الصقر الذهبى رقم 36

كنا قد توقفنا معكم عند تقارير الخارجيه المصريه الوافده من قنصليتنا فى رام الله وبعد كل ماذكر فى المقالات السابقه والمؤكده بالوثائق التى يمكنكم الرجوع لمصادرها الأصليه التى ذكرنها ومحاضر تحقيق لجنة تقصى الحقائق عن الفتره من 25 يناير 2011 وحتى ثورة 30 يونيه توصلنا لأن عدونا على الحدود الشرقيه هى حركة حماس والأنفاق وبدو سيناء والطبيعه الديمجرافيه للمنطقه بالأضافه لعدونا التقليدى الرابض منذ وعد بلفور وأليكم مختصر لمقترحات الفانز التى وصلتنى عبر التليفون وطرحها فى البدايه أبننا ميدو الفيلسوف ولما طرحتها على الفانز فى التليفون أيدوها بشبه أجماع للحد من خطورة حدودنا الشرقيه وتتلخص فى مجملها تنفيذ سياسة الأرض المحروقه وتغير الطبيعه الديمجرافيه للمنطقه مع وجوب منطقه عازله ملغمه وتوفير الموارد الماليه لذلك بأى طريقه وبعد انتهاء 35 حلقه من السلسله هناك سؤال ملح يطرح نفسه بشده هل دخول كل هذه العناصر لقطاع غزه تم بدون علم أسرائيل أم كانت تعلم وتغض الطرف وتعالى ندخل فى قصة وائل غنيم بطل خيبة ينايم 2011

شاب مجهول لايعرفه أحد بدأت علاقته بالأنترنت عام 1998 عندما أطلق موقعا ألكترونيا أسمه طريق الأسلام وقام بإدارته لمدة 3 سنوات والمعلومات المخابراتيه لـ 6 دول بالمنطقه تؤكد على علاقة الموقع بجماعة الأخوان المسلمين وحصل على بكالريوس هندسة الحاسبات من جامعة القاهره عام 2004 ثم أنتقل للعمل بأمريكا وظل هناك لفتره وحتى هذه الفتره كان شخصا مجهولا تماما ثم أنتقل فجأه للعمل بدبى حيث شغل منصب المدير الأقليمى لشركة جوجل لتسويق منتجاتها فى الوطن العربى وشمال ووسط أفريقيا بدون أى مقدمات مما لفت النظر له فلم يكن يمتلك من الخبرات مايؤهله لتولى منصب رفيع فى شركه عالميه كبرى والمدهش ان راتبه كان فى تلك الفتره يصل لحوالى 190 ألف دولار شهريا لكن تم رصد لقاء بينه وبين الأخوانى المعروف عبدالرحمن منصور الذى أعترف فيما بعد عصام العريان أنه أحد العناصر الناشطه الأخوانيه وقال أنه عنصر أخوانى أسس صفحة كلنا خالد سعيد على الفيسبوك

معنا ومعكم أحد أطراف المؤامره الأخوانيه (( وائل غنيم )) فى لقائه مع عبدالرحمن منصور الذى طلب منه المشاركه الفعاله لما لصفحات الفيسبوك من تأثير قوى على الشباب للدعوه لمظاهرات 25 يناير فى أحتفالات الشرطه كما حدث فى 2008 فى أحداث المحله الكبرى وأقترحوا عليه تسميتها كلنا خالد سعيد للحاله العاطفيه الموجوده وقتها وتعاطف قطاعات من الشباب مع الحادث والغضب من مماراسات الداخليه وفعلا تم أنشاء الصفحه على الأسم الذى تم أختياره كلنا خالد سعيد وأستطاعت الصفحه فى مده وجيزه من الحصول على 350 ألف لايك ومتابع وكان يديرها وائل غنيم

بعد أحداث تونس وقصة بوعزيزى أطلق وائل غنيم حمله تحت أسم (( ثوره على التعذيب والبطاله والفساد وظلم الداخليه فى أحتفالات 25 يناير العام القادم وقتها على أعتبار أننا دلوقتى فى 2010 وطبعا لأن كان عمنا وائل مرصود ومتراقب فقد تم القبض عليه فور أشتعال الأحداث فى مصر وحطوه فى السجن بعد أن خضع للتحقيق وصدر أمر من النيابه بحبسه على ذمة قضية (( التآمر على نشر الفوضى فى البلاد )) ومعه آخرين

نيجى بقى للتحقيقات علشان نعرف أن آخرين هو فضيلة الشيخ (( جارين كوهين )) وحنتعرف على الحاج كوهين بس لازم أفكرك باللى قلناه فى المقالات السابقه ونرجع الشريط وتخليك فاكر أننا أتكلمنا على حاجه أسمها بيت الحريه وشكلكوا كده نسيتوا لما عدى كام يوم وحتزعلونى المهم تعالى بقى نتعرف على من هو فضيلة الأمام والشيخ كوهين لنعرف أنه مؤسس ومدير قسم الأفكار فى شركة جوجل وهو عضو مؤسس فى جماعة جيل جديد التابعه لمنظمة بيت الحريه التى يمولها الكونجرس الأمريكى من ميزانية نشر الحريات فى الدول الناميه وشكلك كده يانجم ناسى كل الحلقات السابقه ... المهم نعرف إيه هى جماعة (( الجيل الجديد )) هى جماعه أنشئت لأغراض أنسانيه ونشر الحب بين شعوب الوطن العربى لخلق جيل يستطيع التعايش مع أسرائيل كشعب يحب السلام (( شايف فيه ناس أتخضت قوى من الشعارات وأنا محبش كده وعاوز مشاعرك وعاطفتك لبلدك فقط لاغير وأوعى فى يوم تعرف المدعوقه عواطف وتخلق بينك وبين أى حاكم علاقه عاطفيه ساعتها وأقسملك بالله ماحتشوف سلبياته )) وقبل ماحد يسرح بخياله ويشطح لبعيد أنا لازلت عند مقولتى أن السيسى الرئيس المناسب فى الوقت الصعب مع الشعب الخطأ وآسف على رأى لأنكم عارفين أنى صريح وبطس فى كلامى

نرجع تانى لفضيلة الشيخ كوهين وحنلاقيه أنشأ منظمه تسمى تحالف حركات الشباب بتوجيه من وزارة الخارجيه الأمريكيه وحتقولى عرفتها أزاى حقولك مش محتاجه فكاكه لأن عمنا كوهين زميل منتسب فى مكتب السياسات الخارجيه الأمريكيه

رصدت مباحث أمن الدوله لقاء بين وائل غنيم وكوهين بالقاهره فى برج القاهره وبعد تسجيل اللقاء ومادار فيه تأكد اللواء حسن عبدالرحمن أن وائل غنيم هو أحد أطراف مؤامرة يناير 2011 وفعلا بعد أشتعال الأحداث قبضت عليه مباحث أمن الدوله وأتلقح فى السجن كام يوم لكن لما بدأت أمريكا تضغط وتطالب بالأفراج عنه (( نفسى أفهمم السر الغريب ياأخى أن كل اللى بتتدخل أمريكا للافراج عنهم بيطلعوا ولاد نضيفه )) المهم لما أمريكا أتكلمت عليه أمر أحمد شفيق رئيس الوزراء وقتها بنقله من السجن وأيداعه مكان أمين خوفا من تهريبه وطبعا أمريكا ومخابراتها عرفت وبلغت الأخوان والدنيا هاجت وظاطت وكل الميدان بقى بيطالب بالأفراج عن البطل الشعبى الوطنى المخلص سيدنا وائل غنيم وهنا أتصل عمر سليمان على أحمد شفيق وطلب منه الأفراج عنه يمكن الميدان يهدى والأمور ماتولعشى أكتر من كده وفعلا أفرجوا عنه من أحد مبانى مباحث أمن الدوله بعد ماقعد عندهم 9 أيام وخرج المناضل الشريف وائل غنيم لميدان التحرير مباشرةً ووقف على المنصه وأستقبلته الجماهير اللى مضحوك عليها أستقبال الأبطال والفاتحين (( كلمه فى زورى ولازم أقولها الجماعه بتوع حملة تشويه اللواء عمر سليمان فى هذا التوقيت ماتسمعوش حاجه عن وائل غنيم ولا تعرفوا ثروته ولا هو وائل غنيم من الأطهار الأبرار المعصومين من الخطأ ))

شايف ناس بدأت تزهق من التفاصيل وعاوزانى أخف من الرغى شويه لكن قبل ماتقول رأيك أرغى ولا أختصر لازم تعرف أن فضيلة الشيخ حسين أوباما بعد ماأتفرج على مشهد أستقبال الفاتح وائل غنيم خرج علينا فى البيت الأسود ليقول أمام العالم يوم 12 مايو (( أريد فتى جوجل البطل رئيسا لمصر )) وطبعا كان يقصد البطل الهمام وائل غنيم وهوبا يامؤمن الأعلام الأهبل اللى فى مصر يتخانق على مين يحظى بتشريف حذاء وائل غنيم لأستوديهاتهم

طلع وائل غنيم مع المذيعه اللامعه والقشطه بالمهلبيه منى الشاذلى على قناة دريم لينفى أن يكون متورطا فى أى مؤامره على مصر وأن هدفه وأجندته هو حب مصر وراح يامؤمن ياموحد بالله عامل التمثيليه اللى كلنا شفناها وراح نازل دح فى العياط وهوبيتكلم على الشهداء بتوع سيارات السفاره وقعد يعيط ويعيط وغرق الأستوديو دموع وقال عاوز أوجه أعتذارى لكل أم شهيد أن مكانشى قصدنا ومش غلطتنا دى غلطة اللى كان متمسك بالحكم وراح معيط قوى ياضنا أمه وراح قايل مش قادر أكمل ياجماعه مش قادر أقعد أكتر من كده وراح عامل تمثيلة الخروج من الأستوديو وخلى مصر كلها تعيط وتتعاطف معاه ولو كانت مصر تعرف أنه خاين كانوا أعدموه رميا بالأحذيه

طبعا الحركه والمسرحيه دى حركت ناس كتير وتانى يوم زادت أعداد المتظاهرين تانى فى الميدان وتانى يوم وخلى بالك بس علشان بتسرح منى أتعملت صفحه جديده على الفيسبوك بأسم (( أفوض وائل غنيم بالتحدث باسم الثوره )) خدتلى بالك ولا لسه

المهم عمنا وائل نزل تانى يوم الميدان 8 فبراير وهتفت له الجماهير وقال لهم لست بطلا أنتم الأبطال لأنكم أستمريتم بالميدان وتأفشخت الجماهير وعاش وائل دور الزعيم نيلسون مانفيلا والمدهش يامؤمن واللى حضرتك ماتعرفوش ياللى نزلت الميدان وعطلت مصالحك وأكلت على حسابك وأتبهدلت وأتمرمطت وخدت مقلب فى الآخر والأسعار ولعت على نافوخك لما تعرف أن وائل غنيم تعاقد على كتابة مزكراته عن فترة الثوره فقط لبعض الصحف الأمريكيه والأنجليزيه بـ 14 مليون دولار ده غير جائزة كيندى عن دوره فى الثوره المصريه نفس الجايزه اللى أخدها رئيس أمريكا السابق فورد وكوفى عنان سكورترير الأمم المنحطه وحصل على جائزة حرية الصحافه بتاعة منظمة مراسلون بلا حدود وحظى بالمرتبه الثانيه من ضمن 500 شخصيه الأكثر تأثيرا بالعالم وغيره وغيره حتى وصلت ثروته من تحت راس 9 أيام حبس فقط 675 مليون دولار وكلنا أتحبسنا بلوشى فى غلاء الأسعار والعمليات الأرهابيه وسابنا عمنا وائل وقاعد فى بره يخلى باله من فلوسه

أنتهى مقالنا اليوم لكن لم تنتهى سلسلة مقالات الصقر الذهبى على وعد بلقاء كلما سنحت الظروف مع تسارع وتيرة قرب أنقطاع النت لكن عاوز أسألك سؤال روح على جوجل وهات صورة اللواء عمر سليمان وهو كان واقف بيلقى خطاب التنحى فى فبراير 2011 حتلاحظ أن جميع أبواب الغرف خلفه مغلقه ماعدا غرفه واحده وأنوارها مضائه صح ولا أنا غلطان طيب لما هو صح تعرف تقولى مين اللى كانوا واقفين فى الغرفه دى ومين اللى كان عاوز يلقى البيان بدلا من عمر سليمان وليه المشير طنطاوى رفض وإيه الحجه اللى راضوه بيها وليه كانوا خايفين منه أنه يلقى البيان

كان معكم خادم من خدام تراب مصر

جنرال بهاء الشامى

الصقر الذهبى رقم 35

توقفنا فى المقال السابق على وصول وفد منظمة بيت الحريه الأمريكى الذى يشرف على تمويله الكونجرس الأمريكى للقاء شباب 6 أبريل أحد أهم مشتقات تنظيم الأخوان واليوم نستكمل معكم ماتوقفنا عنده ونعتذر عن التأخير لظروف قهريه خاصه منعتنى من التواجد على الأنترنت وركز فى الكلام علشان اللى بيقولوا عندى فوبيا من مبارك لأن فى جزئيه فى المقاله سأنصفه ... نصفق عند الأجاده ونعارض عند الخطأ وندعم عند المحن ونسرد التاريخ بحياديه لله وللوطن

ناقش وفد منظمة بيت الحريه مع شباب أبريل آليات التغيير السلمى لنظام الحكم فى مصر والتأكيد على تفعيل وتكرار سيناريو المحله الكبرى فى أكتر من محافظه لإظهار ضعف النظام وشمولية المعارضه فى ربوع مصر أمام المجتمع الدولى لخلق تيار تعاطفى مع الراغبيين فى الحريه والديمقراطيه

كانت عمليات تدريب شباب 6 أبريل تجرى على قدم وساق التى أشرف عليها المدعو هشام بحار وكان كتاب بيتر أكرمان ورسالة الدكتوراه الخاصه به (( كيف يمكن للشعوب المقموعه إزاحة الأنظمه الشموليه من دون خيارات عسكريه بدأت تنتشر بقوه بين شباب الأخوان وحركة 6 أبريل وحركة كفايه وحتى عام 2007 كان قد تم إخضاع مايقرب من 47 ألف شاب مصرى للبرامج الأمريكيه التى تنطوى تحت برنامج الشرق الأوسط الجديد والشراكه المجتمعيه وفى عام 2008 وصل العدد لما يقرب من 150 ألف شاب مصرى تم أستقطابهم عبر الفيسبوك

فى فبراير 2006 دعت الخارجيه القطريه لعقد منتدى المستقبل تحت عنوان (( مستقبل التغيير فى الوطن العربى )) وأكيد كلكم فاكرين القصه دى وتمت أجتماعات المنتدى فى ضيافة قناة الجزيره القطريه برعايه أمريكيه قطريه

يحكى أحد الصحفيين ويدعى عبدالعزيز خميس فى مقال فى الميدل أيست تقريبا فى منتصف 2011 يقول فى فبراير 2006 تم عقد أجتماعات منتدى المستقبل ولقيت الأجتماعات أهتمام الحكومتين القطريه والأمريكيه ولم تلقى هذه الأجتماعات أهتمامى الشخصى لكن لفت نظرى أثناء التواجد فى ردهات قناة الجزيره خروج الدكتور عبدالعزيز الدخيل (( الراجل ده مشهود له بعشقه للقوميه العربيه زى عبدالناصر بالظبط )) خرج غاضبا وقال أنه ذاهب ليجمع شنطته من الفندق وسيعود للرياض على أول طائره فلفت نظرى الموقف فسألته لماذا وأنتم لسه فى أول يوم فرد الدخيل قائلا هذا المنتدى ليس سوى حلقه لمؤامره ضد بلد شقيق (( مصر )) من قبل المخابرات الأمريكيه ويقول لقد شدنى التعليق فأهتميت بحضور النقاشات وأتضح لى أن الدخيل يتمتع بحاسة شم عاليه وأن المؤتمر ماهو إلا مطبخ للتحفيز ضد نظام الحكم فى مصر وتعظيم دور مؤسسات المجتمع المدنى

يقول خميس أيضا لقد سمعت تكرار ألفاظ الديمقراطيه التغيير التحفيز الأصلاح التدريب لكن لم أفهم الآليات السلميه المطروحه نظرا لأننى لست من المدعوين فكانت هناك أجتماعات تدور فى غرف مغلقه لكن الملفت للنظر هو التنقل الكثيف لبيل كلينتون و أبنته من غرفه لغرفه ولاحظت من بيل كلينتون تكرار جملة (( عاوز أفكار جديده  ((

قال خميس أيضا حضرت كونداليزا رايس نهاية الأجتماعات وبدت عليها الرشاقه فى التنقل داخل غرف الجزيره ثم يستطرد خميس قائلا حضرت أجتماع كونداليزا رايس فى فندق الريتز القطرى وبدأت كلمتها وهى تقول (( ماذا بعد )) فأدركت أن هناك أمور خفيه لم أدركها إلا بعد أن شاهدت أحداث مصر فى يناير 2011

كانت المعلومات المخابراتيه تقول أنه تم تقسيم المهام بين المخابرات القطريه والمخابرات الأمريكيه تتولى فيها قطر رعاية الجانب الأسلامى وتتولى أمريكا رعاية الليبراليين وتدريب الشباب على التحفيز عبر مواقع التواصل الأجتماعى والأتصال الألكترونى على مواقع فيسبوك وتويتر ويوتيوب

فى 12 يناير عقد بمركز كمال أدهم بالجامعه الأمريكيه بالقاهره ندوه مفتوحه للنشطاء بين جيمس جلاسمان وكيل الخاجيه الأمريكيه للعلاقات العامه وبين 8 من نشطاء المدونيين والذين لعبوا دوراً بارزاً فى أحداث يناير 2011 منهم أسماء محفوظ وأحمد دومه ووائل غنيم وهيثم محمدين بتاع السويس وأحمد ماهر وعلاء عبدالفتاح وإسراء عبدالفتاح ومحمد عادل وذلك فى مشروع أطلق عليه (( الحياه الأخرى )) وأثناء أحداث يناير تم القبض على تلك الخليه وتم التحقيق معهم وتوجيه تهمة التخابر مع دوله أجنبيه مما يعتبر خيانه عظمى لكن المجلس العسكرى واجه موجة إعتراضات داخليه عارمه وخارجيه مما أضطره للافراج عنهم ووقتها كان مبارك لا حول له ولاقوه ومن أصدر قرار القبض عليهم هو عمر سليمان طبقا للمعلومات التى لدى المخابرات والحق يقال أن التحريات والتحقيقات أثبتت أنهم كانوا خائفين فى بادئ الأمر لولا تشجيع أحمد صلاح مؤسس حركة 6 أبريل (( فاكرين الأحداث دى ولا لحقتوا تنسوا  ((

فى الأجتماع قال جلاسمان أن أمريكا تشجع الديمقراطيه فى الدول التى تقمع الديمقراطيه مثل مصر

فى أبريل 2010 حضر جلاسمان مؤتمر صناعة المعارضه فى منظمة جورج بوش لتشجيع الديمقراطيات لدعم حرية الشعوب حول العالم برعاية بيت الحريه الأمريكى أيضا وتم تجميع نشطاء من الصين وأيران وروسيا ومصر وسوريا وفنزويلا وكوبا لهذا الغرض وأعدمت الصين فيما بعد كل من حضروا هذا المؤتمر وحضر من مصر

وائل غنيم

وائل عباس

محمود سالم

منى الطحاوى

دينا جرجس

كريم عامر

منال حسن

علاء عبدالفتاح

مايكل نبيل

أحمد ماهر

عمرو غريبه

باسم سمير

إسراء عبدالفتاح

مالك مصطفى

سلمى سعيد

رضا عبد الرحمن

عبير العسكرى

رامى السويسى

أحمد بدوى

أحمد دروبى

محمد الشرقاوى

كريم البحيرى

حسام الهندى

أدهم الصفتى

محمد الطاهر

أمانى التونسى

محمد خالد

طارق مبروك

مينا جرجس

بسمه موسى

إسراء مصطفى

هانى نذير

إسراء رشيد

محمد رفعت

فيليب رزق

شاهيناز عبدالسلام

مسعد سليمان

أيمن منصور

أمير عبدالمقصود

عماد الدفراوى

حسام الحملاوى

إسكندر الأمرانى

أى حد حيقول أنا محضرتش وبهاء الشامى كداب يتفضل يوفر كلامه ويتقدم ببلاغ ضدى فى جهاز أمن الدوله واللى معاه ربنا ومايثبت كلامه يكسب

كان عنوان المحاضره اللى ألقاها جلاسمان هى نظرية (( جذور العشب )) وباين من عنوان المحاضره هدفها وهو التغلغل داخل المؤسسات والتجمعات الشبابيه زى جذور الأعشاب وداخل مؤسسات الدوله المستهدفه وتتغلغل كالجذور وتتشعب الجذور تحت الأرض فلا يمكن استصالها أو أستئصال أفكارها وتعتمد هذه النظريه فى تطبيقها على ممارسة الضغط الشعبى مما يجعل عناصر الهدم غير قاصره على النشطاء وأنما عبر حمله موسعه لتجنيد المؤيدين عن طريق غزو عقول الشباب بالحرب النفسيه والتفكيك الفكرى

الكلام اللى بقوله تقدر تتأكد منه بعد أحداث خيبة ينايم عندما تلقت كونادليزا رايس شكراً خاصاً من أحمد صلاح قال لها (( شكرا لكم لقد سنادتمونا فى تكوين حركتنا فى 2004 _ 2005 وكان صعب علينا عندما خذلتمونا وتم أعتقال أفراد حركتنا وذهب أغلبنا للسجن وكدت أقتل داخل السجن وكنت مستعد للموت لقد كنا نتوقع التغيير لكنه لم يحدث حتى نهاية عهد جورج بوش الأبن وكنت أتسأل لماذا خذلتمونا بينما كنا ممتلئين تفاؤل بالأمل فى التغيير فى 2006 )) الكلام ده موثق على فكره بمحاضر إجتماعات رسميه

ردت كونادليزا رايس (( دعنى أقول لو كنا خذلناكم فهذا ليس بسبب عدم محاولة الولايات المتحده التى لم يكن دوما فى استطاعتها دفع الأحداث فى الأتجاه الصحيح الذى تريده ومع ذلك فقد اسقطنا فى العراق ديكتاتور كصدام حسين فلقد كان لدينا فى العراق طرق مباشره لكن فى مصر الوضع يختلف فلم يكن لنا طرق مباشره بل بالعكس كل طرقنا كانت غير مباشره وتعاملنا مع مصر كما نتعامل مع أيران فمبارك لم يكن متعاونا بالشكل الكافى ولقد أستطعنا تمويل منظمات المجتمع المدنى من المنحه الأمريكيه وهذه صفعه كافيه لنظام مبارك العتيق ولم نستطيع أجتذاب مبارك لنا نظرا لأنتمائه للمؤسسه العسكريه وقد أستخدمنا الأدوات التى نملكها )) ده كلام كونداليزا رايس ومعلشى لو الكلام مش منظم لأنى لاأجيد الترجمه ولكن بجيب الترجمه من على جوجل وأعذرونى بحاول بقدر المستطاع فيه حاجات فى الكتب اللى بقراها مكتوبه بالأنجلش

هنا لى وجهة نظر أنا وفريقى وتناقشنا فيها لمدة ساعه أول أمس إذا أعتبرنا أن لقاء علنى تم بين توفيق عكاشه والسفير الأسرائيلى جريمه وتم خلعه من مجلس النواب اللى زى أعدمه فلماذا لا نعاقب هؤلاء على جريمتهم فلو أعتبرنا توفيق عكاشة أخطأ فهؤلاء قد أجرموا

بالمناسبه فيه باحثه أسمها (( أنافارفولومييغا )) روسية الجنسيه لها بحث كبير ورائع فى كيفية أستخدام أمريكا لخططها فى تنفيذ مخطط الشرق الوسط الجديد البحث بجد حيعجب هواة القراءه مع انه طويل حبتين تقريبا 663 صفحه والبحث موجود على الأنترنت بصيغة Foxit Reader مش بصيغة الـ Pdf ومالوش لازمه حد يدلع ويقولى هات الرابط بتاع الكتاب وهات رابط البرنامج وتعالى سطبهولى وأقرهولى اللى عاوز يقرا ويحس بمتعة القراءه يتعب شويه والبحث ده حتستفاد منه كتير جدا لأنه دقيق ومكتوب على أساس علمى

فى فئراير 2010 عاد المبجل والمهتم بالشأن السياسى المصرى وشايل همومها وناعى همها وهم العباد فيها سيدنا محمد البرادعى وبدأ تنفيذ خطه طويلة الأجل فى أسقاط نظام مبارك الفاسد مع أنه سبحان الله يامؤمن قبل على نفسه العزيزه يتكرم من نظام مبارك الفاسد وكأنه مكانشى يعرف أنه فاسد وكأنه أستفاجأ أن نظام مبارك فاسد وكأن أبن عمه البرادعى الصغير لم يكن محافظ دمياط فى هذا النظام الفاسد ثم وزيرا للأسكان ومن قبلها عميد لهندسة القاهره ومنه لله بقى اللى منحه قلادة النيل اللى خساره فيه

كانت خطة البرادعى طبقا للتقارير المخابراتيه تقضى بالتحالف مع تنظيم الأخوان وحركة كفايه وحركة 6 أبريل وحضر البرادعى لمصر وهو مؤيد بالعنايه الأمريكيه المعلنه والغير خفيه وسبق حضوره ضجه أعلاميه كبيره فى الصحافه الأمريكيه والحديث عن أنه البديل الشعبى لنظام مبارك ولذلك وجدت الأجهزه الأمنيه صعوبه فى التضييق على نشاطه وتحركاته لكن كل ثكناته مرصوده من المخابرات المصريه علشان كده أى حد عامل مصيبه وعاوز يستخبى بيهاجم النظام ويعمل فيها معارض

أنشأت مجموعه مؤيده للبرادعى وقتها صفحه مؤيده للبرادعى على الفيسبوك كرئيس مصر القادم لكن هؤلاء الشباب كانت خبرتهم ضعيفه على الفيسبوك فأنفق البرادعى على تدريبهم بسخاء وأستعان ببعض من تدربوا على يد بيت الحريه الأمريكيه لتدريبهم على كيفية توجيه الرأى العام وخلق رأى عام مناهض لنظام الحكم وزادت الصفحات وأنتشرت الجروبات بهدف الدعوه للبرادعى والتهيئه العامه لرئيس مصر القادم

أنت تريد وانا أريد ورب العباد يفعل مايريد وتظهر على السطح قضية خالد سعيد شاب يبلغ وقتها 28 عاماً تعرض للضرب حتى الموت على يد مستهترى الشرطه وهناك روايه أخرى أن خالد سعيد كان متعاطى مخدرات وكان معاه حته وبلعها بعد القبض عليه وأى الروايتين أصدق مش ده موضوعنا

أستغلت تلك اللجان التى أنشأها البرادعى الحادث وشحنت الرأى العام الغاضب ضد الشرطه المصريه وتجاوزتها وخصوصا أن الناس كان فاض بيها الكيل من تصرفات الداخليه وأنتشر فيديو لخالد سعيد وهو مشوه الوجه لكن التقارير البعيده عن الشرطه وهى تقارير مخابراتيه أثبتت أن تشوه الوجه نتيجة عملية التشريح لأستخراج المخدرات الموجوده بداخل جوفه

طبعا الفيديو كان له مفعول السحر زى صفحة تحت الأرض وأنتشر بسرعه رهيبه وبدأت حملات النقد تنتشر على الميديا والسوشيال ميديا وتحركت منظمات محليه وعالميه لأستغلال الحادث وطبعا ناس متدربه كويس على صنع الحدث مش حتعرف تستغل حدث فعلى وبدأ نظام مبارك يتهاوى ويتلقى الضربات وكأن القدر كان له بالمرصاد وآن الأوان لمبارك أن يدفع ثمن اخطأء 30 عام فى لحظه واحده ولم يغفر له المصريين تحديث البنيه التحتيه لشبكة المواصلات والأتصالات

بدأت الجزيره تدخل على الخط وبدأت تشحن المصريين ضد الشرطه المصريه ووصلت العلاقه بين الشعب والشرطه لحالة العداء والطريق المسدود ومع أصطياد صفحة خالد سعيد لأخطاء الداخليه ونشرها وصل عدد معجبيها لمئات الآلاف رغم قلة عدد المشتركين على الفيسبوك وقتها ولم تكن له الشعبيه التى نراها الآن

بدأت الجزيره الشحن من خارج الحدود وصفحة خالد سعيد من الداخل وأحمد عز بجبروته أعطاهم الفرصه الذهبيه على طبق من ذهب بأنتخابات 2010 وزادت حالة السخط الشعبى لكن لم يكن فى مخيلة أى متفائل أن مبارك سيأتى عليه يوم ويرحل مع أنهم فى الخارج كانوا قد أعدوا الكفن لنظامه وأستغلت صفحة خالد سعيد حالة السخط الشعبى ودعت لمظاهرات تعكيريه فى أحتفالات الشرطه المصريه 2011

كان هدف المظاهرات وركز مع أهلى علشان ملاحظ أنك بتسرح كتير تهدف للدعوه للمطالبه بإقالة حبيب العادلى وحل البرلمان

كان لطول فترة حكم مبارك وكثرة أخطائه والملل الذى أصاب الشارع السياسى فرصه ذهبيه لحركة كفايه وحركة 6 أبريل لكسب تأييد فئات عريضه من المصريين وأعتبروا أعضاء هذه الحركات أبطال شعبيين ولم يكونوا على درايه أنهم عملاء تدربوا فى المخابرات الأجنبيه ويتلقون الدعم المادى والمعنوى من الخارج وأنهم يحملون أجنده أجنبيه لتنفيذها فى جسد مصر التى نبتوا من ترابها الطاهر

نتوقف عند هذا الحد على وعد بلقاء فى المقال القادم وساعة الصفر وإندلاع أحداث خيبة ينايم 2011 وأرجو مراجعة باقى المقالات لأننا سنسيتعين بما ذكر فيها فى بعض الأحداث وأعتذر للمهتمين بالمتابعه عن طول المقال سرحت شويه وأنا بكتبه

جنرل بهاء الشامى

الصقر الذهبى رقم 34

كنا قد توقفنا فى المقال رقم 33 عند المكالمه التى أجرها عمر سليمان الرجل الذى شهدت له جميع دول العالم العدوه قبل الصديقه أنه من أذكى من تولوا قيادة أجهزة المخابرات العامه  ...  قالت عنه أمريكا الصقر الذهبى وقالت عنه الأمارات حصن مصر الحصين وقالت عنه أسرائيل صندوق مصر الأسود وحارس خزائن أسرارها الأمين ويمتلك مفاتيح المناوره فى أجتماعات الغرف المغلقه أما عن طهارة اليدين فأستعير بتعليق أحد الفانز هل لو كانت يداه ملوثه ألم تكن تعلم مخابرات العالم ودعنا من الدفاع عن صقر الأهرامات الجارح فمن أكون لكى أتولى الدفاع عن هذه القامه والقيمه والمقام فمهما قلت فلن أرتقى فى دفاعى وأعدائه شهدوا له قبل محبيه ومريديه وعشاقه ومتيميه

رن الهاتف الخاص بمكتب رئيس الجمهوريه بقصر الأتحاديه عند مساء يوم 28 يناير وحنقلك المكالمه زى ماهى ولاحظ أنت اللهجه والكلام والردود وعاوز أشوف رأيك فى التعليقات

آلووو

أيوه ياعمر

 بعد أذنك لابد من أتخاذ قرارات قويه وجذريه وأصلاحيه البلد حتضيع ومستحيل نحط الجيش فى وش الشعب وتحصل مجزره وأديك شايف القاهره مولعه وممكن تنفجر فى أى لحظه

متفق معاك عندك مقتراحات

 إحنا لسه حنقول اللى قلناه التقارير عندك وحكم ضميرك قبل البلد ماتضيع

حاضر حاضر طب مفيش تقارير جديده عندك

التقارير اللى قدامى كلها متخرجشى عن التقارير اللى قدمناها قبل كده لكن الجديد الأمريكان نازلين بوش مكشوف وبكل تقلهم

حاضر ياعمر أدينى فرصه أتخذ القرار وأجهز الخطاب

حاول بأقصى سرعه يمكن نلحق نطفى النار

 وأنتهت المكالمه ونقلتها كما هى ومنتظر تعليقك ولاحظ أن مفيش فيها أى رسميات أو ألقاب لرئيس الدوله زى ياريس مثلا ولاحظ أن الكلام جاف نسبيا وكنت قلتلك على فحوى التقارير التى قدمت لمبارك والتوصيات التى بها بما فيها تقرير حسن عبدالرحمن الأخير وتقارير أمن الدوله وتقارير المخابرات العامه والحربيه وقلتلك أن كلها بتصب حول أجراء أصلاحات سياسيه وأجتماعيه وأقتصاديه وأتخاذ مايلزم حول أستبعاد شبح التوريث هذا الشبح المخيف الذى كان سببا فى كل ماشهدناه ولولا طمع أم وأبنها وتراخى زوج بحكم المرض والشيخوخه جايز مكناش دخلنا الدوامه دى لكن تدخل أمريكا السافر فى شئوننا وعناد مبارك وخيانة فصيل مصرى أتمت مشيئة الله

بعد منتصف ليل 28 يناير ألقى مبارك خطابه الشهير وأعلن فيه أقالة الحكومه فقط وتعيين نائب لرئيس الجمهوريه ولم تكن تلك الأجراءات كافيه وشهد الجميع أن هذا الخطاب كان من أغبى خطابات مبارك وقد يعزى ذلك لخلو القصر من العقول المستنيره والمفكره والتى كانت تعين مبارك وعلى رأسها أسامه الباز اللى زى ماقلتلك كان أول مسمار من داخل نظام مبارك فى نعش نظامه وطبعا كانت الأجراءات دى أقل من طموحات الشارع وزادت من أستفزاز الشارع وزاد الأحتقان وتأكد الناس أنه لاأمل فى مبارك أو تغير سياسته وعناده فأرتفع سقف المطالب فى الميدان والمطالبه برحيل مبارك نفسه بعد ماقلتلك فى مقال سابق كيف تطورت مطالب المتظاهرين

فى كل غرف القيادات كانت ردود الأفعال لاتقل عن ردود أفعال المتظاهرين فقد قال المشير بعد سماعه الخطاب (( شايفين مفيش فايده ومصمم على اللى فى دماغه )) أما العادلى طاووس مبارك المغرور فقال بصوت عالى (( مش كفايه )) أما الصقر الذهبى فقال (( لاحول ولاقوة إلا بالله كان بناقص الخطاب ده من أساسه )) وقلتلك فى المقالات الأولى عن رد فعل الباشا على قرار تعينه نائب للرئيس ورد فعل أهل بيته وقلتلك على محاولة أغتياله كمان بتاعة 30 يناير وقلتلك مراته وأولاده عرفوا أزاى ومش لازم ندخل فى تفاصيل ردود الأفعال لأنك ممكن تتخيلها بنفسك فكلها أجمعت على أن ماذكرناه وتعالى نرجع تانى للميدان أو تحديدا مايتعلق بأطراف الأحداث ومايجرى فى الشارع

وقتها محدش كان يقدر يتكلم عن تورط حماس لأننا كلنا كنا مخدوعين ولازالت ورقة التوت فوق عوارتهم وكيف وهم فرع وجزء من جماعه المصريين جميعهم مخدوعين فيهم وكلنا كنا لابسين السلطانيه وحتى اللى ملبسشى السلطانيه كان متضامن معاهم كرها فى نظام مبارك أو تعاطفا مع فصيل معارض يتم التنكيل به فى السجون لكن زى ماقلت لسيادتك وحضرتك وسعادتك أن المخابرات العامه راصده التحركات دى من زمان قوى ومن أول ماظهرت لنا هذه العصابه التى صنعتها أمريكا لشق الصف الفلسطينى وفعلا من يوم أن ظهرت لنا هذا العصابه التى تلبث ثوب الوطنيه الكاذب وثوب الدين المزيف وكل أجهزة مصر المعلوماتيه لها صولات وجولات مع هذه العصابه ولاتستبعد ذلك فسهل على من باعوا أوطانهم أن يبيعوا أوطان الغير وأبقى أقرالى الفاتحه على خالتك عروبه الله يرحمها لو حضرت أيامها وشفت بس العرب لما أتحدوا أسبوعين عملوا إيه فى العالم وفرضوا كلمتهم عليه وحنوقف كلام فى الموضوع ده علشان أنا لما بنفتح فى الموضوع ده لسانى وأعصابى بتفلت وعلشان مانزعلشى اللى مش فاهمين

نشوف بقى إيه اللى حصل ومخابرات بلدك رصدت إيه غير اللى قلته لك قبل كده ونشوف تحركات الخارجيه المصريه فقد وصلت للخارجيه المصريه مكاتبات أرسلها قنصل مصر فى رام الله أن مكتبنا فى رام الله رصد تحركات قبل سقوط نظام مبارك تؤكد على تدخل حماس فى الأحداث التى جرت فى مصر ونظراً لتمتع هذه المكاتبات بخاصية سرى جدا للغايه فقد سلمتها السفيره وفاء نسيم باليد وبنفسها وأول بأول للواء حسن عبدالرحمن رئيس جهاز أمن الدوله واللى بدوره أرسل نسخه منها للواء عمر سليمان وأتقدم بيها تقارير لرئاسة الجمهوريه وجاء فى الوثيقه الأولى التى تحمل خاصية سرى جدا للغايه رقم 1254بتاريخ 3 / 2 / 2011 وتتعلق بردود الفعل الرسميه للسلطه الفلسطينيه على الأحداث الجاريه فى مصر الأفاده التاليه من قنصل مصر برام الله

أولا : لم يصدر أى بيان رسمى من السلطه الفلسطينيه بشأن التطورات المصريه الأخيره لكن كان فيه أتصال تليفونى مرتين من عباس يدل على دعم السلطه الفلسطينيه لمصر فى محنتها رغم أنه لم يأخذ الشكل أو الصبغه الرسميه وممكن تاخده من باب المجاملات وممكن تحطه تحت عدم وجود رد فعل رسمى خط أو تحطها تحت بند الموائمات السياسيه

ثانيا : بالنسبه لحركة فتح فقد أتهم جبريل الرجوب أمين سر اللجنه المركزيه لحركة فتح صراحةًً أطرافاً أجنبيه وعربيه بالضلوع فى المؤامره على مصر ولم يسمى أى طرف لكنه قال لكن من المؤسف أن يكون منهم أطراف من بنى جلدتنا (( طبعا مهروشه هو يقصد مين ومش محتاجه توضيح )) وأنتقد موقف الأداره الأمريكيه من موقفها من الأحداث التى تجرى فى مصر ولما الغريب يعرف وأنت متعرفشى تبقى مصيبه وكارثه

ثالثا : فيما يتعلق بموقف الفصائل الفلسطينيه أصدرت فيه الجبهه الشعبيه لتحرير فلسطين وجهت فيه التحيه للشعب المصرى مؤكده على أحترامها لأختيارات الشعوب لكن الملفت للنظر أن هذا البيان صدر من مكتب دمشق أما مكتبها فى غزه فلم تصدر منه أى تصريحات وأفهم أنت الليله دى لوحدك

رابعا : لم يصدر عن حماس أى بيان رسمى إلا أن عزيز الدويك قال فى 30 يناير بعد 5 أيام أن النظام المصرى سينهار لامحاله فى القريب العاجل وأكد على أن نظام حكم حماس فى غزه لن ينهار وحط مليون خط تحت التصريح ده

خامسا : بالنسبه للتغطيه الأعلاميه الفلسطينيه الرسميه للحدث فقد أقتصرت على نقل بعض الأحداث الشهيره فى نشرات الأخبار

أما التقرير الثانى وهو الأهم والأخطر والذى يتعلق بجرائم حماس القذره على التراب المصرى ويحمل هذا التقرير رقم 1263 بتاريخ 3 فبراير 2011 وبرضوا سلمته السفيره وفاء نسيم باليد للواء حسن عبدالرحمن حول تحريات مكتب تمثيل مصر فى رام الله حول دور حماس ويتضمن التقرير الآتى :

ماذا كان يتضمن هذا التقرير وماهو محتواه وماهو ماتم رصده وماقامت به المدعوقه حماس هذا ماسنعرفه فى الحلقه القادمه أن شاء الله

كان معكم أبن من أبناء مصر ولى الشرف

                   جنرال بهاء الشامى

الصقر الذهبى رقم 33

كنا قد توقفنا فى المقال رقم 32 عند شهادة محمد عبد المرضى موسى وقلتلك على وظيفته فى الجراج وموضوع المفاتيح اللى مش موجوده وتوقفنا على أتصاله برئيس الورديه وأثناء حديثه مع رئيس الورديه فى اللاسلكى سمع طلقات رصاص ونظر من الشباك الجانبى لغرفة المراقبه بالجراج فوجد حوالى 6 أفراد ملثمين منهم من قفز من فوق البوابه ومنهم من دخل من الباب عادى وأعمارهم شابه وبالتقريب بين 20 لـ 25 عام أو يزيد حسب أقواله وجميعهم ملثمين ولا يظهر إلا العيون فسأل رئيس الورديه أتصرف أزاى يارياسه أنا حموت فرد رئيس الورديه حسام الدين شحاته قائلا أستخبى منهم يامحمد وحسب أقواله بيقول نزلت تحت الشباك وسحبت هدومى اللى بروح بيها الشغل وقلعت الينوفورم بتاع السفاره ولما خلصت لبس ركزت على ركبى وبصيت من الشباك بتاع غرفة التحكم والمراقبه وشفتهم وهما بيركبوا العربيات



لسه أحنا برضوا مع شهادة محمد عبد المرضى موسى وبيقول بعدين دخلت ناس كتيره بعدهم وركبوا العربيات وطلعت عربيه من الجراج ووقفت بره شويه وفجأه لقيت الجراج أمتلاء بنى آدمين وسادت حالة هرج ومرج فى الجراج ففكرت فى التخفى وسطهم فخبيت الكارنيه فى شراب الجزمه وفضلت أتسحب لحد مابقيت وسطهم وخرجت مع الناس اللى بتخرج وتدخل ولما طلعت الشارع قعدت أهتف وأزعق زيهم لحد لما بعدت عن الجراج وخدت بعضى وجريت وروحت على مبنى السفاره وحكيت القصه للأمن اللى واقف هناك فقلولى أكتب مذكره وقدمها لما الدنيا تهدى وروح دلوقتى ونفس الروايه أكدها حسام شحاته رئيس الورديه فى أقواله

نيجى لأقوال هانى سيد توفيق الموظف بالتنظيم والأداره فبيقول وأنا واقف مع المتظاهرين قدام كنيسة الدوباره فى ميدان التحرير الساعه 10 بالليل شفت سياره بيضاء تحمل لوحات هيئه دبلوماسيه ومتجهه ناحية مجلس الشورى وفيها شباب بيحدفوا زجاجات مولتوف حارقه ولما وصلوا عند المجلس أصطدموا بالقوات اللى هناك ومشفتش بالظبط اللى حصل عند مجلس الشورى لأنى رجعت لورا وأنا برجع شفت سياره تانيه دخلت مسرعه فى كشك الحراسه بتاع السفاره الأمريكيه ولفت نظرى أن فيه شباب كانوا بيسحبوا بنزين من العربيات اللى واقفه ويعبوها فى أزايز حاجه ساقعه ويرموها على عساكر الأمن المركزى

نوع تانى من السيارات ظهر فى الميدان والكلام على لسان عبدالله تامر خميس وبيقول أنا شاركت فى المظاهرات يوم 28 يناير وشفت عربيه شبه الميكروباص واقفه أتجاه الميدان والناس خافوا تعمل زى السياره البيضا فاتلموا حواليها لكن السواق طلع بسرعه جنونيه فوق الرصيف ودهس 6 متظاهرين وماتوا فى الحال

أما عصام أحمد أبراهيم مدير ادارة الأمن بمركز معلومات مجلس الوزراء قال كنت واقف فى مكان عملى يوم 28 يناير الساعه 7.05 تقريبا سياره بيضاء فان تخرج من شارع جانبى جنب المركز وولع سواق العربيه الأنوار العاليه وأتجه بسرعه جنونيه ناحية عساكر الأمن المركزى اللى واقفه فى شارع القصر العينى ودهس العساكر ومات منهم 3 فى الحال وأصيب العشرات وعرف يهرب من خوف الناس من سرعته

 أما محمد مصطفى صادق اللى شغال فى مطعم بالميدان فبيقول شفت بعينى قوات الشرطه متمركزه فى شارع القصر العينى صفوف ورا بعضها قدام جريدة روز اليوسف وبتطلق قنابل مسيله للدموع بشكل مكثف وفجأه خرجت سياره بيضاء تحمل لوحات دبلوماسيه رقم 218073 من الشارع اللى قصاد روز اليوسف وراكب فيها 4 أشخاص ملثمين وجرت بسرعه ناحية المتظاهرين وشفت الناس وهى بتطير فى الجو من شدة الأصطدام بالسياره ومات وقتها ناس كتير والدم كان مغرق الشارع والجدران

أما اللواء جلاد على حسن وكيل الأداره العامه للأمن المركزى فقال فى التحقيقات فور وصولى لتقاطع شارع الفلكى مع شارع مجلس الشعب مساء يوم 28 ينايرشاف سياره دبلوماسيه بيضاء اللون تسير بسرعه جنونيه وترتطم بالمجندين وقتلت 18 مجند منهم من خلال طلقات ناريه كانت تخرج من السياره

أما العميد أحمد محمد عبدالمولى قائد قطاع أحمد شوقى للأمن المركزى المنوط به الأشراف على خدمات تشكيلات الأمن المركزى حول وزارة الداخليه فيقول كنت واقف بعيد عند مجلس الشعب براقب مايحدث وحوالى الساعه سابعه مساءا يوم 28 يناير برضوا رميت بصرى الناحيه التانيه شفت العساكر بتتساقط قدام عينى وكلها بتصرخ وبعضهم مات فى الحال وفى نفس اللحظه سمعت صراخات فى اللاسلكى تحذر من سيارات بيضاء تستهدف رجال الأمن والمتظاهرين على حد سواء ولقيت سياره متجهه نحوى فأنطرحت أرضا وفلت بأعجوبه من سيل طلقات النار التى تخرج من نوافذ السياره

التقارير الطبيه لجنود الأمن المركزى الذين توفوا فى هذا اليوم وعددهم يتخطى 200 جندى فيما يتعلق بحالات الوفاه بطلقات ناريه أن جميع الجنود مصابون بطلقات فى الرأس والرقبه والوجه والصدر

أعتقد بعد كل ده والتقرير عندك ونزلت الرابط بتاعه وممكن أنزله على حلقات لو تحبوا أن موضوع السيارات من غير فكاكه وراه جهه أجنبيه وجهاز مخابراتى وأفراد أجراميه مدربه وأعتقد كلنا عارفين دلوقتى مين اللى ورا الليله دى لكن زى ماقلت لكل الناس اللى بتستفسر فى التليفون أننا منقدرشى نفتح الملف ده دلوقتى وبلدنا بتحارب فى ستين جبهه ومنقدرشى نرد القلم ده ونجيب حق عيالنا دلوقتى وأحنا مش قادرين نسند ظهرنا واللى أوله حساب مايزعلشى وكان فرح وهيصه واللى كسر أزازه حيحاسب عليها

فيه حادث جانبى حصل وقتها لكن كل الشهود أكدوا أنهم كانوا من الأخوان والحادث كان شوية أخوان دخلوا مبنى الجامعه الأمريكيه وخرجوا ودخلوا تانى ومعاهم شوية بلطجيه وكسروا ودغدغوا فى ممتلكلت الجامعه وبعضهم طلع فوق السطوح وبدأوا يطلقون أعيرة خرطوش على المتظاهرين فتسللت بعض العناصر الأمنيه لسطوح الجامعه وأستطاعوا القبض على بعضهم

أما سامح سليم جوهر المشرف بالجامعه الأمريكيه بيقول أن الميدان كان شبه هادئ لحد العصريه وقوات الأمن محاصره الميدان من كل أتجاه لكن لاحظت أن قوات الأمن بدأت الساعه 4 بعد العصر تتقهقر للخلف بأتجاه شارع محمد محمود المؤدى لمبنى وزارة الداخليه وبيقول مع أنسحاب الجنود وبعدها بنصف ساعه لاحظت أختفاء الحراسه بتاعة الجامعه وبيقول حصلت معركه بالليل الساعه 11 وكانت بتخرج أعيره ناريه من الجامعه مع ألقاء قنابل من قوات الأمن اللى أستطاعت أقتحام المبنى الساعه واحده ونصف صباحا وكان مبنى الجامعه أنتهى خالص ولما طلعوا فوق السطوح لموا كل فوارغ الرصاص اللى كانت فوق سطوح الجامعه الأمريكيه

أما فى شهادة المشير حسين طنطاوى أمام محكمة جنايات شمال القاهره ولو أنى مكنتش عاوز أكتبها لكنه قال أن الداخليه لم تستعين بأى قناصه لأعتلاء المبانى كما يروج البعض وأن ماكان يجرى فى البلاد هو مايجرى الآن إلا أن الشعب لم يكن يعلم الحقيقه وحتى لو قلناها وقتها محدش كان حيصدقنا

أما اللواء حسن الروينى فيقول فى شهادته أنه شاهد بنفسه عناصر مدنيه تعتلى بعض العقارات المحيطه بالميدان فطلب من البول تاجى أنزال هذه العناصر وإلا حيطلع الجيش يجيبهم وفعلا بعدها كلهم نزلوا مما يدل أنهم عناصر أخوانيه وقال الروينى فى شهادته أن بعض العناصر ظلت موجوده على الأسطح فطلعت قوات خاصه قبضت عليهم ووجدت معاهم رشاشات أسرائيليه وكميات من الذخيره لابأس بها وبفحص ملفات هذه العناصر عرفنا أنها عناصر أخوانيه

أما الفريق سامى عنان فقد أنكر أى علاقه للداخليه بوجود عناصر قناصه تابعه لها فوق أسطح العمارات وأكد كل من هذه الروايه اللواء عمر سليمان واللواء مراد موافى واللواء حمدى بدين واللواء محمود وجدى واللواء منصور العيسوى

قبل منتصف الليل أتصل عمر سليمان من مكتبه بـ ....


من الذى أتصل عليه سيادة اللواء عمر سليمان وماذا حدث فى هذه المكالمه ولماذا أحتدمت المكالمه وعلى أى شئ أتفقوا هذا موعدنا معه الحلقه القادمه 

مدير مخابرات دول شمال كوكب المريخ

جنرال بهاء الشامى

الصقر الذهبى رقم 32

كنا قد توقفنا فى المقال رقم 31 عند حالة الخوف والهلع التى أصابت شاهد تحقيقات لجنة تقصى الحقائق لكن قبل السرد لاحظت فى التعليقات صدمه من معلومات السفاره الأمريكيه ومعنى صدمه يعنى فيه حاله عاطفيه وأحنا متفقناش على كده من الأول وقلنا كل واحد يسيب عواطفينه بعيد وهو بيتابع السلسله لكن واضح أن موضوع عواطف ملوش حل غير أنى أقتلها وأريح الناس من قرفها ومما يزيد الطين بله أنك تاخد بالك أن فيه ناس مش متابعه وهنا سؤال ليه مستغرب موضوع السفاره أليست السفاره جزء من أمريكا وتابعه لأمريكا وسفيرتها من أمريكا وموظفيها من أمريكا والمؤامره من أولها لآخرها من تدبير أمريكا يبقى ليه مستغرب أن جزء من أمريكا يشترك فى مؤامره أمريكيه ولا يكونشى لسه حضرتك عايش فى مية البطيخ وبتضحك على نفسك وفاهم أنها كانت لامؤاخذه فى الكلمه ولو أنها عيب يعنى (( ثوره )) يابابا أنت أتعمل بيك مؤامره وكلهم تاجروا بأزماتك ومشاعرك ورفضك لنظام مبارك وعملوا بيك المدعوقه دى وتعالى بقى ياعم العواطفى نعيش مع درويش أبو النجا شاهد لجنة تقصى الحقائق

درويش كان بيقول أنه كان بيعيط ونطق الشاهدتين وكان عمال يقول أستر يارب أستر يارب من مشهد الجثث اللى بتقع قدام منه وفجأه لفت نظر درويش حاجه شاف كاميرا متثبته على سطوح الجامعه الأمريكيه وفيه شاب واقف جنبها ووشه أبيض محمر أجنبى يعنى وشعره طويل لحد كتافه ولون شعره قريب من الصفار وماسك فى ايده سلاح أصغر من البندقيه اللى أعرفها وأكبر برضوا من الطبنجه زى اللى بشوفها فى الأفلام ومصوبها ناحية الكشك اللى أنا فيه وقبل ماأفكر حعمل إيه أو حتصرف أزاى لقيت واحد مصرى واقف جنب الكشك سقط مقتول وشفت النار وهى خارجه من سلاح الشخص ده وبيقول ساعتها حصل منى شئ لاإرادى وأنا بواجه الموت وشايف السلاح موجه ناحيتى لكن كان ليا عمر ووجه هذا الشاب سلاحه ناحية حد آخر من المتظاهرين فعرفت أن ربنا كتبلى عمر جديد لكن فيه غيرى حيموت طالما سلاح الشخص ده فيه طلقات فرفعت كاميرتى لأعلى وصورته وفوجئت بثلاثه آخرين معاه بيعملوا نفس اللى بيعمله وفضلت أصور فيهم 3 دقائق لحد ماوقعت بالقرب مننا قنبلة غاز وبدأت أشعر بالأختناق وأنتقلت لمكان بعيد خلف مجمع التحرير وعلى فكره كل القصه دى موجوده فى جريدة الوفد وأرجع للتاريخ اللى أنا كتبته وممكن تدخل صفحة جريدة الوفد وتطلب العدد ده من الأدمن وحيبعتهولك على إيميل الياهوو

يقول درويش أبو النجا فضلت أصور لمدى ساعتين ونص وهى أقصى مده للكاميرا فى الميدان وشارع القصر العينى وصورت خلالها مقتل أكثر من 80 مصرى فى ميدان المؤامره ولما خلصت تصوير بدأت أنسحب من الميدان وذهبت لمبنى التلفزيون ولما وصلت للمبنى قلت للأمن بتاع التلفزيون معايا تصوير وفيه أدلة إدانه للناس اللى بتقتل المتظاهرين صوت وصوره وعاوز أقابل حد من المسئولين فقالوا لى بتوع الأمن التلفزيون مابياخدشى تصوير من حد ولما بنحب نصور بيطلع أوردر واللى يتصور فى الأوردر هو اللى بيتذاع أتفضل بقى خد البتاعه اللى معاك ومشى من هنا

يكمل درويش كلامه ويقول كنت عاوز أى حد يشوف اللى أنا صورته فذهبت لجريدة الأهرام وطلبت مقابلة رئيس التحرير وقالوا لى نفس اللى أتقال فى التيلفزيون وأتكرر الموضوع مع جريدة الجمهوريه وتعبت من اللف وقررت أرجع لبلدى فى محافظة المنوفيه والصبح ذهبت لمبنى محافظة المنوفيه وطلبت مقابلة المحافظ فقالوا لى هات رقم تليفونك والمحافظ حيتصل عليك وخدوا رقم تليفونى وفضلت واقف فى الشارع لحد ماأتصل عليا سيادة المحافظ سامى عماره محافظ المنوفيه وقتها وقلت له يافندم معايا تصوير لكل الناس اللى كانوا بيقتلوا فى ميدان التحرير فقال جمله واحده (( شوف يابنى رب ضارة نافعه )) وقفل الخط

يكمل درويش أصيبت بالأحباط وأنا بدور على أى مسئول يسمعنى وقعدت فى بيتى فتره طويله حزين وبعدين قررت أسلم الفيديو لأى قناه فضائيه فواحد صاحبى قالى كل القنوات موجوده فى ميدان التحرير أنزل وشوف أى قناه فيهم وفعلا سافرت القاهره وعديت على حماتى وسبت الفيلم عندها ونزلت أبحث عن القنوات وفشلت بصراحه ألاقى حد يسمعنى ويأست وقررت العوده للمنوفيه وأذا بواحد يعرفنى على نفسه ويقولى أنا من قناة الجزيره وقالولى معاك فيلم مهم وأحنا حنشتريه منك ونذيعه بس لازم نشوفه علشان لو محتاج مونتاج

بيقول درويش أبو النجا روحت جبت الفيلم من عند حماتى ومش مدى خوانه وطلعت مع صاحبنا ده شقه فى ميدان التحرير وكان فيها فريق عمل من الجزيره وكاميراتهم بتصور من البلكونه ... المهم طلبوا منى الكاميرا وأسيبها وأمشى وآخد حقها وحق الفيلم وحق التصوير لأنهم لسه حيعملوا مونتاج فقلت لهم الكاميرا دى عزيزه عليا وخلاص بقينا عشره أنا حنتظر لحد ماتخلصوا المونتاج طيب هات الكامير قلت لهم لازم أحضر عملية المونتاج كلمه من هنا على كلمه من هنا لقيت أربع شحطه أتهجموا عليا وضربونى وخدو منى الكاميرا بالعافيه ورمونى بره الشقه فنزلت جرى على الشارع وأنا بنزف من بقى وسنانى وحاجبى وروحت عملت محضر قسم شرطة بولاق أبو العلا عند حسام بيه الشرقاوى وحررت محضر بالواقعه رقم 2884 لسنة 2011 جنح بولاق

نرجع تانى لموضوع السياره البيضاء وكنت قلتلك أنه كانت فيه شائعه أن حبيب العادلى فيها بعد رفض السفاره له وكانت السفاره هربته بالطريقه دى علشان مايوقعشى فى أيد المتظاهرين وأحقاقا للحق كانت برضوا فيه أشاعه تانيه أن اللواء أسماعيل الشاعر مدير أمن القاهره هو اللى فى السياره وداس على المتظاهرين وكان فيه أكتر من شائعه فى الميدان فى موضوع العربيه وأكتر من روايه لكنها جميعا ثبت تكذيبها فى ملفات محاكمة قضية القرن لكن قبل مانسيب النقطه دى تعالى نشوف أقوال بعض الشهود علشان أبقى مخبتشى عليك حاجه ولا أى فتفوته صغونه

فرد من التحريات المندسه وسط الميدان قال فى أقواله أنه لم يستطيع الوصول لمصدر الشائعه بالظبط لكن هى أنتشرت من ناحية المنصه اللى كان واقف عليها البول تاجى

اللواء مراد موافى مدير المخابرات العامه قال أن سرقة سيارات السفاره ودهس المتظاهرين كانت عملا إجراميا منظما ويحمل بصمات إحترافيه وحط تحت إحترافيه 100 خط

اللواء مصطفى عبدالنبى رئيس هيئة الأمن القومى قال نفس الكلام تقريبا لكنه أزاد لو الداخليه اللى كانت عاوزه تعملها إيه اللى يخليها تسرق سيارات سفاره أجنبيه وعندها أسطول سيارات مسروقه ومتلقحه فى مخازنها

اللواء أحمد جمال الدين قال فى شهادته أن أحدى هذه السيارات ضبطت وهى تطلق النيران على رجال الشرطه ولما قبضنا عليهم بعض العناصر هاجمتنا وأفرجت عنهم

اللواء حسن الروينى قائد المنطقه العسكريه المركزيه قال مسكنا سياره من هذه السيارات وتبين لنا أنها مدرعه والأشخاص اللى كانوا فيها تبع جماعة الأخوان لكنهم فى التحقيقات قالوا أنهم لقوها فى مكان مجهول

نيجى لأقوال (( محمد عبد المرضى موسى )) وخلى بالك من أقواله كويس قوى موظف بالسفاره الأمريكيه وبيقول فى أقواله أنه مكلف بالعمل فى جراج السفاره الكائن بـ 5 شارع الشيخ ريحان والجراج يتسع لـ 50 أو 60 سياره حسب الظروف ووضعية الوقوف وقال كنا عارفين قبلها أن مفيش سياره حتخرج من الجراج يوم 28 يناير وقال كان المفروض يومها حسب الأوراق وجود 55 سياره يعنى 55 مفتاح فى لوحة مخصصه للمفاتيح وبتتسلم للسواقين من قائد الجراج بناءا على أوردر وقائد الجراج بيسلمه الشفره وبعدين يجى هنا يستلم المفتاح من المكتب اللى أنا شغال فيه لكن يوم 28 وجدت أن فيه 32 مفتاح فقط يعنى ناقص 22 مفتاح والدرج مافيهوش أى أوردر ورغم كده الجراج ممتلئ يعنى السيارات لسه جوه الجراج ومخرجتشى ولما المفاتيح بتتاخد لأعادة التشفير بتتاخد كلها وبيكون يوم السبت بالليل مش يوم الجمعه فشكيت أن المفاتيح تكون مسروقه لكن أزاى اللى حيسرقها يعرف أرقام المفاتيح أحنا اللى نعرفها فقط وأى نعم كان فيه مظاهرات بره وتحركات حوالين السفاره لكن مجاش فى بالى أى حاجه فأتصلت بالاسلكى بقائد الورديه وحكيت له اللى حصل وزعق وقالى أزاى أنت أستلمت أزاى قلتله اللوحه موجوده وأنا لسه موقعتش على الأستلام وفجأه وأحنا بنتناقش سمعت صوت هيجان وأطلاق نار على خفيف وبصيت من الشباك الجانبى وأنا بكلم رئيس الورديه فى موضوع المفاتيح فجأه لقيت حاجه غريبه .....

ماذا وجد عامل الأمن وماذا شاهد فى هذه القضيه الشائكه وكيف خرج من المكان وخصوصا أنى قلتلك قبل كده على اللى حصل فيه بس أنت اللى بتنسى وخصوصا أنه كان جوه الجراج وحنعرف منه اللى حصل جوه وأحنا كنا واقفين بره هذا موعدنا معه فى الحلقه القادمه أن كان فى العمر لايزال بقيه وبكده تقريبا نكون وصلنا لنصف السلسله ويتبقى أمامنا حوالى 32 مقال سنخصص آخر 5 مقالات فيها وحتكون على مدونتى العامه وليس الفيسبوك للوثائق وبعض الصور وبعض الملفات وروابط المصادر مش علشان نأكد مصداقيتنا لكن لأن فيه ملفات مش حنقدر نوصل فيها لحلول فحنطرحها أمام الجميع لعل وعسى نقدر نوصل أو نفهم حاجه وخصوصا أننا بعد كده حندخل الميدان ونعرف إيه اللى حصل داخل الميدان والخيام وبعض الأجتماعات وبعض الأحاديث الجانبيه وليلتكم فل بالمهلبيه

كان معكم الرئيس الفرنسى الجديد

جنرال بهاء الشامى

الصقر الذهبى رقم 31

كنا قد توقفنا فى المقال رقم 30 عند تحقيقات لجنة تقصى الحقائق بخصوص موضوع سيارات السفاره الأمريكيه وحاول تسرتجع معايا اللى قلناه علشان نعرف نكمل مع بعض وركز فى كل كلمه وكل حرف ورقم وأسم سأذكره

طلبت جهات التحقيق وقتها من إدارة المرور ملف رخص سيارات السفاره الأمريكيه بعد مابدأت الشكوك تحوم حول الموضوع وأرسلت إدارة المرور لجهات التحقيق ملف تراخيص سيارات السفاره الأمريكيه وفيه أن قد تم ترخيص عدد 753 سياره للسفاره الأمريكيه منها 208 سياراه ملاكى مميز يعنى تحمل لوحات هيئه سياسيه وأن السياره البيضاء اللى وجدوها محروقه فى منطقة مجرى العيون بمصر القديمه وماركتها شيفورليه تحمل لوحات مضغوطه بارز لاتخصها وتحمل رقم 73/128 وهذه اللوحه لسياره أخرى ماركة باجيروجيت موديل 1998 كما تحمل السياره رقم شاسيه 1145439 أو 11453 يعنى الرقم الأول والأخير مش واضحين نتيجة طبعا التحطيم والحريق والحاله التى وجدوا السياره عليها ولم يستدل على أى تراخيص لها بإدارة المرور ومعلشى الحاجات دى مابفهمشى فيها قوى وياريت اللى بيفهم يفهمنا كلنا وأكدت إدارة المرور فى أفاداتها للجنة التحقيق أن السياره تحمل كود رقم (( 20 )) وتخص سفارة بنما وتم تسليم تراخيصها إلى وحدة تراخيص إدارة الجمارك بتاريخ 15 مارس 2009 وحصلت على رقم 112/23هيئه دبلوماسيه وأستبدلت برقم (( ب . ق 7381 )) ملاكى جيزه بتاريخ 28 نوفمبر 2010

نجرى بسرعه على ملفات قضية القرن ولما أتسأل حبيب العادلى أزاى السفاره الأمريكيه تمتلك هذا العدد الرهيب من السيارات قال معظم هذه السيارات صدرت تراخيصها منافع سياديه ولما سأله قاضى التحقيق يعنى إيه منافع سياديه قال فى التحقيق (( ولهم فيها مآرب أخرى )) فطلب منه قاضى التحقيق التوضيح أكتر قال كان عندنا معلومات أن هذه السيارات بتستخدم فى أعمال مخابراتيه ولحد هنا بصراحه أنا دماغى لفت فى موضوع سيارة السفاره البيضاء لكن برضوا خلى الموضوع معانا وححاول أنط معاك الأحداث ونروح قدام مع ظاهرة ظهور الطرف الثالث ونشوف المخابرات توصلت لأيه فى تحرياتها بس قبلها لازم تعرف الشائعه التى أنتشرت فى الميدان وقتها علشان يلبسوا موضوع سيارة السفاره للداخليه زى برضوا الشائعات اللى لبسوها للجيش بعد كده وتقول الشائعه يامؤمن ياموحد بالله أن السياره كان فيها حبيب العادلى وأنه كان رايح السفاره الأمريكيه يطلب اللجوء السياسى وقال إيه السفاره طردته ومرضوش يدخلوه ولما المتظاهرين شافوه حاول يهرب من الميدان بهذه السرعه الجنونيه

رصدت المخابرات وخلى بالك الدنيا كانت هايصه وكتر خير الدنيا أنك بتعرف تطلع معلومه وخصوصا أن مصر عموما وميدان المؤامره التحرير سابقاً أمتلئت بالعناصر المخابراتيه وعناصر أجراميه أجنبيه وتم رصد دخول عناصر من مجموعه أسمها فرسان مالطه برفقة عناصر شركة حراسه أسمها بلاك وويتر وأسمها بالبلدى المياه السوداء أو أسم الشهره مياه المجارى والشركه دى مشهوره ومعروف عنها عملياتها الأجراميه فى العراق وأفغنستان والمدهش يامؤمن لما تعرف أن فيه تعاقد بين الأداره الأمريكيه وهذه العصابات والأمور معروفه قوى فى العراق وفضايح الشركه دى معروفه فى العراق

برضوا رصدت التحريات أستئجار عناصر أجنبيه لمعظم الشقق الخاليه فى الدور الأخير فى كل العمارات المطله على ميدان المؤامره يوم 20 بالتزامن فى وقت واحد بمبالغ خرافيه وصلت أن أيجار الشقه 200 ألف جنيه فى الشهر ولما أندلعت أحداث الخيبه وصل أيجار البلكونه فقط فى اليوم 100 ألف جنيه وبقولك البلكونه فقط

أيضا تم رصد تواجد بعض أفراد هذه الشركه على أسطح العمارات اللى فوجئت الجهات الأمنيه أنها مؤجره أيضاً يوم 25 يناير بحجة التصوير الجوى ووصل أيجار أحد الأسطح لمبلغ 150 ألف جنيه فى اليوم (( ياريتنى كان ليا سطح هناك كنت عملتهم على حق الله لكن حتروح فين من حساب ربنا لما تعرف أن هذه الأسطح مسئوله مسئوليه مباشره عن معظم الدماء التى أسيلت فى ميدان المخدوعين التحرير سابقا    ((

أيضاً التحريات بتقول أن هؤلاء القناصه كانوا يحملون بنادق قنص متطوره جدا وبياخدوا أوامر أطلاق النار على شخصيات معينه فى الميدان بأشعة الليزر يعنى يتوجه الشعاع هنا من وسط المتظاهرين يعنى أقتل ده ياللى على السطوح

حنرجع تانى لتقرير لجنة تقصى الحقائق وفى أعترافات اللواء محمود وجدى أن تم العثور على بعض هذه البنادق وشاهدت اللجنه كل اللى بقولك عليه عن طريق شرائط الفيديو وطبعا اللجنه طلبت تصوير التليفزيون لكن كان عمنا المناوى خد 40 جيجا من التصوير وخلع على فرنسا وتقول التحقيقات أن وزارة الداخليه فى كل مصر من شرقها لغربها ومن شمالها لجنوبها لاتمتلك هذا النوع المتطور من البنادق وكل تعاقدات وصفقات وزارة الداخليه بخصوص أستيراد بنادق قناصه لم يجدوا فيها هذا النوع المتطور

لما منصور العيسوى مسك الداخليه وطلب ملف أستيراد بنادق القناصه وجد أن الداخليه لاتستورد هذا النوع البنادق المزوده بأشعة الليزر والرؤيه الليليه

خلى بالك كل ده وأحنا بنتكلم فى تحقيقات لجنة تقصى الحقائق وماليش صالح بقى لو منزلتش الملف وقريته ومش مطلوب بقى منى أكتر من كده جبتلك التقرير وطلع عين أهلى علشان أحوله لورد وكل برامج التحويل أون لاين وأوف لاين مابتحولشى عربى وأجعص برنامج بيحول 5 صفحات وبيحولهم لملفات صور يعنى أنا خلاص جبت جنابى من قلة القراءه والمساعده واللى حيشكك فى معلومه يبقى يستاهل البلوك عن جداره وإستحقاق لأن مش فاضل غير أن أعدى على البيوت وأوزع التقرير بنفسى وبرضوا مش حتقراه

فيه مواطن مصرى شريف عثرت فيه لجنة تقصى الحقائق أسمه درويش أبو النجا شغال مدير تسويق فى أحدى شركات الأغذيه وأصطادته اللجنه عن طريق حوار صحفى حصل معاه فى جريدة الوفد فى شهرأغسطس 2011 يعنى قبل تشكيل اللجنه بسنتين علشان محدش يقول أنه مخابرات ولا عسكرى أمن مركزى ولابس مواطن عادى وأبو النجا بيقول أنه أستطاع تصوير 6 أشخاص ملامحهم أجنبيه وهم بيضربوا نار على المتظاهرين فى الميدان وقدام القصر العينى يوم الجمعه 28 يناير وخد عندك التقيله بقى أن فيه 3 من الـ 6 كانوا بيضربوا النار من فوق سطوح الجامعه الأمريكيه ومن عماره تطل على شارع القصر العينى وقريبه من مبنى السفاره الأمريكيه

أبو النجا بيقول أنه مش من سكان الميدان ولا من سكان المنطقه وكان رايح لحماته زياره ومحدش يقولى هات رابط شقة حماته متعصبوناش بقى الله يرضى عليكم وسمع وهو عند حماته والكلام على لسان درويش أبو النجا صوت طلقات رصاص وفيه ناس بتحدف زجاجات مولتوف على المبنى العام اللى جنب بيت حماتى وشايف واحد أهو رايح يدور على عنوان حماة درويش علشان يتأكد من كلامى جريت بسرعه على الشباك وبصيت وشوفت 18 واحد بيهاجموا مبنى وزارة الداخليه ببنادق آليه وكان أطلاق النار بشكل مكثف وعنيف على أكشاك الحراسه وشاف بعينه عساكر الأمن المركزى وهى بتقع واحد ورا التانى زى العصافير وقال درويش على طول صورت اللى بيحصل من شباك غرفة حماتى

 الملفت بقى يامؤمن كما يقول تفريغ الفيديو بتاع درويش أن الـ 18 واحد دول لابسين كلهم جواكت تحتها تشيرتات سودا على دماغ أبوهم وكلهم ملثمين ولايظهر غير عيونهم ولم يتم التعرف على أى واحد فيهم والكلام لسه برضوا على لسان درويش وبيقول بعد حولى ربع ساعه كانوا خلالها تمكنوا من أحراق مبنى الأمن العام وكل السيارات الموجوده حوالين الوزاره وقال شفت بعينى مشاهد حرب زى اللى بتحصل فى الأفلام لكن بعد فتره شفت طياره هليوكبتر بتاعة الجيش حضرت وكانت طايره على أرتفاع منخفض وأبوابها مفتوحه وكان فيه 2 على كل باب لابسين ملابس صاعقه وبدأوا أطلاق النار على العصابه دى وجت وراها طياره تانيه ونزل منها ناس من الجيش على سطوح الوزاره وبدأوا فى الأشتباك مع هذه العناصر وبدأ ظهور أطلاق نار من داخل الوزاره ناحية الناس دى لكنهم بسرعه جدا أنسحبوا وأختفوا وسط المتظاهرين ومات منهم واحد بس



نرجع لتحريات لجنة التحقيق اللى أثبتت أن الجثه الوحيده اللى لقوها فى المنطقه ومش بتاعة عساكر أمن مركزى ملقوش معاها أى أوراق أثبات شخصيه وبصماتها لاتطابق بصمات أى مصرى

 برضوا والكلام لسه مع درويش بيقول بعد أنتهاء هذه المعركه خدت كاميرتى ونزلت من شقة حماتى وروحت ناحية ميدان المؤامره التحرير سابقاً ووجدت حالة هرج ومرج وشاهدت الشرطه تطلق قنابل الغاز بشكل مكثف وجنونى والمتظاهرين يجرون فى كل مكان فجريت وأستخبيت فى كشك من بتوع الحراسه وبدأت أصور اللى بيحصل وكنت بشوف جثث المتظاهرين بتقع قدام الكشك غراقنه فى دمها بالقرب من الكشك اللى كنت واقف فيه ولاحظت أن الناس اللى بتسقط قدامى الطلقات بتيجى فى صدرها وهى واقفه وظهرها للشرطه فأندهشت كيف تكون الشرطه فى ظهرهم والطلقات تيجى فى صدرهم والموضوع لفت نظرى وبدأت أدور بعينى وبالكاميرا أطلاق النار وخصوصا أن أعداد القتلى كانت فى تزايد سريع ورهيب وبدأت أخاف على نفسى وبدأت أعيط ونطقت الشهادتين وقعدت اقول أستر يارب أستر يارب وبيقول درويش فجأه وأنا بعيط لمحت شئ غريب ناحية 


 ماذا لمح درويش أبوالنجا وماذا شاهد وماهو فحوىتفريغ كاميرته فى هذه اللحظه هذا موعدنا معه فى الحلقه القادمه فأنتظرونا وكان معكم

رئيس دولة الأتحاد السوفيتى قبل التفكيك

                 جنرال بهاء الشامى