السادات المفترى عليه تاريخياً

فيه موضه ماشيه أو لبانه يتم تداولها ويقف خلفها أكثر من تيار سياسى وهى تشويه تاريخ وحقبة السادات وتحميله ما لا طاقة له به وقبل البدء فى الرد سنورد بعض مايقال

السادات سلم سيناء لأسرائيل عبر معاهدة كامب ديفيد

السادات فرغ سيناء من الجيش فكان هذا سببا رئيسياً فى أنتشار الأنفاق والأرهاب

السادات لم يقوم بالتنميه كما يجب وسلم البلد خرابه لمبارك

                ************************

والآن جاء دورنا للرد لكن قبل السرد نود هنا أن نوضح بعض الأمور

قبل الغوص فى أعماق الرد أود أن أوضح أننى لاتربطنى علاقة نسب أو مصاهره مع السادات ولست من أقاربه ومحدش فى ورثته حيقابلنى ويعطينى حق كتابة المقال لكنها شهاده تاريخيه أقف بها أمام الله 

أن مايتردد هى أحكام على حقبة السادات أو رأى أو فرضا وجهة نظر

أولاً : التاريخ ليس فيه وجهات نظر ولكن حقائق دامغه

ثانيا : بناء الحكم أو الرأى يكون على معطيات أو معلومات حتى تبن أحكامك عليها يعنى ماينفعشى تقول هما قالولى بل لابد للقاضى لأصدار حكم أن تكون لديه معلومات كامله فيما سيحكم عليه وكذلك حضرتك علشان تصدر أحكام لابد أن يكون أمامك كم هائل من المعلومات التاريخيه المؤكده لكى تستطيع أصدار حكم

السادات مسك الحكم عام 1970 م وتركه عام 1981 م يعنى قعد فى الحكم 11 عام وتعالى نشوف السادات عمل إيه فى 11 عام

السادات أستلم البلد وهى غرقانه فى الديون لكل تجار السلاح لأن عبدالناصر أعاد بناء جيش كامل ومش بس كده ده كان مطلوب منه يكمل شراء سلاح

السادات أستلم الحكم والبلد والشعب كلها مش طيقاه لأنه حل محل زعيم عالمى وكانوا بيقولوا عليه أزاى أراجوز يمسك مكان زعيم وبدأت حربه مع مراكز القوى أو تحديداً التيار الناصرى والأشتراكى  وأستمرت هذه الحرب لمدة 8 شهور حتى قام بما يطلق عليه ثورة التصحيح فى مايو عام 1971 م وبدأت أمور الدوله تستقر معاه من هذا اليوم تحديداً وكان واضح من تعيينه لأحمد إسماعيل مديراً للمخابرات العامه أنه قام بهذه الثوره ليجهز البلد لحرب تحرير سيناء المحتله

من مايو 1971 م وحتى أكتوبر 1973 م كان طبيعيا أن يكون مشغول بالتجهيز للحرب فقط على حساب أى حاجه تانيه فى البلد ماهو مش معقول أروح أجيب بنبونى ولبان للشعب وأنا بجهز لحرب الله أعلم حتنتهى على إيه وأزاى

أنتهت الحرب عملياً فى يناير عام 1974 م ودخلنا فى مفاوضات وقف إطلاق النار والتجهيز لمبادرة زيارة القدس لكن الشعب كان جاب آخره من الصبر كل هذه السنوات ويريد الحياه وبدأت فى الفتره دى مشاكله مع العرب ومع القذافى وبدأ العرب فى حصارنا أقتصاديا والبلد مش ناقصه وعلينا ديون سلاح بالهبل ولازم الشعب ياكل فكان الأنفتاح الأقتصادى ودى كانت خطوه هو مجبر عليها رغم خطورتها

كان قدام السادات نفس التقارير اللى كانت قدام السيسى وكانت قدام مبارك وأهملها بضرورة بناء عاصمه جديده لمصر والتوسع الأفقى العمرانى فبدأ فى أنشاء عدة مدن تخلد ذكرى أكتوبر منها العاشر من رمضان والسادس من أكتوبر ومعها مدينة السادات التى بناها بنفس تكتيك العاصمه الأداريه لكن مبارك هو من حول حى الوزارات لمبانى جامعيه ومات مشروع العاصمه الجديده

وافق السادات بعد مفاوضات وصفها الخبراء بأنها المفاوضات الشاقه مع اليهود حتى حصل على سيناء بالكامل بدون طابا ودخل فى مفاوضات طابا حتى حولوها للتحكيم الدولى وتسلمها مبارك على الجاهز

نأتى هنا للرد على أسئلة الحمله الحاليه

هل كان يعلم السادات أن أسرائيل ستوقع مع الفلسطنيين معاهدة أسلو 1 وأسلو 2 ؟؟؟

هل كان يعلم أن إسرائيل سترفض التفاوض مع الفلسطنيين إلا بعد أجراء أنتخابات لى تتفاوض مع ممثل شرعى   ؟؟؟

هل كان يعلم أن أمريكا وأسرائيل اللى كانوا رافضين التفاوض إلا مع حكومه منتخبه حتتفاوض مع حركة فتح وحركة سماح تنقلب على فتح ؟؟؟

هل كان يعلم السادات أن حركة سماح ستحتل قطاع غزه وتقوم معركه بينهم وتستولى على القطاع المتاخم لحدودنا ؟؟؟

هل كان يعلم السادات أن حركة سماح ستحفر الأنفاق وتطلع دين أبونا ودين أبو اللى خلفونا  بدعم وتمويل كطرى وإيرانى ؟؟؟

هل كان يعلم السادات أن أسرائيل سترفض التفاوض مع الفلسطنيين إلا بعد تصالحهم مع بعض ؟؟؟

هل كان يعلم السادات أن حيكون فيه أنفاق بين قطاع غزه وسيناء ؟؟؟؟؟؟؟؟؟؟؟؟؟؟؟؟؟

هل كان يعلم السادات أن مبارك سيغض الطرف عن حفر الأنفاق فى مقابل عدم تهديد حماس لنا ؟؟؟

هل كان يعلم السادات أنه سيكون هناك خريف عربى ويستولى الأخوان على الحكم فى مصر ؟؟؟

هل كان يعلم السادات أن مورسسيان حيجيب الأرهابيين على طائرة الرئاسه لسيناء من دول جنوب شرق أسيا ؟؟؟

هل كان يعلم السادات أن أمريكا ستعطل عودة طائرات الأباتشى من الصيانه لتمكن الأرهابيين من التوغل فى سيناء ؟؟؟

هل كان يعلم السادات ماسيحدث بعد 6 أكتوبر عام 1981 م ؟؟؟

طبعا جميع هذه الأجابات بالنفى لأنه لم يكن يعلم أنه سيموت فى هذا اليوم ولم يكن يحلم أنسان أن يعيش معانا حتى عام 2011 م

حضرتك بتتكلم وتحكم على السادات بعد أن علمت وأتضحت أمامك كل الرؤى والسادات أنحرم من المعرفه ووضوح الرؤيه بوفاته فكيف نحمله مالم يحط به علما وعلمته أنت بمعايشتك للأحداث

أنت تحكم على السادات وأمامك المشهد كاملاً أما السادات فلا يملك تلك الرؤيه لأنه بين آيادى الله منذ أكثر من 40 عاماً فهل يعقل أن نحاسب جدك أبو أبوك على أخطاءك بعد أن مات

 سيظل السادات حتى بعد وفاته حاله جدليه إلى ماشاء الله فهو الرئيس الوحيد الذى أستطاع هزيمة إسرائيل وإسترداد أرضه وسيظل السادات هو صاحب الأنجاز الذى لم يستطيع كل رؤساء العرب تحقيقه قبل وبعد وفاته حتى إشعار آخر

              مارشال بهاء الشامى

شهاده من داخل جماعة الأخوان المستخولين

قبل ذى بدأ أود أن أوجه حديثى لمن يهاجمونى لقراءة مقالات وكتب أى معارض أى كان فلم أكن لأعثر على هذه الشهاده لولا تعودى على الولوج لمواقعهم وكتبهم وعملاً بكلام رسولى الكريم من تعلم لغة قوم آمن شرهم

فى هذا المقال القصير سيتضح لك فكر هذه الجماعه المستخوله التى تسلك كل الطرق الغير مشروعه قبل المشروعه لتحقيق مآربها حتى وان خالفت كامل أصول الآديان السماويه مثل إستعدادهم للأعتراف بحق الشواذ جنسيا فى سبيل العوده لكرسى الحكم إرضاءاً للأسياد فى البيت الأبيض

الآن حتى لاأطيل أترككم مع بيان هذه المرأه التى تعتبر زوجها أحد شهداء رابعه بطريقة النسخ حتى لايطاله التحريف 

افتكرت فعلاً إن الإخوان كانوا بيربونا على السمع والطاعة، مينفعش تكون بتقولي الثبات والجهاد والاعتصام حتى الممات، والموت في سبيل الله، وحتى عودة الشرعية، وعمال توعد وتفرش الأرض ورد تحت تأثير قال الله وقال الرسول، والسمع والطاعة والثواب والعقاب والتعزير والطرد من جنة الإخوان، وبعدين تقول أصل والله محدش قالكم خليكم، فمينفعش تكون عمال توجهنا روحوا عند المنصة روحوا عند الحرس الجمهوري، روحوا رابعة، روحوا النهضة، وسالب الناس كل إرادتها"؛ نحن هنا أمام إدانة صريحة لمناهج التربية داخل الجماعة ولطريقة التنشئة التي تمثل قوام الفكرة الإخوانية لسلوك الجماعة في أعقاب أنقلاب 30 يونيو.

"وبعدين تقول أصل محدش قالهم، ده غير طبعاً نظام الترتيب والترقي داخل الجماعة والجندية والطاعة العمياء يلي أنت بتربي الناس عليها"والتشهير بيلي بيطلع والطعن في دينه وأخلاقه وشرفه، وده كان يا ما بيحصل بس مش موضوعنا دلوقت، وبعدين تقول أصل محدش قالهم! بس لقيت مخي بيسأل برضو: طب ما كده إحنا كنا مبنفكرش ومسلمين مخنا تماماً ليهم ولاغيين عقلنا !لقيت إن معظمنا كان كده فعلاً ويلي كان بيحاول يختلف كان مصيره بيبقى سواد السواد".

"بس كمان الإخوان بيسلبونا عقولنا بضغوط دينية واستدلالات السيرة، وحصرنا في منهج معين عشان منفكرش برّاه".

"مينفعش تجيبني وتحشدني من الأقاليم وتقعد تسخني وتغذي دماغي وقلبي بخطابات عنترية وتدعوني للثبات عشان النصر أو الشهادة، وتقول أصل محدش جبركم، وحتى ولو محدش جبرنا يا سيدي، فمن باب حتى المروءة والشجاعة والنبل إن ناس كانت ماشية معاك المفروض تبقى راجل وتدافع عنهم، دا أي شلة صحاب لو واحد صاحبهم اتخانقوا هما مش طرف في الخناقة، يدخلوا يدافعوا ويتخانقوا معاه، وبعدين من الأصل بقى كمان، لو حتى كل المعتقلين يلي في السجون دول كلهم مش إخوان فانت مسؤول عنهم بشكل مباشر، لأنك أنت سبب الأزمة يلي هما فيها، فكلامك دا كان ينفع لو كانت التحركات بتاعة الناس عفوية، ومحدش قالهم انزلوا بس بما انك كنت بتحشد الناس حشد وبتدفعهم دفع مباشر، فأنت المسؤول."

"لما تيجي دلوقت تتخلى عن المسؤولية دي يبقى تستحق كل دعوة من مظلوم يدعيها عليك، الاختيار الحقيقي اللي اختاروه الشهداء والمعتقلين إنهم يقولوا للظالم "لا"، معلش أنا كده شقيت الصف العظيم المتماسك والقوي الهُمام"؛

"ملحوظة: أنا زوجي استشهد في رابعة".

يبدو أن تلك الرساله تؤكد أن قواعد الإخوان المستخولين تغادر السكره لحساب الفكره التى ستقودهم قطعاً لإكتشاف حقيقة هذا التنظيم وأن ما يجرى داخل قواعد الجماعه أكبر بكثير مما تحاول خداعنا به منابر الخارج التى أصبحت مجرد مصدر إسترزاق يحافظ أصحابها عليها لمصالحهم الخاصه

                   مارشال بهاء الشامى

متى يتخلصون من أردوخان بن تنزيله

ليه الدول المعنيه ساكته على الواد أبن تنزيله

لازم تبقى عارف أن الواد رجب رئيس دوله جغرافياً فى الملف السورى تعتبر الورقه الجوكر فى الملف السورى ورجب نفسه عارف أهمية موقع بلده الجغرافى

علشان نجاوب على السؤال لازم نعرف أزاى بدأت مشكلة الملف السورى

حافظ الأسد ومن بعده بشار على مدار عقود جعلوا من جيش سوريا فصيل مقرب للنظام وفصيل مضطهد ولما حدثت أحداث 2011 فى سوريا كانت فرصه عبر دعم خارجى لأنقسام الجيش السورى وكل جيوش العالم تحتوى على عناصر مختلفه دينيا وعقائديا وسياسياً عدا جيش واحد فقط هو الجيش الأسرائيلى وعندك مثلا الجيش الروسى والأمريكى والصينى والهندى بداخلهم مسلمين رغم أن الدول دى دول مسيحيه لكن المشكله فى التمييز فى المعامله اللى كانت ذريعه لأنقسام الجيش السورى ولحد هنا كان شأن داخلى

جماعة الأخوان المستخولين رؤسها الكبيره قبل طوفان الهروب كانت كلها فى مصر ولما مصر سقطت فى آيادى التنظيم ظن العالم كله أن خلاص الجماعه أمتلكت زمام الأمور فى العالم ودانت لها السيطره العالميه كتنظيم دولى وأحد المنظمات السريه التى ستحكم العالم

علشان كده لما وقف مورسسيان فى الصاله المغطاه وقال لبيك ياسوريا وزمانه دلوقتى بيتقلب فى نار جهنم على كل نقطة دم سالت فى سوريا عقب إطلاق ندائه لمنتخب متطرفى العالم للجهاد المزعوم فى سوريا

سافر كل أصحاب اليمين الدينى المتطرف لسوريا عبر تركيا لأن كانت كل الحدود مقفوله مع سوريا عدا الحدود التركيه الأسهل للقادمين من أوروبا والشيشان وروسيا وأمريكا

من هنا تفهم أهمية تركيا جغرافياً بالنسبه للملف السورى وعلشان كده أمريكا اللى كان لها مصلحه غضت الطرف عن كسر تركيا للحصار الأقتصادى الأمريكى المفروض على إيران

كان فى الوقت ده الأقتصاد التركى بدأ يعانى لكن مع كسر الحصار بدأ الأقتصاد التركى والمعونات المستتره تنعش الأقتصاد التركى ولم تلتفت قيادات تركيا لما بعد أنتهاء الملف السورى لكنهم بغباء سياسى أستمروا فى أبتزاز الموقف أقتصاديا وشفنا تركيا بتساوم الدول الأوروبيه على المعونات فى سبيل وقف تدفق المتطرفين لسوريا

طبعاً كان كل ده أمام روسيا وبوتين وحاول فى بداية الملف أستمالة تركيا لكن كان غرور أبن تنزيله وصل لعنان السماء

كانت حادثة إسقاط  الطائره الروسيه المسبب الشرعى لبوتين للضغط القوى على أبن تنزيله وهو فعلا ماحدث وبدأ الأقتصاد التركى يترنح على خفيف لكنه تأثر فأسرع أبن تنزيله للتنازل عن عنجهيته وغروره وسافر لبوتين فى عقر داره يطلب العفو والسماح

بدأ بوتين يمارس مع تركيا سياسة العصا والجزره والصيد فى الماء العكر فأستطاع الوقيعه بينه وبين الأمريكان وخصوصا فى عهد ترامب الرجل الأقتصادى أكثر منه سياسى

فى خلال الفتره دى ونظراً لأن ترامب أقتصادى مش سياسى أستطاعت روسيا السيطره بنسبه كبيره على الملف السورى وخصوصا بعد حادثة ضرب ترامب لروسيا وسقوط صاروخين توما هوك فى مياه البحر المتوسط والحصول عليهم قبل تدميرهم ذاتيا وأصبحت تكنلوجيتهم ملكا لروسيا وبدأ تراجع أمريكا فى سوق السلاح وبدأت روسيا تنتع أقتصاديا كتاجر السلاح رقم واحد فى العالم وتراجع أمريكا للمركز الثالث بعد الصين

ترامب أقتصادى وبدأ يمارس على دول الحليب العربى الضغوط ووجد ضالته فى البعبع الأيرانى وبدأت ضغوط اللوبى اليهودى على أمريكا للتشديد على حصار أيران أقتصاديا بشكل فعال فبدأت أمريكا تمارس الضغوط على أيران عن طريق غلق الطريق عنها من تركيا وطبعا زى ماوضحنا فى الأول الخاسر فى الليله دى الأقتصاد التركى اللى كان بيعتمد على كسر الحصار الأمريكى بعلم وموافقة أمريكا

كل ده فى صالح روسيا اللى بدأت تستغله كما يجب لترويض المتنمر أبن تنزيله وبدأت تبعده عن الأمريكان رويدا رويدا حتى أرتمى تماما فى حجرها 

أردوخان رئيس دوله يعيبه أنه شعبوى يعنى بيعتمد فى كل أنجازاته على تصفيق المبهورين بخطاباته بدون تحقيق أنجازات ملموسه وعلى سبيل المثال دول كثيره حصلت على أسلحه متطوره مشفناش دوله هللت على صفقة سلاح سوى تركيا فى حصولها على منظومتين صواريخ أس 400 لكنه كرئيس سياسى لايملك الرؤيه السياسيه بعيدة النظر مثل أى رئيس شعبوى

كان ممكن أبن تنزيله يلعبها أفضل من كده وينعش أقتصاده ويقويه وينميه لو لعب سياسه صح لكنه مارس سياسه زى أطفال الشارع ياخد لحسه من جيلاتية ده يقف جنبه عيل تانى يديله ربع رغيف بطعماييه يروح يقف جنبه وتناسى أنه بيلاعب ثعلب أقتصادى لايهمه سوى المال ودب روسى مخابراتى يتعامل مع السياسه بهدوء شديد جدا رجل يسجل أهدافه فى سبيل المال ورجل يسجل أهدافه فى سبيل بطولة دورى العالم فضاع بينهم غير مأسوف عليه

لكل ماتم ذكره أردوخان ورقة جوكر الملف السورى لكنه ليس لاعباً رغم ا،ه كان ممكن يكون ورقة جوكر ولاعباً لكنه أكتفى بموقع بلده كورقة لعب ولم يستطيع مجاراة اللاعبين  فأصبح ألعوبة العالم وأضحوكته لذلك سيظل وجوده مهماً جدا لحين أنتهاء الملف السورى لأنه لاوقت لأستبداله بغيره والتخطيط من جديد عملاً بمبدأ الهبل اللى تعرفه أحسن من اللى متعرفوش

                  مارشال بهاء الشامى

اللامعقول فى عالم العقول رقم 37

حرب الأشاعات علم معترف به ويتم تدريسه فى تدريبات أجهزة المخابرات وليست وليدة اليوم ولكنها منذ عرفنا الخير والشر

الأشاعات أنواع منها السياسيه والأقتصاديه والترويجيه والدعائيه ومنها وأشرسها الأشاعات العسكريه وأتكلمنا فيها بالتفصيل على صفحة الفيسبوك الشخصيه على مدار أسبوع

فيه منتجين أفلام قبل الفيلم ماينزل يطلع اشاعه أن الرقابه مش موافقه على الفيلم علشان فيه مشاهد جنسيه وهوبا المراهقين اول ماينزل الفيلم جرى على السيما ويلاقى الفيلم اونطه وكل اللى بان من الممثله دراعها بس وفيه مطرب قبل ماينزل الشريط يقولك ده طلق فلانه أو أتمسك مع فلانه أو ده آخر شريط وحعتزل بعدها

كثير من رؤساء العالم ومصر أستخدموا حرب الأشاعات مثل مبارك كان بيرمى الأشاعه بإرتفاع سعر كذا وهوبا التجار ماتصدق وترفع ويقيس رد فعل الشارع فأن وجده متقبل للزياده يفعل على بركة الله

يذكر التاريخ الحديث أن السادات أستغل حرب الأشاعات التى كانت توجه ضد الجيش وضده أفضل أستغلال ومن خلالها أستطاع تحقيق المفاجأه العسكريه فى حرب عام 1973

إسرائيل عن طريق عملائها من المصريين المندسين وسطنا كانت تروج أشاعات للأحباط زى الجيش مش حيحارب وزى الجيش المصرى بقى بطه بلدى وزى الجيش خلاص أستسلم للأمر الواقع وغيرها من الأشاعات على عكس عبد الناصر الذى رد على تلك الأشاعات بحرب الأستنزاف لكى يقول لشعبه لم ولن نتنازل لكن السادات بدهائه وخبثه السياسى لم يرد بل لاأخيفك سرا كان يتركها لتنتشر حتى وصل الأمر أن أسرائيل نفسها صدقت الكدبه

كان السادات لما يروح يزور دوله معينه يقولك ده رايح يتذلل علشان يتوسطوا له عند إسرائيل علشان متضربشى الجيش المصرى وتقطم وسطه تانى وبدأت خطة ترسيخ مفهوم أن الجيش الأسرائيلى لايهزم وأن خط بارليف مانع أسطورى وأن السادات أونطجى ومش بتاع حرب وباع سيناء وحيسبها للأسرائليين وكان السادات لترسيخ هذا المفهوم لدى المصريين والأسرائليين كل فتره يرفع درجة الأستعداد والطوارئ ويستدعى قوات الأحتياطى والدنيا كلها تقولك السادات حيحارب وأسرائيل تستعد وتجهز نفسها وتنتظره بالخطط الحربيه العسكريه وفجأه بخ ويطلع كل ده أونطه ونرجع لنقطة الصفر وهالما جرا حتى أقتنعت أسرائيل بأن السادات بطه بلدى وخرونج وأطلق أشاعة تصدع السد العالى لتمرير صفقة طلمبات المياه من ألمانيا لفتح الثغرات فى الساتر الترابى (( أنا أتكلمت فى النقطه تحديدا دى قبل كده ))

عندما أتخذ السادات قرار الحرب بعد التجهيز الجيد له أمعانا فى التمويه أبلغ الملك حسين عاهل الأردن اللى كان بينقل أسرارنا كلها لأسرائيل بموعد الحرب وطبعا الملك حسين أبلغ الأسرائليين ووقتها قالت جولدا مائير رئيسة وزراء إسرائيل السادات بيلاعبنا أزاى عارف أن الملك حسين بيبلغنا كل حاجه (( أرجع هنا لمزكرات رفعت جبريل الملقب بالثعلب وكان مكلف وقتها بملف الملك حسين ملك الأردن )) ويطلعه على موعد وقرار الحرب ده راجل هجاص وعاوزنا نصدقه ونرفع درجة الأستعداد لأستنزاف مواردنا وخلاص زى كل مره (( أرجع لمذكرات جولدا مائير ))

قامت الحرب فى توقيت غريب جدا غير المتعارف عليه عسكريا وقتها فكان من المعتاد الضرب يكون معى أول ضوء للفجر لكن السادات بدأها فى منتصف اليوم (( لازالت حتى الآن الخدع الأستراتيجيه لحرب أكتوبر التى قام بها السادات تدرس فى المعاهد العسكريه حتى يومنا هذا )) وكانت المفاجأه أن الأسرائليين غير مصدقين أو مستعدين زى كل مره ولا أخفيك سراً أن العالم كله لم يصدق بل أن المصريين نفسهم لم يصدقوا إلا بعد أن أعترفت إذاعة مونت كارلوا وإذاعة اسرائيل بتوغل الجيش المصرى داخل سيناء وأن خط بارليف الأسطورى سقط منهاراً تحت أقدام الجنود المصريين وبدأت وكالات الأنباء العالميه تتحدث عن بطولات خارقه لايصدقها عقل أو منطق للجندى المصرى بتسليح أقل عددا وأقل تحديثا مما يملكه العدو الصهيونى (( هما دول العسكر اللى بتهينوهم ياأوباش مصر وفلسطين هما دول خير أجناد الأرض يامشايخ الفتنه والضلال ))

بوجع دماغك ليه بالقصه الطويله دى علشان تعرف خطورة وأهمية حرب الأشاعات وكيف تؤثر بقصد أو دون قصد على مجريات الأحداث

السيسى أبن اليهوديه حيدفع الناس كهربة المساجد من جيوبهم (( ممكن جدا واحد كان واقف فى مسجد ولما عرف بموضوع العداد الألكترونى قال أحنا ندفع تمن الكهربا ونرفع الحمل ده من على الأوقاف كنوع من أنواع التبرع وحب للخير والبلد ..... وهوبا واحد من أياهم لقط الحوار وحرفه بطريقته وأنتشرت الأشاعه اللى موجوده حاليا رغم أن الأوقاف أنكرتها )) واحد مستثمر بره يسمع الأشاعه دى يقولك البلد دى بتشحت أروح أستثمر فيها ليه بقى

تطلع ممثله هايفه مشفتش لها دور تربوى فى أى فيلم تقولك أنا أتثبت على الدائرى علشان تتشهر وتتفضح زى اللحمه فى السوق ويطلع عضو مجلس إدارة النادى الأهلى بمنتهى الجهل علشان يلزق فشلهم فى خسارة بطولتين فى أسبوع يقولك المدرب ماشى علشان أتهدد بالقتل (( يخرب بيت أم اللى عملك مسئول )) ويطلع مذيع بمنتهى الجهل يقولك البنات بتتخطف ألحقونا ياهوو ونكتشف أن البنت كانت بتقضى وقت لطيف فى مكان هادى مع واحد صديقها مع ان المذيع ده لو حابب يخدم كان ممكن بأتصلاته وبمكالمه واحده خلص الموضوع مع الداخليه لكن نقول إيه بقى ماهى البلد كله بينهش فى لحمها والسيسى بصراحه طرى (( عاجبنى قوى أردوغان فى الحته دى تحديدا قطع عرق وسيح دم وسلخ وشوى )) ويطلع مذيع على قناة الجزيره ويحلف بشرف أمه أن السيسى مات وأن الموجود دوبليره واللى بيحكم البلد من تحت لتحت العسكر وتطلع مذيعه بنظاره تقولك القمر الصناعى بتاعنا فقدنا السيطره عليه والحكومه ساكته (( دى لعبة مخابرات وعرفوا أزاى يستغلوها فى ترويج اشاعه زى دى علشان موضوع ليبيا ))

ما يلفظ من قول إلا لديه رقيب عتيد .... قبل ماتردد أى كلام زى البغبغان شوف الكلام ده تأثيره المباشر عليك وأوعى تفكر أن الأشاعات ملهاش تأثير مباشر عليك

فيه قصه بتاعة الوليه اللى ولدت قرد ..... كان فيه واحده بتزور واحده ست كانت ولدت عيل ودانه كبيره حبه قالت لجارتها أسكتى مش فلانه ولدت عيل ودانه كبيره زى ودان القرد وجارتها لما نقلت الخبر قالت للتانيه اسكتى مش فلانه ولدت عيل ودانه ودان قرد راحت التالته وهى بتنقل الخبر قالت أسكتى مش فلانه ولدت عيل زى القرد راحت الرابعه وهى بتنقل الخبر قالت أسكتى مش فلانه ولدت قرد وأنتشرت المعلومه فى الحته كلها أن فلانه ولدت قرد .... نرجع للست الأولانيه كانت مابتخلفشى وكانت عامله تحاليل ومنتظره النتيجه مع جوزها لما يرجع بالليل من الشغل وطبعا الأشاعه وصلت لودان جوزها وكان راجل عاقل قوى وعرف بطريقته أن مراته هى سبب الأشاعه وعارف أن مراته يتقلعلها عين وتخلف عيل وحتموت على الخلفه فقرر يأدبها بطريقته فلما رجع من الشغل مراته خدته بالحضن وسألته على نتيجة التحاليل علشان تخلف رد جوزها بخباثه وقالها أصرفى نظر دلوقتى عن موضوع الخلفه أحسن فيه دكتور بيقول النسوان كلها بقت بتخلف قرود

آاااااااه يابلد كلها بقت بتخلف قرود ..... يوووووووه قصدى آه يابلد بتموت فى الأشاعات وتصدقها

            جنرال بهاء الشامى

نحن لانقتل الأسرى ياسيادة الرئيس

اليوم وهذه الساعه نحن بصدد الرد على خطاب عز الدين شكرى للسيد رئيس الجمهوريه فى جريدة المصرى اليوم

قبل ذى بدأ أعلم أن المصريين عندما يريدون يفعلون فلماذا هذا الصمت الغير مبرر على هذه الجريده ولماذا لا نتخذ القرار بمقاطعتها وعمل حمله لأغلاقها لأنها تعمل ضد الدوله ورغبة المصريين وهذا المقال خير دليل ومعاك رابط المقال لترى بعينك الأستفزاز

https://www.almasryalyoum.com/news/details/1151204

معاك مقال عن صاحب المقال اللى أحنا بنرد عليه علشان تعرف تاريخه وتعرف ميوله 

https://www.mobtada.com/details/683167?fbclid=IwAR0ArKtpKxY0Yo543bw_-Kc3w-8x1eQLiXwoxvQfXVxFcKQOeB-FsOPFX5s

بدأ كاتب المقال عنوان خطابه بحرفيه عليه جدا لها مخزى خبيث بنحن لانقتل الأسرى فهل عادل حباره كان أسير وهل محمود بتاع أسكندريه قاتل الأطفال كان أسير وغيرهم ممن تم إعدامهم كانوا أسرى ؟؟؟

الأسير يكون فى معركه بين خصمين وبين جيشين متحاربين لكن مانحن بصدده هو جرائم ضد الأنسانيه فهل قاتل أطفال معهد السرطان يعتبر أسير وهل قاتل المصليين فى المساجد والكنائس على غفله يعتبر أسير

الأسير فى المعارك وجها لوجه فهل تفجير الأبرياء يتم داخل معارك

قد تقول أنها معركه وقد يسعفك لسانك بالمصطلحات العاطفيه فهل تفجير الأبرياء ممن لاذنب لهم تم فى نطاق معارك حربيه

الآن والآن فقط فهمنا ماهو المقصود من بيان شباب الأخوان بالسجون لو أضفناه لهذا المقال بهذه الجريده الصفراء المشبوهه أنكم تحاولون لفت نظر العالم أن الأعدامات القادمه ماهى إلا إعدامات سياسيه

أعترفت كاتب المقال أن القتل جريمه مروعه وبعض الجرائم تمت بطريقه مبالغ فى قسوتها وأعترف أن القصاص ليس كل شئ أليس من فرض القصاص هو رب الدين الذى تدعون أنكم تتبعوه

علينا تنفيذ القصاص وليس علينا السؤال هل سيرتدع غيره أم لايرتدع فلن تنتهى الجرائم طالما هناك قلوب ماتت مشاعرها وأستباحت الدماء وذبحت وسط الطرقات فى سيناء وشوارع مصر

رسول الله رجم زانيه تابت توبه نصوحه وهو بنفسه قال لقد تابت توبه لو شملت أهل الأرض لكفتهم وطبق حد من حدود الله فهل توقفت جريمة الزنا يامحترم ولا حضرتك بتجيد التلاعب بالألفاظ

يدعى كاتب المقال الأسراف فى تطبيق عقوبة الأعدام ولم يتحدث عن الأسراف فى قتل زهرة شبابنا ومصلينا وأطفالنا فأين المنطق والعقل فى مكتوبه لرئيس الدوله

من أعلمك وقال لك عن سيناريو يوم القيامه بين السيسى وربه ومن أعلمك ان الله سيغفر عدم تطبيق الحدود التى شرعها وأمر بها

يدعى كاتب المقال فى المصرى اليوم أن المجرمين من شعبنا فهل من حق الشعب قتل بعضه دون عقاب ودون حساب أذن لماذا نعدم القتله ونسجن السارقين فمن هذا المنطلق الذى تتحدث به نغلق السجون ونلغى القضاء والشرطه ونترك الشعب يقاتل بعضه لإرضائكم ويتحول المجتمع لغابه البقاء فيها لمن يملك السلاح وتقف خلفه المخابرات الأجنبيه

تتحدث أن تنفيذ حدود الله هى رغبه فى الأنتقام وسأصدقك فيما تدعيه فمن بدأ بالأنتقام من الأبرياء لمجرد الأقصاء من على كرسى الحكم بعد رغبه شعبيه فى 30 يونيه

يتحدث الكاتب عن الأنتقام ألم يكن الأجدر أن تطالب هذه الجماعه بعدم الأنتقام والدعوه للحوار بدون شروط وبدون أستقواء بأمريكا وأسطولها فى مياه الأسكندريه

بين طيات سطورك تتحدث عن العمليات العسكريه فهل كان ضحايا معهد الأورام ومصليين المساجد والكنائس جنود فى معارك عسكريه أم مدنيين أبرياء لادخل لهم  قتلوا على غفله وبكل قسوه 

كاتب المقال يشكك فى أجراءات التحقيق والمحاكمات وهنا يحق لنا سؤال هل من قتلتهم جماعته كان بعد تحقيقات ومحاكمات عادله أمام المجتمع الدولى وطبقا لقوانين عادله وهل تمت محاكمة أطفال معهد السرطان ومصليين المساجد والكنائس ؟؟؟

من بيان مدانى الأخوان بجرائم جنائيه من أيام نفهم أنه هناك توجه عام  فى الجماعه لتوجيه خطاب للمجتمع الدولى أن مساجينهم وقاتليهم هم معارضيين سياسيين ومحاوله رخيصه لوقف الأعدامات القادمه بعد أيام لعدد من أتباعهم  والسلام عليكم ورحمة الله وبركاته

                 جنرال بهاء الشامى

مؤتمر الحسنه الدولى لأستقلال سيناء مصر

لاحظت بشكل مرعب أنتشار بوست عن هذه الواقعه وبه أخطاء بسيطه لكن خشية التحريف أردت توثيق الواقعه لتكون نبراساً للجميع ومنعا من تحريفها بعد أن دخلت عليها التحبيشات الفيسبوكيه

بعد نكسة يونيه عام 1967 م تعمد الأسرائيليين إغراق أهالى سيناء بالخيرات لشراء ذممهم  خصوصا وأنهم أشتروا بعض الذمم فى منطقة شرم الشيخ ونويبع ودهب

أغرقوا أهالى سيناء بكل مالذ وطاب ويروى بعض الأهالى أنهم كانوا يحضرون الماء للماعز بالطائرات العاموديه وتلد سيدات سيناء فى مستشفيات تل أبيب تحت رعايه فائقه ومع عودتها لسيناء يحملونها بكل مايحتاجه الرضيع بكل شئ

وسط هذا كله وتحت هذا التأثير والجو وعبر ظباط مخابراتهم تفاوضوا مع بعض شيوخ قبائل سيناء على قطع سيناء عن مصر ومنحهم الحكم الذاتى

طبعا مخابراتنا المصريه كانت نشطت فى سيناء فى هذه الفتره وكان لنا كثير من الظباط فى سيناء متخفيين وكان منهم محمد اليمانى اللى فيه شارع بأسمه عندنا فى كفرالزيات تكريما لأعماله وتوجس شيوخ سيناء من طلب ظباط المخابرات الأسرائيليه فأخبروا محمد اليمانى فتواصل مع القاهره فجائته التعليمات بجس نبض شيوخ القبائل فى رغبة الأنفصال وفعلا بدأ اليمانى فى جس النبض وأخبر القاهره برفض شيوخ القبائل أنفصال سيناء عن مصر فكانت التعليمات من القاهره بتوخى الحذر وعدم تعريض أهالى سيناء للخطر خصوصا وأن حرب الأستنزاف كانت مشتعله وبدأت رسميا فى مارس 1968 م

بدأ شيوخ سيناء فى مماطلة الأسرائيليين لبعض الوقت فسافر لهم موشى ديان وأجتمع بهم ووعدهم بحكم ذاتى ومساعدتهم فى الأنفصال عن مصر عن طريق الأمريكان ومجلس الأمن وقال لهم لفظياً المصريين مش حيدخلوا سيناء تانى وجيشهم لن تقوم له قائمه ووعدهم بتحديث البنيه التحتيه وبعض المميزات وتحويل العريش لمدينه عالميه وكل المطلوب فقط هو مؤتمر صحفى عالمى لأعلان طلبهم الأنفصال عن مصر أمام صحافة وكاميرات العالم

معاك الفيديو يؤكد هذه الروايه

https://www.youtube.com/watch?v=BICHnTQslZI

بعد مشاورات بين شيوخ القبائل قرروا خداع الأسرائليين بعد كل هذه الضغوط وليكن مايكون

كان رأى القاهره عدم تعريض حياة شيوخ سيناء للخطر وان تأخذ القضيه بعد سياسى آخر أنهم تحت ضغوط ولايجوز أنفصال جزء تحت الأحتلال من وطن (( مبدأ قانونى دولى )) وأخبرهم اليمانى بوجهة نظر القاهره لكنهم أصروا على موقفهم

حاول المحامى سعيد لطفى مهندس العمليه أثنائهم عن موقفهم فرفضوا وأبنه محمود موجود على قيد الحياه 

بدأت أسرائيل تعد العده لهذا المؤتمر الصحفى العالمى وحضرته جولدا مائير بنفسها ومعها حشد رهيب من الصحافه العالميه وموشى ديان وأريل شارون

بدأ المؤتمر الصحفى فى أكتوبر عام 1968 م  وفوض شيوخ القبائل الشيخ سالم الهرش من قبيلة البياضيه للتحدث بأسم شيوخ قبائل سيناء جميعهم وتوجهت أنظار العالم كله ناحية الشيخ سلم الهرش الذى بدأ كلمته بتلاوة القرآن الكريم (( فلما دخلوا على يوسف أو إليه أبويه وقال أدخلوا مصر أن شاء الله آمنين )) ثم وجه نظره ناحية شيوخ القبائل وقال لهم لقد فوضتونى فهل ترضون بما أقول فقالوا نعم ياشيخنا فقال أن باطن الأرض أولى لنا من ظاهرها أن قبلنا أن تكون سيناء ارض غير مصريه ...  أن سيناء أرض مصريه ولن تنفصل عن مصر ولن نرضى بغير مصر وطناً بديلاً ونحن لانملك سيناء ولانملك حق التفريط فيها ولا نملك حق التفاوض عليها ونحن تحت الأحتلال الأسرائيلى والقانون الدولى يحرم ذلك

طبعا مكانشى ينفع يكون فيه ضدهم أى رد فعل أمام الكاميرات وأنفض المؤتمر وأنصرفت جولدا مائير وظل موشى ديان بسيناء ليشرف بنفسه على عملية الأنتقام من شيوخ سيناء

فى اليوم التانى للمؤتمر الصحفى الفاشل بدأت قوات الجيش الأسرائيلى فى التنكيل بشيوخ سيناء وقبضوا على مايزيد عن 120 شيخ وكبير وزعيم حسبما تقول الروايات وبحثوا عن الشبخ سالم الهرش الذى أستطاع الهروب للأردن وتم ترحيله من الأردن لمصر وأستقبله جمال عبدالناصر بنفسه وكرمه ومنحه نوط الأمتياز من الطبقه الأولى

تقول بعض الروايات المبالغ فيها أن أسرائيل وعدت الشيخ سالم أن يكون ملكاً على سيناء وتقول بعض الروايات أن الأتفاق كان مع المخابرات المصريه على سيناريو المؤتمر وكلها روايات يغلب عليها طابع الشحن المعنوى وماتم سرده هو القصه الحقيقيه الموثقه

               جنرال بهاء الشامى 

كتاب الحرب النفسيه الجزء الأول قراءه أون لاين

كتاب الحرب النفسيه لعملاق المخابرات المصريه صلاح نصر قراءه أون لاين صدقه جاريه علميه على روح والدتى فلا تنسوها بدعائكم 

ملحوظه : لاتحاول طباعة الكتاب أو تحميله فقد تم منع هذه الخاصيه وتعتبر خائن للأمانه لو قرأت الكتاب وبخلت على والدتى بدعائك  

https://drive.google.com/file/d/1bMnzPWj37eTYoBFxVu9l_3eFjp50C7Sy/view?usp=sharing


جنرال بهاء الشامى

ملف السوريين فى مصر رقم 8

قال لها هاتيلى راجل أكلمه لقى رجالة مصر كلها ذكورها وحريمها كلهم رجاله فى وشه

مفيش مشكله نهائيا فى وجود أى جاليات فى بلدنا لأن دى طبيعة الحياه ومفيش مشكله فى قلة أدب أى حد فيهم فيه قوانين بتحكم البلد وفيه جزمه للى مش محترم ياخد بها على دماغه مهما كانت جنسيته والأعراف والأصول كلها بتقول كده

عندنا جاليات من كل دول العالم وفيهم جاليات أكبر من الجاليه السوريه

فيه قوانين بتحكم أى أجنبى لو مفيش معاه إقامه وبتنظمها معاهدات دوليه يعنى لو عندك حد عليه ملاحظات أمنيه بيتم التحفظ عليه وبتقدم حضرتك كدوله تقرير أمنى فيه ومنظمة اللاجئين بتاخده ترحله على بلده أو أى بلد أخرى

لو غلط التخين فيه قانون زى أى دوله بيتم عقابه وسجنه طبقا للقانون

لحد هنا مفيش مشكله تبقى فين المشكله ؟؟؟

قمة الخطوره فى تركيبة أى شعب هى مشكلة التغيير الديمجرافى ودى مشاكلها كبيره ولاتنتهى عبر العصور وده مش مجال شرح خطورة التغيير الديمجرافى

تقرير وزير العدل لرئيس الوزراء مقالشى السوريين قليلى الأدب ولا عديمى التربيه ولا طويلى اللسان لكن حذر التقرير من أرتفاع حالات الطلاق بينهم وكثرة حالات الزواج من مصريين لأن هى دى المشكله اللى تهمنا كدوله تخاف على هويتها

نرجع لكتاب الكاتب والمؤرخ العالمى  سليم مطر المنظمات السريه التى تحكم العالم سنجد أنه يحذر من التغيير الديمجرافى فى كل دول العالم وبالذات من معتقدى الفكر الأخوانى العفن وخصوصاً فى مصر وفرنسا لأنك لو سيطرت على مصر أنت سيطرت على أفريقيا والشرق الأوسط ولو سيطرت على فرنسا أنت سيطرت على القاره العجوز بالكامل

أذن صلب المشكله هو التغيير الديمجرافى الذى يصعب مواجهته بالقوانين لكن التصدى له تصدى شعبى هو الحل الأمثل وحادثة مطعم الأسكندريه  الضغط الشعبى هو اللى حرك أجهزة المحليات اللى نايمه فى مستنقعات الفساد وكله ماشى بالساندوتش والقرصه أم سمسم

قلنا من 5 سنوات أن إيران كانت لها خطه شيطانيه بتغيير ديمجرافية سوريا وفعلا نجحت فى ذلك بإمتياز وتعالى وضح دى

لما أشتدت الحرب فى سوريا وتدخلت كل الدول فى الحرب السوريه ظهر المال الأيرانى وبدأ الشيعه فى سوريا والأيرانيين فى شراء بيوت ومصانع وممتلكات وكل ماتقع عليه أعينهم من السنيين وتحديدا الأخوان هناك بأعلى الأسعار وسهلت لهم الهجره خارج سوريا وحسألك سؤال سمعت عن واحد شيعى هرب من العراق ؟؟؟ أتحداك

من هنا تفهم أن كل من هاجروا من سوريا هم السنيين الأخوان اللى باعوا أملاكهم للإيرانيين ولو كان السورى جاى بلدك وفى نيته الرجوع مكانشى أشترى محلات تمليك ولا عرض فى شقه مليون جنيه وملناش صالح جاب فلوسه منين اللى يهمنا رغبته فى التملك فى بلدك مهما كانت الأسعار ومهما كان الثمن

عندى قريه فى محافظة الشرقيه لايسكنها مصرى واحد وكل سكانها من الفلسطنيين اللى عاملين صداع للحكومه بكثرة طلباتهم من الحصول على الجنسيه وتعليم ومرافق ودعم زيه زيك

من كل ماسبق تتيقن أن خطورة السوريين تكمن فى التغيير الديمجرافى اللى حذر منه تقرير وزير العدل

الدوله لها قوانين وفيه معاهدات دوليه تحكمها كما وضحت والدوله بتقدر تتصرف فيما يخصها ولو تلاحظ أن وزير الداخليه اللى من وجهة نظرهم رخم مشدد قوى على موضوع منح الجنسيه لبعض الأغراب وخصوصا الفلسطنيين والسوريين من أم مصريه وقافل وقافش بالضبه والمفتاح ولو متابع أخبار الداخليه حتىحظ اللى بقوله

المشكله عندك أنت كطرف شعبى الحكومه مش حتقدر تقولك متجوزشى أختك لسورى ولا تمنعك أنك تتجوز سوريه وتخلف لنا عيال تربيهم أم أخوانيه سوريه وحتسألنى دى أكافحها أزاى حقولك ماوجع اللى وجع القرش ولو السورى اللى سهل عليه يبيع بلده سهل عليه يبيع غيرها لو أنت كطرف شعبى توحدت وكان لك قرار شعبى موحد بالمقاطعه قولى ساعتها حيعيش فى بلدك أزاى

الحل فى أيادى المقاومه الشعبيه بمقاطعة المحلات السوريه وأى شخص مصرى معاه مشكله مع سورى الشعب كله يتضامن معاه زى الست بتاعة أسكندريه ومايهمكشى من كلام اللجان بتاعتهم على الميديا ولا تخاف من محاولة أرهابك على الميديا خليك عملى وتضامن مع أخوك المصرى مهما كان الثمن ساعتها الكل حيفهم أنهم غير مرغوب فيهم بإجماع شعبى وعلشان لما سور يقول لمصريه هاتيلى راجل يلاقى فعلا رجاله مصريين متعرفشى تشتريه بساندوتش شاورمه ولا تعرف تشتريه بقرصه بسمسم ونكشف الفاسدين بتوع المحليات اللى باعوا ضمائرهم

مين تانى حيقول لست مصريه هاتيلى راجل علشان نفرجه على الرجاله اللى على حق الله

جنرال بهاء الشامى

هل الوادى المقدس طوى بمصر فعلاً ولا كما يدعى اليهود فى بونت

هناك تقرير مطول جداً من فريقى للرد على هذا الفيديو لكن قررت أختصاره وسنعتمد على إعمال العقل والمنطق فقط كما تعودنا لكن قبل السرد أدعوك لمشاهدة الفيديو 

المذيعه من الأساس بتبنى الأفتراض على أن موسى دخل من الجنوب مع أنه كل النصوص التوراتيه التى ذكرت القصة بتتكلم عن أنه خرج ودخل من الشمال الشرقى من سيناء

ثانيا فى تلك الفتره المنطقه ودى كانت صعبه جدا ما الذى يجعله يخاطر ويعبر بحر ويدخل الأدغال أثيوبيا والسودان إلى ان يصل إلى مصر فى الجنوب ثم يكمل الرحله إلى الشمال فى الدلتا

تعرف الرحلة دى هتستغرق كام سنه بمقاييس هذا العصر

حضرتك بتتكلم فى حوالى من ٢٠٠٠ إلى٣٠٠٠ قبل الميلاد 

تعرف يافندم ... ده من إنجازات الملكه حتشبسوت أنها أرسلت بعثات تجاريه إلى بلاد بونت (( الصومال )) حالياً تخيل إنجازات ... وبعثات تجاريه كانت بتستغرق ما لا يقل عن ثلاث سنوات ..... وكان الحكم فى الفتره دي فى طيبه ... الجنوب .. تخيل بقا لسه هيعبر بحر ويذهب لمدين  !!!!!

من المعروف ولو أنه غير ثابت أن موسى عاش فى فترة حكم الهكسوس وهم كانوا يحكمون شمال الدلتا ... لذلك هروبه أول مره إلى مدين كان عن طريق سيناء ... وخروجه ببنو إسرائيل كان عن طريق سيناء  فوضع طبيعى أنه لما يحب يرجع يرجع من نفس الطريق والأقرب له هو عبور الصحراء العربيه والدخول عن طريق سيناء لأنه قاصد الشمال وليس الجنوب

أيضاً لو تتذكر حضرتك أن المشكله التى واجهت بنى إسرائيل فى الخروج هى حينما وجدوا البحر لأنه خرج من خليج السويس زى موضحناها فى مقال قبل كده  وكانت المعجزه  من الله عز وحل وشق البحر ... يعنى لولا الله لهلك بنى إسرائيل

تفتكر وموسى راجع بأهله من مدين وخايف أن الحكم يكون لسة ضده هيدخل من الجنوب ويعبر البحر ؟؟؟

المذيعه بتقول قال علماء المسلمين ولم تذكر أسم عالم واحد وده طبعا كلام مرسل متعودين عليه فى الهبد والفبركه

بالنسبه للمستكشف الأسكتلندى لم أسمع بكلامه هذا من قبل وطبعا هى معتمده على أن 90 %  من المتابعين مش هيبحثوا أو يعرفوا

يافندم كل النصوص التوراتيه قبل الأسلاميه والمؤرخين ذكروا الخروج والدخول من سيناء ..... تفتكر يعنى مفيش عالم او باحث أثرى أو جغرافى ذكر الكلام ده ولو مره واحده من 3000 سنه  ...  ومحدش أخد باله ولا حتى اليهود نفسهم أو الأثيبوبيين

تقول عضوة فريقى فى تقريرها للرد على الفيديو  أنا مش هستشهد بعلماء مسلمين أنا هبعت لحضرتك نصوص من التوراه والأسفار وبعض كتابات لعلماء يهود بنفسهم رغم التحريف لكن بتتكلم فى نقطة سيناء وجبل الطور دى

الأسفار
فى سفر أسمه سفر الخروج وهو سُمى بذلك لتناوله "" خروج "" بنى إسرائيل بعد يوسف وما عانوه من حكام مصر ( الفراعنه ) وظهور موسى وخروجه بهم من مصر ويستمر هذا السفر فى قصص تاريخ بنى إسرائيل حتى يصل بهم إلى ( شرق الاردن ) وفى هذا السفر الوصايا العشر التى أعطاها الله لموسى وبه كذلك كثير من المسائل التشريعيه والتعاليم الدينيه الخاصه بهم ومنها وصف خيمة الأجتماع وتابوت العهد وما حدث من بنى إسرائيل فى غيبة موسى (حينما كان يكلم الله) ومذكور فيها أنها كانت فى سيناء  

طبعاً السفر ده مهم جدا فأكيد مش هيفوت عليه حاجه زى دى أن موسى كلم الله فى سيناء

نص التوراه

ولما رأى الشعب موسى أبطأ فى النزول من الجبل أجتمع الشعب على هارون وقالوا له قم أصنع لنا آلهه تسير أمامنا لأن موسى الرجل الذى أصعدنا من أرض مصر لا نعلم ماذا أصابه فقال لهم هارون أنزعوا أقراط الذهب التى فى آذان نسائكم وبناتكم وأتونى بها فنزع الشعب أقراط الذهب وأتواها هارون فأخذها وصوره بالأزميل وصنعه عجلاً مسبوكاً وقال هذه آلهتكم يا إسرائيل التى أصعدتك من أرض مصر وبنى مذبحاً أمامه ونادى هارون وقال غداً عيد للرب فبكروا فى الغد وأصعدوا محرقات وقدموا ذبائح وجلس الشعب للأكل والشرب سفر الخروج 32 :  1-6

خد بالك هم بيقولوا أن من صنع العجل هو هارون وليس السامرى ... يعنى حرفوا ... تفتكر لو ممكن يحرفوا .. مش هيقولوا أنه كان فى أثيوبيا

خد بالك أنه كان بيكلم الله عز وجل أثناء خروج بنى إسرائيل أو بعد الخروج والمجاة من موسى ...... وطبعاً كلنا عارفين هم خرجوا من أين 

يعنى هيكلم ربنا أول مره فى أثيوبيا .. وتاني مره فى سيناء !!!!!

فى  باحث أسمه أرثر هارتزبرج  Arthar Hertzber
الرجل دة كان بيبرر أن بنى إسرائيل هم شعب الله المختار بطريقه غريبه شويه ... مش مهم اللى يهمنى هنا حتة جبل الطور وسيناء ... بيقول إيه بقى ؟؟؟

يقرر أنه فى ( سيناء ) عندما تجلى الله لموسى ولبنى إسرائيل تم زواج بين الله وبنى إسرائيل وسُجل عقد الزواج بينهم وكانت السماوات والأرض شهود لهذا العقد

فى مؤلف يهودى أسمه جوزيف توفى سنه ١٠٠م تحدث عن أحداث عودة موسى من مدين وذكر عندما أراد موسى الرجوع الى مصر بعد أن قضى فى مدين مده وتزوج من إبنة نبى الله شعيب فوهب له نبى الله بعض المال والأغنام والعصا  وسار مع زوجته حتى وصل  طور سيناء  وخلى بالك الكاتب اليهودى اللى قال كده وهناك خُيل إليه أنه ضل الطريق فوقف متردداً ولكن سرعان ما أبصر ناراً تشتعل بجانب الطور الأيمن فقال لهم أمكثوا هنا وباقى القصه

المذكوره فى سورة طه الآيات 1---14

من كل ماسبق نجد أن المستخلص من كل هذا وذاك أنها محاولات اليهود الدئوب لتحريف التاريخ كما وضحنا لخدمة أغراضهم فيما بعد وكما وضحنا فى ملف الدين الأبراهيمى مسعاهم الساسى خلق حاله من التشتيت التاريخى والتشكيك الدينى لأنك هناك بالتأكيد سنبدا فى تشكيك قصص القرآن الكريم وهذا مستبعد جدا بالنسبه للأجيال الحاليه لكنه سيحدث للأجيال القادمه

شكرا عضوة فريقى على الأستجابه وشكرا لكم حسن المتابعه

                      جنرال بهاء الشامى