أسرار اللقاح اللى بالى بالك

 

تعالى نعرف ماهو اللقاح الصينى وهل هو مطمئن أم يحتوى على مخاطر ؟؟؟

 

طبعا كلنا عارفين أن أول ظهور لفيروس كورونا اللعين كان فى الصين والصين دوله مش صغيره لكنها دوله عظمى وأيضا بها 1/6 سكان العالم يعنى لو كان الوباء تمكن منها كان ضيع ملايين

 

لو نظرنا لمعدل الأصابات فى الصين بالنسبه لعدد السكان سنجده منخفض جدا ويمكن تانى دوله من حيث أنخافض النسبه لعدد السكان هى مصر رغم أن الشعب المصرى لو مش مستهتر كانت النسبه عندنا كانت حتكون أقل من الصين

 

 

مصر بها مايسمى تقارب جغرافى عكس مثلا السعوديه وأمريكا يعنى حضرتك بالسياره فى خلال 3 ساعات على الطريق الزراعى ممكن تعدى على 6 محافظات سواء بالقطار أو بالسياره وبقول 6 محافظات من أكثر محافظات الجمهوريه إزدحاما بالسكان وهى الأسكندريه والبحيره والغربيه والمنوفيه والقليوبيه والقاهره عكس أمريكا مثلا محتاج تسافر بالطائره ساعه للإنتقال بين ولايتين فقط وكذلك السعوديه ومن هنا والمفروض تكون نسب الأصابات بمصر مرتفعه عكس أمريكا والسعوديه مثلا

 

كانت الصين من أوائل الدول التى سعت فى طريق الأبحاث لتوفير لقاح وكانت من أوائل الدول التى أعلنت عن وجود لقاح بعد روسيا مباشرةً

 

فضلت مصر اللقاح الصينى فلماذا ؟؟؟

 

مصر فضلت اللقاح الصينى لأن شركة أماراتيه هى التى تمتلك حق توزيع اللقاح الصينى بالمنطقه وبالتالى حيكون شروط الدفع ميسره لأسباب معروفه وده اللى حصل فعلاً

 

تعالى نشوف بقى تاصيل اللقاح الصينى

 

اللقاح الصينى نجحت الصين فى إستخلاص الفيروس وأستخلقت منه كميات غير عاديه وبالبلدى وضعته فى معامل وحطت عليه بعض المواد بحيث يصاب الفيروس بالعقم ولا يتكاثر

 

الفيروسات بمجرد مابتدخل جسم الأنسان وفى أماكن معينه بجسمه بتبدأ فى التكاثر لحد لما تصل لملايين الأجسام ومن هنا بتقدر تهاجمه وتسبب مشاكل لكن فى حالة اللقاح الصينى أنت بتاخد عدد محسوب معمليا ومبيقدرشى يتكاثر لأنه مصاب بالعقم  بحيث جهاز المناعه يعمل له أجسام مضاده بأقل مضاعفات زى بالظبط لقاح شلل الأطفال بالتمام والكمال يعنى شوية سخونيه وشوية رشح وأنتهى الموضوع

 

مشكلة اللقاح الصينى أن مدة مفعوله مش طويله يعنى ممكن بعد مثلا 15 سنه تصاب بالفيروس الأساسى بعد أن تضعف ذاكرة جهاز المناعه فى جسمك

 

 

جهاز المناعه بالجسم بيعمل أجسام مضاده لكن بعد فتره بتقل هذه الأجسام المضاده وفى الحاله دى ممكن الفيروس يشتغل معاك لكن ذاكرة جهاز المناعه بتتذكر نوع الأجسام المضاده وبتقدر تعملها تانى بسرعه بشرط أن تكون الصحه العامه حالتها طبيعيه والكلام ده خاص طبعا بالشباب من سن 30 وأنت نازل على الطفوله حيحتاج بعد فتره جرعه تنشيطيه زى مابيحصل بالظبط فى تطعيم شلل الأطفال

 

الكلام اللى بقوله لحضرتك موجود بصيغه علميه على مواقع الأنترنت لكن أنا صيغته لك بطريقه سهله مبسطه علشان كلنا نفهمه

 

كبار السن اللى زى حالاتى مفيش مشكله بالنسبه له لكن المشكله فى الشباب الصغير حيحتاج بعد كده جرعه تنشيطيه ومؤكد الدوله حتعمل حسابها بعد كده وتستورد جرعات تنشيطيه للشباب

 

مصر فى نهاية خطوات أنتاج لقاح خاص بالمصريين على نفس النظام الصينى وطبعا حيكون سعره أقل بالأضافه لحصولنا على حق تصنيع اللقاح الصينى لتصنيعه لأفريقيا قريب جدا

جنرال بهاء الشامى