من هو نائب المرشد العام القادم لجماعة الأخوان

متخليش حد يسحبك فى ملعبه ده قاعده هامه فى أى نقاش

نرجع تانى لأبو فتيكه والمظلوميه والتجهيز لما هو أشد خطراً

أبو فتيكه لعيب ... أيوه لعيب وحريف لكن مش خارق ولا حاجه ولو دخلناه فى مقارنات مع بعض اللاعبين حيحتل مركز تالت وأنا من وجهة نظرى ووجهة نظر المدربين اللاعب التكتيكى هو أهم لاعب فى الملعب وخدلك مثال

الخطيب اللى صنع أمجاده نجمين مش حيتكرروا فى مصر مصطفى عبده ومختار مختار

على ماهر كان راس حربه مالوش حل لكن لما مايلعبشى رضا عبدالعال كان بيلف حوالين نفسه زى الفرخه الدايخه

حسام حسن نفس القصه كان بيعتمد على التموين من الأجناب

بهاء الشامى أنت شايفه كاتب معقول على الفيسبوك لكن من غير الطقم اللى شغال وراه أنا أول واحد حلغى متابعته

اللاعب الوحيد اللى متعرفشى تقارنه بحد على مستوى مصر هو إبراهيم سعيد ومانويل جوزيه لعبه موسم كامل راس حربه لعدم وجود مهاجم بالأهلى وكان ليبرو محدش يعديه وصانع ألعاب مايسترو وكان أساسا للى ميعرفهوش حارس مرمى وده أفضل لاعب شافته مصر كلاعب فردى يشيل فريق ولايعتمد فى نجوميته على لاعب آخر رغم أنه قليل الأدب وسافل ومش متربى

أبو فتيكه أخلاق ... ياأخى الأخلاق مش جواز مرور فى كل الأحيان وعندنا لاعبين كانوا مدارس فى الأخلاق وأخوان مأصلين فى الجماعه ومايقدروش ينكروا على رأسهم هادى خشبه اللى له فيديو فى حملة أنتخابات مورسى واضح وصريح  ومتقدرشى تتكلم فى أخلاقه وربيع ياسين كمان وأكرامى الكبير برضوا أخوان ومصطفى أسماعيل ومختار مختار ومحمد صلاح أيضا أخلاقه عاليه وبتاع خير ودى أنا مسئول عنها لأنه بلدياتى وعارف نص أهالى بسيون

بإختصار يعنى الموضوع مش موضوع حرفنه ولا موضوع أخلاق علشان الدوله تهاجمه مثلا وغيرانه ومنفسنه منه

طيب تعالى نبص على صفحته على تويتر حتلاقيها 4مليون و600 ألف متابع أما محمد صلاح 9 مليون و 400 ألف متابع حتقولى منهم أجانب حقولك بص على التويتات المكتوبه بالأجنبى حتلاقى عدد المتابعين عليها لايتخطى 2000 متابع لكن التويته بالعربى عليها ملايين وهى دى اللى عاوزك تحللها بعيدا عن موضوع المؤامره

الأخوان داخلين معانا فى حالة عناد لما لقونا حبينا صلاح قالك نلمع واحد غيره ونعمل عليه حالة جدل نقتل بها شعبية اللى بيحبوه مؤيدى الدوله وتعالى نوضح دى

أبو فتيكه مش مباشر فى تويتاته ولا فى التحليل وبيخاف يقع فى الغلط رغم انه بيقع وبتغلبه ميوله لكن لما تبص لوائل جمعه الأقرع السهون وهو بيحلل تلاقيه بيحاول يشوه أنجاز البلد رغم أن المجره الكونيه كلها شهدت لنا أن الملاعب ولا أروع من كده والتنظيم أسطورى لكن وائل جمعه بيقولك الملاعب والأرضيه سيئه طيب ليه الأخوان مماسكوش فى وائل جمعه وعملوه رمز رغم أنهم عارفين أنه أخوانى أصلى وهربان زى أبو فتيكه فى كطر  وبيمسكوا فى أبو بفتيكه  ووائل جمعه عنده متابعين مليون و 300 ألف

أبو فتيكه متورط بالمستندات والأدله والفيديوهات لكن غيره مش متورط ورغم ذلك الأخوان متمسكين بأبو فتيكه

الموضوع مش موضوع أخلاق أو لاعب حريف لأن فيه ماهم أكثر أخلاقاً من أبو فتيكه وهادى خشبه أكبر مثال ومش موضوع حرفنه لأن حسام حسن وأحمد حسن وأبراهيم سعيد أحرف منه ومش موضوع أنه جمع الحرفنه والأخلاق مع بعض هادى خشبه جمع الأتنين مع بعض وهادى خشبه أكثر منه كمان

يبقى بالنسبه للدوله موضوع أبو فتيكه مش عداء شخصى لأن هادى خشبه أكثر منه تأثيرا فى التنظيم ولا علشان هربان فى كطر ماهو وائل جمعه كمان هربان ولا علشان ضيف على الجزيره فيه مصريين أشد منه خطراً زى محمد القدوسى اللى بتخصص له الجزيره حلقات كامله وبما أن الدوله وأى دوله بتدار بالورق أذن فيه ضد أبو تريكه أوراق

يبقى الموضوع بالنسبه للأخوان مش موضوع أخلاق ولا حرفنه ولا موضوع رمز أخوانى لأن فيه ماهم أشرس وأكثر تأثيراً

حديك مثال أوضح أغانى المهرجانات ملهاش لون ولا طعم ولا ريحه ولو عاوز تصنفها تحطها فى خانة الرزع والخبط لكن جيل اليومين دول متمسك بيها حالة عناد مع الأجيال اللى أكبر منه أذن الموضوع بالنسبه للأخوان حالة عناد

يبقى الموضوع بالنسبه لمؤيدى الدوله مش علشان أخوان فيه أقوى منه لكن الموضوع بالنسبه لمؤيدى الدوله علشان أبو تريكه أستهان بدماء أولادهم ودعم ساميه شنن تحديداً

طيب ماهو الحل ؟؟؟

مفيش حل طالما محمد صلاح نجمه عالى وطالما مؤيدى الدوله بيكرهوا أبو فتيكه حيفضل الأخوان شغالين فى كيد النسا وأكبر مثال تعليقاتهم على صفحتنا العامه لأى منشور عن أبو فتيكه لو حللتها حتفهم أن فيه حالة عناد

طيب ليه هذا التناحر وهذا التضاد تعالى نبص كده نشوف الليله ماشيه أزاى من منظور تانى خالص لفت نظرنا له الخبير العسكرى ناصر سعد  ؟؟؟

آيات عرابى مخلتش حد ماشلتش من الطينه وحطت على دماغه ماعدا أردوخان وأبو فتيكه وآيات عرابى لوصولها لمنصب المرشد العام الذى تسعى له منذ عامان بالظبط منذ أجتماعها فى نيويورك مع أردوخان محتاجه دعم سياسى وده متمثل فى أردوخان ودعم مخابراتى وده متمثل فى المخابرات التركيه ومحتاجه دعم شعبى وده متمثل فى أبو فتيكه ومش حتلاقى أفضل من أبو فتيكه نائب عام للمرشد خصوصا بعد ماوصلت علاقته ببلده لطريق مسدود ولو أبو فتيكه الدوله سقطت عنه التهم وبفرض رجع مصر مش حيعرف يعيش فيها تانى ومش حيعرف يمشى فى الشارع زى زمان لأن لو أم شهيد شافته أو أبو شهيد شافه أو حد من مؤيدى الدوله شافه حيبهدلوه  

أبو فتيكه نائب المرشد العام القادم