البيان فى هيكل وشارون وأشرف مروان

يغلب على مذكرات السياسيين الهوى النفسى عند تناول الأحداث من زاويه محدده لكن دائما يبقى إعمال العقل وإلا قول لى مافائدته أن لم تستخدمه

كتير من السياسيين كتب مذكراته وأحتوت على بعض التضخيم لبعض الأحداث أو ضخم بعض الأحداث ليظهر لنفسه بطوله فيها أو همش بعض الذكريات والهدف منها هو تهميش أصحابها

عندى واقعتين محددين هما دول صلب موضوعى النهارده الواقعه الأولى تخص محمد حسنين هيكل وتضخيمه لبعض الأحداث لينال فيها بطوله زى تركيزه على أن السادات أتصل من مركز القياده رقم 10 أثناء الساعات الأولى بقصر الطاهره وطلب منهم حضور هيكل بعد الفطار ضرورى ورغم أن السادات ذكر الواقعه دى وبررها أنه كان المستشار الأعلامى له لكن هيكل ضخمها جدا فى كتابه أكتوبر الحرب والسياسه ... لكن عندى واقعه تانيه لهيكل اللى بيتكلم فيها عن خطأ مراسلات السادات مع هنرى كسينجر والتلميح بمدى الكيلومترات فى خطة تطوير الهجوم الأولى لحرب أكتوبر لكن العسكريين والسياسيين المحايدين عند تناولهم لهذه الواقعه أفحموا هيكل بالعقل والمنطق

على نفس الوتيره ونفس النظام صنع أريل شارون من دورته العسكريه فى ألمانيا بالونه كبيره وأستطاع عن طريق حمله إعلاميه صنع مجد تاريخى لهذه الدوره العسكريه التدريبيه وكأن لم يحصل على هذه الدوره غيره أو قبله أو بعده وتغافل عن عمد أن من لقنوه هذه الدوره هم من علموه فنون القتال

حاول أريل شارون تضخيم هذه الدوره العسكريه وأوصل القارئ ومعظم جهلاء العالم أنه صاحب أختراع النظام العسكرى (( الثغرات )) .... أيوه شارون أوهمنا وأوهم العالم أنه من أخترع الثغرات وتغافل شارون عبر حمله إعلاميه ضخمه أن نظام الثغرات نظام عسكرى قديم منذ قدم الحروب وأشهر من نفذوا الثغرات الحربيه فى التاريخ هو خالد بن الوليد فى غزوة أحد ضد قوات المسلمين وأستطاع إلحاق خسائر فى جيش المسلمين فى غزوة أحد

تغافل أريل شارون عن عمد أن هناك نظام عسكرى أسمه الثغره وهناك نظام مضاد له أسمه المصيده وتغافل شارون عن ثغرة روميل الشهيره فى الحرب العالميه الثانيه وتغافل عن ثغرة خالد بن الوليد

صنع شارون من ثغرة الدفرسوار بالونه إعلاميه كبرى وتغافل عما دار بين كسينجر والسادات وأستغلال السادات للشاذلى والتهديد بتنفيذ خطته مما دفع بكسينجر للتواجد بالقاهره ومقابلة السادات وتهديده أن أمريكا لن تسمح بهزيمة السلاح الأمريكى مرتين فى معركه واحده

خالد الذكر المشير الذهبى أحمد اسماعيل أحد أهم 50 قائد عسكرى فى التاريخ البشرى بإعترافهم قال فى مزكراته كنت أعلم أن الثغرات جزء من عقيدة الجيش الأسرائيلى ووضعت خططنا على الرد عليهم بنفس أسلوبهم ووضعت خطه لتنفيذ 200 ثغره فى خطوط العدو الأسرائيلى وضربات المدفعيه الأولى وتسلل قوات الصاعقه والمظلات فى الساعات الأولى من الحرب كانت أحدى ثغرات حرب أكتوبر وخطة تطويق خط بارليف كانت أحدى خطط الثغرات وثغرة القنطره شرق كانت أحدى خطط الثغرات وساعدنى على تنفيذ هذه الثغرات تفانى الجمسى فى إعداد الفرد اللازم لتنفيذ هذه الثغرات وبراعة الشاذلى فى تنفيذ خطط السبوره فلديه قدره عجيبه على تحويل الخطط لواقع على أرض المعركه وكأنك تحرك قطع الشطرنج

ياساده ياكرام المثل بيقول اللى بيتكلم مجنون واللى بيستمع عاقل فأين العقل من مذكرات شارون والتاريخ يكذب كل ماجاء فى بالونة شارون مخترع نظام الثغرات وكأن التاريخ يبدأ عندما أتحفونا بمذكرات شارون

محمد أشرف أبو الوفا مروان هو موضوعنا التالى

يحاولون بشتى السبل تشويه كل شئ صحى وجميل فى عمل مخابراتنا

يطلقون على مروان مصطلح العميل المزدوج وهو العميل الذى يعمل مع جهازين مخابراتيين بعلم جهاز منهم لصالح الجهاز الذى يعمل لصالحه وأشرف مروان كان كذلك وهو من تقدم بنفسه للسفاره الأسرائيليه فى لندن عام 1968 وقدم لهم دوسيه بمجموعه من المعلومات وقال لهم فى السفاره نصياً وحرفياً معلوماتى ليست كأى معلومات ومن يريد المزيد فعليه أن يدفع ثمن معلوماتى بحكم منصبى والسفير محمد بسيونى ذكر هذه الواقعه

لقد أستطاع مروان أن يخدعهم ويحوز على ثقتهم لدرجة أن رئيس عربى معروف لما كان بيعطى لهم معلومات يقولوا لو مروان كدبها تبقى مش صحيحه وكان علشان يوصل لهذه الثقه لابد من تقديم كثير من المعلومات الصحيحه

كان السادات يعلم كل شئ عن مروان وعينه فى طاقمه الرئاسى ليستطيع أن يكمل مهمته كما نصحت المخابرات العامه وهنا سؤال لو مروان جاسوس إسرائيلى بالعقل والمنطق كان حيبلغهم أن ساعة الصفر الساعه 6 مساءاً رغم أن الملك فلان الفلانى بلغهم أنها ستكون الساعه 6 صباحاً وكذبوا الملك وصدقوا مروان وكان الموعدين كاذبين

الدنيا كلها عارفه أن الموساد عندها وحده أسمها وحدة تيجون أو السيف المقدس وأتكلمت عنها فى مقال اللامعقول فى عالم العقول رقم 1 ومعاك الرابط

https://www.facebook.com/Genral.Bahaa.ELshamy/posts/1861526410756432?__tn__=K-R

ومهمة هذه الوحده هى تصفية أعداء إسرائيل وفعلا تمت تصفيته وحسيبلك رابط الفيديو معاك علشان تتأكد بنفسك وهى دى الوحده اللى قامت بتصفية العالم المصرى يحيى المشد بسبب تعاونه مع العراق وبسبب مشروعه الكعك الأصفر بديلاً لليورانيم المخصب

أين عقل العالم من فيلم أشرف مروان ومبارك قال بلسانه فى جنازته أشرف مروان كان بطلاً مصرياً خالصاً قام لوطنه بخدمات جليله لايمكن الأفصاح عنها لدواعى الأمن القومى  وجدير بالذكر أن رئاسة الجمهوريه أصدرت بيان رسمى عقب وفاته للأشاده به ونعيه وتقديم التعازى لأسرته فهل رئاسة الجمهوريه ستصدر بيان وسط العالم بدون معلومات مؤكده ؟؟؟

لماذا يحاولون دائما تشويه جهاز مخابراتنا والتقليل من بطولاته ومره يقولك بعد مسلسل رأفت الهجان صلاح نصر كان بيحط الناس فى أحواض ماء النار ومره يقولك عمر سليمان قالهم أبعت لكم دراعه بحاله خدوا منه اللى أنتوا عاوزينه وكأننا بنتكلم على قهوه أو غرزه ومره يقولك أشرف مروان كان جاسوس أسرائيلى وليه محدش من أسرائيل طلع وحاول يشوه مثلا فى محمد مرسى وأليس من الغريب أن محدش فى إسرائيل قال على الأخوان جماعه إرهابيه أو قال على داعش جماعه دمويه

أوعى تكون فاهم أن السادات اللى ألوظ لأسرائيل بموسادها بمخابراتها بأمريكتها بمخابراتها حد يضحك عليه ويعرف يزرع جاسوس فى مكتبه ولازم سيادتك تبقى عارف أن مش المقصود أشرف مروان لكن المقصود السادات وجهاز مخابراته وحسيبلك فيديوهات لما تسمعها حتتأكد من كل حرف كتبته وهنا سؤال ليه السفاره الأسرائيليه فى لندن رفضت أرسال الشهود اللى طلبتهم منى عبد الناصر ولازم تفكر بعقلك مين اللى له مصلحه فى قتل أشرف مروان وتشويه تاريخ أشرف مروان وتشويه السادات ومحاولة أظهاره بإنه تم أختراقه وهو اللى كان له كرسى عندهم 

لو تلاحظ أن أصحاب البصمات الواضحه فى مخابراتنا هم من يتعرضون لتشويه الموساد  

خد بقى من أخوك الجنرال أول رابط

https://www.youtube.com/watch?v=Kizek7aN_4Y

ومعاك رابط كمان

https://www.youtube.com/watch?v=FXq-nh6zal8

ومعاك كمان رابط

https://www.youtube.com/watch?v=vhe-0LJGcak

وكمان رابط الله يرضى عليك

https://www.youtube.com/watch?v=yHQpAfCFjMo

ودى المفاجأه شهادة محمد حسنين هيكل

https://www.youtube.com/watch?v=ULoR3i53JoQ

ودى كمان مفاجأه بتورط إسرائيل فى إغتياله

https://www.youtube.com/watch?v=GZZ8bIno5Ws

وياريت بقى لو سمحت تتفرج على الفيديو ده علشان تعرف مين اللى بيكره مخابرات بلدك وكأن المفروض علشان نرضى أعداء البلد مايكونشى عندنا جهاز مخابرات علشان يبرطعوا فيها وخلى بالك من كلام البول تاجى بيتكلم على مين ومجابش سيرة عبدالفتاح السيسى وقال لواء مخابرات عامه

https://www.youtube.com/watch?v=rJ_lmWkYjy8

ياختتتتتتتتااااااااااااااااااى

أهو  كدب البول تاجى وهو بيكدب أمام كاميرات التلفزيون ومره يقولك لواء مخابرات عامه ومره يقولك اللواء السيسى وخلى بالك والنبى علشان حيحلف بالله ويقسم أغلظ الأيمانات ويعملك تعبيرات بوشه أنه صادق مش كداب ونسى أن أعضاء مجلس الشعب عارفين كل مسئولين البلد بما فيهم أعضاء المجلس العسكرى اللى كانوا بيقعدوا يتفاوضوا معاهم

https://www.youtube.com/watch?v=rWTgAtPMFUg

كلمه أخيره لمن يحاولون التوقيع بين الناس عمرو موسى قال على أسامه الباز فى مقابله مع وائل الأبراشى أن أسامه خير من حصل على الدكتوراه ومات الكلام

أسمحوا لى أن أنهى هذا المقال بعد أن بدأت أصابعى تؤلمنى على وعد بلقاء متى شاء الله نحن وأياكم فى خندق الدفاع عن الوطن الغالى 

جنرال بهاء الشامى