ماالهدف وراء ظهور وائل غنيم هذه المره

أولا لازم نعترف أننا أتاخدنا ورا مصنع الكراسى لكن عذرنا أن اللى أخدنا أجهزة مخابرات ومنظمات عالميه ورغم أنهم حققوا 50 % من عملهم لكن لسه أمامنا فرصه نلحق نفسنا

قبل ماتذمهل وتبرق وتجحظ عيناك مش حتفهمنى إلا لو كنت متابع معايا ملف الدين الأبراهيمى الجديد وعندك خلفيه عنه

لازم نعترف أن وائل غنيم قدر بأسلوبه بعد تدريبه جيدا على تحريك الشباب بحماس وعنف بعد كتمان وقهر داخلية مبارك فى الشارع المصرى فى أحداث يناير 2011 م وفعلا بدون مبالغه كان كما أطلقوا عليه أيقونة الثوره

أكيد حضرتك فاكر بعد الأفراج عنه فى أحداث يناير الأستقبال الأسطورى اللى أستقبلته به الناس فى ميدان التحرير وعلى شاشات التلفزيون بل لاأخفيك سراً كان هو وماوصل له طموح أى شاب فى مصر وكانت الناس بتنتظره على شاشات التلفزيون بشغف وحب

أكيد حضرتك فاكر لقائه مع منى الشاذلى وتمثيلية إعتذاره عن الضحايا والمشهد المسرحى اللى خرج به من الأستوديو

تم تجميد وائل غنيم مخابراتيا كعرف مخابراتى للحفاظ على شعبيته الكامنه فى عقول كثير من الشباب ولم يظهر نهائيا طوال السنوات الماضيه

هل صدفه ظهور وائل غنيم أو وائل صعبانيات بعد ظهور محمد على بضجته اللى عملتها فيديوهاته ؟؟؟

لا طبعا توقيت ظهوره محسوب بعنايه فائقه فقد ظهر فى حالة هياج الرأى العام ضد ماأطلقوا عليه أنحراف المؤسسه العسكريه بين مهاجم ومعارض ومدافع

ظهر وائل غنيم فى مسرحيه دينيه تلاحظها من كلماته أنا صافى الذهن ومتصالح مع نفسى وبعترف بأخطائى ولحد هنا ممكن كانت الأمور  تمشى عادى جدا راجل ظهر بيعترف بخطأه وتاب وندم على مافعله وكمان بيعتذر وكلنا ممكن نصقف لهذا الموقف الأخلاقى الأنسانى لكن وائل حاول أستقطاب جمهورالأخوان بطلبه الأعتذار من السيسى لأسرة الشهيد محمد مورسى رغم أن وائل غنيم خد شتيمه من الأخوان مخدهاش حمار فى مطلع بعد توليهم الحكم فى مصر فى محاوله يائسه منهم لكسر شعبيته

وائل غنيم لازم نعترف أن له شعبيه وسط الشباب الناقم والرافض لبعض تصرفات العاملين بأجهزة الدوله

لأستكمال المشهد النسانى والأخلاقى كان لازم يطلع يعارض محمد على ليجذب بعض رافضى أسلوب محمد على

فعلا تحقق له ماأراد وماندعيه وصفحته فى يومين عملت ملايين المتابعه وشفنا بعنينا محدش قال لنا وبلاش نضحك على بعض لأنه أستطاع فى أيام أستعادة أمجاده فى 2011 م

لحد دلوقتى وائل غنيم ظاهر فى دور أخلاقى وسيستمر فى هذا الدور وهو دور الصفاء النفسى والمصالحه مع الروح وترويض العقل والشهوات

برضوا لحد هنا فين المشكله ؟؟؟

المشكله أن وائل غنيم حلق شعره وحواجبه وهى طقوس روحيه ساميه جداً فى عالم البوذيه وبعض أديان جنوب شرق أسيا ويمارس مع الشباب عملية أيهام سمو أخلاقى لنصل فى النهايه لطرح الدعوه للدين الأبراهيمى الجديد وطبعا الشباب اللى بالملايين على صفحته سيقعون فى الفخ خصوصا وأنه مش بيتكلم على حاجه غلط لكن بيتكلم على سمو روحانى فى أوساط لاتعرف عن آلاعيب الشياطين شئ

 

 

وائل غنيم خلاص ظهر وخلاص قطع شوط كبير وهو تحقيق الشعبيه والرموزيه ولم يتبقى له سوى طرح مبادئ السمو الروحى الدينى والتسامح بين الأديان وندخل من باب خلفى للدين الأبراهيمى الجديد

 

المطلوب منك دلوقتى تنبه أولادك وخصوصا الشباب والفتيات وخصوصا المؤدبين وذوى الأخلاق من خطورة هذا الشيطان

لازال للحديث بقيه لكن أصابعى تؤلمنى بشده بعد حادثة القاهره المشئومه فلنا لقاء قريبا فى نفس الملف متى شاء الله

جنرال بهاء الشامى