أنفاق غزه ولبانة الشهداء

كانت الدنيا زمان سايحه على بعضها ولا فيه حدود ولا فيه جوازات سفر ولا تأشيرة دخول ولا خروج وكان اللى عاوز يسافر بيركب حصانه أو جمله ويتوكل على الله ويتنقل من بلد لبلد

تطورت الحياه وأصبح لكل مجموعه من البشر مايعرف بالحدود الجغرافيه ومع تحرش الدول ببعضها بدأت كل دوله تعمل لنفسها قوات لحراسة الحدود

معظم حدود دول العالم تقع فى أماكن نائيه لاتصلح لحياة بشر طبيعيه

أمريكا عندها مشكله فى حدودها مع المكسيك لأسباب تخصها

التهريب بكل أنواعه يتم عبر الحدود أما حدود بريه أو بحريه أما الحدود الجويه فأغلب المهربين لاتلجأ لها لأجراءات التفتيش الصارمه فى المطارات لكن غالبا بيلجأ المهربون للحدود البريه أو البحريه

لما يكون عندى حدود وأرضها لاتصلح للحياه وألاقى واحد رايح ساكن هناك لافيه زرع ولا ماء وحياه آدميه صعبه يبقى مؤكد وأكيد عاشق هذا المكان لأنه شغال فى التهريب ولو خدت هذا الساكن فى هذه الظروف علشان تعيشه فى مكان يليق بحياه آدميه تجد الرفض رده الوحيد لأنه معندوش أستعداد يعيش بدخل شهرى فى مقابل تخليه عن التهريب اللى بيدخل له آلاف يوميا وسيادتك عاوز تاخده يعيش بمرتب ووظيفه حكوميه ويتخلى عن دخله من التهريب

معظم مهربى العالم وعصاباته يسكنون بجوار الحدود

ندخل فى موضوعنا وليه الغزاويه والحمساويه يرفضون التعامل من المنافذ القانونيه المعترف بها ويفضلون الأنفاق والتحايل على أجراءات التفتيش التى تتم فى المنافذ الطبيعيه ؟؟؟

ليه ساكن الحدود يرفض تنمية وإعمار المناطق الحدوديه ويقاوم بكل قوته أى مشاريع تنمويه بجوار الحدود ؟؟؟

أنفاق غزه لم تكن موجوده قبل حرب تحرير سيناء وهى تحت الأحتلال الأسرائيلى وأتحدى من يثبت عكس ماأقوله بالتاريخ والعقل والمنطق وحعمل ليه أنفاق فى أرض كانت تعتبر وقتها أسرائيليه

لو أتنقلت من حجره لحجره فى منزلكم فأنت بتنتقل بصوره طبيعيه بدون أى أزعاج لكن لو ةفيه باب مقفول فبتخبط على الباب علشان أحتمال يكون فيه حد بيغير هدومه أذن هنا فى تنقلك داخل حجر بيتك فيه ضوابط رغم أنك بتتحرك وتنتقل فى بيتك لكن فيه أصول لهذا التنقل ولما بتيجى خارج من حدود شقتكم أكيد بتقول للى فى البيت أنا حتخطى حدود الشقه وخارج أقضى مشوار بره وحرجع مثلا بعد ساعتين أذن فيه مايسمى أستأذان فى التحرك وتوقيته وفيه أخطار بموضوع خروجك وتحركك عبر حدود شقتك وأخطار بإحتمال موعد العوده

لو طبقا ده على حدود الدول بنسميه تأشيرة دخول وتأشيرة عوده وبتختم باسبورك وأنت خارج وأنت راجع

طيب ليه حضرتك رافض التحرك فى النور وبتفضل التحركات فى الظلام وتحت الأرض ؟؟؟

الأنفاق لاتخضع لأى ضوابط معمول بها دوليا زى تأشيره أو باسبور حتى لو كانت أهدافك نبيله فهى محل شك

أنفاق غزه أستفحلت وأصبحت سرطان فى عصر مبارك وكانت سبوبه للكبار هنا وفى غزه وأسرائيل وأنخفض نشاط منظمة الأكابى وتعالى نوضح الجزئيه دى

منظمة الأكابى هى أحدى المنظمات اليهوديه التى تعمل على تجميع اليهود من كل مكان فى العالم فى أسرائيل وكانت شغالبه قبل عصر مبارك فى تجميع اليهود فى معسكرات تمهيدا لنقلهم لأسرائيل فكانت بتحصل مساومات سياسيه للسماح بسفرهم لأسرائيل وكانت فيه ضغوط سياسيه فى هذا المضمار وكان بيتم الموافقه بعد أبتزاز هذه المنظمه أقتصاديا  وتفتكروا حضراتكم أن السادات أستغل عمل هذه المنظمه قبل قياد حرب أكتوبر بأيام لألهاء اليهود فى مشكله والأيحاء لهم أن لو السادات بيفكر فى حرب فلن يهتم بهذا الموضوع وكان الموضوع فى يوغوسلفيا وحكيت التفاصيل كلها فى سلسلة معجزة جيش وشعب

منظمة الأكابى دلوقتى بتسفر اليهود فرادى من كل دول العالم بدون معسكرات وتجميع ومساومات ومفاوضات وكدهووون وبعد تسفيرهم من أى دوله لأوروبا يتم سفرهم لأفريقيا ثم تهريبهم لمصر عبر السودان ويسافر فىالقطار عادى لحد القاهره وبعيد يروح سيناء ومن الأنفاق يتم تهريبه لغزه ومن غزه لأسرائيل وبيندفع على كل راس مبلغ معين بيتقسم على مهربين سيناء وغزه ووفرنا وجع الدماغ بتاع منظمة الأكابى

يعنى الحمساوى الغزاوى المشترك فى هذه الجريمه هو اللى بيساعد أسرائيل فى تجميع اليهود رغم أنه فى المشهد بيحاول يفهمك أنه ضد أسرائيل وحركات البتنجان  

أتحدى حد يقولى على معسكر واحد لمنظمة الأكابى الآن فى أى دوله فى العالم وأتحدى أى مخلوق فى العالم كله يثبت لى أى نشاط لمنظمة الأكابى ملموس وواضح وفى النور دلوقتى

معروف عالمياً أن أى نشاط لساكن حدودى مثير للشك ولو قلت لساكن حدودى فى سيناء تعالى أشغلك شغلانه محترمه فى القاهره وحتاخد مرتب 10 آلاف جنيه وتعيش فى شقه محترمه بالمكيفات وتلبس وتبقى أبن ناس سيرفض فى أصرار غريب

لو تعرف حد أبن ساكن حدودى عايش جوه البلد عاوزك تشوف حجم أنفاقه وتبقى ترد عليا

ساكن الحدود لما بينزل القاهره مثلا بتلاقيه راكب أحدث أنواع السيارات الفارهه مع أن عيشته جنب الحدود لاتطاق نظرا لعدم وجود خدمات وبنيه تحتيه لحياه كريمه

طيب تعالى كده قول حنعمل محطة قطار فى مدينة رفح وشوف رد فعلهم على أى مشروع تنموى لأنه عاوزها كده ومش عاوز رجل تدب فى المكان أو أى مظاهر لحياه طبيعيه

إيه اللى جابر ساكن الحدود يعيش فى هذه الظروف القاسيه وعلى بعد منه بكام مائة كيلو حياه كريمه وبنيه تحتيه محترمه

مبارك لما طلب الأذن مكانشى بيحافظ على أسرار دوله وكلام فارغ بالعكس كان بيهدد أنه يتكلم فى الأنفاق زى ماتقول كده بيقول أتكلم وأقول اللى عندى وكلامه يدينه بنسبة 100 % رغم أنه عارف معنى كلامه لكن قاله من منطلق التهديد سكتوا القاضى ده ومتخلهوش يسألنى أسئله من هذا النوع

تيجى بقى القياده السياسيه الآن فى البلد تضرب أنفاق تحت الأرض وأنت تقولى المهربين اللى ماتت شهداء يبقى أسمحلى بتستعبط وتيجى حضرتك تعترض على قتلهم يبقى بتستهبل

لو الحدود دى بتستعمل فى القانونى إيه اللى يخليها تحت الأرض وبعيداً عن أعين رجال الجوازات وبعيدا عن التفتيش

الجماعه بتوع غزه والجماعه الحمساويه بيقولك إيه ياسيدى أنتوا قافلين المعابر وأحنا من حقنا ناكل والمفروض علينا نساعدهم مش نضيق عليهم حقوله كلامك جميل وأى عاقل يسمعه يتعاطف معاك وزى ماأتكلمت أحنا كمان من حقنا نرد

لو طياره تخطت المجال الجوى لدوله تانيه بنسميه أختراق جوى وبتطلع طيارات تانيه تطاردها وممكن كمان توقعها زى ماحصل من أبن تنزيله مع الطياره الروسيه وكانت دى حجته

طيب ليه كل دوله عامله حاجه أسمها جوازات وتأشيرات مش علشان نكون منظمين وكل دوله تحافظ على أمنها وأمن شعبها وتعرف رايح فين وجاى منين وحتقعد قد إيه وغرض الزياره إيه وتفتشك ولو وجدت معاك ممنوعات ترجعك مطرح ماجيت وهل ده بيحصل فى الأنفاق أن فيه ناس من الجوازات المصريه شغالين فيها

طيب ليه عملوا حدود مش علشان كل واحد يبقى عارف أوله من آخره ويعرف يحافظ على أوله وآخره

شوفى ياقطه أبوكى قبض المرتب وكالعاده راح رماه فى حجر أمك وأنتى روحتى لأمك وقلتى لها عاوزه أشترى ساندوتش علشان جعانه على بال ماتوضبى الغدا .... أمك اللى عارفه ظروف البيت وعارفه المرتب حيتوزع أزاى رفضت .... هل من حقك ساعتها تعملى خورم فى الكومدينو وتاخدى اللى أنتى عاوزاه من مرتب أبوكى

لو أمك قفشتك ياقطه حتقول عليكى إيه لأبوكى ... بنتك قطه حراميه ياحاج

الكلام المزوق حلو والتلاعب بالمصطلحات والمشاعر جميل لكن الكلام بالأصول مايزعلشى

النور فوق الأرض وعاوز تسافر من هنا لهنا له قواعد وأصول ولما أقفشك تحت الأرض يبقى تستاهل اللى يجرالك والللى ماتوا من حماس أمبارح قتله وضد القانون ولا الأصول بتزعل

لو رجعنا لأحداث يناير 2011 م لم تكن تحدث هذه المهازل ولا يموت اللى ماتوا لولا وجود أنفاق غزه ومعاك رابط بالكلام اللى بقوله

https://genralbahaaelshamy.blogspot.com/2017/04/26.html

مكانشى حيخرج حد من السجون ولا كان مورسى حيهرب وربنا يبتلينا بيه سنه سودا كامله ولا كان حيكون هذا العدد الرهيب من المصريين والشرطه والجيش لكنكم تعشقون الخداع والعمل تحت الأرض زى مافهمتوا الناس أنكم مسلمين وأنتم بتساعدوا أسرائيل من تحت الأرض

خليك راجل مره فى حياتك وتعالى مواجهه راجل لراجل وبلاش نضحك على بعض وأخلع عباية الدين وعندك جيش مسلح وقول أنا هدفى الأساسى تخريب وأضعاف مصر وتبقى مواجهه صريحه ونشوف مين الراجل ومين اللى بيستهبل ويستعبط لكن تقولى واحد يموت تحت أرض بلدى كان شغال فى الحرام شهيد يبقى لامؤاخذه عامل فيها العبيط

جنرال بهاء الشامى