اللامعقول فى عالم العقول رقم 30

أمشى عدل يحتار عدوك فيك

مثل شعبى بسيط لكنه مبدأ مخابراتى رهيب وياريت شبابنا اللى فى مراحل الكليات ينتبهوا لسلوكياتهم قبل وقوع الفاس فى الراس

طبعا حضرتك واخد بالك أن أى رئيس أمريكى بيحكم أمريكا لازم يطلعوا له علاقات جنسيه لكن مسألتش نفسك أشمعنى الرئيس الأمريكى وأزاى ناس زى دى بتقع فى أخطاء ساذجه زى دى وللأجابه على السؤال لازم نعرف كيف يحدث ذلك وهل ممكن يحدث معاك أم لا وماعلاقة تزوير الأنساب بهذا الموضوع

شاب صغير متفوق فى كليته وله طموحات تبدأ أجهزة المخابرات تحطه تحت عنيها لأنه ممكن فى يوم من الأيام يبقى ذو حيثيه فى المجتمع وبما أنه وقع الأختيار على هذا الشخص يبقى نشتغل عليه وهو فى الكليه بتاعته نحط فى سكته بنت مزه زميلته وهوبا رجليهم تروح على دورة المياه فى الكليه وحطة أيد على مصة شفايف وقعنا فى المحظور وتم تصويره

ينااااااااام الموضوع خالص خصوصا أنها نزوة شباب عابره وممكن جدا ماتتكررشى مره تانيه ويتنسى الموضوع تماما وتوبه نصوحه من هذا الخطأ والخطيئه ويبدأ جهاز المخابرات يساعدك وممكن واحد حبيبك يجيبلك الأمتحان وتتصور وأنت بتاخد منه ورقة الأسئله وتجاوب وتنجح وتبقى من المتفوقين ونساعدك تتعين فى الجامعه معيد وتترقى فى المناصب لحد ماتبقى شخصيه لامعه وتتجوز بنت حسب ونسب طبعا لأنك شاب كله طموحات وتكون أسره وأولاد وتبقى راجل من ذوى الحيثيه فى المجتمع وإيه المانع تبدأ تدخل الحياه السياسه وإيه المانع أنك تترشح فى الأنتخابات ونبدأ نساعدك بشكل غير مباشر لحد ماتوصل لأعلى وأرفع المناصب

طبعا حضرتك ناسى خالص مالص حاجات الشقاوه وأنت صغير وقبل ماتتجوز وناسى أن فيه حد غششك الأمتحان بتاع آخر سنه اللى تفوقت من خلاله وبقيت حيثيه فى المجتمع وسديهاتك اللى حضرتك نسيتها عندنا فيبدأ تسريب تراطيش معلومات من هذه الشقاوات فأن خضعت للسيطره ونفذت اللى يتقالك خير وبركه لكن لو نشفت دماغك كله يظهر وحقيقى ومش حتقدر تنكره وكل حياتك تصبح مهدده تنهار فى لحظه

أنت شخص عادى لكن متفوق دراسيا لكن أبن ناس غلابه إيه المانع أنك تبقى أبن حسب ونسب وأبن عيله كبيره أو تكون من أشرف عائلات محافظتك وتنضربلك ورقه وسرك فى بير يامعلمى ووصلت لمنصب محترم حنعرف نسيطر عليك أننا عارفين أصلك الحقيقى معرفتش برضوا اللى حينطلب منك حتعمله وأنت حاطط الجزمه فى حنكك

الكارثه يانجم الأنساب مش فيك المصيبه فى ولادك اللى ممكن يطلع منهم واحد ذو حيثيه فى المجتمع وطبعا فيه ناس عارفه أن نسبه متزور وأنه ولا حاجه وكده حيعرفوا يسيطروا عليه وإلا حيهدوا عليه عيشته

فى ملف أطفال الشوارع بتوع المنحه الألمانيه كنت أنا أول واحد فى مصر أتكلمت عليه على الميديا بعد تسريب المعلومه قدامى وكان هدف جهاز المخابرات المصرى أن أكونت مشهور زى حالاتى يهبهب عليهم ويعرفهم أن فيه ناس تعرف أصلهم وفصلهم لكن بعضهم خدته الجلاله أو موصلتهوش الرساله اللى أرسلتها المخابرات عن طريقى فكان لازم الفضيحه تبقى أكبر شويه فبدأت منصات أعلاميه أكبر تتكلم فى نفس الملف والحمد لله بدون أسماء علشان ماينفعشى ناس وصلت لمناصب حساسه ومنهم واحد مستشار ولى عهد فى دوله خليجيه تنكسر عينه وحد يعرف أنه مش أبن أصل لكن لقيط من أطفال الشوارع

أنا جهاز مخابرات ممكن أصنع نقطة ضعفك وأخترقها وأمسك عليك زله ولو وصلت أسيطر عليك بها وأحركك فى الأتجاه اللى أنا عاوزه وياسلام لو صانع قرار أخليك تعمل لمصلحتى أحلى شغل زى أى رئيس جمهوريه أمريكى يحاول يشوف نفسه يطلعوا سيديهاته اللى هما عاملينها والموساد بتتبع هذا النظام مع الأمريكان منذ عام 1958 م

أعتقد دلوقتى عرفت أزاى الموساد بطريق غير مباشر بتحرك جماعة الأخوان المسلمين وقبل عقلك مايلف قولى كده لو قارنت مواقف الموساد بالأخوان يفرقوا إيه عن بعض

حديك مثال بسيط على بعض الملفات علشان تبقى عارف أن الموساد مسيطره على الأخوان وبتحركهم زى عرائس المسرح ... أسرئيل والأخوان بيشوهوا أنتصار حرب أكتوبر والأتنين ضد مؤسسة الجيش المصرى والأتنين ضد الشعب المصرى وراجع بنفسك ومع نفسك ستجد الأتنين ماشيين على خارطة طريق واحده

فى مجلس نواب فى دوله أعرفها فيه بعض الناس بتهرب السيلكون الجنسى للرجال فى البرلمان وطبعا كده بقى عارف سره وسر أزاى عامل راجل فى البيت ومؤكد حضرتك عارف بقى الباقى وأزاى أخلى هذا النائب تحت سيطرتى حسب ماأوجهه لأن سر رجولته عندى وسر فحولته أنا اللى أعرفه والباقى طبعا معروف ولك أن تعلم أن المخابرات الأمريكيه أستطاعت أختراق مجلس الدوما وورطته فى الموافقه على قرار غزو الأتحاد السوفيتى القديم لأفغانستان

لابد أن تعلم أن مفيش مكان فى العالم صعب الأختراق المهم أبقى عارف ثغرات أختراقه أو أعملها بنفسى منذ شباب بعض العملاء

خد معلومه كده على الماشى فيه واحد مذيع فى قنوات الأخوان بتركيا مكانشى أخوان ولا له علاقه بالأخوان لكن لم بدأ يعمل شعبيه عن طريق معشوقة الجماهير كرة القدم  عرفوا يسيطروا عليه لما هددوه بالموضوع الى حصل مع واحد زميله فى دورة المياه فى الكليه وكان هو فى وضع سلبى

مش قلتلك فى أول مقالى أمشى عدل يحتار عدوك فيك لأن فيه أجهزة مخابرات راصده تحركاتك وممكن تساعدك توصل علشان فى يوم تعرف تسيطر عليك وتستغلك زى ماحصل مع بيل كلينتون وترامب والواد أبو شعر أبيض بتاع قنوات تركيا

جنرال بهاء الشامى