الصقر الذهبى رقم 29

كنا قد توقفنا فى الحلقه 28 من هذه السلسله المسلسله عند ولا مش حقولك أنت تراجع بنفسك وتشوف حضرتك أحنا وقفنا فين ماهو لازم تكون مصحصح معايا ياعمنا وأحنا بنتكلم فى حقبه تاريخيه معاصره هى الأهم والأخطر من تاريخ مصر الحديث

أتشلت أيد الشرطه المصريه وأصبحت عاجزه عن مجاراة المظاهرات فى كل ربوع مصر بعد ماأتعمل بالمصريين ثوره وهم غافلون أن كل ماحدث فى 2011 مخطط ومرتب له من عام 2004 فى الأجتماعات اللى عقدت بفيلا الجزيره بقطر تحت رئاسة يوسف القرضاوى ورعاية بيل كلينتون وأبنته وحضرت كونداليزا رايس أجتماعات اليوم الأخير وكلمتك على الصحفى اللى حضرها وشرحنا اللى حصل فيها بالتفصيل وكلمتك على الخطه (( أ )) لكن متكلمناش عن الخطه (( ب)) و (( ب مكرر )) كخطط أحتياطيه لو مبارك عصلج وظل قافش فى الكرسى لأن الخطه (( أ )) نجحت وسقط مبارك ونظامه لكن لأن رعاية الله كانت لها الكلمه العليا وأنكشف الأخوان وعرفنا نشقبلهم من على الكرسى بدأوا من 2013 تنفيذ الخطه (( ب)) و (( ب مكرر )) وتعتمد على الأفشال الأمنى أولا والأفشال الأقتصادى ثانيا بخلق اجواء غير مستقره بمصر تدفع الأستثمار للهروب من الأجواء المصريه المضطربه والكلام خلاص مش عاوز شرح وانت شايف بعنيك كل لما تقرب تفك الفراقيع تحصل فى كل مكان وعندك حادث حرق محصول القمح فى الفيوم دليل يفهمه الأهبل قبل العاقل ويمكن على صفحتى الخاصه بعد لما تظهر بشاير أنفراج بنزل بوست بالتحذير من عمليات إرهابيه وفعلا بتتحقق وده مش قراءه للطالع ولا قراءه للغيب ولكنه قراءه لخطط الأخوان ومشتقاتهم فى قطر وتركيا وواشنطن وعاوزك ياريت تقرأ كتاب المنظمات السريه التى تحكم العالم للكاتب سليم مطر لأننا أستعنا بقرائته للتعرف على الدور الشيطانى لجماعة الأخوان فى العالم وعلاقتها بالعصابات الأجراميه الدوليه والتنظيم الصهيونى العالمى لأنهم مش زى الناس ماهى فاهمه شوية معارضين فى مصر متنطورين فى المحافظات لا يافندم ده تنظيم دولى عالمى منتشر فى كل ربوع الأرض وعلى علاقه بكل أجهزة المخابرات فى العالم وعصابات أجراميه ومهما قلتلك مش حتصدقنى لذلك أنا بدعوك لقراءة الكتاب بنفسك وربط مابه بالأحداث الجاريه وعلشان تبقى فاهم أن بلدك بتحارب ثلث العالم وصدقنى المقوله دى مش مبالغه واللى حضرتك متعرفوش أن الكتاب ده بيحذر أوروبا أن الأخوان حيحكموا أوروبا بعد 50 عام عن طريق الهجره المنظمه والتسكين والتوغل فى هذه المجتمعات وطبعا أوروبا فاهمه الكلام ده وبتحاول تمنعه ولما أوروبا تكافح هجرة السوريين مش بتكافح هجرة شوية لاجئين هربانين من بلدهم أوروبا بتحاول تحافظ على هويتها وتمنع توغل الأخوان فيها والكتاب بأمانه فيه بلاوى وياريت تقرأه

مع تصاعد أعمال العنف بالشارع وتزايد الأنفلات الأمنى ومساهمة الأعلام الجاهل فى أنتشار الفوضى كانت هناك عيون تراقب وترصد مايحدث فى الشارع وكانت المخابرات بتوصل مبارك تقارير عن اللى بيحصل لكن يوم السبت ذهب عمر سليمان لقصر الأتحاديه ودخل القصر اللى فقد هيبته وأهميته وأصبح مبارك معزول عما يحدث ويتابع عن طريق نشرات الأخبار فقط وقال الباشا لزكريا عزمى دخلنى عليه دلوقتى حالا (( واخد بالك مقالشى الريس لمح له بضمير الغائب وطبعا لأنه خلاص زى ماقلتلك أصبح زى الأسد الجريح لاحول له ولاقوه بعد ماسقطت الداخليه اللى كانت بتحميه وكان مركون على غرور حبيب العادلى )) وفعلا دخل الباشا على مبارك وقبل صباح الخير وقبل أى كلامات ترحيب ولأن مبارك كان شرقان لتقارير حقيقيه عن الشارع قال للباشا خير ياعمر فرد الباشا عندى تقارير يافندم بتقول أن الأخوان ركبوا الثوره فقاطعه مبارك أنت كمان ياعمر مسميها ثوره فرد الباشا مالوش لازمه سعادتك نفتح فى ملفات قديمه وكأن الباشا عاوز يقوله ياما قلتلك ومسمتعتش الكلام المهم الباشا قاله الأخوان ركبوها وأصبحوا هم قياداتها الحاليه وفيه تقارير عن تصعيد أكتر من اللى حضرتك شايفه دلوقتى بهدف أسقاط الدوله بالكامل يافندم فيه تقارير من المخابرات الحربيه كمان بتقول أنهم عاوزين يستدرجوا الجيش بأفتعال إحتكاكات شعبيه مع الجيش علشان الجيش يرد ويحصل تعاطف من داخل الجيش مع الحشود والجيش يضرب فى بعضه فقال مبارك مين اللى كاتب التقرير ده وكأن مبارك فقد الذاكره وميعرفشى أن فيه لواء أسمه عبدالفتاح السيسى وعضو مجلس عسكرى هو مدير المخابرات الحربيه وحقولك قريب أزاى الأخوان كانوا عاوزين يوقعوا الجيش مع الشعب فرد الباشا وقاله اللواء السيسى بتاع المخابرات الحربيه فرد مبارك وقال والمشير عنده علم بالموضوع ده رد الباشا وقاله أيوه يافندم وقطع عليه الأسئله وقاله والمشير أصدر تعليمات مشدده بضبط النفس ومفيش طلقة ذخيره مع عسكرى واحد وأفهم بقى لوحدك حوادث الجيش كان مين اللى بيفتعلها وخد معاك ماسبيرو ومحمد محمود 1 و 2 وكدهوووون

مبارك كده أدرك أن فيه تقارير بتترفع ومايعرفشى عنها حاجه وقرارات بتتاخذ وهو نايم فى مية اللفت وقال للباشا عندك مقترحات ياعمر نفوت الفرصه عليهم فرد الباشا طبعا يافندم لابد من إتخاذ أجراءات فوريه وقويه وجذريه لنزع الفتيل المشتعل من الأخوان نعمل أصلاحات سياسيه وأجتماعيه عاجله تهدئ الشارع وقبل ماحد يسرح بخياله ويقول أنا جبت الكلام ده منين وأنى كنت مركب كاميرات فى القصر لمبارك حاكم الكلام الأهبل سهل ... الحوار موجود فى ملفات تحقيقات قضية القرن فرد مبارك حدرس ونقعد مع بعض ونشوف الصالح نعمله

نرجع تانى فلاش باك كام ساعه لورا ومع نزول أول قطع عسكريه للجيش فى الشارع ومع بداية ظهورها من ناحية شارع المتحف وهى متجهه لميدان التحرير (( على فكره عاوزين نسميه بعد كده ميدان المؤامره )) عناصر مجهوله رمت على الدبابات والمدرعات زجاجات حارقه وأنضرب عليها ذخيره حيه وأصيب 8 جنود بحروق بالغه وأتنقلوا للمستشفيات وأتحرقت 4 مدرعات وشوف أنت تمن المدرعات دى كام وفورا تم نقل اللى حصل للمشير فقال برضوا حافظوا على هدوئكم وأوعوا ولاد الكلب يستدرجوكم للرد كملوا زى ماأنتم وطبعا زى ماقلتلك فيه عناصر مدربه من الصاعقه والقوات الخاصه منتشره فى الميدان فى زى مدنى قبضوا على 26 عيل من المتواجدين فى المكان وخدوهم تحت فى نفق المترو وأتعمل معاهم تحقيق شفوى وسريع فكان ردهم أن فيه ناس قالت لهم القطع دى تابعه للحرس الجمهورى وحيضربوا الميدان وأحنا فاكرين أن الحرس الجمهورى قوات خاصه بمبارك



المهم الكلام ده وصل للمشير فقال لهم سيبيوهم بس لازم الناس تعرف أنكم أفرجتم عنهم فى نفس الوقت وياريت حد من الشئون المعنويه يستغل الموقف لصالحنا وفعلا وصلت الأوامر لقادة الجيش المنتشره بالميدان وطلع ظابط بالعيال دى فى مكان ظاهر وقال للمتظاهرين أحنا أفرجنا عنهم بعد ماعرفنا أنكم فاهمين جيشكم وجيش بلدكم غلط أحنا عمرنا لافكرنا ولا حنفكر فى أطلاق طلقه واحده (( خلى بالك بقى علشان فيه قيادات أخوانيه فى الميدان وسمعوا الكلام ده والتخطيط والخطه باظات عليهم علشان حنتكلم تانى فى الموضوع ده بتوسع فى أحداث بعد كده )) المهم الظابط خطب كلمتين فى الميكرفون هزوا مشاعر المتظاهرين وأفرجوا عن العيال وقال الظابط ده مقوله أشعلت الميدان بالهتافات قال الظابط أحنا من الشعب وأنتوا أساس الجيش فأشتعلت الهتافات فى الميدان (( الجيش والشعب أيد واحده )) ولما وصل الكلام ده لطنطاوى قال ثبتوا الظابط ده فى الميدان ده راجل إبن راجل

أتفوتت الفرصه على جر الجيش للصدام مع شعبه لكن كانت هناك آيادى خفيه تريد أشعال الميدان مره أخرى وكنت قلتلك أن العدد فى الميدان وصل لـ 200 ألف بنى آدم والدنيا زحمه جدا لكن الساعه 6 مساءا حصلت مصيبه وكارثه وركز معايا وأمسك أعصابك علشان تفكر الميدان مزدحم والدنيا هايصه ومحدش عارف حد والغريب أكتر من القريب وبدأت عناصر أجنبيه تظهر بالميدان ومعهم بتوع حماس وعناصر أخوانيه للأرشاد تحركوا ناحية السفاره الأمريكيه وتحديدا للجراج بتاع السفاره الموجود بشارع الشيخ ريحان وطبعا اللى راحوا ميدان التحرير عارفين أن شارع الشيخ ريحان قريب جدا من الميدان وفيه جراج السفاره وحاول تعمل مشهد تصويرى فى دماغك علشان نوصل مع بعض للى عاوز أقوله وأتحركت العناصر دى ناحية الجراج وأبواب الجراج كانت مفتوحه وكأنها بوابه فى وكالة البلح وخدلى بالك والجراج فيه مالايقل عن 50 سياره تابعه للسفاره والمفروض فيه إداره للجراج متعينه من قبل السفاره علشان خروج السيارات وعودتها وكمان المفروض فيه حراسه خاصه من أمريكان لمبنى الجراج والمدهش يامؤمن أن كل مفاتيح أبواب الجراجات مشفره والسيارات كمان مفاتيحها مشفره والكلام ده معروف ومسموح به فى كل سيارات السفارات فى كل دول العالم ومتفق عليه ومحدش يقدر يدور أو يسوق سياراه من سيارات أى سفاره غير اللى عارف شفرة كل سياره لوحدها

التحريات رصدت أن أبواب الجراجات كانت مفتوحه والحراسه غير متواجده وأدارة الجراج غير متواجده وكأنك ماشى فى خرابه ملهاش صاحب مش جراج لسفاره أمريكيه تعتبر أرض الجراج أرض أمريكيه ذات سياده أمريكيه وتسرى عليه القوانين الأمريكيه وليس لأى دوله غير أمريكا سلطان على أراضيها والجراج يعتبر طبقا للأعراف الدبلوماسيه جزء لايتجزأ من الولايات المتحده الأمريكيه ودخلت العناصر اللى قلتلك على تكوينها الجراج ورفعت الأبواب بكل سهوله ومحدش قالهم رايحين فين وفتحوا أبواب السيارات المشفره بشفره خاصه بالسفاره وبتتغير كل فتره وركبوا 22 سياره وحطوا فى الكونتاك مفاتيح السيارات المفروض أنها كمان مشفره ودارت العربيات زى مايكون شغلوها بالسحر الهندى وطلعت من الجراج 22 سياره وطبعا حضرتك فهمت كل اللى أقصده أزاى الناس دى عرفت شفرات السيارات وأزاى مفيش حراسه عليها وأزاى محدش قال لهم بتعملوا أيه ولا رايحين فين وكأنها مش سفاره أمريكيه لكن منطقة خرابه وكلها زباله ومحدش بيحرسها ولا كل اللى فى دماغك دلوقتى

نرجع للميدان وخلاص موضوع الـ 4 مدرعات لموا الظابط اللى قلتلك عليه والهتافات فى الميدان شغاله الجيش والشعب أيد واحده والناس فى الميدان أتطمنت أنها فى حماية جيش بلدها وأتلمت الليله والميدان فيه حالة هرج ومرج والدنيا ليل بعد الساعه 6 مساءا والعربيات أتسرقت من الجراج وطلعت من شارع الشيخ ريحان وهوبا ياعم الحاج وسياره منهم لونها أبيض وأكيد كلكم فاكرين المشهد ده تولع الكشافات العاليه وواقفه على مدخل الميدان حوالى 6 دقائق وكأنها منتظره أشاره من حد معين وطبعا كل ده متصور وأتذاع على الجزيره للأسف لكن قبل مانعدى النقطه دى العربيه وقفت ومشغله النور العالى لمدة 6 دقائق وفيه حد مجهول بيصورها والتصوير بيتنقل للجزيره مباشر ودورها فى دماغك عربيه واقفه ومولعه نور عالى ومحدش يعرف نهائى حتعمل إيه لأن محدش بيقرأ البخت ولابيفتح المندل يبقى أيه الداعى الجزيره تركز على تصوير عربيه واقفه والأحداث فى الميدان بالهبل لو عاوز تنقل وتصور إلا لو كان اللى كان بيصور يعرف العربيه دى حتعمل إيه والجزيره كمان تعرف العربيه دى حتعمل أيه ومفيش داعى تضيع فلوسها على تصوير عربيه واقفه مش حتعمل حاجه لمدة 6 دقائق وخصوصا أن الدقيقه بتتكلف آلاف الجنيهات ؟؟؟ أفهم أنت لوحدك ومش حقولك

هوبا والدنيا ظايطه وكاميرات الجزيره مركزه على العربيه علشان تنقل لك اللى حيحصل لايف تتحرك العربيه بسرعه جنونيه ناحية الميدان وراحت طايحه فى المتظاهرين والبنى آدمين تتطاير فى كل مكان ويسقط 14 قتيل ويصاب أكثر من 80 مصاب بكسور وجروح خطيره والجزيره بتنقل المشهد لايف والمذيع يعلق على الحادث ويقول الشرطه اللى بتعمل كده بعلم الجيش المصرى عاوزين يخوفوا المتظاهرين ويبعدوهم عن الميدان بحركات مفقوسه والتحليلات تشتغل والناس فى الميدان بتلم فى الجثث والأسعاف بتنقل فى المصابين بأقصى سرعه وزى مادخلت الميدان بسرعه خرجت منه بسرعه وأتجهت لمكان آخر به مظاهرات وكررت نفس المشهد فى أكتر من مكان والمدهش يامؤمن ياموحد بالله أن الجزيره عن طريق السحر الهندى كانت عارفه العربيه رايحه فين تانى علشان تكرر المشهد وتنقله لايف مش عجيبه دى يامؤمن عاوزك توحد الله وتآمن أن الجزيره كل ده حصل معاها بفعل السحر والجن وأن العفاريت هى اللى كانت بتقول لها على اللى حيحصل وعاوزك تستبعد خالص مالص موضوع المؤامره وأن كل شئ كان مترتب له زى حرق محصول القمح فى الفيوم

مبارك هو الحاكم العسكرى والقائد العام للقوات المسلحه وشاف اللى بيحصل على الجزيره وإحقاقا للحق حسب أعتراف زكريا عزمى فى التحقيقات بكى متاأثرا من مشهد دهس المتظاهرين وكان طبعا فاهم اللى بيحصل وخصوصا أنه كان عنده تقارير عن نشاط الجزيره فى مصر ولما كان فى زياره لقطر فى أحدى المرات طلب يشوف قناة الجزيره على الطبيعه ولما وصل عندها ولقاها عباره عن حاجه زى فيلا كبيره 6 أدوار فقط قال مقولته الشهيره (( هى دى علبة الكبريت اللى عامله الصداع ده كله )) المهم تمالك مبارك أعصابه وأصدر قرار بصفته الحاكم العسكرى بحظر التجول من السادسه مساءاً حتى السابعه صباحاً وأحتراما لهذا الحظر سننهى هذا المقال اليوم على وعد بلقاء بعد إنتهاء ساعات الحظر ونتكلم فى الغير مباح فى الوقت المباح وحنرجع تانى لموضوع سيارات السفاره ونشوف التحقيقات قالت إيه وحنعرف مين اللى تورط فى الليله دى علشان تعرف مين عدو بلدك يامصرى يامؤمن بالله فأنتظرونا

                جنرال بهاء الشامى