كيف تحدد متطلباتك التسليحيه

بناءا على طلب المحلل والمفكر السياسى حمدى الشامى بشرح كيفية تقييم إحتياجك من الأسلحه وماهى الصفقات التى تحتاجها وكنت سألت حضراتكم هذا السؤال وأستمتعت بإجاباتكم وأستفدت كثيرا فى هذا البحث الذى سنتناوله مع حضراتكم اليوم

لو تابعت التعليقات على البوست ستلتقط منها مايفيدك بشكل ملحوظ مما يعنى أن الثقافه العسكريه عكس ماهو كان متوقع بخير رغم أن اللى شرحوا كانوا عدد قليل لكن باقى التعليقات كانت بلا شك مفيده لأنها حددت نقاط البحث ومعاك رابط البوست اللى عليه التعليقات

https://www.facebook.com/bonsk.soft/posts/1005316469654982

عندى فى الفريق عضو متخصص لملف التسليح العالمى (( ميدو الفيلسوف )) ومن خلال تقريره المطول حنمسك جزئيه جزئيه وحناخد على سبيل المثال ملف حاملات الطائرات لأن فيه كمية متناقضات حتوضح لنا المستهدف من التحليل وهو أنت عاوز إيه وحتعمل بيه إيه وحتستخدمه أزاى وفين وماهى أستراتيجيتك فى إستخدامه

عندى فى العالم كله  45 حاملة طائرات مابين طائرات حربيه وطائرات عاموديه  تمتلك منها أمريكا بمفردها 19 حاملة طائرات موزعه على جميع انحاء العالم وتمتلك فرنسا واليابان 4 حاملات بينما الصين تمتلك 3 حاملات وبتصنع واحده وحتدخلها الخدمه قريب جدا لكن لم يحدد بالظبط تاريخ دخولها الخدمه 

 

عندى مصر وأنجلترا وأسبانيا وأيطاليا وأستراليا كل دوله تمتلك 2 حاملة طائرات 

عندى روسيا وتايلاند والبرازيل وكوريا الجنوبيه والهند وتمتلك كل دوله حاملة طائرات واحده وسيبك من الكلام اللى مكتوب على ويكيديا معظمه مش مظبوط لكن تقدر تتأكد من كلامى من المجلات العسكريه المتخصصه زى ساسه بوست ومجلة السياسه الدوليه 

 

لو خدت بالك من الأرقام اللى ذكرتها حتلاقى تفاوت فى سياسة أمتلاك حاملات الطائرات فأمريكا تعتمد على 19 حاملة طائرات لكن روسيا عندها الأميرال كوزنتوف فقط وحاليا كمان مش فى الخدمه  فى أحواض الصيانه الروسيه لأن فيها عيب فنى بالنسبه لنظام المكابح لايؤهلها لحمل الطائرات الحديثه زى ميج 29 وسيخوى 33 وكلنا طبعا فاكرين حادثة الطئره الميج 29 السنه اللى فاتت وطبعا علشان يعدلها تقنيا حيحتاج لحوالى 5 سنوات لكن سيتم تعديلها فقط بزيادة بعض معدات أضافيه لنظام المكابح 

                          صوره للأميرال فى حوض الصيانه الروسى

أذن أمريكا تعتمد على تواجدها العسكرى فى أى بؤرة توتر على حاملات الطائرات لكن الروس بيعتمدوا على بعض القواعد الجويه وأتفاقيات السموات المفتوحه زى اللى بتحاول تعملها مع مصر بقالها 3 سنوات وبتضغط عليك بملف السياحه لتوقيع هذه الأتفاقيه وهى دى الجزئيه المهمه الى معصلجه مف عودة السياحه ورئيس وزرائهم لمح لها صراحةً وقال عندنا إستعداد للتفاوض مع مصر وأنا فندت للقصه دى مقال خاص لما كان عندنا وزير الدفاع الروسى السنه اللى فاتت وأكيد الحاج حاتم الهلالى فاكر المناقشه اللى دارت بينه وبينه على بوست المقاله دى 

أذن من هنا وطبقا لأستراتيجيتك وأحتياجاتك ورسم توقعى لعدو محتمل بتحدد إحتياجك يعنى الأمريكان بيعتمدوا على ضربات جويه من حاملاتهم بينما الروس يعتمدوا على وجود طائرات لديها قدرة الطيران فى سموات دول معاها أتفاقيات سموات مفتوحه وبيعتمدوا أكثر على صواريخهم طويلة المدى لأن الروس أقوى فى موضوع الصواريخ الهجوميه والدفاعيه لكن الأمريكان أقوى من حيث قوة طيرانهم وعددها حيث يمتلكون أقوى وأكبر أسطول جوى عسكرى فى العالم وأن كانت روسيا والصين بدأوا يدخلوا على الخط والصين بتجهز طائره حربيه حتكون معجزة العالم وأقوى طائره عسكريه بالعالم (( تشنغدو جيه أو أسم الدلع النسر الأسود )) والواد ميدو كاتب فيها تقرير زى السم مع العلم أن الصين بتحاول بنهاية 2020 يكون عندها 1700 طائره حربيه وخد المقال ده معاك يعرفك ليه الوس بيعتمدوا على منظومات الصواريخ

https://genralbahaaelshamy.blogspot.com/2018/05/blog-post_6.html

وفقا لموقع المركز الروسى الأستراتيجى فى سبتمبر 2010 ذكرت أن الصين أصبحت من الموردين الرئيسين للأسلحه فى العالم  وصادراتها من التكنولوجيا العسكريه الحديثه سوف تكون على إستعداد لكسب المزيد والمزيد من الدول وفى الوقت الحاضر سوف تواجه تجارة الأسلحه فى العالم تنافسا شديدا من الصين ضد صادرات أوروبا وأمريكا زى ماوضحتلك فى مقال حادث الأباتشى الذين يعتبرون أكبر صانعى الأسلحه وهم الأكثر هيمنه على العالم اليوم ومعاك مقال حادث الطائرات الأباتشى للى متابع جديد

http://genralbahaaelshamy.blogspot.com.eg/2018/02/blog-post_41.html

 
 الصين تنفذ حاليا عددا من برامج التنميه العسكريه الهامه فى مجال الطائرات الحربيه حيث تطورالصين مجموعه متنوعه من طرازات الطائرات المقاتله من الجيل الرابع والخامس و طائرات الهليكوبتر الهجوميه و طائرات الأنذار المبكر طويلة المدى وطائرات النقل و طائرات تدريب 

الصين بحلول عام 2020 ستكمل أول مقاتله من الجيل الخامس ومع ذلك فإن الأداء الفنى والتطويرى لهذه الطائره الجديده لا تزال تخضع لسريه تامه
وقد صنعت الصين حاملات طائرات متقدمة تشبه طراز الأتحاد السوفيتى لكنها متطوره عن الأميرال  
ورغم أن الغرب وروسيا أكبر تجار سلاح  لكن صادراتهم إلى الصين قليله جدا حيث تعتمد الصين على مقاتلتها جيان 10 وقد أعلنت باكستان أنها ستقوم بشراء 36 طائره من جيان 10 كما من المتوقع أن تشترى باكستان عدداً أكبر فى المستقبل
بالاضافه الى مشروع جيان 10 فان الصين تشترك مع باكستان فى إنتاج مقاتلة التنين الشرس ( jf 17 )

بموجب صلاحية ترخيص مشترك بين البلدين فان باكستان ستنتج أكثر من 250 طائره منها
وفى الوقت الحاضر بدأت مصر  فى الإنتاج المشترك للمقاتله التنين الشرس (JF 17 ) بعد مفاوضات  كبيره مع باكستان

 
كل المجلات العسكريه تؤكد أن مصر أشترت حوالى 48 طائرة من التنين الشرس لكن لم تحدد أى مجله مصادر تمويل هذه الصفقه ولو عاوز تعرف مصر مولت هذه الصفقه منين المقال ده ممكن يساعدك

https://genralbahaaelshamy.blogspot.com/2018/04/blog-post_10.html

طيب ليه مصر قررت شراء حاملتى الطائرات الميسترال وليه مصر مركزه على بعض صفقات السلاح المتطوره رغم ظروفها الأقتصاديه ده حيكون موعدنا فى الحلقه القادمه لأن صوابعى بدأت تؤلمنى

جنرال بهاء الشامى