اللامعقول فى عالم العقول رقم 15

لو خدت بالك من الصوره وحاول تفتكر معايا أنا كنت شرحتلك مره فى أحدى مقالات اللامعقول فى عالم العقول كيفية غسيل المخ وقبل مادماغك تسرح الصوره اللى قدامك هى أحدى صور السيطره الذهنيه والسيطره العقليه ثم يتبعها السيطره المعلوماتيه على عقلك 

بس كده فى الصوره وركز فيها وحاول تتأكد أنها ليست صورة جدار

طيب دقق فى الصوره هل الصوره تصلح أن تكون صورة شئ غير الجدار

طيب نزل الصوره على جهازك وكبرها وخلى بالك أن أنا حبدأ معاك أهو السيطره الذهنيه على عقلك

دقق فى الصوره ستكتشف وجود سيجار بنى محطوط وسط طوب الجدار ... أهدى ماتتسرعشى لسه ماخلصتش شرح 

أبعد عن الصوره لمدة 5 دقائق ومتحاولشى تبص عليها وركز معايا لأنى خلاص سيطرت عليك ذهنيا ومش حتعرف تفلفص منى

من فضلك بص على الصوره تانى ولاحظ أنك أول شئ حتشوفه هو السيجار اللى فى الطوب طيب أعمل التجربه مليون مره ستجد الأوار الصادره من عقلك لمراكز الأبصار دائما بتوجهك على مكان السيجار

طيب ممكن تصدقنى أنى لو شلت السيجار من الصوره وأصبحت الصوره حقيقه بدون سيجار أن عينك وعقلك أول حاجه حيبصوا عليها هو مكان السيجار وأنك حتحاول تبحث عنه ممكن أكون نقلته هنا ولا هنا

طيب تعالى نشوف ونطبق الكلام ده على أرض الواقع وحناخد أحدى الوزارات فى مصر ونقول مثلا وزارة الداخليه

كل الدنيا فيها الصالح والطالح وأى فئه أو مجموعه فى أى وطن فيها الصالح والطالح وممكن جدا أتنين زملاء يضربوا بعض لكن أنا لما أقولك خبر عاجل أتنين ظباط ضربوا فى بعض وده شئ ممكن فعلا يحصل وطبيعى جدا ولو تحريت عن الخبر ممكن تلاقى أكتر من ظابط ضرب زميله

أذن أنا أمام خبر  حقيقى ومنطقى لكن خلى بالك أهو حبدأ أسيطر عليك ذهنيا وأقولك فى سياق الخبر أن الظابط ضرب زميله لأنه عرف أنه خد رشوه مثلا أو ضرب مسجون محجوز فى الحجز

هنا أنت اللى سيطر على تفكيرك مش الحادث نفسه لكن اللى سيطر عليك زى موضوع السيجار هو سبب الضرب وأصبحت عيننك لاترى إلا ضرب ظابط لظابط علشان فساد معين

هنا أيضا أنا كل لما أنقلك خبر عن الداخليه حضرتك أول تفكيرك فى سبب الحادث لابد وحتمى يكون فساد

خبر ورا خبر ورا خبر تولد لديك أحساس أن الداخليه كلها فساد ويجب بتره وبمجرد سيرك فى الشارع ولأنك وقعت تحت تأثيرى الذهنى وشفت تشاحن فى الشارع أو تصرف ما من المواطنين فى الشارع ضد الداخليه تلاقى نفسك لوحدك أندمجت معاهم ورد فعلك عدوانى وسئ جدا أتجاه أى فرد فى الداخليه رغم أنك ممكن تكون لم تتعرض لأى موقف مع الداخليه أو وزارة الصحه أو أى وزاره ضربت بيها المثال

كده أنت أصبحت عدو أنا اللى خلقته لك لكل مفاصل الدوله وعندك أستعداد نفسى للصدام مع أى وزاره حتى لو أثبتلك أن الوزاره دى مثلا كله ملائكه علشان كده أنت شفت بنفسك وبتشوف فى أى مظاهرات أو حراك شعبى الناس اللى تحت التأثير الذهنى لأجهزة  المخابرات معندهاش تفاهم وبتحرق وبتدمر رغم أن ده ضد مصالحه العامه والشخصيه

ممكن أعمل السيطره الذهنيه عن طريق صفحات الجرائد أو مذيع توك شو زى وائل حريقه أو أكونت على الفيسبوك زى جمال سلامه أو أكونت على تويتر زى حازم عبد العظيم أو أكونت زى أسراء عبدالفتاح

كل يوم بيتقبض على ناس فى كل دول العالم وده شئ طبيعى لكن لما أنقلك الخبر كل شويه فلان أختفى قسريا أنا كده وضعتك تحت تأثير أن أى بنى آدم بيختفى بيكون بسبب الداخليه

فى القضيه 148 محاكم عسكريه معانا متهم محورى ومفصلى كان بيشرب مخدرات وبانجو وحشيش وعايش حياه كلها عربده وفى أحدى الليالى رجع هذا المتهم لبيته والحشيش لاعب فى دماغه ووجد أمه نايمه فى سريرها وزاغت فى عنيه وحاول الهجوم عليها وأغتصابها لكنها صدته وضربته بكل قوتها ونست أنها أمه من هول الصدمه زى ماشرحتلك كيفية التاثير على الشباب فى موضوع زنا المحارم

المهم الشاب ده أختفى والدنيا كلها هللت أنه أختفى قسريا لكن أمه هى الوحيده اللى تعرف السبب الحقيقى لأنه بعد مافاق زى ماقال فى أقواله عرف غلطته ومقدرشى يواجه أمه فراح يبحث عن مأوى يبتعد فيه عن مواجهة أمه وخاف أقاربه يعرفوا الحقيقه فهرب للقاهره حسب أعترافاته

بعد أن طال غيابه أمه بلغت الشرطه عن أختفائه ولم تذكر فى المحضر شئ عن السبب الذى تعرفه لكنها فى أقوالها قالت أنها ضربته وطردته من البيت

كان الكلام عن أختفائه قسريا هو السائد وقتها ولفت ذلك نظر الأجهزه الأمنيه فقام أفراد جهاز الأمن القومى  بمراقبة تليفونه والبحث عنه فى كل مكان فى مصر حتى أستطاعوا ألتقاط أشارة موبايله من أحدى الجبال فى سيناء وكانت فيه أشارات لاسلكى آخرى لكنها غير مفهومه ومشفره بطريقه معقده وتم عرض الموقف على وزير الداخليه الذى طلب مساعدة قوات الجيش لوعورة المكان وفعلا تمت مداهمة المكان وقبضوا على هذا المتهم وبإعترفاته تم كشف القضيه بأكملها وأعضاء التنظيم كلهم وأكتشفوا محاولة أغتيال السيسى ونائب ولى العهد السعودى وباقى القضيه المنظوره أمام المحاكم 

كده أنا شرحت لحضرتك كيفية السيطره الذهنيه وعرفتك خطورتها وكلنا ممكن نقع فى الخطأ ده  لكن وأنا بيتشرح لى هذا الدرس سألت سؤال طيب ليه واحد زى حالاتى صعب يقع فى هذا الفخ فقيل لى .................... مش حقدر أتلكم عن نفسى وأعضاء فريقى سمعوا إيه اللى أتقال عنى وليه واحد بسيط زى حالاتى صعب السيطره الذهنيه عليه

جنرال بهاء الشامى

أوعى تفتكر أنك بعيد عن السيطره الذهنيه وممكن تقع تحتها بسهوله لو تعرضت لأى ضغوط معينه لكن تأكد أن لو عندك حب جارف وغير طبيعى لبلدك وتفضل مصلحتها فوق أى مصلحه وتبعد عن التفكير فى السياسه بعواطفك حيبقى سهل تبنى حوالين عقلك دروع تحميك من التأثير الذهنى

الشرح كان طويل وشمل مناحى آخرى لكن سردت لحضراتكم المسموح به واللى من خلاله أوصلك اللى عاوزك تعرفه وخلى بالك أنا مقلتلكشى أى حاجه تسيطر عليك انا كل اللى طلبته منك أنك تكون صاحى علشان خاطر مصلحتك ومصلحة بلدك يامصرى ياأبن أم الكون

جنرال بهاء الشامى