الصقر الذهبى رقم 22

توقفنا وأياكم ولا أقولك مش حقولك توقفنا فين أنت بص بنفسك على المقال رقم 21 ماهو أنا مش حعمل كل حاجه روح أنت راجع اللى فات وبطل دلع بقى لكن قبل السرد لدينا شكاوى من قصر المقال الماضى وناس بتقول قصير ومختصر وعاوزين تفاصيل وناس بتقول كده مظبوط علشان نعرف نقراه وناس بتقول بلاش تطول علشان الموبايل وحنطرح الموضوع ده للتصويت لنعرف رأيكم أما بخصوص التفاصيل فهناك تفاصيل ذكرناها من قبل ومن غير المنطقى أن نعيدها مرات أخرى وتعالى ندخل فى الموضوع

أحتدم النقاش بين عمرسليمان وحبيب العادلى لما لقاه بيتكلم بثقه مفرطه وقاله وماذا إذا شارك الأخوان فى المظاهرات وماهى خططك ؟؟؟ رد حبيب العادلى على الفور وقال معلوماتنا أنهم مش نازلين وسيسمحون ببعض الأشخاص بصفه رمزيه وحط تحت دى مليون خط لأن كده وزير الداخليه شرب المقلب بتاع محمد بديع ووقع فى الفخ اللى نصبه ولما بصله عمر سليمان بأستغراب فأستطرد العادلى قائلا لكن لو نزلوا سوف يتم القبض على كل قيادتهم وعناصرهم الأساسيه والفعاله وقال للباشا أطمئن لقد نجحنا فى 2010 فى أحتواء 976 مظاهره ووقفه أحتجاجيه وسيمر 25 يناير كغيره من الأيام والمتظاهرين حيروحوا آخر النهار فى نفس اليوم زى كل مره بكل تأكيد

قطع أحمد نظيف المناقشه وقفل السكه على الباشا علشان النقاش لايحتدم ووجه كلامه للمشير طنطاوى ماذا عن موقف الجيش لو تطورت الأوضاع فرد المشير بعصبيه وقال أبعدوا عن الجيش ومالكوش دعوه بيه وسيبونا الأول نراقب الأحداث ونشوف حتطور لفين وبعدين نبقى نشوف الجيش حيعمل إيه وبعد ذلك لكل حدث حديث لكن اللى عاوزكم تعرفوه أن الجيش مش حيسمح لحد يهين أى مصرى أو يكون أداة قمع ضد شعبه ده جيش ياساده مش داخليه لكن لو تطورت الأمور وخرجت عن اللى بيقوله العادلى عبدالفتاح السيسى حاطط خطط وعارف حيعمل إيه ... طبيعى حسب البرتوكول بيكون مدير المخابرات جالس خلف وزير الدفاع واللى قاعدين على الترابيزه الوزراء فقط ومدير المخابرات العامه ... هنا بص الجميع لعبدالفتاح السيسى فأبتسم لهم وأومأ برأسه

أحب أنوه قبل الأستكمال لأن وصلنى تليفون من أحد المتابعين على تويتر وأنا بكتب المقال وطالبنى بالبحث عن تسويق لهذه المقالات وقال لى أن الأهم من المقالات هو أن تسوق لها وتروج لها ودار حوار طويل وتولى هو مهمة الترويج للسلسله على بلوجر وتويتر ووضع عدة أقتراحات لترويجها على الفيسبوك وأود أن أقول لو أنا بنشر هذه السلسله وهذا المجهود الغير عادى علشان الشير واللايك ففيه بوستات تقدر تعمل ده بسهوله لكن الهدف من هذه السلسله هو كشف الحقائق وترتيب الأوراق لكى يعرف المصريين طبيعة ماحيك ولازال يحاك لهم وأنا قلت فى مقال يوسف القرضاوى أن اللى بيحصل فى مصر حاليا من تفجيرات وحوادث مثل شراء القمح وحرقه أن دى الخطه البديله اللى وضعوها لو مبارك تمسك بالحكم والداخليه والجيش سيطروا على المظاهرات بالقوه فكانت الخطه أثارة الفوضى فى البلد عن طريق العمليات الأرهابيه والتعجيز الأقتصادى وتجويع الشعب ... مش عاوزك تعمل لايك لكن عاوزك تعمل شير فى كل مكان على صفحتك وفى الجروبات وفى كل مكان علشان أكبر عدد يعرف ليه اللى بيحصل دلوقتى بيحصل ليه وان المستهدف مش منصب قافش فيه السيسى بالعكس المستهدف هو المؤسسسه اللى واقفه زى اللقمه فى الزور لأكمال مخططهم هدفهم جيش مصر وبعد كده كله سهل وأسهل مما تتصور فياريت تساعدونا وماتكتفوش بالقراءه فقط بل حاول توصل المعلومه فى كل مكان حضرتك متواجد فيه وتولى بنفسك مهمة الدفاع عن اللى أقتنعت بيه

أنتهى الأجتماع فى تمام الخامسه مساءا بدون وقت مستقطع وأتفقت اللجنه على الأجراءات التاليه :

أولا : تشكيل غرفة عمليات يكون عملها على مدار 24 ساعه ويكون مقرها الدائم فى غرفة الطوارئ بسنترال رمسيس بجوار اللاب توب اللى فيه برنامج Van Fischer واظن أنا أتكلمت أكتر من مره فى البرنامج ده وهو برنامج حكومى تمنه 485 ألف يورو لمراقبة والتحكم فى الأتصالات وموجود بسنترال رمسيس وكان بيشتغل عليه وقتها 300 ظابط من الداخليه وبعد أحداث خيبة ينايم تم نقل إدارة البرنامج للقوات المسلحه وكان يعمل عليه 600 ظابط لكن عادت إدارته للداخليه بعد حكم المحكمه أخيرا بجواز مراقبة مواقع التواصل الأجتماعى وأمكانيات البرنامج فوق ماتتصور ونرجع لموضوعنا

ثانيا : تتولى إدارة الأشاره بالقوات المسلحه والمخابرات الحربيه وجهاز أمن الدوله وقطاع الشئون الفنيه بالداخليه والهيئه الفنيه ومركز تداول البيانات بالمخابرات العامه وفنى وزارة الأعلام ومتخصصى العمل على البرنامج من قطاع الأتصالات المدنيه متابعة العمل على البرنامج كل من فى أختصاصه وتبادل المعلومات اللحظى

ثالثا : تفعيل الماده 67 من القانون 10 لسنة 2003 بما يشمل قطع خدمات الأتصالات للمحمول فى مناطق معينه وفى مواقع مختلفه حسب التقارير الأمنيه التى تصل لوزير الداخليه أول بأول فى حال تدهور الأوضاع

رابعا : إعطاء وزير الداخليه بحكم منصبه صلاحية اتخاذ أى قرار بشأن قطع الأتصالات فى المناطق التى يحددها طبقا لسير الأوضاع كأجراء أحترازى وهو ماترتب عليه قطع خدمات المحمول عن ميدان التحرير بعد ظهر يوم 25 يناير حتى صباح الأربعاء 26 يناير ثم أصدر تعليماته بقطع الأتصالات يوم الجمعه ولمدة يوم واحد فى محافظات القاهره والأسكندريه والسويس والغربيه ثم قرار فصل خدمات الأتصالات عن كافة انحاء الجمهوريه يوم 27 يناير مساءا بسبب خطورة الأوضاع على الأمن القومى

فى نهاية الأجتماع قال أحمد نظيف أنه سيرفع هذه التوصيات لرئيس الجمهوريه مع طلب صلاحيات أوسع لوزير الداخليه وقال مختتما الأجتماع أعتقد أن يستجيب الرئيس وتصدر قرارات ببعض الأصلاحات قبل 25 يناير

يوم 21 يناير رصد جهاز أمن الدوله مكالمه بين الخائن الجاسوس محمد مورسى وبين وأحمد عبدالعاطى فى تمام الساعه الحادية عشر وثلاث وأربعين دقيقه مساء الجمعه 21 يناير تضمنت تفاصيل لقاءات أحمد عبدالعاطى مع ظباط من المخابرات الأمريكيه فى تركيا ولقاءات محمد مورسى مع ظابط مخابرات أمريكى فى مصر وأخبر مرسى عبدالعاطى أن الجانب الأمريكى شدد على ضرورة مشاركة الأخوان بشكل علنى فى المظاهرات المزمع القيام بها لتنفيذ ماتم الأتفاق عليه والمكالمه موجوده فى ملف محاكمة الخائن محمد مورسى لكن ليه مظهرتشى المكالمه دى إلا بعد 30 يونيه للأجابه على هذا السؤال عليك بقرأءة أطول مقال فى سلسلة مقالات الصندوق الأزرق رقم 12 وموجود على الصفحه العامه على جزئين

يوم 23 يناير ألقى مبارك خطابه وكان يجلس بجواره حسب البرتوكول كالطاووس المغرور حبيب العادلى ولم تظهر عليه أى ملامح قلق أو توتر وخصوصا بعد الأعلان عن القبض على الخليه التى قامت بتفجير كنيسة القديسين وكلهم فلسطنيين وفى الخطاب ألقى مبارك اللوم على مؤامرات أجنبيه وداخليه ولم يتحدث مطلقا عن أى أصلاحات كما كان منتظر

قبل الأحتفالات لاحظ الحاضرون أبتعاد المشير طنطاوى عن حبيب العادلى وظل واقفا خارج الغرفه الموجود بها الرئيس ووزير الداخليه وكبار رجال الدوله قبل ألقاء مبارك لخطابه ولاحظوا ايضا وقوفه بجوار صقر مصر الذهبى ودار حوار فى هذه الأثناء بين المشير وعمر سليمان فى حضور (( ...... )) قال فيه المشير لسليمان إيه الغرور ده كله أنا ليا تحفظات على سير الريس وراه بدون حسابات دقيقه الأسلوب ده ممكن يدخل البلد فى مشاكل كبيره والبلد فى ظروف صعبه فرد عليه الباشا قائلا شكلنا حنتعب قوى الفتره اللى جايه فرد طنطاوى لو علينا ياسيدى مش مشكله المهم البلد تعدى الفتره دى على خير

طبعا أنت حتسيب المقال كله وتمسك فى اسم الشخصيه اللى مابين القوسين وأنا حريحك وأقولك فى آخر المقال ... شايف واحد ساب باقى المقال ونزل يدور على الأسم ولو كررتها تانى مش حقول الأسم وأخليه فى الحلقه القادمه

سأل فلان الفلانى المشير والباشا وقالهم مش حتدخلوا تقعدوا فرد طنطاوى مش عاوز أقعد معاهم ورد سليمان نقعد مع مين الناس اللى باعت بنوك وشركات البلد والباقى أنت عارفه

لاحظ الكثيرين ذلك إلا مبارك والعادلى .... وألقى مبارك خطابه وخرج من مكان الأحتفال وذهب لقاعة الطعام حسب البرنامج علشان يتغدوا مع بعض آخر غدا وآخرأحتفال يحضره مبارك وآخر مره مبارك يشوف العادلى ببدله رسميه ولم يكن أحد يعلم ماذا تخبأ الأقدار لهم ولم يكن يتصور الحاضرين أن هذه آخر مره يرون فيها مبارك ببدله وكرافته فى مناسبه عامه

جلس الجميع على ترابيزة الطعام كل واحد فى مكانه المخصص وأثناء تناول الطعام سأل مبارك حبيب العادلى جاهزين لبعد بكره فقال له العادلى لاتقلق شوية عيال وحيتلموا فى ساعتها وبعدين نصرفهم زى كل مره وانا بكره حعمل أجتماع مع المساعدين للتأكيد على كل الخطط متقلقشى ياريس كله تحت السيطره فوجه كلامه للمشير ولادك عاملين إيه فقال له كله تمام ياريس والمخابرات الحربيه عامله حساب لكل حاجه وهنا تذكر مبارك عبدالفتاح السيسى فقال للمشير ابقى فكرنى برئيس المخابرات الحربيه بعد ماتعدى الأيام اللى جايه ثم نظر للباشا وقاله مابتكلشى ليه ياعمر فرد الباشا ماليش نفس لسه شارب عصير

فى مساء 23 يناير وفى نفس اليوم أتصل الباشا على مكتب وزير الداخليه ورد عليه اللواء أحمد سليمان وطلب يدخله على الخط مع حبيب بيه وفعلا بعد اقل من دقيقه دخل حبيب العادلى على الخط فقال له الباشا إيه الأخبار ياسيادة الوزير فرد العادلى متقلقشى ياعمر بيه رصدنا كل حاجه والأمور لحد دلوقتى كويسه فقال الباشا للعادلى ومعلوماتك عن نزول الأخوان فرد العادلى لحد دلوقتى هما مترددين (( شفت أديك نسيت مكالمة أبو الأمراس )) لكن أنا واثق أنهم حيحسبوها كويس فقال الباشا عندى معلومات انهم أخدوا الأذن من أصدقائهم فرد العادلى قصدك الأمريكان فقال الباشا طبعاً فرد العادلى دول أجبن خلق الله وحيحسبوها ألف مره فقال له الباشا المره دى غير كل مره وانت عارف الأمريكان مش طايقين الريس إحنا قدام مؤامره كبيره ومحدش عاوز يسمع كلامى فرد العادلى ما حضرتك أحنا أتكلمنا فى كل حاجه فى أجتماع يوم 20 يناير وأحمد بيه نظيف وعد أنه حيرفع تقريرللريس فضحك الباشا وبسخريه وقاله واضح أنه أترفعت تقارير بأمارة خطابه النهارده متكلمشى فى أى أصلاحات أتفقنا عليها فى الأجتماع وواضح أن أحمد عز وصل لرئيس الوزراء كمان فضحك العادلى وقال للباشا خلاص وصلتنى فرد الباشا وقال للعادلى عموما أنت أنتهيت من أحتفالاتك وعدت على خير ياريت نعمل أجتماع أنا وأنت وسيادة المشير بشكل عاجل التقارير اللى قدامى من جهاز الأمن القومى بتقول أنه حتبقى فيه مشاكل كبيره وان الأخوان مش حيكونوا بعيدين عن الأحداث فرد العادلى النهارده عندى شوية ألتزمات نشوف بكره ونتفق على ميعاد

بهذه المكالمه أدرك الباشا أن وزير الداخليه أصابه الغرور وخصوصا أن مبارك يثق فيه ثقه عمياء ووصل به الأمر أن يتهرب من أجتماع معه ومع وزير الدفاع والبلد على صفيح ساخن وهو غير مدرك للمخاطر التى من الممكن ان تتعرض لها البلاد

أغلق الباشا التليفون مع حبيب العادلى واتصل بالمشير طنطاوى وعرض عليه الأجتماع فوافق المشير فورا وقاله وقت ماتحب وحدد الميعاد وانا جاهز فقال الباشا للمشير تصدق وصل الغرور بحبيب العادلى أنى أتصل عليه قبل حضرتك وأكلمه يحضر معانا الأجتماع يقوم يتهرب منى ويقولى مشغول ونبقى نتفق بكره وهو فاضل لسه فيها كام بكره فرد المشير سيبك منهم ونقعدوا سوا ونشوف حنعمل أيه تحب نتقابل أمتى فرد الباشا دلوقتى لو حبيت فرد المشير خلاص أتفقنا خليك عندك ونص ساعه وأجيلك أنت فين فرد الباشا حكون فين سيادتك أكيد فى مبنى المخابرات هو فيه حد يسيب مكتبه ويروح ينام فى ظروف زى دى عموما أنا فى أنتظارك

بعد 22 دقيقه كان المشير طنطاوى بملابسه المدنيه فى مبنى المخابرات العامه المصريه لكن هذا الأجتماع لم يحضره سوى الباشا والمشير وكان فى غرفة مكتب الباشا واللمبه الحمراء مضائه

اللى كان واقف مع المشير والباشا هو (( أمين راضى رئيس لجنة الدفاع والأمن القومى )) وهو اللى سرب المحادثه فى جلسه خاصه مع أحمد أبو الغيط ومصطفى بكرى بعد خيبة ينايم

ماذا دار فى هذا الأجتماع وعلى أى شئ أتفقوا فيما بينهم وغير باقى على ساعة الصفر سوى أقل من 36 ساعه هذا ماسنعرفه فى الحلقه القادمه رقم 23 وتفاصيل الخطط الأخيره فى سلسلة مقالات الصقرالذهبى

             جنرال بهاء الشامى