مقتل السفير الروسى فى تركيا
■■ الكلام اللى حقوله كل الدنيا عرفاه وكل أجهزة مخابرات العالم طبخاه وكل الخبراء الأمنيين حافظينه
■■ تدريب أطقم الحراسه للشخصيات العامه والمهمه مابيسيبشى خرم أبره أزاى تركب المسئول العربيه وأزاى تطلعه منها وأزاى تتعامل مع أى حركه غير طبيعيه وخصوصا أن بيكون فيه تنسيق بين جميع أفراد الحراسه عن طريق دائره مغلقه بينهم يشرف عليها عن بعد أحد مسئولى أمن هذه الشخصيه بالأضافه لوجود أجهزة تشويش ألكترونيه بعيدة المدى لمنع أستعمال أى متفجرات أو التحكم فيها عن بعد ده لو عرفت أن طاقم الحراسه بيكون مزاكر كويس مراسم الزياره ومين حيسلم ومين حياخد بالحضن وحياخد وقت قد إيه من هنا لهنا
■■ لا أبالغ أن قلت لك أن فيه تدريبات قاسيه ومعقده لايتجاوزها الكثيرين فيما يطلق عليه فرقة الرمايه الحره وهى عباره عن رفع مهارة أستخدام السلاح الشخصى والتعامل السريع جدا والماهر مع أى هدف يظهر فجأه وسط أهداف صديقه ويمكن ألعاب الكمبيوتر تلاقى فيها الحته دى أهداف معاديه وأهداف صديقه وهذه مأخوذه من تدريبات فرقة الرمايه الحره
■■ ليه الطبنجه على الجانب الأيمن لمستخدمى اليد اليمنى وليه على الجانب الأيسر لمستخدمى اليد اليسرى وأين توضع خزنة الطلقات الأحتياطيه لما تعرف الفرق بين كل هذا تعرف أن جزء من الثانيه مهم جدا لمستخدم السلاح فى التعامل مع الهدف
■■ ولما تعرف أن هناك تدريبات معينه للحراسات الشخصيه فى كيفية الثبات الأنفعالى وبتكون فيه أختبارات قاسيه لذلك ولما تعرف أن فرد الحراسه الشخصيه معاه تصريح مفتوح بالتعامل بالأسلحه مع أى موقف يعنى مش مستنى ياخد أوامر من حد ممكن الأوامر دى تاخد ثانيه أو أتنين تكون الدنيا خربت فيها
■■ مش حطول عليك فى فنيات الخبراء العسكريين الموجودين فى الفانز ممكن يشرحخوا فيها أكتر منى زى طارق بيه فتح الله لكن اللى حبيت أوضحه أن جزء من الثانيه بيفرق كتير جدا فى تعاملات الحراسات الخاصه لذلك غالبية اللى بيسقطوا فى تدريبات الحراسات الخاصه بيسقطوا فيما يطلق عليه التسابق الزمنى مع الحدث وبيتم ده عن طريق أجهزة قياس السرعه مع الزمن
■■ عناصر الحراسات الخاصه وللشخصيات العامه بتكون فترة عمله مع شخصيه معينه بحد أقصى 6 شهور وكلما زادت الشخصيه أهميه كلما قلت تلك المده منعا للأخترقات المخابراتيه بالأضافه لتقاضيهم مرتبات خرافيه لأشباع حاجتهم الماليه
■■ [غخصار لن الموضوع ده طويل جدا هذه الشخصيات بيتم أختيارها بطرق معقده وتحريات دقيقه معلوماتيه ونفسيه وعقائديه
■■ نيجى بقى لحادث قتل السفير الروسى فى تركيا ... طبعا مهزله أمنيه بكل ماتعنيه الكلمه لكن الملفت للنظر أن القاتل أطلق اكتر من رصاصه من مسدسه وكان واقف فى وضع يسمح له بقتل السفير وطبعا باقى الحراسه موجوده اللى جوه القاعه واللى خارجها والقاتل حسب الفيديو المنشور وقف يخطب حوالى اكثر من 45 ثانيه وده وقت طويل جدا جدا جدا جدا فى عالم الحراسات
■■ ليه بقى باقى طاقم الحراسه لم يتعامل مع الموقف حنقول مثلا كانوا فى حالة صدمه نفسيه حقولك تدريباتهم بتعالج النقطه دى كويس قوى
■■ طيب لما تأكدوا من حوله أن ذخيرته نفذت ولم يلجأ كما شاهدنا الفيديو للذخيره الأحتياطيه ودى حتاخد حوالى ثانيتن أو ثلاثه لما لم يتم تعامل باقى طاقم الحراسه معه بطريقة قتال الأيدى وهم مدربين عليها جيدا بحيث يستطيع شل حركة أى بنى آدم فى ثلاث ثوانى على الأكثر
■■ طيب ليه مضربوش القاتل فى أماكن غير مميته بالأسلحه الناريه وخصوصا أنه فرد واحد وقدامه 4 باقى أفراد طقم الحراسه وليه أستسهلوا ضربه فى منتصف جسمه حسب ماهو واضح من صور مقتل القاتل فى صدره وكان ممكن يضربوه فى قدمه أو الساقين
■■ طبعا كل اللى أنا قلته والفيديو والتصوير كان أمام أجهزة مخابرات العالم كلها وحللوا ووصلوا لكل اللى أحنا وصلنا له وعرفوا ماعرفناه
■■ واضح أن فيه تواطأ فى طاقم الحراسه بالكامل اللى جوه القاعه واللى خارجها ويمكن ده سبب هدووء بوتين لأنه عاوز يهدى الموضوع علشان يعرف يحضر التحقيقات اللى حتم مع طاقم الحراسه وخوفا من رفض تركيا راح بوتين بسرعه محلق على أردوخان فى مجلس الأمن وطلب تحقيق دولى علشان لو أردوخان حاول يلاوع يبقى حاصره من مجلس الأمن والحته دى محدش خد باله منها لأننا كنا مركزين قوى فى نقاط تانيه
■■ لما نرجع لحادث الطياره الروسيه ووقتها كل حضراتكم دخلتم هنا على الصفحه وقلتوا بوتين حيعمل إيه ياجنرال قلت لكم وقتها بوتين رجل مخابرات سابق وثباته النفعالى عالى جدا ومش حيتصرف بعصبيه لكن حياخد أردوخان على حجره بشويش وبالراحه وعلشان كده بوتين برضوا أمبارح كان هادى جدا وشغال بعقله مش بعاطفته لحد مايتأكد من كل الورق اللى قدامه ويبدأ يلاعب الفاعل بالهداوه ويقعده على الشلاحه بشويش زى ماحصل فى موضوع الطياره
■■ عارف لو كل دول العالم بيحكمها رجال مخابرات أقسم لك بالله كان حيبقى العالم أهدى من كده بكتير لأن الناس دى بتعرف تعمل حساب لكل كبيره وصغيره
■■ طبعا كان لازم بوتين يعمل كده زى موضحنا علشان مصالحه وعلشان شغله بعكس ماعمل مع مصر فى حادث طيارة شرم السيخ لأن هنا المواقف مش متشابهه حادث طيارة شرم الشيخ حادث شعبى وله مردود شعبى يهم الشعب الروسى لكن حادث السفير حادث دبلوماسى فردى وزى ماقلنا مليون مره المقارنات تكون فى المواقف المشابهه فقط ذات المعطيات المتشابهه
■■ مش معنى كلامى أن أردوخان هو الفاعل بل بالعكس ممكن جدا يكون تم أختراق كل طاقم الحراسه من قبل جهاز مخابراتى مثل بريطانيا ودى أول دوله ستحوم حولها الشبهات وأستغلوا ثغره دينيه عند القاتل أما باقى الطاقم فيكون الأتفاق معهم على تباتطؤ رد الفعل فقط خصوصا لما تعرف أن الطاقم ده تم تدريبه فى بريطانيا وعلى فكره أطقم حراستنا بيتم تدريبهم تدريب مصرى خالص على آيادى خبراء مصريين واخدين بعض الفرق فى أمريكا ولازم تبقى عارف أن تدريب فرد الحراسه بيتكلف ملايين
■■ خد عندك التقيله اللى حتقلب الموازين
■■ قاتل السفير فعلا من الحراسات الخاصه لكن كان فى أجازه لمدة 10 أيام ولم يكن فى فريق حراسات السفير يعنى حراسة السفير 5 أفراد مش ناقص منهم حد
■■ القاتل دخل القاعه وعبر عبر البوابات الأمنيه وهوحامل سلاحه يعنى طبعا البوابات صفرت لكنه أبرز كارنيه شرطه لكن برضوا مش مسموح له يمر بسلاح فى ظل وجود شخصيه هامه فى القاعه ودخوله ليس بصفه رسميه يبقى هنا مش فيه تقصير أمنى جسيم ده تبقى فيه مصيبه أمنيه رهيبه أن لم يكن تواطأ لأن اللى فى القاعه مش بياع كشرى ده سفير روسيا
■■ القاتل ضرب السفير 8 طلقات كلها أستقرت بصدره يعنى باقى 4 طلقات فى الخزنه الخاصه بالطبنجه ضربهم الأربعه فى الهواء وكل هذا فى خلال أقل من دقيقه كامله
■■ المفاجأه أن قاتل السفير لم يتم التعامل معاه بالأسلحه الناريه إلا بعد 14 دقيقه يعنى سابوه ربع ساعه بحالها محدش فكر يقرب منه وهنا ستحوم الشبهات حول تلقى تعليمات بتصفيته جسديا
■■ خد بقى عندك بعض ردود الأفعال ... مصر تشدد من الأجراءات الأمنيه على تحركات السفراء فى مصر ومنع سيرهم بالشوارع كما يفعل الواد بتاع بريطانيا إلا فى ظل حراسه أمنيه مصريه صارمه ... يعنى السفير البريطانى بعد كده مش حيعرف يضرب كشرى تانى
■■ فى نهاية كلامى سهل أنك تتعلم لكن صعب تبقى معلم
#جنرال_بهاء_الشامى
ليست هناك تعليقات:
إرسال تعليق