الصندوق الأزرق رقم 1

لو عرفت ماهى مهام الحرس الجمهورى كويس وعرفت أنه تابع للقوات المسلحه بالأسم فقط وأنه لا يتلقى تعليماته إلا من رئيس الجمهوريه فقط ولا يتلقى تعليماته من قيادة القوات المسلحه إلا إذا أمر الرئيس قائد الحرس الجمهوري بذلك وحدث هذا بالفعل عام 1973 بل يتلقّى تعليماته من ضباطه فقط وأعلى قائد في هذا السلاح هو قائد قوات الحرس الجمهورى وهو عادة ضابط برتبة لواء أو فريق وهو لا يتلقى تعليماته سوى من رئيس الجمهوريه وعلى عكس ما يظن البعض مهمة الحرس الجمهورى لا تنحصر في حماية رئيس الجمهوريه (( وهذه مهمة حراسة الرئيس المخلوط بينها وبين الحرس الجمهورى )) بل في حماية النظام الجمهورى بأكمله، بما فى ذلك منشآته ومؤسساته

وهى لا تنحصر في قصور الرئاسه وإنما أيضا مراكز القياده ومطارات الرئاسه بل وتمتد صلاحيتهم لحماية مؤسسات مثل مجلس الشعب والمحكمة الدستوريه العليا ومجلس الدوله أثناء الحرب أما الحراس الشخصيين للرئيس فهم عادة ومش قاعده من رجال القوات الخاصه ووحدات النخبه وقوات الشرطه الخاصه أيضا وهم يتبعون رسميا جهاز (( رئاسة الجمهوريه )) وهو جهاز تخابرى وأمنى أيضا ويعتبر رابع جهاز مخابرات معلوماتى مصرى بعد المخابرات العامه والمخابرات الحربيه وأمن الدوله وتم إنشاءه عام 1989 على ماأتذكر وله سلكه الخاص من ضباط المخابرات وضباط الأمن ويغطى تحركات رئيس الجمهوريه في مصر مجموعة عمل تتكون من جنود الأمن المركزى التابعين لوزارة الداخليه لتأمين الطرق الّتى يمر بها موكب الرئيس ومحيط مكان تواجده ثم مشاة الحرس الجمهورى لتأمين مكان تواجده

مركبات الحرس الجمهورى عادة 4 سيارات جيب)) محملة بـ 16 جندى من صاعقة الحرس الجمهورى وهم مجموعة متنقيه على الفرازه من جنود الصاعقه الغير متزوجين يتم إلحاقهم بقوات الحرس الجمهورى ويمكن تمييزهم ببذل الصاعقة الصفراء ذات البقع البنيه وبريهات الحرس الجمهوري الزرقاء ورشاشات الـ HK-5 القصيره كما يسبق الموكب 8 دراجات ناريه موتوسيكلات يعنى من الشرطه ومؤخرا أصبحت من وحده خاصه بالشرطه العسكريه مخصصة لتأمين الرئيس ومدربه على القتال التلاحمى من على الدرجات الناريه ويلى سيارات الجيب الخاصه بالحرس الجمهوري سيارتان (( واحده أمام موكب الرئيس وواحده خلفه )) جيب أسود يحتويان كل منهما على 4-5 جنود من الوحدة 777 قوات خاصه ثم تأتي 4 سيارات مرسيدس تحيط بشمال ويمين ومؤخرة ومقدمة سيارة الرئيس وتحتوى كلّ منها على 3 ضباط حراسات خاصه من طاقم الرئيس وأخيرا حارس الرئيس الشخصي وهو الضابط الوحيد الّذي يرافقه في سيارته إلى جانب السائق وأمين رئاسة الجمهوريه

عادة ما يكون هو و3 آخرين من طاقم حراسته المجموعه المكلفه بحراسة الرئيس خارج حدود الجمهوريه

إنضم مؤخرا لطاقم حراسة الرئيس أيضا دوريه من المروحيات الـ Mi-8 TPK وهى طائرات تصوير وإستطلاع ميدانى لرصد أي تهديد جوى أو صاروخى عن بعد وكل اللى قلته لك يامعلم غير خاضع للقاوات المسلحه

لما تعرف كل ده وبالتفصيل ده وكل الخبراء الموجودين فى الفانز حافظين الكلام ده تعرف ليه سامى عنان قبض على كل القيادات دى التى تقود هذه المجموعات الخارجه عن سيطرة القوات المسلحه رسميا وعمليا فى أحداث خيبة ينايم ومش حقدر أوضح أكتر من كده دلوقتى على الأقل لكن أوعدك فى وقته نفتح الصندوق الأسود لخيبة ينايم وعلشان الناس تفهم انها مش ثوره أحنا أتعمل بينا ثوره وتفهم ليه تم طلب التخلص من عمر سليمان من أمريكا وبعد مامخابراتنا عملت القصه اللى قلتلك عليها فى مقالات مصر أم الكون وتم أخفاءعمر سليمان من المشهد نهائيا ولم يتم فتح التحقيق فى إغتياله لأن روس كبيره حتيجى رجليها وخصوصا داخل مصر

أخيرا وليس بآخر كل فتره بنحاول نجيب على تساؤلاتكم فى حدود المسموح وفى حدود مايستوعبه عقلك لأنى مقدرشى آجى أيام الرسول مثلا وأقولك أنا روحت من مصر للسعودية ورجعت النهارده مش حتصدقنى لكن فى 2017 لو قلتلك الكلام ده حتصدقنى

أنتظرونا وقريبا جدا سنتجول فى جنبات الصندوق الأسود لخيبة ينايم وقبل الأعلام مايفتح فيها بس الله يرضى عليك تراجع قراءة مقالات مصر أم الكون وتربط مقالاتى ببعضها علشان لما أقولك أحداث يناير 2011 كانت ....... تصدقنى ساعتها

جنرال بهاء الشامى 

 

 

 

مصر أم الكون رقم 20

 

وصلا بما سبق والمقال رقم 20 من سلسلة مقالات مصر أم الكون وقبل أن نخوض فى التفاصيل نعيد تساؤل غايه فى الخطوره وهو ماذا كان يفعل 12 محامى ومحاسب من أكفأ من فى مجالهم فى القصر الجمهورى قبل تنحى مبارك ولماذا ظل زكريا عزمى فى القصر رغم أنتهاء مهمته الوظيفيه بتنحى مبارك حتى يوم 26 أبريل ولم يكتشف أحد وجوده إلا لابعد مداخله تلفزيونيه  ومن كان رئيس الوزراء لمصر أثناء تواجد هذا الفريق المحترف وهل كان على علم بما يفعلونه فى أروقة القصر وطبعا السيسى بحكم منصبه وقتها كان عارف إيه اللى بيحصل وهل ده له علاقه بعدم عودة بعض الهاربين من مصر حتى الآن وهل أنضموا لجبهة جيمى لأسقاط السيسى وهل مايجرى على الساحه الآن تمهيد لعودتهم وأستقبالهم فى المطار كفاتحين للأندلس المصريه ... قد تتعجب لهذه الأسئله لكن لو ربطتها ببعضها مع ماذكرناه فى السلسله تقدر تعرف النظام الحالى بيحارب كام جبهه فى الداخل بالأضافه لمن يحاربهم فى الخارج ولكى الله يامصر

تولى مبارك حكم مصر ومن كان لديهم 10 سنوات عمريه وقتها أصبح الآن عمرهم تقريبا 46 عام يعنى بإختصار شديد كل من يبلغ 50 عاما فأقل تربى ونشأ وترعرع فى عصر مبارك يعنى تأسس على الفساد وأكل من الرشاوى ونبت لحمه من حرام سواء بطريق مباشر او غير مباشر لأن كما ذكرنا من قبل كيف كان مبارك يطعم مصر من الحرام وبعيش ملوث بدماء الشعوب هو وصبيه محمد البرادعى غضب الله عليه وهم من فتحوا الباب لوضع القدم الأمريكيه فى المنطقه وطبعا سعادتك فاكر خطابات مبارك بتاعة انا كلمت صدام وقالى ورفض والحركات السياسيه التمهديه لدك وبيع العراق اللى أنت بتدفع تمنها دلوقتى وعلى الأقل رجوع مليون عامل من العراق وموت المئات

يعنى معظم الموجودين فى مصر الآن والنسبه الكبيره منهم فى الوظائف الحكوميه عاشوا من حرام وتربوا من حرام وعيشتهم كلها حرام فى حرام إلا من رحم ربى لذلك لاتستعجب من حجم الفساد فى مصر وتوغله وصعب جدا أنك تحارب شعب بأكمله وصعب تغير من طباعه وصعب تغير اللى أتربوا عليه والأصعب أنك تحارب منظومه كامله متكامله فى ظل ظروف أقتصاديه طاحنه والأصعب أنهم يمتلكون معظم مفاتيح مصر بحكم التوغل على مدار عقود كامله يعنى تقدر تقول السيسى بيحارب القماشه كلها ومش عاوزين ندخل فى تفاصيل علشان منقعشى فى المظور علشان مقال ممكن يتسرق من أجيال ترعرعت فى عصر مبارك البغيض

بدأ السيسى فى شهر أبريل كما قلنا يجتمع بقادة الأسلحه لترتيب الأوضاع بشكل متباعد وأنفرادى لمنع الشك فى قلوب الأخوان وححكيلك قصه بدون أسماء وقتها أحد المهمين فى البلد عمل نفسه عيان وراح زاره السيسى وقال إيه قابل هناك بالصدفه واخد بالك محمد أبراهيم وفهمه أن فيه ملف حيلاقيه فى سيارته وعاوزه يقراه كويس ويرد عليه عن طريق فلان الفلانى اللى كان فى يوم وزير خارجيه وحبوب جدا وفيه واحد حيقابله فى فرح بنت فلان وحياخد منه الرد على سديهايه (( أسطوانة كمبيوتر ))

محمد أبراهيم قرأ الملف كويس وفهم اللى فيه وبرضوا بشكل انفرادى بدأ يجتمع بمديرى الأمن وقيادات أفرع الداخليه ذات الطبيعه العسكريه ورتب معاهم اللى فهمه من الملف وقبلها كان فلان أستلم الأسطوانه من إبراهيم ووصلت السيسى فى أحدى أجتماعاته مع الرموز الوطنيه اللى كانت بتتعمل وقتها

كده الجيش والداخليه أتفقوا ورتبوا على أن لو الشارع نزل فى 30 يونيه والليله كبرت حيقفوا مع الشارع لو أستدعى الأمر 

بدأ الغليان فى الشارع وبدأت تمرد تجمع أكبر عدد من التوقيعات وبدأ الشاطر قلقه يزيد لكن كما قلنا أردوخان طمنه أن أمريكا لايمكن تسمح للعسكر بالعوده للحكم وأنه وصله تطمينات من أوباما بخصوص هذا الشأن لذلك محدش من الأخوان الكبار فكر يسيب مصر وقتها لكن مورسى كان راكبه عفريت ويوميا يتصل بالشاطر والقمر الروسى يسجل ويبعت للسيسى لأنه كان صعب تسجيل مكالمات الشاطر حتى لايتم كشفها ويعرف أنه متراقب وفى نفس الوقت كان السيسى بيحاول يوصل تطمينات للشارع متخفوش من الجيش وطبعا رجال مبارك كما ذكرنا فى المقال السابق بدأوا يزودوا العيار والأخوان تساعدهم بغبائهم فى قنواتهم ويتوعدوا اللى حينزل ودخل العند بين الشارع وبين الأخوان لكن كانت هناك مشكلة الخوف من بلطجة الأخوان وزاد الخوف قوى بعد أحداث المقطم اللى عملوها البعض لجس نبض رد فعل الأخوان

سافر وفد سرى من الأخوان كان على رأسه على ماأتذكر جمال حشمت وراحوا ألمانيا ومنها لأنجلترا للحصول على تطمينات لو الجيش وقف مع الشارع لكن ميريكل أكدت على ضرورة وقف العنف فى سيناء لأنه يتعارض مع أمن أسرائيل اللى بدأت تقلق وتشتكى من تدفق الأرهابيين فى سيناء وكررت كلمتها سيناء ملتهبه وأصدقائنا فى أسرائيل قلقون جدا أما ماحدث فى أنجلترا بالأمانه معنديش معلومات مؤكده عنه وأن كان ممكن تتوقعه من موقف أنجلترا من مصر بعد 30 يونيه ومش عاوزه مفهوميه لكن علشان المصداقيه لأعلم ماحدث فى أنجلترا وعاد الوفد مره أخرى ماعدا جمال حشمت اللى راح تركيا وقابل رئيس المخابرات التركيه اللى نقل له تطمينات أردوخان بمساندة الأمريكان للشرعيه فى مصر على حد قوله ولا أخفيك سرا أن كل المقابلات دى وصلت السيسى عن طريق القنصل العسكرى الروسى اللى كان كتير التردد على رئيس الأركان المصرى اللى كان بيبلغ السيسى أول بأول

كرسى فى الكلوب والشاطر طلب أيمن نور وعمرو موسى فى مكتبه بالمقطم للتفاوض معهم لبحث تهدئة الأوضاع مع باقى القوى من التيارات السياسيه فماذا حدث وقتها بالتزامن مع زيارتهم للشاطر وماذا دار فى مكتب الشاطر هذا موعدنا معه فى الحلقه 21 من سلسلة مصر أم الكون لكن لضعف المتابعه الهزليه ستتوقف هذه الحلقات وسنستكملها معكم فى حلقات أسرار مجهوله عاشمين أن تتابعونا فى الحلقات الجديده  

جنرال بهاء الشامى

 

مصر أم الكون رقم 19

نواصل اليوم ماسبق سرده فى حوالى 18 حلقه سابقه ولن نخوض فى أحداث دارت خلف الأبواب ونزكرها بوضوح لكننا سنحاول معاً إستنباطها من خلال مجريات الأحداث وأهيب بكم عدم سبق الأحداث والأستفسار فقط عما سبق نشره حتى لاتفقد السلسله التشويق والأثاره الدراميه

توقفنا عند شهر مارس من عام إزاحة الأخوان عن الحكم وقلنا ولابد لنا أن نعترف أن سبب سقوط الأخوان هو غبائهم الشديد وغرورهم والأستقواء بجهات أجنبيه لمحنا لها وذكرنا منها أردوخان فى مقابل صفقة بيع توشكى لتركيا وعلى الجانب الآخر ذكاء من النوع الخطير الخبيث من آل مبارك ذلك النظام المتوغل فى كل سنتيمتر فى كل شبر فى مصر ولا أبالغ أن قلت أن أغلب المصريين بدون وعى أو بإدراك من نظام مبارك الذى بدأ السيسى ضربه وأزاحة الستار عن معركه أراها من وجهة نظرى المتواضعه هى الأشرس والأقوى والغير متكافئه وتميل الكفه فيها لـ آل مبارك

بدأ النظام القديم لمبارك تلميم أوراقه بعد أخط\اء الأخوان الفادحه ولمحوا الضوء الأخضر من المصريين البسطاء والغلابه يعنى لمحوا الضوء الأخضر من الظهير الشعبى الذى فقدوه فى أحداث 2011 ولمحوا أيضا الضوء الأخضر من القوات المسلحه عبر تطمينات من وزير الدفاع وقتها عبدالفتاح السيسى

من أقوى الأسلحه التى تستخدمها فى الحروب السياسيه هى الضغط الشعبى أو فى صراع الكراسى لكى نكون أكثر وضوحا وكانت وجهة نظر آل مبارك نخلع الأخوان واللى يجى بعد كده نحطه تحت أبطنا ونسيبه يحكم براحته بشرط نشوف مصالحنا يعنى نخلص من الأخوان واللى بعد كده نبرمجه على هوانا ولو عصلج نبقى نزحلقه بس نخلص من الأخوان لأنهم أخطر لأنهم مسنودين من قوى خارجيه ممكن تقلب المشهد تماماً وطالما الجيش حيقف معانا حسب التطمينات اللى لمحوها يبقى معانا ظهير شعبى ومعانا الأهم وهو القوه اللى خسرناها ووقفت مع الناس فى 2011

هنا لابد لك أن تعترف بالتوصيف الحقيقى لخيبة ينايم 2011 لكن تعالى نشوف الأحداث حتمشى أزاى ..... مورسى أصدر إعلان دستورى غبى هبط بشعبية الأخوان خارج مريديهم لدرجة الصفر ومن قبلها أحداث الأتحاديه اللى كان فيها تلميح قوى من الجيش والداخليه أنهم لن يكونوا ذراع الأخوان ضد أى تحرك شعبى وقبل هذا كله وبعد مرور 100 يوم من حكم مورسى فى أحداث جمعة كشف الحساب لم تتدخل الشرطه ولكن من فض هذه الجمعه هو عصابات الشاطر بقيادة المغوار أحمد المغير وكلكم شفتم صوره وهو واقف بيكسر فى منصة جمعة كشف الحساب ورغم ظهور المغير فى أكثر من مشهد فيما بعد إلا أن هذا المشهد كان تعبير واضح عن ديكتاتورية الأخوان وقلنا سابقاً أن أحداث الأتحاديه كانت أنذار واضح للأخوان أن الجيش والداخليه مش تبعكم وحنوضحها شويه

مورسى كان فى القصر وحدث التجمع من بعض الشباب قدام الأتحاديه ومورسى كلم رئيس الحرس الجمهورى وطلب منه فض الناس اللى بره لكن رئيس الحرس الجمهورى قال له أنا حدودى القصور الرئاسيه والمنشآت الرئاسيه وتحركات الرئاسه فقط وده مش شغلى يافندم ده شغل الداخليه وأتصل مورسى بوزير الداخليه مع أنه كان المفروض يتصل برئيس الوزراء كتسلسل قيادى لكن وضحنا قبل كده أن الأخوان مايعرفوش الكلام ده وكان رد وزير الداخليه الأعتصام سلمى حتى الآن ولو قربنا من الناس حتحصل مجزره عند القصر وممكن العمليه تاخد منحنى أخطر لكن كل اللى نقدر نعمله نحمى القصر من الخارج ونمنع أقتراب الناس منه وفعلا يافندم فيه قوات أتحركت دلوقتى وحضرتك ممكن تطمن

الكلام معجبشى أبو الأمراس فأتصل بالمعلم الكبير وبلغه ياحاج خيرت قصر الأتحاديه فى خطر ومنصب الرئيس فى خطر وعاوزين نفض شوية العيال دى قبل الموضوع مايكبر وفورا أتصل الشاطر بياسر برهامى وطلب منه مساعدة السلفيين فى فض الأعتصام اللى قدام الأتحاديه وكان رد ياسر برهامى حسب إعترافاته علشان محدش يقولى بتجيب الكلام ده منين إحنا ملناش فى الدم ياحاج خيرت وأتعصب جدا الشاطر فى التليفون على ياسر برهامى وقاله يعنى مش حنعرف نمشى شوية العيال الجرابيع دى من قدام القصر عموما أنا حتصرف وأتصل بالدموى حازم ابو أسماعيل اللى كان رده مش حتشوف الدبان يقرب من القصر تانى ياحاج خيرت

من الساعه 9 مساءاً وحتى صلاة الفجر كان تم تجميع ميلشيات حازمون ومعهم بعض بلطجية الأخوان بقيادة محمد الأرنب وأحمد المغير وحصلت المجزره اللى كلنا شفناها وأنفضت الخيام بالقوه وتسببت بغباء الأخوان فى زيادة السخط الشعبى ضدهم

كل المكالمات دى طبعا أتسجلت واتحطت قدام الشيخ توحه لكن سامحنى عاوز أرجع تانى لـ آل مبارك علشان هما محور اساسى فى النقطه دى وبدأت رؤوس الأموال التقيله والأبواق الأعلاميه تشتغل كويس قوى على الأخوان وبدأت الأزمات تشتغل وأختفى البنزين وأختفى البوتوجاز ووصلت بعض السلع أسعارها لأرقام خرافيه وقتها لتضييق الخناق الشعبى على الأخوان فزاد السخط الشعبى على الأخوان وهو ده نفس الأسلوب اللى بيعملوه دلوقتى مع السيسى بس المره دى الأخوان وآل مبارك مع بعض برضوا بيعملوا أزمات طاحنه لزيادة الضغط الشعبى على السيسى لكنهم حتى الآن يفتقدون القوه المتمثله فى الجيش لكن الداخليه حالها مايطمنشى وتصرفاتها بتقول لحد دلوقتى أنها بتشتغل ضد السيسى والخيانه وارده من الداخليه بنسبة 40 % ولو ناقشت حد من الداخليه دلوقتى ورغم أن السيسى شبعهم لكن لو سمعت كلامهم تلاقيهم بيشتكوا من السيسى أكثر من الفقراء نفسهم (( أنذار لك ياسيسى خلى بالك  ))

آل مبارك لما وقفوا معانا فى 30 يونيه كانت عنيهم على الكرسى أو لو مطلهوش على الأقل مصالحهم تمشى زى أيام مبارك لذلك تلاقى قبل 30 يونيه كان ساويرس معانا وأبراهيم عيسى معانا والأبراشى معانا ويوسف الحسينى معانا وكل الحبايب اللى مش حنقدر نحصرها هنا لضيق الوقت كانت معانا ولما حصلت 30 يونيه فضلم برضوا معانا لحد لما السيسى خلص الأستحقاقات الثلاثه فقط وبدأ يظهر السيسى على حقيقته الصادمه وأكتشفوا أن السيسى مدير المخابرات بتاع نظام مبارك مش هو السيسى رئيس الجمهوريه وأنه خزلهم وأنه خانهم وغدر بيهم على حد وصفهم بدأوا فى الأنقلاب عليه وأنت شايف دلوقتى بنفسك والشاطر فيهم لنهم أذكياء بيحاول يركب سفينة المعارضه الطاهره علشان يعمل دفنس ودفاع لما السيسى يوقعه زى عمنا أبراهيم عيسى وكل لما السيسى حيضرب حتزيد ضرباتهم وحيزودا الأزمات أكتر وأكتر علشان يخنقوك من السيسى لأنهم محتاجين ظهير شعبى ولو عرفوا يشقلطوا السيسى ودى صعبه حبتين يبقى على الأقل فى الأنتخابات اللى جايه يخلوا الشعب يروح يقف تحت بيت جمال مبارك ويبوسوا رجله ويطلبوا منه ينزل الأنتخابات قدام السيسى ويبقى جمال لم يتدخل فى أى حاجه وياعينى الناس هى اللى راحت باست رجله علشان يرجع نظام مبارك يحكمهم تانى ويبقوا شقلطوا السيسى بالديمقراطيه قدام العالم كله وشوية السيساويه بتوع الفيسبوك وتويتر ولا لهم أى لازمه ولا لهم أى أعتبار ومش حاطينهم فى دماغهم لأنهم شوية هجاصين ميقدروش يقفلوا أكونت فيسبوكى

المصريين يعشقون الأستعباد ويعشقون من يسرقهم ويستغفلهم بشرط أنه يسد بطونهم الجعانه ومش مهم يأكلهم منين ولا مهم إيه اللى حيحصل بعد كده المهم بطنه ومزاجه وتسيبه يقلب عيشه وعلشان كده اغلروس الكبيره قوى قوى اللى برا مصر مش حترجع دلوقتى إلا لما الرجاله فى مصر تسوى الناس فى الشارع علشان تروح تستنهام فى المطار بالطبل البلدى

نعود لمجريات الأحداث ويلمع نجم بعص الشخصيات الشبابيه مثل محمود بدر وغيره وكان لازم وطبيعى وألف باء أمن المخابرات تحطهم تحت عنيها وتراقبهم على الأقل حتى لايتم أستقطابهم أو ينحرفوا عن المسار الوطنى وكثرت نجوم المجتمع على الفضائيات والصحف وزاد العبء على المخابرات فى أحكام السيطره على البلد على الأقل حتى لاتتكرر خيبة ينايم تانى ونلاقى جهات أجنبيه بتتحكم فى الشارع (( مش قلتلكم قبلل كده أنتوا أتعمل بيكم ثوره وأتسلمت لغيركم )) لكن تعالى نشوف الأخوان كانوا فين والأحداث بتتلاحق من حولهم والتوقيعات على أستمارة تمرد تتزايد يوم بعد يوم والضغط النفسى الرهيب اللى كان عليهم وعلى الشاطر تحديداً لكن قبل السرد لابد من توضيح بسيط وهام فقد لاحظنا أمس أن بعض الأخوه فهموا موضوع المخابرات غلط واللى أحب أوضحه أن شغل لااللامعقول فى عالم العقول لايمكن للعامه إداركه بسهوله لكن ممكن تعرف أنه فيه حاجه أسمها التطمينات من خلال خطابات أو تصريحات أو الأيعاز المخابراتى ولو عن طريق أثارة الشائعات ولو دخلنا لافى الأيعاز المخابراتى محتاجين سلسله لوحدها لتوضيحها وشرحها لكن اللى عاوزك تتأكد منه أنه شغل غير مباشر ولو حضرتك فهمته فى وقتها يبقى الأفضل للناس دى تقعد فى بيوتها لما بتوع الفيسبوك يفهموهم وبكررها شغل المخابرات هو اللامعقول فى عالم العقول وصدقنى لو قلتلك أنه شسغل خارق للنواميس الطبيعيه يستغلون فيه النواميس الطبيعيه لكى تبدو أمامك بذكائك المحدود أنها طبيعيه

بدأت أجتماعات المجلس العسكرى تنعقد لكنها غير كاملة الأعضاء بالشكل الرسمى والباقى يعرف مادار من خلال سهرات العشاء أو فى سهرات الأصدقاء والمناسبات حتى لايتم لفت نظر الأخوان لأهمية هذه الأجتماعات ..... أرى أن المقال أستطال أكثر من اللازم وأكتفى بهذا القدر اليوم على وعد بلقاء لو فى العمر بقيه

الـ Copy و Paste هو سرقه مكتملة الأركان لمجهود غيرك والأوبشن القانونى المتاح هو عمل مشاركه

جنرال بهاء الشامى

 

مصر أم الكون رقم 18

كنا قد توقفنا فى المقال السابق عند ظهور حركة تمرد على السطح للتمهيد لأنتفاضة المصريين ضد حكم الأخوان وتقدر تقول أنها تبلورت فى شكلها النهائى فى فبراير من العام نفسه وقلنا أن البدايه كانت من بورسعيد

ليس خافيا على أحد الآن أن هناك غليان فى الشارع المصرى بعد أحداث المحكمه الدستوريه والأتحاديه 1 و 2 ومن قبلهم الأعلان الدستورى الذى يمنع حل مجلس الشعب وقتها وهنا لازم نرد على الأخوان فى مقولة أن عبدالفتاح السيسى خانهم وأنهم تفاجأوا بما فعله عبدالفتاح السيسى

فى المقالات السابقه قلنا أن بداية تصادم السيسى مع الأخوان عكس مايروجون كانت عقب عودة أبو الأمراس من رحلة ألمانيا وحوار ميركل معه بخصوص سيناء ومكالمته مع الشاطر والمكالمه اللى لقطها القمر الصناعى الروسى ومش بنعيد الكلام لكن بحاول أفكرك لو أنت متابع من زمان ولو متابع جديد يبقى بنديك فكره مش أكتر لكن علشان تستمر معانا لازم تكون قرأت الأجزاء السابقه من هذه السلسله وطالما جبنا سيرة القمر الصناعى أحب أفكرك بموضوع لميس الحديدى علشان أنا ملاحظ أن فيه حمله شرسه عليها وهنا إحقاقا للحق فأنه يغفر لها مافعلته طوال حياتها أقناع العالم كله أن مصر فقدت السيطره على القمر الصناعى المصرى وعيب قوى نكون جاحدين بالشكل ده أو زى القطط ناكل وننكر لأن لميس الحديدى رغم عدم أقتناعى بها كمذيعه إلا أنها أستطاعت و لعبت الدور صح وساعدت مخابرات بلدها على أقناع العالم أننا فقدنا السيطره على قمرنا الصناعى بعد حادث دبح ولادنا فى ليبيا (( عاوز أشتم وماسك لسانى أهو علشان خاطر الستات ))

لا أخفيك سرا أن كان فيه تحالف مؤقت وبقول مؤقت بين كل أعداء الأخوان وعلى رأسهم وأخطرهم طبعا مؤيدى مبارك وهم خير من يقود الباقيين الذين لايملكون المال ولا الخبره ولا المنابر الأعلاميه وطبعا أنت فاكر الحرب الأعلاميه اللى دارت بين الأخوان ومعاهم السلفيين ونركز بقى هنا كان معاهم مين ياحبيبى كان معاهم السلفيين بكل فصائلهم ومشتقاتهم ومشتملاتهم وبين ومن غير غير مانحور على بعض الحزب الوطنى القديم ولا تعالى قولى هو مين كان يملك قنوات غيرهم

خلى بالك معايا برضوا علشان نبين كدبهم بعد كده أن السلفيين كانوا معاهم وأيد بأيد وكتف بكتف لحد 30 يونيه علشان بعد كده نشوف ياسر برهامى عمل إيه وهل هو رجل وطنى ولا راجل خاين

هنا لازم نوضح نقطه مهمه أن السيسى والسلفيين والأقباط لم يخونوا الأخوان أو يغدروا بهم لكن الصدمه من تكاتف الجميع ضدهم أصابتهم بالذهول بعد أن وضحنا فى الأجزاء السابقه أنهم لعبوا بورقة الأغلبيه على قفا المجلس العسكرى ومن هنا كانت صدمتهم لما أكتشفوا أنهم بلا وزن حقيقى على الأرض وأنا حسبتها معاك قبل كده فى مقال منفصل وحنوضحها برضوا فى وقتها تانى

قبل الأخوان مايكتشفوا حقيقتهم بأنفسهم وعقب وجود حركة تمرد للنور أختلق الأخوان وحزب الوسط بتاع عصام سلطان حركة تجرد فاكرينها ولا نسيتوها أصل المصريين بينسوا بسرعه المهم لما حركة تمرد كانت عامله عداد يومى بالتوقيعات اللى بتعملها والحركه دى بالذات شغل مخابرات عالى جدا فرع الحروب النفسيه وفعلا نجحت فى عمل ضغط عصبى ونفسى على الأخوان ولما وصلت لجمع 15 مليون توقيع وهو الرقم المنشود لمنع أستكمال مدة حكم أبو الأمراس (( عل فكره واحشنى قوى الراجل ده كنت بحب أتفرج عليه قوى وكان بجد مسخره وكنت بعمل تحليلات أيامها على حسه كانت سبب شهرتى على الفيسبوك )) وعرضت حركة تمرد مراجعة التوقيعات والأستمارات بأى جهه قانونيه أو حقوقيه أو أى جهه محايده لأن حركة تجرد لو أنتوا فاكرين كانت دايما بتزود على حركة تمرد 11 مليون علشان موضوع النسبه والتناسب لكن حركة تجرد لم توافق على مقترحات حركة تمرد وهو مايؤكد تدهور شعبية الأخوان وكذب تقارير حركة تجرد التى أبتدعها عصام سلطان

سخنت السوشيال ميديا جدا فى مارس ووقتها لو حضراتكم فاكرين أنا ناشدت الأخوان للهدوووء لأن العصبيه لن تحقق سوى نتائج عكسيه والأصدقاء القدامى أكيد فاكرين المحكمه الشعبيه اللى أنا عملتها وكان معانا وقتها الكابتن طيار بهاء عبد العزيز اللى هددوه بعد كده بالقتل وعملنا لجنة من 8 أفراد للأتهام برئاسة بهاء بك عبد العزيز ولجنة للدفاع من 10 أفراد برئاسة محمود السلحدارالشهير بمحمد السلحدار وهيئة محكمه أتذكر فى عضويتها فضيلة الشيخ محمد هاشم وأنا كنت فقط مدير للمحكمه بحكم خبرتى على الفيسبوك وبتوع الأتهام عملوا جروب علشان ينظموا نفسهم وبتوع الدفاع عملوا جروب علشان ينظموا كلامهم وصدر وقتها الحكم بالأعدام على رئيس الجمهوريه محمد مورسى وأظن ده كان أنذار من الأنذارات اللى كان المفروض الأخوان يعملوا حسابها

كان الأخوان أو الشاطر تحديدا بعد تصاعد حدة التوتر بينهم وبين السيسى وبعد مالبول تاجى طرح فكرة تصفية السيسى جسديا لكن الشاطر رفضها كانوا مطمنين لوعد أردوخان أن البيت الأبيض لن يسمح بسقوط الجماعه ولن يسمح للجيش المصرى بالسيطره على مصر تانى والنقطه دى تحديدا اللى خلت الشاطر يماطل فى موضوع أراضى توشكا مع أردوخان علشان يضمن أن أردوخان يضغط على أوباما لمنع انقضاض الجيش على السلطه (( الشاطر كان حيبيع توشكا لأردوخان قصاد شوية مصانع نسيج فى تركيا وأعوا تكونوا نسيتوا ))

كده عندنا كل الجبهات أتفتحت على الأخوان على الصعيد الأعلامى هاجت الدنيا عليهم بواسطة رجال مبارك وعلى الصعيد الشعبى الشارع مش طايقهم والسوشيال ميديا كانت حريقه وقتها وأى حد كان يعادى الأخوان أما أن يكون مسيحى أو مرتد أو عدو للأسلام وأخذت الحرب على السوشيال ميديا بعد دينى والغالبيه تحاول أن تنفى عن نفسها شبهة الكفر بالله والأخوان يكفرون مايشاؤن وطلعت عليا أيامها أشاعة أن الجنرال مسيحى

نيجى بقى نشوف الحرب على الصعيد السياسى والعسكرى وخصوصا اللى يخص الجيش والداخليه وبالتحديد اللى يخص الشيخ توحه لكن انا شايف المقال حيطول مننا لذلك نكتفى بهذا القدر اليوم على وعد بلقاء لنعرف مادار فى الكواليس السياسيه وكيف تأزمت العلاقه بين الأخوان والجيش والداخليه وأزاى كان أبو الأمراس عباره عن طرطور فى القصر وأزاى السيسى مسك خيوط ومفاصل البلد على مدار 4 شهور وقبل 30 يونيه بالرغم من وجود رئيس فى الأتحاديه لكنه لم يكن يحكم فعليا ويمكن الصوره أياها كانت خير دليل على كلامى وهو واقف جنب السيسى مرعوب وبيبص من تحت لتحت فى الخباثه وأزاى أبو الأمراس كان عارف اللى حيحصل وكلم الشاطر والشاطر قاله له إيه ؟؟؟؟

هذا موعدنا معه الحلقه القادمه متى شاء الله

جنرال بهاء الشامى

 

فيه حاجه غلط

 

■■ لما القطه تحطها فى شوال وترميها فى بلد تانيه وتصر على الرجوع للمكان اللى عاشت فيه وأتربت فيه وتصر على العوده لوطنها ولما نفس الشئ مع الكلب يحدث ويصر على العوده لوطنه رغم ان صاحبه ممكن يقتله ولما الطيور المهاجره تبقى عندها غريزة الحنين والرجوع للوطن وأنت اللى ربنا كرمك بنص كيلو مخ فى جمجمتك متعرفشى اللى تعرفه الحيوانات ومتعرفشى يعنى إيه وطن يبقى فيه حاجه غلط 

■■ لما نجيب مثلا وبقول مثلا مواطن من محافظة المنوفيه أو أى محافظه فى مصر ونغلط فى محافظته وطنه الأصغر وتلاقى وشه يحمر والدم يجرى فى عروقه وينسى الأدب والأحترام ويهب ويشتم فى اللى يغلط فى محافظته رغم أنه ممكن يكون مابيطيقشى المحافظ بتاع محافظته وأنت تقف تهيص وتشهيص وتبقى مبسوط وأى حيوان من دوله تانيه بيغلط فى بلدك يبقى فيه حاجه غلط 

■■ لما كـطرى أو سعودى بيشتمنى ويشتم المصريين على الفيسبوك أو تويتر علشان أتريقت على بلده أنا شخصيا مابردش عليه الشتيمه وبجيب غيرى يحط ويشيل على اللى جابوه لكن من جوايا بحترم فيه غيرته على بلده لكن لما أنت تتضامن معاه وتشتم فى بلدك يبقى فيه حاجه غلط 

■■ لما تركيا اللى النمله عارفه أنها بلد الديعاره الرسميه والمقننه وبلد مواخير الديعاره وبلد زواج المثليين والشواذ جنسيا وتركيا تدهورت على أيد أرودوخان وأقترب أقتصادها من الحاله صفر ودخلت مرحلة الخطر الأقتصادى على يد أردوخان وانت تدافع عن تركيا وتهاجم بلدك يبقى أكيد ومؤكد فيه حاجه غلط 

■■ لما أردوخان نفسه يقول تركيا بلد علمانى ودستورها يقر بالعلمانيه وأنت تخدع نفسك وتقول أردوخان محتسى الخمور علانيه خليفة المسلمين وتشوه رموز دينك وتقول تركيا بلد الأسلام يبقى فيه مؤكد حاجه غلط 

■■ لما بلدك يحصل فيها عمليه أرهابيه وتشمت فى بلدك وتتريق عليها ولما نفس الشئ يحصل فى تركيا تتضامن وتتعاطف مع تركيا وتدافع عنها وتقول ده مكانشى ملهى ليلى فشر ده كان معهد لتعليم القرآن يبقى مؤكد فيه حاجه غلط

■■ لما الدنيا كلها عارفه أن أمريكا دوله إستعماريه وجمال حشمت وشلته يروحوا يلحسوا بلاط الكونجرس ويعملوا نفسهم بيصلوا فيه ويطلبوا من أمريكا تقف معاهم يبقى أكيد فيه حاجه غلط 

■■ لما لسانك الطويل يطول على ولاد بلدك اللى أتربيت وسطهم وتعاطفوا فى يوم من الأيام معاك ويقصر على اللى عمرك ماشفتهم يبقى أكيد فيه حاجه غلط 

■■ لما عادل حباره يعترف أمام العالم وأمام كاميرات الأعلام أنه صاحب الـ 25 شمعه ولما يتم تنفيذ شرع الله فيه والقصاص منه تقول عليه شهيد وتتضامن معاه يبقى فيه حاجه غلط ومؤكد وأكيد فيه حاجه غلط فى معتقداتك الدينيه 

■■ لما كل فيديوهات اليوتيبوب تشهد أن ساميه شنن  سقت راجل محروق وبيموت مية نار وحتى لو كان كافر فلم يأمرنا ديننا بذلك وان تتضامن معاها وتبرر جريمتها يقى فيه حاجه غلط فى معتقداتك الدينيه 

■■ لما دينك يأمرك أن تكون عفيف اللسان وانت سليط اللسان يبقى فيه حاجه غلط فى معتقداتك الدينيه 

■■ لما يكون نفسك زى شمشون وتهد المعبد على اللى فيه يبقى فيه حاجه غلط 

■■ لما ولما ولما واللامات كثيره ولا تحصى وانت رافض أنك تفهم يبقى فيه حاجه غلط 

■■ خلافك مع رئيس الدوله أوكى معنديش مشكله الأختلاف سنة الحياه لكن السيسى مش الجيش اللى بيحميك وبيحمى مراتك وعيالك وأخواتك ومحافظ على شرفك وعلى بواسيرك سليمه لحد دلوقتى والسيسى مش مصر علشان تغلط فيها والسيسى مش بهاء ولا مينا ولا مصطفى ولا ميدو علشان تشتمهم وتغضب ربنا فيهم وتقولى انا الأسلام والبتنجان 

■■ وهنا لابد لى أن أسألك لكى أتعرف عليك لأنك كائن غير طبيعى وغير سوى نفسيا وأريد أن أتأكد من ظنونى وشكوكى فى دينك ومعتقداتك وأنتمائتك 

🔴 ماقولك فى حديث الرسول ليس منا من روع مسلما ؟؟؟ وأنت من ساعة ماظهرت على حقيقتك أصبحت مدمن ترويع مسلمين والمسلمين فقط 

🔴 ماقولك فى حديث الرسول آيات المنافق ثلاث إذا حدث كذب وإذا أؤتمن خان وإذا خاصم فجر ؟؟؟ وأنت الصفات الثلاثه متوفره فيك عن إستحقاق وجداره وأفعلك كلها تؤكد ذلك

ماقولك فى سرقة أموال المسلمين العامه ؟؟؟ فاكر لما سرقت محلات الصيغه والبنوك والمتحف العلمى 

🔴 ماقولك فى إتلاف وتدمير ممتلاكات المسلمين العامه ؟؟؟ وأنت كل يوم بتدمر فى ممتلكات المصريين المسلمين 

🔴 ماقولك فى حديث الرسول لايسب أحدكم أبويه قالوا ومن يسب والديه قال يسب منكم الرجل أخاه فيسب أخاه أبويه ؟؟؟ وأنت ماسبتش حد ماشتمتوش وخليته شتمك وسب اللى جابوك 

🔴 ماقولك فى أخلاق الرسول مع جاره اليهودى وأين أنت من هذه الأخلاق ؟؟؟ وفين أنت من حرق الكنائس وفين أنت من تعاملك مع أصحاب االدين المسيحى وليه ماشفتكشى بتشتم واحد يهودى 

🔴 ماقولك فيمن يسب المسلمين فى أعراضهم وهل يستوجب تطبيق حد القذف عليه ؟؟؟

🔴 ماقولك فى حديث الرسول أنما بعثت لأتمم مكارم الأخلاق وأين أنت من هذا الحديث ؟؟؟

🔴 ماقولك فى كبر مقت عند ربك أن تقولوا مالاتفعلون ؟؟؟ وأنت بتقول كلام وبتعمل عكسه 

🔴 هل أنضم الرسول الكريم لأى جماعه وما أسمها ؟؟؟؟ ألم ينهى الرسول عن تمزيق الأمه الأسلاميه بأنشاء جماعات وفرق !!!!

🔴 ماقولك فيمن يأخذ من الدين مايعجبه ويترك مالايعجبه ؟؟؟

🔴 أين أنتم من تعاليم وأخلاق الدين الأسلامى الدين الذى تعهدت بأن تلتزم بتعالميه وأخلاقه ؟؟؟ 

■■ لما تجاوب على أسئلتى وتكدبنى وتصدق شيطانك يبقى زى ماقلتلك أكيد فيه حاجه غلط 

 

#دين_أبوكم_أسمه_إيه

#أن_طلع_العيب_من_أهل_العيب_مايبقاش_عيب

#الحمد_لله_على_نعمة_الجيش_المصرى_الذى_أنقذنا_من_هذا

#أصحاب_العقول_فى_راحه

#جنرال_بهاء_الشامى