الصندوق الأزرق رقم 5

لازلنا وأياكم وجلسات العلاج بالصدمات الكهربائيه ولن ندعى كشف المستور لكننا فقط نرتب أوراق قرأتموها مثلنا لكن كالعاده لما بتمر فتره من الزمن وتقل الحاله العاطفيه بتتكشف قدامك أمور كثيره والحمد لله كنا خايفين عليكم من هول الصدمه لكن واضح أن حالة الشد والجذب اللى عملناها معاكم قبل كل مقال سهلت ماموريتنا وسهلت تقبلكم لأكتشاف الحقائق وكنا قد أجبنا على السؤال الذى لم يستطيع احد الأجابه عليه وهو من أصدر قرار بسحب الداخليه وأجبنا على معظم ماخطر ببالكم والجميع طبعا منتظر مننا يعرف مين اللى طلب من الأمريكان التخلص من الباشا لكن خلينا مع بعض شويه نوضح شوية أمور علشان لما أقولك تصدقنى

كنا قد أتفقنا على أن أحداث ينايم كانت بين فريقين فريق طنطاوى وفريق عنان وتعالى نتكلم بطريقه بلدى شويه واوعى تتهوه منى كل فريق فيه مراكز قوه ومراكز ضعف وتعالى نشوف فريق طنطاوى كانت قوته هى سر ضعفه طيب أزاى ... طنطاوى كان وراه معظم رجال الجيش لكن خوفه من الصدام مع رجالة عنان ويبقى كده الجيش أنقسم نصين ودخلنا فى ليله سودا كانت نقطة ضعف طنطاوى يعنى بحسبه بسيطه طنطاوى نقطة قوته هى نقطة ضعفه لكن وجود السيسى معاه وفى ظهره خلى المعلومه والتحليل والتوقع فى ظهر طنطاوى لذلك لو دققت وقتها فى بعض تصرفات طنطاوى تلاقيها مش مفهومه لأن نتائجها تعتمد على رد فعل الخصم أما عنان فكان موقفه أقوى معاه بعض رجالة الجيش (( على فكره منهم واحد عامل حبيب السيسى وحاول يغرقه وعمل قصه كده أضرت السيسى جدا لكن حسابه جاى بس لما يوصل السن القانونى لأنه له رجاله برضوا فى الجيش )) وكان معاه الظهير الشعبى اللى عمله الأخوان ومعاه العبيط والعبيطه اللى فى الميدان وشوية الخونه اللى أندسوا وسط الليله دى لكن بصراحه غباء الأخوان وغدرهم وطمعهم كان نقطة ضعف فريق عنان وتعالى  نوضحها الحته دى شويه

أمريكا فى آخر زياره لعنان فهمته أنه هو اللى على الحجر لوحده ودى مش معلومه ده طبع الأمريكان وطبع أى دوله أستعماريه وبرضوا فهموا الشاطر أنه على الحجر لوحده وفهموا النشطاء أنهم الكل فى الكل وحيكون لهم دور كبير فى مستقبل مصر ويمكن كنت حضرتك ملاحظ نغمة تمكين الشباب وبصراحه كده واللى يزعل هو حر ممارسة السياسه عمل تراكمى ماينفعشى أجيب واحد من محل كشرى وأمسكه وزير خارجيه بحجة تمكين الشباب ده لازم يتمرمط فى كل طرقه وكل غرفه وكل سفاره ويلف العالم كعب داير قبل ماأمسكه منصب زى ده وعلشان يلف اللفه دى حيكون عدى الخمسين سنه وهى دى طبيعة الكون وغير كده لعب بعقول الشباب الصغير لما تطمع عيل عنده لسه 18 أو 20 سنه أنه ممكن يبقى وزير أو محافظ وأسألك فين خبرته الحياتيه نعم ممكن يكون فيه فلتات عبقريه لكن لابد من أثقالهم بالخبرات الحياتيه المتراكمه علشان تاخد منه قرارات صح نسبة الخطأ فيها بسيطه ولو أن غلطة السياسى ببصره أحيانا .... المهم أمريكا فهمت الكل أنه الكل فى الكل علشان تعرف تسيطر على الكل وطبعا كل المعلومات دى كانت قدام الباشا وقدام السيسى اللى هما فى فريق طنطاوى اللى زى ماقلتلك قوته هى سر ضعفه لكن من يمتلك المعلومات هو الأقوى وعلى رأى أبننا مينا بركات المعلومه قوه ياجنرال

المهم الفريق القوى من حيث العدد والظهير الشعبى كان مفكك وكل واحد طمعان فى التانى وكل طمعان كان بيخون فى الطمعان التانى من هنا فقدوا القوه والتنسيق وكثرت اخطائهم اللى الأجهزه المعلوماتيه تظاهرات أنها أنهارت ووقعت علشان يشتغلوا من غير خوف وحذر وتم رصدهم والتسجيل لهم علشان بعد كده نكشفهم كلهم ونعريهم قدام الشعب وقدام أى حد عاوز يتعاطفف معاهم ويمكن انت ملاحظ دلوقتى أنهم كلهم طبقا للخطه الموضوعه مسبقا بيخبطوا فى بعض وبيفضحوا بعض  وأشهرهم طبعا عم شكشك اللى بعد ماأتحرق بقى عامل زى الفرخه المدبوحه بيلطش فى الكل

نعود ونسأل لماذا كانت موقعة الحمار اللى لبسها المصريين ونقول موقعة الحمار فى مصطلح مقصود لأننا فعلا كنا حمير بعد خطاب مبارك العقلانى ومقولته أنا أو الفوضى بحكم علمه بخيوط المؤامره ومن المستفيد منها لقلب مشاعر المصريين على مبارك خصوصا لما تعرف أن خلاص مبارك أدرك أن النهايه حتميه وشوكته أنكسرت والكل ضده لكنه حاول تفادى دخول مصر فى أتون صراعات على الكرسى ولما تعرف أن مبارك لم يقابل وزير دفاعه أثناء تلك الفتره العصيبه وكان همزة الوصل بين مبارك والعالم خارج القصر هو عمر سليمان فقط لخوفه من الأغتيال أو القبض عليه ومنعوا عنه حتى الناس اللى بتكتب له الخطابات واللى كتب له خطاب ماقبل موقعة الحمير هو المناوى اللى هرب وراح فرنسا ومعاه 400 جيجا داتا تصويريه للأحداث الحقيقه فى ميدان الخيبه والوكسه ومبارك أستمر فى القصر لمدة 18 يوم بعد أستدعاء 12 محامى من أوروبا لتظبيط الدنيا مع زكريا عزمى اللى على وجوده حتى 24 أبريل فى القصر حتى بعد سقوط مبارك مليون علامة أستفهام والمفروض بعد سقوط رئيس الجمهوريه يسقط معه ويغادر القصر أيضا مدير مكتبه وكل العاملين معه لكن حدث العكس وظل عزمى بالقصر حتى ألتفت له الأخوان وطبعا كان شفيق رئيس للوزراء ولو قال معرفشى اللى كان بيحصل بحذافيره حذفوره حذفوره يبقى بيستهبلنا 

 

مبارك ظل بالقصر حتى هدد الأخوان فى الميدان بعد أستقوائهم بالظهير الشعبى بالذهاب للقصر الجمهورى فلماذا لم يغادر مبارك مصر نهائيا ويذهب لأى دوله خليجيه وألف مين يتمنى وخصوصا لو مبارك كان يعرف أنه حيتهان بالطريقه دى ويتحط فى قفص المجرمين وهو كان رئيس لكل مصر بما فيها القاضى اللى حينهده عليه ومبارك يرد ويقول أفندم هل مبارك كان مطمن أنه لن يحاكم أم فيه حد مكانشى من مصلحته مبارك يطلع بره مصر ويرطرط بالكلام وتظهر فضايح محدش يعرفها وده يفسر لك أن عمر سليمان العالم بكل صغيره وكبيره على الكره الأرضيه كان لازم يختفى وليه أخترعوا لنا قصة أغتياله خصوصا لما تعرف المسافات اللى قطعتها الطيارات ذهاباً وإياباً من سوريا لأوروبا لأمريكا ثم العوده لمصر فى زمن غير منطقى لأحضار جثمان عمر سليمان لو تم قتله فعلا وماهو سر عدم فتح تحقيق فى إغتيال شخصيه بهذا الحجم وزى ماتكون فرخه وأندبحت عند فرارجى وكل ماعلينا أن نصدق القصه البلهاء التى قيلت لنا أم هناك أطراف تريد تصفيته فتم أخفائه حفاظاً على حياته تقديرا لدوره ووجود شعبيه له داخل أهم جهاز مخابرات ومن الممكن أى ظابط يطلع ويقول اللى يعرفه عمر سليمان وتبقى فضيحه عالميه لكل الأطراف وقصة عمر سليمان علشان محدش يسأل تانى موجوه فى أكتر من حلقه بسلسة مقالات مصر أم الكون

 

لما أستبعدنا وفاة عمر سليمان أستبعدناها بالمنطق والعقل وحساب المسافات وساعات الطيران وعدم التحقيق فى موته كشخصيه هامه وخطيره

هل لاحظت أن نعش عمر سليمان كان قصير جدا وعمر سليمان طويل ؟؟؟

طيارة أى مسئول رفيع المستوى لاتطير بدون حمايه جويه من طائرات مقاتله وطيارين على أعلى مستوى من الكفاءه وكذلك أى سياره لمسئول رفيع المستوى لاتسير فى الشوارع كده شليطى مليطى دى بتبقى محميه من الجو بأكتر من نوع من الطائرات وعلى رأسها الطائرات العاموديه

يبقى طبيعى سيارة عمر سليمان وهى ماشيه فى سوريا تكون عليها حمايه جويه كما جرت العاده ولو فيه تقصير من سوريا وده لم يحدث تبقى مصيبه وماتعديش كده زى السكينه فى الحلاوه

طيب لو جينا نصنف عقلية بهاء الشامى وقلنا هذا الرجل تصنيفه رقم 8 مليار من حيث الذكاء على العالم ولم يقتنع بحدوتة موت عمر سليمان فكيف أقتنعت بها عقول ذهبيه تقود أجهزة المخابرات فى العالم أنا بقى أقولك

وصلت معلومات مخابراتيه بأن هناك جهات تريد تصفية عمر سليمان أحد أهم كنوز المعلومات فى العالم وكلنا عارفين الأسباب وظهرت كويس قوى فى خطاب التنحى على عكس ماهو متدرب عليه بإخفاء مشاعره وخوفا عليه وعرفانا بالجميل تم أخفائه وطلعوا القصه الخايبه دى اللى مش حتدخل نافوخ أى عاقل علشان يقولوا لو خايفين أن عمر سليمان يتكلم نوعدكم أنكم لن تروه مره أخرى وسنعزله عن العالم ولن نتركه لكم وسيبوه فى حاله 

ايام الثوره على مبارك وكان وقتها بالقصر . حدث ذات مره ان المشير طنطاوي كان ذاهب الى منزله الوزاري في حلميه الزيتون خلف منطقه التجنيد وكان هو خارج من مقر وزاره الدفاع وموكبه يسلك شارع الخليفه المأمون وعند تقاطع الخليفه المأمون مع شارع الميرغني المؤدي الى قصر اﻻتحاديه وكان هناك كمين للجيش وقتها . امر المشير طنطاوي موكبه بالتوقف في التقاطع ونزل من سيارته وامر الجنود بفتح اﻻسﻻك الشائكه والتي تمنع دخول المتظاهرين الزاحفين من ميدان التحرير الى اﻻتحاديه وقتها وقال لجنوده وضباطه افتحوا الطريق عشان الناس توصل اﻻتحاديه ومبارك يسمع بودنه هتافهم ضده بالرحيل . ثم ركب سيارته وانطلق موكبه الى منزله الوزاري بحلميه الزيتون . سوزان مبارك كانت ترفض ترك اﻻتحاديه ﻻنه ملكها طبقا ﻻوراق الشهر العقاري وﻻحقا اخده منها المجلس العسكري بعد تولي امور البﻻد و. بعد اجبار مبارك واوﻻده على ترك القاهره والذهاب لشرم الشيخ جاءه تليفون من المجلس العسكري يخبروه ان امامه اسبوع واحد فقط لكي يقرر ترك مصر نهائيا او البقاء فيها وكان رد مبارك انا معملتش حاجه عشان اهرب واسيب بلدي انا هموت في مصر وادفن فيها . زكريا عزمي استمر بالذهاب لﻻتحاديه بعد ترك مبارك القاهرة ﻻن مبارك رجل من الجيش اوﻻ واخيرا وﻻيجوز مسك غلطه عليه يحاسب عليها يعني بالبلدي كدا دي في وشهم . تم اﻻتفاق مع مبارك على مثوله في المحكمه بدون اهانه ولذلك ظهر طول محاكمته على سرير طبي رغم انه في كامل قوته الجسديه . وذلك ﻻن الشارع كان ثائر جدا ويرغب بمحاكمته . وقد عرضت كل دول الخليج مليارات الدوﻻرات في سبيل اخذ مبارك واوﻻده عندهم بعد ان رأوه يحاكم وداخل القفص ولكن المجلس العسكري رفض ﻻن الشارع لم يهدأ وحفاظا على استقرار اﻻمور بالبلد . يعني البلد مش ناقصه هيجان اكتر من اللي هي فيه وقتها . ولو تﻻحظ ان اﻻمور لم تهدأ اﻻ حينما حقق اﻻخوان رغبتهم في تولي مرسي للحكم . ثم بدأ ملاعبتهم مخابراتيا في هدوء حتى تم خلعه بثوره شعبيه اخرى

كده أنا تقلت عليك وخدت من وقتك كتير وزمان نافوخك أتكلكع ورجلك اليمين بقت مكان أيدك الشمال ومن وجهة نظرى أنا شايف أننا ننهى مقال النهارده على وعد بالأستكمال

General Bahaa ELshamy

جنرال بهاء الشامى