بس ياسيدى وراحت معيطه

بس ياسيدى وراحت معيطه

 

** بعد عام 1967 مصر شافت أكتر من اللى بتشوفه دلوقتى بمراحل ... دلوقتى بتنزل السوبر ماركت تجيب كل اللى نفسك فيه أى نعم غالى حبتين بس المهم أنه موجود لكن بعد عام 67 الأرز مكانشى موجود ولا الكيروسين ولا حتى القماش اللى بنعمل منه البيجامات

** كان مرتب أبويا وأمى على بعض لايتجاوز الـ 15 جنيه مع العلم أن أبويا كان بيشتغل بعد الظهر وكان إيجار شقتنا 175 قرش يعنى نصف مرتب والدتى وبعد عام 67 عرفنا لائحه لا آخر لها من الممنوعات زى اللبان وزى قلم الحواجب وزى قلم الروج وزى السيما وزى المراجيح فى غير العيد والفسحه فى المدرسه أتلفت لدواعى أمنيه .... من الآخر كانت العيشه صعبه جدا وفوق ماتتصور
** كان فيه حاجه أسمها المجهود الحربى اللى كان شافط أى حاجه زياده مع أى حد علشان نعيد تسليح الجيش اللى عنده حاجتين كان بيتبرع بحاجه منهم للجيش حتى لو كانت صيغه أو ملابس والرجاله كانت بتتطوع فى الدفاع الشعبى والحريم فى المستشفيات والمستوصفات
** كان الأخوان موجودين وسطنا وفرحوا قوى قوى فى هزيمة الجيش وقالوا عبدالناصر خربها وفرحوا فى الشعب وقالوا آدى الزعيم بتاعكوا كسر وسط البلد ومش بس كده دول طلعوا نكت على الجيش بعد عام 67 زى نكتة على سبيل المثال (( كان فيه عسكرى ماشى قرب القناه وهو ماشى لقى راديو فرح بيه وشاله من على الأرض جه يفتحه سمع المذيع بيقولوله هنا الآخره وراح منفجر فى وشه )) طلعوا نكت كتيره على الجيش وأكتر من دلوقتى لحد الناس ماأصيبت بالأحباط وفقدوا الأمل فى أسترداد الكرامه ...
** أحبطونا ليتشفوا فينا .... أحبطونا لينتقموا مننا لوقوفنا خلف جيشنا وخلف عبدالناصر .... أحبطونا رغبه فى الأنتقام والتشفى لكن السادات بذكائه أستطاع أن يستغلهم ويستغل غلهم فى توصيل حالة الأحباط هذه لأسرائيل حتى وصلت أسرائيل لمرحلة الغطرسه والغرور
** خوضنا الحرب ومحدش كان مصدق فى الأول أننا هوبنا ناحية القناه إلا لما شوفنا بعنينا فى التلفزيون وشوفنا العساكر الأسرائيليه أسرى بعنينا والبلد قدرت ترجع تانى وتجاوزت محنه من أشد المحن
** بقولك ليه كل الكلام ده علشان تعرف أنها محنه وحتعدى زى غيرها وأكتر منها ولازم تعرف أنها ماتضيق إلا لما تفرج وربك ذكر العسر قبل اليسر لكن لما بتعدى بتكون فرزت الكويس وعرفنا مين الوحش ومين اللى صبر على البلد
** يحز فيا قوى مصريه أو مصرى للأسف الشديد يكتب (( مصر )) هكذا علشان يتريق على أسم بلده (( ماسر )) وأفتكر مره كنت قاعد بذاكر على الطبليه وأنا صغير وحاطط العلم تحت منى وقاعد عليه علشان موسخشى هدومى من الحصيره وأمى ضربتنى وبهدلتنى ولما قلت لها دى حتة قماش قالتلى مقولتها الشهيره (( لما بتشوف قميص أبوك واقع على الأرض بتشيله ليه .... قلتلها علشان القميص بتاع أبويا وأنا بحب وبحترم أبويا )) مكنتش محتاج باقى شرح أمى لأنى فهمت لوحدى زى مابحترم وأخاف على قميص أبويا اللى هو حتة قماش برضوا لازم أحترم علم بلدى )) حب الأوطان بيتزرع فى البيت ومهمة الأم والأب
**أحنا على النت يعنى العالم كله شايف تحركاتك ولما القطرى والتركى والأمريكى واليهودى رغم عدم حبهم لك إلا أنهم بيستنقصوك لما تهين أسم بلدك او تتريق عليه وبيعرفوا أنك واطى وممكن تخون أى حد طالما بتهين أسم وصورة بلدك

 

ليه كده وليه حنفضل كده

ليه حنفضل كده وليه عاوزينا كده وليه مش بنتفق ولا حنتفق وليه فلوسنا بنستثمرها بره مع أن لو أستثمرناها عندنا نعيش فى نعيم

الأسئله دى كلها مرتبطها ببعضها وأهمها طبعا فلوس الأستثمار ليه بره مش عندنا

الأستثنمار محتاج لأستقرار سياسي (( هدوء فى عملية أنتقال السلطه بديمقراطيه وسلاسه )) وأيضا محتاج لأستقرار تشريعى (( مش كل شويه تطلعلى بقوانين وأبقى مش عالرف راسى من رجلى )) وأستقرار أمنى (( مافيش مكان فى العالم يقدر يحقق الأمن بنسبة 100 %% وعلشان كده كل دوله بتحاول تبرر أى ظاهره غير أمنيه عندها

ركز معايا علشان تعرف ليه حنفضل كده .... الغرب لو تلاحظ بيدعم أى أقليه أو طائفه فى دولنا مش علشان خاطر سواد عنيهم ولا علشان حقوق الأنسان زى مابيحاولوا يفهومنا لكن لزعزعة الأستقرار السياسى ودايما عاملك مشاكل داخليه مره يقولك الأقباط ومره يقولك الأخوان ومره يقولك الأقليه الدينيه علشان لازم يحطك فى عدم استقرار وطبعا بيستقبلهم ويدعمهم ويسخنهم لزعزعة الأستقرار السياسى

قوانيك ياعم الحاج محتاجه تغيير أنت مش مراعى حقوق الأقليات ورافع الجمارك ورافع الضرائب ولازم تختن الناث ولازم تعدل مناهج التعليم كل دى حجج بيقولها لك لما تروح تاخد منه قرض علشان مايبقاش عندك أستقرار تشريعى

أنتوا مظلومين وأحنا حنقف جنبكم لحد ماتخدوا حقوقكم الكلام ده يقولوا للأقليات ويعملك وقيعه فى كيان ونسيج شعبك ويزرع لك منظمات شكلها حقوقيه لكنها لأغراض خبيثه أخرى ولازم توافق عليها مثلا علشان يديك مصل شلل الطفال وعلشان يديك عربيتين أسعاف على عربيتين مطافى

يقول للأخوان أنتوا صح وأولى بالحكم ويقول نفس الكلام للسلفيين ونفس الكلام برضوا للعلمانيين علشان كله يطمع فى الحكم وكله يفتكر أن أمريكا بتسنده لوحده ومن هنا دايما تلاقى عندك مشاكل لأن كله مستقوى على كله بالأمريكان وبالغرب

طبيعى وسط كل ده أى مستثمر يخاف على فلوسه ويبحث عن مكان جيد لأستثمار فلوسه ولا يجد هذه الشروط إلا فى الدول الغربيه ويروح المستثمر العربى بفلوسه على امريكا ومن أستثماراته هناك أمريكا تكسب وتساعد البلاوى اللى بتحصل عندك اكتر وتفضل العمليه تصاعديه هو عنده أستقرار وفلوسك بتهرب عنده وأنت دايما عندك قلق

حتى لو الأخوان كانوا نجحوا فى الحكم مكانشى الأمريكان حيسيبوهم كانوغا حيسخنوا عليهم أى فصيل تانى وحديك مثال بسيط وحتستغرب من خباثته

توقيت توقيع أتفاق 5 + 1 مع إيران كان مختار بعنايه فائقه قبل الأنتخابات التشريعيه عند الأيرانيين علشان يقوى تيار معين بطريق غير مباشر على تيار اليمين المتشدد (( المحافظين )) فى الأنتخابات علشان يقدر يعرف يضغط عليه وينفتح عليه وفى نفس الوقت برضوا حيدعموا المعارضه عنده ويعملوا صراعات داخليه لما يعرف يحط رجليه بطريقه شرعيه

بدون عواطف وفى هذا المضمار تحديدا لا تستبعد أنهم يتفقوا عليك لتقسيم التورته مع انهم فى الظاهر قدامك مختلفين وتقدر ترجع لطريقة أتفاق وقف أطلاق النار فى سوريا

عرفت ليه سخن السعوديه عليك علشان تلفى مشروع الجيش العربى الموحد وليه بيسخن تركيا عليك (( على فكره لو رجعت لمزكرات أحمد أبو الغيط وزير الخارجيه المصرى السابق حتعرف أن مبارك كانت علاقته بتركيا زى الزفت بس ماكانتشى واضحه زى دلوقتى )) وعرفت ليه زرع لك ‫#‏كطر_بنت_الوسخه زى الخازوق وعرفت ليه مش حيسبك فى حالك ولازم يحطك طول عمرك تحت ضغوط علشان مايبقاش عندك أستقرار سياسى وتشريعى وأمنى والمستثمرين العرب تكون أول ناس تهرب بفلوسها عند اللى عنده أستقرار سياسي وتشريعى وأمنى وعلشان كده حنفضل كده وعمرنا ماحنتفق على أننا نتفق

جنرال بهاء الشامى

السيسى المظلوم

 

** قبل السرد وأقسم بالله العظيم ماسأقوله ليس دفاعاً عن السيسى ولا هو تطبيل له أنما هو تحليل واقعى ومنطقى وبدون عواطف من راجل عجوز عاصر مايقرب من أحداث سياسيه على مدار 50 عام وتربيت فى بيت الأم كانت تعشق السياسه ورضعتها منذ صغرى مع اللبن من صدر أمى

** بعد حرب عام 1967 أنكسرت البلد ولمحت ده فى صوت من حولى من الكبار وتسامر الكبار فى كل مكان فى البلد وحسيت فعلا أن فيه مصيبه حصلت فى البلد وخصوصا بعد مافهمت أنه أصبح هناك قائمه من الممنوعات زجاج المدارس لازم يبقى باللون الأزرق وعليه لزق علشان مايقعشى علينا فى الفصل لو طيارات أسرائيل ضربت المدرسه وممنوع تلاقى راديو أو قلم فى الشارع على الأرض وتمسكه أنما لازم تجرى تبلغ حد كبير علشان يتصرف ويبلغ الدفاع المدنى (( أمسك بقى هنا فى أول ظهور لفرع من فروع الشرطه التى خلقته الظروف علشان هو ده موضوعنا الأساسي ))

** نرجع لموضوعنا شفنا بعنيا الشعب وهو بيدفع تمن أنكسار الجيش وهذا مايؤكد أن الشعب والجيش نسيج واحد وقت الأزمه شفت بعينى عربيات الأرز رايحه للجيش والشعب مش لاقيه ومحدش أعترض وقال أشمعنى شفت بعينى الطوابير على اللحمه والسمك فى الجمعيات

** شفت بعينى محاولة تعويض الهزيمه وهو ماحدث بالفعل فى 1973 لكن ناموس الحياه كان كل شئ وله تمن ... توقفت عجلة التنميه وعلاج الأزمات وتراكمت المشاكل على البلد وتوقفت عجلة الأنتاج لأن الشباب والرجاله كلهم أصبحوا تحت أمر الجيش وتم تهجير ثلاث مدن وأخلائها كاملا من سكانها ولم يعترض أحد على هذه العيشه الصعبه السلع التموينيه مش موجوده والضروريات مش متوفره حتى الكستور اللى كنا بنعمله بيجامات كان فيه ازمه وبيتصرف على بطاقة التموين (( واخد بالك أنت الأزمه كانت لحد فين حتى هدومنا بنصرفها على بطاقات التموين وعليها زحمه وقتل للصبح ))

** أصبر عليا انا بحاول ألاقى باب أدخل منه على الموضوع علشان تعرف أن السيسى مظلوم بجد

** أنتصرنا بقدرة الله فى عام 1973 ولم يصدق العالم مافعلناه فى هذه الحرب وأنبهر اكبر خبراء الجيوش مما فعله الجيش المصرى ومن خلفه جبهه داخليه لم أراها من وقتها تانى فى مصر هى الأقوى على الأطلاق صنعتها المحنه شعب وجيش جسم ونسيج واحد

** ركز بقى الله يرضى عليك ... خرجنا من الحرب بحلوها ومرها ومعها المشاكل التى تراكمت من 1967 مشاكل حياتيه ومشاكل فى البنيه الأساسيه ومشاكل مجتمعيه وفقر وذل وكنا فى عصر السادات وكان عليه البدء فى أصلاح ماأتلفه الدهر والحرب .... شعب جعان ومحتاج ياكل ومحتاج يشوف كل حاجه حلوه وبصراحه الراجل حاول بكل جهده وأخد خطوات عمليه فى سبيل ذلك

** بدأ السادات فى حل بعض المشاكل وترحيل بعض المشاكل وعندما أقترب من الدعم هاجت مصر كلها عليه وأضطر للتراجع فى أحداث 18 و 19 يناير لكن قبلها وأيام عبدالناصر كانت صدرت احكام مخففه ضد قادة سلاح الطيران وقامت مظاهرات عارمه فى البلد فيما يطلق عليه مظاهرات الطيران على ماأتذكر (( خلى بالك حنخش أهو فى الموضوع )) لم تستطيع الداخليه وقتها للتصدى لتلك المظاهرات بعسكرى الدرك والخفير النظامى وبدأ شعراوى جمعه وزير الداخليه وقتها يفكر فى تكوين أمناء الشرطه لمواجهة طلبة الجامعات التى كانت تخرج فى مظاهرات وقتها

** مع ترحيل المشاكل والخوف من الأقتراب منها ومع مرور الأحداث حدثت احداث الأمن المركزى من مجندى الداخليه بسبب أشاعه يقال أن رفعت المحجوب كان له علاقه بها لأن أحمد رشدى أنظف وزير داخليه مسك مصر وقف فى مجلس الشعب وقال لو وجدتوا مخدرات فى مصر بعد شهور يبقى انا اللى بتاجر فيها وأنا عارف الكبار وحعتقلهم كلهم وحط عينه على أخو رفعت المحجوب رئيس مجلس الشعب كأكبر تاجر مخدرات فى مصر وكان مستخبى فى اٍسكندريه وقال احمد رشدى وقتها أنا اللى حقبض عليه بكره وكان الكلام ده يوم 16 يناير على ماأتذكر وبعدها مباشرةً حدثت احداث الأمن المركزى وأتشال فيها أحمد رشدى واللى قضى على تلك المظاهرات فى عصر مبارك هو الجيش أو قوات الصاعقه تحديدا

** بدأ مبارك يدلع فى الداخليه ونسى مشاكلها وزود مرتباتهم وحسن من ظروفهم وحدث تطوير فى معسكرات الأمن المركزى ومع مرور الوقت ومع تصاعد عنف الجماعات الأسلاميه ساب مبارك السايب فى السايب للداخليه حتى وصلنا لأحداث الأقصر وتم تعيين حبيب العادلى ومبارك سابله الداخليه والبلد يعمل فيها اللى يعجبه وبدأت شوكة الداخليه تقوى والفساد يقوى فيها ودارى على فسادها نجاحها فى التصدى للجماعات الأرهابيه حتى أصبحت الداخليه مثل الوحش وبدأت تصرفاتها تنعكس على رجل الشارع والناس أتخنقت منها وكانت سبب مباشر فى خروج الناس فى يناير 2011 وكانت الفرصه الذهبيه لعلاج مشكل الداخليه بطريقة الصدمات الكهربائيه لكن حاجة الشارع لها وانعدام الأمن غطى على رجوعها بكل أخطائها وأكتفينا بتحويل أسم أمن الدوله للأمن الوطنى فقط

** أستولى الأخوان على الحكم وبدل مايحاولوا يصلحوا أى حاجه فى الداخليه حاولوا يأخونوها كما هى بكل فسادها واخطائها ثم قامت انتفاضة 30 يونيه وكان للداخليه دور بطولى فى حفظ أمن المصريين وهذا ساعد كثيرا على تغاضى المصريين على فسادها وجبروتها وتصاعدت احداث الأرهاب والعنف وزاد صمت المصريين على تصرفات الداخليه بحجة انه مش وقته ونخلص الأول من الأخوان وبعدين نشوف حل للداخليه بس بعد ماتقف البلد على رجليها

** وكانت القشه التى قصمت ظهر البعير وحدثت حادثة الدرب الأحمر والأطباء وممرضة كوم حماده مما جعل ملف الداخليه يطفو مره اخرى على السطح مما أضطر السيسى للتدخل المباشر ومحاولة أمتصاص غضب الشارع والأعلان عن تشريعات تعيد للداخليه توازنها وحب الشارع لها

** فهل يتحمل السيسى خطأ مشاكل تم ترحيلها عبر 6 رؤساء أو علشان اكون دقيق 4 فقط ويحل مشاكل 50 سنه فى 50 ساعه .... لوأنت تقدر يبقى السيسى حيقدر

** تقليص العدد ورفع أمتيازات المحترفين والحد من التعامل فى الشئون الجنائيه وبعدهم عن التعامل المباشر مع الجمهور وتشديد العقوبات أعتقد أنه سيكون أحد الحلول

جنرال بهاء الشامى

 

تمام يافندم كله تحت السيطره

تمام يافندم كله تحت السيطره

 

 

** فاكر لما قلتلك عن خطة نقل داعش فى مكان لايمكن السيطره عليه وقلتلك وقتها سيتم نقلهم لليبيا ثم يتم تسريبهم جنوبا من الحدود الجنوبيه (( خد عندك ياعم بقى الخطه ماشيه تمام وقادة المنطقه الجنوبيه الليبيه يعلنون عن هروب أعداد غفيره من داعش أمس من سرت إلى الحدود الجنوبيه بعد الضربات الأمريكيه لسرت ))
** فاكر لما قلتلك ياريت نرفع برقع الحيا وروسيا وأمريكا يقعدوا مع بعض ويحلوا مشلكة سوريا وفكك من الكلام الأهبل بتاع المعارضه وإيران والسعوديه وكل دوله من العظماء تلم عيالها وتأثر عليها (( خد عندك ياعم الحاج روسيا وأمريكا قعدوا مع بعض أمبارح وأتفقوا على وقف إطلاق النار وكل واحد من الكبار يلم عياله من الشارع ومش عاوزين وجع دماغ ))
** الأخ اللى كان بيتكلم عن سيادة السعوديه أمريكا علشان توصل رساله لكل العيال اللى بتلعب لمصلحتها طلع واحد من قيادات حلف التاتو وبخ فى تركيا أمبارح وقال لها لعب عيال مع الروس ملناش فيه وطبعا الرساله وصلت أبو سوسو واللى أتخن من أبو سوسو (( مافيش حاجه أسمها سياده فيه حاجه أسمها مصالح وضغوط والكبير كبير يابا مش حنضحك على بعض ))
** نرجع لمقالنا التاريخى لما قلنا أن الملف السورى سيشهد تحول تاريخى بعد أن يرسخ السيسى قواعد حكمه بإنجاز تاريخى وقتها سيتدخل فى الملعب السورى ولو رجعت انت لشهر سبتمبر 2015 بعد أفتتاح قناة السويس حتلاقى الروس فعلا رموا كل تقلهم فى الملف السورى (( الروس كانوا محتاجين دعم شرعى من أحد اللاعبين فى المنطقه تكون بعض اهدافه مثل أهدافهم (( وحدة الجيش السورى )) ولقوا ضالتهم فى الرؤيه المصريه (( تأكدت دلوقتى وأحنا فى فبراير 2016 أن مصر بالرغم من ظروفها الأقتصاديه الزفت لكن يظل ثقلها السياسى محفوظ )) وطبعا مافيش ثقل سياسى فى هذا الملف بالذوق أو بالحنيه لكن هذا راجع لقوة جيشك اللى العيال أم بنطلون ساقط وشعر مدهون سمنه هولندى مش عارفه قيمته
** كلمه مزنوقه فى زورى وعاوز أقولها ... البلد على صفيح ساخن وكله بيلعب على كله وفيه وكالة صوابع بتحاول تلعب فى مصر (( مصر تشهد حاليا مايطلق عليه صدام الأوساخ الحزب الوطنى ورجال جمال مبارك وأنا شرحت الموضوع ده قبل كده بالتفصيل دخلوا فى صدام مع كله وكله بيخبط فى كله وكله ماسك ورق على كله علشان صورة السيسى تبقى زى الخره ومش قادر يسيطر على البلد علشان الأنتخابات اللى بعد الجايه تكون أستوت قوى لجيمى ويعود للملعب بحبايبه وألاضيشه ورجال أعماله أشى أمناء شرطه وأشى دكاتره وأشى إعلاميين وإشى أعضاء مجلس نواب وإشى أصحاب قنوات فضائيه )) وسط هذه المسخره (( أنزل يابنى بموسيقى تصويريه )) داعش على الحدود الغربيه لمصر وحيحاولوا يتسللوا لمصر وعلشان تظبط حدود حوالى اكتر من 1000 كيلو مع ليبيا أنت محتاج مش بس جيش وقبائل مواليه أنت محتاج لقوه خارقه ومخابرت مصحصحه وداخليه فى قمة التركيز وللأسف فيه ناس بتشتتنا عن المصيبه الكبيره وبتدخلنا فى فروع وشكليات مش وقتها دلوقتى
** الأخ اللى واقف هناك وعاوز يتعين فى الحكومه وبيقولك أومال الجيش وظيفته إيه ماهو لازم يحمى الحدود أحب أفكره بس أن الطياره الحربيه بتتكلف بنزين وكاوتش وذخيره فى الساعه الواحده مالايقل عن 48 ألف جنيه ده غير الثوابت المعروفه والمعتاده (( خلوا عندكم دم بقى البلد لو وقعت كلنا حنقع معاها حتقولى معايا باسبور أجنبى وحهرب على بره لو البلد جرى لها حاجه حقولك لو لحقت تهرب ونفدت بجلدك مش حتعرف ترجع مصر تانى ولا حتعرف تسرق وتهبش فى بلاد بره وحتعيش غريب زى الكلب الجربان فى بلاد بره مصر ياولاد الرمه مـــــصر لها طعم وسحر تانى خالص ))

 

أمان ربى أمان مورسى حيحصله أردوغان

 خليك فاكر المقال ده وفاكر تاريخه كويس قوى علشان الحمد لله مقلناش حاجه إلا وتحققت ومش سحر ولا قراءة المندل أنما قراءه واقعيه للورق السياسى فى المشهد التركى

محدش يسألنى مصدرك إيه لأنى بحلل أحداث سابقه الكل بقى حافظها زى ماهو حافظ أسمه

نخش فى الموضوع فاكر طبعا موضوع الطائره العسكريه الروسيه اللى وقعها أردوخان وفاكر الكدبه اللى أنكشفت وطبعا أنت فاكر تصريحات الناتو مره يقولوا أحنا معاه ومره يقولوا أحنا معاه بس مش قوى ومره يقولوا أحنا مش معاه وتضارب التصريحات فى عالم السياسه تفهم منه أنه لايوجد موقف ثابت وحازم يعنى من الآخر الناتو التى تسيطر عليه أمريكا لن يعرض مصالح أمريكا للخطر علشان واحد أهبل ومغرور زى أردوغان

محدش يقدر ينكر أن أردوغان هو زعيم حركة العثمانيين الجدد التى تريد أعادة أحلام الدوله العثمانيه ولو عاوز تتأكد من كلامى أتفرج على قناة TRT التركيه

 أمبارح وأول أمبارح فيه أجتماعات بين روسيا ياعم ميدو للأتفاق على تجنب الأصطدام فى سوريا وقدروا يتفقوا ويحددوا مناطق الألتهاب يعنى الأماكن اللى مش تحت سيطرة النظام السورى (( ركز قوى فى النقطه دى )) علشان تفهم أن فيه أتفاق بين روسيا وأمريكا على عدم تقسيم سوريا

أهدى عليا الموضوع طويل ومتشعب وأكيد أنت عارف أن الأمريكان بدأوا يشيلوا أيديهم عن الأخوان بعد أثبتوا فشلهم فى سوريا ومصر وتونس والجزائر والمغرب واليمن وبدأوا يفكروا بجد فى وقف دعمهم لأخوان ليبيا بدليل تدخلهم فى بقوه فى المشهد الليبى أمبارح وأول أمبارح وده بيأكد أن السياسه الطريه فى سوريا لأنما لتجنب الصدام مع روسيا

أبو سوسو شمر كمامه وبوظ للسيسى مشروع جيش عربى موحد والسيسى ردها لأبو سوسو لعدة أسباب زكرناها فى أكتر من مقال قبل كده المهم لو تاخد بالك فيه تراجع شديد فى تصريحات الجبيرى بخصوص التدخل السعودى التركى فو سوريا واكيد ده تم بعد ضغوط أمريكيه

فوتك فى الكلام فيه حاليا صراع على أستقطاب الأكراد بين روسيا وأمريكا وأمريكا شايفه أن مصالحها القادمه مع الأكراد (( حيبقى لهم دور كبير ضد إيران بعد كده )) وطبعا أمريكا مش ممكن تقف مع أردوخان ضد مصالحها وقردوخان كان عاوز يدبس أبو سوسو فى حربه ضد الأكراد

التفجيرات أتعملت فى تركيا وطلع القردوخان فرقع تصريح وراح مشمر كمامه وأرسل 15 ألف جندى فى أقل من 24 ساعه للحدود مع مناطق الأكراد لكن أمريكا قالتله عندك بقى ياروح أمك وأقف لحد هنا أحنا لسه متأكدناش مين اللى عملها واللى أنت بتقوله مافيش دليل عليه وبعدها بـ 48 ساعه وعلشان ربك يثبت أن الحيوان ده كداب ومتهور ومغرور طلعت مجموعه تركيه أعلنت أنها هى اللى فجرت

 واحد حيقولى روسيا فشلت فى أستصدارقرار أممى أمبارح أنت نسيته ولا إيه وده معناه أن كل كلامك اللى فات كله غلط فى غلط حقولك مخدتش بالك كويس لن القرار اللى عاوزه تصتصدره روسيا يتناقض مع القرار 2254 بخصوص سوريا

نرجع تانى لقردوخان وأنت عارف أنه أخوانجى وعارف أن علاقته بالجيش مش قد كده وعارف أن قيادات الجيش علاقتها جيده بزعماء حلف الناتو اللى بتتزعمه وتقوده أمريكا اللى هو مش عاجبه تصرفات القردوخان

الأكراد بكل المقاييس الكل بيحاول يستقطبهم خصوصا وأنهم سيكون لهم شأن كبير فى المنطقه مستقبلا وأمريكا مش حتسيبهم للروس بيضه مقشره والروس شغالين على ملف الأكراد كويس قوى ويمكن علشان السبب ده بالذات بتفشل مؤتمرات جنيف لأن روسيا عاوزاهم فى المفاوضات وتركيا والسعوديه مش عاوزاهم ويمكن لافروف الأقتراح اللى طرحه سيلاقى قبول من بعض الأطراف وخصوصا الأمريكان وهو مايطلق عليه مفاوضات الغرف المجاوره (( يعنى الأكراد ممكن يشاركوا فى النفاوضات بس مش بطريقه مباشره عن طريق وجودهم فى غرف مجاوره والجانب الروسى ينقل مقرتحاتهم وأرائهم

من كل اللى فات تقدر تعرف أن روسيا علاقتها زى الطينه بتركيا الأكراد علاقتهم زى الطينه بتركيا وروسيا وأمريكا علاقتهم كويسه بالأكراد وتقدر تعرف أن مصالح أمريكا بدأت تصطدم بأردوخان يبقى أمريكا قدامها حلين لاثالث لهم أما الضغط الأقتصادى والسياسي على أردوخان علشان يعقل ويعرف بيحط دماغه فين أو تسخن عليه العسكر ويحدث أنقلاب عسكرى عليه فيما يطلق عليه فترة أنعدام الوزن فى البيت الأبيض (( مرحلة انتقال السلطه علشان يبقى فيه حجه أمريكا تنفضله )) ويبقى ساعتها بقى القردوخان بهبله وجنونه وغروره وجهله يشوف مين اللى حيرفعله علامة رابعه وساعتها فقط حضرتك حتتأكد أن مصر كانت على صواب وأن محدش بيجى على مصر ويربح أبدأً ولو مش مصدقنى أسأل التاااااااااااااااريخ

جنرال بهاء الشامى

البهيمه رايحه المدبح برجليها

البهيمه رايحه المدبح برجليها وفرحانه 

 

** عجبى عليك يازمن على البهيمه اللى رايحه المدبح علشان تندبح وماشيه سعيده وعادى وهى مش عارفه أنها رايحه لنهايتها 

** عجبى عليك يازمن البهيمه بتشتريها قبل العيد وتاخدها بيتك وتطنملك وأنت بتحط لها الأكل والشرب وتبقى مبسوطه كل لما تشوفك ويوم العيد الصبح لما تخش عليها تفرح بيك زى كل يوم وماتعرفشى أنك داخل عليها علشان تحط حد لحياتها وتحط نهايتها بإيدك 

** تتخيل بقى أن البنى آدم بقى زى البهيمه مش عارف مين اللى بيحط نهايته ومين اللى بيقرر أمتى تنتهى حياته
** العراقيين فرحوا بسقوط نظام صدام حسين على أيد الأمريكان وفرحوا وهللوا بدخول الأمريكان العراق ومكانوش يعرفوا أن الجزار واخدهم على المدبح علشان ينهى حاجه أسمها العراق وبعد فوات الآوان بدأ العراقيين يندموا ويضربوا نفسهم بالجزم لكن بعد فوات الآوان وبعد ماالسكينه ماقطعت آخر وريد فى رقبة العراق 

** نفس الحال دلوقتى بعض السوريين منتظرين سقوط نظام بشار الأسد ومحدش فيهم كلف نفسه يسأل العراقيين اللى بيروح المدبح بيجرى له إيه ؟؟؟
** برضوا فيه مصريين مستنين سقوط بلدهم على أيد الجزار اللى مايعرفشى الرحمه
** أما ليبيا خلاص الجزار سن سكينته وربطها من رقبتها ولما يخلص السيجاره اللى فى أيده حيدبح ليبيا
** تحت عند الجنوب خلاص الجزار أنتهى من دبح العجل اليمنى وبيريح شويه وحيقوم بعد شويه يسلخه ويقطعه
** عجبى عليك يازمن محدش عاوز يتعلم من العجل العراقى ولا حد كلف نفسه يسأل العجل العراقى راح فين
** طول ماالجزار عايش مش حيبطل يدبح عجول ومافيش عجل فى الزريبه كلف نفسه يسأل العجول اللى بتخرج من الزريبه مع الجزار بتروح فين ومابترجعشى الزريبه تانى ليه ؟؟؟
** طول مالجزار عايش مش حيبطل يدبح عجول ولا العجول حتتعلم الدرس

 

هل أنتهت داعش بتحرير الرمادى وضربات الرقــه ؟؟؟

هل أنتهت داعش بتحرير الرمادى وضربات الرقــه ؟؟؟

 

** وأنت قاعد قدام التلفزيون وتسمع المذيعه وهى تعلن عن تحرير الرمادى وقرب تحرير الموصل وضربات الرقه تنشكح وتعتقد أن هذا التنظيم فى طريقه للزوال لكن لما تعرف الحقيقه تقول يافرحه ماتمت خدها الغراب وطار
** ميليشيات داعش سبحان رب العباد خرجت لنا فجأه من جيب الساحر الأمريكى فى العراق وأستطاعت فى وقت قصير جدا بالمعايير العسكريه من إحتلال أجزاء كبيره فى العراق وسط صمت أمريكى وغربى وذهول عربى حاجه كده زى القضا المستعجل نزلت علينا من السما زى ماتكون ماشى ولابس الحته اللى على الحبل وتلاقى واحده رخمه دلقت عليك جردل مية التسييق
** هوبا وألاأونا وألادونا والرايح يقول اللى جاى مبقاش لنا سيره غير ميليشيات داعش وأبو بكر البغلالى اللى لم يظهر إلا مره واحده فقط (( مش غريبه دى شويتين )) والجزيره بتاعة ‫#‏قطر_الشرموطه‬ ملهاش سيره غير داعش دبح وداعش حرق وكأن مافيش قناه بتعرف الأخبار غير الجزيره (( خلى بالك قطر هى اللى دفعت دية الأفراج عن طليقة ابو بكر البغلالى المزه أم عيون جريئه ))
** بوخت داعش ومسخت وبعد ماكانت بتشتغل لحساب طرف واحد اصبحت بتشتغل لحساب أى حد يدفع ويأبج حتى وصل بها الأمر لدبح الـ 21 مصرى بتوع ليبيا فى قطر وأندفنوا وأندبحوا فى قطر عكس الناس ماهى متصوره لكن الجيش المصرى فى ضربه سريعه وخاطفه كلفتنا حوالى 4 مليار جنيه كشف حقيقة هذا التنظيم (( مش عارف يه حكومتنا وعلشان خاطر مين مش عاوزه تذيع تفاصيل ذبح المصريين فى ‫#‏قطر_بنت_الوسخه‬ ))
** بدأ هذا التظيم يسبب إحراج شديد لحكومات الغرب التى تدعى الديمقرؤاطيه أمام شعوبها وكان لازم يحطوا لتصرفاتهذا التنظيم حد بعد أن خرج عن طوع الأمريكان وبدأ يشتغل لحساب إيران وقطر والسعوديه وحماس والأربعه لهم أيدلوجيات مختلفه تماماً وكان لازم يشوفوا لهم صرفه
** طبعا عملنا التنظيم وظبطناه وروجناه ومش من الساهل نهد الليله كده بسرعه لكن تحت الضغوط كان لازم الأمريكان يتصرفوا وفعلا بدأوا فى تهريب القيادات الأولى للتنظيم لليبيا بعيدا عن روسيا التى تخشى من تسلله لأراضيها وتشرب من كاس القاعده تانى
** طبعا سعادتك عارف أزاى أتهرب البغدادى من العراق لتركيا ثم ليبيا وباقى القيادات
** فعلا التنظيم بدأ ينهار فى العراق وعلى وشك الأنهيار فى سوريا فى خلال عام أو عام ونصف أو عامان على أكثر تقدير بعد تضييق الروس عليه وغلق منافذ التمويل التركيه (( بالعربى كده قفلوا عليه السبوبه ))
** توديه فين ياأمريكا توديه فين يأمريكا راحت طاقه فى دماغها تودى التنظيم فى حته الروس مايعرفوش يسلكوا فيها ويودوه فى حته واسعه وفيها خير بالهبل والروس ملهومشى فيها رجل قالتلك اوديه أفريقيا
** فعلا التنظيم حط رجله فى أفريقيا بعد أن حط أول رجليه فى ليبيا وعلشان ننشره فى أفريقيا كلها ونوسع نطاق عمله وأستغلوا عدم رغبة مصر فى وجود التنظيم بجوار حدودها وحيعملوا حركه بنت كلب شبه شرعيه قال إيه حيشكلوا حكومه شعبيه فى ليبيا مع تعليق منصب وزير الدفاع (( حفتر يعنى من الآخر علشان له أتفاقات مع السيسى عدو داعش والأمريكان فى المنطقه )) وقال إيه الحكومه دى تطلب قال إيه من حلف التاتو التدخل فى ليبيا لمحاربة داعش وهوبا يدخل حلف التاتو ويطفش داعش من ليبيا ويهربوا على أفريقيا وكده يبقى التنظيم دخل أكبر قاره متضاربه فى المصالح ويبدأوا فى قلقلة افريقيا كلها وتوحيد صفوقهم مع المتطرفين فى أفريقيا زى بوكو حرام والصومال وغيرها
** واحد حيسأل طيب وهل فرنسا ستسمح لهم بالأنتشار فى تشاد وهى متمركزه عسكريا فى تشاد حقولك سكة أوباما كلها مسالك مع أن أوباما مش حيحضر أم الليله دى بل بالعكس ستتم هذه العمليه فى فترة أنعدام الوزن أثناء أنتقال السلطه فى أمريكا وممكن نقلهم عبر طريق النيجر ثم نقلهم لمالى ونيجيريا اللى فيهم تنظيمات ارهابيه دلوقتى لكن اللى لازم تعرفه أن القضاء على داعش فى أفريقيا مستحيل ومن رابع أو عاشر المستحيلات لو تغلغل هذا التنظيم فى هذه القاره
** فى النهايه لنا سؤال لولبى حلزونى أرتوازى محورى لما الرمادى فى نصف العراق تقريبا بالظبط وتم تحريرها يبقى الدواعش راحوا فييييييييييييييييين .... لو عرفت الأجابه أتصل على 19777 علشان يفصلوا عليك النت علشان حتبقى خطر على أمريكا

 

الأخوان راحوا فين ؟؟؟؟؟؟

الأخوان راحووو فين ؟؟؟؟

 

** ممكن حد يسأل السؤال ده ويقول هما الأخوان فين مش باين لهم حس ولا سامعين عنهم خبر
** النهارده واحد سألنى فى الموبايل هل حوادث الأخوان على فترات ممكن تأثر على دوله بحجم مصر ؟؟؟
** سيستم الأخوان دلوقتى هو تجويع المصريين والضغط الأقتصادى على نظام الحكم لتركيعه أيوه أنا عارف بقولك أيه وعارف كل كلمة بقولها
** ضربات الأخوان المتباعده تأثيرها على الأقتصاد أقوى مئات المرات عن الضربات المتتاليه المكثفه وتعالى نحللها مع بعض
** الضربات المتتاليه المكثفه حتخلى المستثمر يقول هوجه أو زوبعه وتاخد وقتها وتغور أو وتنتهى
** الضربات المتتاليه المكثفه ترهق الأخوان ماديا ولو عملت 10 حوادث فى اليوم تأثيرهم زى تأثير حادث واحد على الأقتصاد ويبقى هم وفروا فلوسهم وقللوا من صدامهم مع الداخليه
** تخيل كل لما البلد تبتدى تفوق وتقف على رجليها يجى زغدك عمليه تتطفش منك المستثمر وتخليه يقول لسه بلدهم مافيهاش أمان
** تأثيرالضربات المتابعده على المدى الطويل أقوى وأكثر تأثيرا علفى الأقتصاد
** تأثير الضربات المتباعده يجعل الداخليه وأجهزة الأمن فى حالة رفع استعداد دائمه مما يرهقها ويوقعها فى الخطأ
** حديك مثال لو أنت عندك جلابيه مقطعه ومهلله وعاوز تخرج بيها وفيه واحد بيشدك من الجلابيه وهى هلكانه ومهلهله حتقول مش خارج وحتقعد ترقع وتخيط فى الجلابيه وكل لما تيجى تخرج علشان تقضى مصلحتك يروح ابن الكلب ده شدك من الجلابيه وقاطعه تانى حتقعد وتخيطها تانى وتفضل على الحال ده وكل مره يقل عزمك وعزيمتك لحد ماتزهق وتقوله ماتسيبنى فى حالى أنت عاوز منى إيه ساعتها بس يظهر على حقيقته ويقولك أنه طمعان فى الجلابليه المهلله
** الأخوان أول الناس اللى عارفين أن اللى بيعملوه حيوقع البلد وأنهم لو حكموها بعد وقوعها مش حيقدروا يقوموها ومش هاممهم أنها تقع لأنهم خلاص مش عاوزين يحكموها لأنهم عارفين وواثقين أن الشعب مش حيسمح لهم بالعوده مره أخرى وكل اللى يهمهم دلوقتى يفضل يضغط عليك ويحطك تحت ضغط شعبى وضغط أقتصادى لحد ماتقول حقى برقبتى وتسألهم عاوزين إيه ساعتها حيقولك مش عاوز حاجه أنا كل اللى أنا عاوزه تخرج الكبار بتوعى من السجن وتسمحلى بالمشاركه بأى حاجه فى الحكم علشان أعرف أخلص مصالحى وأعرف أتوغل وسط الناس تانى وأرجع زى ماكنت
** حتقوله الشعب رافضك حيقولك تقدر تفرضنى بأى طريقه على الشعب وتحطنى فى أى حته أقدر أخلص منها مصالحى (( هو ده اللى كانوا بيعملوه مع مبارك سايبهم يخلصوا مصالحهم فى سبيل يقعدوا ساكتين وفى الآخر كانوا أول الطاعنين والغداريين ))
** أنا عارف أنى عقدتها فى وشك وأنها أتكلكعت لكن لكل مشكله حل ولنا لقاء آخر مع طرح الحل العملى والمنطقى لكن اللى أقدر اقوله لك دلوقتى أنك ماتقدرشى تتطمن لهم دلوقتى أو متقدرشى تديهم أمان دلوقتى إلا لو أتبعت نفس أسلوبهم تقدر تشق صفوفهم وزى مابيقول المثل الشيخ الشاطر يصرف عفريت عفريت تقدر بعد كده تتسلى على قياداتهم واحد واحد بس أهم حاجه دلوقتى تقدر تعملها تشق الصف بتاعهم ومش حزب النور اللى حيقدر يشق الصف بالعكس منهم فيهم مش من حد من بره
** أعتذر فى النهايه لعدم توضيح بعض النقاط على العام بالرغم من أننى وضحتها للمقربين منى ومن هم على أتصال تليفونى بى لكن ليس كل مايعرف يقال وليس كل مايقال حقيقه ولكل مشكله حل لو خلصت النويا واللى حوالين السيسى ينضفوا والسيسى يقدر يطهر اللى حواليه وخصوصا المقربين من المطبخ السياسى
** اللى لازم تعرفه دلوقتى أن أعدائك حواليك من كل أتجاه ومتربصين بيك وأول لما تقع السكاكيين مش حترحمك وأن الأخوان أقوى ضررا عليك من كل أعدائك مجتمعين بما فيهم إسرائيل وداعش الموجوده فى ليبيا

 

الموقف الأسباجتى رقم 2

سوريا وتوابع زلزال جنيف 3 والخاسرين والرابحين

** قبل السرد فى المقال أود أن أوضح أنه مقال تحليلى يكاد يكون حيادى علشان محدش يقولى أنى بعمل توجيه للرأى العام وبحاول أفرض أمر واقع وكل كلمات الأنشاء اللى بشوفها فى التعليقات .... خلاص متفقين

** كما تعلمون كنا قد توقعنا من قبل البدء فى جلسات جنيف 3 بفشلها وأتذكر أننى قلت لكم فى مقال سابق عن توقعات بجنيف 4 و 5 و 6

** روسيا ذهبت للمفاوضات وهى تحاول بل فعلا فرضت امر واقع على الأرض وأستطاعت تحقيق مكاسب وأرادت فرض هذا المر على المفاوضات

** السعوديه ترددت فى إرسال طاقم مفاوضاتها تحت ضغوط ولكنها أستطاعت إفشالها أو تأجيلها أو تعديل المسمى لجنيف 4

** المعارضه أثبتت أن الجيش السورى فعلا تم أنهاكه على مدار الخمس سنوات السابقه وأن ماتحقق مؤخرا بفضل الروس فقط وأبقى سلملى على الغرور الأيرانى (( بقالهم خمس سنوات فة سوريا وكل ماحققوه هو التطهير الطائفى لماكن خاضعه  من قبل للجيش السورى

** السعوديه تكشر عن أنيابها وتهدد بتدخل برى فى الأراضى السوريه (( التدخل البرى السعودى فى سوريا صعب جدا وليس مستحيلا فى ظل تعقيدات ميدانيه أشبه بطبق المكرونه الأسباجتى ))

** السعوديه علشان تتدخل بريا فى سوريا أمامها 5 طرق .... طريق إسرائيل وهو مستبعد تماما وطريق البحر وهو أيضا مستبعد وإلا ستضطر للدخول فى صدام مع الأسطول الروسى وأعتقد أنها غير مؤهله لذلك ويتبقى أمامها 3 طرق أحداهم طريق العراق والعلاقه مع العراق حاليا لاتسمح بذلك أو من الناحيه الجنوبيه عن طريق الأردن وهى هنا ستجد نفسها أمام الجيش السورى وجها لوجه ويتبقى الناحيه الشماليه من الحدود الجنوبيه التركيه وستجد نفسها تصطدم مع الأكراد الذين يسيطرون على الشمال السورى والعراقى وحتى لو أفترضنا جدلا دخولها من هذا الأتجاه فهل السعوديه مؤهله لصادم مباشر مع الجيش الروسى الذى يسيطر جويا على تلك المناطق .... تقدر تفهم من كل ماسبق أن ماقاله العسيرى أمس هو بالونة أختبار أو فرقعه إعلاميه للضغط للعوده بشروط للمفاوضات

** حتقول طيب فين الأمريكان فى أم الليله دى حقولك يبقى أنت مقرأتش مقالاتى السابقه قبل كده لأن الأمريكان مش عاوزين يدخلوا مصيدة سوريا وهى خاسره بالسبه لهم وعندهم السعوديه بتعمل اللى هما عاوزينه من غير ماتخسر حاجه حتى لو وصل الأمر لأنتحار السعوديه عسكريا وكل ماستفعله أمريكا هو دعم السعوديه سياسياً فقط دون الحاجه لصدام مباشر مع الروس

** خدها على بلاطه وأحسبها مع نفسك أى صدام مع الروس بريا سيدخل المنطقه فى حرب طويله لارابح فيها ولا خاسر من أى طرف وتعتبر انتحار عسكرى غير محسوب وعواقبه وخيمه على المنطقه بالكامل

** تركيا ستحاول دعم السعوديه بكل ماتملك فيما عدا مشاركتها فى الصدام ضد روسيا لو حدث

** مصر أول الخاسرين من أكثر من أتجاه أولا لو رفضت مساعدة السعوديه أو ساعدتها وداعش ستجد نفسها مضطره للأنسحاب الأستراتيجى للأراضى الليبيه وقد  بدأوا بالفعل وتمركزوا فى سرت الليبيه

** إيران ثانى الخاسرين لو السعوديه وضعت رجليها هناك فى سوريا

** سوريا طبعا أكبر الخاسرين لكن ممكن تاخدها من مبدأ ضربوا الأعور على عينه قال لهم خربانه خربانه وطبعا لو السعوديه حطت رجليها فى سوريا فدى أول خطوه نحو التقسيم ونحو القضاء على الجيش السورى وهنا مصر حتبقى مصيبتها مصيبتين ده لو أستبعدنا المصيبه التالته بتاعة أثيوبيا (( أنا فعلا صعبان عليا السيسى البلد واقفه ومتحاصره والموقف زى الزفت وأنا فعلا بدأت أخاف على وقوع البلد من كثرة أعدائها الخارجيين والأكثر مصيبه أعدائها الداخليين ))

** ههههههه ضحكة أستنكار أيوه أنا فعلا مش مصدق أنى مستنى أقولك مين الكسبان الوحيد فى كل الليله السودا دى لأنك لو مش عارف النتيجه ومش عارف الكسبان يبقى فعلا من حق أسرائيل تعلن عن قيام دولتها الكبرى فى أقرب فرصه وسط شعوب لن تشعر بالخطر إلا بعد أن تكتشف المؤامره على مصر من الباب السورى وبآيادى سعوديه عربيه

** يارب نفسى أموت بشرفى وأموت طبيعى مش بايد مسلم مش فاهم دينه وأختصر الدين فى السيف والبنطلون القصير ولا غبى سياسى مكنته الأيام من أن يكون صانع قرار سياسى

جنرال بهاء الشامى