العرض المسرحى الثلاثه يشتغلونها

ركز معايا ياحبيبى شويه وصحصح قوى علشان حنعمل رحله أنا وحضرتك فى عش الدبابير علشان نبص على الدبابير والذئاب والأفاعى وهى تنسج لنا شرانق المؤامره ليتم إغتيالنا داخل الأوطان

 نظمت قوى الشر صفوفها عقب ضربة 30 يونيه وأعلنت الحرب المباشره والغير مباشره عليك من منطلق وقاعدة المصالح بتتصالح

أبطال العرض المسرحى الثلاثه يشتغلونها هم اليمين الدينى المتطرف ومش محتاج حضرتك أعرفهم لك أنت تعرفهم أكتر منى ويشارك البطوله أيضا أصحاب البنطلونات الساقطه والشعر المنكوش ومدمنى الوقوف على سلالم النقابات وهم من يطلق عليهم منظمات المجتمع المدنى ويقوم بدور البطل الرئيسى فى هذا العرض المسرحى وهو الذى نخشاه لأنه منظم الصفوف ومتوغل فى ثنايا المجتمع وقد يكون أنا وأنت منهم (( معلشى على حتة الصراحه دى )) هذا البطل هو الفساد وميليشات الفاسدين والحيتان وأصحاب الياقات البيضاء والبدل الزرقاء وللأسف هذه الحيتان سريعة التوالد وتنجب لنا أسماك وحيتان صغيره لديها القدره على إستيعاب المجتمع بأسره

 أبطال العرض الذين ذكرناهم لديهم مصالح مشتركه وعدو مشترك (( خلى بالك من حتة التطبيل اللى جايه حعمل زى الليبين وأطبل للسيسى )) هذا العدو هو السيسى أيوه السيسى عدوهم لأنه صاحب قفا 30 يونيه ومن خلفه محبيه ومريديه وركز فى محبيه ومريديه حنعوزها تانى فى المقال

 ماهو الفساد ؟؟؟ الفساد فى جمله قصيره من كلمتين (( ضمير ميت )) ونفسر الجمله البسيطه ونقول رشاوى ومحسوبيات وأهمال وتقاعس عن أداء الواجبات وأهدار المال العام والموارد وتغييب العقول إعلاميا (( أهرى فى الهايفه وأشغل الناس )) والتربح الحرام والأحتكار والتستر ... كل هؤلاء عناصر الفساد وبكل فخر متوفره فى كل ربوع القطر المصرى وفى كل ثناياه (( حلوه حتة ثناياه وعجباك ومتسألنيش يعنى إيه لقيتهم بيكتوبها كده ))

على رأس هذا العمل المسرحى وأبطاله المخرج العالمى الخواجه الأجنبى الأستعمارى أبو طاقيه أجنبيه وأعلام متعدده أشى أمريكانى على بريطانى وعلى كل لون باتطسطه

 قبل العرض المسرحى أجتمع كل المشاركين فيه بما فيهم الأبطال والمخرج والمنتج والديكور والأضاءه بعيدا عن الساده المشاهدين وتوصلوا لعدة حقائق تعالى نعرفها مع بعض

 السيسي يتمتع بحب وتأييد والتفاف شعبي كبير حوله.

 المشروعات وإنجازات السيسي الكبيرة خلال عامين.

 الظروف الاقتصادية الصعبة المعقدة، التي تمر بها مصر، والتي ساهموا هم في صنع جزء كبير منها بالحصار الاقتصادي وضربات الإرهاب لقطاعات تعتبر مصدرًا هامًا للدخل، مثل السياحة وافتعال الأزمات، مثل أزمة الدولار، إضافة إلى أنه اقتصاد مريض منذ عقود، وازداد تدهورًا بعد ثورة يناير، ولكي يتم علاج هذا الاقتصاد المريض لا بد أن تمر مصر بمرحلة ظروف معيشية صعبة، ولا بد أن يكون المواطن البسيط محدود الدخل مهيأ لتحمل بعض المعاناة والأعباء إلى حد ما، ولفترة محدودة.

حجم الفساد في مصر رهيب ومرعب، منظومة فساد ضربت جذورها في أعماق البلاد، وامتدت فروعها إلى جميع نواحي الحياة، فساد له خريطة وراثية وجيناته كلها سائدة، تنتقل لنجد الأسر فاسدة من الأجداد إلى الأحفاد، ولكل الدوائر المحيطة بهم، شعب عجز أن يمحو أميته في التعليم، وبسرعة رهيبة تعلم فنون الفساد وابتكر وأبدع وأضاف لها.

 تنظيمات إرهابية مسلحة في سيناء، ومجموعات مسلحة أخرى جميعها من صنع قوى الشر، ومجموعات أخرى من المجتمع المدني تعرض نفسها للبيع، يمكن شراؤها لتؤدي أدوارًا خبيثة على الساحة السياسية وفي الشارع ومن خلال وسائل الإعلام المختلفة، ووسائل التواصل الاجتماعي، وتعتبر أداة مهمة من أدوات الجيل الرابع للحروب.

 وفى نهاية أجتماع ماقبل تنفيذ هذا العرض المسرحى أصدروا القرارات الآتيه :

 تجريد الرئيس من أهم أسلحته وهي تأييد الشعب له والتفافه حوله، وتحويله إلى سلاح عكسي يستخدم ضده

 عدم منح الفرصة للشعب لكي يرى ويشعر بحجم وقيمة المشروعات والإنجازات التي تقوم بها الدولة بعدم تسليط الأضواء عليها وترويج الأكاذيب، بدءًا من تشويها والتقليل من جدواها الاقتصادية، وعرقلة مسيرتها والتركيز أن العائد منها لن يكون إلا على المدى البعيد، والمستفيد منها هم رجال الأعمال الكبار ولن يستفيد منها المواطن البسيط، وزيادة الحصار الاقتصادي وضرب موارد الدولة لإجبارها على اتخاذ إجراءات تزيد من الأعباء ومعاناة المواطن البسيط؛ لتساعدهم في تأجيج حالة الاحتقان والغضب بين فئات الشعب المختلفة.

استغلال الفاسدين وتشجيعهم على نهب موارد الدولة وسلب وحقوق البسطاء وإجهاض أي محاوله تقوم بها الدولة لعلاج أي مشكلة اقتصادية لرفع المعاناة عن الشعب لضمان استمرار حالة الغضب ولزيادة السحب من رصيد حب الجماهير لرئيسهم.

 استغلال أدوات الجيل الرابع للحروب، من ترويج الأكاذيب والشائعات المغرضة للتشكيك في قدرات القيادة والحكومة وخلق حالة من الخوف والذعر وفقدان الأمل؛ مما يزيد من حالة الاحتقان والرفض للقيادة الحالية.

 زيادة الدعم المادي واللوجيستي للتنظيمات الإرهابية لتكثيف وتنويع العمليات الإرهابية لإنهاك الجيش وسقوط المزيد من الشهداء والمصابين؛ لإحداث حالة من الإحباط وخفض الروح المعنوية لدى الضباط والمجندين، والترويج بعدم قدرة الجيش على محاربة الإرهاب واستغلالها في زيادة حالة الاحتقان وتأجيج مشاعر الرفض.

 طبعا الكلام اللى فات كركب بطنك وأحتمال يكون جالك أسهال فما هو الحل أو العلاج ... وأنا هنا لن أطرح الحلول وسط أناس تعرفها اكثر منى والكل يتحدث عنها فى كل مكان وأضعف الأيمان تحدث بها نفسك وتقول ياسلام لو يحصل كذا وكذا وكذا ولكنى سأتحدث بالنيابه عنك وأعلن بالنيابه عن وأقول مابداخلك ولو كره الكارهون

 لو شاهدنا الأزمات التى مرت بنا ولاحظنا تدخل الجيش فيها وحلها سنقول للسيسى أضرب بسيف الجيش ياسيسى وضع عسكرى فى كل مؤسسه فاسده ومعه ومن خلفه شباب وطنى محب للبلد لكى يتعلموا منه الأنضباط والقدره والجرأه على أتخاذ القرار ولنا فيما حدث قبل حرب 1973 قدوه مثل عندما أمسك الجيش زمام أمور مفاصل البلد وكان فيه حاجه أسمها الجبهه الشعبيه وحاجه أسمها الدفاع المدنى وعرفنا وقتها نعدى بالبلد لبر الأمان

 يا ريس .... الجيش هو الحل وتوكل على الله واللّي مش عاجبه يضرب رأسه في الحيطه المهم تعدى بمصر لبر الأمان وحتعدى أن شاء الله

التطبيل ده مش للسيسى التطبيل لمصلحة بلدى من وجهة نظرى والسيسى أداة التنفيذ ويملك القرار بحكم منصبه

جنرال بهاء الشامى

 

كل أسرار حرب أكتوبر بعيون قادتها

 

لراغبى قراءة تاريخ المنطقه العربيه ومعرفة تفاصيل دقيقه مرت بها المنطقه ومصر منذ عام 1918

الكتاب بصيغة الـ Pdf وتحتاج لبرنامج قراءة الكتب الألكترونيه وستجد البرنامج على موقعى أيضا

أستمتعوا بقراءة التاريخ ولاتنسونى بدعائكم

http://www.mediafire.com/download/wnfogeixfgt28v3/%D9%83%D8%AA%D8%A7%D8%A8+%D8%A7%D9%84%D8%A8%D8%AD%D8%AB+%D8%B9%D9%86+%D8%A7%D9%84%D8%B0%D8%A7%D8%AA+%D9%84%D8%A3%D9%86%D9%88%D8%B1+%D8%A7%D9%84%D8%B3%D8%A7%D8%AF%D8%A7%D8%AA+%D9%85%D9%86+%D8%A7%D9%84%D8%AC%D9%86%D8%B1%D8%A7%D9%84+%D8%A8%D9%87%D8%A7%D8%A1+%D8%A7%D9%84%D8%B4%D8%A7%D9%85%D9%89.pdf

مذكرات وإعترافات جولدا مائير رئيسة وزراء أسرائيل قبل وبعد حرب أكتوبر 1973 علشان كلاب السكك اللى بتحاول تقلل من نصر الجيش المصرى فى حرب أكتوبر المجيده أمثال الكلب الكانيش معتز مطر ومحمد ناصر وعمر عفيفى و #الخبره_آيات_عرابى

أقرؤا التاريخ يمكن تفهموا مره

الكتاب بصيغة الـ Pdf وتحتاج لبرنامج قراءة الكتب الألكترونيه وستجد البرنامج على موقعى أيضا

أستمتعوا بقراءة التاريخ ولاتنسونى بدعائكم

http://www.mediafire.com/download/bxohp5o8pk56f1i/%D9%85%D8%B0%D9%83%D8%B1%D8%A7%D8%AA+%D8%AC%D9%88%D9%84%D8%AF%D8%A7+%D9%85%D8%A7%D8%A6%D9%8A%D8%B1+%D8%B1%D8%A6%D9%8A%D8%B3%D8%A9+%D9%88%D8%B2%D8%B1%D8%A7%D8%A1+%D8%A5%D8%B3%D8%B1%D8%A7%D8%A6%D9%8A%D9%84+%D9%85%D9%86+%D8%A7%D9%84%D8%AC%D9%86%D8%B1%D8%A7%D9%84+%D8%A8%D9%87%D8%A7%D8%A1+%D8%A7%D9%84%D8%B4%D8%A7%D9%85%D9%89.pdf

مذكرات وإعترافات موشى ديان وزير الدفاع الأسرائيلى قبل وبعد حرب أكتوبر المجيده 1973 علشان النحانيح وكلاب السكك اللى بتحاول تقلل من إعجازات جيش خير أجناد الأرض أمثال الكلب الكانيش معتز مطر ومحمد ناصر وعمر عفيفى و #الخبره_آيات_عرابى

أقرؤا التاريخ يمكن تفهموا مره

الكتاب بصيغة الـ Pdf وتحتاج لبرنامج قراءة الكتب الألكترونيه وستجد البرنامج على موقعى أيضا

أستمتعوا بقراءة التاريخ ولاتنسونى بدعائكم

http://www.mediafire.com/download/j52e1pgdb2jsq9j/%D9%85%D8%B0%D9%83%D8%B1%D8%A7%D8%AA+%D9%85%D9%88%D8%B4%D9%89+%D8%AF%D9%8A%D8%A7%D9%86+%D9%88%D8%B2%D9%8A%D8%B1+%D8%A7%D9%84%D8%AF%D9%81%D8%A7%D8%B9+%D8%A7%D9%84%D8%A3%D8%B3%D8%B1%D8%A7%D8%A6%D9%8A%D9%84%D9%89+%D9%85%D9%86+%D8%A7%D9%84%D8%AC%D9%86%D8%B1%D8%A7%D9%84+%D8%A8%D9%87%D8%A7%D8%A1+%D8%A7%D9%84%D8%B4%D8%A7%D9%85%D9%89.pdf

جنرال بهاء الشامى

أيوه مؤامره بل مؤامرات

أيوه مؤامره بل مؤامرات 

--{{ ردا على تعليق الأستاذه الراقيه حمديه ذكى }}--
■■ أيوه ياأستاذه أسمها حرب ومؤامره وسعادتك عارفه الكلام ده كويس وتعالى نرجع للتاريخ للخلف شويتين وحاخد من كلام حضرتك وأرد على كلام حضرتك
■■ قبل السرد معاليكى تعرفى قد إيه أنا بحترم آرائك وبنتظر تعليقات حضرتك علشان أتعلم منها وأعترف اليوم أمامك أنك أستاذتى الفاضله وردى ليس تقليلا من شأنك الرفيع السامى
■■ أكيد حضرتك فاكره أدوات أنتصارنا فى حرب عام 1973 على الكيان الصهيونى ومن خلفه كان من ضمنها أو على رأس القائمه سلاح البترول ويليه أو يسبقه لو صح التعبير سلاح التضامن العربى الذى تسبب فى أن تعيش أمريكا والغرب بأكمله فى ظلام دامس وأنتشرت طوابير البنزين فى كل دول أوروبا وأمريكا وتوقفت مصانعهم وأصيبت القاره العجوز وأمريكا بالشلل التام
■■ حضرتك قولتى الدول لها سياسات طويلة الأمد والدول المحترمه لها تخطيط لمستقبلها لذلك عملت هذه الدول منفرده أو مجتمعه على عدم تكرار لوى ذراعها بسلاحى ىاللبترول والتضامن العربى فكان من أهم أهدافها السعى لتفتيت المنطقه العربيه وزرع الفتن بها سواء كانت عرقيه أو طائفيه على حد سواء
■■ بدأوها بمصر وكانت لهم لقمه سائغه عندما رفض العرب الأنصياع لمبادرة كامب ديفيد الللى لحسوا الجوم بعد كده علشان يعوضوا مافاتهم لكن عجلة الزمن لاتعود للخلف وكان لهم ماأرادوا عندما أنعزلت مصر عن الوطن العربى ونقلوا مقر الجامعه العربيه عند الواطى صدام حسين وبدأت السعوديه فى مضايقة العماله المصريه بالفلسطنيين وتبعتها دول الخليج أما الكلب معمر القذافى فحدث ولا حرج أشعل مصر وجعلها كتله من النار بآيادى الفلسطنيين وبدأ مسلسل قتل وحرق المصريين فى كل أنحاء مصر .... بدأها بتفجير مجمع التحرير وأنتى بحرق قطار الصعيد بالكامل
■■ لم تنتهى القصه بمصر بل زرعوا لنا الثوره الخومينيه عقابا لأيران على وقوفها مع العرب ثم أشعلوا الحرب بين صدام وأيران ثم أشعلوا حرب الكويت ثم أحتلوا العراق وسلموها ىعلى طبق من ذهب للأيرانيين بعد أن خسرناهم وبدأوا فى زرع الفتنه الطائفيه وهذا مذهب سنى وهذا مذهبه شيعى
■■ لم تتوقف مؤامراتهم عند هذا الحد بل كانت أحداث الزاويه الحمرا بمصر وكادت أن تحدث كارثه لولا ذكاء السادات ومن يومها عرفنا مسلم ومسيحى وعرفنا الكراهيه وأستمالوا اقباط المهجر وبدأوا فى مسلسل سيادتك تعرفيه كويس قوى أكتر منى
■■ هل أنتهت المؤامرات عند ذلك بلا لم تتوقف بدأوا فى تنفيذ مخطط الشرق الأوسط الجديد ولما نقول مخطط يبقى نقصد خطط مسبقه ومعده مسبقا ومدروسه ومصروف عليها كويس قوى
■■ فتك فى الكلام لو حضرتك فاكره أزاى حرب ايران والعراق أنتهت حتعرفى أنها أنتهت بعد زياره لأبوغزاله أستمرت لمدة 15 يوم للعراق ولم تحدث ولن تحدث أن تستمر زيارة وفد عسكرى رفيع المستوى كل هذه المده بعدها أنتهت الحرب  وصدرت الأوامر لمبارك بالأطاحه بأبو غزاله بحجة نمو وتنامى شعبيته ضد شعبية مبارك وحدث لهم ماأمروا به وعلى التوازى بدأ ظهور جماعة الأخوان مره أخرى كفصيل معتدل بعد ظهور الجماعات المتطرفه وبدأ تناميهم وضغطت الدول الغربيه على مبارك حتى أشركهم فى نظام الحكم وحاول مبارؤك أظهر الجانب السئ للأخوان لكن الغرب لم ينصاع لطلباته أو لرغباته وكان لابد من الأطاحه به (( باقى القصه دى ذكرته فى مقالات سابقه ))
■■ كان لابد من زرع الفتن فى المنطقه بأكملها وبدأوها بقصة قتل رفيق الحريرى وأتهام سوريا والضغط عليها لسحب قواتها من لبنان ولم تنتهى الضغوط من يومها حتى الآن ووصل بهم الفجر السياسى للتحدث عن تقسيم اسوريا كما قسموا العراق من قبل
■■ باقى المؤامرات والأحداث كلنا نعاصرها اليوم ولاداعى للتكرار وأصبحت الودل العربيسه كل دوله فى وادى أنظرى لقطر والسودان والمغرب والجزائر والعراق والكويت وسوريا ولبنان واليمن وليبيا وتونس ومصر وأستسمحك أن تذكرى لى الدول العربيه التى لاتعيش فى صراعات داخليه أو مع جيرانها العرب
■■ بعد كل ده أعتقد أنها مؤامره بل مؤامرات بل حرب أستعماريه من نوع جديد وهنا أطرح على معاليكى عدة أسئله
■■ منذ متى والمنطقه لاتعانى من ويلات الأستعمار تاره على يد التتار القادم من شرق اسيا ومره بالمجوس ومره بالروم ومره بالفرس ومره الدوله العثمانيه ثم الأستعمار الأوروبى للمنطقه بالكامل ثم زرع الخازوق الأزلى بوعد بلفور ؟؟؟؟
■■ هل لدى سعادتك تصور آخر لما يحدث بالمنطقه العربيه منذ عام 1979 ؟؟؟
■■ من هو المستفيد من كل هذه الصراعات سواء على كراسى الحكم بالمنطقه كلها أو الصراعات العرقيه أو الطائفيه ؟؟؟
■■ ياأستاذه وصل بنا الحال أننا نقتل بعضنا بأموالنا وبسلاحهم
■■ أخيرا أتمنى أن أكون قد أستطعت الرد على سموك متمنيا من الله أن ينال ردى القبول عند سعادتك
أحوكى ماحييت #جنرال_بهاء_الشامى

 

حرب الأشاعات

                   

■■ حرب الأشاعات علم معترف به ويتم تدريسه فى تدريبات أجهزة المخابرات وليست وليدة اليوم ولكنها منذ عرفنا الخير والشر 

■■ الأشاعات أنواع منها السياسيه والأقتصاديه والترويجيه والدعائيه ومنها وأشرسها الأشاعات العسكريه 

■■ فيه منتجين أفلام قبل الفيلم ماينزل يطلع اشاعه أن الرقابه مش موافقه على الفيلم علشان فيه مشاهد جنسيه وهوبا المراهقين اول ماينزل الفيلم جرى على السيما ويلاقى الفيلم اونطه وكل اللى بان من الممثله دراعها بس وفيه مطرب قبل ماينزل الشريط يقولك ده طلق فلانه أو أتمسك مع فلانه أو ده آخر شريط وحعتزل بعدها 

■■ كثير من رؤساء العالم ومصر أستخدموا حرب الأشاعات مثل مبارك كان بيرمى الأشاعه بإرتفاع سعر كذا وهوبا التجار ماتصدق وترفع ويقيس رد فعل الشارع فأن وجده متقبل للزياده يفعل على بركة الله 

■■ يذكر التاريخ الحديث أن السادات أستغل حرب الأشاعات التى كانت توجه ضد الجيش وضده أفضل أستغلال ومن خلالها أستطاع تحقيق المفاجأه العسكريه فى حرب عام 1973 

■■ إسرائيل عن طريق عملائها من المصريين المندسين وسطنا كانت تروج أشاعات للأحباط زى الجيش مش حيحارب وزى الجيش المصرى بقى بطه بلدى وزى الجيش خلاص أستسلم للأمر الواقع وغيرها من الأشاعات على عكس عبد الناصر الذى رد على تلك الأشاعات بحرب الأستنزاف لكى يقول لشعبه لم ولن نتنازل لكن السادات بدهائه وخبثه السياسى لم يرد بل لاأخيفك سرا كان يتركها لتنتشر حتى وصل الأمر أن أسرائيل نفسها صدقت الكدبه 

■■ كان السادات لما يروح يزور دوله معينه يقولك ده رايح يتذلل علشان يتوسطوا له عند إسرائيل علشان متضربشى الجيش المصرى وتقطم وسطه تانى وبدأت خطة ترسيخ مفهوم أن الجيش الأسرائيلى لايهزم وأن خط بارليف مانع أسطورى وأن السادات أونطجى ومش بتاع حرب وباع سيناء وحيسبها للأسرائليين وكان السادات لترسيخ هذا المفهوم لدى المصريين والأسرائليين كل فتره يرفع درجة الأستعداد والطوارئ ويستدعى قوات الأحتياطى والدنيا كلها تقولك السادات حيحارب وأسرائيل تستعد وتجهز نفسها وتنتظره بالخطط الحربيه العسكريه وفجأه بخ ويطلع كل ده أونطه ونرجع لنقطة الصفر وهالما جرا حتى أقتنعت أسرائيل بأن السادات بطه بلدى وخرونج وأطلق أشاعة تصدع السد العالى لتمرير صفقة طلمبات المياه من ألمانيا لفتح الثغرات فى الساتر الترابى (( أنا أتكلمت فى النقطه تحديدا دى قبل كده ))

■■ عندما أتخذ السادات قرار الحرب بعد التجهيز الجيد له أمعانا فى التمويه أبلغ الملك حسين عاهل الأردن اللى كان بينقل أسرارنا كلها لأسرائيل بموعد الحرب وطبعا الملك حسين أبلغ الأسرائيلين ووقتها قالت جولدا مائير رئيسة وزراء إسرائيل السادات بيلاعبنا أزاى عارف أن الملك حسين بيبلغنا كل حاجه (( أرجع هنا لمزكرات رفعت جبريل الملقب بالثعلب وكان مكلف وقتها بملف الملك حسين ملك الأردن )) ويطلعه على موعد وقرار الحرب ده راجل هجاص وعاوزنا نصدقه ونرفع درجة الأستعداد لأستنزاف مواردنا وخلاص زى كل مره (( أرجع لمذكرات جولدا مائير )) 

■■ قامت الحرب فى توقيت غريب جدا غير المتعارف عليه عسكريا وقتها فكان من المعتاد الضرب يكون معى أول ضوء للفجر لكن السادات بدأها فى منتصف اليوم (( لازالت حتى الآن الخدع الأستراتيجيه لحرب أكتوبر التى قام بها السادات تدرس فى المعاهد العسكريه حتى يومنا هذا )) وكانت المفاجأه أن الأسرائيليين غير مصدقين أو مستعدين زى كل مره ولا أخفيك سراً أن العالم كله لم يصدق بل أن المصريين نفسهم لم يصدقوا إلا بعد أن أعترفت إذاعة مونت كارلوا وإذاعة اسرائيل بتوغل الجيش المصرى داخل سيناء وأن خط بارليف الأسطورى سقط منهاراً تحت أقدام الجنود المصريين وبدأت وكالات الأنباء العالميه تتحدث عن بطولات خارقه لايصدقها عقل أو منطق للجندى المصرى بتسليح أقل عددا وأقل تحديثا مما يملكه العدو الصهيونى (( هما دول العسكر اللى بتهينوهم ياأوباش مصر وفلسطين هما دول خير أجناد الأرض يامشايخ الفتنه والضلال ))

■■ بوجع دماغك ليه بالقصه الطويله دى علشان تعرف خطورة وأهمية حرب الأشاعات وكيف تؤثر بقصد أو دون قصد على مجريات الأحداث 

■■ السيسى أبن اليهوديه حيدفع الناس كهربة المساجد من جيوبهم (( ممكن جدا واحد كان واقف فى مسجد ولما عرف بموضوع العداد الألكترونى قال أحنا ندفع تمن الكهربا ونرفع الحمل ده من على الأوقاف كنوع من أنواع التبرع وحب للخير والبلد ..... وهوبا واحد من أياهم لقط الحوار وحرفه بطريقته وأنتشرت الأشاعه اللى موجوده حاليا رغم أن الأوقاف أنكرتها )) واحد مستثمر بره يسمع الأشاعه دى يقولك البلد دى بتشحت أروح أستثمر فيها ليه بقى 

■■ تطلع ممثله هايفه مشفتش لها دور تربوى فى أى فيلم تقولك أنا أتثبت على الدائرى علشان تتشهر وتتفضح زى اللحمه فى السوق ويطلع عضو مجلس إدارة النادى الأهلى بمنتهى الجهل علشان يلزق فشلهم فى خسارة بطولتين فى أسبوع يقولك المدرب ماشى علشان أتهدد بالقتل (( يخرب بيت أم اللى عملك مسئول )) ويطلع مذيع بمنتهى الجهل يقولك البنات بتتخطف ألحقونا ياهوو ونكتشف أن البنت كانت بتقضى وقت لطيف فى مكان هادى مع واحد صديقها مع ان المذيع ده لو حابب يخدم كان ممكن بأتصلاته وبمكالمه واحده خلص الموضوع مع الداخليه لكن نقول إيه بقى ماهى البلد كله بينهش فى لحمها والسيسى بصراحه طرى (( عاجبنى قوى أردوغان فى الحته دى تحديدا قطع عرق وسيح دم وسلخ وشوى )) ويطلع مذيع على قناة الجزيره ويحلف بشرف أمه أن السيسى مات وأن الموجود دوبليره واللى بيحكم البلد من تحت لتحت صبحى صدقى وتطلع مذيعه بنظاره تقولك القمر الصناعى بتاعنا فقدنا السيطره عليه والحكومه ساكته (( دى لعبة مخابرات وعرفوا أزاى يستغلوها فى ترويج اشاعه زى دى علشان موضوع ليبيا ))

■■ ما يلفظ من قول إلا لديه رقيب عتيد .... قبل ماتردد أى كلام زى البغبغان شوف الكلام ده تأثيره المباشر عليك وأوعى تفكر أن الأشاعات ملهاش تأثير مباشر عليك

■■ فيه قصه بتاعة الوليه اللى ولدت قرد ..... كان فيه واحده بتزور واحده ست كانت ولدت عيل ودانه كبيره حبه قالت لجارتها أسكتى مش فلانه ولدت عيل ودانه كبيره زى ودان القرد وجارتها لما نقلت الخبر قالت للتانيه اسكتى مش فلانه ولدت عيل ودانه ودان قرد راحت التالته وهى بتنقل الخبر قالت أسكتى مش فلانه ولدت عيل زى القرد راحت الرابعه وهى بتنقل الخبر قالت أسكتى مش فلانه ولدت قرد وأنتشرت المعلومه فى الحته كلها أن فلانه ولدت قرد .... نرجع للست الأولانيه كانت مابتخلفشى وكانت عامله تحاليل ومنتظره النتيجه مع جوزها لما يرجع بالليل من الشغل وطبعا الأشاعه وصلت لودان جوزها وكان راجل عاقل قوى وعرف بطريقته أن مراته هى سبب الأشاعه وعارف أن مراته يتقلعلها عين وتخلف عيل وحتموت على الخلفه فقرر يأدبها بطريقته فلما رجع من الشغل مراته خدته بالحضن وسألته على نتيجة التحاليل علشان تخلف رد جوزها بخباثه وقالها أصرفى نظر دلوقتى عن موضوع الخلفه أحسن فيه دكتور بيقول النسوان كلها بقت بتخلف قرود ............  

■■ آاااااااه يابلد كلها بقت بتخلف قرود ..... يوووووووه قصدى آه يابلد بتموت فى الأشاعات وتصدقها

بس بقى كفايه كتابه صوابعى وجعتنى مع ان الموضوع عاوز كلام كتير

جنرال بهاء الشامى 

 

العصفوره وشوية القش ومعنى كلمة وطن

كان فيه أتنين جيران عم جرجس وعم كمال وكانوا سكانين جنب بعض وكل واحد فيهم زارع شجره كبيره قدام بيته يعنى كل واحد فيهم بيحكم شجرته أو فارض سيطرته ونظامه عليها وطبيعى فيه عصافير معششه على الشجرتين 

فى يوم غراب أسود جه على أحدى الشجرتين ولمح عشش العصافير وكان أقرب عش له خالى من العصافير الصغيره مجرد تجهيز عش بشوية قش حاول الأقتراب من العش فما كان من العصافير إلا الصراخ والزقزقه طلباً للنجده من هجوم هذا الغراب 

كان ممكن العصفوره صاحبة العش أو شوية القش نقل قشها وعشها لأى شجره أخرى بعد رحيل الغراب ويادار مادخلك شر لكنها هنا لاتدافع عن شوية القش اللى يمكن نقلهم لأى شجره أخرى أو تجمع غيرهم على شجره تانيه (( مزدوجى الجنسيه )) لكنها تدافع عن وطنها بصرف النظر عن مين صاحب الشجره فلم تسأل نفسها مين صاحب الشجره أو مين اللى بيحكم على الشجره أو مين المتحكم فى الشجره فمن الممكن أن يموت عم جرجس أو عم كمال وتنتقل ملكية الشجره لأولاده وزوجته وممكن يبيعوا البيت والشجره اللى قدامه لحد تانى وتنتقل ملكية الشجره لصاحب البيت الجديد ... أذن العصفوره لايهمها من المالك بقدر مايهمها الشجره أو الوطن فالعصفوره تعتبر الشجره وطنها والقش هو مسكنها رغم سهولة النقل لشجره أخرى لكنها أرتبطت وجدانيا بالوطن أو الشجره بصرف النظر عن مين صاحب الشجره الحالى أو السابق أو القادم ... لايعنيها أن كان عم جرجس أو عم كمال أو مالك جديد للبيت والشجره 

هنا لابد لنا من وقفه ونسأل أنفسنا أين ذهب جمال عبدالناصر قاهرالأخوان بكل مافعله فيهم وكل أنجازاته وأخفاقاته ؟؟؟ ..... هو الآن فى عداد الموتى وذهب ورحل عنا لكن بقى الوطن أو الشجره وأين أنور السادات الثعلب الماكر بجبروته وعنفوانه وذكائه ودهائه ... لقد رحل أيضا وبقيت الشجره أو الوطن وناموس الحياه الطبيعى سيأتى يوم يصبح فيه مبارك أو أى حاكم آخر ذكرى وماضى مثل أبائنا وأمهاتنا وأجدادنا ومثل رسول الله لكن بقيت مكه أو يثرب وبقى الوطن أو الشجره .... أذن أصحاب الشجره سيرحلون وتبقى الشجره أو الوطن 

للأسف معظمنا نتيجة حالة الأستقطاب التى نجح أعدائنا فى ترسيخها بداخلنا خلال فتره وجيزه وقياسيه لايهمه الشجره لكن يهمه من صاحب الشجره هل هو عم جرجس أم عم كمال أم مشترى ومتحكم جديد وكأنه بيقول فى داخله اللى يشترى الشجره أقوله ياسيدى 

للأسف العصفوره ذات العقل الذى لايزن سوى جرام أو جرامين تعرف وتعى ماهو الوطن وماهى أولوياتها وأصحاب العقول التى ميزهم الله بها عن سائر المخلوقات لاتعرف ماهية الوطن وماهى واجباته وحقوقه علينا لكنهم كل مايهمهم مين صاحب الشجره وتناسوا خطر الغراب الذى لايعرف أيضا من صاحب الشجره ولايهمه أن يعرف كل مايريد أن يعرفه ماهى غنائمه من الهجوم على وطن العصافير 

من كان يحب الحاكم فان الحاكم سوف يموت ومن كان يحب الوطن فأن الوطن باقى لايموت إلا بموت الحياه 

هذا المنشور نشرته من عامان تقريباً وليس جديداً ولكنى للحاجه الملحه له أعدت صياغته بطريقه أخرى وشاكر جدا سماحكم لى بالفضفضه معكم سلمت لى ماحييتم

           جنرال بهاء الشامى