اللامعقول فى عالم العقول رقم 49

الحضانات الدينيه هو مصطلح مخابراتى هام ظهر فى أجهزة المخابرات بعد إنتشار الجماعات الدينيه كما أوضحت لحضرتك فى المقال رقم 1 من حلقات اللامعقول فى عالم العقول ومعاك الرابط

http://genralbahaaelshamy.blogspot.com.eg/2017/05/blog-post.html

كانت حروب القرون الوسطى تدار على أساس دينى خصوصا الأستعمار الأوروبى الذى كان يجيش الجيوش الجراره بواسطة الكنيسه ومن أشترك فى هذه الحروب هو أشترك لخدمة أهداف الرب فهنا أنت جندى فى جيش الرب تخدم أهداف الرب أذن أنت من المحظيين الذى سيلجون للجنه ولم تفطن الشعوب وقتها أن هذه الحروب لأهداف أقتصاديه على الدول التى تتمتع بالخيرات الطبيعيه أهم مكونات الحياه

أنتشرت الحروب الدينيه بفضل إنتشار الجهل وإنعدام الوعى الدينى الحقيقى لغياب المؤسسات الدينيه الت تعلى مصلحة الدين على مصلحة الحاكم فى إيجاد مورد أقتصادى لشعوبه

قامت الحرب العالميه الأولى والثانيه بأسباب واقعيه ولاحظ الأستعماريين أن من مخلفات هذه الحروب الدمار الشامل والركود الأقتصادى وتدمي البنيه التحتيه وفقدان مايزيد عن المليونى قتيل وهو مأثر سلبا على هذه الشعوب فيما بعد من نواحى كثيره بحيث يمكنك أن تقول أن جميع من دخلوا هذه الحربين خاسرين بلامحاله ولا مكاسب تحققت سوى مكاسب سياسيه معنويه فقط وبدأوا فى دراسة السلبيات

كان ولابد بعد دراسة السلبيات العوده مره أخرى للنزعه الدينيه لأن مقاتل الحروب الدينيه يحارب عن عقيده لخدمة الرب وليس خدمه أهداف الحاكم فقرروا العوده مره أخرى للحروب الدينيه

لكن كيف يضعون المسيحى ضد المسلم وليس هناك سبب دينى واضح فتفتق ذهنهم عن وضع المسلم أمام المسلم وجها لوجه لكن كيف يتأتى ذلك ؟؟؟

كن ولابد علشان أحط المسلم فى وش المسلم يقتله بدم بارد زى ماشفنا هشام عشماوى بيقتل الجنود اللى أكلت معاه عيش وملح من خلق الخلاف بين المسلمين أنفسهم لكن كيف يتأتى ذلك ؟؟؟

بدأوا فى خلق مايسمى الحضانات الدينيه ... شخص يبحث عن الخلاص أو شخص غارق فى المعاصى ولايعرف أمل للخلاص من عقاب الله زى المتهم رقم 14 فى القضيه 148 محاكم عسكريه كان بتاع بانجو وحشيش وكان عاوز يغتصب ويزنى بأمه فجأه تحول لجهادى لنصرة الأسلام من الطواغيت

علشان أعمل حضانه دينيه لابد من وجود رمز دينى وشيخ دينى يتمتع بالقبول الشكلى وله تاريخ فى علوم الدين يبدأ يلتف حوله الباحثون وبدأ من هنا تكوين الجماعات وأى نعم هناك جماعات أنشأت بغرض دينى فى الأول لكن أجهزة المخابرات أستطاعت إستقطاب القيادات من خلال التمويل الكافى لتلميعهم إعلاميا وتحقيق الشهره لهم وألنفاق على سفرياتهم وتحركاتهم وبدأت عن طريق منظمات تكيل لهم الجوائز فأنتفخت صدورهم بالغرور

القرآن موجود والسنه النبويه موجوده لمن يريد لكن هناك كما وضحت من يبحث عن وسيط يقربه لله ويعطيه صك الأيمان وقبول العمل عند الله والوعد بالجنه الأبديه وده حتلاقيه فى كل الجماعات بدون أستثناء سنى وشيعى وصوفى وأخوانى وسلفى وبتنجانى وفحلوقى كل الأتباع تبحث عن وسيط يقربها لله مع أن الآيه واضحه فأنى قريب وتلك الآيه أستبعد الله فيها رسوله من الأبلاغ فلم يقل له قل فأنى قريب ولكن قال فأنى قريب أى بدون حتى وساطة النبى صل الله عليه وسلم

لاحاجة لك أذن للولوج لله لتشريعات أو فتاوى أو أزهر أو شيخ أو قائد جماعه كل ماتحتاجه العوده المباشره لله وسنة رسوله لكن لصعوبة الثقافه الدينيه دائما ماتبحث عن وسيط

أبن الهبله تنزيله جوز أمينه الأوزعه معروف أنه من سلالة طائفه كانت تعبد (( ....... )) ومن هنا تدرك أنه ليس بمسلم أو رجل له ديانه محترمه من الأساس لكنه كأستعمارى أنشأ فى بلده حضانات دينيه لأستقطاب المعارضين فى الدول الأسلاميه والباحثين عن وسيط يقربهم لله أو وسيط يغسل لهم كبائرهم ومعاصيهم وكان ولابد من ذلك أن يقدم نفسه لهم كخليفه ونبى ومهدى منتظر وهو من سيخلص البشر من كهنوت الظلم والمظلوميات وبدأ يخاطب قلوب هؤلاء وأصدر كتابه (( الشيخ رجب طيب أردوخان مؤذن أسنطمبول )) وأن تورأيا هى مكز الشعاع الأسلامى وأشتغل إعلامه بشكل مكثف حتى وصلنا لمرحلة أنه يأمر سورى يقتل سورى فى بلد آخر هى ليبيا برغم أنه بيدفع أقل من بوتين فى الليله دى

أردوغان ليس محمد بن عبدالله ... أردوغان أباح موبيقات كثيره تحت حجة توفير الأموال لنصرة الدين

أردوغان ليس نبى الله لكن صاحب أكبر حضانات دينيه رباها وأحتضنها ورعاها ووفر لها كل المستلزمات وهو اليوم يجنى ثمار إنتاج حضاناته عندما يأمر السورى أن يقتل أخوه السورى وأن يجعل جزمه يعيش وسط المصريين يقول لو جيش تورأيا دخل مصر حنضم لصفوفه ليقتل مسلم مثله ليقتل جاره ليقتل أبن عمه أو يرى خالته الصغيره يستباح عرضها أمامه طالما أفهمه أردوغان أن وسيطه لله

أقتل أخوك أو أبن عمك أو جارك أو سيب بنت عمك ينتهك عرضها أمامك طالما هناك وسيط يبرر لك وسيدخلك الجنه الموعوده

للأسف الشديد سيظل هذا الوضع كثيرا وسيزداد طالما نبحث عن وسيط للتقرب إلا الله وتناسينا أنه قال فأنى قريب ولم يجعل حتى رسوله وسيطا بينك وبينه

جنرال بهاء الشامى

قصة الشيخ البدوى عم (( مسمح ))

أثناء مفاوضات طابا كان فيه فريقين قانونيين من مصر واليهود للتفاوض حول طابا وكل الخلوق الدكتور مفيد شهاب خبير القانون الدولى والمحاضر العالمى بجامعة القاهره أحد أبطال هذا الملف

يقول مفيد شهاب أن إسرائيل كان معاها وثائق تورأيه من أيام الأحتلال العثمانى تثبت أن طابا فلسطينيه وكان مع الفريق المصرى خرائط عسكريه تثبت مصرية طابا لكن إسرائيل لم تعترف بها

فريق التفاوض المصرى المختص بشق الخرائط والوثائق بقيادة الدكتوره سلوى بكير خبيرة الخرائط والجغرافيا الدوليه إستطاعت العثور على وثائق بريطانيه فى المجمع العلمى تثبت مصرية طابا لكن كان الخلاف الذى لاحل له على النقطه الحدوديه 91

تم تكليف المخابرات العامه بالبحث فى سيناء عن أى دليل يثبت أحقيتنا فى طابا (( خلى بالك طابا وقتها كانت تحت سيطرة اليهود )) وفعلا المخابرات العامه قلبت الدنيا فى سيناء للبحث عن دليل حتى عثروا على الشيخ البدوى عم مسمح وتعالى نشوف قصة الراجل ده

الراجل بيقول أنه كان بيته جنب النقطه الحدوديه 91 ولاحظ بعد إشتعال موضوع طابا أن اليهود اللى كانوا مسيطرين على المنطقه معاملتهم معاه أتغيرت و بيزهقوه فى عيشته وفى يوم كرشوه من بيته ونقلوه مكان تانى والراجل بيقول أنه كان عارف أن اليهود حرامية أثار وشافهم وهما بيسرقوا آثار سيناء أيام الأحتلال فشك فيهم وشك أن ممكن يكون تحت بيته آثار ففضل يراقبهم من بعيد لحد لما لقاهم جايبين جرافات وهدوا البيت وقلعوا شجرة الدوم اللى كانت موجوده بالمنطقه لكن بيقول مخدوش حاجه رغم أنهم قعدوا طول النهار بالجرافات فى منطقة بيته اللى كرشوه منه

ركز بقى معايا وأوعى تتوه علشان فيه أمور فنيه ومخابراتيه فى الليله

المخابرات أخدت كلام عم مسمح على محمل الجد لكن يلزمها دليل على كلامه وبدأ شغل المخابرات فى المنطقه لحد ماعثروا فى جندى بلجيكى من قوات حفظ السلام الدوليه بالمنطقه وأكد فعلا أنه شاف جرافات إسرائيليه جت المنطقه وهدت بيت الشيخ البدوى عم مسمح وأقتلعوا شجرة الدوم اللى كانت جنب بيته وأنه بلغ القائد الأمريكى المسئول عن المنطقه لكنه لم يهتم رغم أنه كان فيه أتفاق بعد تغير أوالعبث بجغرافية المكان

كده قصة عم مسمح بخصوص الجرافات حقيقيه وبدأ الشك يساور فريق التفاوض والمخابرات العامه فطلبت مصر رسميا من إسرائيل الأطلاع بواسطة وفد مصر ودولى على النقطه الحدوديه 91 اللى مصر بتقول عليها طبقا للخرائط البريطانيه النقطه 91 وكده تبقى طابا مصريه وإسرائيل بتقول لأ النقطه دى رقم 90 طبقا للخرائط التورأيه وتبقى طابا أرض فلسطينيه وتابعه للأحتلال الصهيونى

راحت الوفود الثلاثه وحفروا وأظهروا النقطه الحدوديه المتنازع عليها فوجدوها مزوره ومكتوب عليها 90 وكان مع الوفد المصرى عم مسمح والجندى البلجيكى وقال لأ العلامه كان مكتوب عليها 91 وتم تزويرها فتحججت إسرائيل أن العوامل الجويه هى اللى طمست الواحد وخلته صفر وهنا كان رد عم مسمح نقاط الحدود كلها من يوم ماأتعملت ظهرها لأتجاه الرياح علشان العوامل الجويه متأثرشى عليها وأنا شفتكم وأنتوا بتهدوا بيتى بالجرافات بعد ماكرشتونى منه وأنتوا اللى زورتوها

طلب الوفد الأسرائيلى حفظاً لماء الوجه من عم مسمح أى دليل أنه كان ساكن فى المنطقه لأنها من ساعة الأحتلال وهى فاضيه  فقال لهم عم مسمح كان هنا فيه شجرة دوم وشجر الدوم جزوره طويله وبتضرب فى الأرض فى الأعماق وكان أبويا زمان داقق طلمبة ميه هنا هو وشاور تحت رجله لكن لما نشفت الطلمبه أهملناها وأنقطعت راسها وعاوزكم تفحروا هنا حتلاقوا جزور شجرة الدوم ومواسير طلمبة أبويا

فعلا حفروا ووجدوا كل كلام عم مسمح مظبوط وصادق واليهود ولاد جزمه كدابين ومزورين وحراميه وكان كل طلب عم مسمح بلده تعوضه عن بيته اللى أتهد ولما الدكتوره سلوى بكير فى إحتفال رفع العلم طلبت من مبارك تكريم عم مسمح وتعويضه عن بيته وعدها بتعويضه لكنه لم يفعل لكن الدكتور مفيد شهاب كلم المشير أبو غزاله وفعلا أمر أبو غزاله ببناء حوش بالخرسانه لعم مسمح بجاور طابا

جنرال بهاء الشامى   

أول لقاء حصرى بين مبارك ومورسى فى الآخره

صعدت روحهيما لخالقها وتقابلت الأرواح ودار هذا الحوار الذى أستطعنا من خلال مصادرنا الأموات الحصول عليه حصريا

الحوار دار بين عظيمين تقلدا منصب واحد والمدهش أن أسميهما واحد محمد حسنى مبارك ومحمد مورسى العياط

محمد حسنى : هاى إزيك إنت ليه جيت هنا إنت كمان مع إنك جيت بعد ثوره وجيت بالصندوق وكانوا فرحانين بيك قوى وقالوا إنت هتعدل المايله  وإنت المنتخب القومى

محمد مورسى : أهلا أنا جيت لأنى بدأت من حيث إنتهيت إنت إنت أهل بيتك مراتك وإبنك وحماده هِز وودوك فى داهيه ودمروا تاريخك وأنا أهلى وعشيرتى واللى أشطر من حماده هِز دمرونى ودمروا مستقبلى وحاضرى وخايف أخش النار معاك

محمد حسنى : طيب أنا كنت ممشى البلد بأمن الدوله وعامل كام حزب كرتونى كده على تشكيلة معارضه حاطيتها فى التلاجه لوقت اللزوم فقط لكن كان فيه وحركات بقى وكدهوون ومكنتش بخلى حد يفكر غير فى أكل عيشه وكان فيه حد بيعارضنى وهو بره ولما رجع بردو عارضنى ومعاه واحد سمعت أنه خمكم كان بردو بيخمنا من بلد اللى مايتسمى بهاء الشامى

 
محمد مورسى : قُطع بهاء الزفت متجبليش سيرته ماهو أنا بردو عملت كده بس كان عندى آمن دعوه  وعندى برود معارضه مصطنعه من رجالتنا القدامى عملوا أحزاب على أساس بتعارضنا لكنهم معانا ومخلتش حد يفكر بل خلتهم يكفروا خليت شيوخنا يكفروهم وعملت فتنه وإنقسام بس بين المسلمين وبعض لدرجة إن الانقسام بقى مصرى مسلم ومسيحى ضد إخوانى وسلفى ونفس اللى كان بيعارضك بجد عارضنى وهو سبب اللى أنا فيه هو اللى خمنا

محمد حسنى : الله هو السلفى معاك بردو ؟؟؟

محمد مورسى : أيوه معايا دوول مع اللى راكب وهما كانوا معاك مع آمن الدوله دلوقت هما أمن الدوله بتاعى عذاب وسحل دليفرى وطحنا العيال حوالين الأتحاديه لكل معارض ليا

محمد حسنى : طيب أنا كان معايا الإعلام الحكومى كله وبشكله براحتى وكان عندى صفوت الشنيف مسرح للرئاسه على كيفك

محمد مورسى : ماهو الإعلام بردوا كان معايا الحكومى والخاص أنت مش عارف أنهم بيركبو الموجه وكان عندى أنا كمان صفوت دى طلعت شغله وكنت فاكرها إسم  وبالنسبه للإعلام الخاص عندى صديقنا الوفى أبو العلميين حموده بإشاره بيحاصرهم ويرهبهم ويسرق عجولهم ويبنى مراحيض فى أرضهم وعاملهم رعب ومعاه شويه بهايم على كيفك متبرمجين وآخر حلاوه

محمد حسنى : طيب أنا كان معايا الحزب الوطنى وكل حاجه وكنت مستوطن البلد وعندى مصادرى فى كل مكان وأبجنى تجدنى

محمد مورسى : أسكت هو انت متعرفشى مش قبل ماأموت وآجى هنا غيروا أسمه لحزب مستقبل وطن

محمد حسنى مقاطعاً محمد مورسى : أيوه عرفت ماهو العيال دى صواريخ يركبوا أى موجه وبعد ماكانوا معايا الأندال شفتهم بعينى بيركبوا على شغل عبدالفتاح السيسى وبيتمحكوا فيه

 محمد مورسى يعود ليستكمل الكلام : ماهو أنا معايا بردو حزب وطنى الجزء التانى دا غير الجناح العسكرى الخاص بدولتنا اللى جوه الدوله وأحتلينا كل مؤسسات البلد دا غير الخلايا النايمه وماشابه وأنت بقى فاهم الفوله وكدهووون

محمد حسنى : والله يارفيق الواحد كان ممشى البلد بالقروض اللى كنتم بتحرموها والمشى فى ديل أمريكا ورضى إسرائيل على قرشين تسهيلات على صفقة صوايخ مضروبه للعراق على قرشين من صفقة حمير أفغانستان وأهى كانت بترزق

 
محمد مورسى : ماهو أنا يا أخى فى الله بردو جبت قرض ورفعت الضرايب بس قرض مش حرام لأن معاه محِرم وبقينا ديل أمريكا ولإسرائيل أعزائى وأحبائى فى الله

محمد حسنى : طيب أنا كنت مصهين على الأنفاق اللى بينا وبين غزه بس كان قلبى مع أهلنا هناك بس كنت بحمى سينا أنت عملت أيه ؟؟؟

محمد مورسى : أنا كنت عاوز أهد الأنفاق لأنى كنت عاوز أنقل غزه هنا ونكون أهل وعشيره مع بعضينا وسينا تبقى كامله ليهم ولو كنت طولت شويه كان فيه ناس حبايبنا فى الخليج مكلمنى على قناة السويس وأهى كانت حترزق

محمد حسنى : أنا أتحاكمت لأن مات فى عهدى خالد سعيد وفى 18 يوم مات ناس معرفهاش وقالوا عليهم ثوار وقالولى أنت اللى حتحاكمنى وتجيب حقهم منى

محمد مورسى : وأنا أتحاكمت لأنى وعدت فأخلفت وحدثت فكذبت وخاصمت معارضيا ففجرت وعملت لجان ألكترونيه تشوههم ومات فى عهدى جيكا والحسينى أبو ضيف وغيرهم ولم أستطع حمايتهم بل قتلهم أهلى وعشيرتى سبب مصيبتى وسربت معلومات لبلد حبايبنا فى الخليج

 

محمد حسنى : قوم بينا ننام ونطلب من ربنا الرحمه والغفران والعفو من الله والشهداء لأن دمهم لعنه علينا

محمد مورسى : بس أنا أعرف الميتين مابيناموش بس على قولك فعلا يلا ننام لأنى تعبان من التفكير لأنى مكنتش بفكر وأنا فى الدنيا كان التفكير بيجينى جاهز وأنا أنفذ آتارى التفكير دا متعب قوى ياأخى منكم لله يامصريين محدش يقدر عليكم لا أنا ولاهو ولا ديكهما

الأتنين المحمدين فى نفس واحد : أحنا مكناش طالبين سلطه ولا جاه

هنا يظهر محمد آخر من الأخوه الأموات بعد أن سمع حوارهم أومال كنتوا طالبين أيد أمى نام ياميت منك له وسيبوا البلد بقى فى حالها خلى اللى ماسيكها يعرف يعدلها ومسمعشى صوت ميت هنا فى الآخره منك له ولما يجى أى حد من بتوع حزب مستقبل وطن صحونى أستقبل اللى جابوا أمه

حوار تخيلى يشرح المشهد السياسى بشكل ديالوج

جنرال بهاء الشامى

اللامعقول فى عالم العقول رقم 48

السيطره الذهنيه العاطفيه هى أحد حروب المخابرات السيكلوجيه

بعيدا عن تعقيدات المصطلحات السياسيه والمخابراتيه والنفسيه فتعتبر السيطره الذهنيه أحدى سلبيات المتلقى فى الشأن السياسى المعنى به مقالنا

من المؤكد والحتمى أن السيطره الذهنيه تنقسم لعدة أقسام أو فروع ورغم خطورة جميع فروع السيطره الذهنيه إلا أن أشرسها السيطره الذهنيه العاطفيه

كتبنا كلمتين باللغه الأكاديميه علشان الأخت الجزائريه ثريا بتقول ياريت تكتب بالعربيه الفصحى وكتبت الجملتين دول لتبيان مقدرتى فقط لاغير ولكن كتابتى بالعاميه هى نزولا على رغبة الساده المتابعين بعد فشل حلقات  الأوليجاركيات الهوهواتيه الأخوانيه فى الحصول على المتابعه اللائقه لكن تعالى نكمل بلغتنا العاميه بعد أذنك ياثريا

فيه فى علوم النفس حاجه أسمها تأثير شخصية الحاكم فى المحكومين يعنى عندى مثلا حاكم زى عبدالفتاح السيسى شخصيه لها خلفيه مخابراتيه ونتيجه لوجود حاله عاطفيه بين هذا الحاكم ومحكوميه سواء مؤيدين أو معارضين تأثر المحكومين بشخصيته المخابراتيه وتعالى نوضح النقطه دى

قبل ظهور السيسى مكانشى حد بيتكلم فى علوم المخابرات هذا العالم المجهول عالم اللامعقول فى عالم العقول لعدة أسباب منها الغموض الذى يحيط بهذا العالم وبراعة التخفى فى نشاطه وأتحداك تجيبلى فيديو لمحمد ناصر أو معتز مطر أو أى معارض أو مؤيد كان بيتكلم فى الشأن المخابراتى لكن بعد ظهور السيسى أصبح الجميع مؤيد ومعارض قد أقحم نفسه فى الحديث عن هذا العالم الغامض الذى يحتاج للحديث فى 5 % فقط مما يدور فيه لقراءه مكثفه شبه يوميه لمصادر لاحصر لها

أتحداك تجيبلى بوست من على الفيسبوك لأى حد بيتكلم فى الشأن المخابراتى قبل أنتفاضة 30 يونيه وأبسط دليل فيلم الصعود للهاويه قصه حقيقيه لعمل مخابراتى لكن عند عرض الفيلم فى السينمات فى عصر السادات كان الأعجاب بالفيلم كوازع وطنى بعيدا عن الوازع المخابراتى بعيدا طبعا عن المتخصصين فى الشأن المخابراتى أو المثقفين مخابراتيا

الكلام اللى قلته كله جميع أجهزة مخابرات العالم تعرفه جيدا عندنا حاليا الفيسبوك أحد مراكز السيطره الذهنيه العاطفيه أحد أشرس أنواع السيطره الذهنيه وتعالى نتكلم بلدى على الآخر

نتيجة حبك مثلا للسيسى ولا أحد ينكر عليك ذلك سوى كارهيه ونتيجة تأثير شخصيته المخابراتيه عليك فأنت تتوق لسماع أى أخبار عنه أو عن عالم المخابرات وهنا بقى فرصه ذهبيه لجهلاء الفيسبوك المعروفين شخصيا أو لأكونتات لجان مجهولة الشخصيه زى مثلا محسن ممتاز والصقر الجارح وصقر راجع وماشابه ذلك يبدأوا ينسجوا خيوطهم الشيطانيه حولك نتيجة متابعتك لهم بدافع حب المعرفه وحبك للقائد وتأثير شخصيته عليك وينسج خيوطه العنكبوتيه حولك ويلقنك معلومات يتقيأ منها العقل المثقف زى مثلا دهان الطائرات أسمر علشان مش تظهر على أجهزة الردار (( كلام فى منتهى الجهل )) أو موضوع الطائرات المجهوله أو لبدنا لهم فى الدره وأستخبينا ورا حزمة جرجير ثم أنقضضنا عليهم أو موضوع المرحوم عمر سليمان سيعود حاملاً للصولجان ليحمى العرين من أشرار المعبد وكل الكلام الجاهل اللى بتقرأه على الميديا

طيب إيه وجه الخطوره من هذه السيطره الذهنيه العاطفيه ؟؟؟

أولا : من خلال التعليقات قياس مدى ثقافة المتلقى ومدى تفكيره ومدى عقلانيته أن كان مصدقاً لهذه الخرافات من عدمه

ثانيا : من خلال التعليقات قياس مدى ثقافة المتلقى لبناء الخطط عليها

ثالثا : سهولة تحريكه فيما بعد عندما يحتاجون له زى موضوع بنجهز قواعد ومسيطرين على سد اللمبه وحنضربه فى أى وقت وحنجيب عاليه واطيه ويمكن دولة أندوميا تقدمت فعلا بشكوى رسميه للأمم المتحده من هذه البوستات وأعتربته توجه الدوله الرسمى لكن المنظمه الأمميه أحتفظت بالشكوى لعدم رسميتها

رابعا : البعض من الخاضعين لهذه السيطره عند حدوث أى أنتكاسه سياسيه بعد أن أوهموه أنهم يحركون كل خيوط المشهد العالمى وقدروا يوهموه أن الأسطول السادس الأمريكى فعلا تحرك وأنتهك سيادتنا على مياهنا الأقليميه زى ماتكون مثلا سايبه لكن ياكبدى الأسطول السادس أستفاجأ أن الطيرات كانت لابسه أسود وظهرت فجأه قدامه فلم ديله فى سنانه وجرى رغم أن الحقيقه العقلانيه أن أوباما كان فى نيته يعمل كده فعلا لكن وزير دفاعه حذره من مغبة لتحرك العسكرى ضد مصر لوضع جيش مصر الخاص وتعاطف أصدقاء مصر معها وبالتالى تتأثر مصالح أمريكا بالمنطقه العربيه يعنى كان الموضوع مجرد مناقشه فقط ووزير الدفاع الأمريكى نصح رئيسه بتوابع التحرش بمصر عسكريا فلم يجد الغبى أوباما كما وصفه ترامب سوى حجز الطائرات الأباتشى ودفعت أمريكا ثمن هذه الحادثه غاليا

نرجع تانى لموضوعنا وهو المتلقى اللى أتبنج بقوة بلده الخارقه التى لاتقهر عند أول دروب أو حادثه بسيطه يتسأل بينه وبين عقله أين كل ماقيل عن قوة الرئيس والمخابرات التى لاتقهر وهنا يصيبه الأحباط ويفقد الثقه فى  كل شئ ويفزع لمجرد تصريحات من الجانب الأندومى ويصدق أن بلده ستنهار من مجرد تصريح وتخسر مؤسسات الدوله أهم قوة دفع لها وهى الظهير الشعبى الذى أعترف صلاح نصر فى كتابه الحرب النفسيه أن مخابراتنا شبه هُزمت عندما فقدت ظهيرها الشعبى وزاد الحمل عليها لمجرد ترديد مصطلح (( الحيطان لها ودان )) وينفر المتلقى من تلقى مصادر معلومات من مصادرها الرسمسه ويلجأ لمصادر أخرى وهنا يكون صيداً سهلا مثلا لقناة الجزيره فتستطيع من خلال برامج مكثفه أن تصنع منه ثوره تخريبيه ضد بلاده كما حدث بالكربون فى جريمة 35 ينايم عام 2011 م

تثقفوا يرحمكم الله وأعلموا أن أول أمر نزل بالقرآن هو أقرأ وبالطبع لم يكن القرآن يقصد القراءه بمعناها الحرفى لكن كان يقصد الطلاع والتحصيل المعلوماتى

ربنا لم حب يعرفنا فى القرآن أهمية الثقافه والمعرفه جعل الملائكه تسجد لآدم لمجرد العلم والمعرفه ومعرفته لمعلومات أكثر من الملائكه فلم تسجد الملائكه لآدم لشخصه لكن سجدت للمعرفه والمعلومه التى تفوق بها آدم على الملائكه

السؤال الآن :

هل أنت راضى عن مستواك المعرفى والتحصيلى فأن كان فاتك القطار فلا تنزعج تستطيع تعويض مافاتك بشرط توفر النوايا وزى ماقلتلك قبل كده كانت جدتى رحمها الله لاتقرأ ولاتكتب لكن كنت بشترى لها الجورنال وأقرأه لها نظير أجر مرتفع جدا (( قرش صاغ )) لحبها فى الثقافه ولرغبتها أن تنفذ أول تعليمات المولى عز وجل

       جنرال بهاء الشامى

الباشا الحمار وقطيع الخرفان

فى عام 2050 ميلاديه وبعد ثلاثون عاماً من الآن جلس راوى الحواديت فى أحدى قرى مصر يروى للأطفال الصغار حدوتة الزمان وبعد أن أتكأ على آريكته الناعمه والأطفال يجلسون من حوله فى أنصات رهيب لجميل وروعة حواديته وبدأ روايته فى أحدى الليالى موجها حديثه لأطفال قرية المحروسه قائلاً كان ياماكان ياساده ياكرام ومايحلى الكلام غير بالصلى على النبى العدنان فى عام 2013 ميلاديه كان فيه راجل أسمه أبو أحمد له 4 أولاد وبنت وكل اللى حيلته من الدنيا عشه صغيره وحمار لكن الحمار كان شقى بالأضافه لقطعة أرض يأكل من خيراتها  

كان عمنا أبو أحمد يريد أن يبيع هذا الحمار الشقى لأنه  كان لامؤاخذه بيرفس الأولاد ويأكل ما فى الأرض من زراعه فنصحه عقلاء المنطقه بتغير الحمار

ذهب أبو أحمد ليبيع الحمار ويشترى آخر وهو فى طريقه قابل أحد الشيوخ الذى تظهر على وجهه علامات الإستقامه وكلامه كله عن الأخلاق والدين فنصح أبو أحمد أن يشترى حمار من عنده ومعه مجموعه من الخرفان  وقال له هذا الحمار طيب و
أيضا تلك الخرفان وحتساعدك على أحوال المعيشه تستغل لحمها فى الأكل وعمل الجبن القريش وتلبس الفرو فى الشتاء وتستخدمه كمفارش للأرض

وافق أبو أحمد على الفور وما أن رجع عشته ودخل من الباب حتى سمع أحد ينادى هاى _ هالو _ هالو _ أرشنتيه _ بسيه كومبازيه  

تعجب أبو أحمد لسماع صوت مزه أجنبيه صاروخ فى الجمال وأحمر وأصفر وشعر فضى ناعم لامع  تنادى من وراء قطعة القماش التى تقوم بدور الباب (( ستاره )) أبو أحمد لم يصدق أذنه وظن أنه يهذى بسبب الحر هاي _ هالو ؟؟؟ 

خرج أبو أحمد مسرعاً فرأى سيده أجنبيه جميله وأنيقه ومعها مترجم ويرافقها صحفى ألفرنجا يصور كل شئ حواليه وخاطبه المترجم  أنت أبو أحمد ؟؟؟ نعم أنا أى خدمه يا بيه ؟؟؟ هذه السيده هي مدام جاكلين وهى تمثل منظمه إنسانيه ذات أهداف نبيله ... أهلاً وسهلاً مرحباً بكم وهنا أخذ عقل أبو أحمد يعمل بسرعه يا الله ياواد ياأبو أحمد والله البليه حتلعب معاك والفرج قد بان وها قد وصلت يد المنظمات الإنسانيه إليك لتنتشلك من البؤس اللى أنت فيه ... يا ماأنت كريم يارب

قاطع المترجم الرخم أفكاره وقال منذ مده ونحن ندرس بدقه أوضاع المنطقه التى تسكن فيها كى نعرف من يحتاج أن نمد له يد العون والمساعده … بارك الله فيكم ربنا يعمر بيوتكم ربنا يخلى عيالكم ربنا يفرح قلوبكم  

ثم قال المترجم بعد دراسات طويله ومعمقه للحالات المقدمه وقع إختيارنا عليك ... أشكرك يا رب ألف شكر وحمد ليك يارب وقررت الجمعيه أنها توفر لك مأوى  

قاطعه أبو أحمد وأخذه بالاحضان وأخذ يقبله والمترجم يحاول التخلص منه ... والله أنتوا جدعان والله أنتوا أحسن ناس بجد ما يجيبها إلا خواجاتها الناس بتوعنا ولا حد سائل فى فقير ولا مسكين هم ساكنين فى فيلات وأبراج وأحنا ساكنين فى العشش والخرابات والصفيح ولما يحبوا  يعملوا عمل خير يروحوا يدو فلوسهم لبتوع إعصار كاترينا فى أمريكا وكأن إحنا ماعندناش حد محتاج بس الحمد لله الفرج جه على أيدكم أنتم يا خواجات يا أمرا

سيبنى أكمل ياعم أبو أحمد إحنا ... قاطعه أبو أحمد مجدداً بس إن شاء الله يكون بيت ومش شقه علشان أنا ما أقدرش أسيب الحمار بتاعي ده برضه عشرة عمر وكنا سوا فى الحلوه والمره السنين دي كلها  

هو ده بيت القصيد قالها المترجم فرد أبو أحمد يعنى إيه ؟؟؟  يعنى أن المنظمه الإنسانيه اللى المدام بتمثلها تعنى بحقوق الحيوان  

برضه ما فهمتش ؟؟؟  ... إحنا شفنا إنك بتربط الحمار بتاعك فى الشمس من غير ما يكون فيه حاجه تحميه من الشمس وعلشان كده هما قرروا أنهم يبنوا مأوى للحمار من الشمس والبرد  

طب وأنا ؟؟؟  إنت إيه ؟؟؟  أنا أروح فين ؟؟؟ مش شايفين الخرابه اللى أنا ساكن فيها ؟؟؟ لا فيها باب ولا شباك ولا سقف حتى … والله دي مش مشكلتنا ولا إختصاصنا إحنا بنعتنى بحقوق الحيوانات وبس ومالناش دعوه بالبني آدمين

أصيب أبو أحمد بالذهول والصدمه وقال بقى أنتوا شايلين هم الحمار وجايين وفد وصحافه ومترجم ومش شايلين همى أنا البنى آدم صاحب الحمار ؟؟؟ يعنى إحنا فى عيشتنا ما حصلناش حتى الحمير ؟؟؟

إلتفت أبو أحمد فوجد السيده المزه الأجنبيه بتاخذ صوره تذكاريه مع الحمار ثم ركبوا السياره وذهبوا  

ما إن  وجد الحمار كل هذا الإهتمام حتى تمرد وأخذ يعض ويرفس والخرفان تنطح فى أولاد أبو أحمد حتى توفى أتنين من الأولاد وباقى له إتنين مصابين من النطح الخرفانى فهل سيتخلص الأولاد من الحمار والخرفان ولا حيوافقوا ويعيشوا كده لأن الحمار طلع باشا أو الباشا طلع حمار ... حتى تلك اللحظه مازال أبو أحمد يجر أذيال الخيبه وذهب ولبس الجلابيه وخرج وفك حماره وقال شى يا حمار وإلا أقولك أتفضل شى يا باشا أحسن أنا ما بقيتش عارف مين فينا اللى حمار ؟؟؟

فى نهاية تلك القصه أبطالها كالآتى :  

الحمار والخرفان والباشا والأولاد  لأن حتى تلك اللحظه لم يظهر البطل الحقيقى الذى يتخلص من الحمير الرافسه والرافضه للديمقراطيه والحريه والخرفان المتمرده التى تتبع وتنساق وراء الحمار دون النظر للطريق أو التفكير والتعمق بإرتباطها جغرافيا بالمكان ولكن البطل الحقيقى هو من أستطاع أن يخلص المكان من الحمار المسنود بمنظمات حقوق الحيوانات والخرفان التى كانت تتبعه ويطلقون عليه فى الأساطير أبو بنطلون رصاصى

جنرال بهاء الشامى 

الملف الليبى وخطورته على مصر رقم 16

أنسى كل اللى قرأته على الفيسبوك عن الملف الليبى وركز ذهنك معايا علشان حنحاول نفك الشتباك العقلى فى الملف الليبى ونعرف ليه السيسى أعلن عن مبادرة القاهره فى 7 / 6 / 2020 م

غير خافى على أحد وجود المال القطرى وتأثيره فى الملف الليبى وغير خافى أن المال القطرى ماهو إلا تمويل لصراع بالوكاله فى الملف الليبى

خلينا نقولها واضحه وصريحه أن الصراع حاليا بين مصالح اللاعبين فى الملف جانب تتزعمه مصر وجانب تتزعمه أمريكا وروافدها بأموال قطريه

الملف الليبى بعد 2011 م وبعد الدب الروسى مطلع نفسه منه بإرادته بتقاعسه عن الوقوف فى وجه حلف الناتو ووضحت الجزئيه دى فى فيديو مصر لاعب محورى وقال إيه كل فاشل فى الملف الليبى كان عاوز يلبسها لعمرو موسى معتمدين على جهل الناس فى معرفة مهام أمين عام جامعة الدول العربيه (( منظم جلسات فقط ليس له حق التصويت أو أتخاذ القرار ))

المعادله الأصعب تكمن بين الليبيين أنفسهم إذ تعتبر سلطة طرابلس برئاسة السراج أنها السلطه الوحيده الشرعيه المعترف بها من قبل الأمم المتحده نظراً لإنبثاقها من مؤتمر عُقد برعايه دوليه ولكن هذه الصوره غير مكتمله إذ إن مؤتمر الصخيرات جمع القوى السياسيه التى تؤلف حكومة الوفاق إلى المجلس النيابى الهيئه الشرعيه المنتخبه إضافه إلى الجيش الوطنى الذى فاز بإعتراف البرلمان وعندما لم يعط المجلس النيابى المنتخب الثقه الدستوريه لسلطة الوفاق أنقسمت المؤسسات إلى أثنتين حكومه برئاسة السراج فى الغرب معترف بها دولياً وبرلمان ليبيا المنتخب فى الشرق بجوار مصر وهو أيضاً حائز على شرعية الصخيرات ومعترَف به من الأمم المتحده وهو أعترف بدوره بالجيش الوطنى الليبى وهذا يعنى أن جميع الأطراف معترَف بها من قبل الأمم المتحده ولكن أجنداتها تختلف مع بعضها البعض وتدعمها قوى إقليميه مختلفه فحدث تضاد فى المصالح للأطراف الداخليه والأطراف الفاعله الداعمه خارجياً وتعالى نوضح الجملتين الأكاديمى بأسلوب مبسط وشعبى

الملف الليبى كان ماشى هادى كلاسيكى لحد أتفاق الصخيرات اللى طلع منه حكومة تسيير الأعمال بقيادة السراج بصلاحيات محدوده وأعترف بها المجتمع الدولى وعلى رأسه الأمم المتحده

أنبثق عن هذا الأتفاق مجلس النواب المنتخب وهو آخر كيان منتخب فى ليبيا ومعترف به أيضا دوليا يبقى عندى حكومة الوفاق معترف بها وجائت من خلال أتفاق ومجلس نواب معترف به وهو أقوى شرعيا لأن شرعيته أستمدها من إعتراف دولى + أنتخابات من الشعب نفسه

مجلس النواب المعترف به من العالم وبشرعية أنتخابيه أعترف بالجيش الليبى كجهه وحيده مسلحه فى ليبيا لحماية مقدرات الشعب الليبى يبقى عندى وركز فى كلامى 3 جهات معترف بها ونرتبهم حسب القوه الشرعيه مجلس النواب ثم اللى أعترف به مجلس النواب وهو الجيش الليبى ثم حكومة الوقواق المتفق عليها فى أتفاق الصخيرات بالمغرب

مجلس النواب لم يمنح ثقته لحكومة السراج بعد بعض الأخفاقات وزى ماحصل بالظبط بالكربون فى الملف الفلسطينى جرت حماس وأحتلت غزه جرت حكومة الوقواق وأحتلت طرابلس وبدأ المال القطرى يظهر بقوه عن طريق دعم ميلشيات إرهابيه أُمرت أن تدعم حكومة الوقواق بالأمر فزاد الأمر تعقيداً

كل ده وأحنا وغيرنا شكلنا بره الليله والدنيا ماشيه كلاسيكى وبدأ الجيش الليبى بدعم مصرى سعودى أماراتى يتعامل مع ليبيا كلها بشكل عسكرى وبالتعاون مع زعماء القبائل الليبيه بدأ يطهر التراب الليبى من الأوباش لكن كانت فلوس قطر نازله زى المطر على طرابلس وهاتك يادعم للأوباش علشان يدعموا حكومة الوقواق

حفتر خلص ليبيا كلها وطهرها لكن فيه خازوق فى غرب ليبيا فبدأ يشتغل عليه بشويش وبالراحه وحقق فيه نتائج مبهره بالنسبه طبعا لأماكنيات الجيش الليبى المحدوده والحظر المفروض عليه

حفتر كان واضح أنه مغرور ومتغطرس من يوم ماطلع على حاملة الطائرات الروسيه وعزفوا له السلام الوطنى وبتهرب منه وبيتحرك فى الملف بدون تشاور مع الدول المسانده له فى الملف

حفنر أتغر أو طمع فى التورتايه أو طمع فى ليبيا لوحده راح طالع قايل فوضونى لتحرير طرابلس بدون مايشاور حد فى الخطوه اللى أتخذها وكأن مافيش عشرميت طرف لهم مصالح فى الملف وده كان واضح فى ردود الأفعال والمفروض لو فيه تشاور كان أول مطلع طلب تفويض كانت مصر والسعوديه والأمارات وروسيا أعلنوا عن تأييدهم لكن للأسف فوجئنا أن الدول دى تحديدا ألتزمت الصمت

اللى زود الطينه بلل أن حفتر أخد الخطوه دى بدون حتى مايشاور رئيس البرلمان اللى أداله الشرعيه ودى ظهرت فى أجتماع القاهره عقيله صالح قال زالت رواسب الخلاف

طبعا الدول الكبرى أتصدمت وكله ألتزم الصمت من طلب التفويض وهنا الجانب التركى لقط الخيط الكل باعوك ياروتشيلد فبدأوا بأموال قطر من التدخل بشكل سافر وليه لأ واحد مغرور ومالوش ظهر وكل تخلى عنه

كله ألتزم الصمت لأن كله أنصدم أزاى حفتر عاوز ياكلها لوحده وتركيا لقطت الخيط وفهمتها وبدأت تطحنه عسكريا بتدخل بشكل مباشر خصوصا أن كله تخلى عنه بما فيهم مصر

بدأ ماحققه حفتر يتراجع أمام الجميع والمجتمع الدولى شبه موافق على ماتفعله تركيا لكن ليه كله سابه وتخلى عنه مع أن ماتفعله تركيا ليس فى صالح الجميع وبيعطى فرصه أن تركيا تاخد أكبر قطعه من التورتايه ؟؟؟

كان لازم يسيبوه علشان يتكسر غروره لأنك لو فاكر بعد ماحقق أنتصاراته كان رفض كل محاولات الوسطاء للجلوس على مائدة التفاوض بما فيها مبادرة الرئيس الجزائرى تبون اللى أعلن أن حكومة الوقواق وافقت على لتفاوض لكن حفتر رفض

كده الأمور تعقدت لكن أبو بنطلون رصاصى أنقذ الموقف علشان يرجع الملف تانى زى ماكان قبل تهور حفتر بطلب التفويض فدعاه ومعاه عقيله صالح للقاهره وتصالحوا وحفتر عرف حجمه أنه مجرد شريك فى لملف وليس الملف كله وأعلن أبو بنطلون رصاص عن مبادرة القاهره وهى تقسيم السلطه ومحدش حيطلع من الملف خسران وكله له حته من التورته لكن بشرط تفضل على ترابيزة أرض ليبيا بدون ماحد يلهفها لوحده لذلك سارعت الدول الكبرى للموافقه على مبادرة القاهره فورا

أمريكا شكليا مش عاوزه تتخلى عن دور أنها كبيرة الكره الأرضيه فكان لازم تدعو جميع الأطراف لواشنطن للتفاوض على نقاط مبادرة القاهره عندها علشان تطلع فى الصوره لذلك بوتين دعا السراج لموسكو وبدأت جميع الدول تانى تدور على مصالحها وأعلنت الجزائر عن تجديد مبادرتها وتونس قالت أنا كمان وسيط على الحياد علشان اللى يوصل تتفاهم معاه لكن ترامب أنشغل بالداخل الأمريكى لكن هذا لن يمنعه من ممارسة دوره فى الملف الليبى لكن بتركيز أقل

كده عندى مشكله خارجيه نتجت عن تداعيات الملف الليبى وتدخل تورأيا العسكرى  بين عضوين فى حلف الناتو اليونان وتورأيا لكن اليونان تتميز أنها عضو فى الأتحاد الأوروبى فبدأت تورأيا تخترق المياه الأقتصاديه الليبيه اللى لسه لم يتم ترسيمها فبدأ الأتحاد الأوروبى يدخل على الخط بعد وضع مبادرة القاهره لنقاط حلول مقبوله موضوعيا وبدأت سفنه تنتشر لتعاود فرض حظر تصدير السلاح وسارعت اليونان بترسيم حدودها مع إيطاليا وبعد بكره حتوقع أتفاق نهائى مع القاهره بهدف واحد كسر تدخل تورأيا فى شوية غاز وسط وشرق المتوسط

بدأت روسيا تانى تنزل بتقلها وأرسلت مرتزقه سوريين عن طريق شركة أمن بحجة حماية المنشآت النفطيه ورجعت أمريكا تانى للملف وأتصلت على حفتر وفكرته بضرورة التنسيق معاها فى مكافحة الأرهاب أو بشكل آخر ضرب السراج رغم أنه تدعم حكومة السراج يعنى بتلعب على الونجين زى تونس والجزائر لكن الملف لازال رغم فك الأشتباك منه معقد بعد أن تدخلت روسيا فيه بشكل مباشر وأتهمتها واشنطن بإشعال حرب وكاله بين السوريين بعضهم البعض فى ليبيا وقالت نفس الأتهامات لتورأيا

  

بدأت مصر كبديهيات أمن قومى فى تحريك مدرعاتها ناحية حدودها الغربيه وعمل مناورات جويه فى المطارات الغربيه وقاعدة محمد نجيب كنوع من أنواع الأنذار لتورأيا أى زياده بعد كده عندنا أستعداد للتدخل البرى بحجة حماية أمننا القومى أو بحجة منع توغل وأقتراب ميلشيات مرتزقه من حدودنا الغربيه وردت عليها تورأيا بتمثيلية أنها عملت ياكبدى مناورات بحريه فى مياه ليبيا ورديت عليها فى مقال الهجص الناشف بقى ورور والطيران بقى لعبى ومتهور ومعاك الرابط

https://genralbahaaelshamy.blogspot.com/2020/06/blog-post_13.html

لازال عندى نقطه محل خلاف وهى وجود روسيا وتورأيا فى ليبيا وتورأيا بتقول وجودنا شرعى لأننا متفقين مع حكومه شرعيه لكن روسيا وجودها غير شرعى فى ليبيا وظهر ده فى تصريح الشويش أوغلوا لما قال وجودنا بأتفاق شرعى مع حكومه شرعيه عكس الدول المتواجده فى شرق ليبيا وطبعا يقصد روسيا ولأول مره بوتين يبقى عصبى ورفض سفر وزير خارجيته ووزير دفاعه لتورأيا فى آخر ساعه إعتراضا على تلميحات الشاويش أوغلو

بنظره شموليه فى الملف كله خايف على مصالحه وكله خايف من وصول طرف واحد للسلطه علشان كده كله عجبه مبادرة القاهره وكله بدأ ينسق مع بعضه لدرجة أن تورأيا بدأت بشكل علنى تطلب التنسيق مع القاهره لكن تصريحات الشاويش أوغلو لازالت تتسم بالفنجريه والعنطزيه العثمانى لذلك لم ترد مصر على رسالة تورأيا مرتين ورفض بوتين على آخر لحظه زيارة وزيريه لتورأيا

عاوز تاخد الخلاصه هات ورقه وقلم وأكتب

علشان الملف الليبى يتفنش لازم كل الأطراف تنسق مع بعضها  وأحنا فى شهر يونيه وترامب مشغول بكورونا ومشاكله مع الصين ومنظمة الصحه العالميه وشغل المظاهرات الداخليه اللى عنده وكل ماحنقرب على شهر أغسطس شهر المعارك السياسيه كل ماسيتم أهمال الملفات العالميه خصوصا وأن بعض الملفات العالميه الحساسه المباشره ألتهبت زى اليابان وأمريكا والكورتيين  والصين والهند (( روسيا حتتدخل فى الملف ده بسرعه وحتلمه لأنه يهمها علاقة الهند والصين تكون هاديه لأنهم شركاء معاها فى سوق السلاح وتصنيعه )) ولن تهدأ المناوشات السياسيه قبل نهاية شهر سبتمبر وندخل على الأستعداد للأنتخابات الأمريكيه يعنى الملف الليبى حيفضل فيه شوية مناوشات لحد نوفمبر ومحدش حيتحرك بثقل أو بجد إلا بعد شهر نوفمبر القادم لأنه كل دول العالم حتكون مهتمه تساعد مين فى الوصول للمكتب البيضاوى لكن يظل هدوء الملف الليبى والسورى فى أيد تورأيا لوحدها وده مرهون بتهور الأحمق أبن تنزيله اللى ممكن يجرك غصب عنك لمواجهه مباشره لأنه ممكن خياله يقول له أستغل فرصة الأنتخابات الأمريكيه وورط ترامب وحلف الناتو فى قصه مالوش فيها ويحاول يحرج ترامب داخليا لكن كل هذا يعتمد على هدوء عقول القاهره لأن أى مواجهه عسكريه حتى لو أخرجت تورأيا نهائيا من المشهد الليبى ستعقد المشهد أكثر وأكثر لأنك ممكن تلاقى نفسك بتحارب عشروميت جبهه فى ليبيا بالوكاله يعنى تبقى داخل فى نيتك تطلع تورأيا فقط من الملف تلاقى دول تانيه قصادك بالوكاله وبعدم مالى قطرى وتتوحل فى حرب الله وحده يعلم نهايتها وكم تكلفتها وصدقنى ممكن تلاقى نفسك بتحارب الجيش الليبى نفسه لصالح روسيا اللى حتستفيد من بيع السلاح أو بتحارب القبائل الليبيه لحساب اللى  يمولها والدول اللى بتدفع فلوسها بالعبيط

دخول قوات مصريه فى ليبيا مش حيحصل لكن ألف باء حنقف على حدودنا ونلعب سياسيا ودعم مباشر وغير مباشر فى ليبيا لكن اللى حيهوب ناحية حدودنا هو عارف كويس أنه حيندفن قبل مايخطى سلك حدودنا وفعل مش كلام زى غيرنا أما بقى أكونتات العبط بوك تهرتل وتهبد السياسيين مابيعملوش خاطر لبتوع الفيسبوك

جنرال بهاء الشامى

  

إتفاقيات السموات المفتوحه والزفته سياده

                                    

إتفاقيات السموات المفتوحه هى أتفاقيات لها شقين أخطرهم الشق العسكرى 

يوجد من هذه الأتفاقيات نوعين النوع الأول دولى والنوع الثانى ثنائى ورغم تشابه الأسماء لكن جوهريا هناك خلاف شاسع بين الأتفاقيات الدوليه والأتفاقيات الثنائيه

أولا الأتفاقيات الدوليه يطلق عليها معاهدات وتعالى نوضح الفرق بين الأتفاقيه والمعاهده

المعاهده حاجه كده أتفاق بين دولتين أو أكثر ملزمه للجميع وممكن تكون أتفاقيه برعاية طرف ثالث فتصبح معاهده

الأتفاقيه أتفاق بين دولتين ملزمه للطرفين فقط وفى حالة أتفاقيات الحدود ترسل للأمم المتحده وبعد عدم إعتراض طرف عليها تتحول لمعاهده ملزمه للتخين فى خلال 60 يوم 

معاهدة السموات المفتوحه فيه فعلا معاهده بالأسم ده ووقعت تقريباً عام 2002 م وأنسحب منها الواد ترامب وفى ملخصها تعتبر معاهده تسمح لجميع الموقعين بمراقبة نشاط الدول الأخرى وممكن تكون فيها طيارات إستطلاع وتصوير وخلافه والغرض منها مراقبة النشاطات العدائيه العسكريه

نيجى لموضوع أتفاقيات السموات المفتوحه الثنائيه وركز معايا الله يرضى عليك

قلنا الأتفاقيات بين طرفين فقط وهنا ممكن تكون بنودها حسب رغبة الطرفين وزى مايتفقوا كل واحد حر فى بلده يسمح أو مايسمحشى حسب مايتفقوا

روسيا لاتمتلك قواعد عسكريه فى الشرق الأوسط زى ماأنت فاهم مش زى أمريكا اللى بدرت الشرق الأوسط قواعد عسكريه لتسهيل تواجدها فى أى مسرح عمليات محتمل بالسرعه المطلوبه وأتعلمت ده من حرب الخليج التانيه قعدت شهرين تحشد فى قواتها ولو كان صدام صايع عسكرى كان أجهض الحشد بأى طريقه فقررت بعد الحرب توسيع نشاط القواعد فى دول الشرق الأوسط لسهولة التواجد فى اى مسرح عمليات عسكريه محتمل

فيه دول عندها كرامه والزفته سياده وطنيه ولاتقبل تواجد عسكرى خارجى على آراضيها وفيه دول عندها موضوع القواعد عادى مشيها الناس لبعضيها ظناً منها أن القواعد بتحميها مع أن حادثة أرامكوا فى السعوديه بتقول الدول الكبرى مابتحاربشى لحساب الضعفاء

ماينفعشى يبقى على دوله قواعد لدولتان متضادتان وإلا كانت تورأيا فتحت آرضيها للروس زى الأمريكان

أذن الروس مفيش قدامهم غير إيجاد حل تانى ووجدوا ضالتهم فى موضوع السموات المفتوحه وتعلى نشوف روسيا كانت عاوزه إيه وحضرتك رفضته علشان يبقى عندك الزفته سياده وكرامه

روسيا عرضت على مصر توقيع أتفاقية السموات المفتوحه المتبادله يعنى تبادل مميزات هذه الأتفاقيات لكن بلدك رفضت

الأتفاقيه بتقول إيه بقى بالبلدى :

من حق روسيا ومصر يستخدموا سموات بعض ومطارات بعض وتنزل الطيارات تمون بنزين وتعمل صيانه فى مطاراتك وتتسلح وتبقى مطاراتك وسمواتك ومنشآتك العسكريه على المشاع قدامهم وطياريهم بيتفسحوا فى سمواتك ومطاراتك ومعاهم الأطقم الفنيه المساعده وقوات الأمدام والمعونه ومفيش بقى أسرار عسكريه حساسه بينا ماأحنا أخوات وبيوتنا مفتوحه على بعض  ولما أكون عاوزه أوجه ضربه جويه من عندك مفيش مشكله حتى لو حعملك مشاكل مع دول أخرى يعنى من الآخر قواعد عسكريه لكن مش قواعد ثابته ده كل مطاراتك تعتبر مطاراتى

الكلام حلو وشيك قوى لكن أنت كمصر حتحتاج مطارات وسموات روسيا فى إيه    لا لك مطامع فى دول حوالين روسيا ولا لك أعداء محتملين جنب روسيا وحتى لو أستغليتها مثلا مع عدو محتمل زى تورأيا هل روسيا حتوافق وخصوصا أن لها علاقات معقده ومتشابكه مع تورأيا

من هنا جاءت أسباب الرفض المصرى المنطقيه أتفاقيه تعطى مميزات لدوله والدوله التانيه مش محتاجه المميزات دى فى حاجه فخرج رئيس وزراء روسيا وقال عندنا إستعداد نعمل تسهيلات لمصر فى حاجات تانيه بس نوقع الأتفاقيه لكن مصر عملت من بنها علشان عندها الزفته سياده

عبدالناصر سمح بتواجد سوفيتى عام 1968 م على ماأتذكر على الأراضى المصريه بشروط سياديه علشان كانت ظروف الدفاع الجوى عندنا تتطلب دوله تحمينا بسرعه من تفوق الطيران الأسرائيلى وسمح بتواجد قطع بحريه سوفيتيه فى ميناء الأسكندريه وتواجد عسكرى جنب قناة السويس بـ 150 كم  ووضحتها فى حلقات مهندس حرب أكتوبر بالتفصيل لكن السادات لغى هذه الأتفاقيه ومن ساعتها لم تتكرر لأنك أصبح عندك الكفاءه تحمى نفسك من أى جزمه يهددك ويحسب لمبارك عدم سماحه للأمريكان بأى تسهيلات عسكريه فى عهده سوى سماحه لحاملات الطائرات الأمريكيه بالعبور من قناة السويس للوصول للخليج العربى لتقصير الوقت فقط لأنها كانت ممكن تسلك طريق رأس الرجاء الصالح أما غير ذلك فأحقاقا للحق رغم كل مساوئ مبارك الداخليه والخارجيه لم يفرط فى السياده المصريه أما السيسى دماغه قافشه وراسه وألف سيف ماحد عسكرى أجنبى يحط رجله فى بلدك

على فكره دول كثيره موقعه أتفاقيات ثنائيه على رأسها تونس مثلا والأتحاد الأوروبى

ملحوظه كمان فيه بعض الدول موقعه أتفاقيات ثنائيه للسموات المفتوحه للشق المدنى فقط وبالبلدى كده بسمحلك بأى عدد طيران مدنى وأى عدد شركات وفى أى وقت وبدون القيود العاديه أومال أيه هو أنت كنت فاكر الطيران المدنى بيطير كده كأنه فى سوق العبور لا ياعسل ده فيه أتفاقيات كام طياره وكام شركه تطير وكام ساعه فى اليوم وأى خطوط طيران تسلكها أحنا مش فى طريق وسط البلد تمشى بعربيتك مطرح مايجيلك مزاجك 

شكرا لكم متابعينا الكرام لأضاعة وقتكم الثمين فى قراءة هذا الموضوع اللى مالوش لازمه موضوع السموات المفتوحه

جنرال بهاء الشامى   

الهجص الناشف بقى ورور والطيران بقى لعبى ومتهور

                                   

الهجص الناشف بقى ورور والطيران بقى لعبى ومتهور وأحنا حنفرفش ونحفل أمتى أومال دلوقتى ولا فى سبتمبر تيلاااا لللا لللا لى الدنيا ربيع والقرد بديع قفلى على كل المواضيع مع كامل الأعتذار لسندريلا الشاشه العربيه 

                         

طالعتنا وكالات الأنباء بتسريبات لمسئولين عثمانيين وخلى بالك من الخبر التسريبات كانت لمين يانجم كانت لصحف محليه وأقليميه ولم تذكر التسريبات جهة المسئول أو صفته أو ثقله السياسى أو العسكرى يعنى أول القصيده هجص علشان لما حد محترم يطلع يرد متلاقيش مصدر ترد عليه أو تناقشه أو تكدبه ومعاك رابط الخبر 

https://www.elwatannews.com/news/details/4838057

                             


الخبر بقى بيقول إيه بالصلاة على النبى الصادق الأمين الذى أمر المسلمين بتحرى الصدق فيما بينهم أن قال إيه فيه طائرات أف 16 على شوية طائرات إنذار مبكر وطائرات نقل عسكريه وطائرات أمداد جوى على شوية طائرات كده مش عارف شغلتها الصراحه

الخبر بيقولك إيه كمان أن الطائرات دى كانت بتعمل مناورات جويه (( ولحد هنا بقى لازم كأى راجل عاقل محترم بيفهم تقف عند مناورات دى ))

بيقولك إيه كمان أن المناورات دى إختبار لقدرة تورأيا على الهجوم على منطقة ليبيا لو أضطرتها الظروف

طبعا تسريب خبر زى ده مقصود منه مصر أولاً كده وش وأوعى تقولى أن اللى سرب الخبر عيل من بتوع الفيسبوك اللى قال الكلام ده أو سربه أو أمر الصحافه تكتبه شخص فاهم بيقول إيه وعارف بيقول إيه ويقصد إيه من كلامه

نعرف الأول الهدف من نشر خبر زى ده أن تورأيا بتقول لو مصر تملك ميزة خطوط الأمداد السريعه لأرض معركه محتمله بحكم قرب موقعها الجغرافى من مكان المناوره الجغرافى فتورأيا تقدر توصل بسرعه ومش محتاجه مساعدة حد خصوصا أنه قال أن فيه طائرات تموين وقود جوى

طيب تعالى نشوف هل الكلام ده حصل ولا هو ظُرااااط عثمانى

نرجع لورا سنتين أتنين وكانت روسيا وركز فى كلامى بقول روسيا كانت بتعمل مناورات جويه أمام سواحل سوريا وفى المياه الأقليميه لسوريا وجزء من المياه  الدوليه ... عملت إيه بقى روسيا علشان تعمل المناورات دى لأن العمليه مش تخريط بطيخ للبط أنت بتتكلم فى مناورات عسكريه جويه فى مياه أقليميه ودوليه

روسيا أخبرت الأمم المتحده خلى بالكم يابشريه علشان محدش يعترض أو طياره له تيجى فى طياراتنا أو يحل أى دروب فى خطوط الطيران العسكرى والمدنى وأصحوا يابشريه روسيا حتعمل مناروات فى المنطقه الجويه الفلانيه من الساعه كذا لحد الساعه كذا ودى أحداثيات المناوره (( المكان وعدد القوات المشاركه ))  وأدينا نبهنا وأدينا خبر لمنظمه كبيرة الدول وهى حتبلغ باقى الدول

روسيا كمان علشان محدش يغلطها قانونا أرسلت أنذار لكل من لبنان وقبرص وقالت لهم حنعمل مناروات جويه فى الحته الفلانيه من الساعه كذا للساعه كذا ونبهوا على طيرانكم مايهوبشى ناحية المنطقه دى فى الفتره دى منع لحدوث أى تعارض أو دروب أو حوادث وأرسلت الأحداثيات للبنان وقبرص وأكيد حضرتك فاكر القصه دى

أذن كل حاجه لها أصول وتكتيكات وقوانين منعا للتضارب وحدوث مشاكل خصوصا أن فيه خطوط سير للطيران المدنى والعسكرى العمليه مش تخريط قشر بطيخ للبط ياعم الحاج

والسؤال الآن :

هل تورأيا عملت كده وعلى الأقل أخبرت الأمم المتحده بخطاب رسمى وهل أخبرت اليونان رسميا وهل أخبرت مصر وقالت لها متخليش أى طياره تهوب الناحيه دى فى الوقت الفلانى ؟؟؟

أحنا بنتكلم فى مناورات وشأن عسكرى مش بنتكلم فى سوق العبور وتعالى ورا ياسطى وهات عجله يمين أيوه خد سنه ناحية المرايه وخلى بالك من الرصيف أحسن فيه ست قاعده ومعانا على الصفحه خبراء عسكريين كبار أقل رتبه عسكريه فيهم برتبة لواء يراجعنى لو مفيش الكلام اللى بقوله

ليه مفيش أى دوله محترمه طلعت علقت على الكلام ده وخصوصا دول الجوار الليبى الجويه والبحريه أو على الأقل تقديم شكوى للأمم المتحده علشان نثبت واحده على تورأيا خصوصا أن فيه تحرش فى المنطقه وإيطاليا دخلت على الخط ومعاها الواد ماكرون

طيب ليه تورأيا عملت البالونه الأعلاميه دى أنا أقولك

تورأيا أمبارح طلعت بيان بخصوص الغواصات اللى ساحت وبتقول الغواصات فى الجزائر متصدقوش موضوع التشويش رغم طبعا أنها لتأكيد كلامها المفروض تنشر فيديو لمكان الغواصات أو تنشر تسجيل لأشارات من وإلى الغواصات بتاريخ حديث علشان العالم يصدق كلامها والخبراء التقنيين تحلله  والموضوع التانى هو الغارات الجويه الغاشمه للجيش الليبى اللى راح فيها القيادى الأرهابى الأخوانى أبو يعرب السورى هو ومجموعه من مرافقيه والموضوع التالت فضيحة تويتر وموضوع اللجان اللى أغلقت حساباتها وثبت أنها بتبث من تورأيا  وهى من خلال إعلامها ولجانها على الميديا مفهماهم أنها ياما هنا وياما هناك يعنى القصه تشويش على الكوارث الحقيقيه وحرب نفسيه ومراضية دراويش الأخوان اللى معنوياتهم كانت فى الحضيض أمبارح خصوصا بعد طلب وزير خارجيتهم التفاوض مع مصر

بإختصار الخبر رغم تداول وسائل الأعلام له وأعتب على الأعلام المصرى عدم نشر رد لأى خبير عسكرى على مواقعهم إلا لو لهم مآرب أخرى يعنى الخبر مجرد شائعات لرفع الروح المعنويه لدراويشهم وشغل حرب نفسيه 

جنرال بهاء الشامى