الظراااااااااااااااط فى عالم الذرات

تعودنا من الواد أبن تنزيله أنه لايترك مناسبه إلا ويتحفنا بالتصريحات والظراااااااااااااااط وتعالى نشوف آخر أفتكساته فى موضوع تصدير الكهرباء لأوروبا وكانه بيتكلم ومحدش فى الكره الأرضيه كلها بيفهم ولا حد حيعرف يرد عليه بما فيها أوروبا نفسها وزمان الوليه ميريكل فطسانه من الضحك عليه لما سمعت تصريحاته

لما تعرف أن عدد المفاعلات النوويه فى العالم كله لايزيد عن 450 مفاعل نووى

ولما تعرف أن نص المفاعلات دى متركز فى أوروبا وأمريكا

ولما تعرف أن المفاعلات النوويه فى أوروبا فى تراجع وبتزيد فى أسيا وخصوصا الصين وباكستان والهند على الترتيب

طيب تعالى نعرف أوروبا كلها على بعضها فيها كان مفاعل نووى وكل دوله يخصها كام مفاعل

أوروبا تمن فيها 130 مفاعل متوزعين على 14 دوله أوروبيه وفرنسا لوحدها يخصها أكتر من 55 مفاعل وده بيساعدها على توفير أكتر من 70 % من أحتياجها للكهرباء وبكده تفهم أن فى أوروبا مصادر أخرى للكهرباء وحنتكلم فى النقطه دى بعدين

أنجلترا تانى أقوى أقتصاد فى أوروبا تمتلك 15 مفاعل بيوفروا لها حوالى 20 % من أحتياجها للكهرباء وبرضوا تفهم أن فيه مصادر أخرى فى أنجلترا بتعتمد عليها فى توفير الـ 80 % الباقيه

تاتى فى المرتبه الثالثه السويد بعدد 10 مفاعلات ويليها رابعا ألمانيا وتمتلك 8 مفاعلات

أوروبا مقسمه لشبكتين كهرباء أكبرهما شبكه تقودها أو لها النصيب الأكبر فيها فرنسا

بعيدا عن أوروبا تعالى نشوف أكبر تاجر نووى فى العالم ظروفه إيه فنجد أن روسيا عندها أكتر من 35 مفاعل بيوفروا لها فى حدود 15 % من أحتياجها من الكهرباء

من كل اللى فات المفاعلات النوويه ليست المصدر الوحيد للكهرباء فى الدول النوويه وبعد حادث مفاعل فوكوشيما اليابانى بدأت دول كتير تقلل من أعتمادها على النووى فى توليد الكهرباء وعلى رأس هذه الدول ألمانيا وستتخلص نهائيا من المفاعلات النوويه لتوليد الكهرباء فى عام 2022 وتتخلص من الـ 4 مفاعلات الباقيه عندها لتعتمد على مصادر أخرى للطاقه النظيفه

أمريكا نفسها ستتخلص من 3 مفاعلات لتوليد الكهرباء بحلول عام 2025 وتستبدلهم بمفاعلين فقط أما اليابان اللى عندها أكتر من 40 مفاعل نووى فتتخذ أجراءات للتخلص من 20 مفاعل نووى بحلول عام 2035

تعالى بقى نشوف قصة تركيا وطبعا منذ ظهور المفاعلات زيها زى دول كثيره وهى بتفكر وتسعى لبناء أول مفاعل نووى وبدأت التفكير تقريبا معانا من عهد عبد الناصر وخدت خطوات أكتر من مره زينا بالظبط لكن أول خطواتها الجاده كانت تقريبا فى عام 2008 بإعداد دراسه شامله لتوليد الكهرباء النوويه

فى عام 2010 خدت خطوه أخرى بالأتفاق مع روسيا على أنشاء أول مفاعل نووى تركى وخلى بالك أول أتفاق كان سنة كام وحتبدأ فى المفاوضات التمهيديه بعدها بـ 8 سنوات وطبعا وزى طبيعة أبن تنزيله مالوش جنب يريح عليه كان قاعد الـ 8 سنوات دول يتفاوض مع اليابان على شراء مفاعلات قديمه وباءت محاولته بالفشل

أوروبا حاليا تسعى بعد حادث اليابان لأستبدال الكهرباء النوويه بمصادر أخرى وخصوصا الغاز والرياح

طيب لما تعرف أن تركيا مستهدفها بناء 8 مفاعلات أخرى وطبعا مفاعلات صغير والـ 8 مفاعلات لتوفير 5 % من أحتياجات الكهرباء عندها لخف الضغط على أعتمادها على الغاز لأنها بتعتمد على حوالى 40 % من توفير كهربتها على الغاز 

من كل اللى فات تقدر تعرف أن مفاعل تركيا وموضوع أنها تصدر كهرباء نوويه لأوروبا ماهر إلا فرقعه إعلاميه لكنه لتغطية جزء فقط من أحتياجاتها لكن التصدير جعجعه إعلاميه وبيحاول يقول للعالم أنا رايح أبيع طعميه عند ناس بتحب تاكل لحمه يعنى بيقول أنا حبيع كهرباء نوويه لدول بتستغنى عنها وبتعوضها بالغاز وعلشان كده السيسى كانت نظرته أبعد وأشمل وبيفكر فى التجاره اللى أوروبا كلها بتسعى لها ورايح يبيع سلعه دول أوروبا كلها ستلجأ لها وده مش تقليل من مفاعل تركيا النووى الكهربائى  لكن أبن تنزيله هو اللى حشر الموضوع بتاع المفاعل بتاعه فى الليله مع أن أوروبا مش محتاجه كهرباء نوويه ومشاريعها كلها ستعتمد فى 2025 على الغاز

الدوله الأوروبيه الوحيده اللى معندهاش خطط لتغيير نظامها فى الأعتماد على النووى فى الكهرباء هى بلجيكا لأنها دوله صغيره فى الحجم وعندها حوالى 7 مفاعلات موفرين لها تقريبا 60 % من أحتياجات الكهرباء عندها

تصريحات أبن تنزيله ظراااااااااااااااط إعلامى كالعاده عن موضوع تصدير الكهرباء النوويه لتركيا ... أتهرينا ظرااااااااااااااااااط تركى وأمان ربى أمان أبن تنزيله بيزرط على الفاضى والمليان

خد بقى معاك بعض التقارير اللى جعلت أوروبا تحاول التخلص من المفاعلات النوويه

http://www.france24.com/ar/20170209-%D9%85%D9%81%D8%A7%D8%B9%D9%84%D8%A7%D8%AA-%D9%86%D9%88%D9%88%D9%8A%D8%A9-%D9%81%D8%B1%D9%86%D8%B3%D9%8A%D8%A9-%D9%82%D9%86%D8%A8%D9%84%D8%A9-%D9%85%D9%88%D9%82%D9%88%D8%AA%D8%A9

وكمان رابط

http://www.dw.com/ar/%D9%85%D8%A7-%D9%85%D8%AF%D9%89-%D8%A3%D9%85%D8%A7%D9%86-%D8%A7%D9%84%D9%85%D9%81%D8%A7%D8%B9%D9%84%D8%A7%D8%AA-%D8%A7%D9%84%D8%B0%D8%B1%D9%8A%D8%A9-%D8%A7%D9%84%D8%A3%D9%84%D9%85%D8%A7%D9%86%D9%8A%D8%A9/a-5907608

وكمان رابط

http://www.dw.com/ar/%D8%A2%D8%AB%D8%A7%D8%B1-%D8%A7%D9%84%D8%A5%D8%B4%D8%B9%D8%A7%D8%B9-%D8%A7%D9%84%D9%86%D9%88%D9%88%D9%8A-%D8%B9%D9%84%D9%89-%D8%A7%D9%84%D8%A8%D8%B4%D8%B1/a-14916585

وكمان رابط

https://www.akhbaralaan.net/news/world/2017/6/25/%D8%A7%D9%84%D8%A2%D9%84%D8%A7%D9%81-%D9%81%D9%8A-%D8%A8%D9%84%D8%AC%D9%8A%D9%83%D8%A7-%D9%8A%D8%B7%D8%A7%D9%84%D8%A8%D9%88%D9%86-%D8%A8%D8%A3%D8%BA%D9%84%D8%A7%D9%82-%D9%85%D9%81%D8%A7%D8%B9%D9%84%D8%A7%D8%AA-%D8%A7%D9%84%D9%86%D9%88%D9%88%D9%8A%D8%A9

وده آخر رابط

http://www.dw.com/ar/%D8%AE%D8%B4%D9%8A%D8%A9-%D8%A3%D9%84%D9%85%D8%A7%D9%86%D9%8A%D8%A9-%D9%85%D9%86-%D9%85%D9%81%D8%A7%D8%B9%D9%84%D8%A7%D8%AA-%D8%A8%D9%84%D8%AC%D9%8A%D9%83%D8%A7-%D8%A7%D9%84%D9%86%D9%88%D9%88%D9%8A%D8%A9/av-41887426

جنرال بهاء الشامى