الوطنيه وطشة الملوخيه

بعد إنتشار البشر على السوشيال ميديا وتحديدا بعد الولوج للفيسبوك وتويتر عبر الموبيلات الحديثه وأصبح من حق الجميع التواجد وأبداء الرأى فى أى أمور سواء عن علم وقراءه أو عكس ذلك نجدنا أمام تعريفات لمصطلحات هى غايه فى الخطوره مثل مصطلح المعارضه ومصطلح الوطنيه ومصطلح الخيانه وكما وضحنا من قبل ياعم خالد مصطلح الخيانه ووضحنا ياأستاذه عزه كيف تنزلق القدمين فى مستنقع الخيانه وكيف يتم إستدراج الخونه ومن لديهم الأستعداد ومعظمهم لايشعرون ووضحنا من قبل فى مقال منفصل ياأستاذه أنتصار ماهى المعارضه وماهى الفروع المنبثقه منها ووضحناها بالتفصيل ياعم شعبان نجد أنفسنا اليوم ياأستااذ كاظم محتاجين نوضح مصطلح الوطنيه

حنقول ياحاجه عايده أن الوطنيه أسم جاى بالبلدى من كلمة وطن ومش حنخوض ياأستاذه وفاء فى أمور اللغه العربيه وتعقيدتها ومعانا فطاحل يقدروا يتكلموا فيها أكثر منى لكن هنقول أن وطنيه من وطن والوطن هومكان يستوطن فيه فرد أو مجموعه وألف باء سيكوليجى أن أى كائن حى عنده أنتماء لمكان التوطين وشرحنا دى كويس ياحاجه سناء فى مقال عش العصافير

أفتكر قلت فى المقال ده أن العصفوره أنتمائها لشوية القش والشجره اللى عليها القش بصرف النظر عن مين صاحب الشجره

كل منا كما قلت له منظور للوطنيه لكن المؤسف أنه يريد أن ينتزعه من غيره وأنا تحديدا لا ألوم على قطرى أو سعودى أو أى جنسيه يدافع عن بلده وأعتبره عنده أنتماء لمكان توطينه وكما من حقى الدفاع عن بلدى ووطنى ورئيسها ورموزها هو أيضا لديه هذا الحق وطالما أصبحنا متفقين فأين الخلاف

الخلاف ياأستاذ حسن أن أبناء الوطن الواحد عند الأختلاف ينزعون هذا الحق الأصيل عن بعضهم لكن تعالى نشوف بقى مع بعض أصول الوطنيه

لما قلنا الوطنيه هى الأنتماء لشوية القش بصرف النظر عن صاحب الشجره اللى ممكن الشجره متعرفوش كنا نقصد أن العصفوره أنتمائها للمكان وليس الأشخاص وحنوضح دى ياحاجه عايده علينا كبشر ... لو الكائن الأخوانجى عنده أنتماء لمصر والوطن لكن له خلاف مع صاحب الشجره أو الرئيس يبقى معندناش مشكله لنه خلاف مع شخص ممكن فى لحظه يختفى من حياتنا طبقا لنواميس الحياه كلنا راحلون وسنختفى كما أختفى غيرنا لكن خلافك مع صاحب الشجره أو رئيس الدوله يخليك تهين أو تشمت أو تدمر فى الشجره يبقى أنت معندكشى أنتماء لشوية القش وسهل جدا تنقل لأى شجره وتجيب شوية قش غيرهم

شوفى ياأسرار لو أنتمائك للشجره يبقى مش حيهمك مين صاحبها أو مين الرئيس لكن لو أنتمائك لصاحب الشجره يبقى ممكن فى لحظه تبيعى شوية القش وتنقلى على شجره تانيه يعنى يامنى سمير لو أنتمائك مثلا لمورسى يبقى أنتمائك لصاحب الشجره ولو أنتمائك ياحاجه ناهد للشجره يبقى مش حيهمك مين صاحبها أو مين الرئيس

 تأيد مورسى أو السيسى أو سلمان أو تميم أو الملك الحسن أو مبارك أو السادات أو حتى القذافى فهذا من حقك ولا ينفى عنك الوطنيه لكن تأييدك للسيسى او مورسى يخليك تنفى الوطنيه عن غيرك يبقى أنت مش وطنى ومش منتمى لوطن أنت منتمى لشخص أو جماعه

عزيزى المستوطن فى أى مكان لو أنتمائك لشخص أو جماعه يبقى أنتمائك فئوى مش أنتماء وطنى وعقلك أقل من عقل العصفوره اللى فطرتها عرضتها للقتل علشان تدافع عن شوية القش اللى هما وطنها

لو أنتمائك للقش والشجره انت وطنى حتى النخاع حتى وان أختلفت مع صاحب الشجره أو الرئيس وهذا المقال البسيط فرصه أنك تراجع نفسك وتحدد أنتمائك للشجره ولا انتمائك فئوى بغيض

ينصح بقراءة مقال قش العصافير لأنه مكمل لمعانى هذا المقال ومعك الرابط

من حقك أن تعشق ماتشاء وتعبد ماتشاء وليس من حقك أن تحرمنى هذا الحق عند الأختلاف ولا أيه ياعم خضر

           جنرال بهاء الشامى