اللى مايعرفشى يقول عدس

كان فيه شاب فى جرن العدس وأغتصب بنت صاحب الجرن ولما أبوها حضر وشاف المنظر شال فاسه وجرى ورا الشاب والشاب علشان يغطى على مصيبته خد فى حجره شوية عدس وجرى بيهم من قدام الراجل وفضل الراجل يجرى طول النهار ورا الشاب علشان يمسكه وينتقم لشرفه والناس تقول لبعضيها الراجل أتجنن بيجرى ورا الوله طول النهار علشان شوية عدس ومحدش يعرف أن الموضوع يخص شرف الراجل والموضوع أكبر من العدس ماهو اللى مايعرفشى يقول عدس

مكنتش أحب أتكلم فى الموضوع لكن للضروره أحكام وحالة الجهل المتفشى التى لاحظتها اليوم بعد ظهور فيديو كحك الجيش

طبعا كلنا متفقين أن محدش كان بيتكلم فى السياسه قبل 2011 غير القليلين واللى كان يعرف وقتها أسم كام وزير فى الوزاره كنا بنعتبره راجل مخابرات أو عالم ببواطن الأمور وياحبذا لو حافظ كام مصطلح سياسى بنقول عليه الوله اللى هو

بعد 2011 وأنتشار الفيسبوك وتأثيره القوى على أحداث خيبة 35 ينايم 2011 أنجذب الجميع بقدرة قادر للحديث فى السياسه خصوصا بعد زيادة مساحة الحريه والتعبير عن الرأى ومقدرشى أنكر عليك حقك لكن علشان تتكلم لازم تبقى فاهم لكن تتكلم وانت مش فاهم يبقى زى الحمار اللى شايل حمل برسيم على ظهره ومش قادر ياكل منه

كل الصفحات اللى بتهاجم الجيش النهارده بتعتمد على تدخل الجيش فى بعض المشاريع الأقتصاديه تحت مسمى ده مش شغل الجيش ورغم وجاهة مايتحدثون فيه إلا أنهم ينطقون جهلاً أما جهلاً ليه فتعالى ياسيدى أقولك وعلشان أقولك لازم نبدأ مع بعض من الأول وخطوه بخطوه وقبل ماندخل فى تفاصيل لازم تسترجع معايا مقال اللامعقول فى عالم العقول اللى قلتلك أحتفظ بيه على صفحتك

http://genralbahaaelshamy.blogspot.com.eg/2018/04/3_10.html

صفقات أسلحة الجيوش تعتمد على مصادر للتمويل وتعتمد على مصادر تسليح يعنى اللى بنجيب منها السلاح وتنقسم صفقات التسليح كما هو متعارف عليه لصفقات معلنه وواضحه وصريحه وتكون أمام العالم كله بكافة تفاصيلها من أسعار وضمانات صيانه وعمولات ووسيط ألخ ألخ وصفقات غير معلنه ودى غالبا بتتم فى السر لصفقات أسلحه سريه أو ذخيره أو معدات أو ماشابه أو أسلحه غير تقليديه مثل الأسلحه البيولوجيه أو الكيمائيه أو النوويه أو البتروكيماويه وأنا كجيش مش عاوز أعدائى يعرفوا عنها حاجه

الميزانيه العامه للجيوش غالبا بتكون معروفه بطرق مخابراتيه وحسابات معقده فى الأجمالى بتتبع ميزانية الدول ومصادر دخلها بتقدر باقى الدول تحدد ميزانية جيشك ومن خلال معرفتها بميزانية جيشك ومصاريفك وصفقات السلاح المعلنه بتقدر تعرف لو فيه فائض وبتتبعه بتعرف راح فين وجه منين وتقدر بمخابراتها تتابع صفقات السلاح السريه حول العالم ورصد حركات التجاره ورحلات السفن السريه وليله كبيره قوى من خلالها بتقدر تعرف أنت هل عملت صفقات سلاح سريه وممكن تحددها وتعرف الغرض من هذه الصفقات ومن هنا وعرف معمول به فى كل برلمانات العالم يتم مناقشة الميزانيه العامه للجيوش كرقم واحد بدون الدخول فى تفاصيل

زى ماقلت لك فى مقال اللامعقول فى عالم العقول بدأت المخابرات تبحث عن مصادر تمويل بعيده تماما عن ميزانية الدول التابعه لها لعدة اسباب منها رفع الحمل عن كاهل ميزانية الدوله وصعوبة تتبع تلك المصادر ولأن الجيوش تحتاج لنوع من السريه الخاصه لحجم ميزانية التسليح كان ولابد من السير فى نفس المضمار

الجيوش الآن فى كل دول العالم لها عدة مصادر للتمويل منها مصانع منتجات مدنيه مثل المكرونه الثلاجات والبوتاجازات أو تجارة المواشى وأمتلاك بنوك وشركات أقتصاديه كبرى وشركات تأمين على الحياه وتعتبر البنوك وشركات التأمين أكبر نشاط بتتخفى خلفه المخابرات والجيوش لصعوبة تتبعه

الأكثر دهشه أن هناك أنشطه معلنه وأنشطه غير معلنه مثل المساهمه فى شركات كبرى خارج الوطن بسميات وهميه بطرق معقده لصعوبة التتبع

هل تعلم أن أمريكا أكبر دوله تتخفى خلف عصابات تهريب السلاح علشان تبقى عارفه السلاح رايح فين وجاى منين ولا خيبه لاتكون فاهم أن أمريكا مكانتشى تعرف أن أيران بتشترى سلاح نووى من الأتحاد السوفيتى بعد تفكيكه وبعلمها وبموافقتها وتحت بصرها لأنها هى عاوزه كده علشان تضغط بيه على ايران وفى نفس الوقت تعمله بعبع للعرب ودى محتاجه مقاله لوحدها

جميع جيوش العالم لها مشاريع أقتصاديه حره خارج المنظومه العسكريه منها ماهو معلن زى المكرونه والكحك ياجاهل ومنها ماهو غير معلن ومن الجائز أن تكون تجارة مخدرات أو تجارة أفلام أباحيه كما تفعل أسرائيل لصعوبة تتبع مصادر أوجه الدخل والأنفاق

الجيش المصرى أنشطته المعلنه على سبيل المثال مصانع أدوات منزليه معمره وكهربائيه وغذائيه وتموينيه ومزارع دواجن وأبقار وجاموس وثعالب وأرانب وأنشطه عقاريه وأنشطه زراعيه وتأجير أراضى زراعيه عالية الخصوبه فى بعض الدول الأفريقيه منها على سبيل المثال السودان وأوغندا هذا بخلاف الأنشطه والمشاريع والشركات والبنوك وشركات التأمين الغير معلنه

الجيوش والمخابرات دلوقتى بتشتغل فى أى حاجه تجيب فلوس ولا أنت فاهم الفلوس اللى كان بيصرفها المجلس العسكرى أيام خيبة 35 ينايم واللى كان بيفرقها على الشعب كانت منين ولا أنت فاكر الكام ملطوش اللى بيطلعوا من الدوله للجيش اللى بياخدهم يكفوه يصرف على الجيش قد إيه وخيبه لتكون فاهم أنهم بيكفوا شهر واحد وخيبه لتكون فاهم أن ميزانية الدوله كلها تكفى الجيش شهرين وخيبه وعبط لتكون فاهم أن الدوله فى ظروفها المهببه دى تقدر تصرف على الجيش وخيبه لامتكونشى فاهم أن طلعة الطيران بتاعة طيراتنا الساعتين بتوع ليبيا عقب دبح الـ 21 مصرى هناك أتكلفوا أكتر من 4 مليار جنيه وخيبه ماتكونشى فاهم أن الطياره الحربيه بتتكلف وقود فى الساعه 8000 جنيه وخيبه ماتكونشى فاهم أن فردة الكاوتش بتاعة الطياره تمنها 30 ألف جنيه وخيبه ماتكونشى فاهم طيب أسكت أحسن لو قعدت أعد من هنا للصبح حتقع من طولك

أحسب بقى الفلوس اللى بياخدها الجيش من ميزانية الدوله تلاقيها متكفيش بنزين للطيارات بس يبقى بقى ياأمور الجيش يكفى نفسه منين

الجيش لو عمل الحاجه وباعها بنص تمنها اللى بتتباع بيه فى السوق بيكون كسبان أضعاف القطاع الخاص لأن أهم بند فى التكلفه وهو الأجور مش موجود عنده

عرفت بقى ليه ياحيلة ماما ليه الجيش بيشتغل فى المكرونه والفراخ واللحمه والكحك وتعرف منين وأنت لو قريت صفحتين فى كتاب تصاب بأعراض الحمل قئ ودوخه وترجيع

جنرال بهاء الشامى