الموقف الأسباجتى رقم 16

حضرتك عاطفى أو عروبى أو من مخلفات الحقبه الناصريه أو لابس نظاره مقاسات مش مظبوطه ورؤيتك ضعيفه ومهببه  أرجوك لاتقرأ هذا المقال وأبتعد عنه

دخلنا فى السنه السادسه وأحنا بنقول ياخلق الله أمريكا وأيران روحين فى ذكيبه ولما تحلل يكون تحليلك على هذا الأساس لأن البراهين تحددها المعطيات وقلتلك مش معقول أمريكا كورديا وأيران شقلبتها فى العراق غصب عنها

بقراءة المشاهد والمعطيات والتاريخ والأطلاع على البراهين ستخرج من اللوحه السياسيه للوطن العربى أن أمريكا بتسعى جاهده لخلق صراع طائفى فى المنطقه بين مذهبى الأسلام بتأجيج الصراع

الناس بتستغرب أن اليابان بعد هزيمتها فى الحرب العالميه التانيه أزاى عادت بقوه وأزاى عرفت تقف على رجليها وأنا حقولك على السر الرهيب أن اليابانيين أعترفوا بهزيمتهم وأحترموا قوة خصمهم وأستعملوا عقلهم بعكس السعوديه التى لاتريد أن تعترف بهزيمتها فى العراق واليمن ولبنان وجارى هزيمتها فى سوريا وأديك شفت نتيجة أنتخابات لبنان الأخيره بتعلن عن أنتهاء دور السعوديه فى لبنان وتعالى نمسك ملف ملف علشان متتكعبلشى منى لأن أنا أساسا متكعبل وبحاول أفك نفسى بالعافيه

أمريكا بتلعب فى المنطقه وبتستعمل السعوديه بكل غباء وعرفت أمريكا بذراعها السعودى وعرفت بفلوس السعوديه وتمويلها السخى تهزم الأتحاد السوفيتى فى أفغانستان وتفتت الأتحاد السوفيتى وتصبح شرطى العالم على قفا السعوديه وأول ماأستقوت كان على قفا السعوديه

فى الملف العراقى تكرر نفس المشهد ومن قواعد فى السعوديه وبأموال السعوديه عرفت تلتهم العراق وتسلمها لأيران على طبق من ذهب

عرفت تورط السعوديه فى الملف اليمنى بإحترافيه عاليه وغباء سياسى منقطع النظير وكأن القدر يريد أن ينتقم لعبد الناصر والمصريين عما فعلته السعوديه ضد مصر فى حرب اليمن 1966_ 1967 وكانت السعوديه سبب مباشر فى هزيمة العرب فى حرب يونيه 1967  ومش حتطلع السعوديه من وحل اليمن إلا مكسورة الجناحين والديل  ومحطمه ...  وإلا قولى ليه أمريكا سايبه الملف اليمنى وعامله نفسها على الحياد بالمقارنه لموقفها من الملف السورى لأنها عارفه أن ملف اليمن سينتهى لصالح إيران وأن أيران موقفها فى اليمن أقوى لأن معاها أولاد البلد وأصحاب المكان والسيسى بنفسه أعترف بكده فى خطابه فى القمه العربيه الأخيره 


خد معاك المقال ده حيوضح الملف اليمنى

https://www.facebook.com/photo.php?fbid=538468636339770&set=a.252455454941091.1073741828.100005299154324&type=3

يارب ماحد يقع من طوله وهو بيقرا المقال المهبب ده

كان الملف اللبنانى بتاع السعوديه خالص مخلص ومقشر لكن بنفس الغباء وحذرت على الصفحه هنا أن قرارات السعوديه بخصوص لبنان فى 2015 و 2016 ستؤدى لضياع لبنان لصالح إيران وقد حدث بالفعل وحزب الله أكتسح الأنتخابات اللبنانيه الأخيره وضاعت لبنان للأبد من السعوديه والسيسى حاول يرقع الملف ده لكن غباء السعوديين لاحدود له

أنت شايف بنفسك الملف السورى السعوديه بتعمل فيه إيه وبتصرف على ضربات أمريكا لسوريا وأى عاقل عارف أن أيران على الأرض فى سوريا هى الفاعل الرئيسى وكل باقى الأطراف عساكر شطرنج وروسيا بتخلص فى الملف السورى لصالح أيران فى العام والكوكتيل وستخرج السعوديه من سوريا خاسره وحتستلمها أيران مقشره

ربنا يكفيك شر الفلوس لما تبقى مع غبى وأمريكا نجحت بفلوس كطر أن تخلق الفوضى من عام 2004 فى دول الربيع العربى ووصل اليمين الدينى السنى للحكم فى مصر وتونس وعندما شعرت السعوديه فى لحظه لن تتكر بخطر الأخوان وقفت ضد الأسياد الأمريكان مؤقتا فى الملف المصرى وساندت أنتفاضة 30 يونيه لكن سرعان ماأستطاعت أمريكا ترجع السعوديه لغبائها الطبيعى وكانت حادثة أرامكوا ثم كان فتح جرح قديم بملف تيران وصنافير لكن الأداره المصريه فهمت اللعبه وبدأت تراوغ فى الملف التانى وأستعاضت عن الملف الأول بمصادر أخرى وأجهضت السعوديه مشروع السيسى وهو لسه فى بطن أمه  فى 2015 ورفضت أنشاء جيش عربى موحد لمكافحة الأرهاب ورجعوا من كامب ديفيد من عند سيدهم أوباما وأنشأوا الجيش بتاعهم اللى فشل قبل أن يولد لتعدد الأيدلوجيات ووضحت النقطه فى مقالات كتيره قبل كده

لم تكتفى السعوديه بكل هذا وذاك بل أعلن وزيرهم الجبير أعترافه ببنود أتفاقية كامب ديفيد اللى عارضوها قبل كده وجوعوا المصريين وحاصروهم بسببها والأدهى من ذلك وعلى لسان الجبير أنه أعلن أن وضع تيران وصنافير لو أسرائيل ساعدتهم سيظل كما هو وطلب مساعدة الأسرائيلين ضد مصر فى ملف تيران وصنافير لكن لازال السيسى يلاعبهم بهذا الملف مره بورقة خالد على ومره بالمماطله والتسويف وقلتلك أيامها السيسى لو كان عاوز يسلمها كان سلمها من وقتها لكن السيسى سياسى على كيفك وعارف أنه بيلاعب أغبياء وجهلاء فى أيديهم فلوس لو أنفقوها على التنميه فى المنطقه لأمتلكت دول الخليج العالم كله لكن اللى حاصل أن فلوس السعوديه بتترمى فى حجر تجار السلاح وهما يعلوا وأحنا نوطى ونفلس بفلوسنا

الملف الليبى كان رايح فى 600 مصيبه لولا أنتفاضة 30 يونيه وعرف السيسى يطلع الأمارات والسعوديه وكطر وتركيا  من الملف الليبى رغم قلة الأمكانيات

السعوديه بنظره سريعه بتلعب لصالح الأمريكان بفلوس السعوديه وأيران تستلم من الأمريكان على المفتاح

تعالى بقى نشوف قرار ترامب بالأنسحاب من الأتفاقيه النوويه الأيرانيه أو كما يطلق عليه أتفاق 5 + 1

الأيرانيين صيع مفاوضات ونفسهم طويل جدا لكن مش أطول من نفس السيسى لذلك أيران بتحترم السيسى وفريقه جدا ووسط الضجه اللى حصلت أمبارح بولتون مستشار الأمن القومى الأمريكى يعنى أحد العاملين فى مطبخ قرارات الأمن القومى الأمريكى قال لدينا أستعداد لمفاوضات موسعه بشأن الملف النووى الأيرانى ولما يقول موسعه يعنى مع الدول القديمه فى الأتفاق اللى هى معترضه على الأنسحاب وطبعا أيران بتحكها أن الأتفاقيه أخذت الصبغه الدوليه بإعتمادها من مجلس الأمن الدولى

يبقى اللى حيحصل أن حنرجع تانى للمربع صفر ونتفاوض من جديد علشان منزعلشى الدول الموقعه ومنزعلشى مجلس الأمن بتاعنا

يبقى أنا كأمريكا رجعنا الملف للمربع صفر وكده محدش حيقدر يراقب أيران وتبقى عندها فرصه تخصب اليورانيوم وتنتهى من صناعة رؤوس نوويه على بال المفاوضات ماتخد وقتها سنه ولا أتنين ويبقى أنا كده راضيت الأسرائليين وقلبت قرشين من دول الخليج تمن الأنسحاب اللى فرحوا بيه ورفعت الرقابه عن مراقبة المفاعلات الأيرانيه ومكنت أيران من الأنتهاء من برنامجها النووى

طبعا حترجع أمريكا تفرض حصار أقتصادى تانى على أيران علشان أردوخان يرجع يخترقه وخزينته تنتعش ويقدر ينقذ تركيا من الأنهيار الأقتصادى وهنا ترامب بيدغدغ مشاعر أردوخان تانى علشان يخليه يستغنى عن الدب الروسى بعد مافشل معاه بالقوه

فكك من كلام وهيجان الصحافه العربيه الهبله أيران وأمريكا والدول الراعيه حيرجعوا تانى للترابيزه علشان يرفعوا المراقبه علشان إيران تعرف تخلص مشروعها علشان محدش من الجرابيع العرب يقول أخص عليكى ياماما أمريكا سبتى أيران تخلص مشروعها وبعد ايران ماتخلص يوقعوا أتفاقيه جديده ويغيروا كام كلمه ذراً للرماد فى الأتفاقيه الجديده علشان العرب مايخدوش بالهم جتهم الخيبه على بالهم  اللى غالبا سيتم توقيعها فى منتصف 2020

هوبا كده بقى أيران وحش كاسر وعرفت تحاصر العرب من كل مصيبه ويزداد العرب فى شراهة أستيراد السلاح من تجار السلاح وكله بيصب فى جيب تجار السلاح وهوبا يقع المذهبين فى بعض وتقوم حرب طائفيه بين المذهبين لصالح اليهود لكى تمهد السعوديه المنطقه بفلوسها وغبائها لحرب نهاية الكون التى سيتحد فيها الجيش المصرى والجيش التركى بعد رحيل أبن تنزيله  وستكون فى سيناء وجبال الأردن

الأقدار تسوقنا بسرعه لنهاية العالم بغباء آل سعود المتوارث وليس هناك حل سوى مافكر فيه عبدالناصر بتغيير نظام الحكم فى الحجاز وتحويل نظام الحكم لجمهورى لذلك ناصبت السعوديه العداء الخفى لعبد الناصر وأستطاعت هزيمته فى أكتر من جوله وأكاد أجزم أن شعوب المنطقه كلها تدفع ثمن جلوس آل سعود على كراسى الحكم 

من المؤسف والمخزى ويصل لمرحلة العار أن تتوافق المصالح السعوديه مع الأسرائيليين اللى جوعوا المصريين لما قعدوا يتفاوضوا على رجوع حقهم

ياساده ياكرام ترامب أقتصادى صايع ومخضرم وبيلعب على عيل صغير نفسه يقعد على كرسى حكم السعوديه وعمال يلطش بيه فى المنطقه والوله ماشى وراه زى الأهبل ومش مهم أى حاجه المهم يقعد على الكرسى والحل الوحيد فى أيد السيسى بشرط العيال تسمع الكلام

جنرال بهاء الشامى