البدع السياسى فى الحلزون الأرتوازى يادلعدى يانحنوح
بعد هزيمة حرب 67 لم تتوقف محاولات التفاوض لأسترجاع سيناء وتدخل وسطاء كثيرون لكن إسرائيل كعاداتها رفضت التفاوض بل وكانت تستفز عبدالناصر بمقولة لو أراد عبدالناصر التفاوض للحصول على السلام عليه التفاوض من أول الحدود الغربيه للقناه (( أرجع لخطب عبدالنالصر فى هذا الشأن
قبل حرب عام 73 سأل السادات رؤساء جيوشه وقادة الأسلحه عن المدى الذى يستطيعون حمايته بعد التحرير كتقنيات عسكريه فكانت الأجابه 17 كيلو بعد شط القناه الشرقى فقال السادات مقولته الشهيره أنا عاوز شبر واحد من سيناء بالقوه وأنا حجيب الباقى بالترابيزه (( يقصد هنا التفاوض من منطلق المنتصر )) يرجى الرجوع لكتاب (( البحث عن الذات ))
بعد أنتهاء حرب عام 73 أنتهى دور العسكريين وبدأ دور الثعلب السياسى السادات وذهب للكنيست ومن ثم خاض معركة مفاوضات كامب ديفيد وأستطاع من خلالها أسترجاع كامل تراب سيناء للإداره المصريه وهنا هاجت الدول العربيه كلها ماعدا الأمارات وأتلم جرابيع العرب عند صدام حسين وأتحدوا على تجويع المصريين ونقلوا مقر الجامعه العربيه لبغداد (( هو ده السبب الرئيسى اللى خلى السادات يترمى فى أحضان الأمريكان )) وطبعا كلكم فاكرين البهدله اللى شافتها مصر على أيد الفلسطنيين وبتمويل عربى وخصوصا الكلب معمر القذافى وكانت التفجيرات فى كل مكان فى مصر أشد قسوه وضراوه من تلك التى تحدث فى هذه الأيام
المهم علشان مانقلبشى فى جراح قديمه من العرب أستطاع السادات أسترجاع 60 ألف كيلو متر هى كامل التراب السيناوى لحضن مصر وقالت جولدا مائيير فى مذكراتها لاأعرف كيف سرق مننا السادات سيناء ولاحظ هنا أنها قالت سرق (( صعب أنك تسترجع شئ سرقه اليهود ))
والسؤال الذى يطرح نفسه من وقتها ولايريد العرب سماعه ماذا حقق العرب وهل أستردوا شبر واحد من أراضيهم ماذا فعلت الميكرفونات والفضائيات والشعارات وفشخرة الحنجره للقضيه الفلسطينيه للأسف لم يفعلوا شئ بل بالعكس ولا بلاش الكلام علشان بيوجع لكن الللى عاوز أقوله لما بدأ العرب يحرجوا أسرائيل وأضطروها لتوقيع أتفاقيات أوسلوا 1 و 2 كان لابد من شق الصف العربى ونجحوا فعلا فى شق الصف وخلقوا لنا حركة سماح التى شقت الصف الفلسطينى وماتت القضيه من وقتها بحجة اتفقوا الأول وأحنا تحت أمركم أتفقوا الأول وبطلوا شغل عيال وإحنا تحت أمركم وضاعت فلسطين وضاعت القضيه وضاعت يعض الدول العربيه وأصبح كل هم الفلسطنيين ليس إسترجاع أرضهم ولكن تمركزت قضيتهم فى معبر من ضمن 12 معبر هو معبر رفح المصرى لايهم سماح موت الفلسطنيين ولا موت فلسطين نفسها ولكن كل مايهمها كيف تكون صداع فى رأس مصر ثم يحدثوك عن العماله للأمريكان (( حد يركبها فى دماغى الله يرضى عليكم )) وأقسم برب الكعبه اول لما بقرأ تعليق أن مصر عميله لأسرائيل او الأمريكان بعرف على طول أن اللى كاتب التعليق حمار ولا يستحق الرد عليه
مات السادات وجاء مبارك وخشيت أسرائيل وأمريكا على الأتفاقيه وطمئنهم مبارك على أحترام مصر لمعاهداتها ومشى مبارك وجاء المجلس العسكرى ليتولى شئون البلاد وفعل نفس الشئ (( ملحوظه اول خطاب لأى رئيس لازم يتحدث فيه للعالم الخارجى ويبين موقفه من الأتفاقيات المبرمه ))
طوال هذه السنوات الماضيه منذ توقيع الأتفاقيه كان الأخوان مصدعينا بشعاراتهم الرافضه لأتفاقية كامب ديفيد وحمبوزو لاوى بوزو والشويتين بتوعهم
أن آآآن آآآآه موسيقى تصويريه ومارشات عسكريه والأخوان مسكوا الحكم وكان الطبيعى حسب ماصدعونا وزى ماكانت الدنيا كلها منتظره رافضى الأتفاقيه مسكوا الحكم وأول شئ يعملوه ألغاء أتفاقية كامب ديفيد أو على الأقل تعديلها لكن للأسف المهيطل مورسى كان حريص قبل حلف اليمين فى ميدان التحرير طمأنة الحبايب فى أسرائيل ورد الجميل للأمريكان وأيضا بعد حلف اليمين فى خطاب جامعة القاهره كان حريص على طمأنة اليهود على الأتفاقيه من هذه النقطه تحديدا محدش بقى يتكلم تانى على الأتفاقيه كانت قدامكم الفرصه لألغائها أو تعديلها لكنكم فعلتم مثلما فعل غيركم يبقى لما تتهموا السادات أو مبارك بالعماله تبقوا أنتوا كمان عملاء
دلوقتى بقى تسمع عيل اللبانه مدوخاه وكل شويه تقع من بقه على هدومه وبنطلونه ساقط منه وبيدخل نت من واى فاى مسروق من على القهوه يقولك (( عسكر كامب ديفيد )) ياخى عسكر لما يبقوا ...... وأتفاقية العار والأفشخانه فى الدكانه ولم يقرأ التاريخ القديم ولا الحديث ولم يقرأ أو يسمع ماذا قال مورسيهم لكنه تم برمجته على أهانة جيش بلده اللى حامى مامته وأخته من النوم إجبارا فى خيمة أمير المؤمنين أبو بكر البغدادى العنتيل الجديد
أحزننى برنامج بيسأل الشباب عن القضيه الفلسطينه وكانت الأجابات مفجعه بالنسبه لى أغلبهم لايعرف أين تقع فلسطين وبعضهم لايعرف سوى الأسم فقط وكانت الصدمه الكبرى عندما قال أحدهم القدس هى عاصمة السعوديه (( شفتوا عيالنا جاهله أزاى )) لكن شاطر يكتب على الفيسبوك يسقط حكم العسكر .... عرفتوا أزاى بيعرفوا يضحكوا على عيالنا وللأسف أحنا السبب محدش فينا بيقعد مع عياله ويناقشهم كل همه يجيب لهم كاراتيه وشيبسى ونايتى وأحدث موبايل
اللى عاوز يحرر فلسطين والقدس ويلغى معاهدة كامب ديفيد بدل مايلف وسطه بمتفجرات ويفجر نفسه فى وسط المسلمين يروح يفجر نفسه وسط اليهود ولو حسبت عدد الأنتحاريين اللى فجروا نفسهم حتى الآن ستعرف أن عددهم يساوى نصف تعداد أسرائيل يعنى من يوم ماطلعوا موضوع الأنتحاريين لو نفذوه فى الأسرائليين كان زمانا خلصنا من الشعب الأسرائيلى كله
السياسه هو عالم المصالح والكذب لكن المتاجره بالدين والشعارات الدينيه الرنانه ده أسمه بدع يادلعدى وأسألوا العرب زمان
الشتيمه اللى بتوصلنى على الرسائل بقرأها وبكون مبسوط بيها جدا لأنها بتعرفنى أن كلامى بيوجع ورسائلى من خلال سطورى حراقه بطعم الشطه أشتمونى كمان وكمان بس بلاش موضوع أمى ملهاش ذنب وهى الآن بين يدى الله ولاتملك أن تسامحكم وترجع تقولى قال الله وقال الرسول
#جنرال_بهاء_الشامى
رحم الله ام انجبت وربت مثلك
ردحذف