كيفية تأمين أكونت على الفيسبوك وتويتر

كيف تأمن حساب على الفيسبوك أو تويتر ؟؟؟

أولا : طريقة عمل أكونت على الفيسبوك أو تويتر سهله جدا لكن فيما بعد وطبقا للتعديلات الأخيره على السويشيال ميديا عموما بعد كده بتقابلك صعاب ووممكن جدا حسابك يتقفل نتيجة أى غلطه ولا تستطيع التواصل مع السيستم الخاص بحسابك أو تستطيع الهروب من ألاعيب الهاكرز

سنشرح بالتفصيل ولأخر مره كل ماتحتاجه ولن تطلب بعد ذلك مساعدة أحد وكل المواقع متشابهه وحناخد الفيسبوك تحديدا مثال

أولا تعمل حساب على الياهوو وحسب التعديلات الجديده بيتعمل بالموبايل وكل موبايل له 2 حساب فقط وحناخد أسمى Bahaa Elshamy كمثال وتركز معايا قوى وحنقول الأيميل يبدأ بحرف B وينتهى بحرف y أما مابين الحرفين فننصح بأن لايكون له أى علاقه بأسمك نهائيا من قريب أو بعيد علشان نفوت الفرصه على الهاكرز اللى بيحاولوا يتوقعوا الأيميل وحديك مثال على أسمى
Bkijhuhtfirnedrty@yahoo.com

وطبعا أنت ملاحظ أن أسم الأيميل ليس له علاقه بأسمى علشان أفضل حاطط الهاكرز فى حيز أسمى ولايفكر أننى بصيع عليه

وطبعا حتحتاج باسورد للياهوو ولابد أن يكون أكثر من 15 حرف بين كابتل وصموول وعلامات وأرقام وأيضا ليس له علاقه بأسمك أو برقم موبايلك أو تاريخ ميلادك او أى شئ له علاقه بك

نروح بقى على موقع الفيسبوك وتكتب أسمك الحقيقى بالأنجلش أو العربى زى ماتحب وبلاش الأسماء الوهميه ويفضل يكون مطابق لأسمك الموجود فى بطاقة الرقم القومى وحنقول ليه بعد كده وبعدين تحط الأيميل بتاع الياهوو اللى حضرتك عملته ثم تحط الباسورد بنفس أسلوب الياهوو وكده أنشأت الحساب وتتخطى بعد كده كل الخطوات لحد ماتوصل للصوره وتحط الصوره اللى تعجبك ثم تتخطى باقى الخطوات وكده أتعمل الحساب

تروح على صفحة الأعدادات بتاعة الفيسبوك وتفعل ربط الحساب بالياهوو ثم تذهب لصندوق البريد على الياهوو وتضغط على الرساله اللى حتوصلك من الفيسبوك وتفتحها حتلاقى رابط أضغط عليه حيوديك على صفحة إعدادات الفيسبوك تانى وكده حسابك تم تفعيله

تروح على إعدادات الأشعارات وتعملها تلقى إشعارات متعلقه بالحساب فقط وتلغى تلقى أشعارات النشاط علشان كترها بيضرب أيميل الياهوو وأنت مش واخد بالك

بعد كده تروح على إعدادات الموبايل وتحط رقم تليفونك وتربط الحساب بالموبايل وتعمل تلقى إشعارات عند كل دخول للفيسبوك وكده ولا العفاريت الزرقا تعرف تشقط منك الحساب

تروح بعد كده على المشاركات وتخلى النشر على صفحتك لك لوحدك وأى أشاره لك من الفانز تعملها بموافقتك ومتوافقشى بعد كده على أى أشاره من أى فانز غير منى أنا فقط بهاء الشامى .... عارف ليه لأنى أنا بحط صورتى كلوجو على أى صوره على صفحتى ودى حتسهل عليك الدنيا بعد كده لأنك حتعرف صورى لو دخلت أختبار أمنى للصور

بعد يومين من إنشاء الحساب حيبقى عندك فانز طبعا تروح على صفحة إعدادات تانى وتعمل 5 جهات موثوق فيها للأتصال بها عند الطوارئ لو فقدت أيميل الياهوو أو الموبايل وكده يبقى عندك أكتر من قناة إتصال مع الفيسبوك لو حدث لحسابك شئ

من صفحة إعداداتك تطلب توثيق صفحتك وتكون مجهز صورة بطاقة الرقم القومى على جهازك بتصويرها موبايل أو ديسكنر وحتمشى وبلاش تعمل مفتح على الفيسبوك لأن أبراهيم بتاع المنيا أدمن فيسبوك مصر عنده الداتا بتااعة بطاقات الرقم القومى وده أتفاقيه بين الفيسبوك وبعض الدول للحد من شغل النصب المهم خليك ورا الخطوات حيطلب أسمك تكتبه زى ماوضحنا وكما هو فى البطاقه بالأنجلش أو العربى وبعدين تحط تاريخ ميلادك الحقيقى ثم ترفع لهم صورة بطاقة الرقم القومى وتنتظر لمدة 48 ساعه على أقصى تقدير وسيصلك أشعار أن حسابك أصبح موثق وكده تتفادى البلاغات لو حد قال أنك منتحل شخصيه وبالعكس أى حد بيبلغ عنك فى الحاله دى الفيسبوك بيعتبره نصاب ومسئ وبيقفل له هو صفحته مش صفحتك

كل اللى فات ده اسمه الداتا الخاصه بصفحتك جمعها فى فايل ورد وأقفلها بـ Win RAR وشرحنا النقطه دى أكتر من مره هنا على الصفحه وفى أكتر من جروب وتحطها فى أكتر من مكان زى موميرى كارد وفلاشه وأسطوانه

برضوا بعد كل هذا الشرح ضاعت منك الداتا حتتصرف أزاى أنا حقولك

لو رابط الحساب على موبايل حتبعت رساله لرقم 32665 تكتب فيها OTP وتنتظر شويه حيوصلك رساله من الفيسبوك على موبايلك فيها باسورد لصفحتك اسمه الباسورد المؤقت سارى المفعول لمدة 20 دقيقه فقط حتفتح الصفحه من الموبايل بالباسورد المؤقت وتدخل إعدادات حسابك وتطلب من الفيسبوك نسخه من الداتا بتاعة صفحتك وتحط الباسورد المؤقت وتنظر شويه حتصولك رساله بها كل الداتا أحفظها على الموبايل وغير الباسورد

عدوك اللدود على مواقع التواصل هو الشات والدى أم وكل برامج المحادثات وفتح الصور عليهم والفيديوهات وعلشان كده أنا مابردش على حد على الشات

لو عملت كل اللى قلنا عليه مش حتحتاج لحد لو وقعت لك مشكله ولما تلجأ لى أعرف أساعدك مش ألاقيك ماتعرفشى أى حاجه عن صفحتك وتدخلنى فى حيطه سد

على فكره أى محاوله لسرقة الصفحه من أى هاكرز أكثر من مره من على نفس الجهاز الفيسبوك بيشعر أن فيه محاوله للسرقه ويروح مريح دماغه وقافل الصفحه ويقول لنفسه صاحبها يبقى يفتحها وأنا أبقى أتأكد منه ويمكن دى طريقه جديده للأنتقام يحاولوا يسرقوك بطريقه عبيطه او يقولوا أنك منتحل شخصيه يروح الفيسبوك قافل الصفحه وأنت وشطارتك بقى تفتحها أو تروح منك لو مش عارف الداتا بتاعتك

نسيت أقولك أبقى خلى باسورد الفيسبوك أكتر من 25 حرف لأن برامج سرقة الباسورد آخرها 25 حرف

ندخل بقى على النصائح العامه

لو حدث لصفحتك شئ غير طبيعى وأنطلب منك إعادة تسجيل الدخول لاتفعل ذلك مطلقا وحاول التواصل معى بأى صفحه أخرى أو بأى طريقه لأدلك على ماتفعله عن بعد

لن يبستطيع أحد إختراقك إلا بموافقتك أما الذين يعملون على نظام backtrack فلا تخشاهم لأن عددهم فى مصر قليل جدا وهم لايهتمون بالقرصنه على صفحات الفيسبوك ونشاطهم وطموحاتهم تتعدى ذلك بكثير

أقصر الطرق لأختراقك هى صفحات أصدقائك فلا تقبل صداقة الصفحات المبهمة الأسماء أو الصفحات التى لاتعرف أصحابها معرفه شخصيه وخصوصا الصفحات الحريمى ولا تجعل لأى صديق أكثر من حساب فى صداقتك

حاول الأقلال من الشات اللعين والخاص والرسائل فهى الباب الملكى والأسهل لأختراقك إلا فى أضيق الحدود وياريت بلاش منه على الأقل معايا

لاتضغط على أى صوره او رابط أو ملف أو لينك على الخاص ولا تمر بالماوس من فوقه فأحيانا تكون هذه الروابط نشطه جدا وتعمل بمجرد مرور الماوس فوقها

لا تعمل لايك لأى بيدج أو صفحه إلا بعد التأكد من أهدافها

تجنب التفاعل مع البوستات أو التعليقات التى تثار حولها المشاكل

إعلم أن كثرة تعرضك للعقوبات من قبل سيستم الفيسبوك يضعف من صفحتك

عند حدوث مشكله على أحد الجروبات لاتنفعل وتحلى بالهدووء وأعتذر أن تطلب الأمر ذلك ثم أنسحب من الجروب وغادره فى صمت

لاتنخدع فى صور البنات على الصفحات فأغلبها تكون أفخاخ لأصطيادك وخصوصا المراهقين

أعلم أن الفيسبوك مثله مثل العالم الخارجى ملئ بالأحقاد والتافهين وأنصاف وأرباع الرجال فلا داعى للدخول فى مهاترات معهم تنال من شخصيتك

تأكد دائما من تنشيط التصفح الآمن لحسابك على الفيسبوك

أحذر الأنضمام لجروبات التبادل والهاكرز

لاتتحدى الهاكرز  عديم التجربه هو من يتحدى الهاكرز  فبدون الدخول الى شخصية الهاكر فإن الهاكرز لايقبلون الإستفزاز وبإستفزازهم فأنت تجلب المتاعب لنفسك بالمجان  وكن على يقين إن نهايتك ستكون بإختراقك طال الزمن أو قصر

الكثير من الذين يدعون إنهم هاكرز لا يعرفون أى شئ عن هذا العالم الغامض ولا عن فروعه

سيستم الفيسبوك عمل البلوك لراحتك فلا تتوانى فى إستخدامه وخليك سريع فى اتخاذ قرار البلوك حترتاح قوى

حاول أن يكون رقم الموبايل المربوط به حسابك مسجل لدى شركات المحمول ولحساب واحد فقط وبلاش تصيع

أعلم جيدا أن الهاكرز لايخترقك بصفحه معروفه للجميع وأنما يتسلل لك بصفحات بنات غالبا وبعد قبول الصداقه يسهل إنقضاضه عليك وبموافقتك

إحذر كل الحذر من الصفحات الحريمى مجهولة الهويه

يارب اللى يسرق مجهودى يتقلب سحليه

جنرال بهاء الشامى

نصائح هامه لمرتادى الفيسبوك

موقع التواصل الأجتماعى فيسبوك مخصص للأصدقاء الذين تعرفهم معرفه شخصيه لمعرفة مؤسسى الموقع بكل مايحدث فيه وسيستم الفيسبوك مهيأ لهذا الغرض فلا تقبل صداقة أو تسعى لصداقة من لاتعرفهم

تأكد وتحرى أن هذه الصفحه لصديق تعرفه معرفه شخصيه

لاتسمح لشخص بوجود أكثر من صفحه له فى صداقتك لأن هذا يمثل تهديد قوى لك ولصفحتك إلا إذا كنت قد قمت بأضافة قائمة الأصدقاء الموثوق بهم فى إعدادات صفحتك مهم جدا

أخفى معلوماتك الشخصيه وبيناتك عن الجميع قدر المستطاع

حاول أن تكون صورتك الشخصيه التى تضعها على بروفيلك غير واضحة المعالم  أما السيدات فأنى أنصحهم بعدم وضع صورهم نهائيا

لاتستعمل الكاميرا تحت أى ظرف من الظروف أكرر لا تستعمل الكاميرا إلا فى محيطك العام ولاتأخذ الموبايل معك فى دورات المياه أو أجتماعات العمل وأن أضررت فضعه فى جيبك ولو أتتك مكالمه هامه أخرج من غرفة الأجتماع  

أجعل من تعاملك على الخاص من محظوراتك الشخصيه وفى أضيق الحدود ومع الأشخاص الموثوق فيهم جدا جدا جدا وياريت بلاش فكل المشاكل تأتى من برامج المحادثات الخاصه

أغلق النشر على صفحتك للجميع هذا من أجلك

لاتستلم أى روابط أو أى ملفات على الخاص أو صور

أجعل الأشاره لمنشورات أصدقائك على صفحتك بإذنك وتجاهلها واللى ماتعجبكشى أشارته أو لقيته كل منشور يعملك أشاره أفقعه بلاغ بعد ألغاء الأشاره وريح دماغك

ينصح بتغيير الأيميل الضامن كل شهرين أو ثلاثه تقريبا

أجعل باسوردك أكتر من 25 حرف

أكتب الأسم اللى يريحك لكن حاول تخليه أسمك الحقيقى أو مقارب منه وأعلم أن الفيسبوك لايقبل أسماء وظائف أو ألقاب مهنيه لكن ممكن تكتبها فى أسم الشهره تحت أسمك فيما يطلق عليه أسمك الذى ينادوك به وهذا لاخلاف عليه سواء من الفيسبوك أو قانوناً والفيسبوك يسمح بها فى الصفحات العامه بدون أى مسئوليه فيسبوكيه أو قانونيه إلا لو كانت أسماء لشركات أو مصالح حكوميه أو وزارات أو مواقع صحفيه لها صفحات موثقه وفيما عدا ذلك أكتب الأسم اللى يريحك وأعلم أن الأسماء المكرره على الفيسبوك كثيره والفيصل بينها صورتك الشخصيه وتجنب أنشاء صفحات بأسماء وصور الغير لأن الفيسبوك بيقفلها ببلاغ صغير وحسب أقدمية الصفحه وتوثيقها لكن تويتر يسمح بأى أسماء فيما عدا الصفحات الموثقه لابد أن تحتوى على أسمك  وأنصحك بتوثيق صفحتك على تويتر لتلافى البلاغات 

أعلم أن وجودك أدمن فى أى جروب سيجلب لك المتاعب فلا داعى لتولى هذا المنصب وأنت غير مؤهل له تماما وعلى درايه بكل خبايا المدعوق بوك

عند حدوث أى مشكله بصفحتك ننصح بإغلاقها لمدة 48 ساعه

أجعل من إعدادات صفحتك معقده هذا من أجلك

أعلم أن أكبر خطر يداهمك وعدوك الأول على الفيسبوك هو التطبيقات وحتى لو كانت دينيه فلا داعى للأشتراك بها نهائيا

لاتتبع الروابط إلا بعد التأكد منها ويفضل عدم إتباعها والتأكد من وجود رمز أمان الفيسبوك

لاتعطى صفحتك لأحد تحت أى مسمى

لاتتحرش بالهاكرز أو مواقعهم ولاداعى لأستفزازهم فلا تعلم مدى رد فعلهم

لاداعى لإختلاق المشاكل على هذا الموقع فلا تعرف مايخبأه لك الآخرون

لاتدخل فى جدال مع الحمقى أو الحاقدين هذا من أجلك

الأشخاص الذين لديهم أكتر من أكونت ويفتحوه من على نفس الجهاز أعلم ان الفيسبوك يرصد كل هذه الأكونتات عن طريق الآيبى الخاص بك وعند حدوث أنتهاك منك لمعايير الفيسبوك أو حظرك غالبا مايتم غلق كل هذه الصفحات فكن حريص وأستعمل المتصفح السرى ولو أنه أيضا يمكن رصده .... وأعلم أن برامج تغيير الأيبهات لاتجدى فى هذه الحاله

لو تعرضت لأى مشكله خاصه بعالم الفيسبوك كلمنى على وول الصفحه العامه وحساعدك لكن الخاص مش حقدر أرد عليك

مش حطلب منك تدعيلى دعوه خالصه لأن معظمكم يرى المقال ويقرأه ويعمل نفسه مش شايفه فلا داعى للأحراج

جنرال بهاء الشامى

النقد والمعارضه والتجريح والملامضه

المعارضه شئ صحى وسلوك طبيعى وناموس حياه ورسول الله خير الأنام صل الله عليه وسلم كان له معارضين

للمعارضه روافد مثل روافد الأنهار فيها نفس المياه وترتبط بالنهر الرئيسى لكن أحيانا نتيجة تنامى أطرافها ترتكن فيها المياه وتكون غير صالحه للإستهلاك وروافد المعارضه هى النــقد العادى والنــقد اللازع والرافد الفاسد هو السخريه والتجريح

المعارضه فيه شئ مش عاجبك أو غير مقبول أو يعود عليك بالسلب ولديك رؤيه أخرى وتركز الله يرضى عليك فى لديك رؤيه أخرى علشان هى دى الفرق بين المعارضه وأى شئ آخر وبتقول رؤيتك فى أطار شرعى بيرضى عنك فيه خالقك يعنى لو فيه سباب أو شتائم يبقى وقعت نفسك تحت طائلة قانون العقوبات الدينى أى أن كانت ديانتك

النــقد هو أن تكون من أهل الخبره أو المطلعين على بواطن الأمور وتنتقد سلوك معين ناموسى و ناموسى من ناموس وهو القانون الطبيعى لأى شئ  وتدفع بدفوعك وتفند إدعائتك و بقول هنا إدعائتك لأنك ممكن تكون مخفى عنك بعض الأوراق الخاصه بالملف الذى تنتقده فيما يطلق عليه التحليل

بين كل ماسبق شعره رهيفه بسيطه ممكن أن توقعك تحت بند السخريه والتجريح (( لايسخر قوم من قوم عسى أن يكونوا خيراً منهم )) ووارد جدا أن توقعك تحت بند الخيانه لو وصلت لمرحلة مثلا فرش الملايه للوطن زى خونه كثيرين لانستطيع هنا حصرهم وعلى سبيل المثال العقيد عمر عفيفى والمذيع محمد ناصر والكلب الكانيش النتن كما قال عن نفسه معتز مطر وعلى رأس هؤلاء الخبره آيات عرابى فارشه الملايه للجيش المصرى والمخابرات المصريه فما يفعلوه لايندرج تحت أى مسمى سوى خيانة الوطن المنهى عنها فى كل الأديان وحديك مثال شوف رسول الله ماتعرض له على يد أهل مكه ورغم ذلك كانت أحب بلاد الله لقلبه ولم يهينها يوماً ولم يفعل لأنها وطن وتعلمنا جميعاً حب الوطن وعشقه من قدوتنا رسول الله خير من عشق الوطن وأعطاه قدره وحقه

رئيس أى دوله فى العالم شخصيه عامه وناموس منصبه يضعه تحت طائلة النقد والمعارضه لكن تشتمه أو تجرح فيه أو تقول أمه يهوديه أو تقوله مالم يقوله كذباً وأفتراء زى الصوره الكاذبه اللى شفتها على صفحة صديق أو أو أو أو بدون سند قانونى لمجرد أن واحد بدقن سلك شيكاته أول كل شهر بتصدر من تركيا وقطر حلف بالطلاق أن أمه يهوديه يبقى تردد وراه يبقى بتضع نفسك تحت طائلة قانون العقوبات الدينى قبل أى شئ

الحلال بين والحرام بين وبينهما أمور مشتبهات فمن وقع فى الشبهات كالراعى يحوم حول الحمى يوشك أن يواقعه ..... شعره بسيطه ضعيفه تفصل النقد والمعارضه عن التجريح والخيانه

قالى أحنا بقينا فى سجن كبير ياجنرال والمراره فى كلامه فقلت له حتى لو إحنا فى سجن كبير فعليه حراسه تمنع أى حد يقرب منك وأفضل من أن تكون خارج السجن وطوب الأرض بيثبتك ويقلب اللى معاك وأفتكر كلمه لأمى رحمها الله الخبز قبل الحب ياروح مامتك وكلمه أخرى مش قادر أنساها الأمان لايقدر بمال

جنرال بهاء الشامى

البيان فى علم البتنجان

هناك خزعبلات يتم تداولها حولها جدل كبير وأردنا أن نضع حداً لهذا الجدل

السادات لم يرد فى أى كتب عن سيرته وتاريخ حياته أو مزكرات السياسيين أنه ضرب سد النهضه ولا لون الطيارات الحربيه بألوان ولا شال من عليها العلم المصرى لأنه بالعقل والمنطق لم يكن لنا وقتها أى قواعد جويه فى دول أخرى ولم يكن موجود طائرات حربيه لديها القدره على الطيران لمسافات طويله ناهيك أنه للمرور بطائرات حربيه فوق أجواء دول أخرى لابد من موافقه من أعلى سلطه فى هذه البلد منعا لتعقب الطائرات لو لديها القدره على الطيران لهذه المسافات من الدفاعات الأرضيه والصواريخ وللقيام بهذه المهمه لابد لطائرتنا من الأقلاع من السودان وكل الحكايه كما وردت فى كتب التاريخ ومزكرات السياسيين ومعظمنا عاصر تلك الفتره أن السادات سألوه فى  أحدى المؤتمرات الصحفيه عن تفكير وخلى بالك بقول تفكير أثيوبيا فى بناء سد على نهر النيل فقال مقولته الشهيره لو قدر لنا أن نموت ن العطش فسنموت عند سد النهضه

المقصود من القصه دى التى روج لها الأخوان أفساد أى مفاوضات بين مصر وأثيوبيا على السد وقت ماصدرت هذه الخزعبلات الفيسبوكيه  وكلها صدرت من مواقع أخوانيه مثل مصر العربيه وللتأكد من كلامى فهذا رابط لحديث اللواء نصر سالم رئيس جهاز الأستطلاع بالمخابرات الحربيه المصريه

http://www.elbalad.news/1890387

ودى روابط الفيديوهات التى تروج لذلك بدون أى دليل عقلانى

https://www.youtube.com/watch?v=a3t8MTFgbpI

وده كمان رابط فيديو

https://www.youtube.com/watch?v=7q87uuR4bk0

وده رابط لكن مش حيفتح مع المقيمين فى مصر

http://www.masralarabia.com/%D8%AA%D9%88%D9%83-%D8%B4%D9%88/1105605-%D9%81%D9%8A%D8%AF%D9%8A%D9%88-%D8%AE%D8%A8%D9%8A%D8%B1-%D8%AF%D9%88%D9%84%D9%8A-%D8%A7%D9%84%D8%B3%D8%A7%D8%AF%D8%A7%D8%AA-%D8%B6%D8%B1%D8%A8-%D8%B3%D8%AF-%D8%A7%D9%84%D9%86%D9%87%D8%B6%D8%A9-%D8%A8%D8%A7%D9%84%D8%B7%D9%8A%D8%B1%D8%A7%D9%86

ننتقل لموضوع آخر وهو موضوع الطائرات المجهوله

تعالى مع بعض ونشوف القصه من أولها لآخرها وتندهش يامؤمن لما تعرف أن الطيران الحربى مش زى عربية حضرتك لما بتطق فى دماغك تروح مشوار بتقوم وتحط المفتاح فى الكونتاك وتتكل على الله

أود أولا أن أعترف أن فيه مصطلح عسكرى أسمه الطيران المجهول لكن تعالى نشوف القصه

طياره عسكريه بدون علم دولتها بتظهر فجأه على صور الأقمار الصناعيه وبدون أحداثيات سابقه لأن أى طياره علشان تطير فى أمان الله ومحدش يعترضها لازم يكون معروف خط سيرها وأحداثيتها وخصوصا لما تمشى فى دوله أجنبيه ولازم تاخد تصريح بالأرتفاع اللى حتطير عليه وممنوع تخرج عن خط سيرها أو تخالف الأرتفاع اللى طايره عليه لمنع مثلا أصطدامها بأى طائرات أخرى تطير على نفس الأرتفاع وعلشان لاتصطدم بأى مبانى مرتفعه وعلشان كده فيه حاجه أسمها برج المراقبه وتنسيق خطوط سير وأكيد حضرتك فاكر قصة الطياره الروسيه اللى اسقطتها تركيا

علشان أوصلك المعلومه حنعطى مثال مثلا لطائرات مصريه تم تغطية علم مصر عليها بأى طريقه وأصبحت بلا علم وأصبحت مجهولة الهويه وحتروح ليبيا تنفذ مهمه هناك وبتطلع الطائرات وطبعا القوات الأرضيه فى ليبيا بتكون عارفه قبل تحرك هذا الطائرات وبتكون ليبيا عندها فكره علشان متعترضشى الطيارات هناك فى ليبيا وبمجرد ماتطلع الطيارت من المجال الجوى المصرى بتلتقطها صور القمر الصناعى الأيطالى مثلا او قمر متواجد بالمنطقه وبيبعت صور بالطائره تبتدى الردارات الموجوده لسفن أمريكيه مثلا ترصدها لكن عدم وجود علم عليه بيتم وضعها تحت مصطلح طيران مجهول وبيتم تكثيف مراقبتها ومعرفة خط سيرها لكن بدون معرفة هويتها

بتنفذ هذه الطائرات عمليتها وهى تحت مصطلح طيران مجهول وبدون معرفة ماذا تفعل لكن بعد قصفها لهدفها بيظهر ده على صور الأقمار الصناعيه وبيتعرف أن الطيارات دى عملت عمليه حربيه لكنها لازالت مجهولة الهويه

فى رحلة عودتها يتم تكثيف المراقبه عليها حتى تدخل المجال الجوى المصرى ولا ترصد صور الأقمار الصناعيه أعتراض طائرات مصريه لها عند دخولها المجال الجوى المصرى أو تعامل المضادات الأرضيه معها من هنا بتعرف أن الطيارت دى مصريه يعنى بيتعرف هوية الطياره قبل ماتهبط على الأرض وهنا تفقد مصطلح طيران مجهول لتأخذ مصطلح آخر طيران مصرى متخفى يعنى كان طالع يعمل عمليه ومش عاوز حد يعرفه قبل ماينفذها لأنه معروف أنها حتتعرف بمجرد عودتها ودخولها الأجواء المصريه

واحد لماح حيوقولى طيب الأقمار والردارات مشفتهاش وهى خارجه من مصر حقوله فيه أكترمن طريقه لأختفاء هذه الطائرات طول ماهى فى المجال الجوى المصرى اللى برج المراقبه بيتحكم فيه وممكن تطير من أقرب مطار لحدودنا الغربيه وعلى أرتفاع منخفض جدا يكاد يقترب من أقل من 30 متر وخصوصا أن معظم خط سيرها صحراء

عاشت المجهوله اللى قبل ماترجع وعجلها يلمس المدرج بتكون خلاص أتعرفت هويتها وكانت مجهوله بس فى رحلة الذهاب فقط لاغير

أمتى بقى بتكون الطيارات دى مجهوله ؟؟؟ لو طلعت من مطارات ليبيه ورجعت لمطارات ليبيه وتفضل هناك وأزاى بتروح وترجع لمصر أظن مش محاتجه شرح بتروح ليبيا وترجع تحت أى مسمى وبعد ماتكون الدنيا كلها عرفت

نيجى لموضوعنا الثالث وهو الأسطول السادس الأمريكى وموضوع أن أوباما حرك الأسطول السادس أمام سواحلنا قوم إيه أحنا دهانا طياراتنا بدهان أسمره علشان الردار الموجود على الأسطول الأمريكى لايكتشفها وروحنا لحد مراكب الأسطول وحذرناهم وخدوا بعضهم وخلعوا ... طبعا الكلام فيسبوكى تماما وغير منطقى فى العلوم العسكريه لأنك كده وش بتعلن الحرب على أمريكا والأسطول السادس مش مركب واحده دى مجموعة سفن حربيه متخصصه بالأضافه لحاملات الطائرات ولنشات الصواريخ وقصه طويله عريضه لحماية الأسطول وأمريكا مش حتسيب أسطولها فى البحر المتوسط كده عريان بدون حمايه وتوقفه فى المتوسط شليطى وكل الحكايه خزعبلات وجدل حول تلك الواقعه والحقيقه وحنقل لحضرتك الموقف حسب احدى المجلات العسكريه المتخصصه بطريقة الـ Copy و Paste

قال  خبراء عسكريون أن تصريحات بخيت لا تستند على أسس سليمة من الواقع، وقال الخبير العسكري اللواء نبيل فؤاد، مساعد وزير الدفاع الأسبق، أن تصريحات بخيت ليس لها أساس من الصحة. وأضاف لـ"إيلاف" أنه "لا يوجد في العلوم الإستراتيجية ما يسمى بالاستخدام السياسي للقوة البحرية".

مشيراً إلى أن القطع البحرية عادة ما تتواجد في المياه الدولية، خارج المياه الإقليمية أمام سواحل دولة أخرى، وتقوم بالتمركز وهذا يعد في حد ذاته نوعا من استعراض القوة مثل ما فعلته أميركا مع معمر القذافي أثناء حكمة لليبيا. ونبه إلى أن هذا التصرف يطلق عليه استعراض للقوة، ما يجعل الدولة التي تتمركز القطع البحرية أمام مياهها الإقليمية في حالة قلق بشأن تدخل الدولة الأخرى.

وذكر أن الخبير "أميركا لديها أسطول بحري يتمركز في البحر المتوسط بشكل دائم منذ 50عاما ويتجول بطول وعرض البحر، موضحاً أنه لم يحدث أي تهديد من قبل الأسطول الأميركي لمصر أو غيرها من الدول"، منوهاً بأن "وجود قطع بحرية أميركية في البحر المتوسط شيء طبيعي وغير مقلق، كما أن أميركا غير قادرة على التعدي على مصر، لمعرفتها بمدى قدرة وقوة الجيش المصري".

ويستبعد الخبير العسكري، اللواء طلعت مسلم، حدوث تهديدات من قبل الأسطول الأميركي لمصر في أية فترة تاريخية. وقال إنه لا يعترف بما يتردد عن تهديد الأسطول الأميركي لمصر ولا يراه صحيحاً،ً موضحا انه "إذا كان هناك تهديد فالولايات المتحدة قادرة على أن تعلن تهديدها ولا يهمها أحد، كما انه لا يوجد مبرر لاعتدائها على مصر في الوقت وكل هذا خارج استراتيجيتها التي تسعى إليها".

وأضاف أن "أميركا تلجأ إلى حروب الجيل الرابع، وهي أن يضرب العرب بعضهم البعض، وتسال بينهم الدماء، وبالتالي ليست في حاجة إلى التدخل"، لافتا أن "تواجد الأسطول الأميركي في مياه البحر المتوسط، لا يعطى انطباع أنه يهدد مصر، كما أن ظروفه غير مناسبة لذلك، لأن هذا سيشجع روسيا على التصلب في موقفها في أوكرانيا، كما أن وجوده ليس المقصود به مصر. وقال "لا أعرف كيف أتى اللواء حمدي بخيت بهذه المعلومة، كما انه لا توجد أي علامة تؤكد ذلك".

يذكر أنها ليست المرة الأولى التي يثار فيها مثل هذا الحديث، بل سبق أن قال به الإعلامي محمد الغيطي، في برنامج "صح النوم" على فضائية التحرير، بتاريخ 23 أغسطس/ آب 2014 

الجزئيه الأخيره وهى بوستات الفيسبوك ألحقونى الصفحه عليها ريبورتات وأفقعنى لايك وتعليق ربنا مايرميك فى ضيق والكلام ده عارِ تماماً من الصحه ووضحناه أكتر من مره ولا تشعر بأى شئ فى صفحتك إلا بعد توقيع عقوبة الحظر عليك ولا بتنفعك اللايك ولا التعليق ولا النكز بأى شئ وكل الحكايه بيكون فى تهييس فى سيستم الفيسبوك يجعل أشياء غريبه تحدث معاك أو تختفى بعض الأشياء من أمامك وتحدث أحيانا لضعف الأنترنت

أتمنى أن أكون وفقت فى الرد بتوفيق الله 

جنرال بهاء الشامى