اللامعقول فى عالم العقول رقم 36

قلنا من قبل أن الشيطان لايكذب ولكنه يتجمل وقلنا أن أجهزة المخابرات لاتظهر أعمالها فى العلن لكنها تعمل من خلف ستار الحرب النفسيه وقلنا أن الحرب النفسيه جزء منها تغيير عاداتك وسلوكياتك بشكل يسهل قياداتك لما يريدون وقلنا أنهم يريدون تغيير ثوابتك الأخلاقيه والعادات الموروثه

أذن طالما هما بيلعبوا على ثوابتنا وعادتنا وموريثنا وثقافتنا الدينيه والأخلاقيه فوجب علينا العنايه بكل هذا وذاك ويتمثل ذلك فى تربية الأطفال والنشئ

لاشك أن تربية كلبك أو قطتك تتشابه كثيرا مع تربية أبنك بتأكل ده وتأكل ده وتشرب ده وتشرب ده وتعتنى بده وأيضا تعتنى بده لكن هناك فرق جوهرى وهام فى التربيه بين الكلب وأبنك  تاه مننا وسط الزحام وهو القدوه

الكلب زى مابتعلمه أو تدربه بيعمل اللى تعلمه له بدون تفكير إخلاصاً وفاءاً لتربيتك وأفضالك عليه لكن أبنك المنظور يختلف فهو ينظر لك كهدف وقدوه ونبراس لذلك تجد الأطفال مرتبطه بالوالدين أرتباط شديد فى الصغر لكن فجأه ينقطع الأتصال وتفقد كل سبل التواصل اللاسلكيه بأبنك فلماذا يتم أنقطاع التواصل بيننا وبين أبنائنا

تأخذنا مناحى الحياه ونسقط سريعا فى براثن الخطأ المقصود أو الغير مقصود وأخطر هذه الأخطاء هو الكذب أمام الأبناء زى قول لعموا بابا مش موجود أن حد يسألك فى الموبايل أنت فين تقول له أنا فى الشغل وأنت قاعد فى البيت

أبنك بيشوفك وبيلاحظ كدبك ومن هنا بيرفضك كقدوه ونبراس له ويبدأ فى التعامل مع نصائحك بلامبالاه وممكن لو عنده ميول عدوانيه يبدأ فى كراهية سماع أى نصيحه منك وهنا تكون الخطوره فيبحث عن النصيحه خارج البيت وغالبا بتكون من مصادر السوء وكده أنت بنفسك رميت أبنك اللى بتترجاه من الدنيا فى أوكار الأفاعى

يبدأ هنا الأبن فى تلقى مفاهيم خبيثه عبر تصرفات مجتمع الميديا أو مواقع التواصل الأجتماعى وكنت اتكلمت كتير فى الجزئيه دى فى أكتر من حلقه فى حلقات اللامعقول فى عام العقول

ومعاك رابط لحلقه خطيره للكبار فقط

https://genralbahaaelshamy.blogspot.com/2018/10/12_22.html

ومعاك رابط كمان حلقه

https://genralbahaaelshamy.blogspot.com/2018/12/17.html

ومعاك كمان رابط

https://genralbahaaelshamy.blogspot.com/2019/03/27.html

وأتكلمنا فيها كتير فى حلقات الدي الأبراهيمى الجديد ومعاك الرابط

https://genralbahaaelshamy.blogspot.com/2019/04/blog-post_1.html

وبعيدا عن كل هذا وذاك تعالى نشوف بعض النماذج

يفهمه أن عصيان الأب والأم لأنهم لم يهتموا به صغيرا علشان يلاقى شماعه يعلق عليها عقوقه

البنت تهرب من بيت أهلها لتتزوج بشاب لأن الحب أقوى من كل شئ

الزوجه تخون زوجها بحجة أنه أكبر منها سناً أو غير قادر جنسياً

يحب مرات أبن عمه لأنها محتاجه حنانه

ممكن تزنى وتخلف لأنها سينجل مازر

يختلس ويسرق ويستبيح المال العام لأن كله كده وكل الناس ماشيه كده

ممكن يعمل كوارث للتربح علشان الحياه فرص والفرصه مش بتيجى غير مره واحده

الأجرام والسفاله والأنتقام والأعمال الغير مشروعه لأنه شاف هذه الأمثله فى الأفلام والمسلسلات وكان أخطر مسلسل فى هذه الجزئيه هو مسلسل الأسطوره لمحمد رمضان

يروج لك أن هذه الفتاه تفرط فى عفتها وشرفها لأحتياجها للمال للأنفاق على أبيها أو أمها المريضه

يروج لزنا المحارم وأظن أنك ملاحظ ده كويس فى المسلسلات التركيه بحجة الحب

تربية أبنك لاتفرق كثيرا عن تربية كلبك أو قطتك لكن هناك أختلاف مؤكد جذرى بين تربية الأبن والكلب فأنت هنا تتعامل مع عقل وفى الناحيه الأخرى تتعامل مع بلا عقل للتمييز

أذن هنا أبنك محتاج خبراتك ومحتاج تتعامل مع عقله

هنا بقى مشكلة التعامل مع العقل كيف ؟؟؟

أبنك بدون ماتشعر بيدور على مصباح لطريقه أو هدايه لطريقه ويتخذ من الأب والأم مصباح لطريقه يعنى لما تكدب قدامه أو تقول له قول لفلان بابا مش هنا أو تكدب قدامه فى الموبايل هل هنا مطلوب من أبنك يطلع محترم بالعكس أنت قطعت حبل التواصل بينك وبينه ولن يقبل منك نصيحه لأنك كداب بتنصحه بحاجات أنت مش بتعملها وهنا الخطوره

هل أخدت أبنك معاك لصلاة الجمعه وبعد الصلاه سألته فهم إيه وتتناقش معاه ولا أهتميت به زى الكلب لبسته جلابيه بيضا وطاقيه وحصرت الصلاه فى المظاهر وعلمته أكبر سلبيه فى حياته 

هل خصصت ساعه من وقتك كل أسبوع للقاء عائلى كل واحد يقول اللى فى صدره وتدردشوا سوا ولا سايبه للموبايل والأنترنت يفضفض معاهم

قالها عبدالفتاح السيسى فى لقائه مع ساندرا نشأت لما سألته عن نصيحه يوجها للأسره المصريه قال لها بلاش نخاف على ولادنا أكتر من اللازم ونقرب منهم شويه

لاوقت للبكاء على اللبن المسكوب وعلينا أن نحاول تعويض جزء مما ضاع مننا وإيجاد أى وسيله لأصلاح ماتم تخريبه من شبكة التواصل بيننا وبين أولادنا

ممكن تجيد تربية كلب لكنك لاتجيد تربية طفل إذا فقدت حلقة التصال بينك وبينه صدقنى هو ده مربط الفرس وجود شبكة أتصال قويه بينك وبين أبنك تختلف عن شبكة تلقين التعليمات التى نتبعها مع الكلاب 

جنرال بهاء الشامى