ملف الداخليه رقم 5

كلنا معترفين أن هناك أنفلات أخلاقى فى مصر عقب أحداث 35 ينايم 2011 فهيا بنا مع تحليل رقمى وتعتبر التحليلات الرقميه من أصدق التحليلات إذا ماصحت مصادر الأرقام

عندى فى مصر معدل جرائم قتل بواقع من 5 _ 7 جرائم يوميا يعنى فى السنه الواحده 1885 جريمة قتل عمد

عندى 5814 جنايه عاديه أما الجنح فيبلغ عددها 40222 سنويا

عندى جرائم جنايات وهى الأفعال الأجراميه والسرقات العامه عندى منها 1885 جريمة قتل عمد تم ضبط 1498 جريمه منها وقدم الفاعل للمحكمه بنسبة ضبط حوالى 98 %

عندى سرقه بالأكراه 2611تم ضبط 1091 بنسبة ضبط حوالى 88 %

عندى جرائم خطف 258 ضبط منها 189

عندى جرائم هتك عرض حوالى 495 جريمه ضبط منها 319

عندى حرق عمد 632 ضبط منها 456

ده غير سرقة السيارات والمساكن والمحلات والمواشى وخلافه

عندى 125 ألف مسجل خطر

عندى أعلى نسبة سرقة سيارات بالوطن العربى 11555 سياره وعندى فى مصر 6 مليون و 400 ألف ويرجح الخبراء أنتشار سرقة السيارت فى مصر لعدم وجود جراجات كافيه وأنعدام الرقابه بالشوارع وعدم وجود كاميرات مراقبه كافيه تغطى الجمهوريه ووجود أساليب مبتكره للتصرف فى السيارات المسروقه زى تفكيكها وتهريبها لغزه وأعادة تجميعها 

عندى فى مصر 185 ضابط رئيس مباحث تقريبا يعنى لو قسمت الجنايات عليهم يبقى عندى لكل ظابط يبقى يخص كل ظابط جرائم عاديه 125 جريمه سنويا بواقع جريمه جنايه كل يومين أما مايخص كل ظابط من الجنح 316 جنحه عاديه بواقع جنحه يوميا

طيب هل ظابط المباحث خلص مهمته على كده تعالى نشوف مع بعض مطلوب منه إيه تانى

تنفيذ كل الأحكام التى صدرت ومشاكل المحجوزين والمساجين عنده وعنده ترحيلات للمحاكم والنيابات وللسجون العموميه والمستشفيات وترحيلات لسجون أخرى وعنده تأمين كنائس والمرور على خدامتها والمرور أرتداء القميص الواقى وتأمين مرور مواكب وتأمين مرور قافلات سياحيه وحوداث مروريه ومشاجرات وضبط متهمين وعمل تحريات تطلبها النيابه والمحاكم وتنظيم زيارات المساجين وكل ده لسه مدخلناش فى المرور العام لضبط الأمن بالشوارع والمخدرات والمتسولين وأى أنتخابات وأى أحتفالات وأى صلاه مجمعه أو أعياد وأى حوادث مروريه فيها مصابين أو قتلى ده غير المشاجرات ده غير البحث والتسجيل الجنائى ده غير المعاكسات ده غير المرور على الكاميرات

طبعا حضرتك حتقولى فيه معاونين بيساعدوه حقولك أيوه بس هو الوحيد اللى آخر السنه بيجيى ويقوله عندك كام محضر قفلت منهم كام يعنى بحسبه بسيطه الظابط ده محتاج يشتغل فى اليوم 72 ساعه

نسبة عدد الظباط بالنسبه لعدد السكان عندى كل ظابط مسئول عن أمن 6.5 مليون مواطن عارف حضرتك واحد يبقى مسئول عن هذا الرقم محتاج وقت قد إيه

عدد الظباط فى مصر محتاج نظره من الوزاره ومحتاج إعادة توزيع جغرافى بحيث يتناسب مع عدد السكان والمساحه الجغرافيه وماينفعشى يبقى عندى ظابط مسئول من مركز زى كوم حماده بهذه المساحه والعدد السكانى والمساحات الصحراويه المتراميه 

العدد القياسى فى كل دول العالم 1.5 مليون مواطن لكل ظابط ولو حبيت تعمل ده فى مصر محتاج توفير موارد لمرتبات  هؤلاء الظباط وتوفير مساكن وأستراحات ومستشفيات وكل مستلزمات حياتهم

سيبك من الأرقام القياسيه الدوليه خلينا على قدنا وقد أمكانيتنا والمتاح محتاجين نخليها 3 مليون لكل ظابط وده محتاج تعديل ميزانية الشرطه وزيادة مواردها وإعادة توزيع جغرافى وزيادة عدد الأقسام والسيارات وكل لوازم زيادة كفاءة الشرطه

الضغط العصبى يولد الأخطاء ويزيد السلبيات ولك أن تتخيل أن معدل الجريمه فى مصر أرتفع بنسبة 130 % بعد 2011 فأن أردت أن تطاع فأمر بما يستطاع ولابد من زيادة عدد الظباط وإعادة التوزيع الجغرافى لأقسام البوليس وزيادة أعدادها وتقسيم المراكز كبيرة المساحه

جنرال بهاء الشامى