الساده المسافرين والمسافرات على متن طائرة (( فريق مصر أم
الكون )) التاريخيه رافقتكم السلامه فى الرحله رقم 6 ومطار أم الكون الدولى يتمنى
لكم رحله
سعيده
عبر التاريخ لذا نستسمحكم للأقلاع الفورى ربط الأحزمه وعدم التدخين وأغلاق
الموبيلات
توقفنا فى الحلقه السابقه عند ماحدث يوم 5 أكتوبر مساءاً فقد
ترأس السادات أجتماع أخيراً للقياده العامه العسكريه فى مقر العمليات المركز رقم
10 على طريق القاهره السويس وهو احد المراكز القياديه السريه وقتها وكانوا بيطلقوا
عليه مركز الأعصاب وحضر الشاذلى الأجتماع بعد مرور تفقدى على وحدات الأمداد
والتموين صباحاً للأطمئنان على مخزون الجيش أما الجمسى فقد زار الجبهه الأماميه
وسأله السادات ولاد الكلب عرفوا حاجه فرد الجمسى مفيش أى دلائل تدل على أنهم عرفوا
وحتى لو عرفوا الآن فقد فات الآوان
على بركة الله فرد أسماعيل على خيرة الله فقال باقى القاده
المجتمعين توكلنا على الله وهنا حب السادات يطمن القاده وقال لهم حكون معاكم بكره
فى أولى مراحل الضربه ثم أترككم فى المساء لأدارة المعركه السياسيه وأنتم تمشوا
حسب الخطط الموضوعه وحسب ماتمليه علينا التحركات على الأرض لكن اللى عاوزكم تعرفوه
أن اللى حصل فى 48 مش حيتكرر وقف اطلاق نار وعوده ثم وقف اطلاق نار ثم عوده مافيش
هدنه معاهم من أى نوع إلا لما نحقق اللى عاوزينه (( وخلى دى معاك حنعوزها لما نرد
على محمد حسنين هيكل علشان تبقى فاهم أنا ليه أستبعدت 3 كتب كتبها عن حرب أكتوبر
كمصادر للسلسله ))
شغلكم وتضحيات ولادنا على الجبهه هو اللى حيدينى الدفعه
ويوقفنى على أرض صلبه فى المعركه السياسيه ولازم تعرفوا أن المعركه السياسيه اللى
حيحدد مقوماتها وقوتها شغلكم بكره
اللى يعرف يسرق له ساعة ينامها الليله يعملها قدمنا بكره يوم
رهيب رهيب وكانت دى آخر كلمات قالها السادات لقادة الجيش (( حد بقى فى وسط الزحمه
دى يقولى كان فين صاحب الضربه الجويه اللى فلق دماغنا بيها ))
غادر السادات مقر قيادة الأعصاب المقر رقم 10 متوجها لقصر
الطاهره اللى حوله السادات لثكنه عسكريه لأدارة المعركه ومركز قياده آخر يشرف عليه
العقيد عبدالرؤف رضا وتكليف المهندس عبدالفتاح عبدالله وزير الدوله لشئون رئاسة
الجمهوريه بتنسيق الأتصالات بين القيادات السياسيه والقيادات العسكريه وتسجيل
وقائع يوميات الحرب بنفسه وهنا عاوز أقول كلمه وأتمنى المتابعين يفهموها ومن غير
ماحد يحرف كلامى
حاولت بقدر المستطاع البحث عن أى كتابات أو مذكرات أو أى شئ
يتعلق بهذه اليوميات وفشلت والشئ الوحيد اللى عرفته من المهندس عبدالفتاح عبدالله
على الأنترنت أن الصوره التى تم ألتقاطها للسادات مع قادة القوات المسلحه فى مركز
العمليات مركز الأعصاب لم تحدث وقتها لأنه كان ممنوع وقتها دخول دبانه غرفة
الخرائط لكن الصوره ألتقطت بعد كده فى مبنى وزارة الحربيه بعد الحرب مباشرةً وعلى
العموم فريقى بيحاول يجمع معلومات عن الراجل ده علشان نحاول نستعين بيها فى باقى
السلسله
فى قصر الطاهره اللى زى ماقلتلك تحول لثكنه عسكريه حاول
السادات ينام واخد مهدئ لكنه فشل فى النوم
قبل الفجر وصل السادات تقرير من المخابرات الحربيه والمخابرات
العامه مضمونهم بيقول أن أسرائيل عرفت أن فيه حرب من خلال رصد لتحركات القوات
الأسرائيليه وتعالى نشوف إيه اللى كان فى التقرير والتوصيات اللى فيه :
القوات البريه :
** رصد للعدو تجمع قوة 2 لواء أحدهما مشاه فى نقطة بير سبع
** رصد للعدو تجمع 2 لواء غير مميز فى منطقة شمال إيلات
** دعم العدو النقاط القويه فى جنوب سيناء مع إحتمال تدعيم شمالل سيناء بلواء
رصد لاسلكى
** جرى تنشيط نقاط المراقبه الليليه والنهاريه
القوات البحريه :
** جرى أنتشار القوات البحريه فى موانى العدو فى البحر الأبيض المتوسط
** حدث تكثيف عمليات التأمين البحرى والدوريات البحريه وخاصه فى منطقة خليج
السويس وخليج العقبه
** تم دعم ردارات الأنذار البحريه الأسرائيليه وخصوصا فى منطقة خليج السويس
قوات الدفاع الجوى :
** تم دعم مواقع صواريخ الهوك فىسيناء بـ 2 موقع جديد لتصبح 15 موقع
** تم دعم شبكات الأنذار الجوى فى سيناء
القوات الجويه :
** تقرر وقف الطيران المدنى الداخلى والخارجى فى أسرائيل أعتبارا من يوم 5
أكتوبر وحتى مساء يوم 6 أكتوبر (( خلى دى معاك حنرجع لها ))
** تم دعم مطار المليز بسيناء
** تم أختبار مطار تماده بسيناء
** جرى تنشيط الأستطلاع الجوى الألكترونى للجبهتين المصريه والسوريه
التوصيات والملاحظات :
** وضح من نشاط العدو وأجرءاته المختلفه توقعا من جانبه لأحتمالية قيام حرب
على الجبهتين المصريه والسوريه
** من المنتظر أن يقوم العدو بإستدعاء قوات الأحتياط فى موعد غايته قبل نهاية
يوم 7 أكتوبر وتعتبر القوات الجويه الأسرائيليه حاليا جاهزه ومستعده لتنفيذ مهام
العمليات
** من المنتظر أن يكثف العدو من نشاطه المخابراتى وتنشيط وسائل لأستطلاعه
لمتابعة الموقف بدقه على الجبهتين
أنتهى السادات من قراءة التقرير ثم أعاد قرائته مره أخرى وفهم
من التقرير أن إسرائيل عرفت ميعاد الحرب وحط خط تحت جملة جاهزية القوات الجويه
لتنفيذ مهام العمليات أى نعم السادات حقق سبق على الأرض لكن كان خوفه من توجيه
أسرائيل ضربات جويه أجهاضيه زى ماقال للشاذلى وبدأ الموضوع ده يعمله قلق وفضل طوال
الوقت مستنى حد يقوله أن الطيران الأسرئيلى بيضرب فى قواتنا غرب القناه قبل ساعة
الصفر وخصوصا أن التقرير أكد على النقطه دى والشاذلى حاول يطمنه لكن تفوق الطيران
الأسرائيلى كان عامل للسادات هواجس وطبعا الضربات دى محصلتشى زى ماعرفنا بعد كده
لكن علشان نعرف محصلتشى ليه تعالى نشوف اللى حصل فى أسرائيل فى الليله السودا دى
على دماغهم وقبل ماحد من بتوع الفيسبوك يشمر كمامه ويقولى أنت كنت مركب كاميرات فى
أسرائيل حاكم الكلام الخايب مفيش أسهل منه حقوله أرجع لمذكرات جولدا مائير وموشى
ديان وكتاب حروب مصر فى الوثائق الأسرائيليه ولا حضرتك متعرفشى أن فيه أختراع أسمه
كتب
لما نرجع لدراسات الدكتور مايكل بريشر أستاذ العلوم السياسيه
الأمريكى وكتابه صنع القرار فى إسرائيل اللى صدر عام 1980 ومنصحكشى تقرأ هذا الكتاب
لأنه 3500 صفحه والكتاب أستغرق منى لوحدى بعيدا عن فريق مصر أم الكون 9 أيام أثناء
فترة أنقاطعى عن الأنترنت والكتاب موجود بصيغة PDF على موقع البرامج الخاص بى لكن مساحته
رهيبه بالنسبه لمساحة الكتب الألكترونيه 187 ميجا حتعرف من الكتاب أن صناع القرار
فى أسرائيل أثناء فترة حرب أكتوبر هى أمرأه واحده هى جولدا مائير وخلفها 10 رجال
هم
:
** الجنرال موشى ديان وزير الدفاع
** الجنرال بيجال آلون نائب رئيس االوزراء ووزير التعليم
** الجنرال يزرائيل جاليلى وزير الدوله
** الجنرال دافيد بن اليعازر رئيس الأركان
** الجنرال الياهو زايير رئيس المخابرات الحربيه
** الجنرال بينامين بيليد قائد الطيران الأسرائيلى
** الجنرال يزرائيل تال نائب رئيس الأركان
** الجنرال هوفى عازرا مسئول القياده الشماليه
** الجنرال موردخاى جازيت مدير مكتب رئيسة الوزراء
بسم الله ماشاء الله أكبر.... إسرائيل من دول الديمقراطيه كل
اللى بيديروها عسكر ومشفناش نحانيح عندهم قالت عسكر مايحكمشى
■■ لكن بقى أزاى كل دول محدش فيهم عرف يتصرف فى كل المؤشرات التى وصلتهم بوجود
تحركات عسكريه ومدنيه على الجبهتين المصريه والسوريه ده اللى حنعرفه فى الرحله
القادمه لأن وقودنا يالعافيه يكفى للهبوط لأعادة التزود لأستئناف الرحله مع
جنرال بهاء الشامى
■■ قبل السرد والغوص فى الحقائق أرجوك تستحضر عقلك بالكامل مع كل كلمه وكل حرف لأنى سأعرض أمامك الحقائق والتقارير وعلى حضرتك فى النهايه...
جميع مقالات الجنرال بهاء الشامى مجمعه أسرار مجهوله أضغط هنا الأخوان والجيش والثوره أضغط هنا الأوليجاركيات الهوهواتيه الأخو...
أولا : قوانين الفريق نشاطنا الرئيسى خارج الفيسبوك من خلال المدونه وإقامة الندوات العامه بمحافظات الوجه البحرى مالكشى صالح بأسمى أو ...
سنرد اليوم على مقولة بص لأيام الملكيه وحكم الملك فاروق وحكم العسكر وقبل السرد لابد لنا ان نوضح كلمة عسكر فكلمة عسكر معناها أن مجموعه ...
بعد الهجمه الشرسه التى تعرض لها المقال المحذوف نعيد نشر المقال على المدونه ولن نتوقف ولن يوقفونا بعد أن كشفناهم ونقول لهم كانوا ...
■■ بسم الله الرحمن الرحيم واللهم ألهمنا الصواب والحياديه ووفقنا فى سرد هذه النقطه الحساسه وأكفنا شر المغرضين والمشككين ومن ل...
أولا قبل السرد يعتبر هذا المقال من أخطر ماكتبت على السوشيال ميديا وحبدأه بطرح بعض الأسئله ليه أى ساكن حدود أى دوله فى العالم متمس...
بسم الله الرحمن الرحيم الله شاهداً والحاضرين معنا فى هذه الجلسه العصيبه ويعلم الله والحاضرين كم تحملت على أعصا...
نعم أعترف أن السيسى فاشل وبجداره منقطعة النظير فقد فشل فى أرضاء منتقديه فى كل تصرفاته وزى المثل البلدى مابيقول لاكده عاجب و...
هل فعلا أعدموا صدام حسين وهل فعلا تم شنقه هذا ماسنجيب عليه فى هذا المقال بالعقل والمنطق والمشاهدات والقرائن وأترك الحكم فى النهايه لعقلك ...
ليست هناك تعليقات:
إرسال تعليق