خطط الخداع الأستراتيجى لحرب أكتوبر

كان السادات من الذكاء الذى يؤهله لخداع الأسرائيليين بل أنه خدع العالم أجمع بأجهزة مخابراته بسلطاته ببابا غنوجه وتعالى نشوف ليه السادات خدع العالم وكيف خدع العالم ولماذا خدعهم

بعد ثورة التصحيح التى قام بها السادات فى 15 مايو عام 1971 م  كان قد عين أحمد إسماعيل رئيساً لجهاز المخابرات العامه تلك الفتره التى مكنت المشير أحمد أسماعيل من أن يطلع على ملفات هامه وخطيره مخابراتيه أستفاد منها فى وضع خطة حرب أكتوبر السبوريه ووضحنا ذلك جيدا فى حلقات المشير الذهبى

كان السادات مهتما جدا بالشأن المعلوماتى المخابراتى العام والحربى لكى يضع الخطط عليه لشن حرب أكتوبر على اليهود وفى أحدى زياراته صارح قيادات جهاز المخابرات أن موقفنا العسكرى غير متكافئ مع الأسرائيليين وأن فنون الحروب تستوجب ممارسة الخداع عليهم ليتحقق لنا التفوق الزمنى لساعات قليله مع العلم أن الدقيقه فى التفوق الزمنى فى الحروب بتفرق كتير جدا على أرض المعارك وهو ماحدث وتسبب فى هزيمة يونيه عام 1967 م وأنتصارنا فى أكتوبر عام 1973 م ومن هنا تفهم أهمية التفوق الزمنى ولو حتى لدقائق

لذلك كان علينا أن نطمئن الأسرائيليين أن أى تحركات يتم رصدها مخابراتيا لاتعبر عن نوايا المصريين فى شن حرب ضروس لأستراداد الأرض والعرض فكان ولابد من أعداد عدة خطط للخداع فهيا بنا لنتعرف على بعضها وأشهرها إعلامياً

كنت قلتلك أن فيه منظمه صهيونيه أسمها الآكابى مهمتها تجميع يهود الشتات من مختلف دول العالم وترحيلهم لأسرائيل وكانت بتجمعهم فى أى دوله وتعمل لهم معسكرات ثم تقوم بترحيلهم لأسرائيل وفى أكتوبر عام 1973 كان فيه معسكر فى رومانيا لتجميع يهود الشتات  وتم أن خطف الفلسطنيين قطاراً وبدأوا التفاوض بعدم ترحيل  اليهود فى مقابل الأفراج عن رهائن القطار وبدأت أسرائيل تضغط على رومانيا فأوفد السادات وزير خارجيته برساله لملك رومانيا موضحاً خطورة ترحيل اليهود وأستعداء المجاهدين الفلسطينين أيام ماكان الفلسطينيين بيجاهدوا لرجوع بلدهم مش بيقتلوا اللى عاوزين يرجعولهم بلدهم وتعقدت المفاوضات وسافرت جولدا مائير بنفسها لممارسة ضغوط أقوى فى مقابل الضغوط التى يمارسها السادات

طبعا كان الموقف ده قبل الحرب بأيام قليله جدا بيوحى أن السادات قاعد فاضى ومورهوش حرب حيخوضها بعد أيام وقاعد صايع للقضيه الفلسطينيه لأن الصحافه المصريه وقتها ضخمت من أهتمام مصر بهذا الملف

ألف باء حروب توفر للشعب أساسيات الحياه وأهمها طبعاً بالنسبه للمصريين القمح ولأستيراد كميات زياده لفترة الحرب ممكن أسرائيل تفهم أننا حنستورد القمح لتخزينه لدخول حرب فكانت الخطه كالآتى 

عملت جريدة الأهرام تحقيق عن تسرب مياه الأمطار للصوامع وتلف القمح المخزن لشهورعلى أنها ملف أهمال وتحركت فعلاً بعد حملة جريدة الأهرام الأجهزه الرقابيه والصحيه وأثبتت أنه فعلا فيه كارثه فى مصر ومعندناش مخزون قمح بعد تلف القمح الموجود بالصوامع وأتحولت ناس للتحقيقات وتصوير بقى يانجم وهما فى الكلبشات وفضايح فى الأعلام وجرسه بجلاجل وحناجل ومصر مش عارفه تخزن شوية قمح ورئيس فاشل مش عارف يدير البلد ولا يوفر لبلده مخزونها من القمح وتم إستيراد قمح جديد بدل التالف أمام أعين أجهزة مخابرات العالم

كان لابد وحتميا أخلاء بعض المستشفيات لأستقبال الجرحى المتوقعين فى الحرب بدون لفت نظر أجهزة المخابرات فنشرت جريدة الجمهوريه تحقيقاً صحفيا عن وجود أهمال بمستشفى الدمرداش فتم تعيين  ظابط طبيب قديم بالقوات المسلحه مديراً للمستشفى فأكتشف أن فيه فيروس التيتانوس منتشر بالمستشفى ولابد من أخلائها لتطهيرها وتعقيمها وحدث بالفعل لكن محمد حسنين هيكل أثار زوبعه بالأهرام أن المرضى بتتنقل من مستشفى لمستشفى ويجب الكشف عن باقى مستشفيات القاهره وفعلا قال إيه وجدوا عدد من المستشفيات مصابه بالتيتانوس وتمت عملية أخلاء المستشفيات أمام أعين أجهزة المخابرات العالميه

طبعا وقت الغارات كان بيتم قطع الكهرباء وهنا لابد من توفير مصادر أضاءه بديله علشان الناس تعرف تنزل من بيوتها وتروح الخنادق تستخبى وكان لابد من إستيراد كشافات بطاريه بدون أسرائيل ماتشك فى الموضوع فكيف تم ذلك

ظابط مخابرات تنكر فى شخصية مهرب وتعرف على مهرب قطع غيار سيارات وطلب منه إستيراد شحنة كشافات بسيطه وسط بضاعته وفعلا تمت العمليه بنجاح فطلب منه ظابط المخابرات يزودوا الكميه وخصوصا أننا على أبواب شتاء وخبطه بالمرزبه ولا ألف بالشاكوش وطمه مهربين بقى وشغل عصابات وفعلا المهرب الأصلى جلب الكشافات المليون اللى طلبها المهرب المزيف لكن الصفقه أتمسكت على حدودنا الغربيه اللى كانت جايه عن طريق ليبيا وصادرت الحكومه الكشافات المهربه وباعتها بنصف تمنها فى المجمعات الأستهلاكيه فتهافت الناس على شرائها وبكده مصر أستوردت الكشافات أمام أجهزة مخابرات العالم بدون ماتلفت نظرها

كان ولابد نقل المعدات الثقيله الحربيه من داخل البلد للجبهه الشرقيه وطبعا مصر مليانه عملاء مخابرات من كل مخابرات العالم فكيف يتم نقل المعدات بدون لفت نظرهم أو أزاى المعدات تتنقل قدامهم ويبقى شئ طبيعى لاينذر بنشوب حرب فكانت الخطه التاليه

تم نقل ورش الصيانه والتصليح شرق البلاد بجوار مدن القناه وبدأت الدبابات والمدرعات تقف طوابير أمام مراكز التصليح لأصلاحها نتيجة وجود أعطال وبدأت الجرائد وخصوصا الأهرام بقيادة محمد حسنين هيكل تهاجم الدوله على طرد الخبراء الروس اللى كانوا بيقوموا بصيانة هذه المعدات وأننا مش قادرين نعوض غياب الخبراء الروس بدليل أنتشار الأعطال فى المعدات العسكريه وكانت الجرائد بتنشر صور طوابير المعدات أمام مراكز التصليح مما يوحى بتدهور مستوى معداتنا العسكريه وعدم قدرتنا على أصلاحها وفشل السادات فى إدارة شئون الجيش وتم نقل معداتنا أمام أعين كل أجهزة مخابرات العالم من غير مانلفت نظرهم

كان ولابد من إستيراد ونقل معدات العبور والقوارب المطاطيه لشرق البلاد التى ستشترك فى عملية العبور فكيف يتم نقلها بدون لفت الأنظار فكانت الخطه التاليه

ركز هنا معايا علشان تشوف المصريين لما بيحبوا يصيعوا على العالم بيصيعوا بمزاج عالى ومحدش بيقدر عليهم حيث سربت المخابرات تقريراًً مخابراتيا تطلب فيه المخابرات أستيراد كميه من القوارب المطاطيه المضاعفه لعمليات العبور المتوقعه  فسخرت مننا الصحافه الأسرائيليه من فضايح مصر والمخابرات اللى بتتسرب تقاريرها وكانت فضيحتنا وفضيحة مخابراتنا بجلاجل

وصلت الشحنه لميناء الأسكندريه وعيون كل مخابرات العالم عليها ونزلت بطريقة أهمال رهيبه وعدم وجود سريه فى شحنه خطيره بهذا الحجم والأهميه  أثارت سخرية العالم علينا  وبالليل حضرت سيارات الجيش قال إيه فى السر والكتمتم  ونقلت نصف الكميه فقط لمنطقه صحراويه بمنطقة حلوان وكانت جنود الجيش فى  أنتظار القوارب وتم تعتيقها ورصها بطريقه معينه على مصاطب كانت مجهزه علشان تظهر أمام أى أعين ترصدها بضعف حجمها يعنى لو 100 قارب أخليهم يظهروا أنهم 200 قارب وغطوها بخيبتهم بشباك تكشفها مش تسترها وكانت فضيحه مابعدها فضيحه  وأثناء ما العيون كلها مركزه على خيبتنا اللى بتحصل فى منطقة حلون كانت سيارت شركة مقاولات بتنقل باقى الشحنه من أسكندريه للجبهه مباشرة بسيارات مقاولات قيل أنها حتستغلها فى أعمالها فى منطقة الأسماعيليه وتم تخبيتها فى حفر ودبابات ومعدات قديمه  وتمت العمليه أمام أعين أجهزة مخابرات العالم كله وغفلنا الكره الأرضيه كلها ومش حقولك بقى الصحافه الأسرائيليه أتريقت علينا قد إيه علشان موضوع القوارب اللى مخبيها المصريين بطريقه عبيطه فى حلوان وهما مايعرفوش أنهم لبسوا خازوق بأرتفاع برجى التجاره بتوع نيويورك

طبعا كان فيه أقمار صناعيه بترصدنا بالأضافه للعملاء البشريين وكنا علشان نتدرب كان لازم لنا ساتر ترابى وخط زى خط بارليف علشان نتدرب عليه عملى ونعمل عليه مناورات وحنعمل ده أزاى فكانت الخطه التاليه

بناءاً على المعلومات المخابراتيه اللى كانت بتوصلنا من 100 عميل منهم رأفت الهجان اللى زرعهم صلاح نصر فى أسرائيل أستطاعت المخابرات المصريه عمل ساتر ترابى وخط زى خط بارليف تماما بنفس التفاصيل فى الصحراء الغربيه وحاوطت المكان بخيام قديمه وأكشاك خشبيه  ومواد بناء رمل وحديد وزلط وأسمنت وعملت يافطه أن هذه المنطقه تابعه للمؤسسه المصريه لأستصلاح الأراضى مع شوية معدات من بره لأستصلاح الأراضى ووجود سيارات قديمه تحمل أسم المؤسسه وغفراء وعمل أستصلاح أراضى كلهم من رجال المخابرات وتمت العمليه والأقمار الصناعيه والعملاء راصدين كل حاجه على أنها شركة أستصلاح أراضى يامؤمن ياموحد بالله علشان تشوف المصرى لما ببيحب يبدع بيعمل اللى العفاريت متعرفشى تعمله

أستغلال الصحافه المصريه فى أيهام الأسرائيليين والعالم أن الصحافه المصريه لايوجد مايشغلها لأنها مهتمه بشكل مبالغ فيه بفضيحة ووترجيت والأنتخابات التشريعيه الأسرائيليه

يوم 5 أكتوبر تم الأعلان عن زيارة اللواء حسنى مبارك قائد القوات الجويه لليبيا فى الطبعات الأولى للجرائد  ثم الأعلان فى الطبعه الثانيه عن تأجيل الزياره لليوم التانى 6 أكتوبر نظرا لظروفه الصحيه مما يوحى أنه لاتوجد حرب ولاديالو يوم سفر قائد أهم سلاح فى الحرب

توجيه دعوه لوزير الدفاع الرومانى عقب أزمة قطار رومانيا لزيارة مصر يوم 8 أكتوبر يعنى معندناش حرب ولا فى دماغنا حاجه والأزرط أن أحمد أسماعيل صرح للصحافه أنه سيكون فى أستقبال وزير الدفاع الرومانى شخصياً ... عمرك شفت الأهتمام بأدق التفاصيل كده قبل كده

يوم 5 أكتوبر سافر وفد مراسم للترتيب لزيارة رئيسة وزراء بريطانيا لمقابلة السادات يوم 7 أكتوبر مع أن المعروف أن المطار سيغلق أمام الرحلات الجويه يوم 6 أكتوبر فكيف تحضر رئيسة الوزراء والمطار مغلق وكيف يسافر وفد للتأكيد على مراسم الزياره وأزاى يقرطسوا بريطانيا والعالم

فى يونيه عام 1972 م أصدرت القياده العامه للقوات المسلحه قراراً بتسريح مايزيد عن 30 ألف جندى من الخدمه العسكريه بحجة أنهم مجندين من عام 1967 م ومعادشى لهم لازمه لأنهم أستهلكوا ومعنوياتهم زى الزفت ومش حينفعوا يخوضوا حرب بأساليب حديثه والجرايد مقولكشى بقى على التريقه لكن الجنود كانت بعد ماتروح يتم أستدعائها بملابس ملكيه 

كان السادت كل شويه يرفع حالة الأستعداد القصوى فتضطر أسرائيل للأستعداد والتجهيز وأستدعاء الأحتياط حيث يعتمد جيشها بشكل كبير جدا على قوات الأحتياط بما يعنى شل الجبهه الداخليه وتعطيل الجبهه الداخليه فى أسرائيل وبكثرة التكرار تولد لليهود أحساس أن السادات بتاع أونطه وبيحاول يلهى شعبه كل شويه بحركات التعبئه الأونطه اللى بيعملها

كان سلاح القوات الجويه كل فتره يعمل مناوات خداعيه بالتحليق فوق القناه بصفه مستمره وكأنها عمليات حربيه لأختراق أجواء سيناء ثم تعلن الجرايد تانى يوم أنها طلعات تدريبيه روتينيه لحد أسرائيل ماأتعودت على كده وأصبحت بتتعامل مع الموقف بهدوء

مش حقولك بقى يامصرى على موضوع العمره بتاعة ظباط الجيش العالم كله حافظها أكتر مننا أما اللى كتير مايعرفوش هو تنظيم الدورات الرياضيه بين أفرع القوات المسلحه المستمره من يومها حتى الآن بما يتنافى مع أن ده جيش عاوز يحارب وهو بينظم دورات رياضيه والصحافه مهتمه بها

مش حقولك على اللى أنت عارفه أكتر منى  ويوم 6 أكتوبر والمفروض العساكر صايمه أنها بتستحمى فى القناه وفيه منهم اللى عامل نفسه بياكل برتقال وبيمص قصب وده فى العلوم العسكريه أسمها حالة أسترخاء الجيوش والأفراد

تم تسريب موعد الحرب على أنها فى السادسه مساءاً للملك حسين ملك الأردن وأكدها أشرف مروان الذى أنتقمت منه أسرائيل فيما بعد وتحاول الآن تشويه صورته وجريدة معاريف أيامها أعترفت أن أشرف مروان خدعهم وأفشل التنبأ بموعد حرب أكتوبر وقالت حرفيا سيظل أشرف مروان بقعة سوداء فى تاريخ المخابرات الأسرائيليه وجعلنا أضحوكه بين مخابرات العالم

مراقبة مراسلات السفارات الأجنبيه لمصر بشكل صارم علشان نعرف أن كان فيه أخبار بتتسرب عن تحركات للجيش ولا لأ لأن زى ماقلتلك فى المقال رقم 1 من حلقات السلسله المخابراتيه اللامعقول فى عالم العقول أن كل السفارات تعتبر مراكز تجسس رسميه ويمكن حبيب العادلى أكد المعلومه دى فى أعترافاته عن سيارات السفاره الأمريكيه أيام خيبة 35 ينايم قائلاً لهم فيها مآرب أخرى

يوم 6 أكتوبر الساعه 1 ظهراً تم القبض على كل أفراد شبكات التجسس الأسرائيليه ومعهم أعضاء التيار الشيوعى وأفراد من الأخوان المسلمين بحجج أمنيه مختلفه

ده ماهو متاح وماتم تجميعه من مزكرات السياسيين والمؤرخين الذى تحدثوا عن حرب أكتوبر لكن تبقى هناك معلومات لازالت سريه ولم يعلن عنها

بقولك له كل الحودايت دى علشان تبقى عارف أنك ممكن تشوف تحركات معينه قدامك مش لازم تفهمها ساعتها لكن ممكن تفهمها بعد عشرات السنوات وتفهم أنك مش كل تحركات أجهزة الدوله لازم تفهمها وأن بعض الأخبار المنشوره فى الجرائد لاتهز ثقتك فى بلدك لأن ممكن يكون النشر لأهداف ومآرب أخرى وتفهم أن الدوله ممكن تفهمك أنها مهمله فى ملف لأنها عاوزه تفهمك وتفهم غيرك حاجه تانيه لأنها بتغطى على حاجه تانيه وتفهم أن أجهزة المخابرات ممكن تستغلنا كلنا بدون مانفهم أننا بنخدم أهداف تانيه زى كده لما محامى شهير كان فى قضية فساد تخص موظف بجمارك أسكندريه سابق وكلم ظابط بالرقابه الأداريه على ملف فساد وأثناء النقاش قال المحامى فيه واحد على الفيسبوك فاتح الملف ده فقال له الظابط عارفينه بهاء الشامى فقال له المحامى يعنى أفهم أن صفحة بهاء متراقبه وعارفين اللى بينشره فقال له الظابط أيوه وسايبينه لأن العمال فى المكان ده بتثق فيه وبتكلمه وبيعرف منهم معلومات ممكن يخافوا يقولوها لنا أو يخافوا يتعاونوا معانا يعنى أحنا سايبينه علشان يؤدى الدور المرسوم له وتفضل الناس تثق فيه وتمده بالمعلومات وهو ينشر وأحنا نتأكد منها ونكمل تحرياتنا اللى ممكن مصادرنا متقدرشى توصل لها زيه والحمد لله الأتصال ده طمنى أن صوتى وصل وقدرت أعمل حاجه لبلدى ولادى يفتخروا بها

أعتقد دلوقتى ظرااااااااطين الفيسبوك اللى طلع كبيرهم يجعر على صفحته ويقولك ألحق ياجدع بهاء الشامى بيضحك على المغفلين على صفحته وبيقول السادات خدع المخابرات الأمريكيه وكنت ذكرت لحضراتكم فى حلقات معجزة جيش وشعب أن الحرب كانت دائره فى الشرق الأوسط ولحد 4 ساعات أمريكا معندهاش معلومات مؤكده أن كانت الحرب شغاله ولا أشاعات ... ظراااااطين الفيسبوء الآن تأكدوا أنهم جهلاء ولم يقرأوا فى تاريخ بلدهم صفحه واحده وهما لو قرأوا صفحتين يصابوا بأعراض الحمل قئ وسخونيه وترجيع

جنرال بهاء الشامى