتوكولات أو عدلت عند الحاجه كطبيعه مرحليه

المعطيات هى الأحداث التى تمر والدلائل والبراهين والتفنيدات

التغيرات المرحليه هو التصرفات التى قد تطرأ فى المشهد أو الأحداث أو الملف ولاتخرج خارج نطاق الثوابت العامه

الموقف الأسباجتى هو التعقديات التى تطرأ على المشهد أو الملف الواحد وتتعدد المصالح وتتعارض وتتشابك بين أكثر من طرف وتختلف فى جزئيه من الملف وتتفق فى جزئيه وتتباين فى جزئيه وتتعارض مع جزئيه أخرى تتفق فيها على جزئيه أخرى مع طرف آخر فى نفس الجزئيه رغم الأختلاف فى جزئيه مع الأتفاق فى جزئيه فى نفس الملف



شفت أنت أتبرجلت أزاى من الكلمتين اللى فاتوا هو ده بقى الموقف الأسباجتى وتعالى نوضحها وحديك مثال (( أنت فى الملف السورى مثلا مختلف فى جزئيه مع السعوديه والأمارات ومتفق مع الروس فى جزئيه من الملف ومختلف مع الأمريكان فى جزئيات ومتفق ومختلف مع إيران فى جزئيات ومتفق ومختلف مع إسرائيل فى جزئيات وشعبك نفسه متفق ومختلف فى نفس الملف بين مؤيد ومعارض ومحايد ومش فاهم حاجه فى أى حاجه ولو حطيت كل ده فى طبق يظهر قدامك طبق أسباجتى متشابك

الثوابت و نرجع تانى من الأول ونقول أن الثوابت وألف باء الدول الأستعماريه أو الأنتهازيه هى الحفاظ على مناطق النفوذ بدون إتلافها يعنى مش حسرق منك البقره اللى بتحلب وأقتلها وأحرم نفسى من لبنها اللى أنا سرقتها مخصوص علشانه ولو رجعنا لورا بالذاكره حنلاقى مثلا إنجلترا لما كانت محتله بلدك أقامت خطوط سكك حديديه مش علشان سواد عيونك القرنفلى علشان مصالحها تمشى وكانت هى محتاجه لهذه الخطوط عندك وعملتها من فلوسك ومن دمك وهى صاحبة المصلحه الأولى وعاوزك تقلب الأنترنت وتتشقلب وتجيبلى دوله أستعماريه خربت الدوله التى أحتلتها وقضت عليها تماما ونهائيا وحديك مثال تانى أمريكا لما دخلت العراق خلتها خرابه وقسمتها وطيفتها وعملت فيها البدع والعبر لكنها حافظت على البنيه التحتيه للبترول وسرقت العلماء ورحلتهم لأمريكا واللى رفض أتقتل

المعطيات ومن غير فكاكه هى الأحداث الجاريه ومناولات الملفات وتعاطى كل طرف مع باقى الأطراف

التغيرات المرحليه وهى بعض الفسافيس البسيطه التى قد تطرأ على سلوكيات أطراف الملف نتيجة تباين مواقف بعض الأطراف أو ظهور مفاجئ للأطراف كانت غير موجوده وأصبحت أطراف فاعله وذات ثقل فى الملف وأقرب مثال ماحدث فى الملف السورى بعد إفتتاح قناة السويس الجديده والتدخل المصرى وشرحنا النقطه دى فى أكثر من مقال وخصوصا مقالنا بتاريخ 15 فبراير 2014 والضجه اللى حدثت بسببه

مما سبق نؤكد أن أمريكا وروسيا وبريطانيا وفرنسا وأيطاليا وتورأيا كدول أستعماريه والأنتهازيه تجرى فى عروقها وشعوبها تعيش على خيرات الغير وعاملين فيها ديمقراطيين وولاد ناس وهما ولاد ..... ومن ثوابتها الحفاظ على منطقة البقره الحلوب (( الوطن العربى سابقاً )) دون تدميرها وشرحنا فى مقالات سابقه ليه أمريكا خلقت البعبع النووى الأيرانى فى المنطقه لخلق توازن نووى رداع للأسرائيليين بموافقه روسيه وأوعى تستبعد أن الروس والأمريكان والغرب يكونوا متفقين عليك ويعملوا نفسهم بيتخانقوا وممكن يكونوا شغالين معاك بمبدأ شيلنى وأشيلك والبقره أم حلمتين يحلبوها أتنين وتلاته وأربعه والمعطيات كلها بتؤكد ذلك وشرحنا ده فى أكتر من مقال سابق

ممكن نغير فى الديكور أو نغير فى طريقة التمثيل نتيجة المتغيرات المرحليه بعد تغير بعض المعطيات لكن تبقى الثوابت وهى الحفاظ على البقره الحلوب وحديك مثال تانى .... أمريكا سخنت أبو سوسو وفهمته أنه له كلمه وثقل سياسى على الملف السورى وعندك وهوبا أبو سوسو لبس الخازوق وبشار مش قاعد فيها ولو على جثتى وأتحولت كل فلوس أبو سوسو على مصانع السلاح الغربى علشان يمشى كلمته ويبقى من الكبار على الكره الأرضيه وفى الآخر على رأى محمد صبحى فى مسرحية الجوكر خااااااااااااااااد خازوووووووووووق قاااااااااااااااااااااااااد كده (( والنبى حد يصدق أن أمريكا مش عاوزه بشار الأسد فى المنطقه وهو سبب سعدها وهناها والحجه اللى بتدمر بيها سوريا فاكرين لما عملوا من صدام بطل كارتونى وحرضوه على دخول الكويت وبعدين عاقبوه على سمعان كلامهم )) هو ده اللى حيعملوه لما تنتهى سوريا سيتخلصون من بشار الأسد ويشيلوه الليله ويحاكموه ويعدموه فى العيد الكبير

مصالحك فى هذا الملف مثلاً معقده ومتشابكه كما قلنا وخصوصا بعد ظهور العاصى والمارق والمتمرد على الخطط الأمريكيه الثابته فى المنطقه عبدالفتاح السيسى ومعه صبيان ورجال عمرو موسى وأحمد ابو الغيط وسامح شكرى فهل سيستجيب القدر لرغبات السيسى القوميه ومصالح مصر فى هذا الملف أم سيتم توزيع التورته على الكبار فقط هذا ماستجيب عنه الأيام القادمه وخصوصا بعد عودة السيسى من  نيويورك ونشوف التغيرات المرحليه التى ستطرأ على الملف

إحقاقا للحق نجاح سياستنا الخارجيه يرجع لجيش مصر فى وزارة الخارجيه المصريه (( حيقولك واحد السيسى عسكر الخارجيه ويلقط الكلمتين )) الذى تتلمذ على يد عمرو موسى وأحمد ابو الغيط ولذلك يختار ويحرك السيسى فيهم بمنتهى الأريحيه بعكس السياسه الداخليه التى لايجد فيها السيسى من يتقنها ويرجع الفضل فى القضاء على أى ظهور فى السياسه الداخليه لجمال مبارك الذى تدخل فى كل شئ هو والقصير المكير عز العز  وأستعانوا بالألاضيش والمحاسيب ولك بقى أنك تتخيل لو كانوا عملوا كده فى وزارة الخارجيه كنا زمانا قاعدين بنغنى ظلموه

أعتذر لو المقال طويل أو عالى الدسم رغم أنه منزوع الدسم وصحى

جنرال بهاء الشامى