هل فبركت المخابرات قتل الشهيد أبن آخر الأنبياء وأكاذيب محمد على

تانى تالت وموضوع الشهيد أبن آخر الأنبياء

أنت مصدق اللى بتقوله ؟؟؟

ليه ماتكونشى قصة راندا وموضوع المنشطات الجنسيه كله من تدبير المخابرات المصريه ؟؟؟

هو حضرتك حضرت الواقعه ولا كنت معاهم علشان تنشر كلام كذب وأفتراء على الشهيد عبدالله بن آخر الأنبياء ؟؟؟

قلنا مرارا الأسئله حق مشروع للجميع من سكان الوطن بمختلف أنتمائتهم  وميولهم وحق الرد أيضا حق مشروع لكن يجب أن تكون الأسئله تعبر عن فهم وإدارك وعلم بقواعد الأمور التى نسأل فيها يعنى مثلا مانكونشى قاعدين بنحشى ممبار ومجهزين طاسة القليه وتقولى حتلف الممبار فى رده زى السمك ولا لأ لأنه سؤال غير منطقى لكننا دائما تعودنا على الأسئله الغير منطقيه زى الراجل اللى رجع بيته وأتعشى وصلى العشاء وغير هدومه ولبس جلابية النوم ولما جه ينام جنب مراته قلقت من النوم وسألته أنت جيت ياحبيبى ... لا لسه ياروحى أنا راكب فى المترو عازين حاجه أجيبها لكم قبل ماآجى وكان المفروض يكون السؤال أنت جيت من بدرى ياروحى يرد يقول لها من نص ساعه ياحبيبتى

نرد على الأسئله الغير منطقيه بالمنطق والعقل والمعلومه الخافيه عن الغالبيه لعدم قدرتهم على القراءه والأطلاع

مسألتش نفسك ليه أسامه محمد مورسى وأمه حضروا عملية التشريح للمقبور مورسى وشهيد المنشطات الجنسيه عبداله مورسى العياط وعلى فكره محمد مورسى أسمه بالكامل محمد مورسى عيسى العياط علشان اللى بيشككوا فى التقرير الطبى

فى حالات الوفاه ذات الأهميه أو التى من المتوقع أن تثار من حولها المشكلات لها أصول وقواعد لأننا دوله مش عزبه وفيه منظمات ودول واقفه مستنيه غلطه وفيه عرف مخابراتى معمول به فى كل دول العالم وذكرها أحمد أبو الغيط فى مزكراته عن واقعة وفاة عمر سليمان فى أمريكا لما سأل لماذا أختفت العينات المخابراتيه فور خروجها من المستشفى ولم تسلم للمخابرات الأمريكيه ولماذا لم ترسل أمريكا تقرير طبى لمصر بهذه العينات

بقولك الواقعه دى علشان أوضح لحضرتك أن ده عرف عالمى مخابراتى معمول به لأن عمر سليمان شخصيه هامه رغم أنه كان على المعاش وقتها وليس له أى وضع سياسى لكن شخصيه وفاتها ممكن يثار حولها لغط

فى حالة مورسى وأبنه تم إستدعاء مرات مورسى وأحضار أسامه من السجن لحضورهم عملية التشريح وأخذ العينات قدام عنيهم من جثث النافقين مورسى وأبنه وبهد أخذ العينات الـ 15 طبقا للأعراف المخابراتيه يتم تشميعها وتوقيع أهل النافقين عليها وعلى التشميع أمام كاميرات الفيديو من أول العمليه لأخرها ويتم تصويرها بالكامل رغم قسوة مشهد التشريح ثم تسلم هذه العينات للمخابرات العامه لحفظها تحسبا لأثارة أى مشاكل

بعد نفوق أبو الأمراس أبو شهيد السكس طلعت القنوات الكطريه والتركيه لأثارة البلبله قالوا أنه مات مقتول ومنعوا عنه الدواء والكلام العبيط ده فهل حضرتك شفت الدوله ردت على هذه التخاريف رغم خطورتها ؟؟؟

هل حضرتك شفت جهه رسميه طلبت الأطلاع حتى على التقرير الطبى لأى نافق فيهم ولا كله ألتزم الصمت ؟؟؟

طبعا لا الدوله ردت على تخاريف القنوات ولا جهه رسميه أو منظمه حقوقيه أو أمميه طلبت الأطلاع على التقرير لأنه فعلا بيتم أرسال صوره من التقرير لكل من يطلب ذل بشكل رسمى لأنه معروف ومعلوم ماذا يتم فى مثل هذه الحالات

نرد بقى على الجربوع محمد على وخساره فيه الأسم بصراحه

بص ياكبد أمك علشان أنت بتهرتل بأى كلام وخلاص وعاوز تشتم وبس وعاوز تحط السيسى والسيده حرمه فى أى جمله من كلامك الوسخ

أنت قلت فى فيديوهاتك أن حرم السيسى مش حتنام على سرير سوزان مبارك وده معناه أن القصور الرئاسيه بيوت عاديه زى باقى البيوت

القصور الرئاسيه عكس القصور الملكيه تماماً التى تسمح البتوكولات بالنوم والأقامه الكامله فيها للملك وأسرته أما القصور الرئاسيه فهى مبانى حكوميه لايتوجد بها غرف نوم أو أعاشه للرئيس أو أسرته ومحل أقامة الرئيس وأسرته هو سكنه الخاص

فاكرين فى سلسلة مقالات الصقر الذهبى لما قلتلكم أن عمر سليمان وطنطاوى أنتظروا مبارك لألقاء بيان التنازل عن سلطاته لنائبه لمدة ساعتين ثم فوجئوا به يخرج هو وأسرته ويروح ... هنا السؤال روح فين ؟؟؟ بلطبع روح بيته

عبدالناصر كان ساكن فى مسكنه الخاص والسادات كان له فيلته الخاصه ولم يقيم أقامه كامله إلا وقت حرب أكتوبر فى قصر الطاهره ولمدة 3 أيام فقط وكان بينام على كنبة الأنتريه لأن القصر مفيهوش سراير

مبارك أيضا كان مقيم فى فيلته الخاصه ومورسى بن سنيه كان مقيم فى شقته بالتجمع الخامس والسيسى مقيم فى فيلته الخاص

لما رئيس الدوله بينقل نشاطه لأى مدينه فى الدوله غير العاصمه فبيدير البلد من قصر رئاسى فى هذه المدينه ولو عنده شقه أو فيلا فى هذه المدينه بعد شغله بيروح ينام فيها ولو معندوش بيروح يقيم فى جناح فى أى فندق

فى السفر للخارج حسب أتفاقية البرتوكولات أما بيقيم فى فندق على حساب دولته أو حساب الدوله المضيفه حسب التفاق وحسب نوع الزياره وبيطلقوا على الفندق مصطلح أقامة الرئيس زى كده السيسى ماحيروح نيويورك آخر الشهر ده وحيقيم على نفقة سفارتنا فى جناح فى فندق لأن الأمم المتحده ماتضايفشى حد

لو مثلا بوتين هو اللى دعا السيسى لزيارة روسيا فروسيا هى اللى بتتحمل مصاريف أقامة السيسى لكن لو السيسى اللى طلب الزياره سفارتنا اللى بتتحمل أقامة السيسى

يعنى قصور الرئاسه للشغل والمقابلات فقط مش أماكن أقامه كامه وتعتبر مؤسسه حكوميه العمل فيها شغال 24 ساعه مش بتقفل لأن دى مؤسسه رئاسيه طول الليل والنهار شغاله أستقبال مكالمات وتقارير من ك مصيي تاخد الجهله والجهلاء

فلتت منك دى كمان ياعسليه وهرتل كمان علشان لما ترجع تتحاكم على أفشاء أماكن عسكريه وتتحاكم زى الفريق الشاذلى بالظبط لكن الفرق بينك وبين الشاذلى أن طنطاوى أمر بمعاملته بما يليق بمعاملة قائد عسكرى سابق لكن حضرتك حتنام جنب دورة الميه ده لو كطر أو تورأيا قتلوش حضرتك علشان يكملوا الشوشره  

الدول تدار بأصول وقواعد وأعراف دوليه لايعلمها معظم الفيسبوكيين اللى فجاه لقى نفسه معاه موبايل وعليه أنترنت ووجد نفسه على موقع يتساوى فيه الجاهل مع العالم ويتساوى فيه الجاهل مع المثقف والمطلع وكل واحد بيدلو بجردله فطبيعى هو كمان يدلوا بجردله وفى الآخر لقينا نفسنا وسط جرادل بتدلوا بجرادلها ولكى الله يامصر فى عيالك اللى بينهشوا فى لحمك

                         جنرال بهاء الشامى