الموقف الأسباجتى رقم 22

                          الأنسحاب التركى

أردوخان دخل نفسه فى حسبة حيص بيص وبلده تعانى أقتصاديا

أردوخان عارف أن إيران هى المسيطر الفعلى على الأرض فى سوريا وممكن جدا لو مالمش نفسه يلاقى نفسه دخل فى صراع عسكرى مع إيران التى تختفى خلف القوات السوريه

إيران محتاجه أردوخان لأنه هو اللى بيضرب الحصار المفروض عليها أمريكيا

أردوخان أقتصاده بيتحرك نحو الصمود أمام الأنهيار بضربه الحصار الأمريكى على إيران ومحتاج إيران السنه دى بالذات لأنه عنده مديونيه تقارب 180 مليار دولار واجبة السداد هذا العام والمديونيه دى تقارب تقريباً أكثر من ربع الناتج المحلى يعنى أردوخان عنده مشكله رهيبه فى أقتصاده ومفيش قدامه غير إعلان حالة التقشف الحكومى ومش حيقدر يرفع الضرائب أكتر من كده لأن الزياده الأخيره قوبلت برفض عنيف وهو عاوز يسيطر داخليا وعنده أنتخابات محليه يعنى من الآخر يعتبر كسر الحصار الأمريكى على إيران هو طوق النجاه قدامه على الأقل هذا العام

روسيا تريد تحرش تورأيا فى منيج علشان بشار يقدر يتخفى خلف الأكراد ويستكمل سيطرة الجيش السورى على كل التراب السورى وعلشان كده بوتين ساكت على كل تحركات أردوخان لأنه شغال لصالحه

أمريكا تريد أحكام سيطرتها على العقوبات على إيران عشان تقعد إيران على ترابيزة المفاوضات بشروطها لكن أردوخان بيضرب الحصار الأمريكى لذلك أمريكا ستدعم الأكراد بشكل غير مباشر وحديك أماره أنها لم تسحب أسلحتها التقيله اللى أعطتها للأكراد منها تضغط على أردوخان ومنها يفضل القلق مستمر فى سوريا

الأكراد لجأوا لبشار مع وجود تطمينات روسيه على الأقل بمنحهم مميزات لحكم مناطقهم  وبشار محتاجهم علشان من خلالهم يخلص من آخر معاقل الأرهابيين

إيران عارفه كل الكلام ده وعارفه أنها مقصوده وأن تهديدات أمريكا كلها تهويش وعلشان تعرف تقعد على ترابيزة المفاوضات وتحقق أكبر المكاسب ستحاول التحرش بأمريكا فى المنطقه أو بمعنى أدق تتحرش بعيال أمريكا فى المنطقه زى السعوديه وإسرائيل وممكن تعمل شوية تهديدات لمصالح أمريكا فى المنطقه وكله حيصب فى الآخر فى صالح مصانع السلاح

بوتين أبن شياطين وصايع ومبيعملشى حاجه لله وعارف كل القصه دى وحيمسك أردوخان من دراعه الى بتوجعه وأرؤدوخان مفيش قدامه حد ينقذه غير بوتين لذلك بوتين سيفرض عليه شروطه علشان يشطب الملف السورى ويفرض كلمته وهنا لازم اردوخان يعترف فى 2019 ببشار حاكماً لسوريا ويعمل تطبيع علاقات معاها فى مقابل ضمانات روسيه بعدم دعم بشار للأكراد وأحكام سيطرته على تهريب السلاح لهم وبوتين يخلص موضوع خط الغاز وأردوخان تتفك عليه وبوتين يكمل رفع الحصار على صادراته

فين السعوديه من كل ده للأسف شيكاليطه حيلاقى نفسه تحت المنظار بعد حادث خراخشنجى ومش حيعرف يتصرف بعد كده بتهور وخصوصا أنه حيبدأ يتحمى فى بوتين وبوتين بيحب الناس العاقله مش المتهوره وله علاقات مع إيران ومصالح عليا يبقى نهدى اللعب وتشيل أيدك من دعم الأمريكان ونحاول نلطف الجو مع إيران وممكن السيسى يقوم بالمهمه دى وعلشان كده أتصل بأمير الكويت ومهتم به حبتين

فين إسرائيل من القصه دى أسرائيل يهمها أنتهاء القلق فى سوريا وعدم وجود يمين دينى حولها بشرط أيران تبعد عن سوريا وتشيل أيديها من هناك لذلك منيج فرصه أن أردوخان يتهور ويصطدم بإيران لكن ذلك لن يحدث

مصر كان كل اللى يهمها فى الملف السورى الحفاظ على وحدة سوريا وجيشها لذلك حتدعم موقف روسيا ضد تورأيا رغم أنه مش فى صالح مصر فى مشكلتها مع تورأيا لكن هى السياسه كده

لو خدت بالك دول الخليج المتعاطفه مع السعوديه هرولت للتطبيع مع سوريا لرفع الحرج عن السعوديه لعودة العلاقات مع بشار الأسد طبقا لرؤية روسيا ومصر المسيطرين على المنطقه مخابراتيا ومن خلال سوريا يبقى حدة الخلاف بين أيران والسعوديه اللى عملتها أمريكا هبطت شويه ويفضل عندنا الملف اليمنى وإيران حتنواش بيها لكن فى النهايه سوريا لأيران فى مقابل اليمن للسعوديه

بعيدا عن المقال أنا عارف أنى مريض وعارف أن أصابعى بتألمنى وبتعالج منها يبقى مفيش داعى كل شويه حد يكلمنى فى أخطائى الأملائيه لأنى بعتبرها معايره بمرضى ويعلم الله أنا بكتب ولابس جوانتى وربنا العالم أنا بكتب أزاى يبقى ماتجيش على جرح الناس وتضغط عليه بكلمه مستهتره منك بتجرح قوى  والناس على تويتر محدش فيهم قالى أخطائك الأملائيه ياحاج لأن كلنا معرضين للخطأ وأتحداك قبل مرضى تجيبلى أى منشور فيه غلطه

جنرال بهاء الشامى