مبارك ظلمنا أم ظلمناه رقم 11

وسط بساتين السطور نعود وإياكم لنسبح سويا فى تاريخ أم الكون أم التاريخ القديم والحديث والمعاصر وكنا قد توقفنا الحلقه الماضيه عند العام 1992 م والحدث العسكرى والسياسى الذى هز مصر

صدر كتاب محمد حسنين هيكل أكتوبر السلاح والسياسه فى آواخر عام 1992 م وقوبل بهجوم عنيف من بعض الكتاب رغم أن هيكل حاول تلطيف الجو عن مراته السابقه وسلسلة مقالاته فى جريدة الأهالى المصريه عام 1983 م  لكن لم يلتفت المصريين لما يحدث فقليل منهم من يقرأ الكتب ونادراُ منهم من يتحدث فى السياسه وكان التخين فيهم يعرف أسم رئيس الوزراء وكان كل واحد مصرى تكلمه فى السياسه يقولك أنت فاضى وصايع كلمنا فى حاجه فيها أكل عيش 

كان فى هذا التوقيت فيه زلزال  حدث فى مصر ومات المئات فيه وأمتلئت المساجد عن بكرة أبيها  بالمصليين ومحدش واخد باله من الحرب الأعلاميه الدائره فى مصر بين هيكل وبعض الكتاب وأشهرهم الكاتب صلاح منتصر والكاتب العالمى دكتور فؤاد زكريا وكتابه (( كم عمر الغضب هيكل وأزمة العقل العربى )) رداً على كتاب هيكل خريف الغضب 

معاك رابط كتاب خريف الغضب من على موقعى للكتب

http://www.mediafire.com/file/el26vc44334ceib/%D8%AE%D8%B1%D9%8A%D9%81+%D8%A7%D9%84%D8%BA%D8%B6%D8%A8+%D9%84%D9%85%D8%AD%D9%85%D8%AF+%D8%AD%D8%B3%D9%86%D9%8A%D9%86+%D9%87%D9%8A%D9%83%D9%84+%D9%85%D9%86+%D8%A7%D9%84%D8%AC%D9%86%D8%B1%D8%A7%D9%84+%D8%A8%D9%87%D8%A7%D8%A1+%D8%A7%D9%84%D8%B4%D8%A7%D9%85%D9%89.pdf

وده كمان كتاب كم عمر خريف الغضب للدكتور فؤاد زكريا من على موقعى للكتب لو عاوز ومحتاج تراجع ورانا

http://www.mediafire.com/file/gja1gskbya4g3e3/%D9%83%D9%85+%D8%B9%D9%85%D8%B1+%D8%A7%D9%84%D8%BA%D8%B6%D8%A8+%D9%84%D9%84%D8%AF%D9%83%D8%AA%D9%88%D8%B1+%D9%81%D8%A4%D8%A7%D8%AF+%D8%B2%D9%83%D8%B1%D9%8A%D8%A7+%D9%85%D9%86+%D8%A7%D9%84%D8%AC%D9%86%D8%B1%D8%A7%D9%84+%D8%A8%D9%87%D8%A7%D8%A1+%D8%A7%D9%84%D8%B4%D8%A7%D9%85%D9%89.pdf

أدينى بقى موسيقى تصويريه وأكشن وموسيقات عسكريه وكل المؤثرات الصوتيه ويعود الفريق الشاذلى من بره مصر فى نفس التوقيت ويتم القبض عليه وتقديمه للمحاكمه العسكريه بتهمة أفشاء أسرار عسكريه وهى نفس جريمة هيكل لكن كان واضح أن مبارك تستهويه تسريبات هيكل لتشويه تاريخ السادات  ولازال عالقاً فى ذهنه أنتقادات الشاذلى له

قلتلك قبل كده أن الشاذلى أعترض على تعيين مبارك قائداً للقوات الجويه شفوياً للمقربين له وقال أن منصب قائد القوات الجويه يحتاج رجل لديه لياقه ذهنيه وسريع البديهه ولديه قدره غير عاديه على سرعة أتخاذ القرار والمناوره وطبعا كان الكلام وصل مبارك لكنه لم يفاتح أحد فيه لأنه ممكن يكون أتنقل له كلام بزياده حبتين أو الواقعه ذات نفسها لم تحدث خصوصا أن الشاذلى لم يقول هذا الكلام فى وشه مباشر لكن بعد موت السادات الشاذلى طينها بتصريحات وهو خارج مصر بعد تعيين مبارك ورغم أنه حاول يصلحها بعد كده لكن أول تصريحات للشاذلى أثرت نفسيا فى مبارك وشاله له

معاك رابط تصريحات الشاذلى الثانيه اللى حاول فيها يلطف الجو بعد التصريحات الأولى

https://www.youtube.com/watch?v=9NMpiB7Z5Lw

لكن مبارك رد على الشاذلى وتكلم عنه بطريقه مهينه جدا كدبلوماسى وتكلم عن رئيس أركان الجيش اللى كان قائده بطريقه مهينه وقال عن الشاذلى (( أسمه إيه اللى كان رئيس أركان فرد عليه عماد أديب الشاذلى )) فقال مبارك أيوه الشاذلى وأستطرد يتكلم عن الثغره وعن مقترحات الشاذلى وقتها وطبعا الكلام معجبشى الشاذلى ورد عليه بكتابه مزكرات الشاذلى والثغره وفند خطته بالخرائط والمعلومات العسكريه ومعاك رابط لفيديو مبارك مع عماد أديب للتأكد من كلامنا

https://www.youtube.com/watch?v=j5U3X5ITYBk

نرجع لموضوعنا عن الشاذلى وفور عودته تمت محاكمته وتم الحكم عليه بالسجن 3 سنوات وتدخلت جهات كثيره لوقف تنفيذ الحكم لكن مبارك رفض بحجة أنها أحكام عسكريه غير قابله للنقاش مع أنه فى سلطته تخفيف أو إيقاف الحكم لكن للأمانه المشير طنطاوى أمر بمعاملة الشاذلى بالسجن معامله تليق بقائد أركان جيش سابق وحذر من مجرد التفكير فى إهانته أو معاملته كمسجون عادى

طبعاً الأخوان اللى بيحبوا الجيش المصرى قوى قوى وبيعشقوا بيادة الجيش المصرى وبيدافعوا عن أى قائد عسكرى زاطوا فى الزيطه وعملوا حملات ووقفات أحتجاجيه للمطالبه بوقف تنفيذ الحكم على الفريق الشاذلى وعملوها حدوته كبيره

مش عاوز أقولك الأخوان عملوا إيه لما مبارك وقع وبعد موت الشاذلى أيام خيبة 35 ينايم 2011 وبعد تنحى مبارك وأصبح من غير سلطان وجاه وورقته وقعت أعاد خيرت الشاطر طباعة مزكرات الشاذلى فى مطابع جريدة الوفد المصريه وعملوا حفل توقيع إعادة طبع الكتاب بالأتفاق مع زوجة الشاذلى التى أعادت كتابة الكتاب بطريقتها وأسلوبها وطبعا أنت شايف للآن الأخوان عاملين موضوع الفريق الشاذلى لبانه مش دفاعاً عن رجل فى الجيش المصرى اللى بيعشقوه ويحترموه ولكن لهم مآرب أخرى

طبعا مش عاوز أقولك أن الحرب بين الشاذلى وأولاده وبين مبارك وأولاده شغاله لحد النهارده وصلات ردح لم ولن تنتهى رغم مرور عشرات السنوات وطبعا بعض الصحف بتستغل هذا الموقف للتسخين وعمل معارك إعلاميه بين قادة الجيش المصرى السابقين والأهداف والأغراض معروفه وأيضاً لمآرب أخرى

رابط لوصلة ردح من بنت الفريق الشاذلى السيده شهدان

https://www.almasryalyoum.com/news/details/115859

رغم أن مبارك أرسل وهو فى عز محنته وأزمته تلغراف تعازى لزوجة الشاذلى لكن لازالت المعركه مستمره وزوجة الفريق الشاذلى نفسها تشفت فى مبارك ولا تترك مناسبه إلا وتتشفى فيه أمام كاميرات الأعلاميين ومعاك كمان رابط

https://www.alwatanvoice.com/arabic/news/2011/11/08/212381.html

أما المحترم علاء مبارك ورغم أنه غير جمال ومابيحبش الجدال السياسى سوى للدفاع عن والده لكن له صولات وجولات من وصلات الردح على صفحته على تويتر ومعاك رابط

https://www.raialyoum.com/index.php/%D8%B9%D9%84%D8%A7%D8%A1-%D9%85%D8%A8%D8%A7%D8%B1%D9%83-%D9%8A%D8%AB%D8%A3%D8%B1-%D9%85%D9%86-%D8%A7%D8%A8%D9%86%D8%A9-%D8%B3%D8%B9%D8%AF-%D8%A7%D9%84%D8%AF%D9%8A%D9%86-%D8%A7%D9%84%D8%B4%D8%A7/

رغم أن مبارك كان قائداً عسكرياً والشاذلى كذلك لكن هناك آيادى أخوانيه قذره تحاول أشعال نار الخلاف بين قائدين أختلفنا أم أتفقنا على إدائهم السياسى لكن كانا بطلين لحرب أكتوبر لكننا لانختلف أبداً على وطنيتهم وعدم خيانتهم وأنا شخصيا أعتبر أخطائهم أخطاء سياسيه جسيمه

نعود مره أخرى فلاش باك للأحداث ونرجع للخلف عبر صفحات التاريخ وأول أختبار حقيقى لمبارك أمام شعبه وأمام العالم ... أختبار هو الأقوى على الصعيد الداخلى والدولى فهل نجح مبارك أم فشل وماذا فعل وكيف تصرف فى هذا الملف الخطير هذا موعدنا معه الحلقه القادمه متى شاء الله

جنرال بهاء الشامى