من المعتاد عند ذكر تلك الجماعه أن نكتب أو نقول الأخوان المسلمون وأسجل إعتراضى على هذا الأسم للمره المليون الأسم عنصرى والأسلام غير قاصر على حضراتكم يعنى لما أقول بهاء المسلم أذن أنا أميز بهاء هذا عن بهاء الأخرين بأنه مسلم والباقى غير مسلمين والتمييز هو احد أفرع العنصريه البغيضه التى نهى عنها الأسلام الحنيف ولن نخوض فى تحليلات دينيه لانجيدها وغيرنا يستطيع التحدث فيها بحرفيه عننا
نخش فى االموضوع وأسألك ألم يأتى
الآوان بقى تراجع نفسك ولو بينك وبين نفسك
قالولك أنقلاب عسكرى وأقنعوك بأن الجيش اللى وقف مع الشعب قبل
كده أنقلب عليهم ولو أنت قارنت بين أحداث 25 ينايم و 30 يونيه ستجد الحالتين
متشابهتين تماما وهنا لابد لنا أن نعترف أما أن الحدثين ثوره وأما الحدثين أنقلاب
عسكرى حتقولى والناس اللى ماتت فى رابعه ياجنرال حقولك وهل 25 ينايم مامتشى فيها
حد رغم إختلاف الأحداث وتعالى هنا قولى وطبعا أنت فاكر أعتصام رابعه أستمر قد إيه
وخلى بالك أنا هنا بسمى المسميات بطريقتك مش بطريقتى يعنى انا مثلا مابسمهوش
أعتصام بسميها أحداث وكر رابعه بس حمشى معاك وحتكلم باسلوبك وحقولك كنت منتظر
الأعتصام ده يستمر قد إيه شهر أتنين تلاته سنه أتنين تلاته لحد مانوصل لحل مثلا
طيب وهل يعقل نوقف حال بلد كل ده وخصوصا أن التجربه أثبتت تمسك كل طرف بوجهة نظره
حتقولى كان فيه أكتر من طريقه للفض تقلل الخسائر أكتر من كده حقولك اوكى بس ياريت
ترجع لأعترافات أحمد المغير وده أخوانجى مش سيساوى وأرجع لتصريحات ياسر برهامى وده
سلفى حتقولى برهامى خاين حقولك أزاى خاين وهو اول من كان يتصل به خيرت الشاطر
لنجدته وارجع أرجوك لسلسلة مقالات مصر أم الكون علشان تتأكد من علاقة ياسر برهامى
بخيرت الشاطر تحديداً والسلفيين والأخوان عموما ونشوف مين اللى بدأ بضرب النار
وبلاش تجرى بقى وتجيلى فيديوهات الجزيره لأن الجزيره مش محايده ولا مصريه وثبت كدب
وفبركة فيديوهاتها
حتقولى السلفيين غدروا بالأخوان حقولك بلاش كدب لأن 90 % من
اللى ماتوا فى رابعه سلفيين والأخوان كلهم كقيادات هربت من رابعه قبلها بـ 24 ساعه
نتيجة إخترقات أمنيه يعنى المفروض اللى يصوت ويولول على ضحايا رابعه هم السلفيين
نفسهم
تقدر تقول سيادتك محمد الأرنب ومحمد سالم كانوا بيعملوا إيه فى
رابعه ولمعلوماتك الأخير خرج من السجن منذ شهرين بعد ماأخد حكم مخفف لقتل زوجته
لأنه كان تحت تأثير المخدرات وده لو عرفنا أنه تاجرر بودره وبرشام ممكن بقى حضرتك
تقولى رغم التفتيش والتدقيق على بوبات رابعه اللى عملتوها الأتنين دول كانوا
بيعملوا إيه فى رابعه ..... طيب بلاش دول تقدر تقولى ساميه منخر وصبيانها كانوا
بيعملوا إيه فى رابعه حتقولى كانوا بيدخلوا لابسين نقاب حقولك أرجع لفضايح فاتن
بتاعة أسكندريه اللى قالت ساميه كانت فى رابعه هى وصبيانها شغالين تحت رعاية محمد
الأرنب ولما حصل خلاف بين ساميه وفاتن ودول معلمين كبار خرجت فاتن وأعترفت وهرتلت
بالكلام وفرشوا لبعض الملايه وراح فيها ظابط من أسكندريه أتوقف عن العمل بسبب
علاقاته الجنسيه بالأتنين تقدر بقى تقولى دول كانوا بيعملوا إيه فى رابعه ده لو
عرفنا أن فيه فتاوى دينيه كانت بتمجد فى رابعه وتقول عليها أعتصام طاهر طيب طاهر
أزاى وفيه تجار مخدرات وعصابات دعاره زكرتها بالأسم وتقدر ترجع لملفاتهم الأمنيه لو
مش مصدقنى وحادثة فاتن أتنشرت فى الجرائد وقتها
حتقولى الجيش أنقلب على الشرعيه حقولك أوكى طيب أنت تعرف كام
واحد مؤيد للشرعيه حتقولى عشرات الملايين حقولك تعالى نحسبها وناخد انتخابات مجلس
الشعب اللى اكتسحتوها مثال ونقول كانت نسبة المؤيدين للتيار الدينى 37.5 % مظبوط
ولا أنا بخرف ولما تعرف أن النسبه دى كانت من أجمالى نسبة تصويت 27 % من اجمالى
عدد من لهم حق التصويت وهم مايقرب من 55 مليون مصرى ومصريه يعنى ربع هذا العدد هم
من صوتوا وانت خدت من الربع ده أكتر من الثلث يعنى بحسبه بسيطه انتى أخدت ثلث ربع 55
مليون يعنى لو مسكت سلوك الكهربا لن تتخطى 5 مليون على أقصى تقدير ككل التيار
الدينى على بعضه بربطة المعلم مع العلم أن الكل معترف أنكم جميعا مسجلين فى كشوف
الناخبين وأنتم لديكم قوه رهيبه فى الحشد
حتقولى لأ أنا عاوز أنتخابات الرئاسه هى المعيار حقولك ماشى
تعالى نحسب النسب والمشاركين فى التصويت وععد الناخبين ونسبة الحضور زى ماحسبنا
اللى قبلها حتلاقيها تزيد 2 مليون فقط يعنى كوكتيل التيار الدينى بمشتقاته وروافده
والمتعاطفين على أقصى تقدير 7 مليون ومش حتكلم فى أجمالى المصريين اللى كان وقتها 90
مليون تقريبا لكن حتكلم فى نسبة من لهم حق التصويت
تعالى بقى نحسب مع بعض 55 مليون خرجوا وقالوا مبارك مش عاوزينه
وأنت سميتها ثوره بما فيهم أنت وكل التيارات وخلى بالك كده مخصمناش مؤيدى مبارك
لكن ححسبها معاك زى ماتحب ونقول 55 مليون خرجوا ضد مبارك وقلتوا ثوره طلع منهم الـ
7 مليون تيار اسلامى على بعضه ومنهم السلفيين اللى انت بتقول خانكوا يبقى فاضل 48
مليون خرجوا وقالوا مش عاوزين مورسى وتيجى تقولى ده أنقلاب طيب لو ركبت فى دماغى
أنت مصدق برضوا أنه أنقلاب ... طيب تعالى كلام نقول تانى
مورسى بقاله سنين فى السجن ومافيش حد خياله واسع بيحلم أنه
حيطلع من السجن ومش منطقى السيسى يقوله تعالى يامورسى أنا غلطت فى حقك واطلع أمسك
البلد غصب عن المصريين وحطنى فى السجن وطبعا ده كلام ولا فى الأحلام ومش حيحصل
وانت وأنا متأكدين من كده طيب يبقى ليه الحلمبوحه ومطالب مستحيله بعودته وده مش
حيحصل يبقى كده أسمحلى انت مش عاقل ومش منطقى وخيالك واسع قوى ومريض
أنهارت الأيكونه مورسى أمام الجميع وأصيبت الجماعه بالتشتت لكن
التنظيم والجزيره لحقوا نفسهم وعملوا أيكونه اخرى للأخوان ماهو لازم أى مجموعه
يكون لها ايكونه ومثل أعلى تمشى وراه وتقتاد به زى كده غالبية المصريين ماعملوا
السيسى أيكونه للوطنيه الأخوان لحقوا نفسهم بعد أنهيار أيكونة مورسى وعملوا
أردوخان أيكونه جديده بواسطة آله إعلاميه قويه هى الجزيره وبالزن على على الودان
تحول أردوخان لخليفة المسلمين ورمز للأسلام ورمز للسياسى الأسلامى
أشتغلت الجزيره كويس قوى فى تلميع أردوخان ومحاولة تشويه
السيسى ووصلنا لمرحلة أن مؤيدى اردوخان مسلمين ومؤيدى السيسى كافرين ودخلنا فى
لعبة التمحك بالدين تانى
قالوا السيسى أمه يهوديه وثبت الكدب وقالوا عميل أمريكانى رغم
انه لم يشترى طلقة بندقيه من أمريكا وأمريكا نفسها منعت رجوع طائرات كانت بتعمل
صيانه ومدفوع حقها بأمارة لما قالوا الأسطول السادس واقف فى ميناء الأسكندريه لدعم
الشرعيه يبقى منين عميل أمريكى ومنين امريكا عاوزه تفرمه لو طالت ولما هو عميل أمريكى
ليه صوت ضد رغبة أمريكا فى مجلس الأمن وزعل أمريكا والسعوديه مش شايف أن موضوع
عميل أمريكى واسعه حبتين وقالوا بيفحت ترعه ومش حيقدر يعملها وقالوا مات واللى
بيحكم الدبلير ومحمد القدوسى أقسم بشرف أمه أن السيسى مات وقلتوا عليه مافى الخمر
وثبت عكسه وكل يوم بيثبت وضعه كرئيس مصرى فاهم وواعى رغم ان كل الظروف ضده
والقماشه اللى بيشتغل بيها مهلهله مش ملاحظ أنها واسعه حبتين
نرجع للأيكونه ونشوف الخليفه عمل إيه بعد ماعملوه أيكونه
اخوانيه أسلاميه .... خدته الجلاله ووقف ضد الروس واتنفخ والشيطان غره وقال كل
اللى فى نفسه وهللتوا له أيوه بقى هو ده الخليفه وهو ده الرمز الأسلامى ونسيتوا
مورسى اللى طالع عينه فى السجن وركزتوا مع أردوخان ونفختوه قوى لما وقف ضد أسرائيل
ويووووووووه عملتوا منه أسطوره لدرجة أن كان ممكن واحد زى يصدق لكن كما طار وأرتفع
سقط بأسرع مما تتخيلوا وراح باس الآيادى فى روسيا ولحس بلاط الكرملين بلاطه بلاطه
ومسابشى بلاطه من غير مايلمعها بلسانه وزى ماعمل مع روسيا عمل فى أسرائيل وباس
الأقدام فى أسرائيل ولحس بلاط الكنيست وأول من ساعد الصهاينه أعداء الأسلام فى
مصيبتهم وسقط أروخان كأيكونه للرجل القوى الشريف العفيف الأسلامى بعد فضائح تهريب
النفط وسرقته وبعد فضائح سرقة الأثار وتهريب السلاح لكل من يحمل السلاح فى سوريا
والعراق بدون أستثناء وإستكمالا لمسلسل الخضوع والخنوع ولحس الأحذيه لحس كل كلامه
فى الملف السورى واعلن أن الحل السياسى فى سوريا هو الحل ومش وقته البحث عن مصير
الأسد بمجرد مكالمه من الكافر عدو الأسلام فلاديمير بوتين
لكن لاتزال تلك الأيكونه تعيش على التبريرات والضرورات تبيح
المحظورات ومن هذا المنطلق يخرج علينا يوميا بمناسبع وبدون مناسبه بتصريحات ضد
الأتحاد الأوروبى وأنا بوعدك قبل نهاية 2017 هذا الأردوخان حيلف أوروبا كلها كعب
داير يلحس بلاط الشوارع بلاطه بلاطه وحيرجع يقول أوروبا أجدع ناس بعد ماهددهم
بحنجرته فى توريد الأرهابيين لهم ماهى دى لعبته اللى بيعرف يلعبها لكن شعبه
المسكين هو اللى بيدفع التمن وشوف تركيا 2013 كان فيها كام تفجير وتركيا 2016 فيها
كام تفجير وانت تعرف أن تركيا فى ظل حكم هذه الأيكونه رايحه فى مصيبه
حتقولى القلائل اللى فى تركيا بتعملها دول بتكره أردوخان علشان
عاوز يرجع المجد الأسلامى حقولك طيب هو حابس مين وبيموت فى مين وبيتعاطف مع مين
وبيسمع كلام مين وبيبوس بلاط مين .... طيب عمرك شفت السيسى بيلحس بلاط حد ولا
بيسمع كلام حد حتى اللى مصلحته معاهم بتوع الرز اللى حضرتك بتقول عليهم السيسى صوت
فى مجلس الأمن ضد رغبتهم علشان عاوز يرجع قرار مصر نابع من جوها ونابع من قناعتها
وبعد ده كله عاوز المصريين يفرطوا فيه
حتكلمنى على الأزمات الداخليه حقولك شوف مين اللى بيعملها
وعامل قلق فى البلد وحتكتشف أن السبب حضرتك وللأسف مش راضى تدى للسيسى فرصه أنه
يصالحك على الشعب بتصرفاتك وحربك ضد بلد تحمل بطاقتها التموينه وبتكون أول واحد
واقف يوم 1 فى ىالشهر علشان تصرف فرق العيش من البلد اللى أنت عاوز توقعها علشان
واحد معرفشى يحافظ على الكرسى سنه
أقعد مع نفسك وفكر فى
كلامى كويس وأقرا مقالات مصر أم الكون ورص كل الورق على الترابيزه ولو لسه مقتنع
بوجهة نظرك يبقى قفله وديمنو وأنصحك تحزم شنطك وتبيع اللى تملكه فى مصر وتاخد
مراتك وعيالك وفريره على تركيا تقعد هناك عند الخليفه العثمانى المحترم وأنا
بدعيلك ربنا يوفقك ولو مارتحتش فى تركيا وتعبت من الغربه يبقى ترجع تعيش وسط
المصريين حسب رغبتهم وتعرف أن الأغلبيه لها الكلمه العليا وتعيش وسطنا زى الجزمه
وأقل كمان
معلشى ليا سؤال على الماشى الأيكونه الأخوانيه محمد أبو تريكه
بيعمل إيه فى كــطر وفى معرض الكتاب بتاعهم وبيتصور وعايش أحلى عيشه ومورسى يعينى
متلقح فى السجن .... كـــطر اللى أخرجت فيلم الجيش المصرى لو أنت فعلا يهمك أمر
الجيش المصرى وعدائك مع قياداته مش مع جنوده الغلابه زى مابتقول وأوعى تقولى أبو
تريكه خط أحمر الخط الأحمر الوحيد اللى أعرفه هو أمن مــصر
جنرال بهاء الشامى
ليست هناك تعليقات:
إرسال تعليق