الصقر الذهبى رقم 3

توقفنا وأياكم فى الجزء رقم 2 عند تسريب جملة الباشا للأعلام وتركيز إعلام الأخوان عليها وقلت لحضرتك ترجع لسلسة مقالات مصر أم الكون فى هذا الصدد واليوم نستكمل مع حضراتكم الجزء رقم 3 رغم عدم التفاعل على الجزء رقم 2 وقلنا أن قيادات الأخوان أصابهم الذعر والفزع من تصريح الباشا أو من جملته وطبعا لم تكون الجمله هزار بايخ من رجل نادر الأبتسام ولم تكن تهديد أو فرقعه من رجل له ثقل عالمى وشخصيه فريده ومميزه دوليا

 

■■ فورا أتصل خيرت الشاطر بأردوخان ونقل له جملة الباشا وماسيترتب على تنفيذها من تعرية الأخوان وفضحهم أمام الظهير الشعبى الذى بدأ يتراجع بشده عقب قرارهم خوض الأنتخابات الرئاسيه وأول كدبه واضحه لهم أمام الظهير الشعبى وأول نقض لوعودهم بعد خيبة ينايم وأنفضاح مخططهم رغم أن إعلامهم حاول تبرير هذه الخطوه بكل قوه وأبتلع وبقول أبتلع وانا قاصد الكلمه حرفيا الظهير الشعبى التبرير كرها فى نظام مبارك ومحاوله للتخلص لكل ماهو من ريحة مبارك (( مبارك اللى بقى عصره دلوقتى كريم شانتيه )) وحاول أردوخان تهدئة روع خيرت الشاطر وقال له سأتصل بالأصدقاء فى أمريكا الذين سيدعمون بكل تأكيد الأجراءات الشرعيه فى مصر وماتمخضت عنه وحماية الديمقراطيه الوليده ودار جدا طويل فى مكالمه طويله وقلنا فى سلسلة مقالات مصر أم الكون أن القمر الصناعى الروسى ألتقط المكالمه وشرحنا أزاى تم تسليمه لمصر أو تحديدا للمخابرات المصريه وخلى النقطه دى كمان معاك ويبقى كده معاك نقطتين وأختتم أردوخان المكالمه مع خيرت الشاطر قائلا هدئ من روعك اخى الأمور فى الشرق الوسط تسير على مايرام ولن يوقفها رئيس جهاز سابق مهما تكلف الأمر وأحفظ النقطه دى فى دماغك حنرجع لها تانى

 

■■ نيجى بقى للأجتماع اللى جمع بين زيناوى بتاع أثيوبيا ومبارك والباشا وسؤال مبارك حتعمل إيه ياعمر لو أثيوبيا أصرت على بناء السد فقال الباشا لن نسمح ببناء السد فأعتدل مبارك فى جلسته وقال له يعنى حتعملوا إيه ياعمر فقل له الباشا لو السد ده أتبنى غصب عننا سنضطر لتفجيره ونحن جاهزون وقادرون .... لم يرد زيناوى على كلام الباشا لكن طبعا لك أن تتخيل ملامح وجهه ساعتها لكن الواضح أن أثيوبيا وقتها شعرت أن تهديد الباشا كلام جاد ولم تتخذ أثيوبيا أى أجراء فى هذا الملف ولم يتحرك الملف إلا بعد زيارة أبو الأمراس تانى يوم بعدما أدركوا وقتها الفرق بين عمر سليمان وتهديده وبين أبو الأمراس اللى أستقبلته فى المطار وزيرة الخضار والفاكهه

 

■■ كان شريك الباشا فى هذا الملف الداهيه أحمد أبو الغيط وبالمناسبه دى عاوز أوضح نقطه مهمه جدا وخطيره ومحدش واخد باله منها لقد أستطاع الأخوان بإعلامهم ولجانهم تشويه كل رموز مصر عن طريق أصطياد المواقف وتفسيرها من وجهة نظرهم وأتحداك تقولى على واحد الأخوان لم يشوهوا تاريخه وعلى سبيل المثال وأنا ذكرت الواقعه دى فى سلسلة مقالات مصر أم الكون لما البول تاجى قابل عمرو موسى فى عزاء وقال له قول لأصحابك لو متلموش حنلمهم وكل متسجل وعندنا وقالوا عن عمرموسى اللى كانت شعبيته فى السماء أيام مبارك أنه خامورجى وسكير وحاولوا تشويه صورته وللأسف الكل أنجرف معاهم فى تشويه هذا الرجل ثم نفاجأ أن السيسى يستعين به وبخبراته فى الملف الفلسطينى وعرف السيسى بأحمد أبو الغيط وعمرو موسى يركع بتوع حماس وزى ماشوهوا عمرو موسى شوهوا رموز كثيره جدا وللأسف الشديد نردد نفس عبارتهم وصورهم وفيديوهاتهم وخصوصا الناس اللى كانت ضد مبارك وقت حكمه ولها شعبيه

 

■■ أكيد كلنا عارفين من هو أسامه الباز وهو من أكفاء المستشارين السياسيين على مستوى العالم لكن العبقرى أسامه الباز أستطاع الأخوان تشويه صورته وأنجرفنا خلفهم رغم أن حكم مبارك كان ماشى تمام ومحدش يقدر يهزه لحد ماأعلن أسامه عن موقفه من ملف التوريث وأصطدم بجمال وقال لمبارك أنا كبرت فى السن وعاوز أرتاح فى بيتى والبركه فى الشباب اللى حوالين جمال فقل له مبارك سبنى أفكر لكن سوزان تدخلت وقالت أسامه خاموررجى وصحته على قده والنسوان خلصت عليه وقبل مبارك أستقالة أسامه والباشا وقتها زعل جدا من قبول أستقالة الباز وقال ده تانى مسمالر فى نعش نظام مبارك لقد خسرت الرئاسه عقل وعقليه وسياسى محنك وقدير ولن يعوض وقعد أسامه فى بيته وألتزم الصمت ومحدش خد باله من اللى حصل ونصحه المقربون بالسفر خارج مصر فقال لهم مش عيل اللى يخلينى أسيب بلدى وأرجع لها فى صندوق أنا حفضل هنا وحموت هنا وكلنا شفنا الباز فى ميدان التحرير ومنذ جلوس الباز فى منزله وبدأ نظام مبارك يترنح ويتمايل ويضعف وفقد مبارك العقل الذى كان يحركه لكن الأخوان بدعايتهم وبطريقة الزن على الودان ألأعن من السحر شوهوا كل رموز مصر بما فيهم البابا السابق والحالى وحمدين صباحى وأحمد شفيق اللى كانت غلطته الوحيده فى أحداث خيبة ينايم وتعرضنا لها بالتفصيل فى سلسلة مقالات الصندوق الأزرق وفيما عدا هذه الغلطه الرجل وطنى وشريف وحسام بدراوى والمشير طنطاوى وغيرهم كثيرون ولم يكن كل من حول مبارك موافقون على كل تحركاته أو موافقون على خطيئة مبارك فى مشروع التوريث هذا المشروع الذى كلف مبارك كرامته وهيبته وكلفه حياة حفيده وكلفه أنهيار نظامه بالكامل

 

■■ كان الباشا يقدر ذكاء وعقلية احمد أبو الغيط وكان يقول لمن حوله عيب أبو الغيط أنه لايجيد عمل شو إعلامى له ولايجيد الحديث عن نفسه وقليل الكلام

 

■■ مع صعود نجم الباشا ورفضه لنظام التوريث كان يعلم أن هناك من يراقبه وينقل كل تحركاته للمدام فى القصر وكان يعلم تماما أن حبيب العادلى يراقبه وتأكد من ذلك عندما عزل العادلى اللواء صلاح أسامه رئيس جهاز أمن الدوله وقال للمدام فى القصر ده راجل عمر سليمان ومش حعرف أراقبه طول ماهو فى الجهاز

 

■■ لم يكن العادلى وحده من يراقب الباشا لصالح المدام فى القصر بل كلفت زكريا عزمى فاستبعد زكريا وليد دعبس من أمانة رئاسة الجمهوريه وقال للمدام ده راجل عمر سليمان فى مؤسسة الرئاسه وتأكيداً سأسرد لك واقعه ففى أحدى زيارات مبارك الخارجيه كان على الطائره الرئاسيه الباشا طبعا وزكريا عزمى ووليد دعبس وجاب الباشا زكريا عزمى ووليد دعبس وقعدهم قدامه وقال لهم موجها كلامه لزكريا عزمى أنا عارف شغلى كويس وأقدر أقولك عدد خلايا جسمك وكل خليه فيها كام جزيئ أنا رئيس جهاز مخابرات مصر ومش محتاج مساعدة حد وأقدر اعرف اللى بيدور فى غرف نومكم وعارفه كويس وقال موجها كلامه لزكريا أياك وأضطهاد وليد بحجة أنه من رجالتى وياريت مانخدشى الناس باطل على عاطل وعمر سليمان مش محتاج لحد يقوله إيه اللى بيحصل فى مؤسسة الرئاسه أتفضلوا أشربوا عصير برتقال وكان الباشا بيحب عصير البرتقال جدا وشيل النقطه دى معاك ويبقى ليا معاك كده أربع نقاط

 

■■ كان الأخوان عرضوا على الباشا لما شافوا شعبيته أنه ينزل على قوائمتهم ويدعموه قبل ماتظهر فكرة خيرت وأبو الأمراس لكن الباشا رفض وأستغرب وشعر أن فيه حاجه بيدبروها للإيقاع به وأزاى وهو صرح بتصريح للأهرام قال فيه الأخوان جماعه مسلحه مارست العمل المسلح وانهم حرقوا الأقسام وهجموا على السجون ومدربون على الصدام المسلح ولديهم غل وحقد وأرادوا الأنتقام وحرق البلد أنتقاما من مبارك وأنا اللى قلت لمبارك لما شفتهم فى يناير أنقل السلطه للجيش لأنه عمود الخيمه والسطله الوحيده الباقيه ومتماسكه بعد سقوط الداخليه والنظام

 

■■ قال الباشا هى فين الديمقراطيه وكل اللى بيحصل بعد يناير أنتقام أقصاء وتشويه وكذب وتشويش وهما اللى عملوا الأنفلات الأمنى فى البلد علشان يوقعوها ويسيطروا عليها ولولا الجيش وتماسكه كانت البلد وقعت وحصلنا سوريا وليبيا

■■ حذر الباشا مبارك من سياسى أحتواء الأخوان خصوصا بعد تنامى معلومات خطيره عن إدارة بوش والمشروع الأمريكى فى الشرق الأوسط لكن مبارك لم يستمع له ظنا انه بذلك يرضى الأمريكان ليوافقوا على مشروع التوريث الخطيئه المسكوت عنها

 

■■ صوابعى خلاص هنجت لكن لازال الحديث طويل جدا عن الأخوان والباشا ومبارك وسنستكمل هذا الحديث فى الجزء رقم 4 أن كان فى العمر بقيه على وعد بالأستكمال

جنرال بهاء الشامى

الصقر الذهبى رقم 1

 بسم الله الرحمن الرحيم وعلى بركة الله نبدأ معكم هذه السلسله من المقالات ونعاهد الله ونعاهدكم على أن لانحجب عنكم أى معلومه وأن نخضوض فى تفصيلات قد يرى البعض عدم أهميتها لكنها فى المجمل سترتب الأفكار داخل عقلك وهذا مانقصده ومانبغيه وخصوصا أن الباشا وكما أطلقوا المقربين منه عليه لقب الصندوق الأسود تحيط بحياته الغموض كما كان يحيط بعمله الغموض لكن لو بذلت مجهودنا وقرأت كل ماهو متاح على الأنترنت والمصادر الموثوق بها المخابراتيه التى سنذكرها فيما عدا مصدر وحيد سنتحفظ على أسمه بناءاً على رغبته قبل أن نأخذ الضوء الأخضر منه فى النشر وسنترك لك فى النهايه الحكم بعقلك هل كان الباشا مواليا بالكامل لأسرة مبارك كما يحاول البعض تلطيخ تاريخه أو كان يملك الباشا من القوه التى تمكنه من الحديث مع مبارك بكل أريحيه بل نكاد نجزم أن مبارك كان عايش دائما تحت تهديد الباشا أنه يتركه ويقدم أستقالته وفى أحدى المرات التى سنتعرض لها بالتفصيل قال لمبارك حرفيا أنا جندى وأستطيع أن أخدم مصر فى أى مكان وقدم أستقالته لكن مبارك رفضها غاضبا وقال له لو بتشتغل عندى فأستقالتك مقبوله أما لو بتشتغل عند مصر فقدم أستقالتك لمصر

 

منذ أعلنا عن البدأ فى السلسله وتحركت ضدنا بعد الأكونتات بغرض خلق جو عام أننا لسنا ذات مصداقيه وحاولوا بث هذا فى المتابعين وأدعوا أن علاقة الباشا بجمال كانت على خير مايرام وحاولوا نفى أن الباشا فى أحدى المرات قال لسوزان هانم أنا مابخدشى أوامر غير من رئيس الدوله وفى أحدى المرات وصل الأمر أن سوزان رشحت رئيس للمخابرات بدلا من الباشا وقال لمبارك بالنص سليمان بيعامل أسرتك بجفاء وبيكره أبنك وسنتعرض لهذه القصه بالتفصيل فى حينه

نرجوكم قبل السرد وقبل الخوض فى غمار فاعليات هذه السلسله أن تتخلى عن كل ماتعرفه عن قصة الباشا وتستحضر معنا عقلك فقط حتى النهايه ثم قرر بنفسك الحقائق لكن نود أن تعلموا أن هناك أكثر من روايه فى موضوع موت الباشا وهل هو حى أم ميت وهل مات طبيعيا أم مات مسموما وهل مات فى أمريكا أم قتل فى سوريا أم كل هذه القصص كاذبه والباشا مات طبيعيا أم هناك جهه مخابراتيه تريد أن تروج لأنتصار زائف ووهمى وأنها أستطاعت قتل صقر مصر الذهبى أم هى القصه التى سردناها فى سلسلة مقالات مصر أم الكون لكى ندعى فيها أنتصار لمخابراتنا المصريه أو سيبك من ده كله وأن التضارب حول موته هدفه تشتيت جهات أخرى مخابراتيه لنأخذها فى أتجاه البحث عن الحقيقه بعيدا عن ملفات أخرى أكثر أهميه ونعاهد الله أننا لن نحاول فرض رؤيتنا بل سنعرض أمامكم كل الروايات وعلى رأسها رواية رئيس الأئتلاف الوطنى الحر السورى ورواية المخابرات الأسرائيليه ورواية المجلس العسكرى وقتها وتضاربهاى مع تصريحات سفيرنا وقتها فى واشنطن وخروج بيان رسمى من سفاراتنا ينفى وجود الباشا فى أمريكا للعلاج من مرض غير مفهوم وقال السفير حرفيا مش ممكن شخصيه زى شخصية الباشا تكون فى أمريكا ومانعرفشى عنها حاجه ثم رواية الشيخ زايد نفسه وموضوع الطائره الرئاسيه وأى روايه سنحاول تفنيدها أمامك كما تعودنا ونترك لعقلك الحكم

غير خافى عليكم أن فيه جهات كثيره ستضرر من نشر هذه السلسله وستحاول أيقافنا بكل قوه لأننا سنتعرض لهم وسنكشفهم وعلى رأسهم أتباع الأخوان وأتباع جمال مبارك وسنترك مهمة التصدى لهم لحضراتكم لكى نتفرغ لهذه السلسله الهامه والتاريخيه 

الساده الكرام موعدنا وموعدكم مع الصندوق الأسود ما يطلقون عليه فى مصر وفى مبنى المخابرات المصريه أو الصقر الذهبى كما تطلق عليه مخابرات دول العالم أو كما أطلق عليه أنا الباشا .... موعدنا وأياكم وحقبه تاريخيه هامه من تاريخ مصر المعاصر مع (( عمر محمود سليمان ))

الباشا حضر حربى 67 و 73 ويارب أفتكر أتكلم فى قصة حرب 67 واللى حصل فيها علشان بالمره نرد على الفنانه برلنتى عبدالحميد بتاعة جيش عامر وكان نائب لرئيس جهاز المخابرات 1986 ثم رئيسا له فى عام 1991 وعمرى ماأنسى التاريخ ده لأنه كان تاريخ ميلاد آخر أبنائى وكان الباشا حاد فى ملامح وجهه نادر الأبتسام ومواضع  كأى رجل صعيدى وكان يوميا بيفطر سندوتشات فول وطعميه من عند جاد بتاع شارع رمسيسى وكان بيروح السواق بتاعه يجيب السندوتشات والعربيه راكته بعيد ومن غير ماحد يعرف أن ده سواق الباشا أو أن الفطار ده للباشا وكان بيقول للسواق  ناولنى الكباب الشعبى

كان يعشق صيد الأسماك بالأسماعيليه وكان يحب يمشى وسط الناس متخفيا فى ملابس ولاد البلد ونظاره شمسيه كبيره وخصوصا الأحياء الشعبيه بدون حراسه وكان بيحب يسمع أغانى أم كلثوم ومحمد عبد الوهاب ومحمد فوزى وكان عنده شقه فى فايد بالأسماعيليه   من أيام ماكان فى الجيش ولما كان يحب يفكر فى موضوع بعمق يسافر الأسماعيليه ويمارس هواية الصيد

أيام خيبة ينايم أمتنع عن الأكل وأكتفى بالعصير فقط ووزنه نزل كتير وركز هنا كويس ... المهم رجع مره البيت وكان عصبى جدا ومقعدشى مع أحفاد يلعب معاهم زى العاده  وسألته زوجته مالك ياأبو رانيا زى ماكنت متعوده تناديه فقال لها مصر حتضيع ومش هى دى مصر اللى أعرفها الأخوان باعوا البلد للأمريكان وعاوزين يخربوها ومكانشى لسه أتعين نائب لبرئيس الجمهوريه ولما مراته وبنته سمعوا خبر تعينه من التلفزيون أصابتهم الصدمه والبكاء لأنهم يعلمون خطورة الفتره والمهمه العصيبه التى على عاتق الباشا

فى 30 يناير تعرض الباشا لمحاولة أغتيال ومحدش عرف بالموضوع ولا حتى أسرته إلا لما أذاعت شبكة فوكس نيوز الأمريكيه الخبر وقتها قالت له زوجته أقعد فى البيت أنت حتموت ياأما من قلة الأكل أو من رصاصه فقال لها مصر فى خطر أكبر من الخطر اللى أنا فيه

قال للمقربين منه أن أكثر مايخيفنى على مصر والرئيس هو المحييطين به ورجال نظامه الذين يتصرفون فى مقدرات مصر وكأنها عزبه ورثوها وعندما سأله الشيخ زايد عن التوريث قال له مصر أكبر من كل هؤلاء ولن يستطيع أى أنسان فرض أرادته على شعب عنيد بفطرته .... كان الباشا يعرف مخاطر مشروع التوريث وقال عن التوريث سيقتل نظام مبارك ورجاله وقال للمقربين منه أن ملف التوريث هى الخطيئه المسكون عنها وكان على ثقه أن موضوع التوريث لن يمر بسهوله وقال لمبارك فى 2006 ياريت جمال يسافر بره لحد الأمور ماتهدى قبل فقال له مبارك ليه فقال له الكلام على توريث جمال كتير وانا خايف عليه والبلد مش مستحمله وأعدائها كتير .... أدرك مبارك خطورة الصقر الذهبى لكن الضغوط من المدام كانت أكبر منه

أدركت سوزان مبارك أن الباشالا عقبه فى تولى أبنها حكم مصر فأوشت لمبارك بأن الباشا مابيحبش جمال ويريد هو تولى الكرسى وخصوصا أنه رجل قوى ويتمتع بشعبيه لابأس بها وسط المصريين ويملك مفاتيح الحكم وكل الظروف مهيأه لتوليه هذا المنصب بدلا من جمال لكن مبارك كان واثقا من أن الباشا لايرغب فى كرسى الحكم وكان يقول عنه أنه رجل المفاوضات الصارم ورجل مفاوضات الغرف المظلمه

كان الباشا مؤمنا أن أضواء السياسه تحرق السياسيين كما تحرق النار الفراشه لذلك كان زاهدا فى المناصب ولم يسعى لها لكنها كانت تسعى له لخبراته المتراكمه وشخصيته الغامضه .... أتصل مدير مكتبه بالصحافه فى مصر وطلب منها عدم التركيز على أخبار الباشا وعدم نشر صوره إلا للضروره .... قالت عنه أمريكا أنه يمتلك مفاتيح الصندوق الأسود لأسرار مصر وأكثر من تولوا هذا المنصب الحساس دهاءا

صوابعى وقفت وسنتوقف وأياكم عند هذا الجزء على وعد بالأستكمال لو فى العمر بقيه مع رجاء خاص منكم بالدعاء من القلب فأنا فى أشد الحاجه له

جنرال بهاء الشامى

 

         

الصندوق الأزرق رقم 16

 جمال مبارك رئيساً لجمهورية مصر العربيه 

السؤال مش حرام والتخيل فى السياسه قاعده أساسيه والسيناريو الأفتراضى نتعلم منه لكن أفتراضية خوض جمال مبارك أنتخابات 2018 نتائجها كارثيه وقد طرحت هذا التساؤل الأفتراضى فى أحدى غرف فريقى وكانت الأجابات كلها مصيبه سودا ورغم علمى وعلمك لعدم جواز ترشح جمال مبارك على الأقل فى أنتخابات 2018 إلا أننا لو بحثنا فى هذه الأفتراضيه نستطيع بلورة المرحله التى تعيشها مصر حاليا وتعالى نشوف مع بعض ماطرحناه وماتوصلنا له وقبل ماتيجى معايا لازم تكون مذاكر كويس سلسلة مقالات مصر أم الكون وسلسلة مقالات الصندوق الأزرق لأننا سنستعين بهم وتجهز معاك الموبايل وعليه ارقام الأسعاف والحالات الطارئه وأدوية الضغط والقلب والأعصاب وياريت يكون جنبك جهاز تنفس صناعى وجهاز الصدمات الكهربائيه لو جرى لقلبك حاجه لاقدر الله 

■■ الأنتخابات السابقه جرت بين وزير الدفاع الأسبق عبدالفتاح السيسى والأستاذ حمدين صباحى وفور علمى بترشح حمدين قصاد السيسى وطبعا كنا شايفين حالة العشق والعتراف بالجميل التى أنتابت المصريين أعترافا بجميل السيسى والجيش المصرى فى التخلص من سرطان جماعة الأخوان وأتصلت فورا بالأستاذه ذكاء زيتون مديرة حملته بالأسكندريه وغرب الدلتا وقلت لها الأستاذ كده بينتحر سياسيا وبيقضى على تاريخه كله هو فيه حد يقدر يقف حاليا قدام السيسى فقالت لى قدامك حد تانى يقدر يعمل كده ويضحى بنفسه علشان مصر فسألتها مداعبا طيب أنتى حتعطى صوتك لمين فقالت طبعا للسيسى هو فيه غيره فقلت لها حتى وأنتى مديرة حملة الأستاذ فقالت لى والله يابهاء أنا واثقه أن الأستاذ حمدين حيعطى صوته للسيسى ويطلق على نفسه رصاصة القتل لكى تستطيع مصر تجاوز هذه الأزمه وهذه المرحله ولكى نستكمل الشكل القانونى والدستورى وقالت لى تخيل ياجنرال لو الأستاذ أقتنع بوجهة اللى حواليه ومدخلشى الأنتخابات إيه اللى ممكن يتقال وماهو شكل الهجوم علينا لما يقولوا السيسى فصلها على نفسه وأتفقنا أنا وهى على أن هذه الخطوه هى رصاصة قتل لتاريخ حمدين صباحى يطلقها على نفسه بإرادته من أجل مصر وده كان ملاحظ فى ضعف حملة حمدين لأنه كان يعلم تماما أنه ديكور دستورى أمام الدول التى تتربص بمصر 

■■ بحكيلك القصه دى ليه علشان تعرف شعبية السيسى وقتها ووضعه فى مصر وعلشان تبقى عارف حمدين صباحى اللى الأخوان شوهوا تاريخه وطبعا عارف أن فيه ناس حتتشقلب وتجيب صور ومواقف لحمدين فى أيران أو العراق علشان تثبت أن حمدين شيعى أو يهودى وحقولك وردى عليهم السياسه لاتعرف ذلك والسيسى سلم على تميم وهو عارف أنه دبح 21 مصرى فى كطر والسيسى ممكن يسلم على نتانياهو لو قابله وأوبو شكرى بيسلم على وزير خارجية تركيا وقعد مع بتاع أيران وبيكلم بتاع السودان وبيحضن بتاع أنجلترا ولو رجعنا بالذاكره السمكيه شويه لأحداث العريش وتواجد حمدين هناك فتواجد حمدين كان لأستبعابهم بدلا من جهات أجنبيه وده شغل مخابراتى وتعالى نوضحها شويه 

■■ لما الناس هاجت فى العريش وحصل غليان ألف مين يتمنى تصعيد الموقف وفورا سافر حمدين صباحى ليكون لهذا التمرد والهيجان قائد يلتفوا حوله لكى يستطيع السيطره عليهم ويفوت الفرصه على أستيعابهم عن طريق جهات أخرى ولائها لغير مصر وأظن أن الموضوع مات على كده وتم أحتواء الموقف وكأن شئء لم يحدث ولك أنك تتخيل لو جهه تانيه كانت قادت الناس دى وأستوعبتها وكل ده بيؤكد أن حمديم لازال لاعب مصرى فى فريق الوطنيين حتى وأن كان السيسى هو المدير الفنى لأن مصلحة مصر أعلى وأسمى وأعيب على المصريين الأنجراف خلف كتائب الأخوان وتشويه صورة رجل وطنى 

■■ نيجى لسؤالنا ونفترض أن جمال نزل قصاد السيسى الأنتخابات القادمه ونشوف السيناريو المحتمل 

■■ سيحصل جمال على أصوات الأخوان ومشتنقاتهم فيما عدا السلفيين شكلا لكن فى المضمون سيحصل عليها وأصوات رجال الحزب الوطنى والدوله العميقه وسيحصل على أصوات آسفين ياريس وسيحصل على أصوات المصريين الأحرار والأشتراكيين  الثوريين وأعضاء حزب الكنبه والناس الجعانه والناس اللى ميهماش إلا بطنها وحزب الجهلاء الذين يسوقهم الأعلام بسهوله وبحسبه بسيطه سيحصل جمال عن أستحقاق وجداره على نسبه تتجاوز 80 % (( أمسك أعصابك الله يرضى عليك ))

■■ الدول التى ستتضامن مع جمال دول الخليج بربطة المعلم ودوله وحيده من أفريقيا هى المغرب وحدث ولا حرج معظم الدول الأوروبيه ماعدا فرنسا وروسيا وتركيا وتعالى بقى خد التقيله سيحصللا على دعم رهيب من أمريكا واسرائيل أيوه سيحصل على دعم أمريكا اللى قلنا فى سلسلة مقالات مصر أم الكون أنها رفضته وقتلت أبن أخوه لأنه مش حيقدر يسيطر على الجيش وينفذ اللى أمريكا عاوزاه طيب أزاى أمريكا تدعم جمال وهو مش حيعرف يسيطر على الجيش وخصوصا بعد أرتفاع شعبية السيسى فى الجيش وأبتعاد سامى عنان عن الجيش أنا حقولك وحاول تمسك أعصابك كويس وأوعى تتهور 

■■ أمريكا تقف جنب جمال وتدعمه وتأمر كل الدول اللى قلتلك عليها تتدخل مباشر وغير مباشر وحمله أعلاميه ضخمه مع التلويح بصفقات ومشاريع توقف مصر على رجليها تانى وينجح جمال بأكتساح ويبقى له ظهير شعبى وكله يبطل يحاصرك أقتصاديا واللأشى تبقى معدن وبطنك ترجع تتملى تانى منين مش عارف بس أكيد فيه تمن لازم مصر حتدفعه ويبدأ جمال يسدد فى الفاتوره ويحاول يوفى بوعوده للأمريكان وهوبا يحصل صدام بينه وبين قيادات الجيش وفيه ناس لسه فى الجيش مواليه لأبوه ولسامى عنان واللى كان خايف منه طنطاوى أيام خيبة ينايم أن الجيش ينقسم على بعضه ويصطدم ببعضه ويصطدم بالظهير الشعبى لجمال ومعاه الدمويين عناصر الأخوان والليله تسخن ونتحول لسوريا أخرى أو ليبيا أخرى أو يمن آخر وتروح مصر زى ماغيرها راح أمسك أعصابك لسه اللى حقوله أصعب 

■■ قلنا فى الأول أن السيناريو ده كله أفتراضى وحصل أثناء نقاشى مع فريقى وفيه أصعب من كده لكن إيه رأيك أن السيناريو ده متأجل لـ 2022 وحيحصل يعنى حيحصل إلا لو حدث اللى أتفقنا عليه أنا وبعض أعضاء فريقى 

■■ إيه اللى ممكن يمنع السيناريو المؤجل ده من التنفيذ وإيه هى الجرعات العلاجيه الواجب تقديمها لشعب مايهموش إلا بطنه هذا ماسنجيب عليه فى المقال القادم رقم 17 لو فى العمر بقيه

جنرال بهاء الشامى

الصندوق الأزرق رقم 15

نعود وأياكم لأستكمال هذه السلسله لنزيل الغموض على أحداث تاريخيه هامه وهذه الحلقه رقم 15 لكى نرد على كتاب برلنتى عبد الحميد ومن قتل المشير عبد الحكيم عامر رحمه الله

واضح من الكتاب أن برلنتى تتحدث عن تقديم القدر لها لوزير حربية مصر فى حقبه تاريخيه هامه ويتضح هذا من عنوان الكتاب الذى تم أختياره بعنايه (( الطريق إلى قدرى ))

الكتاب لم قرأوه وحللوه يحتوى على مغالطات تاريخيه فيما يتعلق بأسرار الدوله المصريه وأمور شخصيه معلومه للبعض وامور شخصيه لايمكن تصديقها أو تكذيبها أما لوفاة من عاشوها أو لأقتصارها على من ليس لهم حيثيه مثل الحاشيه والخدم

واضح من الكتاب لمن قرأوه أن برلنتى تريد توصيل رساله معينه أو بالبلدى عاوزه تشيل عبدالناصر ليلة حرب 67 لوحده وتشيله مصيبة قتل عامر وهذا واضح من حوالى 40 سؤال طرحتهم فى نهاية الكتاب كلها تصب أن هزيمة 67 يتحملها ناصر منفردا ولا تخلوا يد ناصر من قتل عامر وتعالى ندردش مع بعض

برلنتى كانت بتحب عامر جارف وده معروف للجميع لكنها تحاول فى الكتاب وصم نفسها بالمثاليه وهذا واضح وجليا فى أول علاقتها بالمشير حيث تقول أنه عندما آتاها وفد شركة انتاج سينمائى عالمى عن طريق المشير قالت كما تقول فى كتابها لاأريد أن أعمل فى السينما وأشتهر بهذه الطريقه وكما تقول أعترضت على تقديمى للوفد بصفتى مقربه من عامر (( أترك الحكم لعقلك هنا  ))

مش عاوز أخوض فى تفاصيل كتاب طويل جدا معظمه عاطفى لكن خلينا فى الشق السياسى ومايخص التاريخ وتقول برلنتى أن إعادة بناء الجيش بعد حرب عام 67 أكذوبه كبيره وأن الجيش والمعدات التى خاضت حرب عام 67 هو الجيش والمعدات التى خاضت حرب 73 ولم يدخللا عليه أى تغيير سوى خطة الحرب وزيادة أعداد أفراده وتلمح بفساد مالى رهيب فى كدبة إعادة بناء الجيش كما تقول كما أنها تقول أن (( الجيش الذى خاض حرب 73 هو جيش عامر )) وتعمدت أنى أنقلك صيغة كلامها والكتاب موجود على موقع البرامج الخاص بى لمن يريده وهى تقول (( جيش عامر )) ومن هنا تفهم أن برلنتى تحاول تشويه أى عمل قام به ناصر بل ووصل بها الحال لأتهام ناصر بالفساد ولمحت فى كتابها لغراميات لعبدالناصر (( حكم عقلك )) رغم أن أعداء عبدالناصر قبل أصدقائه شهدوا له بالطهاره الماليه والجنسيه أيضا

هنا نريد أن نسأل برلنتى أين كان المشير ليلة 5 يونيو ؟؟؟ ماهى القطع العسكريه التى أستطاعت عبور القناه عند الأنسحاب من سيناء ؟؟؟ (( ولا حته رجعت من سلاحنا فى سيناء سوى بعض البنادق الآليه )) ... سؤال آخر يطرح نفسه كم طائره أستطاعت أن تفلت من هجوم الطيران الأسرائيلى ؟؟؟؟ سؤال آخر ماهو دور مبارك فى حرب 67 وماهو سبب شهرة مبارك ؟؟؟ .... سؤال آخر هل ماتدعيه برلنتى تغفله أسرائيل ومخابرات العالم

سيدتى الجميله السلاح المصرى فقده الجيش المصرى فيما عدا القطع البحريه وبعض الطائرات التى هرب بها مبارك بعيدا عن مدى الطيران الأسرائيلى وقد حاولتى تجميل صورة عامر وهو معروف بعلاقاته النسائيه وألصاقها بناصر الذى شهد له أعدائه قبل أصدقائه بالنزاهه الماليه والجنسيه والوحيده التى تحدثت عن علاقات جنسيه لناصر هو برلنتى زوجة المشير فى السر قبل أن يتم أعلان الزواج

طبيعتى الشخصيه العشق الرهيب لقراءة التاريخ والمذكرات السياسيه لكن عند قراءة مذكراتك أصابنى الأحباط ولم اعرف سبب جوهرى لتشويهك لتاريخ الجيش المصرى أو لرجل حكم مصر أسمه عبد الناصر وعندما تقولين جيش عامر فواضح جدا عدم حياديتك أو مصداقيتك عند صياغة الكتاب وبناءاً عليه أعتبر الكتاب كانه لم يكن وفضفضه حريمى لأمرأه تحاول تشويه تاريخ مصر وتوهمنا أنها من الملائكه المثاليه

معلشى يابرلنتى محدش كتير قرأ كتابك لذلك لم تجدى من يرد عليكى وكنت أتعشم أن يصدر بيان رسمى من القوات المسلحه تشجب فيه أطلاق أسم جيش عامر على الجيش المصرى والرد على أكاذيبك

أتمنى أن أكون وفقت فى الرد على زوجة المشير

جنرال بهاء الشامى

الأهرامات مصريه الجزء الثالث والأخير

■■ وصلا بما سبق وكنا قد توقفنا عند نسيان المصريين لأصل مشكلة الغجر وتحول صراعهم مع الحاكم وهنا نود توضيح نقطه مهمه جدا عن دور مساجين الغجر كما شرحنا فى الجزء الثانى وحديك مثال لو حضرتك جبت مقاول دهانات مثلا اسمه بهاء الشامى علشان يقوم بعمل الدهانات والديكورات لشقتك وأتفقت معاه وخد العربون وفى اليوم المتفق عليه حضر المقاول بهاء الشامى لشقة حضرتك وجاب معاها مثلا أتنين صبيان يساعدوه مثلا مينا ومجدى مع حفظ المقامات لفريقى فى أعمال النظافه ومسح البلاط مكان وقوع نقاط البويه وبعد 5 أيام مينا أتصابر فى صوابعه بعد الشر عليه والمقاول بهاء جاب مصطفى مكان مينا والمهم بعد 10 أيام أنتهت أعمال الدهانات وبهاء خد باقى حسابه وراح لحال سبيله لشقه تانيه وفى يوم حضرت أخت سعادتك وشافت الشقه وعجبها الدهانات والديكورات وإيه الجمال ده ياخالد ومين اللى دهن لك الشقه ؟؟؟ ..... هنا بقى حضرتك حتجاوب وتقول مين بهاء الشامى ولا الصبى مينا ولاالصبى مجدى ولا الصبى مصطفى ؟؟؟ هو ده اللى حاصل اليهود بيحاولوا يعظموا من دور المساجين الفواعليه بالسخره ويمحوا دور 4000 مهندس وفنى وحسابى ومصمم

■■ هنا سؤال بيطرح نفسه كسؤال طبيعى لما الغجر بهذه العبقريه الفذه فأين تاريخهم وأين أثارهم وهى أتخن حاجه فيها أودتين وصاله أسمهم معابد وعاوز أفكرك بمثال تانى ونقول مثلا حضرتك شايف مينا كمحلل سياسى بارع ومتيم به وفيه حواليه ضجه إعلاميه ضخمه ويصنف من أصحاب الجاه والسطوه وعندنا شخصيه مجهوله أسمها بهاء ومنفسن من مينا وعاوز يعمل لنفسه سعر على حساب شعبية مينا وعبقبريته يقوك بهاء يقولك أنت تعر أن مينا أنا اللى عملت منه أنسان وكاتب ومحلل ومن غيرى مايعرفشى يعمل حاجه تقوم سعادتك تتخض قوى وتقول لبهاء يعنى انت اللى بتكتب له مقالاته يقولك لأ ... طيب أنت اللى بتحضرها له يقولك لأ .... وأنت تسأل 100 سؤال عن طبيعة عمل بهاء ودوره فى حياة مينا والأجابه لأ ..... وبعد ماتركبك العفاريت تسأل بهاء أومال أنت إيه بالنسبه لمينا وبتعمل إيه علشان يكتب ويحلل ويرد عليك بهاء ويقولك مينا مابيعرفشى يكتب إلا وهو قاعد حافى .... طيب أنت إيه دورك هنا ياعم بهاء يقولك أنا بقى اللى بقلعه الجزمه ..... الغجر أو أحفاد أخوات يوسف لم يستقروا فى مكان كما قال التاريخ لتكون لهم حضاره وتاريخ مرتبط بوطن ويحاولون بكل السبل صنع تاريخ وحضاره ولم يجدوا غير أعظم حضاره وأقدم دوله تاريخيه ليقفزوا على تاريخها

■■ نعود لمقالنا ونقول أشتد الصراع بين الغجر والفرعون وزاد التنكيل بهم ونسى المصريين أصل الموضوع زى ماشرحت لك فى المقال السابق حتى رأى الفرعون الرؤيه الشهيره وتم تفسيرها من كهنة المعابد أن رجل سيولد من أهل الغجر سيقتلك وستكون نهايتك على يد طفل ممن سيولدون من أهل الغجر وتتوالى الأحداث وقصة سيدنا موسى ومولده المعروفه لكن للعلم ان الفرعون كان يقتل مواليد وأطفال الغجر فقط لاغير أما أطفال أولاد المصريين أحفاد أدريس فلم يقترب منهم نهائيا

■■ فى نفس الوقت كان الكهنه ورجال المعابد ورجال الفرعون يحرمون على المصريين لبس الذهب والمجوهرات وكانت مصر مليئه بالذهب ومشتقاته نتيجة تكسير جبال اسوان ومصادر أخرى وكانت مصر مليئه بالذهب جدا جدا وأصبح أقتناء المصريين للذهب لاقيمة له فهم لايظهرونه ولا يظهرون به ولا يستطيعون الحديث عنه وكل واحد مخبيه فى بيته فقط لن لو حد عرف بيتم مصادرته منهم لصالح الفرعون ورجاله

■■ دخلنا فى قصة سيدنا موسى ومعروفه للجميع وبعد عودته من غرب أسيا ومعه زوجته وصدامه هو وأخيه مع الفرعون وأتباع أهله وعشيرته الغجر أحفاد أخوة يوسف فى دينه ومعهم بعض المصريين وخصوصا السحره وبعض الكهنه بدأ التضييق عليهم وبدأ التحضير لهجرتهم من مصر نهائيا (( بدأ المصريين نكايه فى الفرعون ولعدم وجود أى قيمه للذهب فى أقتنائه يهبون الذهب للغجر بدون مقابل وخرج أهل موسى وأحفاد أخوة يوسف الغجر من مصر ومعهم كل ذهب المصريين ومجوهراتهم وخير مصر )) ودى كانت بداية ثرائهم الفاحش فقد أستطاعوا أستثمار ماخرجوا به من مصر ونموه ببراعه وهنا سؤال اليهود بيقولوا أن الدهب ده تحويشة عمرهم طيب جابوه منين وهما كان معظمهم مساجين ومطاريد وفواعليه واللى بيشتغل منهم كان بيشتغل بلقمته إلا لو كانوا سرقوه أثناء تكسير الجبال فى أسوان وتوارثوه وسؤال تانى ليه زى ماهما بيحلقوا علينا وبيطالبوا بتعويضات عن طردهم من مصر وتركهم العشش والبيوت اللى كانوا عايشين فيها أحنا مابنطالبشى بتعويضات عن الدهب اللى خدوه من مصر معاهم وأعتقد كده الأمور واضحه ومكانشى فيه حاجه أسمها لاسودان ولاسوزان

■■ ياساده ياكرام المتتبع لتاريخ أحفاد أخوة يوسف يجد سياستهم فى كل الأزمان والعصور واحده وهى أختلاق المشاكل حولهم ليلهوا أهل الأوطان الأصليين عن شرعية وجودهم حولهم وعندم التوقيع بين الأوس والخزرج أقرب مثال والتوقيع بين المصريين فى أول تواجدهم بمصر وسبب مشاكلهم مع المصريين والحاكم وهو أيضا سلوكهم عندما فروا من حول المدينه لشمال أسيا ثم هروبهم لأوروبا فى عهد عمربن الخطاب ثم مشاكلهم فى ألمانيا وأوروبا وكل المشاكل التى يبتدعونها حاليا وآخرها مايسمونه الربيع العربى .... سياسة الألهاء فى مشاكل بين عناصر الوطن الواحد لكى لانفكر فيهم وأقرب مثال القضيه الفلسطينيه لم تتحرك عقلة صباع واحده من يوم مادخلنا فى دوامة الربيع العربى

■■ أعتذر لمتابعينى على تويتر لعدم الأسترسال فى تفاصيل بناءا على طلبهم فى هذا الجزء لأن بعض الناس فهموا من الجزئين السابقين أننى ندعى أننا مؤرخين والحق يقال وقد تناقشت مع فريقى فى هذهى الجزئيه وهى تأريخ التاريخ المصرى وأتفقنا أننا لانستطيع ذلك ولم ندعى ذلك ومن نحن حتى نسجل تاريخ دوله بحجم تاريخ مصر ولم ولن نرتقى لذلك وكان هدفنا المعلن والخفى هو فقط الرد على إدعاء اليهود أنهم بناة الأهرام وإدعاء البربور السودانى أن الفرعون الغريق كان سودانى ولب ومحمصات

■■ أخيرا نتمنى أن نكون قد وفقنا فى الرد وأن لم يحالفنا التوفيق فيكفينا شرف المحاوله والله أعلم بالسرائر وماتخفى القلوب وختاما أشكر كل عضو فى فريقى على مايبذلوه معى وأن كان هناك فضل فيرجع لهم وعلى رأسهم رئيسة فريق العمل مغربية الجنسيه مدام / جميله سعيد

جنرال بهاء الشامى