ليه الأجهزه الأمنيه والمخابراتيه ساكته على تصرفات الأحزاب ؟؟؟

ليه الأجهزه الأمنيه سايبه حزب مستقبل خطر ؟؟؟

هل الأجهزه الأمنيه نايمه على ودانها ؟؟؟

هل المخابرات بتقشر بطاطس ؟؟؟

هل السيسى مش شايف ؟؟؟

ياسيدى الفاضل الفيسبوك والتجمعات الشعبيه طريقة تفكيرها غير طريقة تفكير الأجهزه الأمنيه والمخابراتيه وتعالى أديك مثال

فور تعرض طائرة وزير الدفاع والداخليه لقصف صاروخى فى مطار العريش علمت الأجهزه الأمنيه بديهيا أن هناك أختراق فى مطار ألماظه سمح لظابط فيه أنه يبلغ الأرهابيين فى سيناء بأحداثيات وصول طائره سياديه لمطار العريش فى رحله تستغرق قد كده يعنى بعد قد كده حتكون فى المطار وتأخرت الطائره لبعض ثوانى فى الهبوط لترتيبات منظم الكون فوق عرشه فنجدت الطائره من القصف

لو الأجهزه الأمنيه بتفكر زى بتوع الفيسبوك كان بعد محاولة تفجير الطائره بربع ساعه تم القبض على كل المتواجدين بمطار ألماظه عاطل مع باطل والتحقيق يعرفهم مين الجانى

من أوراق القضيه والتحقيقات تفهم أن الأجهزه الأمنيه عرفت أن اللى عمل كده هو الرائد كريم طوسون أخو منتحر برج القاهره وكان طبقا لتفكير بتوع الفيسبوك فورا تقوم بالقبض عليه

الأجهزه الأمنيه والمخابرات العامه والحربيه عملت نفسها من بنها وصدرت الطرشه وسابت كريم طوسون عايش براحته رغم أنه شغال فى مطار سيادى وبيعرف تحركات كبار مسئولى الدوله والسيد الرئيس (( سهل لما تعرف أن فيه خيانه فى التبليغ تعرف تهمل مناوره فى توقيتات الهبوط والصعود وتمسح المنطقه قبل الهبوط ))  وسابت مراته تشتم فى إبراهيم محلب على صفحتها وتهزأ رئيس الدوله بلسانها الزفر

المخابرات سابت كريم طوسون وعيلته ومراته عايشين ولا كأنهم عملوا حاجه والمدهش أنهم سابوا مراته تدخل المستشفيات العسكريه زى مستشفى المعادى تتعالج على حساب الدوله والجيش رغم تكلفة علاجها الباهظه لأنها كانت بتعانى من مرض غريب ونادر (( شفتها بنفسى وقعدت معاها 7 ساعات شخصيه كدابه وملاوعه وكانت عاوزه تستغل شهرة صفحتى فى غسيل أيديها من الخيانه بالظبط زى ماعمل معايا ملحت شوهباب بتاع حزب مستقبل خطر اللى متصور مع صفوت حوجازى )) 

ملحوظه : لما طلبت مقابلتى وهى داخله باب العماره لمقابلتى شفنا كلنا فى الكاميرات الناس اللى كانوا ماشيين وراها مراقبينها وبعد مادخلت دخل البواب وكلم الدكتور أحمد عبادى وقاله أن الناس دى سألوا على أسم صاحب الشقه

المخابرات والجهزه الأمنيه فضلوا يامؤمن ياموحد بالله عاملين نفسهم مش واخدين بالهم لمدة عام ونصف كاملين لحد مراته ماراحت السفاره التورأيه تجيب تأشيره سياحيه علشان تخلع بره مصر والزبون فى أى سفريه لفرقه عسكريه من فرق الجيش يبقى يحصلها ماهو مطمن أن الأجهزه الأمنيه نايمه ننه وبيقشروا بطاطس

بمجرد الزبونه ماحصلت على التأشيره هنا حان وقت القبض على جوزها والمجموعه اللى معاها بالكامل وأتقبض على 57 نفر فى كل أنحاء الجمهوريه فى نفس التوقيت علشان الناس اللى مراقبهم من تورأيا لو واحد أتمسك متبلغشى الباقيين يهربوا فلام ينقبض على الخليه كلها فى نفس التوقيت فكان كرم طوسون فى الوقت ده بره البيت وعند سمكرى السيارات بيصلح السياره من حادثه مفتعله ومقصوده لألهائه عما هو مدبر له بالقبض عليه وفعلا أتقبض عليه بعد تحديد مكانه من خلال آخر مكالمه مع مراته اللى قال لها أنا عند السمكرى وراجع بعد 10 دقائق ومن بعدها مشافتوش ولا حتشوفوا تانى بقية عمرها لكنها تعلم أنه محبوس فى سجن العقرب وبتشوفوا فى جلسات المحاكمه

إنشراح بتاعة بير سبع سابتها المخابرات لمدة 3 سنوات وهى بتسرب لأسرائيل معلومات فى منتهى الخطوره

الملك حسين كان بيجى يزور مصر والسادات والمخابرات عارفين أنه بيسرب معلومات حساسه لمكتب الموساد فى ألمانيا (( عملية الثعلب )) ومع ذلك محدش لمحله أن المخابرات عارفه ولا السادات لمحله بل بالعكس كان بيقابلوا فى المطار وياخدوا بالحضن ويبوسوا فى شفايفه ولما يكلمه فى التليفون يناديه بأخى حسين

سامى عنان كانت المخابرات عارفه عنه كل شئ من 2011 م ويمكن قبلها وعارفه أنه هو اللى سهل هروب بتوع حماس من السجون ووصولهم لغزه بعد 140 دقيقه من هروبهم وفضلت سيباه لسنوات وسنوات لحد لما آن الآوان وصدق نفسه أن الأجهزه الأمنيه عبيطه ومش واخده بالها

ده التفكير الأمنى والمخابراتى للأجهزه الأمنيه تبقى عارفه وتعمل نفسها مش واخده بالها يعنى عدم تحرك الأجهزه الأمنيه ضد ماتفعله الأحزاب مش معاناها أنهم ملايكه لكن لكل شئ أوان وكله حيتحاسب وكله تحت السيطره لكن السيسى بيتبع أسلوب تركهم للشارع يعرفهم الأول على حقيقتهم

هنا سؤال هل الأجهزه الأمنيه متعرفشى أنى بهاجمهم بشراسه وفيه معركه بينى وبينهم ولو أنا بهاجم ملائكه أطهار كانت الأجهزه الأمنيه سابتنى و لا عارفه وساكته لنفس السبب وهو تصديرهم للظهير الشعبى

لمزيد من التوضيحات يرجى الرجوع لكتاب حياتى للحاج المرحوم هتلر ربنا يبشبش الطوبه اللى تحت دماغه باب الحياه النيابيه من صفحة 20 

لمزيد من التفاصيل عن ملف كريم طوسون أخو منتحر برج القاهره يرجى عمل سرش هنا على المدونه وعلى موقع كتبى وكل الروابط موجوده فى بوست مثبت على الصفحه العامه 

جنرال بهاء الشامى