الموقف الأسباجتى رقم 19

أمريكا عملت أيران توازن نووى فى المنطقه

النووى أتهرب من روسيا بعلم الأمريكان ولا كانوا واقفين أشارة مرور

أيران عيارها فلت وأستولت على العراق وسوريا ولبنان وبتفحر على اليمن وكطر فوق البيعه

تفتكر أمريكا لو عاوزه كطر تقطع علاقتها بإيران مش حتعملها

لابد من قصقصة ريش البعبع اللى عملوه قبل أن يتوغل ويحيط بدول الحليب العربى من كل أتجاه لكن من غير ماتقع وتنهار

فاكر الثوره الأيرانيه وكيف بتصريح واحد من نتانياهو أخمدها وخلى دى معاك حنحتاجها فيما يخص مصر بالذات

أمريكا تفرض عقوبات على إيران

أيران عندها طريقين لاثالث لهم لضرب الحصار البترولى أما عن طريق العراق أو طريق تورأيا

أمريكا مزنقه على أيران فى العراق

أمريكا نفسها أبن تنزيله يساعدها فى حصار أيران

أبن تنزيله فرصة عمره جاتله بضرب الحصار على أيران علشان أقتصاده يرجع زى الأول

أمريكا لازم تبحبحها مع تورأيا لو عاوزه تزنق على أيران

السعوديه دورها من أهم الأدوار فى فرض الحصار بضخ اللى يعوض نقص بترول أيران

تورأيا تساعد إيران فى تهريب بترولها وخصوصا لأسرائيل زى زمان

كده عندى بترول بزياده فى السوق يعنى سعره لازم حينزل لأن السعوديه بتضخ أكتر من حصتها

كده الكسبان من ليلة حصار أيران أمريكا وأسرائيل وتورأيا والخسران السعوديه فقط

السعوديه كان المفروض أنتاجها ثابت يبقى المفروض الأسعار ترتفع يبقى اللى يخسر من الليله هى أمريكا

يبقى لازم ورقة ضغط على السعوديه علشان تضخ بزياده وتعوض نقص السوق

شيكاليطه عاوز يخلص من باقى معارضيه قبل أن يتولى العرش رسميا وكل بعلم الأمريكان وترامب موافق على كل اللى بيعمله ومحدش قاله عيب تخطف رئيس وزراء ولا حد قاله حقوق أنسان لما حبس كل الأمراء فى قصر وقلبهم فى قرشين ولا حد قاله عيب فى أى تصرف من تصرفاته

السيسى رمى سنارته وطمعه بورقة تيران وصفافير والنيه لله مش حيسلمها وأسأل خالد على أو تتهم سامح شكرى بالتقصير بعدم إرسال الأتفاقيه للأمم المتحده

السيسى واقف فى ظهر الوله منها أرضاء أبوه ومنها أجيب واحد فى المنطقه أعرف أسيطر عليه وأعرف الأمح له كل شويه أما بورقه مخابراتيه أو بورقة أيران

شيكاليطه سلم النمر وآمن أنه فى أيد أمينه وأنحلت مشكلة سد النهضه وشيكاليطه دفع فيها 2.3 مليار دولار وتفضل الأصول عندى

السيسى مش عارف ينسى أصله أنه ظابط مخابراتى وبيلاعب الكل بورق المخابرات والبليه لاعبه معاه والظروف مساعداه وكله بيخدم عليه بغبائه والعاقل الواضح عارف أن عباس كامل مدير مكتب الرئيس واللى بيدير المخابرات هو السيسى نفسه

مش ملاحظ أن من بعد السيسى مامسك مصر وشغل المخابرات فى المنطقه كتر وبقى مكشوف وكطر مش عارفه تاكل فى الليله دى

السيسى فصل كطر الممول الرئيسى وعزلها عن الخليج العربى وأستغل الأرهابيين اللى بتبعتهم كطر لسيناء فى حرق شغل كطر كله فى المنطقه

عبيط وأهبل اللى يفتكر أن السياسيين عندهم ذرة عاطفه غير لمصالح بلده وغير كده يبقى مش سياسى ناجح

السيسى قارى تاريخ كويس وأصله المخابراتى مأثر عليه وعارف دبة النمله فى المنطقه وأتعلم من التاريخ صح وعارف أن علة السعوديه فى الحفاظ على العرش وكل خوفهم من الجزئيه دى وشغال عليها ولا أروع من كده

ترامب سيكلوجيا مش منضبط وده واضح فى تويتاته وتفاعله على تويتر وملابسه النهارده الصيفى عكس رؤساء الدول كلها اللى كانوا لابسين بالطو بتوحى بغروره وعدم أنضباطه سيكلوجيا وأكيد السيسى عنده ناس حللت شخصية ترامب وبيتعامل معاه على هذا الأساس

أنت أتكعبلت منى وبدأت أدخل فى المحظور وصوابعى بدأت تؤلمنى جدا فأستسمحكم أنهاء هذا المقال على وعد بلقاء متى شاء الله

جنرال بهاء الشامى