حدوتة سليمان خاطر

يقول زميله الجندى على إبراهيم فى التحقيقات: "حط ماسورة البندقية على صدره وأنا قلت له مانتش هتموت نفسك يا سليمان لو هتموت نفسك يبقى حرام فرجع في قراره يافندم

نشأ سليمان فى جو ريفى متدين ولد عام 1961 فى قرية إكياد البحريه التابعة لمدينة فاقوس فى محافظة الشرقيه 

سأل المحقق سليمان بماذا تعلل إطلاقك النار على نساء وأطفال عزل؟

ج: "دي منطقة ممنوعة، وممنوع أي حد يتواجد فيها وده أمر، وإلا يبقى خلاص نسيب الحدود فاضية وكل اللي تورينا جسمها نعديها ".

س: "أما كان يجب أن تضع في التقدير أن معظمهم من النساء والأطفال؟ وأن أحداً منهم لم يصدر عنه ما يمكن أن يكون عامل استفزاز لك؟ ".

ج: "مسؤوليتي حراسة الموقع، وأنا ما قتلتش أطفال لأني ما شفتش أطفال، لأن الشمس كانت غابت، وأصغرهم كان يقاربني في الطول".

أثناء وجوده في السجن، زاره فريق أطباء نفسيين، وكتبوا تقريراً قدموه للمحققين معه، جاء فيه أن سليمان عندما رأى الأشخاص يتقدمون نحوه أحس بالخوف الشديد يتملكه، وحذرهم باللغة الإنجليزية لكنهم لم يبتعدوا ما أصابه بالرعب منهم، فتظاهر بإطلاق الرصاص عليهم ليخافوا منه، لكنه كان هو الخائف والمرتعد وهو يمسك بسلاحه ويتخشب عليه، حتى انطلقت طلقة، يذكر أنه فوجئ بها. فوجد شخصاً يقع على الأرض والدماء تنزف منه. وحين رأى الدم يسيل من الشخص القتيل، لم يدرِ ماذا حدث بعد ذلك، حتى وجد نفسه بعد فترة قصيرة راقداً في مكان آخر على الجبل.

وأكد سليمان أنه لم يكن يعلم أن من اقتحموا نقطة حراسته إسرائيليون، لكنه اعتبرهم معتدين، خصوصاً أنه وزملاءه لم يكن معهم سوى أسلحة بسيطة. ويوجد في النقطة جهاز إشارة مشفّر "جهاز اتصال"، والحصول عليه أو أي معلومات تخصه يمس الأمن القومي المصري

في حوار مع مجلة المصور، نشر في 18 يناير عام 1986، قال حسني مبارك: "كنت أتمنى حكم البراءة لسليمان خاطر، كما كان يتمناها الآخرون، ولكن الذي حدث أن سليمان خاطر قتل أطفالاً ونساء، والمحكمة دانت الحادث وأصدرت الحكم، ولم نتدخل من قريب أو بعيد، ولم تكن هناك ضغوط من أي جهة، ونحن لا نقبل ضغوطاً من أي جهة. نرفض الضغوط أياً كان مصدرها، وعندما جرت محاكمته وكان لا بد من محاكمته، لأن الحادث وقع على الأرض المصرية، ولأن هناك ضحايا، ولأن سيادة الدولة تعني سيادة قانونها، ولأن عدم محاكمته تعني أن ندخل في عمليات انتقامية، وأن نقدم المبرر لكي يفعل الشيء نفسه جندي إسرائيلي في موقعه على الجانب الآخر من الحدود. وعندما جرت محاكمته سارعوا إلى التشهير الكاذب، (المعارضة المصرية)، بأن هناك ضغطاً على مصر، وأن إسرائيل ربطت بين قضية طابا وضرورة محاكمة سليمان خاطر".

يرى الروائي مصطفى عبيد أن سليمان خاطر ليس بطلاً وليس شهيداً. مشيراً إلى أنه قتل غدراً أطفالاً ونساء أبرياء لا يحملون السلاح، دخلوا مصر سائحين وأخذوا الأمان، ولكن هناك من يستهون تضخيم الأمور والمتاجرة بالقضايا لمصلحة أهداف سياسية تخصه.

"Stop No Passing" قفوا، ممنوع المرور حاولت أوقفهم ما وقفوش خالص، وعدوا الكشك وكانوا حزمة واحدة، والكلام ده كان الساعة الخامسة تقريباً والشمس غابت، لأن الشمس بتغيب في المنطقة دي، علشان الجبال مرتفعة، من خمسة إلا ربع... وأنا كنت موجه السلاح في العالي وهم مش سائلين فيا وطالعين على يمين التبة... وأنا رجل واقف في خدمتي وأؤدي واجبي، وفيه أجهزة ومعدات ما يصحش أي حد يشوفها، والجبل من أصله ممنوع أي حد يطلع عليه سواء مصري أو أجنبي، وأنا إيدي كانت محملة على التتك (أي في وضعية إطلاق النار)، وأنا دايماً معمر (ملقّم) سلاحي طول ما أنا في النقطة، والحكاية دي معروفة عني، إن دايماً فيه طلقة جاهزة في الماسورة، علشان المنطقة دي دايماً فيها وحوش (ذئاب وضباع)، وبنسمع عن البدو إنهم ممكن يعملوا أي حاجة، فأنا بابقى عامل حسابي ومحرص (محتاط). فإيدي لما جت على التتك طلع عدد من الطلقات ما أعرفوش، ولقيت ناس بتجري، منهم واحد وقع، جريوا أمام الطلقات وأنا ساعتها ما درتش بنفسي (لم أدرِ بنفسي) وما عرفتش باعمل إيه، ضربت النار تاني، وقفت عامل زي المجنون، وبقيت مرة أضحك ومرة أعيط"

ده الكلام اللى قاله سليمان فى التحقيقات  ونقلته لكم بدون أى تدخل منى

الضحايا، بحسب رواية شهود العيان في التحقيقات، هم رجل ممتلئ يرتدي جلباباً من النوع الذي يرتديه السياح عادة، وامرأة ترتدي مايوه قطعة واحدة، وأخرى ترتدي مايوه "بكيني"، وعدد من الفتيان والفتيات كانوا يسيرون في مجموعة واحدة.

النقطة الحدودية التي كان يحرسها سليمان في منطقة تسمى "رأس برقة"، تقع بين طابا ونويبع، ولا توجد فيها حياة سوى لعدد قليل من بدو سيناء الرحل. وليست لها أي سمعة أو شهرة سياحية.

ساهم فى عمل البلبله تصريحات مصطفى الفقى لما قال المخابرات ممكن تتصرف بدون علم مبارك وطبعا قال الكلام ده بعد يناير 2011

طبعا مش حقولك الأخوانجى أحمد عدلى عمل إيه علشان يلبس المشكله دى لعمر سليمان رغم أن عمر سليمان مكانشى وقتها لسه مسك المخابرات وحسيبلك رابط مدونة أحمد عدلى علشان تتأكد بنفسك

http://ahmedadly2008.blogspot.com.eg/2012/03/blog-post_26.html

طبعا مش حتلاقى فى مدونة أحمد عدلى أى دليل على أتهام عمر سليمان سوى كلام أحمد عدلى فقط

وجهة نظرى  لما تقرأ أقوال زميله فى الخدمه ومحاولته الأنتحار فى وقتها وتقرير الفريق الطبى اللى زار سليمان خاطر قبل مايموت بوقت طويل لما تقدم محاميه للمحكمه بطلب للكشف على قواه العقليه وقرروالا بعد سماع أقوال سليمان أنه أطلق النار بالخطأ على الأسرائيليين وأخرج طلقه واحده وقال بعدها أنه محسش بيعمل إيه ليؤكد رواية زميله فى الخدمه كل هذه الشواهد تؤكد أنه حادث عادى جدا وبيحصل كتير لكن المعارضه أستغلت من موته فى السجن فرصه للمظاهرات ضد مبارك وأستغلها الأخوان بعد 2011 ضد مبارك وقبل ماخيالك يسرح لبعيد وتقول بدافع عن مبارك أرجع لمقالاتى وشوف أنا كتبت إيه عن مبارك ومحدش حيدينى حاجه لما أدافع عن واحد أتظلمت كتير فى عصره

طبعا مش حقولك على الحمله اللى عملتها إيران وقتها ضد مبارك ولا حقولك على الفلسطنيين عملوا إيه وقتها ولا حقولك على كمية التزوير اللى عملها الأخوان عل موقع ويكيديا

اللى لازم تعرفه أن محاميه عمل البدع فى الأول طعن على تحويل سليمان لمحاكمه عسكريه وكأنه مكانشى عسكرى فى الداخليه

من الحاجات اللى عملت بلبله وقتها هو رفض مبارك لتشريح جثة سليمان من قبل لجنه طبيه عالميه محايده وأعتبر أن ده تدخل فى شئونا

ومعاك رابط لبوست من 6 سنوات علشان تتأكد أن الأخوان والينايرجيه كانوا وراء قصة سليمان خاطر وحتقرا فى التعليقات

Mohamed Fouad يلا يا رجاله اللى هينزل للوقفه يستعد وياريت يكتب اى حاجه عايز يعبر بيها عن اللى جواه وينزل يشارك كفايه سلبيه بقه
انا هكتب
يا عسكر غبى........افهم بقه مطلبى
حريه.......حريه......حريه

وده رابط البوست

https://www.facebook.com/notes/%D8%AB%D9%88%D8%B1%D8%A9-%D8%A7%D9%84%D8%BA%D8%B6%D8%A8-%D8%A7%D9%84%D9%85%D8%B5%D8%B1%D9%8A%D8%A9-%D8%A7%D9%84%D8%AB%D8%A7%D9%86%D9%8A%D8%A9/%D9%82%D8%B5%D8%A9-%D8%A7%D9%84%D8%A8%D8%B7%D9%84-%D8%B3%D9%84%D9%8A%D9%85%D8%A7%D9%86-%D8%AE%D8%A7%D8%B7%D8%B1-%D9%83%D8%A7%D9%85%D9%84%D8%A9/168623536545663/

حتقرا كتير فى حواديت سليمان خاطر وحيقولك أن سليمان كان خريج كليه أو سليمان كان متعلم وكلهم مش واخدين بالهم أن سليمان كان عسكرى أمن مركزى وعسكرى الأمن المركزى كان وقتها لازم يكون بصمجى

دى الحدوته بإختصار وسيبك بقى من قصة عادل حموده ومصطفى الفقى اللى مظهرتشى إلا بعد خلع مبارك