المشير الذهبى رقم 5

نعاود نشاط السلسله بناءاً على طلب أحدى عضوات فريقى وتعالى نتكلم بصراحه أنا ليه قبلت الرجوع للكتابه رغم ضعف المتابعه فقد قالت أحدى عضوات فريقى أن عبد الفتاح السيسى لما يخصص يوم من وقته ومعه قادة الجيش الحاليين بالكامل للإحتفال وتكريم حرم سيادة المشير الذهبى فهذا له معانى كثيره ودلالات عظيمه خصوصا بعد إهمال متعمد لقادة حرب أكتوبر المجيده وتلميع صاحب الضربه الجويه فقط حتى نست الناس من هم أبطال حرب أكتوبر ومن خططوا لها ونفذوها وقاموا على تدريب وأعداد أبطالها وأختصرت حرب أكتوبر فى شخص واحد بتاع الضربه الجويه وأختصرت أسلحة وفروع الجيش المصرى فى السلاح الجوى فقط

وقبل أن نسبح فى بحور عبق التاريخ الذهبيه مع عنقودنا الذهبى الثانى عاوز أرد على جزئيه مهمه خصوصا أنها محاطه بالغموض  ودائما تصلنى الأسئله عندم نتعرض لأى سلسله ذات طابع عسكرى وعاوزك تركز معايا ضرورى علشان نحط حد حاسم وباتر للجدل الدائر حول هذه الجزئيه وهى ثغرة الدفرسوار

اللى حضرتك تعرفه أن كان فيه ثغره فى حرب أكتوبر أسمها ثغرة الدفرسوار وقالوا لك فى كتب التاريخ ان أريل شارون هو صاحب فكرة الثغره ومنفذها وله دراسات عميقه فى دراسته لعلوم الثغرات فى ألمانيا ووصلوا لحضرتك عبر كتب التاريخ أن ثغرة الدفرسوار أو ثغرة شارون هى أولى ثغرات الحروب وياريت حد يصحى لنا الست أم نيازى علشان تحضر معانا القصه دى علشان الست أم نيازى ست مثقفه وعقلها متفتح ولما حد حيقول كلام زى ده قدامها حتقوله أومال ثغرة خالد بن الوليد فى غزوة أحد تبقى إيه ياكبد أمك والثغرات التى كانت موجوده فى الحروب القديمه تبقى إيه يادلعدى وهل تناسينا أن عملية حصان طرواده هى أحدى تكيكات الثغرات

طيب ماتيجى نعرف ماهى الثغره مع بعض ونشوف قصتها

الثغره فى المفهوم العسكرى هى مكان بين كتلتين أو نطاقين يصنعها أحد الجيوش لإحداث إختراق  بين دفاعات القوات المتقدمه نحوه والثغرات يقال أنها  فن عسكرى متعارف عليه لأن الثغرة مرحلة فعل ورد الفعل أن تنفذ ضدها عمليه أخرى تعرف بالمصيده

تعريف آخر الثغره عسكرياً هى نوع من أنواع المعارك الحربيه تقوم به قوه سريعه خفيفه بهدف كسر تماسك القوه الأخرى فى نقاط  ضعيفه  و الإنتشار خلف خطوطها و تهديد خطوط المواصلات و الإحتياطيات و مراكز القياده مما يخلق واقع جديد على أرض المعركه

طيب نقول مع بعض ماهى أحدى مهام قوات الصاعقه والمظلات بل أحد مهماها الرئيسيه هو خلق ثغرات فى دفاعات وقوات العدو وبالذات قوات المظلات

طيب بالبلدى كده أن تبقى ليا قوات خلف قواتك على أوجه لك ضربات من الخلف لتحقيق أهداف عسكريه متعدده

طيب إيه رأيك أن حرب أكتوبر كان فيها أكتر من 200 ثغره حربيه

طيب إيه رأيك أنى كنت قلتلك فى سلسلة مقالات معجزة جيش وشعب على وضع وتحركات قواتنا على رمال سيناء الغاليه وأن كان فيه خط أسطورى أسمه خط بارليف وكان هذا الخط عباره عن 70 نقطه حصينه لايمكن أختراقها إلا بالقنابل الذريه أو التكتيكيه لكن طبعا مكانشى فيه أيامها قنابل تكتيكيه وكان أشد النقاط الـ 70 قوه وشراسه وتسليح وأفراد هى نقطة القنطره شرق حدى فنون الثغرات أحد ورغم أن قواتنا أستولت على خط بارليف بالكامل فى خلاق أقل من 48 ساعه لكن ظلت نقطة القنطره شرق مستعصيه على رجالنا ولم ننتهى من تحريرها إلا فى نهاية يوم 8 أكتوبر مساءاً

طيب إيه رأيك أن أهم ثغره كانت هى ثغرة القنطره الشرق وكان التخلص من هذه الثغره هى أحدى المهام القتاليه للفرقه 18 مشاه بقيادة العميد عزيز فؤاد غالى ودارت فيها معارك طاحنه بالرصاص والسلاح الأبيض وكانت حرب شوارع من الطراز الأول وتم قتل كل من فيها والباقى تم أسره وتقريبا تم أسر 30 والباقى كله مات يعنى أسرائيل خسرت نقطة القنطره شرق بكل سلاحها وكل تجهيزاته وكل الأسرائيليين اللى فيها راحوا فى الهوا مابين قتيل ونافق ومابين أسير

طيب ليه مسألتش نفسك لماذا لم يتم الترويح لثغرة القنطره شرق وعملوا لنا فضايح على ثغرة الدفرسوار وطيب ليه محدش  أتكلم نهائيا على أكتر من 200 ثغره طلع فيها ميتين أم اليهود وأتعلم فيها على حلموزتهم وأتعمل معاهم الصح فيها وطيب ليه تم التعتيم على أكتر من 200 ثغره منهم أقوى وأشد وأشرس ثغره هى ثغرة القنطره شرق اللى اليهود أتهتك وأغتصب أعراضهم فيها ورغم أن الحرب أنتهت من زمان والدنيا أتغيرت لكن لسه فيه هناك بيوت عليها أثار طلقات الرصاص والمدافع وأثار هتك عرض وشرف  أسرائيل فى القنطره شرق

ياساده ياكرام كل الهليله دى لمحاولة الأقلال معنويا من نصرنا الغير مصدق ومستوعب منهم حتى الآن فلا زال الأسرائليين غير مصدقين أن عرضهم وشرفهم هتكته قوات أقل منهم فى التسليح والقوه وكل اللى حضرتك شايفه بيحاول يطفى شمعتك وفرحتك ولك أن تتخيل بعد ماضخموها إعلاميا وكان مفيش أكتر من 200 ثغره أخرى فيهم ثغره كانت أشرس وأقوى هى ثغرة القنطره شرق لكن علشان هما أتهتكوا فيها محدش أتكلم فيها والناس نسيتها ونسيت البطولات العظيمه اللى كانت فيها ويمكن اللى لمع الثغره دى حبتين هو عصبيى الفريق الشاذلى وإظهار مشكلته مع السادات حولها مع أن الجمسى فى مذكراته بيقول لما تقدمنا فى سيناء أضرررنا لنقل مقر القياده الرئيسيه لمدينة الأسماعيليه ولما حدث الخلاف على تطوير الهجوم روحت خدت قسط من النوم ولما صحيت وانا داخل القاعه الرئيسيه لقيت الشاذلى خارج من القاعه وبسأله وصلتوا لأيه قاله رايح أنفذ خطة تطوير الهجوم فسأله الجمسى أنت مش كنت معترض على تطوير الهجوم فضحك الشاذلى معترض لكن القرار مش بإيدى وأنا هنا مش ببرأ الشاذلى فليست مهمته أتخاذ القرار ومش حنتلاعب بالألفاظ ورغم أن الشاذلى أشترك فى تطوير الهجوم وهو اللى نفذه لكن يظل قرار تطوير الهجوم قرار سياسى من الدرجه الأولى وفنطنا القصه دى فى مقال ثغرة الدفرسوار  ولو عاوز تسلى صيامك فى العشر الأواخر معاك مقال ثغرة الدفرسوار وأكبر مقال على الأنترنت

https://genralbahaaelshamy.blogspot.com/2017/09/blog-post_2.html

نرجع ونستكمل كلامنا على فكرة أو عقيدة أسرائيل وهى لبانة الحدود الآمنه

كانت إسرائيل خلال قبل لا تتكلم عن شئء إلا عن الحدود الآمنه ونظرية الحدود الآمنه  كأنها أخترعت موضوعاً جديداً وأستمرت تقنع العالم بهذه النظريه وبكثرة ترديدها لها وأصدرت بشأنها كتباً ملأت بها دنيا

لذلك كان طبيعياً أن يكون أول هدف سياسى إستراتيجى لأى عمليات للقوات المسلحه المصريه هو إثبات فشل هذه النظريه  وأن هذه النظريه ما هى إلا وسيله للتمسك بالأراضى المحتله  لذلك كان الهدف السياسى الأستراتيجى الذى كُلفت به القوات المسلحه من الرئيس هو إثبات فشل نظرية الأمن الإسرائيليه التى تعتمد على الحدود الآمنه وخلى بالك بقى علشان كلامنا كله مربوط ببعضه لما أقولك أن العمليات العسكريه والمخابراتيه لها أهداف معلنه وأهداف خفيه وعاوزك تركز قوى على الجزئيه دى علشان ممكن أسألك فيها تانى

وعلى ضوء هذا الهدف وصلنا إلى أن تحقيقه يتطلب من القوات المسلحه هزيمة قوات العدو الإسرائيلى فى سيناء والهضبه السوريه والأستيلاء على مناطق ذات أهميه إستراتيجيه تهيئ الظروف المناسبه لإستكمال تحرير الأراضى المحتله بالقوه  لفرض الحل السياسى العادل للمشكله

آلام أصابعى بدأت تهاجمنى فاسمحوا لى بالتوقف على وعد بلقاء متى شاء الله وياريت أعرف رأيكم فى ذكر التفاصيل هل نستمر ولا نكتفى بالخطوط العريضه وبدون توضيح

جنرال بهاء الشامى