الصقر الذهبى رقم 30

قبل أن نخوض ونسترسل فى غمار سلسلتنا هناك مطالبات بالأختصار وتجاوز بعض الأحداث وهناك من يطالب بأدق التفاصيل وطبعها مش حقدر أعمل الأتنين مع بعض لكن لو سألتنى عن نفسى أنا من عشاق التفاصيل الدقيقه لكن الأمر متروك لكم لأن فرض الرأى هو قمة درجات الأرهاب وعلى فكره الرأى فى الأمور التى تحتمل الأحتمالين لكن الثوابت لاتحتمل ولاتقبل الآراء وندخل فى موضوعنا وكنا قد توقفنا فى الحلقه رقم 29 وأصدار أبو علاء بصفته الحاكم العسكرى قرار بفرض حظر التجول وأحترمنا حظر التجول فى المقال وتوقفنا عن الكتابه ونعاود الكتابه بعد أنقضاء ساعات حظر التجوال الذى أحترمناه لكن وقتها المتظاهرين لم تحترم القرار وتهاون رجال القوات المسلحه فى تطبيقه منعا للصدام مع الشعب طبقا للتعليمات المستدامه الصادره فى هذا الشأن منذ أنتهاء أجتماع الثلاثه ... فقد بدأت العانصر الأجراميه فى حرق الأقسام الفرعيه للشرطه وأخراج المساجين والأستيلاء على الأسلحه وانتشرت أعمال السرقه والنهب وبدأ أنتشار أعمال البلطجه فى الطرق العامه بعد هروب المساجيين الجنائيين

أثناء فترة حظر التجوال كانت سيارات السفاره الأمريكيه بتتفسح فى شوارع القاهره وأتقفشت أول سياره وركز معايا فى كل حرف حينكتب لأن أنا ححكى وحضرتك عليك تطلع المعلومات والحقيقه من وسط كلامى لأن موضوع سيارات السفاره لازال حتى الآن عليه علامات أستفهام وأتقفشت أول سياره وكان بداخلها واحد أجنبى وتم التحفظ عليها فى قسم شرطة الأزبكيه هى والسواق الأجنبى لكن بعد 11 دقيقه فقط وقبل مايلحقوا يعرفوا فى القسم أى تفاصيل كانت فيه عناصر أتجمعت بره القسم ومصر كلها زايطه ودغدغوا القسم وحرقوه وطلعوا الأجنبى من الحجز وباقى المحجوزين معاه ومتعرفشى ياأخى جابو البنزين منين وراحوا مولعين فى السياره بطريقه جنونيه وخلى دى معاك وتعالى نشوف التانيه ... والساعه 7 مساءاً بتاريخ 28 يناير يتلقى العميد إيهاب عرفه مأمور قسم عابدين وقتها يتلقى أخطارا بأن الخدمات الأمنيه المحيطه بمبنى وزارة الداخليه مسكت تانى سياره وبداخلها 3 أشخاص وانهم متحفظين على السياره وبداخلها 3 أفراد وبرضوا عناصر أجراميه أو متظاهرين تدخلت بالقوه وطلعوا الثلاثه وهربوهم وواحده ورا التانيه وبنفس الطريقه تتقفش كمان 5 سيارات حوالين محيط وزارة الداخليه وفى كل مره يتكرر نفس السيناريو عناصر تهاجم القوات وتفرج عنهم وأنتقل العميد بتاع قسم عابدين للمكان وتم التحفظ على الـ 5 سيارات

محاضر تحقيقات الواقعه دى فى تقارير لجنة تقصى الحقائق اللى أتعملت بعد كده وشوف أنت نسيت بسرعه أزاى موضوع لجنة تقصى الحقائق وعارف أن كانت فيه لجنه وتقصت وحققت فى كل اللى بنقوله فتفوته فتفوته ومش واخد بالك أنى فى  وسط كلامى بطرطش بالكلام وممكن تعرف مصادر معلوماتى وأنى مش مخابرات ولا ديالوا أنا راجل عادى بس من جيل أتربى على أن (( القراءه صيد والكتابه قيد فقيد صيدك )) وأنت أتربيت فى عصر وزير التعليم حسين بهاء الدين وأحمد فتحى سقوط ومتزعلشى بقى منى لازم نتكلم فى النقطه دى بصراحه القراءه بقت تقيله قوى على قلب كتير من الناس وكله عاوز صوره فيها سطرين ويقولك فكك من الرغى أدينى البهاريز واللى عاوز يقرا تقرير لجنة الحقائق حسيب له رابط الملف موجود على موقعى ودلوقتى الكتب الألكترونيه بقت مزروطه على الأنترنت بس محدش فاضى يقرا علشان كده فيه ناس موهومه وفاكره ان كاتب المقال هو سيادة الأدميرال جون ميجور المندوب السامى أيام الملك فاروق ملك مصر والسودان وخلينا فى موضوعنا ومش كل شويه حنرغى فى كلام فاضى ونشوف محاضر التحقيقات بتقول إيه ؟؟؟

فى أقوال المواطن هانى سيد توفيق 33 عام وقتها علشان محدش يقولى هانى بقى عنده دلوقتى 39 عام ومهنته موظف بالتنظيم والأداره أنه شاف أثناء تواجده بالقرب من جراج السفاره شاهد مجموعه من الشباب يلقون زجاجات الملوتوف على عساكر الأمن المركزى اللى حوالين محيط السفاره وحضرت سياره من سيارات السفاره وبداخلها 4 أفراد والنيران مشتعله فى كل مكان ودخلوا جراج السفاره وهما داخلين كانت أيديهم فاضيه وهما خارجين كان معاهم بنادق شكلها غريب وبعد ماخرجوا من الجراج ضربوا كام طلقه فى الهوا وكأنها أشاره للمتظاهرين فدخل المتظاهرين اللى فى الشارع الجراج وخلصوا على باقى الحاجه اللى فيه وسرقوه وخلوه على البلاطه وخدوا كاميرات المراقبه وشاشات المراقبه والكراسى وطفايات الحريق فى الجراج ومخلوش فى الجراج حاجه غير الجدران

نخش على واحد تانى فى التحقيقات وهو وليد عثمان المحقق الأمنى بمبنى السفاره الأمريكيه ويضرب كرسى فى الكلوب ويقول فى التحقيقات ويؤكد عدم صدور قرار أو تعليمات أو خط سير من السفاره بتحرك او خروج هذه السيارات وعاوز أفكرك أن أبواب السيارت والكونتاك بمفاتيح مشفره طيب الناس اللى سرقت العربيات دى وحنفترض حسن النيه وننسى خالص موضوع الجزيره والتصوير اللايف عرفوا الشفرات منين ؟؟؟؟؟؟؟؟؟؟؟؟؟

برضو وليد عثمان بيقول أن التعليمات اللى كانت عنده هى عدم خروج أى سيارات يوم الجمعه علشان المظاهرات اللى حتطلع ميدان التحرير سابقا ميدان المؤامره حاليا ومش حنقول بقى عليه بعد كده ميدان التحرير أحنا حنقول ميدان المؤامره التحرير سابقاً وبيقول وليد عثمان أيضا أن مفيش سياره خرجت من الجراج غير السيارات المسروقه اللى هى أبوابها مشفره

برضوا وليد عثمان بيقول فى فى التحقيقات أن أبواب الجراجات كانت مغلقه ويقر ويعترف أن مفاتيحها مشفره يبقى عندنا كده جريمة سرقة سيارات من مبنى سفاره أجنبيه أبواب جراجتها مشفر وابواب السيارات مشفره ومفاتيح تدوير السيارات مشفره طيب اللى سرقوا السيارات جابوا الشفرات منين يكنوش بيعرفوا فى الهاكرز بتاع الفيسبوك ... طيب المفروض السفاره تتقدم ببلاغ للشرطه أو للخارجيه المصريه عن سرقة السيارات اللى أتسرقت يوم 28 يناير لكن السفاره فضلت ساكته لحد يوم 16 فبراير يعنى بعد 20 يوم من الحادثه وأتعمل بلاغ رقم 998 لسنة 2011 جنح قصر النيل وشايف واحد حيقولى لو سمحت هات رابط المحضر حقوله رابط المحضر مع المحقق محسن بهنسى المحامى وهو أحد أعضاء لجنة تقصى الحقائق أصر على كتابة هذا السؤال فى التقرير بالجاف الأحمر لكن خد كمان عندك دى ونفس المحامى حط سؤال باللون الأحمر ومحدش عارف يجاوب عليه أزاى السيارات اللى أتمسكت كان عليها لوح مزوره لسفارة بنما وهى خارجه من السفاره الأمريكيه خارجه من بيتها ومن سفارتها وعليها لوحات سفارة دوله تانيه والمفاجاه أن اللوح دى تم تزويرها فى أدارة المرور لكن ملهاش علاقه بسفارة بنما يعنى اللوح لسفارة بنما ومتركبه على سيارات السفاره الأمريكيه واللوح سليمه لكن ماتخصش سفارة بنما طيب مين الدوله اللى كانت بتورد اللوح المعدنيه وقتها لمصر وعلشان كده المحامى ده شعره وقف وعمل مؤتمر صحفى وقال فيه الليله دى  وتقدم ببلاغ قال فيه أنه بيطالب بالتحقيق فى سرقة لوح سفارة بنما أو تزويرها ووجودها على سيارات السفاره الأمريكيه ويتهمها بقتل 28 مصرى فى أنحاء متفرقه بالقاهره منهم 14 فقط فى ميدان المؤامره التحرير سابقا ولو دماغك أتلخبطت أنا كمان دماغ أتلخبطت ومحدش لحد دلوقتى عاوز يجاوب ولا لاقى أجابه لهذا السؤال إلا لو حنمشيها من منطلق عديها الناس لبعضيها أو متأجل الكلام فى الليله دى أو فيه حد عارف ومستنى ياخد حقه بعدين ولسه موضوع السيارات ده حباله معانا طويله

نيجى بقى ونشوف اللى حصل فى وزارة الخارجيه أصل الموضوع ده مش سهل ولازم نعرف الحقيقه فيه المهم الخارجيه قالت إيه ياعم ياللى أنضحك عليك وأتعمل بيك ثوره أن السفير أشرف الخولى مساعد الوزير لشئون المراسم أن بداية القصه لما أتصل بيه قائد الشرطه العسكريه وقاله فيه سياره دبلوماسيه وتحمل لوحات دبلوماسيه واقفه قدام النادى الدبلوماسى المصرى ولو سمحت يافندم عاوزين نعرف هوية هذه السياره وهل تابعه لأشخاص موجوده جوه بالنادى لكن السفير أخبره أن مفيش حد جوه ولا فيه أجتماعات لشخصيات أجنبيه بالنادى فقربوا من السياره وعرفوا أنها للسفاره الأمريكيه فأتصلوا على السفاره علشان يتطمنوا منهم خوفا مثلا أنها تكون مفخخه ولو متخصش السفاره الأمريكيه يبقى تترفع من المكان ونشوف الليله دى والسفاره قالت معندناش علم بيها عموما أرفعوها وخلوها فى مكان معروف وحنيجى نشوفها

برضوا أشرف الخولى بيقول أن السفيره الأمريكيه بعد يوم 16 فبراير قدمت بلاغ للخارجيه المصريه بواقعة سرقة سيارات السفاره بالتليفون فطلبت من السفيره بيانات السيارات دى علشان نعرف نساعد قالتلى حاضر نص ساعه وتكون عندكم بالفاكس لكن قعدنا 9 أيام ولم تصلنا البيانات إلا لما أتصلنا أحنا تانى وطلبناها بنفسنا وبيقول أشرف الخولى فعلا السياره البيضا بتاعة ميدان المؤامره التحرير سابقا كانت من ضمن الـ 22 سياره المسروقه من السفاره الأمريكيه اللى لقوها بعد كده متدغدغه ومحروق معظمها فى منطقة مجرى العيون بمصر القديمه

لحد هنا لازم أنهى هذا المقال حفاظا على دماغك ودماغى ونكمل ملف سيارات السفاره فى المقال القادم ومعلشى سامحنى أن بتكلم بتفاصيل فى الموضوع ده لأن بلاغ المحامى بتاع لجنة تقصى الحقائق شدنى وشدتنى التفاصيل اللى فيه وزى ماعرفتها أنت كمان لازم تعرفها لأننا لو فكينا اللغز ده حنفك ألغاز كتير حتقابلنا بعد كده وياريت حد من اللى بيفهموا فى مواضيع المرور يكون معانا الحلقه اللى جايه ضرورى يمكن نوصل لحل لأنى بصراحه مافهمشى فى موضوع اللوحات المعدنيه والشاسيهات والحاجات دى ومتنساش حسيبلك رابط تقرير لجنة تقصى الحقائق وعملت أراجوز على الجهاز علشان أرفعهولك بالصيغه دى ومتنساش تقولى رأيك فى هل نذكر تفاصيل ولا مانذكرشى

http://www.mediafire.com/…/%D8%A7%D9%84%D9%86%D8%B5+%D8%A7%…

       جنرال بهاء الشامى