اللامعقول فى عالم العقول رقم 18

نعود وأياكم لأستكمال ماتوقفنا عنده الحلقه السابقه وحنبدأ النهارده نتكلم على الهندسه الأجتماعيه والمقاومه النفسيه ونشوف هما بيحاولوا يأثروا عليك أزاى على الأقل لو معرفشى يحتلك بقوات عسكريه يبقى أحتلك عقليا وفكريا ولما تحتم الظروف على بلدك تدخل حرب معاهم حيكون عدائك له عداء مزعزع ده لو مكسبشى تعاطفك معاه وفى نفس الوقت بيحاول يوصلك معلومه عن نفسه أنه ياما هنا وياما هناك مع أنه ممكن يكون زيك أو أقل منك كما هو الحال مثلا مع تركيا عندنا طائفه من الشعب لو أتفرضت علينا الظروف مثلا ندخل معاها فى صراع عسكرى منضمنشى ولائها لمين

هى دى النقطه اللى هو عاوز يوصل لها معاك تحييد جزء من قوتك أتجاهه وهو مش عاوز أكتر من كده وأنت مش محتاج تخسر أكتر من كده علشان تتهزم شر هزيمه وححاول أبسط لك النقطه دى بالبلدى

عيلتك مثلا واقعه فى مشاكل مع عيلة أبو سريع لكن عندكم أبن عمك بيحب بنت من عيلة أبو سريع ومتيم بها فهل تضمن ولاء أبن عمك لعائلته أم لعائلة أبو سريع ومجرد التفكير فى ذلك فى حد ذاته مشكله بالنسبه لك وهو ولاء أبن جلدتك لعدوك التقليدى وطالما بنتكلم سياسه بطريقه بعيده عن العاطفيه أذن كل ماهو غير مصرى ممكن فى لحظه تتعارض مصالحك معاه ويصبح بالنسبه لك عدو مستحدث مش شرط يكون عدو تقليدى زى أمريكا وأسرائيل وبريطانيا

تعالى نحلل الصوره دى ونتعلم منها بشكل سياسى أكاديمى مخابراتى وقبل شرح الصوره أتوجه بالشكر للأخ اللى وضعها فى التعليقات بطريقة الدعابه والتهريج لكنها لفتت نظرى ورغم أن الصوره مكن تحليلها من أكثر من منظور لكن أنا ححلها من منظور سياسى ومخابراتى 

أزاى الفلاح البسيط سيطر على الحمار والجاموسه والبقره وخلاهم يصعدوا السلم وينزلوه بهذه السهوله ؟؟؟

الفلاح فى الأول شد الحمار من لجامه ومش قدامه وخلاه طلع السلم فى الأول بصعوبه حبتين لكن الحمار لما طلع جزء عرف أنه مطلوب منه يطلع الباقى وموضوع النزول كان أسهل

لما الحمار أتعلم الطلوع والنزول بعد كده صاحبه ركب فوق منه وكان طبيعى الحمار خلاص لأنه فهم أنه مطلوب منه يطلع السلم يطلع عادى والجاموسه والبقره لأنهم متعودين يمشوا ورا الحمار طلعوا وراه بناءاً على فهمهم أن الحمار بينفذ رغبة الفلاح

معذره للتشبيه لكن هى للأستدلال فقط الجاموسه والبقره هم عامة الشعب والحمار هم المثقفين والأعلام ولو دول فهموا الشعب حيمشى وراهم اتوماتيك طالما ذلك فى صالح البلد وحديك مثال

لما أم كلثوم وفاتن حمامه وتحيه كاريوكا وعبدالحليم حافظ وكثير من فنانينا القدامى كانوا بيتبرعوا لصالح المجهود الحربى ولأنهم قدوه وهما دول الحمار باقى الشعب فهم القصه والناس فهمت أن الدوله فى أشد الأحتياج لجمع الال علشان نعيد بناء جيشنا وكده فهمنا الصوره وتعالى ندخل فى الموضوع

ركز معايا  علشان حتكلم بشكل مختصر لدواعى أمنيه رغم أن ممكن المحللين السياسيين الكبار ومتخصصى الشأن الأمنى والمخابراتى والعسكرى فاهمين اللى حقوله

عندك جوه البلد قلة وعى سياسى وقلة وعى أمنى ومخابراتى وعندك شباب مش عارف الدوله ماشيه أزاى وبتشوف بعنيك شباب متعلم وحاصل على مؤهلات عليا مش فاهم أهمية تحديث البنيه التحتيه ولا فاهم أهمية المشاريع التى تقيمها البلد وحتى اللى فاهم مش عارف يقنع غيره

الفيسبوك ومواقع التواصل الأجتماعى مراقبه وتحت أعين الأجهزه المعلوماتيه وبتتقدم لرئيس الجمهوريه تقارير بذلك ومؤكد حضرتك شايف بعنيك أن رئيس الدوله متأثر بالفكر والعقليه المخابراتيه ومؤكد حضرتك دلوقتى شايف أن كل دول العالم بتديرها أجهزة المخابرات وتحولت الصراعات فى العالم لصراعات مخابراتيه وكان زمان لو فرنسا عصلجت مع أمريكا تتوجه الأساطيل الأمريكيه لضرب فرنسا لكن النهارده الكلام ده عفا عليه الزمن وأمريكا قواتها فى مكانها وبشغل مخابراتى بتدمر فى فرنسا وبتخرب فى أقتصادها وقواتها العسكريه مكانها لم تتحرك

رئيس دولتك فاهم الكلام ده كله وسمعنا كلنا كلمته لظباط الجيش قربوا شويه من الجنود

أتوماتيك الرجل العادى والست العاديه يفهم أن الرئيس بيقول للظباط خليكوا ياكبدى حنينين على الجنود وطبعا الكلام ده مش هو الحقيقى خصوصا وان اللى بيتكلم رئيس الدوله لكن المقصود هو أن عندك جندى بيقعد تحت سيطرتك 3 سنوات أو سنتان أو سنه ليه ماأستغلش الفتره دى فى أفهامه مايدور داخل البلد وأشرح له أستراتيجيه البلد وخطورة الموقف من حوالينا وبعد لما ينهى فترة تجنيده نفس الجندى حيطلع وسط الناس يفهمهم اللى فهمه ويمكن أنا ناديت وكان صراعى مع المشرف العام على الفريق بضرورة أن الناس تفهم وأعتقد أن السيسى جنح لوجهة نظرى وعملاً بالمثل البلدى اللى فاهم بيريح أو اللى بيفهم بيرتاح ويريح وأربط بقى تحليل الصوره مع اللى طلبه السيسى من ظباط الجيش ولأن معندناش مثقفين ومعندناش فنانين على درجه عاليه من الوطنيه واللى شاغلهم الفستان وأزاى يبوس مراته قدام الكاميرات ومين فيهم نمبر وان ومن فيهم أعلى إيرادات ومين فيهم تعرف تعرى جسمها وتنزل صور لها وهى فى الجيم أو الحمام وبصراحه أعدائنا عرفوا يستغلوا موقع الأنجسترام التابع للفيسبوك أحلى أستخدام ضدنا وعلشان كده السيسى رمى طوبتهم وفكر فى جنود الجيش المجندين يقوموا بالرساله بدلا منهم  لأن عمر أديب ووائل الأبراشى عمر ديلهم ماحيتعدل ومعندناش أعلامى وطنى وفاهم غير توفيق عكاشه رغم أنه لاسع حبتين لكن دماغه نضيفه ووطنى من الطراز الأول من وجهة نظرى

نيجى بقى لصورة تمثال الحريه وتمثال شامبليون أمام الجامعه الفرنسيه ولازم نجيب القصه من الأول لكن سامحونى أصابعى بدأت تؤلمنى فأستسمحكم إنهاء المقال على وعد بلقاء متى شاء الله

شكرا لفريقى المعاون وشكرا لفلان الفلانى على الدعم المعنوى وشكرا لكم على حسن المتابعه

جنرال بهاء الشامى