الصقر الذهبى رقم 62 والأخيره

فى ميعادك يتلموا ولادك
يا بلادنا وتعود أعيادك
والغايب مايطقش بعادك
يرجع يخدك بالأحضان

بالأحضان يا حبيبتى يا أمى
يا بلادى يا غنوه فى دمى
على صدرك أرتاح من همى
وبأمرك أشعلها نيراااااااااااااااان

بالأحضاااااااااااااااااااااان

سيكون معكم فى ختام هذه السلسله فريق مصر أم الكون 

مدام / جميله سعيد رئيسة الفريق ومترجمة لغة أنجليزيه

الأستاذه / تمر حنه نائبة رئيسة الفريق ومترجمة لغة أنجليزيه

الأستاذه / خديجه حسين مسئولة المقالات التاريخيه

الأستاذه / أسرار مسئولة الأتصالات والحملات 

الدكتور / جون نبيل مسئول نشاط البورصه وأسعار الدواجن

الأستاذ / سمير حجازى مسئول النشاط الدينى ومواقيت الصلاه

هذا المقال ومحتواه وتحليلاته نحن مسئولين عنها حتى تاريخ 21/ 7 / 2017 م لكن دائما هناك إرادة الله فوق كل شئ وأرجو التركيز فى كل حرف مكتوب فى ختام الحلقات 

توقفنا وأياكم فى الحلقه السابقه عند تنحى مبارك وجلوس عمر سليمان فى البيت واليوم موعدنا معكم مع الحلقه الهامه والأخيره لكن قبل الخوض فى المضمون سنحاول أن نستعرض معكم بعض الأحداث لنقارن بينها فهيا بنا نغوص فى أعماق العقول

قلتلك أن سليمان كان مواظب على الذهاب لمبنى المخابرات 3 مرات أسبوعيا وأحياناً كتيره كان بيكون معاه سكرتيره الخاص اللواء حسين كمال

هناك أكثر من روايه لوفاة الباشا واحده أنه مات فى سوريا وواحده أنه مات مسموم وواحده أنه مات مريض بشكل مفاجئ وتعالى مع بعض نتذكر بعض الأحداث

تقول رواية موته مريضاً أنه مات نتيجة حزنه وتأثره من أستبعاده من الأنتخابات الرئاسيه فكان الأولى أنه يحزن بعد عزله من منصب نائب الرئيس وفصل الخط الساخن من منزله وأستبعاده من المشهد السياسى والمواقف اللى تحزن كتيره وأشد من موضوع أستبعاده وشرحناها فى كل المقالات السابقه على مدار شهرين

لازم تعرف نقطه مهمه جدا عن عمر سليمان وعن ذكائه وقدراته وسبب شهرته ... وهو رائد فى الجيش فى حرب عام 1967 أنه هو قائد السريه الوحيد اللى أستطاع بذكائه الخارق الأنسحاب بسريته دون أى خسائر وهى السريه الوحيده اللى أنسحبت بدون أى خسائر فى الجيش المصرى بعد صدور قرار الأنسحاب رغم أنه طلب غطاء جوى للأنسحاب ولم يلبى طلبه وعرف يرجع بسريته بخطه لازالت تدرس حتى الآن فى الكليات العسكريه المصريه ودى لوحدها محتاجه مقالات وده اللى لفت نظر عبدالناصر له بشده ولفت نظر السادات حتى أن السادات قاله مره أنا بحسدك على ذكائك وخلى دى معاك

المفروض راجل حزين وأستبعدوه من الأنتخابات وحزين ومقهور وحالته الصحيه تدهورت نتيجة حزنه يكون بعيد عن جو الأنتخابات بل بالعكس أحمد شفيق بنفسه أعترف أنه كان بيشوره فى كل كبيره وصغيره فى حملته الأنتخابيه وهو اللى قال لشفيق حتنجح يعنى حتنجح لكن أنا خايف يعدلوا النتيجه قبل جولة الأعاده فى 16 و 17 يونيه وهو أول واحد عرف النتيجه الحقيقيه للأنتخابات الرئاسيه من مراد موافى وكانت 50.7 % لصالح شفيق ولما أخبرته داليا بنته وهو فى أبو ظبى بأن محمد مورسسيان اللى نجح قال لها عدلوها أزاى وليه ؟؟؟ وقال جملته الشهيره (( اللى نجحوه هم اللى حيشلوه )) وبعدين لما تعرف أنه دخل الأنتخابات غصب عنه واللى ضغط عليه هم أصدقائه المقربون وفضلوا يضغطوا عليه فترات طويله يبقى مش حزين ولاحاجه 

بالنسبه لموضوع سوريا كنا أتكلمنا فيه بإستفاضه على مدارأكثر من مقاله وحلقه وبيان فى سلسلة مقالات مصر أم الكون وأتكلمنا فى تشكيلات الحراسات الخاصه فى مقال فى مقالات الصندوق الأزرق وتقريبا كان الأول بتاع الحرس الجمهورى وقلنا ليه موضوع سوريا مش مهضوم

بعد رحلة علاجه لألمانيا الدوريه الروتينيه قبل جولة الأعاده فى الأنتخابات الرئاسيه رجع من ألمانيا وطلب من أسرته يسافروا يتفسحوا فى أبو ظبى ويغيروا جو ولما طلبوا منه التأجيل يومين قالهم طيب أنا حاخد زياد حفيده وأسبقكم على هناك علشان تبقى فاهم الراجل مفيش فى دماغه أنتخابات ولا حزن ولا مقهور ولا يحزنون

المرض اللى بيقولوا أن عمر سليمان مات بسببه أسمه (( أميلويدوزيس )) وده مرض فترة حضانته تقريبا 10 سنوات قبل ظهور أعراضه يعنى تقريبا عمر سليمان مصاب بيه من 2003 ولما نقول أن عمر سليمان عمل فى الفتره دى 3 عمليات تسليك عصب آخرها كانت فى يناير 2011 وأتكلمنا عنها وعمل عملية قسطره وقبل أى عمليه المريض بيخضع لتحليلات وأشاعات وسافر أكتر من مره لأجراء تحاليل وأشاعات روتينيه زيه زى أى مسئول كبير ومهم بيخضع لأشراف طبى رهيب ومتابعه طبيه دقيقه وعلى أعلى مستوى طبى فهل الفتره دى كلها وكل التحاليل دى على رأى المهندس خالد لطفى معانا فى الفانز لم يكتشفوا هذا المرض أكيد دى واسعه شويتين

بيقولوا أنه لما كان بيتعالج فى أمريكا فى رحلته الأخيره تحملت المخابرات المصريه نفقات علاجه بالكامل فهل يعقل أن جهاز يتحمل مايقرب من مليون دولار وقتها ماينزلشى نعى لرئيسه السابق بكام ألف جنيه وطبعا لو الروايه صحيحه يبقى طنطاوى عنده علم ومحمد مورسسيان رئيس الجمهوريه وقتها عنده علم فهل يعقل أن مصر تستخسر فى عمر سليمان تكاليف نقل الجثمان أو أسرته عاجزه عن أنها تجيبه من أمريكا على طياره خاصه علشان الأمارات اللى تجيبه فى طياره رئاسيه لما محدش رضى يجيبه

طيب لما تعرف أن سجل حركة الطيران الرئاسى الأماراتى بيقول أن مفيش طياره رئاسيه طلعت من مطار أبوظبى وقتها تقول إيه ؟؟؟

قلنا أن سليمان كان بيروح مبنى المخابرات بصفه دوريه وأن علاقته بموافى كانت ممتازه يبقى مؤكد وأكيد لما توصل معلومات عن محاولة أغتيال صديقه حيحذره وخلى دى معاك

قلنا أن سليمان كان له حديث تليفزيونى هدد فيه الأخوان والأمريكان بفضح ملفاتهم وقال بالنص أنا لما حتكلم محدش حيقدر يكدبنى ... أنا الصندوق الأسود لمصر فهل معقول بعد حديث زى ده سليمان يسافر أمريكا علشان هما اللى يعالجوه وهو طول عمره متعود يتعالج فى ألمانيا وده كان سبب ثقة مبارك فى العلاج أيضاً فى ألمانيا وطوال عمر سليمان لم يسافر لأمريكا للعلاج وكله كان فى ألمانيا وكل وزرائنا بيروحوا يتعالجوا فى ألمانيا لثقة سليمان فى الأطباء الألمان وأعتقد دى كمان واسعه وواسعه قوى

لما تعرف أن سليمان كان فطاره زى ماقلتلك فى أول حلقه من محل جاد للفول والطعميه وقلتلك محدش كان يعرف القصه دى غير السواق بتاعه اللى كان بيفطر معاه من نفس الأكل وكان أكله بره بيته شئ مستحيل ولما أكل بره البيت كان فى أضيق الحدود وكان بره البيت شبه عايش على عصير البرتقال وأن العصير كان بيتعمل له مخصوص وبيخضع لأجراءات أمنيه معقده يبقى إسرائيل سممته أزاى وأمتى وفين ؟؟؟ ولا هما عاوزين يعملوا بطولات وهميه وخلاص 

طيب لما تعرف أن عمر سليمان خريج كليه حربيه يعنى خضع لكشف طبى قبل دخول الكليه وأن طوله وقتها المفروض لايقل عن 167 سم وحنفترض جدلاً أن عمر سليمان دخل الكليه الحربيه بحد أدنى للطول وهو 167 سم وطبعا كلنا عارفين أن الميت بيتحط معاه فى النعش مخده علشان يحطوا راس الميت عليها يعنى المفروض يكون نعش عمر سليمان 167 سم بالأضافه لـ 20 سم على الأقل للمخده يعنى لو عملنا النعش مخصوص لعمر سليمان يبقى المفروض يكون طوله 187 سم يعنى تقريبا 2 م وهو ده فعلا المطلوب طيب إيه رأيك ورأى الناس اللى شافت النعش وهو خارج من مسجد آل رشدان كان تقريبا 150 سم ومش حتكلم ودورها أنت فى دماغك إلا لو سليمان لما غسلوا جثمانه كش من الميه مش تبقى واسعه قوى وواسعه خالص طيب بذمتك النعش اللى قدامك ينفع يكون فيع عمر سليمان الطويل جدا 

طيب لما تعرف أن زى مابتقول الروايات أن رانيا وداليا حضروا عملية الغسل والكفن فى أمريكا وكانوا مع أبوهم فى الطياره وركبوا معاه طيارة الجيش اللى نقلته من المطار ولما وصل المطار لفوه فى علم مصر لمستشفى وادى النيل ولما دخل المشرحه للأنتظار رفعت رانيا العلم والكفن من على وش أبوها وبعدين طلعت الموبايل وصورت وشه ... طيب ليه صورته لما هو عمر سليمان ولو عاوزه تصوره مصورتهوش ليه قبل الغسل والكفن فى أمريكا وهل هى محتاجه أنها تصور أبوها ومعندهاش صور له ولا هى شافت حاجه فى الجثمان وصورتها أو شكت مثلا أن الجثمان مش بتاع أبوها ولا هى صورت الجثمان علشان يبقى معاها أى دليل أنه مش أبوها وقصة التصوير دى لوحدها حدوته وعاوزك تدورها فى نافوخك

طيب لما تعرف أن بعد نشر اليوم السابع لتفاصيل موت سليمان على لسان رانيا شخصياً طلعت رانيا فى مؤتمر صحفى وأنكرت ونفت أنها تكون أتكلمت مع اليوم السابع

كلنا عارفين أن مصطفى بكرى كان صديق شخصى لسليمان وعنان وشفيق وكان بيروح الجيم كل يوم ثلاثاء مع الباشا ويعرف كتير من تفاصيل حياته ويكتب كتاب عن حياة عمر سليمان ويحكى فيه أسراره نقلا عن بنته رانيا وعن الباشا شخصيا بحكم أنهم كانوا بيدردشوا سوا فى الجيم فى بعض الأمور السياسيه وبعدين تطلع رانيا تكدب مصطفى بكرى وتقول ماقابلتوش ولا بابا أتكلم معاه وتكدب الكتاب جملةً وتفصيلاً وبعدين يطلع مصطفى بكرى يكدبها ويقول أن اللقاء بينها وبينه كان فى حضور 4 شخصيات ويذكر أسماء الشخصيات ومنها زوجها ويقول أمارات عن اللقاء وكان فين وكان إيه شكل العفش بتاع الشقه بتاعة رانيا ومين حاضر ويحكى تفاصيل دقيقه تكدب رانيا مش برضوا دماغك تتلخبط ... وده مالوش غير تفسير واحد أن فيه حد كلم رانيا وقالها أقفلى على الموضوع ده مش عاوزين وجع دماغ أو فيه حد له مصلحه أن تفضل حالة الجدل دى موجوده خصوصا وأنه عارف الشعب المصرى وعارف بتوع الفيسبوك بيعبدوا إله جديد أسمه اللايك والشير

طيب لما تعرف أن رئيس المخابرات الأمريكيه أتصل على رانيا قبل دفن الجثمان بساعه فى التليفون وقالها (( البقاء لله أبقى سلميلى على والدك )) فهل فيه عاقل بيبعت سلام لحد ميت وأزاى رانيا حتبلغ لوالدها السلام وهو ميت مش واسعه حبتين

طيب إيه رأيك أن أول لما وصل خبر وفاة الباشا  لمصر محمد مورسسيان بصفته رئيس للجمهوريه قال لطنطاوى المفروض أنى أحضر الجنازه فقال له طنطاوى أكيد يابن الهبله فقاله طيب جهزوا الدنيا علشان ححضر الجنازه ولازم تعملوا جنازه تليق بيه وفعلا نزل الحرس الجمهورى وأعدوا العده لحضور مورسى للجنازه وجهزوا وأمنوا المكان كويس قبل وصول الجثمان لمصر لكن مورسسيان غير رأيه بعد وصول الجثمان مطار القاهره ولم يحضر الجنازه ومتعملتشى جنازه تليق بعمر سليمان يبقى ليه مورسسيان غير رأيه بعد وصول الجثمان مصر ولا فيه حد بلغه بفشل عملية أغتيال سليمان

طيب إيه رأيك وكنت نزلتلك صوره لطنطاوى على صفحتى الشخصيه وهو ماشى يضحك فى جنازة عمر سليمان مش كان المفروض على الأقل يمثل أنه حزين وبرضوا دى مش واسعه حبتين ولا هو قاصد يبلغ حد معين رساله معينه

طيب إيه رأيك أن القوات المسلحه زى مابيقولوا رفضت تبعت طياره عسكريه تجيب جثمان عمر سليمان والسفاره رفضت تجيبه على نفقتها مع أنها فى روايه تانيه قالت أنها أتحملت نفقات أقامة المرافقين مش برضوا دى كمان واسعه حبتين

طيب إيه رأيك أن سفيرنا فى واشنطن طلع فى مؤتمر صحفى ونفى أن يكون عمر سليمان دخل أمريكا من أصله للعلاج وقال من أمتى عمر سليمان بيجيى أمريكا ومنكونشى فى إنتظاره والترتيب لزيارته وقال للصحفيين أنتم متخيلين إحنا بنتكلم عن مين أحنا بنتكلم عن عمر سليمان ... مش دى حاجه تلخبط النافوخ أزاى دفعوا تكاليف علاجه فى روايه وأزاى ماسافرشى أمريكا من أساسه للعلاج أيه رأيك مش برضوا واسعه حبتين

طيب إيه رأيك فى كلام مصطفى الفقى لما قال فيه حد من مصلحته (( عدم فك اللغز )) وأن المجلس العسكرى هو سبب هذا اللغط وكان ممكن يريح الناس بكلمتين

طيب إيه رأيك أن جواز السفر بتاع عمر سليمان اللى بيقولوا أنه مكانشى قادر يتنفس وفيه ميه على الرئه وقلبه تدهورت حالته ووصل لأقل من ربع قوته فى آخر شهرين وأن قلبه كان ضعيف جدا بيقول أنه مقعدشى فى مكان 10 أيام على بعضها وكلها سفريات لألمانيا وأبو ظبى وسوريا

طيب إيه رأيك أن عمر سليمان قبل موته بـ 5 أيام وهو عيان وعنده مياه على الرئه وبيفيص أشترى من محل شهير بمصر 6 بدل كامله و 6 ترنجات و 2 مضرب أسكواش من القاهره لكن أحد الروايات بتبرر شرائه البدل والترنجات أنه وزنه أنخفض بشده وأن بعد ماكان مقاسه فى البدل 56 أصبح 52 طيب تقدر تقولى أشترى الترنجات ليه طيب تقدر تقولى راجل صحته بتتدهور بهذه السرعه ومش قادر ياخد نفسه وعنده ميه على الرئه أشترى مضارب أسكواش ليه ... جايز حيلعب أسكواش وهو نايم فى المستشفى

طيب أزاى عمر سليمان كان فى مستشفى فى أبو ظبى وفى نفس الوقت برضوا فى مستشفى فى أمريكا وحالته متدهوره ده لو عرفنا أن عمر سليمان شخصيه واحده وصعب تتواجد فى أمريكا وأبو ظبى فى وقت واحد

قلتلك فى الحلقه رقم 43 أن أحمد أبو الغيط قبل وفاة سليمان بـ 4 أيام فى مزكراته أن سليمان قاله أن فيه راجل واحد اللى حيقدر يخلص مصر من الأخوان فسأله أبو الغيط مين ياعمر فقاله السيسى بتاع المخابرات الحربيه ... طيب أزاى كان فى مستشفى فى أمريكا وبيصارع الموت وعنده فشل على الرئه وقلبه ضعيف ووصلت قوته للربع وفى نفس الوقت كان قاعد مع أحمد أبو الغيط فى مصر ياأخى أنا حتجنن

طيب إيه رأيك فى حلقة طونى خليفه بين الباحثه السياسيه الدكتوره إيناس الشوربجى والدكتور محمد الباز بتاع مشروع تعطيل أحكام القرآن لفتره زمنيه لمراجعتها ومؤلف كتاب العقرب السام اللى عمر سليمان أنزعج من أسم كتابه المهين معرفشى يرد على الدكتوره إيناس الشوربجى أو أسئلتها

طيب لنفترض أن أنا وأنت بعد الفار مالعب فى عبنا وعندنا شك فى موت عمر سليمان أننا أذكى من كل مخابرات العالم وعلى رأسها أمريكا وأنهم ماشفوش ولا وصلوا للى أنا وأنت وصلنا له ... طبعا كل اللى قلته وأكتر منه كان قدام رؤساء مخابرات العالم فماذا حدث ليقتنعوا بموت عمر سليمان

نقطه ومن أول السطر ونرجع لتهديد عمر سليمان بفضح مخططات الأخوان وأمريكا ودى فى عرف المخابرات أنتحار لأن من أعراف المخابرات عدم التحدث علانيه بأى أسرار لتظل حياتك فى أمان ولتظل معك أوراق ضغط ممكن تحتاجها فى أى وقت لكن عمر سليمان هدد وبلهجه قويه وصريحه الأخوان والأمريكان وكان لازم يموت لأسكاته وقلتلك أن سليمان كان مواظب على الذهاب لمبنى المخابرات المصريه وأن علاقته بتلميذه مراد موافى كانت ممتازه وأكيد بعد تصريحات سليمان العلنيه كانت المخابرات المصريه كثفت التحريات حول كل مايتعلق بحياته وعلى فكره مش سليمان بس اللى بيتعمل معاه كده ده أى رئيس مخابرات بيحافظوا على حياته بعد تقاعده خوفا من الأختطاف ومعاه كل أسرار البلد وفعلا وصلت معلومات بنية تصفية عمر سليمان جسديا وحكيت لك القصه دى كامله فى سلسلة مقالات مصر أم الكون والبيانات الخاصه بالسلسله وحنحاول نعيد نشرها فى أقرب فرصه مره أخرى وموجوده على مدونتى الخاصه وعلى صفحتى الشخصيه وكل اللى عليك علشان توصل لها أنك تكتب فى محرك البحث جوجل (( سلسلة مقالات مصر أم الكون )) أو تعمل سرش على أسمى بالأنجلش Genral Bahaa ELshamy أيضا على محرك البحث جوجل وحكيت لك فى هذه السلسله كيف تم التجهيز للخطه وكيف تم أستبدال وضع جثمان فى السياره اللى تم قصفها بعد وصول سليمان لسوريا وقلتلك بالتفصيل على وصول الجثمان المستبدل لألمانيا وحكيت لك على موضوع تحليل DNA اللى أتعمل للجثمان وألمانيا أبلغت الأمريكان أنه مش عمر سليمان علشان كده لما وصل الجثمان أمريكا سفروه فورا على مصر وهى دى حجة اللى بيقولوا أنه كان بيتعالج فى أمريكا

طيب عمر سليمان مات وأندفن ونام فى قبره ليه القوات المسلحه فرضت حراسه مشدده على المدفن اللى أندفن فيه ولا كان فيه حد خايف أن الجثمان تتاخد منه عينه وتتحلل تانى وتالت علشان يتأكدوا ويعرفوا مين اللى أندفن مكان عمر سليمان

طيب لما تعرف أن وصية عمر سليمان رغم أنه بنى مدفن فى القاهره لكن كانت وصيته أنه يندفن فى مسقط رأسه بمحافظة قنا وأهل الميت بيكونوا حريصين على تنفيذ وصيته ليه أندفن فى القاهره بأوامر من طنطاوى علشان يشددوا الحراسه على قبره

فى البرتوكول الأمريكى بخصوص وفيات الشخصيات العامه والمخابراتيه هناك عرف أو برتوكول وهو أخذ 12 عينه من المتوفى والأحتفاظ بها فى المستشفى وفعلا أخذوا من الجثه اللى كانت عندهم 12 عينه لكن فور خروجها من المستشفى أختفت فى ظروف غامضه ويقول أحمد أبو الغيط أن العينات ذهبت فور أختفائها للمخابرات الأمريكيه

نقطه هامه ومهمه وخطيره لمن شاهدوا بأعينهم فعند وصول الجثمان لمطار القاهره كما وضحنا بالسلسله كانت فيه سيارتين أسعاف ماشيين فى الجنازه من المطار لمستشفى وادى النيل وعند وصول الموكب أمام المخابرات العامه دخلت سياره منهم مبنى المخابرات ولم تخرج ومش حوضح أكتر من كده وعندك كتاب أحمد أبو الغيط تقدر تتأكد منه وعلشان كده رانيا صورت الجثه اللى كانت فى مشرحة مستشفى وادى النيل وعلشان كده أتعملت حراسه مشدده لمدة شهرين على المقبره وعلشان كده كان النعش أقصر من طول عمر سليمان وعلشان كده مورسسيان محضرشى الجنازه وعلشان كده طنطاوى كان ماشى بيضحك وعلشان كده المخابرات منزلتشى نعى لرئيسها السابق

فى رابط الفيديو اللى حطيته لك فى آخر مقال بين الباشا وعبداللطيف المناوى كان الباشا بيرد على سؤال للمناوى بخصوص موقعة الجمل وقال سليمان اللى عملوا الموقعه دى حيتعرفوا وحيتحاسبوا أشد حساب وسيكون حسابهم عسيراً ولو أنت فاكر فى السلسله كنت قلت لك أن الأخوان كانوا حريصين على أخذ تعهد من الباشا بعدم الملاحقه القضائيه وقلتلك فى المقالات السابقه أزاى الأخوان يتحملوا موقعة الجمل على مدار 4 حلقات كامله

بعد ترشح الباشا فى الأنتخابات بعد ضغوط كثيره الأخوان عملوا حمله شرسه عليه زى كل الحملات اللى أتعملت على باقى المرشحين لكن الحمله ضد عمر سليمان كانت شرسه وقذره وحاولوا يحملوه بصفته رئيس المخابرات ويعرف كل شئ تحميله كل جرائم نظام مبارك وأتهموه بقتل سليمان خاطر وقالوا عنه أنه عميل للمخابرات الأسرائيليه وكان بيقود الحمله دى عيل أسمع أحمد عدلى على مواقع الأخوان والوفد والمصرى اليوم وأنا رديت على الجزئيه دى بالمقال

أذن من كل ماسبق أصبحت حياة صقر مصر الذهبى وخازن أسرارها فى خطر وفى العرف المخابراتى عيب تقتل لى عميل ميدانى أو تقتل ظابط ميدانى أو ظابط مكتبى رغم سهولة ذلك لكنه عيب بل العيب وكل العيب أن تعرفه وتصل له فما بالك وأن عمر سليمان لم يكن ظابط ميدانى أو ظابط مكتبى بل كان رئيس جهاز مخابرات مصر ومن منطلق محدش يعلم علينا وأحنا اللى بدعنا العلام كان لابد من توصيل رساله للمخابرات الأمريكيه ووصلتهم فعلا وده كان واضح جدا ولايقبل التشكيك فى مكالمة جنيت رئيس جهاز المخابرات الأمريكيه وقتها لرانيا سليمان (( أبقى سلميلى على بابا ))

 (( خالتى بتسلم عليك )) جمله شهيره فى مسلسل جمعه الشوان فى أنتصارها على جهاز الموساد وكان لابد من توصيلها للمخابرات الأمريكيه ووصلتهم فعلا أن كان راجلنا أخطأ وهددكم نعدكم بعدم حديثه مره أخرى وسيختفى نهائيا وده تعهد جنتلمان لكن تقتلوه وتعلموا علينا أهو ده اللى بعيد عن شنبكم لو لكم أساساً شنب وتم أخفاء الباشا فعلا نهائيا وتعمدوا أظهار تلك الثغرات العبيطه التى لاتدخل دماغ عيل فى أبتدائى مش ظباط مخابرات اللى قلتلك عليها فى هذا المقال بأختصار وذكرناه فى سلسلة مقالات مصر أم الكون بأستفاضه علشان يقولوا للعالم عمر سليمان لازال حى يرزق لكنه أختفى ولن يتكلم فيما تخافوا منه وكانت الخطه اللى قلتلك عليها فى مصر أم الكون بالتفصيل

أنتهت سلسلة مقالات الصقر الذهبى عند هذا الحد وأنتهت لقائتكم مع (( فريق مصر أم الكون )) أيضا فى هذه السلسله لكن لم تنتهى لقائتنا معكم سأكون معكم بقلمى وستكونوا معنا بعقولكم فى سلسلة مقالات أخرى فنحن لسنا موقع أخبار أو موقع معلوماتى ولكن فريق تحليلى

نخرج من هذه السلسله ببعض الدروس المستفاده وتعالى نقولها مع بعض بصوت عالى

** مبارك كان رئيس لمصر أختلفنا أو أتفقنا على أسلوب إدارته لشئون الحكم لكن سنكون متفقين أن تدخل سوزان وجمال أفقده توازنه وأن موضوع التوريث جلب لمبارك ومصر المتاعب

** أستبعاد أسامه الباز كمستشار سياسى محنك بعد أزماته مع جمال وسوزان كان أهم مسمار فى نعش نظام مبارك

** بطئ مبارك وبطئ تفاعله مع الأحداث بالسرعه المطلوبه كان سبب رئيسى لسقوطه

** نختلف أو نتفق على مبارك لكنه ظل كأحد رجال القوات المسلحه لديه تخوف على مصالح البلد

** أى رئيس عربى أو مصرى يصل للحكم بدون رضا الأمريكان يدفع الشعب الثمن لخروجه من القفص الأمريكى

** الأمريكان لو رضوا عليك يحموك وفى نفس الوقت يصنعوا معارضه تنغص عليك عيشتك علشان يحموك منها يعنى يبقى النظام والمعارضه تحت طوعهم وبتكون المعارضه مروضه يعنى أسد من غير أسنان بعكس لو رئيس مش هواهم بيحاولوا يعملوا معارضه ذات أسنان قويه

** أوعى تطمن لأى ضوء أخضر من الأمريكان حينقلبوا عليك ويضيعوك ويضيعوا البلد

** أمريكا وأسرائيل كانتا ولاتزالا وسيظلان العدو التقليدى لمصر وكل من يسير فى ركابهم

** الأخوان ولدوا فى هذا الوطن وتعلموا فيه وشربوا من نيله وأستنشقوا هوائه لكنهم تم نزع أنتمائهم للوطن وأستبداله بالأنتماء للجماعه وخانوه وصلاح نصر قالها اللى يخون مايستاهلشى يشيل الجنسيه المصريه 

** أى معارض أو مغضوب عليه من نظام الحكم له شبه علاقه أو أتصال بالأمريكان تقدر تقول بالفم المليان عليه خائن

** الأمريكان لايقبلون بأى رئيس لأى بلد عربى له ظهير شعبى ولو بنسبه ضئيله

** أعدائك فى الخارج لايطيقون جيش بلدك وهدفهم جيش بلدك قبل منك لأنه لو سقط جيش بلدك أنت مش حتلاقى اللى يحميك منهم والعراق وليبيا واليمن واللى حصل فيها أقرب مثال

** أحذر وتوخى الحذر من منظمات المجتمع المدنى وأى كلام معسول منهم أو من أمريكا اللى وراهم وأوعى تأمن للأمريكان ولو فى بق ميه

** حدود مصر الشرقيه كانت ولازالت وستظل هى أهم مشاكل مصر رغم أى أتفاقيات

** لو خدت من الكلب صوف تاخد من الفلسطينى معروف ولازم تعرف أنه عدوك مهما كان كلامه معسول ومهما كان أسم حركته سواء فتح أو حماس كلهم أنجاس وفى لحظه يبيعك لكلاب السكك تنهش فى لحمك زى ماباع بلده واللى يبيع أول مره سهل يبيع بعد كده

** مصر هى التى أنشأت منظمة التحرير الفلسطينيه التى خرجت منها حركة فتح وتاريخها الأسود مع المصريين وحركة حماس وتاريخها الدموى مع المصريين عام 1964 فى مؤتمر القمه العربيه بالأسكندريه وقبل ماحد يتهم السلسله بالتضليل فى موضوع عقد بيع سيناء أحب أفكر اللى مقروش تاريخ أن هذا الأقتراح ليس وليد اليوم بل هى أمانى ومقترحات والفكره موجوده منذ عام 1967 فى مباحثات روما بين مصر وأمريكا برعايه أيطاليه على الأنسحاب الأسرائيلى من سيناء وكانت من 8 بنود ويتضمن البند السابع توطين الفلسطنيين فى صحراء سيناء بعد الأنسحاب منها فى مقابل أن تقوم أمريكا بتعويض مصر بتنفيذ برنامج أقتصادى وصناعى لمدة 30 عام وأن تسدد أمريكا كافة ديون مصر بعد الحرب وتساعدها على إعادة بناء الجيش لكن عبدالناصر والروس رفضوا هذا المقترح وحاولوا مع السادات أيضا فى مفاوضات كامب ديفيد لكن السادات رفض المبدأ شكلاً وموضوعاً وعلقت المفاوضات لفتره ثم أستأنفت بعد أستبعاد هذا الأقتراح الذى حاول الأخوان تنفيذه بتوقيع وثيقة قطر عام 2004

** حكاية الأعلام المصرى أكذوبه كبيره ولازم تعترف وتجيب من الآخر معندناش حاجه أسمها إعلام زى معندناش حاجه أسمها تعليم

** مبارك هدم المجتمع المصرى هدمه فعلا بكل ماتحمله الكلمه من معانى هدمه على مدار 30 عام والهدم أسهل من البناء ... مبارك هدم القيم والمبادئ والأصول والعادات وأصبحنا نبحث للموبيقات عن أسماء شيك تليق

سعدت بكم وكنت معكم نائباً عن فريقى على مدار 62 حلقه من سلسلة مقالات الصقر الذهبى وسعدنا بكم وبمتابعتكم ونشكر من قلوبنا من تابعونا ومن دعمونا منذ 28 مارس 2017 ومن قبلهم من تابعونا منذ بداية سلسلة مصر أم الكون بتاريخ 24 أكتوبر 2016 ونتمنى أن نكون وفقنا فيما كنا نصبو إليه من أزالة التراب عن أحداث هامه وخطيره من تاريخ مصر الحديث ونعتذر عن الأخطاء الأملائيه ونعتذر عن أى سهو أو خطأ غير مقصود ونشهد الله أننا كنا معكم حياديين فى نقل ماتوصلنا له من خلال مايزيد عن 30 كتاب وأستبعدنا الروايات المتناقضه والغير مؤكده وأستعنا ببعض الكتب لنتفهم بعض الأحداث ودوافعها مثل كتاب تفتيت الشرق الأوسط لجيرمى سولت رغم حجمه الرهيب 818 صفحه وكتاب خيارت صعبه لهيلارى كلينتون وكتاب المنظمات السريه التى تحكم العالم لسليم مطر وكتاب شهادتى.. السياسة الخارجية المصرية 2004-2011 لوزير الخارجيه الأسبق أحمد أبو الغيط وأستبعدنا أجزاء كثيره من كتاب الصندوق الأسود لمصطفى بكرى لتناقض أحداث كثيره مع بعض الكتب ومقالات كثيره على جريدة الوطن واليوم السابع وأستمعنا لبرامج وفيديوهات كثيره تخص السلسله كان أهمها تصريحات سليمان شخصيا لعبداللطيف المناوى على هذا الرابط

 https://www.youtube.com/watch?v=KNpVpNWgNcg

 وأستبعدنا كتاب العقرب السام لمحمد الباز الذى هاجمته الصحافه على سوء وردائه وأهانة الأسم لتاريخ عمرر سليمان  لتناقض بعض الروايات مع باقى المصادر وأستبعدنا كتاب رجل المخابرات الغامض لمحمد الباز لنكون معكم حياديين ومستأمنين فى كشف الحقائق بقدر المستطاع فيما عدا مايحتمه علينا أنتمائنا كمصريين مثلكم عاشقين لتراب هذا الوطن الغالى ونأمل من المولى عز وجل أن نتواصل معكم فى سلسلة مقالات أخرى فى أقرب فرصه ممكنه كما لايفوتنا شكر الجميع وخاصة أدمن الصفحات التى كانت تساعد على نشر السلسله بعملية المشاركه القانونيه عكس من سرقونا وهاجمونا سواء قبل أن نبدأ أو أثناء الحلقات ولنا رجاء خاص اللى يعرف الحازق السياسى أحمد عدلى يجيبه يقرا تاريخ المرحله بدل التلويش اللى عمال يعمله على مواقع الأخوان وأحب أقول له كما قال الباشا عندما أخبروه بهجوم أحمد عدلى عليه سيبوا تاريخى وأفعالى هى اللى ترد عليه أما موقف جريدة المصرى اليوم فمعروف توجهاتها وأنتمائتها وكما قلت لك فى مقال اللامعقول فى عالم العقول الصحف تمتلكها أجهزة مخابرات ولما جريده مصريه تهاجم مخابرات مصر لوحدك كده تبقى عارف مين اللى وراها وأحب أقول لجريدة المصرى اليوم والوفد والمواقع الأخوانيه والنحنوح جمال سلامه اللى بيقولك دول العالم بتستعين بيا علشان أنمى اقتصادها عمر سليمان كان رئيس جهاز المخابرات العامه مش قاضى تحقيقات أو قاضى أحكام مهمته يجمع معلومات ويقدمها لصانع القرار وبعد كده دوره ينتهى أما بطريقتكم اللى بتعتمد على جهل القارئ وعدم ألمامه بخبايا هذا العالم الغامض يبقى عمر سليمان مشارك فى أى قضيه أو جنحه فى مصر وتقدر تحط أى رئيس مخابرات فى العالم فى نفس الخانه وكنت أود تفنيد مزاعمهم لكن إحترامى الشديد لشخص سيادة اللواء عمر سليمان سيمنعنى من ذلك وسأكتفى بمقولته (( تاريخى يرد عليهم   ((

كان معكم الناشر الرسمى بأسم الفريق

جنرال بهاء الشامى

الصقر الذهبى رقم 61

إنتبه ثم أنتبه ثم تيقظ باقى حلقه واحده وعليك إستحضار كل حلقات سلسلة مقالات مصر أم الكون بحلقاتها العشرين وسلسلة مقالات الصندوق الأزرق بكل حلقاتها وكل حلقات هذه السلسله التاريخيه علشان بعد الفطار حزغدك الحلقه الأخيره اللى فيها البهاريز كله وعلشان لما أصدمك فى الأمل اللى أنت عايش فيه ميبقاش تهيئات صيام ويلا بقى نبطل رغى ونخش فى الموضوع ونشوف الأحداث

وصلا بما سبق كان بيان التنحى قد تم أعداده وتسجيله فى مبنى وزارة الدفاع فى تمام الرابعه وأنتهوا من أعداده من نسختين لكن سوزان مبارك ونجلها لازالا فى فيلتهم

تسلم أسماعيل عتمان شريط البيان وراح يركب السياره اللى حتنقله لماسبيرو فقال له طنطاوى معاك أمانه كبيره حافظ عليها وحافظ على سرها وتكون جاهز  قبل السادسه مساءاً ولا تذيع إلا لما  أتصل عليك

كان مبارك أتصل على جمال ووالدته وطلب منهم الحضور لشرم الشيخ فورا  ولم يخبرهم بقرار التنحى

فى الوقت ده أتصل سليمان بجمال مبارك وطلب منه يسافر لشرم الشيخ وقاله خلاص الريس تنحى عن الحكم ولازم تسافر حرصا على حياتك لكن جمال لم يقتنع من هول المفاجأه لكن الباشا فضل يكررها عليه فى التليفون سافر ياجمال أبوك خلاص أتنحى سافر ياجمال أبوك خلاص أتنحى وبعد كام مره أقتنع جمال وقاله خلاص حسافر بس والدتى رافضه تسافر وبتقول مش حسيب بيتى

الساعه 4.45 أتصل جمال بالباشا وقاله خلاص حسافر أنا ووالدتى  بعد قليل

كانت الحشود الجماهيريه قد ملئت الشارع الفاصل بين قصر الأتحاديه ومقر فيلا أقامة مبارك الذى أصبح حينها رسمياً رئيس مصر السابق لكن الجماهير لاتعرف ذلك حتى اللحظه   فخاف جمال أن يقتحموا الفيلا لكن والدته أصرت على موقفها وقالت مش حسيب بيتى مما أضطر جمال لسحبها بالعافيه من دراعها وجرها لحد سلم الطائره الهليكوبتر اللى كانت منتظراهم ودارت محركات الطائره لترتفع فى السماء والناس فاكره أن مبارك هو اللى فيها وحيهرب ومايعرفوش أن مبارك من ساعات وصل شرم الشيخ وأنه خلاص تنحى  لتختفى الطائره فى السماء وتختفى سوزان للأبد من حياة المصريين كزوجه لرئيس الجمهوريه ويختفى جمال كنجل لرئيس الجمهوريه ليظهر فيما بعد فى قفص الأتهام ثم يظهر علينا بعد سنوت طويله ليحاول مره أخرى للوصول لكرسى حكم مصر ولما لايحاول وليس هناك أى عائق دستورى ولازال له رجاله من رجال الأعمال وأبواقه من رجال الأعلام وقاعده عريضه من الفاسدين والمنتفعين من عصر مبارك   وكانت الساعه وقتها 5.10 بتوقيت القاهره

وصل أسماعيل  عتمان لمبنى ماسبيرو وقابل عبداللطيف المناوى رئيس قطاع الأخبار وأخبره أنه معاه فيديو مسجل ويريد أذاعته لكنه مستنى تليفون من المشير لأذاعته

الساعه  6 إلا 3 دقائق  مساءا بالتمام والكمال رن جرس موبايل عتمان ليخبره طنطاوى  عليك أن تذيع الشريط فورا مش كل شئ عندك تمام فقال له عتمان أيوه يافندم كله تمام

بعدها بدقيقتين ظهر عمرسليمان على شاشات التليفزيون ليعلن للعالم كله عن تخلى  مبارك عن الحكم  وأنتهاء عصره  وعلت الهتافات فى الميدان الجيش والشعب أيد واحده ولم يشعر أحد من الفرحه أنه تنتظره أيام سوداء كاحله على آيادى جماعة الأخوان ليكملوا مابدأوه منذ عام 2004 وتم الأتفاق عليه فى مؤتمر الدوحه وتنفيذ الخطه (( أ )) التى نجح تنفيذها لكن عندما أفاق المصريين من غيبوبتهم وتيقنوا مما يحاك لهم وعرفوا أبعاد المؤامره وبدأت تتكشف أمامهم بعض الحقائق وللمره الثانيه يلجأون لجيشهم لأنقاذهم من جماعة الشياطين كما أنقذهم من قبل من الملكيه والأقطاع  ليعود فى 2011 لينقذهم من حكم مبارك فى حقبه زمنيه تقارب الـ 60 عام تعرض فيها جيش مصر للأهانه ثلاث مرات  على يد الأخوان الأولى عقب نكسة 1967 وأتهموه بالخزى والعار والضعف وأنساق ورائهم الشعب لكن بعزم الرجال والأيمان بالهدف والمستهدف أستطاع الجيش المصرى أصلاح غلطته فى حرب عام 1973 ليسطر للعالم والتاريخ الحديث والقديم ملحمه بطوليه خارقه ستظل تدرسها الأكاديميات العسكريه طويلا وأحتار فى تفسيرها المحللين العسكريين وكانت المره الثانيه بعد منتصف عام 2011 وأستطاع الأخوان تشويه صورة الجيش للمره الثانيه وأنساق خلفهم المصريين للمره الثانيه  وفى أقل من عامان وكأن التاريخ يرفض إهانة هذا الجيش ويتعاطف معه لتتكشف الحقائق ويعود المصريين لأحضان جيشهم ليغفر لهم أهانته ماتقدم منها وماتأخر ثم تأتى المره الثالثه عقب أنتفاضة 30 يونيه ويحاول الأخوان مره أخرى  لكن هذه المره كان المصريين على  يقظه من أمرهم ولم ينخدعوا هذه المره لتظل القلوب بداخلها تردد الجيش والشعب كيان واحد فكان ولابد للأخوان حسب المخطط سابقا أن يبدأوا فى تنفيذ الخطه (( ب )) وهى خطه أعدت فى مؤتمر الدوحه 2004 فى حالة تمسك مبارك بالحكم أن يهزموه أقتصاديا وأرهابيا وتخريبيا ولما كان مبارك قد تنحى ونجحت الخطه (( أ )) لكن بعد عامان وبعد أن أقصاهم الشعب والجيش وجب لجوئهم للخطه (( ب )) وأذا فشلت الخطه (( ب )) سيلجئون للخطه (( ب مكرر )) وهى تعتمد على أثاره النعرات الطائفيه ثم الأستعانه بالتدخل الخارجى   

بعد أذاعة البيان كان طبيعيا أن يسأل سليمان المشير عن موعد اللقاء الذى سيجرى من خلاله تنفيذ ماجرى الأتفاق عليه فقال له المشير نخليه بكره الساعه 12 الظهر وأنصرف الجميع بعد أن تم الأتفاق على أن يظل أحمد شفيق رئيسا للوزراء

فى مساء نفس اليوم ألتقى المشير طنطاوى بالمستشار ممدوح مرعى والمستشار فاروق سلطان رئيس المحكمه الدستوريه العليا وعرض عليه المشير تولى منصب رئيس الجمهوريه على أن تظل السلطه التنفيذيه فى يد المجلس العسكرى لكن المستشار سلطان رفض الفكره نهائيا فتم التكتيم على الموضوع

كانت فى المساء طرحت بعض الأراء  بتشكيل مجلس رئاسى لكن تم رفض الفكره لعدم أستقرار الأوضاع الأمنيه فتم صرف النظر وتم تأجيل الأجتماع المزمع عقده تانى يوم فتم الأتصال على سليمان لأخباره بتأجيل الميعاد ففهم  سليمان أن هناك تراجعا عما تم الأتفاق عليه إلا أنه لم يعترض

تانى يوم وصل سليمان لمبنى وزارة الدفاع الساعه 7 مساءاً بعد أن قضى اليوم كله نائما من عناء سهر الليالى الماضيه  ووصل بعده بقليل الفريق أحمد شفيق وأجتمعا مع طنطاوى وتم حوار بينهم فهم منه الباشا أن المشير عدل رأيه فى فكرة تعيين مجلس رئاسى فأستأذن سليمان المشير ليذهب على مكتبه بالقصر الجمهورى فقال له المشير مكتب إيه مكتبك جنبى هنا ففهم الباشا أن الأمر قد حسم وأنه لم يعد نائباً لرئيس الجمهوريه وعندما وصل لمنزله فوجئ بتعطل تليفون الخط الساخن فأدرك أنه تم سحبه وعرف أنه أصبح بلا أى صفه رسميه فى الدوله  ومنذ هذا التاريخ لزم عمر سليمان منزله لفتره طويله ثم عاوده الحنين لمكتبه بالمخابرات فكان يذهب لمبنى المخابرات 3 مرات أسبوعياً وخلى بالك من دى قوى  ليلتقى مع زملائه القدامى لكن لم تنقطع أتصالات طنطاوى عنه ولا أجتماعاته به  لطلب المشوره والرأى والتشاور فيما يخص شئون الوطن   من خبرات عمر سليمان

بعد فتره سافر الباشا لأداء فريضة الحج فطلعت أشاعات أنه حيشتغل مستشار لولى العهد السعودى وحزن صقرنا الذهبى جدا وقال بقى بعد كل خدمتى دى لبلدى حروح أشتغل مستشار فى بلد  تانيه وطلع وقتها بيان من القصر الملكى السعودى  ينفى الأشاعه جملةً وتفصيلاً وقال وقتها السفير السعودى فى مصر أحمد قطان أن مقام عمر سليمان وخبرته  عندنا أكبر من أن يشغل أى منصب بالسعوديه

أنتهت حلقتنا اليوم لكن لم تنتهى سلسلة مقالات الصقر الذهبى  وفى رقبتى  وعد قطعته على نفسى بالأجابه على السؤال الهام والخطير وهو هل عمر سليمان على قيد الحياه أم مات فأنتظرونى  سأكون معكم بقلمى وحروفى  وستكونوا معى بعقولكم لنستعرض كل الروايات فى هذا الصدد لنجيب سويا على السؤال الذى حير العالم بالمنطق والعقل فأنتظرونا والحلقه الهامه والخطيره والأخيره

جنرال بهاء الشامى

الصقر الذهبى رقم 60

إنتبه من فضلك باقى حلقتان فقط ويسدل الستار عن سلسلة مقالات الصقر الذهبى ونجيب عن السؤال الدائر حتى تاريخه هل عمر سليمان حى يرزق وطريح الفراش الآن فى أبو ظبى أم قتله الموساد الأسرائيلى أم أغتالته المخابرات الأمريكيه أم مات مسموما أم مات بقذيفه صاروخيه فى سوريا

نعاود لقائنا بكم بعد توقف فى الحلقه السابقه على أقتراب الساعه من الثالثه عصرا وتفويض سليمان بالحديث مع مبارك للتنحى الكامل  بعد سفره لشرم الشيخ ولحق به علاء وزوجته وأبنه عمرو وظلت سوزان وجمال فى منزلهما بالقاهره

أستدعى طنطاوى على وجه السرعه بعض الدستورين للبحث عن مخرج لنقل السلطه لمجهول لم يتم الأتفاق عليه

حضر الدستورين وبعد جلسه قصيره أجمعوا جميعا على أن المخرج الوحيد هو تسلم الجيش لدفة الأمور ولقى هذا الحل قبول الجميع خصوصا أنه حل سيرضى مبارك لكن ماهو المخرج الدستورى لذلك ؟؟؟

أمسك سليمان بالتليفون الأرضى وطلب توصيله بمبارك فى شرم الشيخ وفعلا تم الأتصال وكان على الخط اللواء حسين محمد من سكرتارية رئاسة الجمهوريه وكان مع مبارك فى شرم الشيخ وكانت أصعب مكالمه على سليمان والحاضرين وحبس الجميع أنفاسهم عندما بدأ سليمان حواره مع مبارك

■ مساء الخير ياريس

■■ مساء النور ياعمر خير يارب

■ يافندم الأمور والموقف الأمنى  يزداد تعقيدا ولابد من أتخاذ قرارت لعودة الجماهير لمنازلها

■■ إيه اللى أقدر أعمله ياعمر ؟؟؟ لقد تركت القاهره وجيت لشرم الشيخ ولم تعد لى سلطات والسلطه أنتقلت أليك

■ لكن الأوضاع تزداد سوءا ياريس لازم نشوف حل

■■ فيه إيه تانى أقدر أعمله ومعملتوش ياعمر

■ الوضع صعب وخطير يافندم

■■ أنا قدمت كل اللى عندى وفوضتك فى كل المسئوليات أتصرف أنت البركه فيك

■ الناس رافضه التفويض يافندم

■■ ليه عاوزين إيه ؟؟؟ أنا سيبت كل كل حاجه وجيت شرم الشيخ إيه المطلوب منى أكتر من كده ؟؟؟

■ الناس مش مقتنعه وبتقول دى تمثيليه  

■■ تمثيليه أزاى ياعمر ؟؟؟ بالذمه ده أسمه كلام أنا مش عاوز حاجه ... أنا خلاص  حرتاح من المسئوليه والحكم ومشاكله أتصرف أنت ياعمر

■ أتصرف أزاى يافندم والناس مش مقتنعه والمتظاهرين رافضين أى قرار ومش مقتنعين بأى كلام ... أفتح التليفزيون يافندم ؟؟؟

■■ فيه إيه التليفزيون تانى ياعمر  ؟؟؟

■ الجماهير تزحف نحو القصر الجمهورى وحتحاصره

■■ طيب والباقيين رأيهم إيه ياعمر ؟؟؟

■ هذا ليس رأى لوحدى هذا رأى جماعى والفريق شفيق والمشير طنطاوى كلنا متفقين على هذا القرار

■■ قرار إيه اللى أتفقتوا عليه ؟؟؟

■  تسليم السلطه للجيش يافندم

■■ طيب أذا كان مفيش غير كده أبعتلى التليفزيون وأكتب الصيغه علشان أقولها فى خطاب صغير

■ مفيش وقت يافندم علشان أبعت التليفزيون لشرم الشيخ ونظل منتظرين ... الأوضاع تتفاقم وأنا خايف أحسن البلد تدخل فى بحور دم ... أرجوك ياريس عاوزين نخلص

■■ أنت عارف ياعمر أنا ولا عاوز موت ولا عاوز دم وسيبت كل حاجه وجيت على شرم الشيخ وموش عاوز حاجه ... بس قولى أنت وضعك إيه بعد التنحى ؟؟؟

■ أنا مايهمنيش وضعى حيبقى إيه أنا كل اللى يهمنى ننقذ البلد وبأقصى سرعه ياريس

■■ طيب شوفوا الصيغه المطلبوه وقولى وخلى بالك ياعمر لازم تدرسوها كويس من الناحيه الدستوريه علشان ماتقعوش فى مشكله دستوريه  

■ أوكى يافندم حندرس الصيغه وحكلمك

■■ أوكى وأنا فى أنتظارك

أنتهت المكالمه وقال سليمان على مضمونها للحاضرين المتواجدين بجواره وقال لهم الراجل خايف على البلد  وكان متفهم جدا رغم قسوتى عليه

على الفور كلف المشير اللواء ممدوح شاهين الأتصال على أحد الدستوريين والتشاور معه فى الصيغه الدستوريه المناسبه

أتصل شاهين على 3 دستوريين قانونين وأتفقوا على تسليم السطله للجيش أستنادا ((  لمبدأ الشرعيه الثوريه ))  وده المخرج الوحيد للمعضله الدستوريه الموجوده بالدستور وتعديلاته وتمت صياغة بيان التنحى كالآتى :

(( أيها المواطنون فى هذه الظروف العصيبه التى تمر بها البلاد قرر الرئيس  محمد حسنى مبارك تنحيه عن منصب رئيس الجمهوريه وكلف المجلس الأعلى للقوات المسلحه بإدارة شئون البلاد والله الموفق والمستعان ))

فورا أتصل سليمان بالرئيس مبارك وأخبره أنهم توصلوا لصيغه نهائيه وهى تتضمن تكليف القوات المسلحه كما طلبت

قال مبارك وهذا هو االمطلوب لكن أرجوك لى عندك طلب أن يتم أستبدال كلمة تنحى وتضع بدالها كلمة  تخلى كما ورد بالبيان (( تخليه عن منصب رئيس الجمهوريه )) ثم طلب منه عدم أذاعة البيان إلا بعد رحيل زوجته سوزان وأبنه جمال حتى لايتعرضا للأيذاء

■■ فقال سليمان أرجوك تكلمهم بنفسك لأنهم مش مقتنعين

■■ فقال مبارك لسليمان أوكى بس  خلوا بالكم من البلد ياعمر

■■ فقال سليمان ألا تفكر فى السفر ياريس ؟؟؟

■■ فقال مبارك وأسافر ليه ؟؟؟ أنا قاعد فى شرم الشيخ  ومش حسافر إلا للضروره وحرجع تانى

■■ قال سليمان حنعطيك فرصه أسبوع للتفكير

■■ فرد مبارك ولا أسبوع ولاغيره أنا عاوز أموت هنا وأندفن هنا

■■  فقال سليمان طيب نعطيك حصانه قضائيه محدش يعرف الأمور حتوصل لإيه

■■ فرد مبارك حصانه قضائيه ليه ؟؟؟ هو أنا عملت حاجه ؟؟؟ أنا مش عاوز حصانات ولو فيه حاجه غلط عملتها أنا مستعد للمحاسبه ... أنا لو قبلت بالحصانه ياعمر  يبقى فيه حاجه عاوز أتستر عليها

■■ تأمرنيش بحاجه ياريس ؟؟؟

■■ شكرا ياعمر وأبقوا خلوا بالكم من البلد

أغلق الطرفان الخط وكانت آخر مكالمه لمبارك بصفته رئيساً للجمهوريه وكانت دى آخر مكالمه بينه وبين أخلص المقربين منه وآخر مره يسمعوا صوت بعض

عدل سليمان الصيغه كما طلبها مبارك وأستدعى سامى عنان اللواء إسماعيل عتمان مدير الشئون المعنويه لتجهيز كاميرات التصوير ليقوم بألقاء البيان لكن بعض الحضور أعترضوا على ألقاء  سامى عنان للبيان وأصروا على أن يلقيه عمر سليمان بحجة أن الناس ممكن تفهم أنه أنقلاب عسكرى لو ألقاه أحد قادة الجيش وبعد مداولات أبدى عنان موافقته على رأى الأغلبيه 

تم تسجيل البيان بمبنى وزارة الدفاع وتم الأتفاق على أن يقوم اللواءأسماعيل عتمان بتوصيله للتليفزيون وعملوا منه نسختين للطوارئ وكان الكلام ده الساعه 4 عصرا

لاتزال الجماهير فى الشارع والقصر الجمهورى محاصر وسوزان لاتزال فى القصر ومعها أبنها فماذا حدث هذا موعدنا معه فى الحلقه القادمه متى شاء الله

جنرال بهاء الشامى