الصندوق الأزرق رقم 4

قبل السرد أنا لن أذكر سوى معلومه واحده لايعلمها إلا القليلون فى مصر لكنها سواء كنت صادق أم كاذب فلن تغير من سير الأحداث وكل ماسأفعله أنى سأزيل التراب من فوق أحداث أنت تعلمها جيدا لكن سأرتبها أمامك بطريقه بلدى علشان تعرف تقرأها تانى وتطلع منها بالحقيقه وتصدق أو لاتصدق لن يغير هذا فى الأمر شئ الأخوان فى السجون والسيسى على كرسى الحكم وكل واحد من أبطال الحلقه النهارده فى بيته يبقى بقى مالوش لازمه تخبط فيا أو أخبط فيك أنا لن أذكر معلومات جديده سوى معلومه واحده ولن تغير فى الأحداث شئ

كان فيه 12 محامى ومحاسب من أقوى محامين ومحاسبين أوروبا فى القصر الجمهورى بيظبطوا ورق مبارك وأسرته ويسيحوا ممتلكاتهم بحيث الجن الأزرق مايعرفشى يوصل لهم لو مسك سلوك الكهربا وكان وقتها شفيق رئيس وزراء والدنيا كلها عارفه الليله دى مش أنا وأنت لوحدينا وشفيق بحكم منصبه كان عارف إيه اللى بيتم فى القصر ولو ميعرفشى يبقى أول رئيس وزراء عبيط فى العالم واللى يعرف ويسكت يبقى إيه ياسيدنا اللفندى ........... ؟؟؟

شفيق ساب مصر وبلاش نقول هرب لما الأخوان وصلوا للحكم برغم أن ياسر برهامى كان عنده قبل الفجر وكان بيكلمه على عدم تصفية الحسابات مع الأخوان وفى وجود الحرس الجمهورى داخل وحول سكن شفيق وده معناه أن شفيق اللى كان ناجح ومعنى أننا نقوم الصبح نلاقى مورسى اللى ناجح يبقى فيه يد عليا غيرت صيغة اعلان النتيجه لصالح الأخوان

ولما تعرف أن أحداث ينايم كانت ......... بقيادة عنان وهو اللى جاب الأخوان وهو اللى أتفق معاهم وهو اللى أعطى قرار سحب الداخليه ووضحناها فى المقلات السابقه والأخوان هما اللى بلغوا حماس وحزب الله بموعد سحب الداخليه وأتفقوا على كل حاجه وعلشان فيه مساجين ممعاهش ورق يثبت شخصيتها وفيه كماين فى الطريق كان لازم يسافروالا طيران خاص بعلم وموافقة عنان ومش محتاجه بقى شرح وتوضيح شرحناها قبل كده فى أول السلسله يبقى تعرف مين اللى ضغط على طنطاوى علشان تتعدل صيغة إعلان النتيجه وكده مش محتاجه فهلوه أن المجلس العسكرى كان فريقين فريق بقيادة طنطاوى وفريق بقيادة عنان ومن حسن حظ مصر أن السيسى كان فى فريق طنطاوى بحكم حب طنطاوى له وهو الشخص اللى تحت أيده كل معلومات البلد وطبعا عمر سليمان  كان عارف كل القصص دى وهنا تقدر تعرف شخصية السيسى محدش عرف هو مع مين وقتها وكان كل فريق فاهم أنه معاه وكل فربق فاهم أن السيسى حبيب قلبه من جوه لكن بعد كده أثبتت الأيام أن السيسى كان مع فريق طنطاوى وده يبرر لك ليه طنطاوى لسه بيظهر وعنان خلاص مش قادر يواجه الناس خصوصا بعد ظهور اسمه فى كشف القضيه 250

لو تاخد بالك من الفيديو بتاع مورسى وطنطاوى لما راحوا سينا عقب حادثة رفح وكان مورسى بيقول لطنطاوى حنعمل ونعمل ونعمل وكان طنطاوى واقف عمال يهز دماغه وبس تفهم منها أن كان فيه ورا الأبواب بلاوى متلتله وأن طنطاوى عارف أنه حيتعزل فى أقرب فرصه

كلنا عارفين أن سامى عنان كان عاوز يقفش فى منصب وزير دفاع أيام مبارك لكن جمال مكانشى بيطيقه ولا بيطيق يشوفه ولما الأخوان مسكوا عنان رجع تانى لحلمه ويمكن ده الدافع اللى خلاه يطاوع الأمريكان ويزرجن مع طنطاوى

ولما تعرف أنه عمليا منصب رئيس الأركان أقوى من منصب وزير الدفاع وهو الكل فى الكل لكن منصب الوزير أكتر منه شرفى عن التحكم فى مجريات الأمور فى الجيوش وتجمع كل اللى قلتله قبل كده حتقدر تعرف ليه المدرعات والدبابات طلعت من وحداتها العسكريه مكتوب عليها يسقط حكم مبارك وتعرف سبب المهازل اللى عملتها القوات فى الشارع وكانت سبب أن الأخوان يشحنوا الشعب على الجيش أظن واضحه بقى ومش عاوزه اللى يحشرها فى دماغك

نرجع تانى لشفيق وهنا سؤال بيطرح نفسه وحنفترض شفيق شمعه بيضا منوره وأن خلافه كان مع الأخوان فقط ومكانشى من جناح عنان ولما لعبت معاه فى الأنتخابات قالك أكمل فيها ليه لحد دلوقتى ورغم أنه خد حكم مش عاوز يرجع

طيب حوضحها أكتر فاكر لما شفيق قالك حرجع الأمن وأرجع كل حاجه زى ماكانت فى 24 ساعه يبقى أكيد أكيد واكيد ومؤكد عارف الأسباب ومعاه المفاتيح

طيب مش واخد بالك ان كان فيه فى مصر أنفلات أمنى وكل واحد مش عارف يمشى فى الشارع لكن لما نيجى نعمل دستور أو نعمل أنتخابات أو أستفتاء كانت الأمور تهدى ولا كأن فيه أنفلات ولا زفت

عمر سليمان كان عارف كل البلاوى دى والشيخ توحه كمان كان عارف ولما عمر سليمان قال حدخل الأنتخابات وجمع توقيعاته فى 48 ساعه وأصبح يشكل خطر على الأخوان وشفيق وعنان اللى طمعان فى منصب وزير الدفاع وحقولك بقى هنا اول معلومه فى مقالاتى [[ المخابرات وصلها معلومات أن فيه خطه لأغتيال الباشا والسيسى فعلا أكد المعلومات دى لطنطاوى يومها طنطاوى نزل الشارع يتمشى ببدله ملكيه وسط الناس ويسلم عليهم علشان يلفت نظر كل وسائل الأعلام وياخد الشو كله حواليه ويلفت الأنظار علشان السيسى يقابل الباشا من غير ماحد ياخد باله ويقنعه أنه مايدخلشى الأنتخابات وكان رد الباشا على السيسى مش ممكن أسيب مصر للشاطر حيبيعها تمليك للدول ولو مسك رئيس مش حيسيبها ولا بالطبل البلدى فكان رد السيسى لو على الشاطر لها حل نقلبك انت وهو بشكل قانونى علشان الناس ماتفهمشى حاجه من تراجعك وأتفقوا على الخطه دى والسيسى بلغها لطنطاوى ومشيت الليله اللى كلكم حافظينها ]]

أتقلب الشاطر وأتقلب أبو أسماعيل والباشا وصفصفت الليله على شفيق ومورسى الأهطل وحمدين وعمرو ومنعم وخالد على وباقى الشله وكان معروف أنه حيكون فيه صراع قوى بين اليمين الدينى والدوله القديمه وفكك من الباقى لكن الأخوان أرتكبوا بعض الأخطاء لأنهم مش محترفين سياسه ونجح شفيق وبإكتساح لكن طنطاوى أتهدد وقتها بأشعال حرب فى البلد وخاف من رجالة عنان فى الجيش أنه يحصل أنقسام فى الجيش والجيش يقف لبعضه ففضل يسلمها للأخوان وقال مقولته الشهيره بكرع تعرفوا أحنا عملنا إيه علشان البلد دى متقعشى

الأمريكان عرفوا عن طريق عملائهم فى مصر فى كل حته أن خطة تصفية الباشا أتهرشت مين بقى اللى بلغهم ومين طلب تفعيل خطة الأغتيال للباشا ربنا يرجعه من سوريا بالسلامه علشان وحشنى قوى وليه أصر على أغتياله وأزاى مخدشى باله أن السيسى بيلعب من تحت لتحت مع طنطاوى ده اللى حنعرفه فى الحلقه القادمه 

ممتلكات آل مبارك ليست بأساميهم ولكن هناك شبكه عنكبوتيه ضخمه في الداخل والخارج وان كان 90% منها خارج مصر . يعني مثﻻ في شارع في ماليزيا على جانبيه فنادق عالميه يمتلكها جمال وعﻻء . دا غير عقارات في جميع انحاء العالم . احمد شفيق هو من سهل هروب بعض اﻻموال والمجوهرات باهظه الثمن واﻻحجار الكريمه الخاصه بال مبارك على طائرات خاصه قبل تنحي مبارك . لذلك السيسي يكره شفيق ويكره كل لص واي معاون له . نتيجه اﻻنتخابات الرئاسيه تعطلت 3 ايام ولو نتذكر وقتها كان يوم خميس وطلعت اشاعه مؤكده عن نقل مبارك على عجل من سجن طره في سياره اسعاف عاديه سارت دون حراسه كليه الى مستشفى المعادي ثم انطﻻق اشاعه وفاته لكى يتم الهاء الناس عن انتظار النتيجه . السفيره اﻻمريكيه وقتها زارت طنطاوي وهددت في حال اعﻻن فوز شفيق وشجعت اﻻخوان على تصريحاتهم الفجه ضد الدوله في حاله فوز شفيق سنحرق البلد . طنطاوي لم يعرف طعم النوم 3 ايام . وقرر في النهايه السير على خطه عمر سليمان والتي كانت موضوعه منذ زمن ﻻن المخابرات كانت تعلم ان المواجهه مع امريكا قادمه ﻻمحاله وتم تسليم اﻻخوان للشعب وقام بجاتو بتسريب نتيجه شفيق لﻻخوان على انها نتيجه مرسي وقاموا باعﻻنها قبل الدوله فجرا . جميع اﻻحداث لها سيناريوهات عده لمواجهتها لدى المخابرات وذلك اسلوب الثعلب عمر سليمان اطال الله في عمره .حادثه سيناء كان طنطاوي يهز رأسه بطريقه ساخره ﻻنه يعلم انهم يقتلوا القتيل ويمشو في جنازته . مرسي استعان بخطه مبارك حين عزل المشير ابو غزاله وقام بطلب طنطاوي وعنان واطﻻعهم برغبته في تجديد شباب القوات المسلحة . وكان قد طلب السيسي قبلها وكان ينتظر في غرفه في القصر وبعد ابﻻغ المشير طنطاوى وعنان بالقرار تأبط عنان يد طنطاوي وهما نازلين ع السلم وقال طنطاوي ياترى ياسامي نرجع الوزاره نلم حاجتنا وﻻ نروح البيت فورا .اثناء اجتماع مرسي بهم صدرت التعليمات للتلفزيون المصري باعﻻن اقالتهم وتولى السيسي الوزاره . حيث كان السيسي نفسه ﻻيعلم انه في هذا اليوم يبقى وزيرا للدفاع

جنرال بهاء الشامى

 

الصندوق الأزرق رقم 3

اليوم موعدنا وأياكم لنجيب على السؤال الذى لم يستطيع أحد الأجابه عليه من أصدر قرار سحب الداخليه وأرجوك تركز جدا وتنحى عواطفك جانبا وأعتبرنى معنديش أجابه عن السؤال وحفند قدامك الورق وحخليك أنت اللى تجاوب بنفسك علشان محدش يقولى جبت الكلام ده منين ولن أذكر لك فى هذا المقال معلومه جديده عليك أو معلومه عيال أبتدائى متعرفهاش ويلا هات عقلك وتعالى معايا

 

قلنا فى المقال السابق ووضحنا كيف أنشأ مبارك مجلس الدفاع الوطنى ووضحنا مهامه وقياداته وقلنا أن رئيس هذا المجلس هو رئيس الجمهوريه ويليه نائباً وزير الدفاع وبس وفقط

الداخليه أنسحبت من شوارع مصر كلها بالتزامن مع بعضها فى كل ربوع مصر وتركز قوى على توقيت واحد يعنى فيه تنسيق يعنى لما يكون فيع تزامن يعنى فيه تنسيق ومن غير المنطقى على عسكرى الأمن المركزى ينسحب بدون أوامر من الظابط الميدانى يعنى العسكرى مش حيجرى يركب عربيته هو وزمايله بدون الظابط اللى واقف معاهم مايقولهم كل واحد فيكم يرجع على عربيته علشان حننسحب ولما الظابط اللى فى أسكندريه ينسحب فى نفس توقيت الظابط اللى فى أسوان ومطروح والسويس والمنيا تبقى مش صدفه لكن فيه تنسيق تم مع بعضهم ولو قلنا أن اللاسلكى اللى فى أيد الظابط مدى اتصاله هو محافظته فقط أو منطقة المركز التابع له اللى بياخد أوامره المباشره منه يبقى كده بالعقل فيه تنسيق عن طريق غرف الأتصالات اللى بنقول عليها السويتش وأكيد أمناء الشرطه اللى قاعدين على السويتشات معملوش مصيبه زى دى من نفسهم وبالمناسبه أمين الشرطه اللى قاعد على سويتش محافظة المنيا أسمه عماد حمدى وأخوانجى من الطراز الأول وقاعد فى مكان حساس وعارف تحركات كل الداخليه بحكم أتطلاعه على كل المكالمات والأشارات والأوامر وانا بلغت الصحفيه جورجيت الشرقاوى وموجوده معانا فى الفانز بالقصه دى وقالتلى حتصرف وبلغت أحد مساعدى أحد السفراء وموجود معانا فى الفانز بالقصه دى وقالى حتصرف ونرجع لموضوعنا يبقى أكيد فيه قياده عليا هى اللى اصدرت قرار سحب الداخليه لأن كلنا عارفين انها أنسحبت فى توقيت واحد وبالتزامن مع بعض


 

نيجى لقصة أن الداخليه أنسحبت لأنه أصابها الأرهاق ووضحنا فى سلسلة مقالات مصر أم الكون أن المقوله دى ضحك على الدقون وكلها كدب فى كدب ومقوله للجهلاء فقط وقلنا وشرحنا أن فيه نظام فى أى ىقوات عسكريه أسمه الخدمات والمناوبه ومستحيل أصابة القوات بالأرهاق كما يدعون وأستشهدنا فى المقال بحرب السادس من أكتوبر اللى أستمرت 17 يوم كامله مش 48 ساعه ولم يصاب الجندى االمصرى بالأرهاق فى حرب أكتوبر لأن فيه حاجه أسمها الخدمات والمناوبه وأتخلقت الخدمات والمناوبه لعدم الأرهاق يبقى ازاى عاوزين تضحكوا على العالم بالكلام العبييط ده ولمزيد من التفاصيل أرجع فى النقطه دى تحديدا لمقالات مصر أم الكون

 

صحصح معايا الله يرضى عليك وأكيد حضرتك فاكر أن بتوع حماس وحزب الله اللى هربوا من سجونا عملوا مؤتمرات صحفيه فى غزه بعد 140 دقيقه فقط من أنسحاب الداخليه وهروبهم من السجون يعنى أتنقلوا من السجون فى مصر لغزه فى ساعتين وعشر دقائق وبحسبه بسيطه وانت اللى حتجاوب لو فيه سياره حتاخد واحد وتجرى باقصى سرعتها وبدون تهدئه وبدون ماتقف فى كماين فى الطريق وتجرى من القاهره وسجن العقرب على السويس أو الأسماعيليه ومنهم للعريش ثم رفح ثم تعدى من المعبر وتدخل غزه فى مكان المؤتمر الصحفى هل حتاخد 140 دقيقه فقط لو ركبت فى دماغك أنا بقى مش عبيط وحتخش دماغى ده لو أفترضنا أنهم كانوا واقفين على باب السجن وجاهزين

 

بالعقل والمنطق مفيش مواصله بالسياره تقدر تعمل كده وتقريبا أنت محتاج على الأقل 5 ساعات لو السياره ماشيه بسرعة 200 كيلو فى الساعه وبدون توقف أو تهدئه وطبعا حضرتك عارف الكمائن فى سيناء عامله ازاى وبتتفتش أزاى يبقى برضوا بالعقل الناس دى ركبت على الأقل طائرات هليوكبتر ولما تعرف أن الطائره المروحيه علشان تطير فى الأجواء المصريه محتاجه تصريح علشان مفيش طياره حربيه تعترضهم واجهزة الردار أكيد حترصدها ولما تعرف أن التصريح لاز يكون معروف مين اغللى حيركب الطياره المروحيه وخط سيرها ومتطلعشى من خط السير ويبقى معروف مين اللى فيها ومين القائد والحركات اللى كلنا عارفينها علشان تطير فى الأجواء المصريه ومحدش يقولها رايحه فين وجايه منين وأن التصريح ده بتكون على علم بيه القوات المسلحه أو تحديدا قوات الدفاع الجوى والتنسيق مع أبراج المراقبه فى المطارات العسكريه والمدنيه يعنى نقول ببساطه دى مش عربيه ميكروباص بمجرد ماتكتمل حمولتها بتروح واخد الكارته وطالعه

 

يعنى بإختصار الطيارات دى شالت بتوع حماس وحزب الله وطارت بيهم فى سماء مصر بعلم قياده كبيره فى الجيش المصرى وقياده مش أى كلام دى قياده كبيره وراس تقيله ولما ترجع للمقالين السابقين من الصندوق الأزرق حتقدر دلوقت تعرف مين اللى أمر بسحب الداخليه وخلانغ شفنا السواد اللى شفناه ونزلنا نحمى بيوتنا وشوارعنا وناس كتير دفعت أروحها تمن غالى للأنفلات الأمنى المفتعل

 

لما نرجع لأعترافات مبارك والعادلى فى محاكمة القرن ومبارك أنكر تماما أنه أصدر هذا الأمر لأنه بالمنطق وبالعقل مكانشى فى صالحه نهائيا هذا التسيب والأنفلات الأمنى والعادلى لم يكن يملك هذه الصلاحيه طبقا لمقتضيات مجلس الدفاع الوطنى فى الطوارئ والعادلى مش حيصدر قرار بسحب قواته من الشارع علشان العيال تطلع تهاجم الوزاره نفسها وتقتحم مكتبه وتعمل القصص اللى حضراتكم شوفوتها ولما تحط كللا المعطيات اللى انا قلتها قدامك يبقى تقدر تقول بعلو صوتك أن اللى أصدر قرار سحب الداخليه هو  ..........

أخص عليك مستنى أن أنا اللى أقولها عرفت أنك لسه عاطفى ومش قادر تكدب عقلك ومستنى حد اللى يقولك .... قوم أرمى عوطفك ولو مقلتهاش بعلو صوتك على الأقل تقولها لنفسك علشان تتأكد أن أحداث ينايم كانت خيبه وأننا أتعمل بينا ثوره ولما أقولك أن توصيفه الحقيقى كان ......... برضوا مش حقولك أحتمال انت اللى تقولها لما ننتهى من سلسلة مقالات الصندوق الأزرق على وعد بالأستكمال فى أقرب فرصه

صفحة قصص واقعيه من المخابرات المصريه تسرق مقالاتنا فأحذروها

جنرال بهاء الشامى  

 

الصندوق الأزرق رقم 2

نرجع تانى ونقول أنه عقب أحداث تونس أجتمع مبارك ووزير دفاعه ووزير داخليته وأستعرض معهم الموقف والأحتمالات بناءاً على معلومات مخابراتيه تنذر بحدوث أحداث فى يناير فى أعياد الشرطه وقال العادلى مقولته الشهيره لو مصر كلها نزلت فى مظاهرات حلمها فى 24 ساعه وإحقاقا للحق كان صادقا لكن مبارك بناءاً على التقارير التى أمامه قرر أنشاء ماأطلق عليه حينها مجلس الدفاع الوطنى بضم الداخليه للجيش وقت الطوارئ على أن يكون هذا المجلس بقيادة مبارك وينوب عنه وزير الدفاع وبس ولحد هنا نقف مع بعض يعنى حبيب العادلى كان مجرد فرد فى هذا المجلس ويأتمر بما سيقوله مبارك او نائبه وزير الدفاع وكان هذا تصريح واضح بتدخل الجيش فى أى أحداث قد تحدث ومحدش خد باله من القصه دى لأننا كنا مشغولين لشوشتنا مع الباشا أحمد عز وهنا لازم نقول أن بداية أنهيار مبارك كانت فى صدام جمال مع الباز مستشار مبارك اللى كان بينفعه فى الأزمات دى

كل الدنيا عارفه أن جمال كانت علاقته بطنطاوى وعنان كانت زى الزفت وكانوا بينادوه بأستاذ جمال عكس باقى العاملين فى القصر والوزراء بالريس وكلنا عارفين أن جمال صرف مليارات البلد على االدعايه له فى الصحف الأمريكيه مما أثار حفيظة الأمريكان الذين لايرغبون فيه وسبق وقلت لحضرتك فى سلسلة مقالات مصر أم الكون أن تعيين أى حاكم فى المنطقه العربيه يتم التوقيع النهائى عليه من موظف البيت الأبيض ولما أقولك موظف البيت الأبيض وقاصدها يبقى لازم تعرف أن سياسة أمريكا ثابته مهما كانت الشخصيات ولكن التغيير فقط فى أسلوب التنفيذ واللى منتظر من ترامب خير زى اللى مستنى من النمله لبن يشربه

قلتلك فى سلسلة مقالات مصر أم الكون أن حافظ الأسد قتل أبنه باسل لأرضاء الأمريكان والأمريكان هما اللى قتلوا حفيد مبارك ومن بعدها مبارك ركبه سابت ومرضاش يغادر مصر لأى ظروف خوفاً من الأغتيال هو أو أحد أفراد أسرته وقلتلك قتل حفيده كان أنذار له ورساله أن الأمريكان مش عاوزين جمال مهما كان التمن وفكك من ليلة االحزن اللى عملها وأنا وضحتها قبل كده وبنقول الكلام ده علشان تفهم رفض الأمريكان لجمال ومايفعله الأمريكان فى المنطقه لكن أصرار سوزان على جمال رئيسا لمصر هو اللى وداهم فى داهيه وودنا أحنا كمان معاهم لأن لولا نشفية دماغها وربنا يكفيك شر شورة الست لما تخيب مكانش حيبقى فيه حاجه أسمها أحداث خيبة ينايم

طيب الست مصره على أبنها ومبارك فقد السيطره عليها هى وأبنها وفقد السيطره على طموحاتها والأمريكان مش عاوزينه وبعته لمبارك رساله وقتله حفيده وبرضوا جمال وأمه راكبين دماغهم يبقى مفيش حل غير أن الشعب هو اللى يشيلهم بنفسه وكان لازم تتعمل مسرحية خيبة ينايم فى مصر وبالمره نشيل بشار ونعمل شوية تعديلات بالمنطقه خصوصا وان الشعوب العبيطه حتاكل المقلب من الغليان اللى فيها يبقى نستغل الغليان الشعبى ده ونعمل تورتايه مسمومه أسمها الربيع العربى وربك والحق الشعوب شربت المقلب وكل الوطن العربى أشتغل لحساب الأمريكان بما فيهم الأهبل اللى بيكتب المقال ده لأنه شرب معاكم المقلب ساعتها ونزل عمل ثوره على مبارك لكن عذرى الوحيد مش كل حاجه أفهمها فى وقتها وخصوصا أننا كنا مخنوقين من مبارك بصراحه

نجح أحمد عز فى الوصول لبرلمان على مزاجه وتفصيل على هواه ليتمكن من اجراء تعديلات دستوريه جوهريه بالتفصيل تتيح لجمال الترشح منفردا لكرسى مصر علشان عزبعد كده يعمل فى مصر اللى هو عاوزه زى ماكان سبارس عاوز يعمل بعد خيبة ينايم لكن منه لله السيسى اللى بوظ أحلامه وأحلام الأمريكان

كان هدف الأمريكان خلق الحاله الأيرانيه فى الوطن العربى ويكون مركزها مصر بتوصيل جماعة الأخوان لسدة الحكم فيها بعد تعديلات دستوريه وتمكن من حكم برلمانى حزبى ويصبح منصب الرئيس شرفى لكن الخلافات فى المجلس العسكرى وقتها وخلاف المجلس مع الأخوان وظهور السيسى المفاجئ قلب الترابيزه على دماغ الكل وكان المجلس العسكرى فيه تياران متضادان لكن السيسى فى ظهر طنطاوى بالصبر والحيله قدروا يعروا الكل وحقولك ازاى

لو لاحظت سلوكيات السيسى كويس وإعترافات محمد البرادعى أن السيسى مفاوض بارع ومش تصادمى تعرف أن السيسي له أسلوب بيعتمد على طولة البال شويتين يعنىلمالا يلاقيك ماسك فى لعبه وبتعيط عليها وهو شايف أنها حتضرك وأنت غبى ومش فاهم يروح جايبلك اللعبه ويحطها قدامك وانت بتعاملك مع اللعبه تكتشف أضرارها بالتجربه وبعد ماتتقرص علشان بعد كده لما يقولك كخه عيب تسمع الكلام زى ماحصل مع البرادعى والأخوان وغيرهم ولو كان السيسى قعد طوللا عمره يقولبك كخه عيب الأخوان وحشين والبرادعى خاين مكنتش حتصدقه وكنت حتشبط فيهم أكتر لكن أيه المانع ألاعبك وأعرفك الخاين والوحش وكله بيلعب جوه القفص ويمكن ده السبب اللى مخلينى واقف ورا السيسى لأنى شايف أن واحد بالعقليه دى فعلا مصر محتاجه فى الوقت الصعب ده ومن حقك تختلف معايا لكن تعالى نوضحها شويه

لو السيسى كان أيام الثوره اللى بتقول عليها قالك يابهاء ياعبيط دى مش ثوره وكان حط الأخوان والبرادعى ورموز ينايم كلهم فى السجن مكانشى حد حيصدقه وكانت الناس حتتعاطف معاهم ودى كانت غلطة مبارك أنه عمل من الأخوان فصيل مظلوم فتعاطف الناس معاهم لكن لأن عقول الناس مش زى بعضها السيسى بالصبر خلاك انت بنفسك تكسر لعبتك وتكرهها وتكتشف حقيقة الأخوان والبرادعى وأبراهيم عيسى وأسراء الطويل وعلاء عبدالفتاح وللأسف كلهم من الغباء أنهم فضحوا نفسهم وكلهم بيلبعبوا لمصلحة السيسى دلوقتى زى ماحضرتك شايف ولو السيسى طلع القضيه 25 للنوردلوقتى حضرتك حتقول السيسى بيصفى حسابات ومش عاوز حد على الساحه غيره لكن السيسى بالصبر زى مقال البرادعى حخليك انت اللى تقول أنا كننت حمار وصدقت أنها كانت ثوره علشان بعد كده لما نقول عنان وشفيق وسبارس والأسوانى وفوده كان كل واحد بيلعب لمصلحته تصدقنا ولما نقول التوصيف الحقيقى لخيبة ينايم تصدقنا لأن لو قلتلك برضوا دلوقتى ياعم العاطفى حتنصدم وتتهمنى بالجنون وكده أنتهينا النهارده على وعد بالأستكمال فى أقرب فرصه

جنرال بهاء الشامى