الجنرال وأفشوخاى أدلعدى فى ذكرى حرب أكتوبر

 

كان وعد بلفور المشئوم تاريخ فاصل فى حياة المنطقه بعد أن أعطى من لايسيتحق مالايستحق ومن يومها لم تهدأ المنطقه حتى يومنا هذا وهذا قدرنا

 

كانت هناك بيننا وبين من لايستحق جولات أنتصروا فى بعضها نتيجة عوامل خارجيه لاتعبر عن معدن المصريين الحقيقى وكانت آخر جوله عسكريه مكلله بالنصر لنا وعودة حقنا لكننا كل عام يطالعنا الحاج أفشوخاى أدلعدى بمنشورات فيها إيحاء بالأنتصار رغم إعتراف قادتهم وإعتراف تحقيقات لجنة أجرانت

 

  
يوم 6 أكتوبر عام 1973م كان نقطة فصل فى تاريخ المنطقه العربيه والعالم


أولاً :

 

حرب غير متكافئه بإعتراف جميع المراكز العسكريه المتخصصه وبالرغم من كده طلع الطرف الأضعف (( تكنولوجيا وتسليحياً ومادياً مش عدديا أو معنويا )) كسبان الأرض

 

 

الجيش الإسرائيلى كان متقدم عننا بحوالى 5 خطوات فى التكنولوجيا و التسليح ووسائل جمع المعلومات ويمتلك أقوى جههاز مخابرات عسكريه فى العالم والغريب أنك لما كنت تحاول تتطور نفسك الأتحاد السوفيتى كان بيمنعك علشان ليه تحارب و تحطه فى وضع محرج قدام أمريكا لو سلاحه أنهزم أمام السلاح لأمريكى وحسب أتفاق نيسكون وبرجنيف اللى حصلت عليه المخابرات المصريه وعرفه السادات وطرد بعده الخبراء الروس   وهو إبقاء الوضع على ما هو عليه

 

 

 طبيعى مش حتناخد سلاح يحفزك تهاجم لكننا هاجمنا بالميج 21 اللى متعرفش توصل لنصف سيناء و الدبابه تى 34 من مخلفات الحرب العالميه التانيه

ثانياً :

 

آخر حرب تقليديه فى الكره الأرضيه لأنها أُستخدمت فيها كل الخطط و الأسلحه والتكتيكات الممكنه وبين دولتين الخسائر توجعهم جدا إحنا الأقتصاد والتمويل وهما البشر لكن الحروب بعد أكتوبر كانت سيناريو واحد كانت بين دول عظمى و دول نص نص والسيناريو الدوله العظمى تتطحن الأضعف بالطيران و الصواريخ دون أى رد لحد ما تنهار وطبعا الخسائر للدول العظمى تعتبر ملالييم وأقل من حوادث الطرق عندها وعلى سبيل المثال (( حرب الخليج الأولى و الثانيه وحرب أفغانستان وضرب ليبيا و يوغوسلافيا ))

ثالثاً :

 

حرب أكتوبر أثبتت أن الأنسان هو اللى بيحرك الآله ويتحكم فيها ويستغلها مش الآله هى اللى بتحرك الأنسان وإسرائيل نظرا لضئالة تعدادها حتى الآن تعتمد على نوعية الحديد والصاج اللى عندها (( طائرات أحدث النظم بالعبيط  ودبابات بالكوم )) وأعتمادهم أى مشكله نحلها بالدبابه (( نهاجم _ ندافع _ نفض مظاهرات – نأدب حماس _ نجيب الخضار ))  على الجانب الآخر إحنا مكانش حيلتنا نجيب دبابات بالعدد أو التجهيز ده فأتجهنا أننا نلجأ لنظرية الدبابات المترجله لأول مره فى العلوم العسكريه  ونعمل الفرد قصاد الدبابه بصدره ونجحت النظريه وحتى الآن الفرد أبو (( آر بى جى )) بقى فيلم رعب لأى قائد مدرعه واللى شايل سام 7 يربك حسابات سلاح الطيران واللى مش مصدقنى يسأل الحاج عساف ياجورى

رابعاً :

 

حرب أكتوبر آخر حرب عربيه مشتركه ضد إسرائيل وظهر فيها حجم الرعب من إتحاد جيوش العرب ضد الدوله اللى تعدادها قد محافظة المنوفيه وثبت أن التهديد السورى أخطر بمراحل من المصرى لأن من الجولان تشوف وسط إسرائيل لكن القياده السوريه كانت ضعيفه ومتردده وعديمة الكفائه من القياده المصرية فمكسبوش حاجه نهائى فيما يطلق عليه عسكرياً اللا نصر واللا هزيمه دا غير القوات العراقيه اللى طيرانها ودباباتها راحت تنجد دمشق بعد فشل الأسد فى الجولان أما باقى الدول العربيه المغرب والكويت والجزائر وليبيا والسودان والسعوديه كانوا وحدات شرفيه بالرغم من محاولة كل دوله تعمل بطولات وهميه خصوصا وان النصر له ألف أب والهزيمه تولد يتيمه ويتبرى منها أهلها  

أيوه ياأفيخاى إحنا كسبناكم بإعتراف قادتكم وبإعتراف كل المعايير العسكريه وموشى ديان قال كان نفسى أسلم على المشير أحمد إسماعيل وجولدا مائير جالها القلب والسكر والضغط العالى وشارون عاش ومات مخصى أيوه يأأفيخاى إحنا رجعنا أرضنا و غيرنا معرفش  بس أنت عارف وزى ماقال عمك السيسى محدش بيرجعه أرضه وهو مهزوم

 

أى نعم فرشنا السكه من القاهره والأسكندريه وقويسنا وأسكندريه وأسيوط وأسوان والنوبه ومطروح لحد ممرات سيناء بدم شباب زى الورد  علشان يفرحوا أحفادهم ويعرفوهم أن أجداداهم لم يفرطوا فى أرضهم وعرضهم لكن رجعوها وصانوها بورقه رماها فى حجركم السادات وحرقها عبدالفتاح السيسى ومن حقنا نفخر بيهم كل يوم فى السنه وأنت ياأفيخاى جاى بتستهبل وتقولى أستوعبنا المفاجأه وكنا على بعد 100 كيلو من القاهره وموشى ديان كان وزير دفاعكم كان بيعيط لجولدا مائير ويقول لها أنجزى وقف إطلاق النار الوضع كارثى

 

عيب يافيخوو تبقى كداب وعيب تبقى مزور ولسه ناس من جيل أكتوبر لسه عايشه طيب أستنى شويه لما نموت

 

جنرال بهاء الشامى