الظالم والمظلوم رقم 17

دعوه مفتوحه لأصحاب العقول المستنيره ومن يبحثون عن الحقيقه مع فريق مصر أم الكون لنبحر سويا بطريقة الفلاش باك فى أعماق التاريخ لنستخرج الحقائق ونعرف مالم نحط به علما حينها

كنت كلمت حضراتكم على واقعة الكاكاو فى المقال رقم 1 من سلسلة مقالات اللامعقول فى عالم العقول ومنها نستخلص أن عمل المخابرات لايوجد بها مصطلح صديق أو عدو فاأنت تعامل كجهاز مخابراتى الجميع على قدر سواء من منطلق معيار الضرورات تحددها المخابرات وتستبيح كل وأى شئ فى سبيل تحقيق مصالح بلدها سواء على الصعيد السياسى أو العسكرى أو الأقتصادى أو المعلوماتى

لتحقيق أهدافك على أى صعيد فأنت محتاج أنت تعرف مايدور خلفك وأيضا مايدور خلف  الأبواب المغلقه وهو مايطلق عليه فى عالم المخابرات التجسس ومن أهم أساليب التجسس لمعرفة مايدور خلفك هو التجسس على الأتصالات الخاصه أو المحادثات الفرديه علشان بس تبقى فاهم ليه كل برامج المحادثات مليئه بالثغرات

 بدأت مخابراتنا فى عهد صلاح نصر تستعين بأدق وأحدث الأجهزه للتصنت على أتصالات من تحوم حولهم الشبهات وليس كما أشيع وروج أن مخابراتنا كانت تتجسس على الشعب كله لأن الشعب كله مكانشى عنده تليفونات وقتها ويكفى أن تعرف أنك علشان تراقب شخص فأنت محتاج لأكثر من شخص على مدار اليوم علشان تراقب تليفوناته وبريده وتحركاته يعنى علشان تراقب شخص على ثلاث محاور فأنت محتاج لـ 9 أفراد على مدار 24 ساعه فهل كان عدد مخابراتنا وقتها يسمح مثلا بمراقبة مليون خط تليفون فهل المخابرات كان عندها 9 مليون لمراقبة التليفونات فقط لكن هى دى العاده الكدبه تنتشر زى الصاروخ والحقيقه لاتجد من يرددها وقليل من يصدقها رغم منطقيتها عقليا ومعلشى عاوزك تركز معايا فى الجزئيه دى لأنها أحد الأتهامات الموصومه بالعار التى حاولوا ألصاقها بمخابراتنا فى شخص صلاح نصر 

حنيجى لعملية مراقبة التليفونات وبيكون عندى تحريات عن شخص معين تحوم حوله شبهات عماله لجهات أجنبيه فبيتم إدراجه على قوائم المراقبه ويتم تحديد أطقم المراقبه وتسجيل المكالمات وكان وقتها بيتم تسجيلها على شرائط والى فيها معلومات يتم الأحتفاظ بها واللى عادى بسجل عليها مكالمات تانيه لأنى معنديش مكان أو أمكانيات وقتها لكل الهيصه دى لكن الحمله وقتها كانت على صلاح نصر شرسه وكأن صلاح نصر هو من أبتدع المراقبه التليفونيه وكأن بوليس الآداب مثلا لايقوم بذلك فهل بوليس الآداب يسجل مكالمات سيدات مصر كلها أم التى تحوم حولها الشبهات وأيضا شرطة مكافحة المخدرات وعلى نفس القياس قيس كل الأجهزه الأمنيه  وجعلوا الشعب وقتها ينسى تماما أن ده عرف أمنى عام فى كل دول العالم وصوروا الأمر على أن المخابرات العامه للتجسس فقط على الشعب المصرى لصالح صلاح نصر 

وطبعا كلنا شفنا تركيز الأفلام على هذه اللقطات ولم يكلف أحد نفسه أن يحسب تكلفة مراقبة فرد واحد فما بالك بمراقبة مصر كلها لدرجة روجوا الشائعات وقتها (( خل بالك الحيطان لها ودان )) ليوحى لك أن مخابراتنا مركبه أجهزة تصنت فى كل مبانى مصر ولم يكلف نفسه أحد أن يقول لنا من أين تأتى بميزانيه لتركيب سماعت فى كل جدران مصر فى وقت كنا بنسعى للتفاوض على قرض صندوق النقد الدولى ويكفى أن تعرف أن المخابرات المصريه بعد أنتشار التليفون وقتها أبتعدت عن مراقبة التليفونات بعد أن لوحظ أن العملاء يهربون من المحادثات التليفونيه ويلجأون لأجهزة أتصال مباشر أو شفرات لاسلكيه معقده

ربك والحق أنتشرت الشائعات وقتها والناس بقت تخاف تتكلم فى التليفونات فى أى أسرار وحتى أسرار العمل بين الموظفين وبدأ المصرى بطريقته يخترع شفرات للحديث فى التليفونات زى مثلا بعض الكلمات اللى متذكرها وأعتذر عن كتابتها زى الكنوسه وكان مقصود بها العضوى التناسلى الأنثوى والمحز كأسم مستعار للعضو التناسلى  الذكرى وكانت فيه بعض الجمل المشفره شعبيا زى الحباش والمداميك والقوايم (( الشاى والطعام والفلوس )) وبدأت الشلل على القهاوى كل شله تعمل لنفسها شفره معينه خاصه بأعضاء الشله وأنتشر الرعب بين كل طوائف الشعب حتى لاحظت المخابرات العامه ذلك وأكتشفت شبكة جواسيس كبيره جدا فى مصر مهمتها بث هذه الشائعات فيما سمى بقضية الأتصالات وطبعا المصرى من يومه أسطوره  ويحب يظهر أنه من العالمين ببواطن الأمور زى الموضه والكارثه اللى ماشيه دلوقتى على مواقع التواصل الأجتماعى حتى أصبحنا كلنا وكالات أنباء وكلنا رجال مخابرات وكلنا نعرف مايدور خلف الغرف المغلقه وتحول الشعب المصرى كله بقدرة قادر لجهاز مخابرات عامه وشفنا على الفيسبوك كلنا ظاهرة أنتشار صفحات الغلبه لمن يملك الزتونه والعبره بالخراطيم وصاصا راجع ولبؤة حورس وكناصة الصراصير وكناص البراغيت وصائد الفيران والهجاص الغامض وغفير الأهرامات وفاضح الأسرار وفارس بلا حمار والحاضر الغائب من الفصل وحارس البتنجان  وكلنا رجال الطرشه ومحسن بيه منفاخ ومحمد فشيخ  و تعلوب تعاليبو والحرامى علاء الدين

لابد أن نعترف أنه سيكولجيا لابد أن تنتشر هذه الأساطير لما يحيط من سريه بالغه وغموض عن هذا العالم الغامض وعدم معرفة الشعب بطبيعة عمل هذه الأجهزه وأختصاصتها أو طرق عملها ولم يكلف نفسه أحد أن يقرأ فى هذا العالم الغامض

الشئ بالشئ يذكر أيضا أن هناك خلط كبير جدا بين عمل أجهزة المخابرات العسكريه والمخابرات العامه فالمخابرات العسكريه وركز معايا الله يرضى عليك  مهمتها الأساسيه جمع المعلومات عن البناء الحربى والعسكرى لأى عدو محتمل أو عدو واقعى وكذلك خططه الحربيه وجداول تنظيم القوات المسلحه يعنى بتفصيل أكتر عدد وتفاصيل وأماكن تمركز كل من القوات البحريه والجويه والمشاه وتحركتها أن وجدت وتسليحها وصفقات السلاح المعلنه والسريه والمطارات والمخابئ وقواعد الصواريخ وأسماء الطيارين والملاحين والظباط ورتبهم وتاريخ حياة كل ظابط فى جيش العدو أو عدو محتمل يعنى علشان تبقى فى الصوره المخابرات العسكريه المصريه مثلا عندها سجلات بأسماء ورتب وتاريخ كل ظباط جيوش المنطقه يعنى لما تقول الظابط الفلانى من الدوله الفلانيه بعد دقيقه يكون قدامك كل شئ عنه وتفاصيل حياته وبيحب إيه وبيكره إيه ونقاط ضعفه وتدريباته والفرق اللى حصل عليها والتدريبات والدورات زى ماتكون فيلم تسجيلى لحياة أى ظابط فى المنطقه ويقوم عمل المخابرات العسكريه فى المقام الأول على عمليات حسابيه معقده جدا علشان أوصل لمعلومات مؤكده عن جيش العدو أو عدو محتمل وطبعا أى خطأ مش حقولك يامعلمى بيؤدى لكوارث ويعمل خلل فى أتخاذ القرار لأنك ممكن تفاجأ بعكس الأرقام الموجوده قدامك لذلك كل دوله بتحاول تخفى أسرارها العسكريه الرقميه لكن عندنا ماشاء الله عساكرنا وهى قاعده فى المواصلات بتقول كل اللى تعرفه عن جيشنا من باب الفشخره ولازم القطار أو الأتوبيس كله يعرف أن الدفعه بتاعنا فى الوحده رقم كذا جيم كذا دبابات أو مدرعات وعندنا كام عسكرى وكام ظابط وكام صف ظابط وعملاء العدو كل ماعليهم أنهم يركبوا الموصلات ويدردشوا مع العساكر وأول ماتتكاله على الزرار تكون قدامك كل المعلومات اللى عاوزها عن وحدته  وخد معاك فيديو صغير جدا لمهام المخابرات العسكريه

https://www.youtube.com/watch?v=MqvqbQTIrLk

مش عاوز أقولك على حاجه أسمها الجيوش السريه نبقى نتكلم فيها بينى وبينك  فى مقال خاص بالتفصيل وهى ظباط مش خريجى كليات حربيه وبياخدوا دورات عسكريه سريه على أعلى مستوى بحيث لو قامت حرب بستدعيهم وأفاجأ بهم العدو لأنه عامل حسابه على عدد معين ويفاجأ أنى عندى أضعاف هذا العدد وده عرف معمول به فى معظم جيوش العالم المحترفه بجانب مهمه أساسيه للمخابرات العسكريه وهى التقديرات العسكريه والتوقعات والأحتمالات وفى الجزئيه دى بيكون فيه تنسيق بينها وبين المخابرات العامه وبيزيد التعاون بشكل ملحوظ أو شكل أندماجى فى أوقات العمليات العسكريه يعنى ممكن المخابرات العامه تحصل على معلومات تفيد بتحركات توحى بعمل عسكرى وشيك نتيجة مثلا تحرك نشط لبعض العملاء

أصابعى بدأت تؤلمنى لا أصابكم الله بمرض أو ألم  فى أجسادكم وأشكر من قلبى الرجل الذى يقوم على رعايتى وعلاجى وأتمنى يجى اليوم اللى الناس كلها تعرفه ولم يحدد لى بعد نوع العلاج الطبيعى فأستسمحكم أنهاء الحلقه على وعد بلقاء متى شاء الله

جنرال بهاء الشامى