General Bahaa ELshamy

الاثنين، 31 مايو 2021

بيقلوظوك يازبادى وبيضحكوا عليك

عامل إيه أااازبادى ... قول الحمد لله ماشيه بستره ورضاه

ونعم بالله حد قلوظك النهارده ... قول عيب عليك أاااجدع مين دى اللى يقلوظنى

طيب لو ثبتلك أنك متقلوظ تدينى كام ... قول بتحدى لك عندى ربع مشوى

مش عاوز منك مشوى ولا مقلى لو ثبتلك أنك متقلوظ تعمل مشاركه للبوست ده علشان محدش غيرك يتقلوظ ... قول أتفقنا رغم أن محدش فى المجره يقدر يقلوظنى

رغم انك فاتح صدرك لكن تعالى نشوف الموضوع وقول لى رأيك

قلتلك فى حلقات معبد الشيطان أن اللى مايتسموا بيتحكموا فى تحركات شعوب العالم وقلتلك أنهم عبر آله إعلاميه وكثرة الترديد والألحاح بيرسخ الكدبه ويخليها حقيقه ثابته ومؤكده والنهارده موعدنا مع أكبر كدبه فى العالم

لو عاوز تقرأ أخطر تحقيق تاريخى عن معبد الشيطان أضغط هنا

لما الغزاه الأستعماريين راحوا يستعمروا أمريكا الشماليه فى أول إكتشافها كان فيها سكانهم الأصليين وعلشان لما يعمل تغيير ديمجرافى وحرب إباده ضدهم مقالكشى سكان أمريكا الأصليين (( خلى بالك هنا معايا )) قالك الهنود الحمر

هنا توماتيكى دماغك تروح للهند كدوله عريقه وموجوده من وجود التاريخ أذن الشعب ده هندى بس مش هندى أسمر ده هندى نازل من بطن أمه نيى شويه ونزل أحمر مش محروق وأسمر

يعنى بإختصار عاوز يفهمك أن شعب أبيض جاى بينازع شعب أحمر على حتة أرض والأتنين غرباء مش أصحاب أرض تقوم نفسيا تتقبلها أرض ملهاش صحاب وعليها صراع

لو قالك سكانها الأصليين حتتعاطف مع السكان لكن لما يقولك الهنود الحمر يبقى هنا عاوز يرسخ جواك أن الصراع بين أغراب على أرض فاضيه

التاريخ يقول أن الهند لم تكتشف الأمريكتين علشان شعبها يحتلها ويرسخ أقدامه هناك يعنى اللى كانوا موجودين هم ناس من قدم التاريخ وأستوطنوا هذه الأرض يعنى أصحاب الأرض الأصليين لكن مزيفى الحقائق فضلوا يرددوا مصطلح الهنود الحمر علشان يرسخ جواك أن سكان أمريكا الأصليين من أصل هندى يعنى هما كمان غرباء وتتقبل الصراع لأغتصاب أرض السكان الأصليين

ممكن بقى من فضلك تعمل مشاركه للبوست مش Copy و Paste علشان محدش يقول تانى الهنود الحمر والناس تردد الحقيقه (( سكان أمريكا الأصليين ))

جنرال بهاء الشامى

الأحد، 30 مايو 2021

متخليش حد يقلوظك ويسرق أحلامك

حنفترض أن أحداث جريمة 35 ينايم كانت ثوره مثلا فهل تركوها ام ركبوها وسرقوا هدفك الذى لم يتحقق (( هنا الأخوان كانوا جاهزين وأنقضوا عليها وسرقوها وركبوها ))

فى إنتفاضة 30 يونيه ضد الأستعمار الأخوانى الغاشم شاهدنا عودة رجال الحزب الوطنى القديم يعودون بقوه للمشهد السياسى قال إيه ياكبدى متعاطفين مع الشعب وركبوا المشهد

مسلسل هجمه مرتده وضح لك أمام العالم ومفيش صريخ أبن يومين أعترض على أحداثه مثلا وقال أحداث مزوره ومزيفه وده معناه أن الأحداث حقيقيه

فى مسلسل هجمه مرتده لم نرى أى دور للحزب الوطنى للزود عن البلاد ولم يضحى اى فرد فيهم بنقطة دماء واحده

ترديد الأكاذيب بطريقه مستمره ومتكرره وبألحاح يرسخها عند العامه

بدأوا على صفحات الميديا ومن خلال حساباتهم وحسابات مزوره من ترديد مصطلح (( الدوله العميقه )) وأوهموك أنهم الدوله العميقه ولبدوا فى الذره للأخوان والمؤامرات الخارجيه وأستخبوا لهم خلف حزمة الجرير ثم فاجأوهم بتفجير علبة الكبريت فى وجوههم وخلصوا الشعب منهم

لو واخد بالك من المشهد السياسى الداخلى حتلاقيهم هما اللى منغصين عليك عيشتك وشرحناها مليون مره قبل كده وعلشان يفهمك أنه هو الدوله بتشوفوا ناطط على أى إنجاز لحد ماأوهموا العامه أنهم كل شئ فى البلد وأن السيسى فرد منهم وشغال معاهم وبينفذ خططهم مع أن أى عاقل شايف المشهد صح يفهم أنهم من أهم المعوقات التى تقف حجر عثره أمام طموحات السيسى للداخل المصرى

من فضلك أسمع هذا الفيديو القصير أضغط هنا للمشاهده

مفيش حاجه أسمها الدوله العميقه لبدت لهم فى الذره فيه مصطلح صحيح 100 % أن أجهزة الدوله السياديه لم تخضع لهم (( جيش _ شرطه _ قضاء _ خارجيه _ أجهزة المخابرات بنوعيها ))

يبقى أسمها الصحيح علشان محدش يسرق مجهود حد وتضحياته أجهزة الدوله السياديه لم تخضع لهم وتمتنع تماما عن ترديد مصطلحاتهم الدوله العميقه

مشكلتنا أن رئيس الدوله من النوع الصامت وهما بيستغلوها كويس

جنرال بهاءالشامى

السبت، 29 مايو 2021

لماذا يحتل الشاورماجيه مدن مصريه بعينها ؟؟؟

هل سألت نفسك لماذا يحتل الشاورماجيه مدن مصريه بعينها

لماذا تحديدا مدينة 6 أكتوبر والعاشر من رمضان لم يعد فيها مصريين

لسماع التحليل أضغط هنا يازبادى

حمل الملف الصوتى وأسمعه وأحتفظ به على جهازك لتنقله للآخرين

مع تحيات جنرال بهاء الشامى

كيف خدعنا السيسى منذ سنوات ؟؟؟

لو متابعنى كويس مش بالصدفه لما ينط بوست من بوستاتى قدامك حتجرى تروح الشهر العقارى تعمل إقرار وإعتراف بأسبقية عقلية رجال المخابرات عن الأشخاص العاديين بحوالى 30 سنه على الأقل

طبعا مش حفكرك تعمل إعتراف موثق بإخلاص وعبقرية السيسى فى معالجة الملفات

علشان محرقشى جاز كتير معاك فاكر محطة جنوب الوادى لتوليد الكهرباء أتعملت أمتى وفلوسها جت إزاى

طيب لو مش عارف معاك الرابط ده تعرف منه أضغط هنا لقراءة الحلقات يازبادى

وقتها قلنا أن السيسى حيورد الكهرباء لجنوب أوروبا وجل من لايخطأ وجل من لايخدعه السيسى بتحركاته ومحدش فينا كان يخطر على باله أن السيسى بيخطط من وقتها لو أندوميا عصلجت معانا نضغط عليها بإفشال الجدوى الأقتصاديه التصديريه لسد اللمبه لدول الجوار وتوردها مصر بدلا منها بشروط أكثر تيسيراً (( إيه الدماغ دى ياربى ))

لم يخدعنى السيسى بمفردى وأخطأت فى تحليلى بل خدع العالم كله بما فيهم دولة أندوميا بقيادة خالتى أم أحمد

مش عيب أعترف بخطأى أمامكم فجل شأن من لايخطأ وأعترف أننى حتى الآن لااتوقع تحركات السيسى إلا بعدها بفتره فأنا مواطن عادى وهذا رئيس جهاز مخابرات سابق وأعترف بوجود فرق رهيب فى السرعات

مش قلتلك مليون مره السياسه فن مش هز حلموزات

جنرال بهاءالشامى

هل فشلت المحادثات المصريه التورأيه وماهى الأسباب ؟؟؟

لايمكن توقع مايدور خلف أبواب الغرف المغلقه لكن بمتابعه دقيقه لما يجرى على الساحه السياسيه يمكنك معرفة مادار ولم يعلن عنه

فى أوائل هذا الشهر الذى قارب على الأنتهاء جرب مباحثات بين وفد تورأى ورجال الخارجيه المصريه لم يعلن عن تفاصيل نتائجها وهو ماجعل الميديا والمحللين السياسيين المهتمين بالشأن التركى والمصرى الغوص فى تحليلات لم نتوصل من خلالها لشئ يشبع متابعتنا وفضولنا

كما عودناكم على عدم التسرع حتى تتكشف بعض الأمور أتبعنا ذلك حتى تُشعل بعض التحركات شموع نتحسس بها ماحدث وخبايا هذه الأجتماعات

من المؤكد تناولت المباحثات الأستكشافيه موضوع العناصر الأرهابيه الأجراميه الأخوانيه الصادر بحقها أحكام قضائيه جنائيه وحددت القاهره جدول زمنى لتنفيذ مطالبها وحتى الآن لم نلاحظ شئ فى هذا الملف سوى تغيير لهجة العداء المستفزه من قنوات الأخوان التى تبث من تورأيا

من المؤكد أيضا تضمنت المباحثات أيقاف تمويل العناصر الداخليه فى مصر ونقدر نعتبر تورأيا وافقت على هذا الطلب بتوقف الأعلان عن القبض على عناصر تخريبيه وتقدر تعتبر تورأيا جمدت الملف فقط لحين عودة العلاقات رسمياً بالأضافه لتبادل بعض المعلومات المخابراتيه وده أمر سهل جدا لأنه غالبا بيتم سرياً وبعيداً عن وسائل الأعلام

من تحركات تورأيا فى الأسبوع الماضى تقدر تفهم أن مصر وضعت شروط قاسيه على الجانب التورأى فى الملف الليبى لأن من الواضح أن شروط مصر لم تعجب تورأيا فبعد مابدأت فى سحب بعض ميليشيات عناصرها من ليبيا بدأت تعيدهم مره أخرى وهنا تورأيا بتقول لمصر شروطك مش عجبانى ومش حطلع من المولد بلا حمص

لو تابعت أجتماعات التحضير للإنتخابات الليبيه وتابعت تصريحات المبعوث الأممى لليبيا تفهم منها أن بعض عناصر المفاوضات وخصوصا المواليه لغرب ليبيا بدأت ترجع فى كلامها

هنا لازم تفهم أن تورأيا بتقول لمصر لو مشغوله بملف سد اللمبه والتركيز على حصار أندوميا فخلى بالك الوقت بيجرى ومش فاضل غير 6 شهور على الأنتخابات ولازم تراعينى وتهتمى بالملف الليبى ومتطلعنيش من ليبيا بلا حمص أو على أقل تقدير الأفراج عن تجميد الـ 35 مليار دولار اللى هبشهم عم حنفى المنجد من السراج

طبعا لم تنسى مصر الملف السورى وواضح أن طلبات مصر مش عاجبه تورأيا وده واضح فى عدم إعتراف تورأيا بالأنتخابات السوريه رغم إعلان المراقبيين الدوليين نزاهة وشفافية الأنتخابات الرئاسيه

كل ده لايقلقك فهذا مايطلق عليه المحللين السياسيين حروب ماقبل الجلوس على موائد المفاوضات أو الضغط لفرض شروط طرف على طرف ومفيش حاجه تقلقك فى الملف الليبى بعد تحييد سيالة دولارات كطر بنت الوسخه فمن الصعب أن توفر تورأيا 3.5 مليون دولار مرتبات مرتزقتها شهريا فى ظل الأزمه الأقتصاديه الطاحنه بالأضافه لتوفير الأمدادات لهم يعنى الليله ممكن تدخل فى 6 أو 7 مليون دولار شهريا

أغلب الظن القاهره حتلعب على عنصر الوقت ورجال القاهره تعمل نفسها مشغوله بملف سد اللمبه للضغط على تورأيا وخنقها إقتصاديا بعد أن نجح حصارها السابق فى تهاوى سعر الليره وهياج المعارضه التورأيه وإشتعال المظاهرات الفئويه فى مدن تورأيا الكبرى وخصوصا بعد فضائح آلاضيش عم حنفى المنجد

جنرال بهاء الشامى