أم المعارك معركة راس العش

 

إسرائيل جهزت لواء دبابات كامل وأتحركت بلواء دبابات من العريش ناحية القنطره شرق علشان تصطاد شوية العصافير الموجوده ومسيطره على راس العش علشان تبقى أحتلت سيناء بالكامل

إسرائيل أخبرت الأمريكان والأنجليز والفرنسيين والألمان أنها رايحه تصطاد عصافير من راس العش والأمريكان أخبروا الروس والروس أخبروا مصر والدول كلها أخبرت عبدالناصر خلى بالك إسرائيل رايحه تضرب العصافير اللى موجوده فى راس العش ومعاهم معدات للعبور وحيعبروا قناة السويس ويدخلوا بورسعيد يحتلوها ويتحكموا فى قناة السويس

لقراءة التحقيق التاريخى لهذه المعركه أضغط هنا

مع تحيات جنرال بهاء الشامى

أنا وعبدالناصر والسادات ومبارك والسيسى

 

الصراع الروسى الأمريكى دائما مصر تكون طرفا فيه وأحد أوراق الصراع أن لم تكن ورقة الجوكر الوحيده بينهما على طاولة الصراع

بدأ هذا الصراع عقب حرب عام 1956 م ومستمر حتى اليوم ومصر هى مؤشر الصراع حتى وهى فى أضعف حالاتها فى الحقبه المباركيه

 لسماع التحليل أضغط هنا

 حمل الملف الصوتى وأسمعه وأحتفظ به على جهازك لتنقله للآخرين

 مع تحيات جنرال بهاء الشامى

أسرارعلاقة الفنانه مريم فخر الدين بصلاح نصر

 

لم تكتب مريم فخر الدين مذكراتها ولم يكتبها أحد ولم نستدل فى أوراق محاكمة صلاح نصر على أى أشاره لها من قريب أو بعيد ولم تكن من بين الأربعه الفنانين الذين عملوا لحساب جهاز المخابرات المصريه

لا يوجد أى مصادر موثقه لروايات مريم فخر الدين سوى أحاديث وتصريحات صحفيه من جانبها فقط لمجلة  الموعد اللبنانيه وجريدة الحراء ومجلة كل شئ بعد وفاة صلاح نصر بسنوات عديده وفى عصر مبارك مما يجعل من حديثها كلام من طرف واحد لايملك أحد تكذيبه سوى الرجل الذى مات فى عهد السادات ورغم ذلك وللتاريخ ولله فقط سنحاول تفنيد روايتها بالعقل والمنطق فهيا بنا للسياق

 مريم فخر الدين بتقول أن صلاح نصر ظل يطاردها سنوات بشكل يومى وكل يوم بيشرب مع جوزها الويسكى والشمانيا وأفخر أنواع الخمور ولك أن تتخيل أن رئيس جهاز المخابرات المصريه والرجل الثالث فى مصر اللى حقق أنتصارات على الموساد ووجه لهم ضربات موجعه ومؤلمه كان صايع وكل يوم مفيش فى دماغه حاجه غير أنه يسهر مع جوزها يشربوا الخمر علشان فقط يلمس أيديها مره كل يوم ... صلاح نصر الرجل الثالث اللى كان مقطع السمكه وديلها بيضيع وقته يوميا وبيصرف فلوس بالعبيط علشان يلمس أيديها

 مريم فخر الدين بتقول أن العلاقه بينهم تطورت وأصبحت علاقه أسريه وكان الأسرتان بيتبادلوا الزيارات وبدون ماتشعر مريم فخر الدين قالت شهاده خطيره جدا فى حق صلاح نصر فقد روت لمجلة الموعد أنها فوجئت أن شقته عاديه جدا جدا وبيفرشوا مشمع الأرض يأكلوا عليه وأن شقته أقل من شقق البسطاء وعفش منزله متواضع جدا وقالت أنهم كانوا بيزوروا بعض (( الأسرتان يعنى )) بشكل أسبوعى ولو أفترضنا صدق هذه الروايات لما هو كان بيطاردك سنوات بياخدك ليه شقته ومراته موجوده وإيه اللى عاجبه فيها مش موجود فى واحده تانيه فى مصر

 مريم فخر الدين بتقول أن صلاح نصر عمل تمثيليه كبيره علشان يقابلها لأن كان عندها مشكله ومش لاقيه شغل وعاوزه وزير الثقافه يتوسط لها عند المنتجين وواحده صاحبتها قالت لها أنا ممكن أتوسط لكى عند وزير الثقافه وحقابلك عليه وفعلا خدتها فى سياراتها ووقفت فى مكان فى ميدان التحرير وقالت لها سيارة الوزير هناك أهه روحى كلميه أنا فهمته ظروفك وبتقول أنها لما ركبت جنبه قالت له هو حضرتك وزير الثقافه بجد يعنى مريم فخر الدين اللى تعرف مسئولين مصر وشغاله ممثله وفى الأعلام ومتعرفشى ياجدع وزير الثقافه المصرى

 مريم فخر الدين بتقول أن صلاح نصر عرفها على نفسه وطلع لها الكارنيه بتاعه ولما سألته عاوز منى إيه قال لها مش عاوز منك حاجه أنا مجرد معجب بفنك وبتمثيلك وبتقول لما عرفت أنه رئيس المخابرات كنت فاكره أنه حيجندنى لحساب المخابرات لكنه لم يفاتحنى نهائيا فى ذلك والكلام ده بتقول أنه حصل بعد طلاقها من محمود ذو الفقار ولما سألته ليه قابلتنى بهذه الطريقه قال لها أصل بحب المغامرات

 طيب نشوف أزاى أتطلقت من محمود ذو الفقار وعلى لسانها مش لسان حد تانى أنه كان بياخد كل أجر أفلامها من شركة الأنتاج ويديها مصروف  ولما أجرها زاد الشركه كانت بتدى لجوزها الأجر القديم وهى كانت بتاخد الفرق من غير ماتقول لجوزها وحوشت مبلغ كبير وفى مره كان مسافر فأشترت من التحويشه شقه فى نفس العماره وفرشتها ونقلت فيها ولما جوزها عاد من الخارج قلب عليها الدنيا والبواب قاله أنها سكنت فى شقه جديده فى نفس العماره وعفاريت الدنيا ركبته وأتطلقوا بسبب هذا المقلب

 مريم فخر الدين بتقول لما رجعت شقتها وحكت لأخوها اللى حصل لم هدومه وساب البلد وطفش علشان تفهمك أن صلاح نصر كان جبروت مخيف وخلى القصه الصغنونه دى معاك حنرجع لها

 مريم فخر الدين بتقول لما حكت لمامتها الخواجيه على اللى حصل قالت لها متخافيش أتخن راجل ميقدرشى على أضعف ست ومش حيقدر ياخد حاجه منك بدون رضاكى وخلى دى كمان معاك الله لايسيئك

 هنا نسأل نفسنا صلاح نصر لم يفاتحها بأعترافها للعمل مع الجهاز وقال لها أنه عجب بها ومقالشى أنه بيحبها أو ولهان ومش قادر يعيش من غيرها ليه دماغها راحت أنه عاوزها جسدياً ؟؟؟

 وليه مجاش فى دماغها أنه بيحاول مثلا تجنيدها ده الطبيعى وليه كل تفكيرها وقتها أنصب انه عاوزها جسدياً ؟؟؟

 مريم فخر الدين بتقول أنها أتصلت بطليقها تستنجد به وطليقها كلم أخوه المقرب من عبدالناصر أنه يتدخل ويبعد صلاح نصر عن طليقة أخوه وبتقول أنه فعلا أمر صلاح نصر بالبعد عنها وأن صلاح نصر بعد عنها فعلا بشكل مؤقت

 مريم فخر الدين بتقول لمجلة الأحراء أنها فكرت أنها تتجاوب مع صلاح نصر بعد عبدالناصر مابعده عنها علشان تتخلص من كابوس مطاردته لها وبتقول فكرت فى الحل ده علشان بسلطاته يفتحلى الأبواب المغلقه وأعود للتمثيل وبتقول كنت باصه لزميلات لى على علاقه بمسئولين كبار زى أكبر وزير فى مصر (( هنا بتلقح على برلنتى عبدالحميد )) ويبقى فى ظهرى ويسندنى ويسلك لى طريقى يعنى هنا كانت عندها الميول للإنحراف وفكرت فعلا حسب كلامها مصلحه قصاد مصلحه لكن فى كلامها بتقول قررت أواجهه ومخافشى منه

 فى الفتره دى حسب كلامها تعرفت على دكتور الأنف والأذن عبدالحميد الطويل وحبته وأتجوزوا وسافروا مع بعض أنجلترا وألمانيا وبطلت تمثيل وقعدت هناك كذا سنه لحد لما خلفت أبنها محمد الطويل وكده المفروض صلاح نصر يكون شاف غيرها أو نسى حبها أو عشق واحده غيرها ماهو صايع ومفيش وراه غير النسوان ومحدش فى أى جهاز مخابرات معادى عرف أى حاجه عن غرامياته

 بتقول لما رجعت مصر وكانت بطلت تمثيل وتفرغت لتربية أبنها أن صلاح نصر أتصل عليها وقال لها أنا صديقك القديم وقالت له عاوز منى إيه قال لها بطمن عليكى ومش عاوز حاجه طالما فى عصمة راجل

 هنا السؤال لما صلاح نصر محترم وبيحترم زواجك ليه مع زوجك الأول كان بيروح كل يوم يسهر معاه ويشربوا خمره وويسكى علشان فقط يلمس أيدك ؟؟؟

 بتقول أن صلاح نصر فضل يلف حواليها وأتعرف على جوزها الجديد وعمل معاه صداقه وأنه عرض عليه يستورد له معدات عيادته الخاصه وأن صلاح نصر كان بيعمل المستحيل علشان يقرب من جوزها وينول رضاه علشان فقط يقرب منها

 عبدالحميد الطويل كان سليل أسرة بشوات وأقطاع وطبعا كان البشوات والأقطاع وقتها مكروهين من كل رجال الثوره يعنى صلاح نصر لو عاوز يلفق له أى تهمه كان لفقها وكانت حتركب عليه حلاوه بحكم الأوضاع وقتها وبحكم أنه ضد النظام وتابع للرجعيه ودى تهمه توديه ورا الشمس وقتها

 بتقول أن صلاح نصر بعد ماقرب من جوزها قوى طلبها وقال لها أنا عاوز أقابلك على إنفراد وبتقول قررت أقطع عرق وأسيح دم وأنهى هذه العلاقه وتعالى نشوف أنهت العلاقه إزاى بس ركز معايا أاااحياة أبوك

 مريم فشخ الحواديت بتقول أن صلاح نصر بعت لها تسجيلات لجوزها الجديد مع بنات (( بنات تبع المخابرات كان زاققهم عليه )) جميلات علشان يعمل وقيعه بينها وبين جوزها على الجو يخلى له وأنها بخبرتها السينمائيه عرفت أن التسجيلات مزوره فلما أتصل عليها وقال لها عاوزك على إنفراد هددته انها حتنشر التسجيلات على مجلات أجنبيه (( دلوقتى بقى لها علاقات مع أنها مكانتشى عارفه شكل وزير الثقافه زى ماقالت )) وتعمله فضيحه عالميه وأن صلاح نصر خاف منها وأرسل رجال مخابرات من وراها شقتها يبحثوا عن التسجيلات وهى عرفت من نفسها أن شقتها أتفتشت (( رجال المخابرات لما بتدخل مكان تفتشه ولا العفاريت الزرقا بتعرف لكن مريم فشخ الحواديت بتعرف لوحدها )) أتصلت عليه وقالت له أنها هربت التسجيلات بره مصر وساومته على خروجها بره مصر هى وأبنها (( طيب أيه اللى يضمن لصلاح نصر الغبى أنها لما تسافر بره متفضحوش وتساومه ))

 مريم فشخ الحواديت بتقول صلاح نصر طلبها علشان يساومها وراحت له فيلته ووجدته منتظرها وحواليه 5 من حراسته وخافت منهم (( خلى بالك معاها اللى يذل صلاح نصر على حد تعبيرها )) فمثلت عليه دور المرأه اللعوب وقالت له عاوزاك لوحدنا وفعلا صلاح نصر أمر الحراسه تنصرف أصله كان خايف منها فطلبت منه يشربوا شمبانيا فلما راح المطبخ يجيب الشمبانيا والتلج نطت من الشباك وصرخت بأعلى صوتها ألحقونى ياناس فهرع إليها صلاح نصر وقال لها خلاص خلاص مش عاوز منك حاجه وحسفرك بره مصر

 مريم فشخ الحواديت بتقول تانى يوم أتصل عليها صلاح نصر وكان نبرة صوته نبرة المهزوم المكسور الخايف وقال لها عاوزه إيه فقلت له عاوزه أسافر بيروت فقال لها جهزى نفسك حتسافرى بكره وفعلا سافرت هى وأبنها والمربيه ولم تذكر هل سافر معها زوجها ولا سابته رهن عند صلاح نصر وفضلت فى بيروت معتزله الفن وبتقول مرجعتش مصر إلا لما أتقبض عليه وشافت صوره فى المحكمه

 عزيزى القارئ هذه هى رواية مريم فخر الدين مع صلاح نصر وهى مصدرها الوحيد ولم نجد أى مصدر آخر يؤكد ماقالته أو ينفيه أو يشكك فيه ونترك الحكم للعقل والمنطق

 عزيزى القارئ هل كانت مريم فخر الدين تعانى من الإبتعاد عن الأضواء فأرادت أن تعود من هذا الباب وخصوصا أن وقت نشر هذه القصص كان يواكب حرب ضروس بين برلنتى عبدالحميد وإعتماد خورشيد والأضواء حولهم والفضائيات تستضيف كل يوم إعتماد خورشيد أم هناك جهه أجنبيه أرادات فقط الزج بروايات مريم فشخ الحواديت بالتزامن مع روايات إعتماد خورشيد عاهرة الموساد ليس لتشويه تاريخ رجل مات فلا يضيره هذا التشويه لكن لتشويه جهاز مخابرات بمناسبة عرض مسلسل رأفت الهجان والعار الذى لاحق جهاز الموساد وقتها من هول المفاجأه التى هزت العالم   

 

لمعرفة قصة زواجها وطلاقها أضغط هنا 

ولمعرفة قصة زواج زوجة أبنها من حبيب العادلى أضغط هنا 

 ولمعرفة دينها أضغط هنا

 جنرال بهاء الشامى

 

أنا وعبدالناصر والسادات وصلاح نصر

 

تعالى نشوف إزاى بينكتب التاريخ بحياديه وبدون منخبط التيارات السياسيه فى بعضها 

التاريخ يُكتب للعظه والعبره والتعلم والتدبر وليس لأعلاء فصيل على فصيل أو تشويه فصيل لحساب فصيل آخر ومن هنا يجب كتابته بحياديه تامه بعيدا عن الأهواء الشخصيه أو الأنتماءات السياسيه البغيضه 

عبدالناصر كان شاب طموح وفجأه أعتلى كرسى حكم عرش مصر لكن حياته السياسيه أثناء الأحتلال أهلته لهذا المنصب الرفيع وكانت طموحات عبدالناصر عظيمه حقق بعضها وتكالبت قوى الأستعمار والشر وبعض العرب عليه ونصبوا له فخ سيذكره التاريخ لأجيال وأجيال حيث خيانة سوريا والأردن وطعنات السعوديه والممالك العربيه وفوق كل ذلك الصهيونيه العالميه وأكبر دولتان إستعماريتان ومعهم أمريكا وإسرائيل

كانت ثقة عبدالناصر فى قدرات عبدالحكيم عامر هى الثغره الوحيده فى حياته وهذا لايعيبه على المستوى الأنسانى لكن عبدالحكيم عامر لم يكن يصلح سوى لقيادة كتيبه وليس جيش وليد فى مواجهة قوى الشر العالميه وترك له الحبل على الغارب حتى كانت صدمة الخماس من يونيه عام 1967 م

 ضاعت الأرض وضاع الجيش وكان ولابد من إصلاح الأخطاء وإستبعاد حاشية عبدالحكيم عامر من المشهد السياسى وهو ماقام به عبدالناصر فعليا وعدل كثيرا فى صفوف الجيش وأنشأء لأول مره المجلس العسكرى حتى لايكون مصير الجيش وقراراته بيد فرد واحد فى أغسطس عام 1967 م

كانت علاقة الصداقه القويه بين عبدالحكيم عامر وصلاح نصر سببا فى إحتساب صلاح نصر من حاشية عامر وزاد الطين بله إستقالة صلاح نصر للمره الثالثه من منصبه فأحتسبه عبدالناصر على حاشية عامر ودفع صلاح نصر ثمن صداقته بعامر وكل هذا مطلوب ويتقبله المؤرخون الحيادييون لإعادة الأنضباط للمشهد السياسى والهدوء للقوات المسلحه وهو ده مربط الفرس لأن أمامنا مهمه شبه مستحيله وهى إستعادة الأرض والعرض فى أسرع وقت ممكن فكان ولابد من وجود ضحايا لكن صلاح نصر برأته شهادة اللواء محمد جبريل (( الثعلب )) فى محاكمة أنحراف جهاز المخابرات وسردنا لذلك مجموعة حلقات إستقصائيه تقدر تتابعها على هذا الرابط أضغط هنا

من هذه الحلقات تتأكد أن صلاح نصر وجهاز مخابراتنا كانوا براء مما نسب أليهم لكن لكل شئ ثمن ولكل ثمن ضحايا ولم يكن صلاح نصر باغلى من أى شهيد راح ثمنا فى إستراداد الأرض والعرض والراجل فى كل كتبه لم يخطأ فى حق ناصر برغم كل ماذاقه بل كان يذكره بالزعيم الذى لم تنجب مصر مثله من قبل

رحل عن عالمنا عبدالناصر وأستلم السادات الحكم وكل بلاط الحكم ضده والروس لهم أذرع داخل مصر ويريدون رجل من رجالهم للحكم وحتى الشعب لم يتخيل أن يحل السادات مكان ناصر الثوره والتحرر من العبوديه

كان من المستحيل أن يخوض السادات أى حرب لأسترداد الأرض والعرض وسط هذا الجو المشئوم وعليه التخلص من كل معارضيه وأباطرة الأتحاد الأشتراكى المحسوبين على الحقبه الناصريه زورا وبهتاناً (( زى بتوع حزب مستقبل خطر دلوقتى محسوبين على السيسى بالزور والتزييف )) فكانت ثورة التصحيح التى لم يكن يتقبلها الشعب من حاكم مغمور لولا حلمه بإستراد الأرض والعرض فتقبل الجميع قرارات السادات ومنهم الأشتراكيين والأخوان رغم وجود قاعده عريضه من الأشتراكيين (( الأتحاد الأشتراكى )) وسط الشعب محسوبين زى ماقلتلك على التيار الناصرى لكن لم يفكر أحد فيهم فى الحراك ضد السادات من مبدأ خليك ورا السادات لما نشوف حيرجع الرض ولا لأ وده كان واضح والسادات عارفه كويس فى كلمته لأحمد إسماعيل لو أتهزمت حيعلقوك فى ميدان التحرير ومن هنا تفهم أن السادات كان فاهم أن الشعب واقف وراه وسايبه يعمل مابداله وتغيرات فى صفوف القاده والسياسيين بسرعات غير طبيعيه لما يشوفوا آخرتها معاه رجع الأرض خير وبركه مرجعهاش تبقى سنينه سودا

خضنا المعركه وإستردادنا جزء من ارضنا وإستردينا عرضنا وكرامتنا لكن كانت هناك باقى الأرض كما هو مخطط لها لازالت تحت الأحتلال لكن هنا بدأت تظهر بعض المعارضه وخصوصا من التيار اللى له طار بايت مع السادات وخوفا من إنتشار هذا التيار وتقويته شعبيا ولازالت أمام السادات معركة كامب ديفيد والعرب متربصين به والأرهاب والتفجيرات شغاله فى كل مصر بسبب معاهدة السلام وأستقواء العرب بالتيار الأشتراكى والناصرى فى الدول العربيه ترك السادات الحبل على الغارب للسينما المصريه لتشويه الحقبه الناصريه لعدم إتساع هذا التيار ولكى لاتشتد المعارضه ضده

كل اللى أفرج عنه السادات من الأخوان طبقا لكل المصادر الموثوق بها (( كتاب فؤاد علام )) كانوا (( 171 )) أخوانجى فى 15 مايو عام 1971 م يعنى أفرج عنهم قبل حرب أكتوبر بعامين ونصف

السادات سمح للأخوان بالعوده للحياه السياسيه فى الجامعات لتحجيم التيار اليسارى الموالى للأتحاد السوفيتى وخصوصا فى جامعة أسكندريه لأنه كان محتاج الهدوء فى البلد لحين الأنتهاء من معاركه مع ليبيا والعرب وإسترداد سيناء بالكامل وأقرب مثال هو تراجعه عن رفع الدعم بعد أنتفاضة الحراميه فى 18 و 19 يناير

بدأ السادات يضيق بالمعارضه وبدأت روسيا والصهيونيه وأمريكا يتدخلون فى مصر وأشتعلت الفتنه الطائفيه التى أججها الشيخ عبدالحميد كشك بشريطه مصر مسلمه أم قبطيه رقم 400 وفيه تطاول بأفظع السباب على البابا شنوده فصدرت فتوى بقتله من أمريكا تسلمها التيار الدينى المتشدد ونفذها فى يوم عرسه يعنى اللى قتل السادات فتوى غربيه بآيادى التيار اليمينى المتشدد ودفع السادات ثمن تحديه للصهيونيه العالميه وثمن إطلاق لقب الرئيس المؤمن على نفسه فكيف يقولون عليه كافر فى خطابات كشك وهو يقول على نفسه مؤمن ودفع ثمن كل هذا حياته فى يوم عرسه

 جاء مبارك بشخصيته الضعيفه خلف زعيمين كبار فترك الحبل على الغارب لتشويه الأثنين وكل رموز حرب أكتوبر فترك تشويه السادات لمحمد حسنين هيكل عبر مجموعة مقالات فى جريدة الأهالى اليساريه فى مايو عام 1982 م وترك أفلام السادات لتشويه عبدالناصر

عبدالناصر كما قال صلاح نصر والسادات نفسه فى كتابه ياولدى هذا عمك جمال زعيم لم تجود به مصر من قبل لكن طموحاته القوميه جعلت قوى الشر العالميه تتكالب عليه فكانت بعض قراراته بعد هزيمة يونيه عام 1967 م كلها مبررها تاريخيا وشعبيا 

والسادات كما قال عنه العالم والمصريين زعيم لم تجود بمثله الأرحام وكان أقتحامه لعالم الصهيونيه وإفشال حلم من النيل للفرات سببا لتكاب قوى الشر عليه فكانت بعض قراراته مبرره قبل وبعد الحرب

عبدالناصر كان يحب السادات ويثق به والسادات كان يعشق عبدالناصر لكنه كان يكره التيار الأشتراكى الموالى للأتحاد السوفيتى ومن هنا ليس هناك خلاف بينهم لكن بعض التصرفات والقرارات كانت ضروريه طبقا للمعطيات على الأرض وقتها 

كتابة التاريخ ليست للتشفى أو أظهار الأحقاد فلا أنت تضررت من عصر عبدالناصر أو عصر السادات فلا داعى لمهاجمتهم لمصلحة النتربصين بهذا الوطن المفدى بل نعيش حتى يومنا هذا فى أفضال هذين الزعيمين وهى كثيره ولا تحصى ولسنا بجاحدين وناكرى الجميل لرجال أفنوا عمرهم فى خدمة بلدهم كل بطريقته

أقول قولى هذا وأرجو ألا أكون قد وقعت فى شباك شهادة الزور

جنرال بهاء الشامى

  

تسريبات صوتيه لأمهات الجيل الحالى

 

تسريبات الأمهات المثاليات الفضليات اللى بيتنيلوا على عينهم يربوا أجيال لمصر  

لسماع التسريب أضغط هنا

حمل الملف الصوتى وأسمعه وأحتفظ به على جهازك لتنقله للآخرين

مع تحيات جنرال بهاء الشامى

أنا وعبدالفتاح السيسى القرار والتحليل

 

لايختلف أثنان على كوكب الأرض أن منذ ظهور السيسى والخريطه السياسيه وموزاين القوى العالميه قد تبدلت أواضعهم تماما ورأينا صعود قوى وأفول قوى أخرى وأقرب الأمثله هو تراجع تاجر السلاح الأمريكى للمركز الثالث على الأقل حتى عام 2027 م طبقا لعقود شراء الأسلحه عالميا فى الصفقات طويلة الأمد عن طريق تحول الجيش المصرى لتجار سلاح متنوعين غير التاجر الأمريكى المتغطرس عقب حادث الطائرات الأباتشى المصريه

 

كانت نتيجة ظهور هذا الفرعون المصرى الجديد واضحا جدا فى تراجع جودة منظومات الدفاعات الجويه الأمريكيه وشاهدنا فضيحة أغتصاب أحدث المنظومات الدفاعيه فى قاعدة الوطيه الليبيه على آيادى طيران عتيق من أيام الجنيه الجبس وكان آخرها فضيحة القبه الصفيحيه فى إسرائيل بنسبة إختراق 85 % طبقا لتصريحاتهم نفسها وهى نسبه فى العلوم العسكريه كارثيه وفضيحه عسكريه ستؤثر سلبا على مبيعات منظومات الدفاع الجوى الأمريكى

 

الملاحظ لتحركات السياسه المصريه خارجيا يشهد لها بالمثاليه والأحترافيه وهذا ليس كلامى لكنه كلام كل منصفى العالم وخبراء السياسه والدبلوماسيه العالميه

 

أنا متهم بالتطبيل لنظام السيسى على المستوى الداخلى وإليك تفنيد الأتهامات

 

قالوا أن العاصمه الإداريه ليست مشروعه وهو مشروع قديم من أيام السادات وأستدلوا بكلامى

 

أيوه قلت كده وكمان قلت أن مبارك أمات مشروع مدينة السادات وحولها لمدينه عاديه تابعه لمحافظة البحيره ثم المنوفيه لأنه لم يكن لديه جرأة إتخاذ قرار نقل العاصمه لمنطقه أخرى وكان يخشى التعرض للإنتقادات التى تعرض لها السيسى وكان يريد الجلوس على كرسى الحكم هادئاً وكانت تزعجه المعارضه والنقد ولذلك لجأ لقتل الحياه السياسيه بالمدارس والجامعات عن طريق نظام الترمين وهو مانعانى آثره الآن بعدم وجود قيادات صف ثانى (( مبارك شاف كلية الهندسه بالأسكندريه عامله صداع للسادات كل شويه فكان لازم يقتل الحياه السياسيه فى الجامعات والمدارس بهذا النظام وفعلا حقق مراده بفكر أمنى بحت )) لكن السيسى يحاول الآن إصلاح ذلك بشتى السبل

 

قالوا كل المشاريع قديمه وموجوده فى الأدراج من أيام كمال الجنزورى وأستشهدوا بحلقات وزير الغلابه

 

أيوه قلت كده لكن من كان لديه جراة إتخاذ القرار ومواجهة الأنتقادات وتوفير مصادر التمويل أليس هذا الفرعون المصرى الصبور على تحمل كل مظاهر النقد التى لم يكن يطيقها مبارك

 

قالوا مشاريع الجيش والتسليح كلها من أيام أبو غزاله وأستشهدوا بكلامى على المدونه

 

أيوه قلت كده لكن من أمات هذه المشاريع ووأدها ولفق لأبو غزاله مسرحية لوسى آرتين ومن أحياها وكان لديه جرأة أتخاذ القرار وتوفير مصادر التمويل

 

قالوا مشروع منظمة غاز شرق المتوسط موجود من عام 2003 م وأستشهدوا بمقالاتى

 

لم أقل ذلك تحديداً وأجتزأوا كتاباتى بطريقة ولاتقربوا الصلاه لكن ماقلته أن إتفاقية ترسيم الحدود موجوده من عام 2003 م ولم يجرأ مبارك على تفعيلها وإرسالها للأمم المتحده والدخول فى مواجهات مع بعض دول حوض المتوسط وفضل الجلوس هادئاً على كرسى الحكم لكن السيسى هو اللى فعلها وعمل منظمة غاز شرق المتوسط وحول مصر لمركز ثقل عالمى لتصدير الغاز وعنده كمان مشروع مركز الطاقه الأقليمى المتجمد لحين توفير سبل أخرى لتنفيذه لأن أمريكا وإسرائيل قلبوها فى مصر حروب تخريب بعدة حوادث الكل يعلمها

 

مش بطبل للنظام لكن عارف ضرورية مايتخذه النظام من قرارات صعبه وقاسيه بدون مسكنات وعارف ماذا سيكون وضع مصر بعد سنوات بشرط أنتهاء جائحة كورونا التى أجلت الأنفراجه من نهاية ديسمبر عام 2019 م بعد توقف مصر عن أستيراد غاز البوتوجاز لحين إشعار آخر

 

قالوا السيسى بيدبح الشعب بسكين بارد

 

من دبح الشعب هم من خافوا من المواجهه وكانوا يمتلكون حق حقنة المسكنات .. السادات لأنه مكانشى عاوز مشاكل بعد إنتفاضة الحراميه فى 18 و 19 يناير لحد لما ينتهى من تشطيب عودة سيناء بالكامل ومبارك لأنه كان خايف على هدوء وإستقرار الكرسى رغم أنه رفع الدعم كثيرا وأوقف التعينات نهائيا على مراحل من عام 1982 م يعنى الهدف موجود لكن الخوف من الشعب هو اللى كان محتاج لجرأة إتخاذ القرار فما هو مهمة صانع القرار أليست جرأة أتخاذ القرار وتحمل تبعاته

 

فى النهايه منعاً للإطاله هى عادة البشر كده لما تكون السكينه على رقبته يقولك خلصنى وخد كل ماأملك ولما تخلصه يقولك قوم أقف وأنت بتكلمنى ولما كان الأخوان بيحكموا مصر كان المصريين تنقلع لهم عين ويتخلصوا منهم ولما تخلصوا مش عاوزين يدفعوا ربع التمن اللى كان عندهم إستعداد يدفعوه لما كانت السكينه على رقابهم

 

لو مبارك فرضيا رجع للحكم أول حاجه حيفكر فيها يعمل أوبريت أخترناه علشان المطربين تغنى له وفى أول أجتماع مع الوزاره حيرجع أسمه على محطة مترو الشهداء ويبيع كل المشاريع اللى بناها السيسى ويسيب سوريا وليبيا للروس والأمريكان ويوقف منظمة غاز شرق المتوسط علشان أردوغان مايشتموش على قنوات الأخوان ويتخلى عن مشروع مركز الطاقه الأقليمى ويوقف تكملة العاصمه الأداريه الجديده ويحولها لكليات خاصه زى ماعمل فى مدينة السادات ويلم نفسه فى السياسه الخارجيه وسد اللمبه يتنازل عن طموحاتنا كلها فى سبيل إعلان أم أحمد عن إيقاف بناء السد ويديهم الكهرباء من عندنا ونرجع تانى لنظام تخفيف الأحمال والتوقيت الصيفى والشتوى ولما حد يكلمه يقول لهم حجيب لكم منين ولم حد يعترض يقولك سيبوهم يتسلوا ويعود الهدوء للمصريين وياكلوا ويشربوا منين مش مهم يمكن الأمارات ترسل تانى صفقة حمير ويبيعها لأفغانستان على أنها لحوم وترجع أمريكا تتدخل فى شئونا وشيل أبو غزاله والجنزورى وعين يوسف غالى ويوسف والى

 

أما لو رجع الأخوان للحكم فرضياً فأول شئ سيفعلوه حيفتحوا البلد لحركة سماح وأحمد نجاد يرفع علامة النصر فى الأزهر الشريف  ويعدموا كاتب هذا المقال بتهمة العلمانيه ويسجنوا كل المشاركين لهذا المقال أو المعلقين عليه وأنت بقى عارف الباقى

 

مش بطبل للنظام لكن عارف دهاليز السياسه وخباياها وقرأت كتب سياسيه ومقالات تحليليه لكبار الكتاب العالميين بعدد شعر راسك مش بتفسح طول اليوم على بوستات الفيسبوك اللى بيكتبوها ناس ميعرفوش أساسيات السياسه أو مصطلحاتها ولو سألته ماهو المطبخ السياسى يصاب بأعراض الحمل دوخه وسخونيه وترجيع

جنرال التحليل المصرى بهاء الشامى

التحليل العالمى للصوره الكوكبيه

 

التحليل العالمى الأول للصوره الكوكبيه بين الفرعون المصرى ومحمد بن سلمان

لسماع التحليل أضغط هنا

حمل الملف الصوتى وأسمعه وأحتفظ به على جهازك لتنقله للآخرين

مع تحيات جنرال التحليل المصرى بهاء الشامى

هل أنتصرنا فى معركة الميديا على الأخوان ؟؟؟

 

الأخوان لاتفكر ... قول صدقت ورب العباد

الأخوان مبرمجين ... قول فى دى عندك حق

 

مؤيدى الدوله يفكرون ... قول عندك شك فى كده

مؤيدى الدوله شعاع ذكاء وعدم إنقياد ... قول بتحور ليه وعاوز توصل لإيه

تعرف مين اللى خلف هذه الشائعات ؟؟؟

 

تعرف مين اللى بيروج أن الأخوان مابتفهمشى ؟؟؟

 

تعرف مين اللى طلع عليهم مصطلح الخرفان ؟؟؟

 

للأسف اللى حضرتك متعرفوش ونبهتك وحذرتك منه مئات المرات أن تنظيم الأخوان تانى أكبر تنظيم فى العالم ويقف خلفه أجهزة مخابرات محترفه وبيوجهوك زى ماهما عاوزين وبدون أى مقاومه من حضرتك وحتى الشتيمه اللى حضرتك بتشتمها لهم هم اللى أخترعوها وبيروجوا لها لأن لهم أهداف أكبر من تفكيرك

صدقنى أنت أضعف مما تتخيل وواهم نفسك بقوه هولاميه وفاكر نفسك ذكى رغم أن معاليك غبى ماشاء الله على غبائك لأنك لم تحترم قوة خصمك فسهلت عليه مهمة الأنتصار عليك وتعالى أديك مثال

عمك السيسى لو بيفكر زى حضرتك وبيستهين بخصمه مكانشى سلح الجيش المصرى بكل هذه الأسلحه ومكانتشى الحكايه محتاجه أكتر من ميكرفون بتلاته شلن يقف يجعجع فيه أنه ممكن يهد المجره على اللى

فيها لكنه أحترم قوة خصومه ونفذ تعليمات ربه فأعد لهم ماأستطاع من قوه وبناءا عليه كان النصر حليفه فى كل الملفات التى خاضها

الأخوان وآلاضيشهم محترموش عقلية السيسى وأفتكروا أنه زى أبن سنيه الهبله أو تنزيله الهاطله لذلك كانت الصدمه التى لم يستوعبوها وحتى الآن يرفضون عقليا مجرد التفكير فى تقبل الهزيمه

أستهدى بالله أنت بقى يامؤيد الدوله ياعبقرى زمانك سهل قوى بالنسبه لهم وتعالى أفهمك بس يارب ماتركب دماغك وتفهم ولو مره فى حياتك أنك بتحارب أجهزة مخابرات أقوى وأذكى منك

فهموك أنهم قطيع حتى تتكبر على تنفيذ أوامر المولى عز وجل على لسان من لاينطق عن الهوى (( أن كنتم ثلاثه فأمروا أحكم عليكم )) يعنى أى إئتلاف أو جمع لابد له من قائد وهما روجوا لك أن ذلك خطأ ولازم تستقل بتفكيرك فكان ماتراه أمام عينيك حراك مفتت مؤيد للدوله بدون قياده أو توجيه للصح يسهل إختراقه وترديد الشائعات بينهم

فهموك أنهم مابيفكروش علشان تستهيفهم وتستقل بيهم ومن هنا يسهل هزيمتك وإختراقك وتوجيهك

فهموك أنك أذكى منهم مع أنك لن تكون أذكى من أجهزة المخابرات التى توجههم

فهموك وفهموك من خلال أكونتات مزيفه أندست وسطنا فأصبح حالنا كما تراه الآن مخترقين بإمتياز وهما كل يوم داخلين عليك بأفكار جديده وجهنميه لدرجة أنك مش ملاحق عليهم وأحنا كل فرد فينا فى ملكوت وفلك لوحده هما جماعه كبيره وأحنا كل ذكى بمفرده 

الحل فى أيدك بس خلاص فات الآوان بعد ماركبوك الغرور وأصبح قيادتك نوع من العيب فأنطبق علينا المثل الذى أردده من سنوات فى بوستات سريعه ولم يفهم أحد مغزاه (( أضرب عاد بثمود وأحكم دولة القرود ))

أنا الجنرال لاكذب صلى على حفيد عبدالمطلب

جنرال بهاء الشامى

 

ماعلاقة تصريحات دنيبه بتصريحات عم حنفى المنجد ؟؟؟

 

صدرت تصريحات من الجانب الليبى بالتزامن مع تصريحات تركيه تطلب التودد للقاهره فما هو مغزى هذه التصريحات وتأثيرها على الملف الليبى 

لسماع التحليل أضغط هنا 

حمل الملف الصوتى وأسمعه وأحتفظ به على جهازك لتنقله للآخرين

مع تحيات جنرال بهاء الشامى

ومن المؤامرات ماقتل يازبادى

 

 

الأخوان وخلينا حيادين بنى آدمين وبيفكروا زينا

طيب إيه اللى ورطهم التوريطه السودا مع أنهم كانوا ماشيين صح 80 سنه ومحدش وقعهم حتى عبدالناصر لم يستطيع القضاء عليهم

قلتلك فى حلقات الدين الأبراهيمى الجديد أن الغرب بيحاول تشويه الدين الأسلامى بشتى السبل ويحاول تشويه المسيحيين الذين يعيشون فى الدول الأسلاميه ولو عاوز تاخد فكره عن هذا الدين أضغط هنا  بشرط يكون السن فوق 18 سنه لوجود حلقات جنسيه صريحه

المفروض أى عاقل متزن بيوزنها صح وردود أفعاله حتمياً تكون صح خصوصا لو كانت ردود أفعاله ممكن تقضى عليه وتعالى نشوف الحاكيه من أولها

نجح الأخوان فى الوصول لكرسى حكم مصر بمساعدة أغلب المصريين الذين كانوا يعتقدون أن الأخوان فصيل سياسى دينى وسطى

قبل أنتفاضة الـ 30 يونيه طُرحت عدة حلول كلها سلميه للخروج من المأزق الذى وضعت الجماعه نفسها فيه فكان طبيعيا أن تستجيب الجماعه لنداء العقل والتهدئه وإجراء إنتخابات رئاسيه مبكره وكانوا فوتوا الفرصه على من يتربصون بهم على حد قولهم وكانوا حيفوزوا بها عن جداره لأن الغالبيه كانت حتقول عليهم ديمقراطيين وأستجابوا لصوت العقل ومش بتوع سلطه كما كانوا يدعون فتطورت الأمور ونزل الشعب ضدهم

كان المفروض ينصاعوا لرغبات الشعب أو يمثلوا أنهم مظلومين ويعملوا مظاهرات سلميه على فترات طويله وكان الشعب حيتعاطف معاهم لمصداقيتهم وكانت أعدادالمتظاهرين والمتعاطفيين معاهم حتزيد رويدا رويدا ويظهر فى الحاله دى السيسى بشكل ردئ وسيئ

لكن الأخوان معملوش كده بل صبوا نار غضبهم على الشعب اللى مفروض يستدروا عفطه للوقوف معهم فسقط الشعب مابين شهيد وجريح وراحوا يخربون مصر وشعبها بشكل عشوائى لأطفاء نار غضبهم وغضب ظهيرهم الشعبى فبدأت شعبيتهم تتآكل والمتعاطفين معهم فى تراجع ملحوظ ولم يتبقى غير اللى لسه فاهمين الحياه غلط وشوية اللجان التى تشع سمومها من تورأيا وأنجلترا

ليه الأخوان عملوا كده ولم ينصاعوا للناموس الطبيعى للحياه بالتراجع والمهادنه للحفاظ على ظهيرهم والمتعاطفين معهم ؟؟؟

للإجابه على السؤال نرجع لمكالمة خيرت الشاطر مع أردوخان عندما بدأت أولى بشائر التمرد تظهر على السطح فقد طمأن أردوخان الشاطر وقال له أصدقائنا فى أمريكا سيقفون مع الشرعيه ولا يمكن يسمحوا بالإنقلاب عليها

هنا الأخوان أرتكنوا على وعود أدروخان والدعم الأمريكى وخدوا الصابونه

طيب ليه أمريكا ساعدتهم كده وكده مش بجد خالص مالص مع أنها كانت بتروج لهم أنهم الأسلام الوسطى 

أمريكا اللى وصلتهم عبر مجموعة خطط شيطانيه بدايةً من مؤتمر الدوحه 2004 م لكن أمريكا لما وجدت نفسها أمام طوفان شعبى ولآن أمريكا مابتحبش تخسر أنصاعت لصوت العقل لكن محبتش تخسر فتركتهم علشان تشوه ماترسخ فى الأذهان أنهم الأسلام الوسطى وبالتالى يظهر المسلمين أمام العالم كإرهابيين ومتطرفين

هل أمريكا سكتت على كده ومش حتكمل خططها بالعكس حتشتغل على حد تانى وتقدمه كإسلام سياسى معتدل وتكمل اللى أفشله الأخوان وأغلب الظن حتكون الأيقونه الجديده السلفيين المودرن نادر بكار وتستمر المؤامره ويظل الصراع قائم مع تغيير طفيف فى الأشخاص وأقرب مثال مايحدث فى الصعيد وبالتحديد محافظة المنيا أهم وأكبر معاقل الأخوه المسيحيين علشان يظهر السلفيين الجدد أنهم الطائفه التى تخاف على الأسلام والمسلمين

ويظل المشر أبو غزاله حى بيننا بمقولته كل الصراعات فى العالم صراعات إقتصاديه البعض يلبسها الثوب الدينى لأن الشعوب العربيه ميولها الدينيه طاغيه على ماعداها وهم بيعرفوا يلعبوا على النقطه دى تحديداً    

جنرال بهاء الشامى