الأهرامات مصريه الجزء الأول

 

 

■■ سنبدأ معكم هذه السلسله بناءاً على رغباتكم وأرجوكم تتقبلوا أى معلومات صادمه فيها علشان نعرف نكمل السلسله لنهايتها علشان نضع حد فاصل وحاسم للجدل حول الأهرامات ومن بناها لأن اليهود يدعون أنهم بناة الأهرامات وسنعترف فيها بدورهم فى بنائها لكن ماهو دورهم هذا ماسنجيب عنه وقبل ماحد يهاجمنى حوضح لك نقطه مهمه لو أنت ماشى معايا فى الشارع ووقعت منى محفظتى وناولتها لى من على الأرض هل تصبح محفظتك ؟؟؟ (( مش عاوز أحرق السلسله فى الأول )) وححاول قدر المستطاع التمهيد الجيد للنقطه دى لأن هدفى الرد على اليهود مش على عبط السودانيين وهنا سؤال هام للأدارات المصريه المتعاقبه ليه مابنفتحشى ملف اليهود ونطالب بالتعويض لأننا فعلا سبب غنائهم الفاحش وسيطرتهم على الأقتصاد العالمى ومنهم بقى لله أجدادنا وعنادهم فى الحكام 

■■ قبل وجود البنى آدمين على الأرض كان هناك جن يسكن الأرض وأشاعوا فيها الفساد ومحاهم الله من عليها وبقى أبليس منفردا ومفردا ومكرماً لتعاونه فى القضاء على بنى جلدته مع الملائكه وبقيت خاليه ماشاء الله من السنوات حتى قرر الله إعادة أعمارها وقصة خلق آدم ولاداعى للخوض فى تفاصيلها لكن لو أحببتم أنا تحت أمركم لكن بصبغه تاريخيه وليست صبغه دينيه حيث لاأجيد الحديث فى الدين فله رجاله ومتخصصيه 

■■ ولد العداء لآدم منذ رقدته كطين صلصال فى منطقه بين الجنه والنار ممدا على الأرض بطول 70 ذراع وكان كلما مر أبليس من أمامه رفصه بقدمه فيرن الصلصال المصنوع منه آدم عليه السلام وتجرأ مره أبليس ودخل جوف آدم وشاهد عظمة خلق الله فيه وبعد أن خرج سألته الملائكه ماذا وجدت فقال وجدته أجوف ولأن سلط عليا لن يغلبنى ولأن سلطت عليه لأهلكنه ومن هنا تعرف أن العداء موجود فطريا قبل أن تبث الروح فى آدم 

■■ كلنا نعرف قصة عصيان أبليس والقرار بهبوط الأربعه من السماء للأرض آدم وحواء وأبليس والحيه (( الأفعى )) فهبط آدم فى جزيرة سرنديب وهى مايطلق عليها جزيرة سيلان الآن وهبطت حواء فى منطقة جده بالقرب من البيت الحرام وجبل عرفات وهبط أبليس باليمن وهبطت الأفعى أو الحيه بوسط آسيا وتحديدا فى شمال شرق العراق 

■■ عاش آدم وحيدا فتره من الزمن فى جزيرة سرنديب تعلم فيها حرفة الزراعه ورعى الأغنام على يد جبريل (( أول يوم نزول لآدم الأرض حدثت فيه مفارقات شيقه هى سبب صيامنا من طلوع الفجر للمغرب لأن أول يوم نزله آدم صامه بهذه الطريقه من الفجر للمغرب )) وظل آدم فى سرنديب حتى رأى حواء فى منامه وأحتلم وهو نائم وحدث جبريل فيما حدث فأمره جبريل بالأغتسال بالماء وسأله هل أشتقت لها وتحبها فقال آدم خلقت حواء من جزء منى فكيف لا أحبها وأشتاق إليها فقال له جبريل أستعد للسفر لكى تراها وتحضرها معك سنسافر للحج ورؤية البيت الحرام 

■■ سافر آدم لبكه بالباء وليست الميم وتلاقى حواء فى مشهد مهيب تأثر له جبريل وعاد آدم ومعه حواء لسرنديب بعد أن حج للبيت الحرام وقصة لقائهم على جبل عرفات الشهيره وأنجب منها أول بطن ولد وبنت وثانى بطن ولد وبنت وكان قابيل وأقليماء وهابيل وشيماء والقصه الشهيره وأنجبت حواء وسارت الحياه حتى أنجب أبناء آدم وصار له أحفاد كان منهم أدريس المحبب جدا لجده آدم وعلمه آدم من علمه وكان مقربا جدا منه ومدلل وهاجر أدريس بعد أن تزوج وأنجب لوادى النيل لإعمار الأرض (( وادى النيل هو مصر والسودان حاليا )) ومن قبلها كان قد هاجر عمه  مطرودا وأخذه أبليس لمكان هبوطه باليمن (( بتتبع التاريخ تجد ان اليمن أول ظهور للكفر يبدأ فيها وأرجع لقصة أسماعيل عليه السلام أبن أبراهيم أبو الأنبياء وجد العرب )) 

■■ كان مع أدريس فى وادى النيل زوجته وأولاده وكبرت الأسره وكثر عددها وزى ماقلتلك كان الحفيد المدلل لأدم والذى علمه آدم من علمه وحكى له قصة هبوطه من السماء وكان أدريس فقيها وراعى أغنام وحاكى ملابس وبدأ سلسال المصريين فى الوجود 

■■ زاد أبناء وأحفاد أدريس فى منطقة وادى النيل وزاد عددهم وكانت النزعه الوحدويه أو التوحيد بالله فيهم نتيجة تعليم أدريس لأولاده عن تعلم جده (( لاحظ أن المصريين لديهم فطريا نزعة التوحيد )) 

■■ كما زاد عدد المصريين زاد عدد أولاد عمه باليمن وعبروا لأفريقيا وتوغل المصريين ناحية الجنوب بجوار الماء (( نهر النيل )) وأصبحت منطقة وادى النيل كامله وطن لهم بدون حاكم للوطن ككل فلم تكن لسه بدأت فكرة حكام الأوطان وتقابل الأثنين فى وسط افريقيا وبدأ أنتشار الكفر والبعد عن التوحيد نتيجة تقارب وتداخل النسب بين أولاد أدريس وأولاد عمه ومن هنا تقدر تعرف أن أصل شمال ووسط أفريقيا الشرقى من أبناء أدريس ووسط أفريقيا الوسطى والغربى لأبناء عمه أصل الكفر

■■ بدأ أنتشار الكفر بالله حتى نسى المصريين أو أبناء أدريس الخالق الأصلى ونسوا جدهم أدريس لكن ظل الحنان للتوحيد موجود وظهر ملوك الفراعنه 

■■ كان الناحيه التانيه قدأ أمتلئت أسيا بالبشر واليمن وأواسط أفريقيا بجوار مصادر المياه أى بجوار الأنهار 

■■ سنتجاوز حقبه تاريخيه طويله لنصل لسيدنا يعقوب أبو يوسف وأخوته وكيف ظهر الغجر بحرف الـ غ (( أهل سيدنا موسى )) وسر كراهية الفرعون لهم وقصة بناء الأهرامات مع العلم أنه حتى هذه اللحظه التاريخيه لم يكن ظهر مصطلح كلمة السودان فأستسمحكم أنهاء هذا الجزء على وعد بالأستكمال لو فى العمر بقيه 

■■ قبل ماحد يسأل من بتوع الفيسبوك عن المصادر أنا حقولك على المصادر

سلسلة أجزاء قصة آدم والرسل لأبوبكر الجزائرى

سلسلة أجزاء قصص الأنبياء لنبيل على العوضى

والدتى رحمها الله مدرسة التاريخ المصرى القديم وده اللى حنستعين به فى شق الأهرامات تحديداً وتركز معايا علشان أقدر أوصلك اللى أتعلمته منها وليه اللبس الموجود فى موضوع بناء الأهرامات والمعابد المصريه

 

الموقف الأسباجتى رقم 9

 

كما هو معتاد فى سلسلة مقالات الموقف الأسباجتى ننصح بتناول أدوية الضغط وأمتناع أنصاف العقول عن قراءة المقال

 أتشال برقع الحياء والكسوف وأصبح كل شئ عادى وولى العهد السعودى يقعد مع ترامب ولو فاكرين كنت نزلت صوره له بجوار ترامب وقلت ترامب قرفان منه ليه وبعد نص ساعه وبدون أى تحضير إعلامى أو تمهيد سياسى زى مثلا مصر أختنا وعمرنا مانتخلى عنها وتنكتب مقالتين فى الصحف السعوديه تلطيف جو تعود أرامكوا لتوريد صفحتين البنزين بتوعها لمصر وواضحه قوى أن ترامب قال لصبى السعوديه أحنا محتاجين مصر دلوقتى وبلاش نضغط عليها بصفحتين بنزين تقدر تعوضهم من أى حته الكام شهر اللى جايين لأنها تقريبا فى نهاية العام ستكتفى ذاتيا من البترول والغاز ويبقى خلينا ماشيين بمبدأ إن جالك الغصب خليها أرامكوا وأحتمال كبير يكون الواد أتطمع فى الكرسى الكبير لو لبس السلسله ودخل قفص الكلاب الأمريكانى زى الواد أبن الخبره موزه

إيران تتمنالك الرضى ترضى وتتمنا تراب رجليك لأنها عارفه قيمتك كويس حتى وانت فى أهلك الظروف وأيران عارفه أنك تميل كده الملف يميل معاك وأيران أرسلت لك أكتر من رساله وأحترمت تواجدك العسكرى فى اليمن وتحترم تراب رجليك أينما كنت ولو مصر أرسلت وزير البيئه أو الصحه اللى مالوش أى لازمه ولا له ثقل سياسى لطهران فى زياره 20 دقيقه حتطلع أيران كلها تستقبله فى المطار ومش بعيد الخمينى يطلع من القبر بكفنه ليكون فى أستقبال عرة الوزراء عندنا .... طيب لما هى كده والسعوديه ضغطت علينا بكل ماتملك من أوراق مره تقول معترفين بإتفاقية كامب ديفيد وكل بنودها ومره الجبير يجرى على العراق يرمى قرشين علشان بترول العراق مايجيش مصر ؟؟؟

روسيا هى كمان بتضغط عليك بورقة السياحه رغم أنها عارفه أن السايح الروسى كحه ومعدوم لكن الموضوع أعلامى أكتر منه عملى وروسيا بتتعمد تقول للدول السياحيه أنا لسه معنديش ثقه فى مصر أمنياً وتحط تحت أمنيا مليون خط يعنى اللى عاوز يروح يحط أسثمارات فى مصر يصبر شويه لسه عندهم مشاكل أمنيه يعنى الموضوع مش موضوع السياح الروس بقدر ماهو فضحنا أمنيا وتعطل مشروع الضبعه علشان يضعفوا السيسى وهو عنده أنتخابات السنه اللى جايه والمشروع ييرفع من أسهم السيسى بين مؤيديه ويدعمه عالميا يعنى الموضوعين شهاده زى شهادة صندوق النقد الدولى وتخيل لما صديقك يقول عليك مش كويس كل الناس تصدقه عكس عدوك لما يقولها تبقى محل تشكيك .... طيب إيه سبب ده ؟؟؟ وأربط السؤال ده بالسؤال اللى قبله وتعالى نجاوب

 روسيا عاوزه تضغط على السعوديه فى الملف السورى ولها وجهة نظر وصحيحه تماما أنها لو تدخلت فى الملف اليمنى بقوه حتعرف تضغط على السعوديه كويس فى الملف السورى لكن علشان ده يتم لازم تكون لها رجل ورجل ثابته وقويه فى البحر الأحمر يعنى روسيا محتاجه دوله من حوض البحر الحمر تكون قويه عسكريا ومخابراتيا علشان توفر لقطعها البحريه اللى حتتمركز فى البحرالأحمر دعم فنى ومخابراتى ولوجيستى وأمدادات ومؤن وتموين وتسهيلات ملاحيه فى قناة السويس زى اللى عملها مبارك لأمريكا أيام حرب العراق ومفيش دوله فى الحوض تصلح إلا مصر لكن مصر راسها ناشفه ورافضه الفكره والمبدأ لأكتر من سبب .... قادة الجيش المصرى رافضين الحدوته دى نهائيا والسياسيين شايفين أنها بتقطع أى خيط فاضل من حبالنا مع السعوديه ومعنويا وأدبيا وقانونيا وعسكريا الموضوع ماينفعشى والسعوديه عارف كده علشان كده بتضغط عليك براحتها وعارفه أنك لايمكن تستخدم الورقه دى ضدها

 نطلع فوق تانى على الملف السورى ولازم تكون مذاكر كويس #سلسة_مقالات_مصر_أم_الكون ونقول أمريكا وأسرائيل كانوا موافقين على تعيين بشار الأسد فى سوريا لأنهم درسوا سلوكياته وطبيعته وردود أفعاله ..... أذن بشار رجل امريكا وأسرائيل بطريق غير مباشر لأن بشار الضعيف هو اللى جرى لما أتقاله بخ فى لبنان عقب مقتل الحريرى وهو اللى فتح سوريا للتفتيش أمام التفتيش النووى وهو بشار اللى حيقبل بدوله كرديه نصفها فى سوريا والنصف التانى فى العراق لكن العراق بدأ التعافى وحيرفض الفكره ولو العراق تخلص من داعش قبل نهاية هذا العام حتشوف عراق تانى لكن العراق وسوريا حيدخلوا فى حرب مع الأكراد اللى حيدعمهم أردوخان علشان يبعدوا عن تركيا وأفتراضا لو قامت كل دول العالم بالأعتراف بالدوله الوليده ستظل المنطقه فى صراعات وأتحداك تجيبلى مشكله حدوديه أتحلت قبل كده

الأمريكان والأوروبيين مطنشين أوكرنيا والقرم فى سبيل روسيا تقبل بدوله كرديه لكن أيران مش حتوافق وأسرائيل مش حتوافق لأنها ممكن تفتح الباب فى سوريا نفسها لنمو اليمين الدينى المتطرف وأسرائيل تهمها النقطه دى تحديدا ومصر عاوزه سوريا زى ماهى ومش حتعترف بالدوله الكرديه وأدبيا معظم الدول العربيه لن تعترف ولن تنضم للوطن العربى يبقى أنت هنا تلاقيت مع الأيرانيين والأسرائليين فى عدم تقسيم سوريا وتعارضت مع أمريكا ودول عربيه ومعاهم تركيا اللى تبيض وتحل مشكلة الأكراد

 أسرائيل يهمها بقاء الأسد لأنه حيحافظ على وحدة سوريا وسمنع اليمين الدينى من الأنتشار وفى نفس الوقت مشؤ عاوزاه علشان توقف النمو السرطانى الأيرانى فى سوريا علشان أيران متخنقهاش فى فى سوريا ولبنان لكن الواقع بيقوللا خلاص كل المناطق اللى تحت سيطرة بشار دلوقتى أصبحت ايرانيه رسمى وبيع وشراء وأسألوا السوريين اللى حولكم مين اللى أشترى بيوتكم بعفشها وسهل لكم اجراءات الخروج من سوريا

 ميريكل لحد تاريخ الساعه لم تعلن موقفها الرسمى من جماعة الأخوان ولما جتى على وجه السرعه لمصر ده نتيجه لتحركات الخارجيه المصريه الأخيره فى ألمانيا قبل الأنتخابات القادمه فى ألمانيا ونطت راحت لترامب علشان تحصل على دعم أمريكا بعد حصولها على تطمينات مصريه (( فيه رهان بينى وبين ميدو على أنتخابات ألمانيا )) لكنها وجهت أنذار للأخوان عير القرد التركى وتصعيد الخلاف الأعلامى معه وهنا وعلى فكره كل المشاكل الأوروبيه مع القرد بتصب فى صالحه وشرحتها فى مقال قبل كده وممكن جدا تكون اوروبا عاوزه القرد فى تركيا فبتعمله شو أنتخابى شعبوى عند الناخب التركى بالحركات الخايبه دى اللى بترضى بتوع الفيسبوك لكنها عمليا هجص ورش مايبلش

 ترامب أقتصادى صايع ومحنك وقاعد فى البيت الأبيض وعامل عبيط لكن ده عبط الأذكياء ولو تلاحظ أنه أعلاميا شاغلك فى أمور محاكم وقضايا وفرقعات اعلاميه وفيسبوكيه لكن عمليا الملفات كلها بتدخل تحت سيطرته وعاوزك تقارن بين الملفات الشائكه فى 2016 ودلوقتى وأنت تعرف الفرق

 بوتين قاعد فى روسيا وحاطط كل تفكيره فى الملف اليمنى علشان عاوز يخلص بيه الملف السورى لكن مصر لقمه فى الزور فصابب كل تفكيره دلوقتى فى حصار مصر وعرفوا يقلبوا حفتر علينا فى أجتماعات حفتر السريه على الأسطول الروسى والدليل عندك فى الهلال النفطى لكن حفتر مش واخد باله أن الملف الليبى فى أيد دول عربيه تانيه وأوروبيه يعنى مثلا لو حدود الجزائر أو تونس أنفتحت عاوزك تتخيل الوضع الليبى ولو فرنسشا فتحت حدود تشاد عاوزك تتخيل المنظر وهنا كلمه فى ودن حفتر المترين بتوع السودان هما اللى عاملين لك القلق ده كله لأن طبعا سواحل شرق ليبيا أنت واثق أنها مؤمنه تماما وأسأل تركيا فما بالك لو أنفتحت عليك حدود الجزائر أو تشار أو تونس مثلا لا حيبقى فيه حفتر ولا ليبيا من أساسه ولازم تعرف أن الملف الليبى 75 % فى آيد مصر ومصر فقط لاغير

روسيا أمبارح وقعت طيار أسرائليه أيوه روسيا أومال أنت فاكر قطة سوريا بشار هو اللى ممكن يعمل كده وروسيا عملت كده بتبعت رساله لأسرائيل وأيران وأمريكا والسعوديه

 المنطقه الآن أصبحت تياران على أساس دينى وطائفى معسكر سنى ويشمل السعوديه واسرائيل والخيلج ومصروأمريكا وفرنسا وأنجلترا ومعسكر شيعى يضم ايران وروسيا والصين فهل هذه بداية الحرب العاتلميه الثاثه والأخيره ونهاية الكره الأرضيه

 الملف الليبى والسورى واليمنى والعراقى كلها مرتبطه ببيعضها حاليا وأوعى تستبعد الملف العراقى أحسن أزعل منك وعندك الطراف كلها أصبحت بتضغط على بعضها فى ملف علشان ملف وتفوت فى ملف علشان ملف وتلف من الناحيه التانيه علشان ملف تانى وكل ده وسط مراقبه صينيه من بعيد لبعيد وتتدخل فى صمت عند الضروره لأن الصين أدركت أن أعظم قوه هى القوه الأقتصاديه قبل العسكريه لذلك انت بينضغط عليك دلوقتى أقتصاديه ولازم السيسى بسرعه يعدل التشريعات الأقتصاديه قبل نهاية هذا العام ويضع ضوابط قانونيه لتعديل التشريعات الأقتصاديه لعودة مصنعنا للعمل وتعود الأستثمارات وتعود السياحه الروسيه بدون شروط ولابد من إعدام 3 روس كبيره فى الأخوان قبل نهاية العام وبعد عيد الأضحى لكن لاتكون روس لها ظهير شعبى ولابد من أستقرار أقتصادى قبل نهاية هذا العام وأكيد السيسى سيسعى لذلك وخصوصا أنه عارف أن المصريين كل همهم كرشهم تملى الكرش تبقى حبيبى وكفاءه ... كرشى فاضى والله لو بتحكم العالم كله مش حتعجبنى

 أخيرا رغم أن المقال له تكمله فهو حلقه وسط سلسله اللى يقولك السعوديه وحشه صدقه واللى يقولك السعوديه وأسرائبل حبايب صدقه واللى يقولك أيران اجدع ناس صدقه واللى يقولك سوريا وأسرائيل لهم هدف واحد صدقه واللى يقولك عكس كل اللى فات صدقه لأن هى دى طبيعة الموقف الأسباجتى عندما تتعدد الأطراف وتعدد الملفات وتتباين وتتناقض وتختلف الرؤى فى الملف الواحد وقبل الختام أحب اسألك سؤال دماغك لفت ولا لسه

جنرال بهاء الشامى

 

الصندوق الأزرق رقم 14

قبل الخوض فى مقال اليوم أى نسخ لأى سطر من المقال تعتبر سرقه وجريمه ستعاقب عليها أمام الله ونغمة أنك بتوصل رسالتى وبتساعدنى على توصيل رسالتى هى ضحك على الدقون والصفحه مفتوحه للجميع وأوبشن الشير متاح للعامه وهو الأوبشن القانونى طبقا لأعدادات الفيسبوك وعيب تبقى حرامى بوستات وأنضف بقى وأنسى ماضيك القذر

🇪🇬 قبل السرد لزاما علينا الرجوع للخلف لكى نتفهم ماسنسوقه فى مقال اليوم الصادم فعندما تم زرع الكيان اليهودى بالمنطقه لم يكن كما روجوا لنا وطن قومى لليهود .... بل خازوق قومى فى ظهورنا لكى تظل المنطقه فى حالة صراع أبدى ومايتتبعه ذلك من سباق للتسلح ولك أن تتخيل لو لم تكن دوله مثل #مـــصر قد خاضت الحروب التى خاضتها كيف كان سيكون وضعها الأقتصادى مثلا وكيف كان سيكون الحال الأجتماعى لشعبها

 هم لايريدون تدمير المنطقه بالعكس هم يريدون شعوبها تكد وتعمل وتستخرج الخيرات ثم يتنزفون بعد ذلك خيراتهم فى شراء السلاح وتشغيل مصانعهم وهم ناجحين حتى الآن فى ذلك بل ونجحوا فى إنعدام أسباب الأستثمار فى المنطقه التى تحتاج أستقرار سياسى وتشريعى وأمنى وهذه الثلاث عوامل غير متوفره بطريقه أو بأخرى كما ذكرت لك فى مقالات مـــصر أم الكون

كانت الدنيا ماشيه معاهم تمام ونجحوا فى أستدراج العرب فى حرب عام 48  ونجحاوا فى استدراج عبدالناصر فى أكتر من حرب خارج وطنه ليسهل بعد ذلك الأنقضاض عليه ونجحوا فى الأنقضاض على مـــصر فى حرب عام 1967 وكان لابد من إستعادة الأرض والشرف والعرض وكانت حرب عام 1973 وهنا حدث مالم يكن فى الحسبان وتعالى نرجع ورا شويه

منذ الأعلان عن خلق الكيان اليهودى وأمريكا حريصه على تفوق أسرائيل كماً ونوعاً فى السلاح التقليدى لكى تضمن لها البقاء لكن لم تكن أمريكا تتوقع فى حرب عام 1973 أن تهدد أسرائيل بإستخدام السلاح النووى ضد العرب وشرحنا القصه دى فى سلسلة مقالات مـــصر الشقيقه الكبرى وبعد أنتهاء الحرب عكفلا الخبراء والمحللين على دراسة سلبياتها وأيجابيتها ووجد الأمريكان أن التفوق النووى الأسرائيلى على العرب يهدد مصالحهم لو أستخدمت أسرائيل هذا السلاح ضد العرب فسيتم القضاء على المنطقه بالكامل أخضرها ويابسها

 فكر الأمريكان فى خلق توازن نووى بالمنطقه لكن لايمكن ان يكون فى آيادى  العرب (( ركز هنا قوى )) لصعوبة ذلك والخوف من خروج حاكم مارق يخرج من طوع الأمريكان وتبقى الدنيا باظت معاهم زى ماحصل وظهر لهم السيسى وقلب الموازين وبرضوا ركز هنا علشان ده صلب مقالنا اليوم

 وجد الأمريكان ضالتهم فى خلق يمين دينى موازى لليمين الدينى المنتشر بالمنطقه العربيه ووجدوا ضالتهم فى أيران والشيعه ويبقى ضربنا كذا عصفور بحجر واحد ضمنا عدم وقوف ايران مع العرب تانى زى ماحدث فى حرب أكتوبر ولو  حصل وأيران طلعت بره طوعنا فالمسافه طويله ويمكن رصد صواريخها النوويه لو  وجهتها ناحية أسرائيل ونقدر نعمل دفنس وعلشان كده أستغلوا الصاروخين بتوع صدام ونشروا منظومة باترويت فى أسرائيل وأى صاروخ أيرانى نووى سيتم تحطيمه فوق الأراضى السعوديه وطبعا فى أثناء تفكك الأتحاد السوفيتى تم سرقة السلاح النووى من روسيا وعلى حس ومسمع ومرأى من أمريكا التى سمحت به وخلى بالك أوعى حد يضحك عليك ويقولك امريكا مكانتشى تعرف لا ياحبيبى أمريكا بتعرف دبة النمله فى أى حته فى العالم

 قال إيه حاصروا أيران أقتصاديا وسابوها تكمل مشروعها النووى لكن العراق سمحوا لأسرائيل بضرب مشروعها فى مهده خدت بالك أنت بقى مخدتش ونسيت أنى قولتلك مش حيسمحوا بكده مع االعرب

 الدنيا كانت ماشيه معاهم تمام وزى السكينه فى الحلاوه ومبارك ساعدهم فى كل مخطاطتهم وكان لابد من زرع اليمين الدينى الموازى لأيران فتمت قصة الربيع العربى لتفتيت دول المنطقه من ناحيه وتمكين تيار دينى موازى لأيران يساعدهم على تأجيج مشاعر الكراهيه للتيارالشيعى وللحق أقول نجحوا تماماً وأنجرفت هذه المره الشعوب للأسف وليس الحكام لتنفيذ مخطط الأمريكان وكانت الدنيا ماشيه معاهم تمام وكله ماشى حسب الخطه وهوبا وفجأه يظهر السيسى ويعمل أنقلاب عسكرى مصرى على خطط أمريكا فى المنطقه وليس أنقلاب على الأخوان كما يروجون كان أنقلاب على خطط الأمريكان وهنا لازم تكون مذاكرر كويس مقالات مـــصر أم الكون اللى شرحتلك فيها كيف مهدوا المنطقه وكيف ظهر السيسى وكيف أستطاعوا أخترق قيادات الجيش المصرى وشرحتلك القصه دى فى مقالات الصندوق  الأزرق

تمخضت مـــصر بولاده قيصيريه صعبه وجاء السيسى لسدة الحكم وهنا لابد أن أعترف بغبائى الشديد فقد عارضت بشده تولى السيسى دفة الأمور وطالبته علانيه بتولى مدنى زمام الحكم على ان يقوم هو بالقياده الفعليه من خلف ستار ولم أكن أعلم مايدور وقتها خلف أبواب الغرف المغلقه

تولى السيسى المتمرد زمام الأمور وقلت لك فى مقال شهير ستنقلب الأمور فى المنطقه بعد تدعيم السيسى لحكمه بمشروع قومى ضخم وهو قناة السويس الجديده وحددت نصف سبتمبر وملف سوريا تحديدا ليعلن السيسى عن وجوده كرئيس متمرد فى المنطقه وحدث ماتوقعناه وأنقلبت كل الملفات رأساً على عقب

فكر السيسى فى أقامة مشروع نووى عربى تكون بؤرته مـــصر وتمويله عربى وبدأ السيسى فكرته وعرضها على الملك عبدالله وأحقاقاً للحق الراجل وافق مبدئيا وطلب مهله لعرض الموضوع على باقى الدول المموله وقال الراجل فى لقاء خاص كان على الطائره وكانت فكرة السيسى يكون اللقاء على الطائره منعا للتصنت  بأى طريقه حتى لو من أقرب المقربين (( ليه لأ ياحبيبنا أذا كنا ساعدنا البكستانيين وهلا العرب والمصريين أولى بلحم بعض )) موجها كلامه للسيسى

وكلم عبدالله زعماء الخليج فى الموضوع وأبدوا موافقتهم لكن طلبوا مهله للدراسه وأيجاد مصادر التمويل والمشوره لكن للأسف تم تسريب محادثات الزعماء العرب ويقال أنها تسربت عن طريق الخائن #تميم و لما عبدالله عرف أن الأمريكان عندهم علم وشك فى تميم كان رد تميم محصلشى وممكن تكون أتسربت عن طريق المكالمات

للأسف مات عبدالله رحمه الله وتغيرت الأداره فى السعوديه وكان على السيسى تحريك المياه الراكده وأيجاد ستار قانونى لمشروعه وأيجاد ستار للتمويل وكان مشروع الضبعه ومشروع قوات الردع العربيه وجملته الشهيره مسافة السكه لكن كطبيعة العرب كل حاكم وله سلوكياته ونظامه وطريقته فى الأداره وكانت أمريكا قد أبلغت الزعماء العرب برفضها لأى مشروع عسكرى تحت قيادة مصر وعند طرح المشروع فى جامعة الدول العربيه تم قتل المشروه بحجة أن الوفود مسافره أمريكا ومش فاضيين نناقشه دلوقتى وخلوه لما نرجع نبقى نتكلم فيه

 رجعوا من أمريكا فى الزياره الشهيره لكامب ديفيد واـصوروا وكان تميم سعيد جدا بهذه الزياره وفرحان كل لما يقرب من اوباما وكانه بيطلع لسانه لمصر لقتل مشروعها القومى العربى وطبعا علشان يخلصوا خالص على مشروع السيسى عملوا الجيش اللى قلتلك عليه فى مقالات أخرى وأشتركت فيه تركيا وقلتلك ساعتها الجيش ده محكوم عليه بالفشل لأختلاف الأيدلوجيات والعقائد العسكريه وتباعد المسافات لكن مصر أشتركت فيه رغم التكاليف ذرا للرماد وعلى أمل أن الأمور تتصلح

فوتك فى الكلام يامؤمن الزباين وهى فى كامب ديفيد طرح عليهم اسود القلب  والوجه أوباما مشروع القبه النوويه وهو أنشاء قبه صاروخيه مضاده للصواريخ النوويه مشابهه للقبه الحديده لصواريخ باتريوت ونبقى قتلنا مشروع السيسى نهائيا علشان العرب كده حيطمنوا ونبقى شغلنا مصانع السلاح عندنا وخدنا فلوس الخليج وحمينا أسرائيل لو أيران خرجت بره طوعنا بفلوس العرب يعنى ضربنا كذا عصفور بحجر واحد .... هزمنا السيسى وقتلنا مشروعه .... وخدنا فلوس العرب ..... وحمينا أسرائيل بفلوس العرب ..... وزودنا الصراع الدينى فى المنطقه ..... وحافظنا علبى التوازن النووى فى المنطقه ..... والمنظومه تحتى أيدينا ودفاعيه ولايمكن توجيهها لأسرائيل

 طبعا السيسى وجهاز المخابرت المصرى عرفوا كل القصص دى وحاول السيسى بعلاقاته الشخصيه مع بعض الحكام العرب يحرك المشروع وبدأت الأمارات قبلها يحن وتفكر فى المصلحه القوميه فوصل الأمر للأمريكان فكانت الخطه هى أصطياد مصر

 أمريكا ساعدت مـــصر فى الوصول لكرسى مجلس الأمن وبرضوا أمريكا اللى قدمت مشروع القانون اللى أجهضته مـــصر وأمريكا عارفه أن مـــصر والسيسى سيرفضون مشروع القانون وعارفه ان روسيا سترفضه ورغم أن رفض المشروع يعتبر تعليم على السياسه الخارجيه الأمريكيه إلا أن أمريكا اصرت على تقديم المشروع بدون تعديل وروسيا أقترحت تغيير الصيغه لكن أمريكا رفضت التعديل علشان مصر ترفضه وأصبحنا مابين ناريين أما الموافقه وده ضد سياستنا وخطتنا فى سوريا وبين الرفض والوقوع فى الفخ الأمريكى

 مصر رفضت القرار وتعشمت تفهم الأخوه العرب لدوافعها لكن بإيعاز من الأمريكان لصبيان مصغرة االسعوديه تم االتصعيد ضد مصر وكأن السعوديه لاتعلم موقف وسياسة مصر فى سوريا وكانت مصيبة أرامكواعلى اساس أن مصر تقابل التصعيد بتصعيد مضاد لكن القياده فى مصر تحلت بالصبر والحكمه لكن كل محاولتها فشلت وكلما تدخلت أطراف ويتم أخذ رأى البيت الأبيض يرفضون رجوع المياه لمجاريها

لازالت الحرب دائره وهناك تلميحات للروس برفع العقوبات عنهم فى مقابل وقف مشروع الضبعه وعلشان كده الروس بيحالوا يفهموا الأمريكان أنهم بيحكوا مع مصر فى موضوع السياحه وأنهم مقموصين من عدم موافقة السيسى على تسهيلات مروريه وتواجد فى قناة السويس والبحر الأحمر لكن الحقيقه أنهم بيرسلوا  رسائل للأمريكان وعلشان كده مشروع الضبعه متوقف وعودة السياحه كل شويه يحددوا ميعاد وبعين يلغوه وبعدين يحطوا شروط وكل ده الروس منتظرين أى أشاره  عن رفع العقوبات عليهم

آسف لو المقال طويل حبتين لكن سيظل هذا الصراع متعدد الأطراف دائراً وليس هناك نهايه إلا إذا رحل السيسى عن الحكم وجاء رجل آخر يعود بمـــصر للقفص الأمريكى أو رحيل سلمان ومجئ آخر تكون له ميول قوميه ولا يخاف على كرسيه وهذا مستبعد أو يتغير بوتين أو ليقضى الله أمرا كان مفعولا لكن سيظل الصراع العربى الأسرائيلى دائرا حتى لو أقتسمنا مع اليهود الطبليه ورغيف العيش

جنرال بهاء الشامى

 

الصندوق الأزرق رقم 13

هى السنه بتبان من أولها والشهر بيبان من أوله وأحنا فى شهر مارس ومش حيعدى الشهر إلا والعبد لله مشرف على البورش علشان خاطر اللايك والشير بتاع حضرتك اللى ماينفعشى يتعمل منه ساندوتش أتعشى بيه وكنا قد توقفنا فى المقال رقم 12 من سلسلة مقالات الصندوق الأزرق ومهبب بطين على من قتل السادات واليوم نستكمل معكم هذه السلسله والمقال رقم 13 من سلسة مقالات الصندوق الأزرق والمقال رقم 48 من سلسلة مقالاتنا التى نبغى منها إزاحة الستار عن أحداث تاريخيه لتوثيقها للتاريخ وللأجيال القادمه ونكرر نحن لسنا موقع أخبارى ولا معلوماتى وكل مانسرده من أحداث معلومه للجميع لكننا نرتبها الترتيب الصحيح ونحللها ونفندها ونترك لعقلك الحكم فى النهايه ... يبقى مالوش أى لازمه أى تعليق أستظرافى ولا كلمتين ملهومشى أى لازمه عقلك فى راسك تعرف خلاصك فيه معلومه جديده عليك لوحدك حتلاقى غيرى يوضحها لك فى التعليقات

كنا قد شرحنا فى سلسلة مقالات مصر أم الكون التى توقفت عند المقال رقم 20 أزاى كان مبارك رضى الله عنه كان ممشيها وللحق نقول كانت ماشيه معاه زى ماالشعب عاوز لكن كانت ماشيه زى موضحنا بدفع التمن من أرواح شعوب أخرى والهم والغلب اللى أنت فيه دلوقتى علشان بتدفع تمن تمشيتها أيام مبارك لأن لو فضل الجيش العراقى بقوته زى ماهو ولم يستنزف فى حربين لاعائد منهم على الشعوب العربيه سوى خسارة جيش قوى فى ميزان التكافؤ مع عودك التقليدى لكن بصراحه كان العائد المؤقت على المصريين أنهم ملوا بطونهم من فلوس حرام طبعا وبدل الأكل مايتعمل فى شوربه كان بيتعمل فى دم العراقيين وستسأل أنت ومبارك على كل نقطة دم سالت فى العراق وكل طفل فقد والده وكل زوجه ترملت

تخيل أبنك اللى كل شويه يعاكسك ويخطف منك الموبايل علشان يلعب على الموبايل وفجأه أبنك راح منك واتقتل قدام عنيك أو أندبح قولى شعورك إيه وحتى لو ربنا صبرك وقلت ربنا يعوضنى فى أخته وتلاقى واحد تانى قتل أخته أو تاهت منك فى غاره أمريكيه ومشفتهاش تانى ومتعرفشى أن كانت عايشه ولا ميته بتاكل ولا ماتت من الجوع طولها أيه دلوقتى وبقت عروسه ولا لسه وهل لازالت بكر وبنت بنوت ولا حد من الدواعش أغتصبها وأصبحت حامل من راجل ماتعرفوش

للأسف وحقولها فى وشك أنت السبب ولو أنا مكان هذا العراقى أو الأفغانى مش حيكفينى قتلك مليون مره وحتقولى وأنا مالى مبارك هو اللى عمل كده حرد وأقولك بكل حياديه لو مبارك مكانشى أنغط عليه من المصريين وصبروا شويه على الجوع وارتفاع الأسعار يمكن مكانشى لجأ لبيع دم العراقيين والأفغان .... إيه بتبصلى ليه كده لما عبرفت حقيتك ياقاتل ياسافك الدماء ولا حضرتك عاوز تشيلها لمبارك لوحده .... طيب ماأنت بتعمل كده برضوا دلوقتى وبتضغط على السيسى بكل قوتك علشان يأكلك ويملا بطنك اللى ماتبشبعشى ومش مشكله عندك يبيع دم مين المره دى السوريين ولا الليبيين المهم أنت تبقى بطنك تمام وماتجوعشى ولا تصبرشى علشان تعيش باقى عمرك تاكل لقمه حلال يمكن تكفر بيها عنة ذنوبك

كان مبارك يقدر مايبيعشى العراق زى مارفض طلب الأمريكان بعمل قواعد لهم على أرضك لكن حقولك الصراحه مبارك قدر عليك أنت وضحك عليك أنت وباع الجيش العراقى لكن مقدرشى على قيادات الجيش لأنهم كانوا ممكن يشقلطوه أو يزحلقوه وبسهوله وكان أبو غزاله يقدر يعملها وطنطاوى كان يقدر يعملها رغم شخصيته الضعيفه لأن المجلس العسكرى كان فيه رجاله متعرفشى الخوف وظهر الكلام ده بعد كده

مبارك رضى الله عنه كان ماشى تحت طوع الأمريكان زى ماهما عاوزين روح شمال يروح روح يمين يروح لكن لما رفض أقامة قواعد أمريكيه زكى السعوديه و #كطر_بنت_الوسخه خوفا من قيادات الجيش يبقى كده مبارك فى نظر الأمريكان لايهمه سوى الكرسى ومبقاش راجلنا فى المنطقه ولازم يمشى ولازم يرحل وبدأ الأمريكان فى زعزة الأستقرار فى مصر بتحريك اليمين الدينى كما حدث فى أيران لكن مبارك الهارش والفاهم لطبيعة الأخوان أستطاع أحتوائهم وعمل معاهم الصفقات وساب لهم النقابات يحتلوها والتعليم يتوغلوا فيه والمفاصل ليتمكنوا من زمام الأمور وعرف مبارك يحيد الأخوان كويس

سوزان كان لها رأى آخر فى القصه وكانت عاوزه أبنها يكمل مسيرة أبوه والشغلانه حلوه وسبوبه آخر تمام وعارفين يمشوا المصريين اللى ملهومشى هم اللى بطنهم والجيش طالما مابنخرجشى بره قفصه يبقى الدنيا تمشى تمام لكن علاء ماينفعشى فوقع الأختيار على جمال وجابوه من بره وعقلوه بعد فضيحة شريهان وجوزوه علشان يمشى كويس ويبقى راجل وعنده اسره ومسئوليه ويبطل جرى ورا الممثلات فى ماسبيروا والحفلات الخاصه وبلاها حنان ترك وبلاها وقاء عامر والشاب رالحليوه أتجوز واحده جميله وأرستقراط وبنت ناس ومبسوطه وفكك من الفنانات والمشخصاتيه وخلينا فى بنت رجل الأعمال

بدأ الأمريكان بعد تكثيف حملة الترويج لجمال فى أمريكا يدرسون شخصيته فوجدوا أنه لايصلح لتنفيذ أوامرهم فى المنطقه وخصوصا موضوع القواعد وأعلنوا رفضهم لجمال سراً وعلانيه على أمل أم مبارك يفهم ومراته تفهم وجمال يتراجع لكن جمال ومامته ركبهم العناد وزادت حملة جمال فى أمريكا لتصل النفقات كما تقول التقارير لـ 4 مليار دولار وتفرغت سفاراتنا فى أمريكا لهذا الغرض فشاط غضب الأمريكا وأوصلوا لمبارك رساله عبر حفيده ومات الطفل البرئ كأول ثمن تدفعه عائلة مبارك ثمناً لأصرارها على الكرسى (( شرحنا القصه ومعاها قصة باسل الأسد وبشار الأسد دى فى مقالات مصر أم الكون وأبقى فكرنى نحكى قصة أبن القذافى فى مقال آخر ))

فهم مبارك الرساله كويس وأستوعبها بعد فقدان حفيده وقلل تحركاته خارج مصر وعرف أنه ممكن يصطادوه خارج مصر لكن جمال ومامته أصروا على العناد أمام دوله لها باع طويل فى الأغتيالات وجهاز مخابراتها ليس عنده أى خطوط حمراء ولا بأى لون

كان لابد من خلع مبارك لكن كيف وهو أحد رجال القوات المسلحه السابقين ومفاصل الدوله كلها أصبحت مباركه أو مباركيه ويتحكم رجاله فى الأعلام والصناعات الخاصه والسياحه وكل شئ فى مصر يعنى يمتلك القوه العسكريه والأقتصاديه وحبيب العادلى ماسك البلد من حديد

لو لسه مش عارف عملوا إيه علشان يخلعوه تابع الحلقه القادمه رقم 14 وأزاى أمريكا أخترقت أكبر وأهم مؤسسه فى مصر وأستطاعت تجنيد ثانى وأهم وأكبر راس فى المجلس العسكرى ..... ياسنه سوخا ياجدعان أنا بقول بكتب كلام بعد مابقراه بحس أنى راجل مجنون ومعندوش أى أهتمام بحياته خصوصا وانا بخبط فى سيدنا مبارك وزبانيته بس خليك فاكر أنا لابشرب ولا بتاجر فى المخدرات ولا ليا فى سكة الحريم ومش بتاع مشاكل وماشى جوه الحيطه مع الحشرات والجراثيم علشان لما أتقفش ويقولك بهاء صاحبك كان فاسد ومجرم تعرف أنها تهم تلفيق

General Bahaa ELshamy

جنرال بهاء الشامى

من يعوض مبارك عن 6 سنوات سجن ظلم

 

المتابع البسيط لأحداث أى ثورات يجد أنها تنتهى بسجن أو إعدام رأس النظام القديم عدا ثورة 23 يوليو 1952 فى مصر أنتهت برحيل رأس النظام لذلك أطلقوا عليها الثوره البيضاء

فى مقال سابق فندنا ماهى الثورات وقلنا أن الثورات تقوم لتغيير نظام الحكم كأن يكون ملكيا فيتم تغييره لجمهورى أو جمهورى فيتم تغييره لبرلمانى وماحدث بعد 25 يناير لم يتغير شئ وكما كانت مصر جمهوريه لازالت كما هى ولازال نظام الحكم جمهوريا ومن هنا نعشق أطلاق مسمى أحداث لأن كل ماتمخض عنها هو تغيير رأس النظام لكن بقى النظام كما هو جمهوريا وبقى النظام كما هو متوغلاً فى كل مفصل من مفاصل الدوله ومن الممكن أن تجزم حتميا أن نظام مبارك كان يشمل مايقرب من 3/4 الشعب المصرى حتى من خرجوا ضده وركز معايا فى اللى خرجوا ضده علشان حنحتاجها تانى فى الكلام

كل رئيس وله فكره الخاص وأيدلوجيته ولو بصينا على السيسى وقلنا أكتر من مره بشهادة أعدائه فهو ليس دموى أو تصادمى وكلهم شهدوا له أنه مفاوض صبور وطويل البال والأيدلوجيه دى بتعجب ناس ومابتعجبشى ناس ونرجع لأيدلوجية مبارك وصحصح مع معايا قوى علشان محتاج ذكائك معايا فى المقال ده ومبارك كانت أيدلوجيته التوغل وأحكام السيطره وتلاحظ دى قبل أغتيال السادات وأستغل ثقة السادات فيه وفى ترشيحاته ووضع كل رجاله فى أهم مناصب الدوله كوزير الدفاع ورئيس المخابرات الحربيه والعامه والداخليه ورئيس جهاز أمن الدوله والمفروض كما وضحنا فى مقال رقم 10 من الصندوق الأزرق كان مبارك بعد توليه الحكم عزل قيادات الأجهزه المقصره لكنه لم يفعل لأنهم رجاله

على مدار 30 عام هى الأطول فى فترة حكم فى مصر فى العصر الحديث أستطاع مبارك أن يحول مصر للفكر المباركى التوغلى ولالا أخفيك سرا أنه صدر هذا الفكر لدول الجوار وحول مبارك المعارضه الشرسه الموجوده أيام السادات لمعارضه مستأنسه أو معارضه حكوميه أو معارضه تفصيل وعلى المزاج ويمكن ده السبب الرئيسى اللى مش مخلى حد من الشعب دلوقتى يستحمل أى نوع من أنواع المعارضه لأن مبارك عود الشعب على المعارضه الأليفه اللى تنتقد المحافظ والوزير الغلبان ولاتستطيع الأقتراب من رئيس الدوله وكل من فكر يخرج عن هذا الناموس كان التأديب من نصيبه زى واقعة أبراهيم عيسى الشهيره

كانت المعارضه أيام مبارك كلها تابعه لنظام مبارك حتى الأخوان أستطاع مبارك ترويضهم بصفقات كلنا نعلمها (( خد اللى انت عاوزه بس أبعد عن الكرسى الكبير )) وترك لهم الحبل على الغارب يتوغلون فى كل نقابات مصر ومؤسستها ولو تفتكر كل من حاول يخرج من هذه العباءه المباركيه كان نصيبه التحويل لملف النسيان وحزب العمل والوفد خير شهود على ذلك

تولى مبارك حكم مصر عبر 6 ولايات متتاليه بأنتخابات ظاهرها النظافه لكنها مفصله تماما عليه ولم يستطيع أحد مجاراته وحتى من لمحت لهم شعبيه حولهم مبارك لذاكرة النسيان مثل ابو غزاله وأحمد رشدى وعمرو موسى وكان يسعده تواجد شخصيات هزيله سياسيا وشعبيا مثل الأراجوز المالى أحمد عز وترك لأبنه هذه المهمه وأصبحت الدوله كلها مبارك

فى أتفاقية كامب ديفيد بعض البنود الصغيره التى لايلتفت لها العامه التى تسمح بالتوغل الثقافى فى عقلية الشعب المصرى وفطن لها السادات وتحايل عليها فيما أطلق عليه وقتها التطبيع الشعبى وأعتمد السادات فى ذلك على الكراهيه الفطريه لكل ماهو يهودى لكن مبارك ترك الحبل على الغارب لأسرائيل فى التوغل ثقافيا فى عقول المصريين عبر حسين كامل بهاء الدين وأحمد فتحى سرور ومن عهد هذاذين الوزيرين أنتهى التعليم فى مصر ودخل غرفة النعاش وخرج منها مقتولا فى جريمه شهدها العالم وتشهد عقول شبابنا الخاويه على ذلك ومن هنا تستطيع أن تقول أن مبارك أغتال السادات وأغتال رجاله ثم أغتال التعليم وبالتبعيه أغتال عقول المصريين أو بتعبير أشمل أغتال العقل المصرى أو أغتال المصريين

كما تم أغتيال السادات ورجاله وكما تم أغتيال التربيه والتعليم وكما تم أغتيال العقول المصريه وكم تم أغتيال المصريين فكريا وثقافيا وعقليا تم أغتيال المعارضه الفعاله وأصبحت الدوله كما ترى الآن كلها نظام مبارك حتى الأخوان يسيرون على نفس المنهج رغم أختلاف الأيدلوجيه وعلشان كده فشلوا مع المصريين وأصبحت المعارضه شكليه ومستأنسه (( بسأل شاب فى ثانوى عام قاعد جنبى دلوقتى يعنى إيه مستأنسه قال يعنى بنت أنثى شايف يامؤمن شبابنا عبقرى ومتنعلم وفاهم أزاى ))

حتى أحداث خيبة ينايم التى  أنساق فيها المصريين لم تفكر المعارضه فى تغيير مبارك بل كانت شعاراتهم فى الأول قبل وصول التعليمات وطمع الأخوان فى الكرسى عيش حريه عداله أجتماعيه ولم يتحدث أحد عن تغيير مبارك إلا متأخرا كحركة 6 أبريل والأشتراكيين الثوريين وكل المعارضه التى خرجت ضده لأنها معارضه مستأنسه

قلنا فى سلسلة مقالات مصر أم الكون أن مبارك برئ من قتل المتظاهرين والورق المتستفف بيقول أنه برئ من موضوع الـ 70 مليار والفلوس اللى بره وأحمدى شفيق شاهد على هذه المهزله وكان عارف 12 محامى بيعملوا إيه فى القصر وزكريا عزمى كان بيعمل إيه لحد يوم 26 أبريل فى القصر والتاريخ والوقائع والعقل والمنطق يقولون أن مبارك برئ من قتل المتظاهرين وأن كان القانون لاينفذ عقوبه على من تخطوا الثمانين هنا نسأل سؤال .... من يحاسب مبارك على أغتيال أجيال بالكامل وعلى إغتيال العقل المصرى وعلى إغتيال التعليم فى مصر وعلى أغتيال شعب بالكامل فكريا وعلميا وعقليا

بجرة قلم وتساهله وتواطؤه وتساهله وهو فى موقع القياده سهل ومكن من اإتيال الشعب المصرى بالكامل ولا أبالغ أن قلت لك أن إعادة التعليم للحياه مره أخرى شبه مستحيل فمن هم الذين سيقومون بالتصحيح أنهم أجيال مبارك ورجاله ومن تربوا فى نظامه وفى الآخر يقولك عودة سنه 6 أو ألغائها

ياساده ياكرم يامن تبقوا من الشعب المصرى وهم غالبا من تربوا وتعلموا فى عهد السادات وناصر من يحاسب مبارك على أغتيال الشعب المصرى ؟؟؟

أخبار إيمان الطوخى إيه ياأبو علاء .... وعلى فكره اللى بيقولوا أنى عندى فوبيا من مبارك أتحداك ترد على هذا المقال وتقولى ليه مبارك عزل أحمد رشدى رغم أنه كان على وشك القضاء نهائيا على المخدرات وأخيرا من يبحثون عن تعويض 6 سنوات ظلم لمبارك فمن يعوض مصر عن أغتيال شعبها ؟؟؟

جنرال بهاء الشامى

 

الموقف الأسباجتى رقم 8

                               

موعدنا اليوم بعد التعقيدات التى طرأت على الملف السورى نتيجة التخبط فى السياسات التركيه ومقال جديد من سلسلة الموقف الأسباجتى تحت رقم 8

أسود القلب والوجه أوباما كان له وجهة نظر فى محاربة داعش وهى الحرب بالوكاله وأعطى الضوء الأخضر فى العراق لتدخل الميلشيات الشيعيه (( سمع واحد هناك واقف متدارى بيقولى أمريكا وأيران أعداء )) لكن عندما تولى ترامب زمام الأمور وكان قد وعد بمحاربه جديه للتنظيم ولما نقول جديه تعنى الكلام بجد لذلك والكلام هنا تحليلى وليس معلوماتى علشان النحانيح ماتسألشى عن مصدر المعلومات وخايف فى يوم تصيبهم فوبيا البحث عن المصدر ليدخل يسألنى مصدر معلومات أن فيه حرب فى سوريا إيه ؟؟؟ ليه لآ كل شئ جايز على الأنترنت وأصبح التشكيك فى مصداقية الصادقين سمه على مواقع التناحر الأجتماعى ونرجع لكلامنا وموضوعنا وفكك من مشككين الفيسبوك وعلشان خاطرى بلاش نخرج من الموضوع أحسن بقينا مملين قوى ونقول أن كلام ترامب معناه علشان يكون جد وبجد يبقى لازم يحاصر أو يضرب التنظيم فى أهم معاقله وهو الرقه السوريه حيث أعلنها التنظيم عاصمه لدولته والنت مليان بالمعلومه دى أتشقلب أنت بقى وأثبت عكسها متوجعشى دماغنا وعلشان ترامب يحارب التنظيم فى الرقه يبقى لابد من التدخل العسكرى المباشر أو بالوكاله فى اللملف السورى وماأقصده هنا التدخل العسكرى وتقديم المعلومات المخابراتيه وتقديم الدعم اللوجيستى ولو مش فاهم لوجيستى مش مشكلتى دى مشكلتك أفرم النت وطلع معاناه ماهو انت حتسيب تحقيق المصداقيه المعلوماتيه وتمسك فى معانى المصطلحات العسكريه

ترامب أصدر تعليمات واضحه وصريحه للبنتاجون بوضع خطط جديده لمحاربة داعش (( أتأكد أنت من المعلومه دى ماتوجعشى دماغنا )) وهذا الطلب أو الأمر الرئاسى يستلزم التورط فى الملف السورى سياسيا وعسكريا وهنا هذا اقرار من ترامب أن أعلان الأنتصار أو الفوز على داعش فى العراق فقط ضحك على الدقون وخصوصا أن التنظيم أثبتت الأيام أنه مش مجموعه من المبتدئين بل يقودهم نخبه عسكريه من رجال الجيش العراقى السابق اللى فتته أمريكا والسعوديه ومصر فى عهد مبارك (( واخد بالك أنت من مصر فى عهد مبارك دى التهمه دى لوحدها قدام ربنا دخله جهنم من أوسع أبوابها )) وشرحنا قبل كده كيفيه أنشاء تنظيبم داعش وأقلب أنت الصفحه وطلع المقال مش فاضيلك

أنسحاب أوباما من الملف السورى الواضح أعطى الأفضليه لسيطرة بوتين على الملف وقلب الدفه بدعم مصرى مخابراتى معلوماتى معنوى سياسى مع العلم أن كان أكتر طموح لبوتين هو الحفاظ على نظام بشار فقط للحفاظ على مكتسباته العسكريه فى سوريا من قواعد وتسهيلات وخلافه لكن غرور بوتين وعودة الأمريكان بقوه للملف وأستمالة أهم طرف وهو التركى أنقلب الحال ورأينا بوتين يتحدث عن أنتقال سلمى للسلطه وسبحان مغير الأحوال وبعد ماكان الجبير بدأ يقبل بوجود بشار رجع تانى يتكلم عن عدم وجوده

أنسحاب أمريكا من المشهد السورى أعطى أريحيه للروس فأستعانوا أو غضوا البصر عن تدخل أيرانى عسكرى مباشر عبر ملالى أيران عكس الأول كان دعم لوجيستى فقط لحزب الله وهنا حابب أفجر مفاجأه كنت لمحت لها من قبل وناس لها ميول شيعيه عارضتنى أن أيران بتتدخل فى سوريا بأسلوب اليهود القديم فى فلسطين وهنا حطرح عليك سؤال ... السورى اللى حضر لمصر وأشترى محل بآلاف الجنيهات ووضبه وجهزه وأشترى معدات وتجهيزلات للمحل وعمل التراخيص ودفع مقدم الأيجار وأشترى شقه جاب كل ده منين وهو داخل مصر لاجئ ؟؟؟ .... أنا حقولك تانى وامرى لله ..... أيران عن طرق عملائها بتشترى البيوت السوريه السنيه من أصحابها بالعفش اللى فيها بكل اللى عليها بأعلى الأسعار لذلك السورى بيخرج من بلده ومعاه فلوس تسمح له ببداية مشروع فى اى دوله .... المهم روسيا أستخدمت ملالى أيران فى حرب بالوكاله وسمحت لأيران بأستيراد الأفغان وبواقى القاعده وعواطلية الأرهاب من صوب وأتجاه للتخديم على روسيا ومصالحها فى الملف السورى وأصبح الروس والأيرانيين حبايب فى الملف السورى رغم أن اللى أستوردتهم أيران كانوا بيحاربوا الروس فى يوم من الأيام والروس أصلا مابيحبوش أى يمين دينى لكن السبوبه تحكم والمصالح تتحكم وتخليك ترضى بالمر

هنا على ترامب أن يكون حذرا فى تدخله فى الرقه تحديدا علشان مايزودشى أعداد المهاجرين وتزيد أعدادهم على الحدود الأوروبيه حلفاء الأمريكان التقليدين وعلشان مايسمحشى بتوغل أكبر لأيران فى سوريا كما حدث فى العراق وأصبحت العراق النهارده ولايه أيرانيه

هنا مطلوب من ترامب يضرب أسفين بين روسيا وأيران لكنى أغلب الظن لن ينجح لأن الأيرانيين أذكى من الوقوع فى هذا الفخ لتعارض مصالحهم فىى الملف مع الأمريكان وتقاربها مع الروس ولما تقولى طيب ياجنرال فيه تقارب روسى امريكى دلوقتى أو بتعبيرأدق تقارب أمريكى روسى أقول لحضرتك سيفشل لتعارض الأهداف والمصالح بين بعضهم وبين الأمريكان والأيرانيين حليف روسيا يعنى بالبلدى وبقولها لأبو سوسو علشان يصحصح قوى علشان مايضيعشى فلوس أكتر من كده كفايه أمريكا لن تستطيع القضاء على داعش فى سوريا وبالتالى سيبقى التظيم فى مواجهه فعليه مع الروس والأيرانيين واللى حيفوز فى ىالآخر بمعظم التورتايه السوريه هم الأيرانيين طبقا لأيدلوجيتهم ويحافظ الدب الروسى على مصالحه هناك ويبقى الأمريكان كما تركهم أوباما خيبة الأمل راكبه جمل إلا لو أمريكا توافقت مع الأيرانيين فى الملفلا السورى تحديدا وده صعب جدا وشبه مستحيل ويمكن علشان كده فيه مساعى لأنشاء تحالف رادع لأيران سيتكون من السعوديه والخليج وأسرائيل لكن أيدلوجيا أيضا لن يستطيع هذا التحالف التدخل المباشر فى سوريا لوجود أسرائيل

تبقى فى النهايه الكلمه العليا لضبط الحدود التركيه ومين الشاطر اللى يقدر يكسب شخص كل 6 ساعات بياخد موقف شكل ومغاير ولخطط البنتاجون التى لم نعرفها أو ترى النور حتى الآن

أوباما ورطك ياحاج ترامب وليلة أمك سودا ومش فاهم أزاى دى فاتتك لكن عزائك الوحيد أن فلوس الخليج ستصب فى النهايه فى الخزانه الأمريكيه التى أثقلها أوباما بالديون للأنفاق على ثورات الربيع العربى وأسماء محفوظ وخيرت الشاطر وتوكل كيرمان والمرزوقى وباقى الشله الوسخه إياها ومنه لله اللى بوظ كل خطط الربيع العربى وطلع مصر بره معادلة التقسيم

بس يابا صوابعى وقفت فى كتابة المقال وأنا بكتب ومحبط من قلة الأهميه وعدم التفاعل كما هى العاده فى سلسلة مقالات الموقف الأسباجتى

جنرال بهاء الشامى